రామగుండం ఎల్లంపల్లి ప్రాజెక్టుకు ఇన్‌ఫ్లో ఆదివారం పెరిగింది. ప్రాజెక్టు పూర్తి స్థాయి నీటి మట్టం 148 మీటర్లు కాగా ప్రస్తుతం 143.72 మీటర్లకు చేరింది. 10.193 టీఎంసీల నీరు నిల్వ ఉన్నట్లు ఫ్లడ్‌ మానిటరింగ్‌ అధికారులు పేర్కొన్నారు. ప్రస్తుతం ప్రాజెక్టులోకి 2,886 క్యూసెక్కుల ఇన్‌ఫ్లో ఉండగా ఎన్టీపీసీకి 242 క్యూసెక్కులు, హైదరాబాద్‌ మెట్రో సిటీస్‌కు 158 క్యూసెక్కుల నీటిని విడుదల చేస్తున్నట్లు వివరించారు.