కరీమాబాద్: వరంగల్ నగరంలో అక్రమంగా నిల్వ ఉంచిన గుట్కా నిల్వలను పోలీసులు పట్టు కున్నారు. స్థానిక ఎస్సారార్ తోట ప్రాంతంలోని ఓ ఇంట్లో గుట్కా ప్యాకెట్లు ఉన్నాయనే సమాచారంతో పోలీసులు దాడి చేశారు. గోనె సంచుల్లో నిల్వ ఉంచిన రూ.1.50 లక్షల విలువైన గుట్కా ప్యాకెట్లను గుర్తించారు. వాటిని సీజ్ చేసి, స్టేషన్‌కు తరలించినట్టు మిల్స్‌కాలనీ పోలీస్‌స్టేషన్ ఎస్సై శ్రీదేవి తెలిపారు. ఈ ఘటనకు సంబంధించి నిందితుల కోసం విచారిస్తున్నామన్నారు.