► విశ్రాంత ఉద్యోగులకు ఎస్పీ శ్వేతారెడ్డి కితాబు
 ► ఇండోర్‌ క్రీడల పరికరాలు ప్రారంభం
 
 కామారెడ్డి క్రైం(కామారెడ్డి) : కామారెడ్డిలో విశ్రాంత ఉద్యోగుల సేవలు అభినందనీయమని ఎస్పీ శ్వేతారెడ్డి అన్నారు. విశ్రాంత ఉద్యోగుల సంఘ భవనంలో గురువారం జిల్లా కలెక్టర్‌తో అందించిన యోగా, వెల్‌నెస్‌ కేం ద్రం, ఇండోర్‌ క్రీడా పరికరాలైన టేబుల్‌ టెన్నిస్, మల్టీజిమ్, సిట్‌అప్‌ చైర్‌లను ఎస్పీ శ్వేతారెడ్డి ప్రారంభించారు. అనంతరం సమావేశంలో ఆమె మాట్లాడారు. డీఎస్పీ కార్యాలయంలో ప్రతివారం నిర్వహించే కుటుంబ స్నేహిత్‌ కేంద్రంలో సమస్యల పరిష్కారానికి విశ్రాంత ఉద్యోగులు సహకారం అందిస్తున్నారని తెలిపారు.
 
 వృద్ధుల సంక్షేమం కోసం 2007 చట్టంపై విస్తృత ప్రచారం చేసి సమస్యల పరిష్కారానికి కృషి చేయాలన్నారు. డీఎస్పీ కే.ప్రసన్నరాణి, విశ్రాంత ఉద్యోగుల సంఘం అధ్యక్షుడు ప్రతాప్‌రెడ్డి, కార్యదర్శి వెంకటి, గౌరవ అధ్యక్షుడు భద్రయ్య, ప్రతినిధులు సాయాగౌడ్, యాదగిరి, నర్సయ్య, గంగాగౌడ్, కుతుబుద్దీన్‌ తదితరులు పాల్గొన్నారు.


 శ్రీకాకుళం అర్బన్‌: ప్రతీ సోమవారం విశ్రాంత ఉద్యోగుల గ్రీవెన్స్‌ సెల్‌ నిర్వహించనున్నట్టు ఏపీ ప్రభుత్వ విశ్రాంత ఉద్యోగుల ఎంప్లాయిస్‌ అసోసియేషన్‌ జిల్లా అధ్యక్షుడు టి.వీరభద్రస్వామి తెలిపారు. ఏపీ ప్రభుత్వ విశ్రాంత ఉద్యోగుల ఎంప్లాయిస్‌ అసోసియేషన్‌ ఆధ్వర్యంలో శ్రీకాకుళంలోని ఎన్‌జీవో కార్యాలయంలో సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ ఈ కార్యక్రమం శ్రీకాకుళంలోని ఎన్‌జీవో కార్యాలయంలో ప్రతీ సోమవారం ఉదయం 9.30 గంటల నుంచి మధ్యాహ్నం 12.30 వరకూ నిర్వహించనున్నట్టు పేర్కొన్నారు. ప్రభుత్వ విశ్రాంత ఉద్యోగులు ఎవరికైనా సమస్య వస్తే ఆ సమస్యను అసోసియేషన్‌ దృష్టికి తీసుకువస్తే సంబంధిత శాఖ వద్దకు వెళ్లి వాటి పరిష్కారానికి కృషిచేస్తామని తెలిపారు. దీనిని జిల్లాలోని పెన్షనర్లందరూ సద్వినియోగం చేసుకోవాలని కోరారు. ఈ సమావేశంలో  ఏపీ ప్రభుత్వ విశ్రాంత ఉద్యోగుల ఎంప్లాయిస్‌ అసోసియేషన్‌ జిల్లా ప్రధాన కార్యదర్శి పి.నర్సింహులు, కోశాధికారి బి.జయలక్ష్మి, సంఘ జేఏసీ సభ్యుడు డీపీ దేవ్, సంఘ సభ్యులు ఆర్‌.మోహనరావు, ఎస్‌.పి.సన్యాసిలింగం, బి.రామకృష్ణ, సవరయ్య, సూర్యారావు, మోహనరావు, తదితరులు పాల్గొన్నారు.