శ్రీకాంత్, సందీప్తి జంటగా అప్పాజీ కొండా దర్శకత్వంలో తెరకెక్కనున్న చిత్రం ‘సిరంగి’. పత్రి మాధ్య చార్య నిర్మిస్తున్న ఈ సినిమా హైదరాబాద్‌లో ప్రారంభం అయింది. ముహూర్తపు సన్నివేశానికి నిర్మాత పత్రి మాధ్య చార్య క్లాప్‌ ఇచ్చారు. ఈ సందర్భంగా అప్పాజీ కొండా మాట్లాడుతూ –‘‘మంచి కథ కుదిరింది. కొత్తవాళ్లతో మంచి ప్రయోగం చేస్తున్నాం. రెగ్యులర్‌ షూటింగ్‌ ఆరంభించాం. సెప్టెంబర్‌ 25కి షూటింగ్‌ పూర్తి చేస్తాం’’ అన్నారు. ‘‘సిరంగి’ కథ చాలా బాగా నచ్చింది. అప్పాజీ కొండా ఈ సినిమాని బాగా చిత్రీకరిస్తారనే నమ్మకం ఉంది’’ అన్నారు పత్రి మాధ్య చార్య. ఈ చిత్రానికి కెమెరా: ఎస్‌.వి. శివా రెడ్డి, సంగీతం: జయ సూర్య.


 తొలి సినిమా ‘1940లో ఒక గ్రామం’తో జాతీయ అవార్డు అందుకున్న దర్శకుడు నరసింహ నంది తెరకెక్కించిన తాజా చిత్రం ‘బుడ్డారెడ్డిపల్లి బ్రేకింగ్‌ న్యూస్‌’. ‘జబర్దస్త్‌’ అభి, సందీప్తి, ఫణి ‘జబర్దస్త్‌’, వరుణ్‌ కీలక పాత్రల్లో బూచేపల్లి తిరుపతి రెడ్డి నిర్మించిన ఈ సినిమా ఆగస్టు 4న విడుదల కానుంది. నరసింహ నంది మాట్లాడుతూ– ‘‘తెలుగులో ఇది వినూత్న తరహా చిత్రం.
 
 గేదెను హీరోగా చేస్తూ దాని ప్రాధాన్యతను ఈ సినిమాలో చూపిస్తున్నాం. మా సినిమా చూశాక జంతువులు, పక్షుల పట్ల ప్రేమగా, బాధ్యతగా ఉంటారు’’ అన్నారు. ‘‘కమర్షియల్‌ ఎలిమెంట్స్‌తో పాటు మెసేజ్‌ ఉన్న చిత్రమిది. పాటలకు మంచి స్పందన వస్తోంది’’ అన్నారు సంగీత దర్శకుడు సుక్కు. ఈ చిత్రానికి సహ నిర్మాతలు: పీఎల్‌కే రెడ్డి, పాశం వెంకటే శ్వర్లు, బజాజ్‌ బుజ్జి, ఆలేటి శ్రీనివాసరావు, బద్ధల హరిబాబు, ఎగ్జిక్యూటివ్‌ నిర్మాతలు: కులకలూరి రవిబాబు, రఫి, డేవిడ్‌ జేమ్స్, కెమెరా: మురళీమోహన్‌ రెడ్డి, పాటలు: డా. చల్లా భాగ్యలక్ష్మి.