లండన్‌: మహిళల క్రికెట్‌లో దశాబ్ద కాలానికి పైగా తన ముద్ర చూపించిన ఇంగ్లండ్‌ వికెట్‌ కీపర్‌ సారా టేలర్‌ (30) అంతర్జాతీయ క్రికెట్‌కు గుడ్‌బై చెప్పింది. కొంత కాలంగా భావోద్వేగాలను నియంత్రించుకోలేని ‘మానసిక బెంగ’తో బాధపడుతున్న టేలర్‌ ఇక ఆట తన వల్ల కాదని ప్రకటించేసింది. 17 ఏళ్ల వయసులోనే ఆమె 2006లో ఇంగ్లండ్‌ తరఫున అరంగేట్రం చేసింది. ఆ తర్వాత ఇంగ్లండ్‌ సాధించిన పలు చిరస్మరణీయ విజయాల్లో ఆమె భాగమైంది. తమ జట్టు వన్డే, టి20 ప్రపంచ కప్‌లను గెలవడంలో టేలర్‌ కీలక పాత్ర పోషించింది. ముఖ్యంగా అత్యుత్తమ వికెట్‌ కీపర్‌గా ఆమె ప్రత్యేక గుర్తింపు సాధించింది. మూడు ఫార్మాట్‌లలో కలిపి టేలర్‌ 232 వికెట్ల పతనంలో భాగం కావడం మహిళల క్రికెట్‌లో అత్యుత్తమ ఘనత కావడం విశేషం. తన కెరీర్‌లో సారా టేలర్‌ 10 టెస్టులు, 126 వన్డేలు, 90 అంతర్జాతీయ టి20 మ్యాచ్‌లు ఆడి 6,533 పరుగులు సాధించింది.     

లండన్‌ : బ్యాటింగ్‌, వికెట్‌ కీపింగ్‌లో తనదైన ముద్ర వేసిన ఇంగ్లండ్‌ మహిళా క్రికెటర్‌ సారా టేలర్‌ ఆటకు గుడ్‌బై చెప్పారు. అంతర్జాతీయ క్రికెట్‌కు వీడ్కోలు పలుకుతున్నట్లు ఇన్‌స్టాగ్రామ్‌ వేదికగా తన నిర్ణయాన్ని వెల్లడించారు. ఆట నుంచి వైదొలగడం కఠిన నిర్ణయమే అయినప్పటికీ.. ప్రస్తుత ఆరోగ్య పరిస్థితుల దృష్ట్యా ఇదే సరైందని పేర్కొన్నారు. ఈ సందర్భంగా క్రికెట్‌ ప్రయాణంలో తనకు ఇన్నాళ్లు మద్దతుగా నిలిచిన జట్టు సహచరులు, స్నేహితులు.. అదే విధంగా ఇంగ్లండ్‌ అండ్‌ వేల్స్‌ క్రికెట్‌ బోర్డుకు కృతఙ్ఞతలు తెలిపారు. ఈ మేరకు...‘ 2016లో నేను కన్న కల నిజమైంది. మూడేళ్ల ప్రయాణంలో ఎంతో సాధించాను. నా కెరీర్‌లో భాగంగా అత్యుత్తమ క్రికెటర్లతో కలిసి ఆడటం ఎంతో ఆనందంగా ఉంది. అయితే రిటైర్మెంట్‌కు ఇదే సరైన సమయం. నా జీవితంలోని తదుపరి అధ్యాయానికి ఆహ్వానం పలకాల్సిన సమయం ఆసన్నమైంది. ఇంగ్లండ్‌ జెర్సీ ధరించిన ప్రతీ నిమిషాన్ని నేను ఎంతగానో ప్రేమిస్తున్నాను. నా అంతర్జాతీయ కెరీర్‌లో నాకు తోడుగా నిలిచిన ప్రతీ ఒక్కరికి ధన్యవాదాలు అని సారా భావోద్వేగ పోస్టు పెట్టారు. కాగా అంతర్జాతీయ మహిళా క్రికెట్‌లో అత్యంత విజయవంతమైన వికెట్‌ కీపర్‌గా సారా టేలర్‌ గుర్తింపు పొందారు. మూడు ఫార్మాట్లలో కలిపి మొత్తం 232 డిస్మిసల్స్‌తో రికార్డు నెలకొల్పారు. అదే విధంగా ఇంగ్లండ్‌ మహిళా క్రికెట్‌ చరిత్రలో అత్యంత ఆదరణ పొందిన క్రికెటర్‌గానూ ప్రాచుర్యం పొందారు. తన కెరీర్‌లో 126 వన్డేలు ఆడిన సారా.. 7 సెంచరీలతో పాటు 20 అర్ధసెంచరీలు సాధించారు. అదే విధంగా 90 టీ20 మ్యాచులు ఆడిన ఆమె.. 2,177 పరుగులు చేశారు. ఇక మొత్తంగా అన్ని ఫార్మాట్లలో కలిపి 6533 పరుగులు సాధించిన సారా.. ఇంగ్లండ్‌ మహిళా క్రికెట్‌లో కీలక ప్లేయర్‌గా ఎదిగారు. కాగా సారా రిటైర్మెంట్‌పై స్పందించిన ఇంగ్లండ్‌ మహిళా క్రికెట్‌ ఎండీ క్లేర్‌ కాన్నర్‌ మాట్లాడుతూ..‘ ఇంగ్లండ్‌ జెర్సీ ధరించిన సారా ఎన్నెన్నో విజయాల్లో సగర్వంగా భాగస్వామ్యమయ్యారు. మహిళా క్రికెట్‌లో తనకంటూ ప్రత్యేక స్థానం సంపాదించుకున్నారు అని పేర్కొన్నారు. View this post on Instagram In 2006 my dream came true and I have nothing but pride at what I've achieved over the years. I've had the pleasure of playing alongside the best players and people throughout my career, but it is the right time for me and my health to retire and move on to my next chapter. I have loved every minute of wearing an England shirt. • Thank you to everyone that has supported my international career, it has meant the world 😊😘 Xx A post shared by Sarah Taylor (@sjtaylor30) on Sep 27, 2019 at 4:08am PDT

లండన్‌: బ్యాటింగ్‌లో, వికెట్ కీపింగ్‌లో తనదైన ముద్ర వేసిన ఇంగ్లండ్ మహిళా క్రికెటర్ సారా టేలర్ న్యూడ్ ఫోటో షూట్‌తో ఒక్కసారిగా అందరికీ షాక్ ఇచ్చారు. నగ్నంగా వికెట్ కీపింగ్ చేస్తున్న ఫోటోను తన ఇన్‌స్టాగ్రామ్‌లో పోస్ట్ చేశారు. అయితే ఈ న్యూడ్ ఫోటోషూట్ ఏదో సరదాకి చేసింది కాదంటున్నారు టేలర్. మహిళల శారీరక సమస్యలపై అవగాహన కల్పించేందుకు ఉమెన్స్ హెల్త్ యూకే చేసిన విజ్ఞప్తి మేరకు తాను న్యూడ్ ఫోటోషూట్ చేసినట్టు వెల్లడించారు. ‘నా గురించి తెలిసినవారు నన్నిలా చూస్తే.. నేను నా కంఫర్ట్ జోన్‌ను దాటుకుని బయటకొచ్చాను అనుకుంటారు. కానీ ఇలా మహిళల ఆరోగ్య సమస్యలపై అవగాహన కల్పించే క్యాంపెయిన్‌లో భాగస్వామిని అయినందుకు గర్విస్తున్నాను’ అని సారా పేర్కొన్నారు. అద్భుతమైన వికెట్‌ కీపింగ్‌ నైపుణ్యాలు ఆమె సొంతం. బ్యాటింగ్‌లోనూ సారాకు తిరుగులేదు. ఐసీసీ మహిళల వన్డే ప్రపంచకప్‌ ఫైనల్లో మిథాలీ సేనకు ఓటమి రుచి చూపించారు సారా.