హైదరాబాద్ : ఫేస్బుక్ ద్వారా అసభ్య మెసేజ్లు పంపుతూ యువతిని వేధిస్తున్న ఓ యువకుడిని సైబర్ క్రైమ్ ఇన్స్పెక్టర్ రాజు నిన్న అరెస్ట్ చేశారు.  పోలీసు కథనం ప్రకారం...నగరానికి చెందిన మలయాల రాజశేఖర్ గౌడ్ తన ఫేస్బుక్ ద్వారా ఓ యువతితో పరిచయం పెంచుకున్నాడు. ఈ పరిచయాన్ని ఆసరా చేసుకొని రాజశేఖర్ ఆమె ఫేస్బుక్కు అభ్యంతరకరమైన మెసేజ్లు, ఫోటోలు పోస్టు చేస్తూ వేధిస్తున్నాడు. బాధితురాలు షీ-టీమ్ ఫేస్బుక్కు ఫిర్యాదు చేయడంతో రాజశేఖర్ను అరెస్ట్ చేశారు.
 
  


 హైదరాబాద్: హైటెక్ సిటీలో సాఫ్ట్ వేర్ ఉద్యోగిని పట్ల అనుచితంగా ప్రవర్తించిన క్యాబ్ డ్రైవర్ ను 'షీ' టీమ్ అదుపులోకి తీసుకుంది. కారులో నిద్రిస్తున్న యువతిని అభ్యంతకరంగా సెల్ ఫోన్ లో వీడియో తీసినందుకు అతడిని పట్టుకున్నారు. అనుమానంగా వెళుతున్న అతడిని 'షీ' టీమ్ పట్టుకోవడంతో ఈ విషయం వెలుగు చూసింది.
 
 అతడి వద్ద నుంచి 8 నిమిషాల నిడివి గల వీడియో ఫుటేజీని స్వాధీనం చేసుకున్నారు. నిందితుడిని రషీద్ గా గుర్తించారు. అతడిని పోలీసులకు అప్పగించారు. హైదరాబాద్ లో మహిళల భద్రత కోసం నగర పోలీసులు 'షీ' టీమ్‌లను రంగంలోకి దించిన సంగతి తెలిసిందే.