కరీంనగర్‌ సిటీ: ఛత్రపతి శివాజీ మహారాజ్‌ జయంతి సందర్భంగా హిందూ సామ్రాజ్య స్థాపన దినోత్సవాన్ని శివాజీ జయంతి ఉత్సవ కమిటీ ఆధ్వర్యంలో నిర్వహించారు. హిందూ ధర్మయాత్ర చేపట్టారు. కమిటీ అధ్యక్షుడు తోట అర్జున్‌ ఆధ్వర్యంలో మారుతినగర్‌ హన్మాన్‌ ఆలయం నుంచి యాత్ర ప్రారంభించారు. నగర పురవీధుల గుండా యాత్ర సాగింది. ముఖ్య అతిథులుగా ఎమ్మెల్యే గంగుల కమలాకర్, డిప్యూటీ మేయర్‌ రమేశ్, శివసేన జిల్లా వర్కింగ్‌ ప్రెసిడెంట్‌ పి.వి.మాధవ్‌రాజు హాజరయ్యారు. సమాజహితం కోసం పని చేసిన శివాజీని ఆదర్శంగా తీసుకోవాలని ఎమ్మెల్యే పేర్కొన్నారు. కమిటీ సభ్యులు పెద్ది శివ, చిగుళ్ల అనుష్, శేఖర్, దిలీప్, శేఖర్, శివగణేశ్, వినీత్‌రెడ్డి, అశోక్, రంజిత్, మల్లికార్జున్‌ పాల్గొన్నారు. బైక్‌ ర్యాలీ హైందవ సంస్కృతి కీర్తి పతాక శివాజీ అని వీహెచ్‌పీ జాతీయ సాహిత్య పరిషత్‌ అధ్యక్షుడు గాజుల రవీందర్‌ అన్నారు. విశ్వహిందూ పరిషత్, భజరంగ్‌దళ్‌ జిల్లా శాఖ ఆధ్వర్యంలో జిల్లాకేంద్రంలో భారీ బైక్‌ ర్యాలీ నిర్వహించారు. వీహెచ్‌పీ జిల్లా అధ్యక్షుడు మధుసూదన్‌రావు, కార్యదర్శి కోమళ్ల రాజేందర్‌రెడ్డి, తోట రాజేందర్, భజరంగ్‌దళ్‌ జిల్లా కన్వీనర్‌ తోట ప్రదీప్, శ్రావణ్‌కుమార్, గుజ్జేటి రాజేందర్‌ పాల్గొన్నారు. శివసేన ఆధ్వర్యంలో.. శివసేన పార్టీ జిల్లా శాఖ ఆధ్వర్యంలో నగరంలో జయంతి యాత్ర నిర్వహించారు. కిసాన్‌నగర్‌లో గల శివసేన పార్టీ కార్యాలయం నుంచి నగర పురవీధుల గుండా యాత్ర సాగి సర్కస్‌ గ్రౌండ్‌లో ముగిసింది. ముఖ్య అతిథిగా శివసేన పార్టీ తెలంగాణ ఇన్‌చార్జి దామెర క్రిష్ణ హాజరై యాత్రను జెండా ఊపి ప్రారంభించారు. జిల్లా అధ్యక్షుడు సోమిడి వేణుప్రసాద్, ఇందూర్‌ అధ్యక్షుడు శ్రీహరి, యువసేన నాయకులు రాజేందర్, సట్ల సాయి, చందు, రావుల సాయికిరణ్, క్రాంతికుమార్, గుగ్గిళ్ల సత్యనారాయణ, వంగల ప్రదీప్, కార్తీక్, శ్రీకర్, నర్సింగ్, శివ గణేశ్, అజయ్, సోను, రఘు పాల్గొన్నారు.  

ఇచ్చోడ(బోథ్‌): దేశం కోసం ప్రాణాలర్పించిన ఛత్రపతి శివాజీ సేవలు చిరస్మరణీయమని ఆదిలాబాద్‌ ఎంపీ గోడం నగేశ్‌ అన్నారు. శివాజీ జయంతి సందర్భంగా మండలకేంద్రంలోని శివాజీ విగ్రహానికి సోమవారం పూలమాలలు వేసి నివాళులర్పించారు. ఈ సందర్భంగా ఏర్పా టు చేసిన కార్యక్రమంలో ఎంపీ మాట్లాడారు. సీఎం కేసీఆర్‌తో మాట్లాడి వచ్చే శివాజీ జయం తి నాటికి ప్రభుత్వ సెలవు దినం కోసం కృషి చేస్తానని తెలిపారు. కార్యక్రమంలో ఆరె మరాఠ సంఘం మండల అధ్యక్షుడు కధం అనందర్‌రావు, ప్రధాన కార్యదర్శి గాడ్గే సుభాష్, నాయకులు సుభాష్‌పటేల్, మాదవపటేల్, సూర్యకాం త్, డాక్టర్‌ జ్ఞానేశ్వర్, బోస్లె దశరథ్, కదం బాబారావు, సోన్‌కాంబ్లె కృష్ణాకూమార్, కృష్ణారెడ్డి, పాల్గొన్నారు. అలాగే స్థానిక ఎమ్మెల్యే రాథోడ్‌ బాపురావు శివాజీ విగ్రహానికి పూలమాల వేసి నివాళులర్పించారు. ఎమ్మెల్యే వెంట మార్కెట్‌ వైస్‌చైర్మన్‌ రాథోడ్‌ ప్రకాశ్‌ తదితరులున్నారు.  


 నగరంలోని ప్రతిష్టాత్మకమైన కేఎంసీ ఆర్ట్స్‌ అండ్‌ సైన్స్‌ కళాశాలలో పనిచేస్తున్న సునీల్‌ వాగ్మేర్‌ను చితకబాదుతున్నారన్న విషయం తెలిసి ముంబై పోలీసులు ఆయన్ని రక్షించడానికి హుటాహుటిన కాలీజీకి వెళ్లారు. అక్కడ ఆయన్ని బాదుతున్నది ఎవరో కాదు, ఆయన సహచర అధ్యాపకులు, విద్యార్థులు. చేయిచేసుకున్న వారిని అరెస్ట్‌ చేయాల్సిన పోలీసులు బాధితుడైన సునీల్‌ వాగ్మేర్‌ను అరెస్ట్‌ చేశారు. భారతీయ శిక్షాస్మృతిలోని 295 ఏ సెక్షన్‌ కింద కేసు కూడా నమోదు చేశారు. ఆయనపై దాడిచేసిన వారిపై చర్య తీసుకోవాల్సిన కాలేజీ యాజమాన్యం ప్రొఫెసర్‌ సునీల్‌ను ఉద్యోగం నుంచి సస్పెండ్‌ చేసింది.
 
 ఈ మొత్తం వ్యవహారంలో ఆయన చేసిన తప్పేమిటంటే ‘ఛత్రపతి శివాజీ మహరాజ్‌ జయంతిని ఫిబ్రవరి 19వ తేదీనే అధికారికంగా జరుపుకున్నాం, మళ్లీ మార్చి 15వ తేదీన ఎందుకు జరుపుకుంటున్నారు’ అంటూ తన వాట్సాప్‌ గ్రూప్‌లో తన సహచర అధ్యాపకులను ప్రశ్నించడమే. మార్చి 16న కాలేజీకి వచ్చిన ప్రొఫెసర్‌ సునీల్‌ను పట్టుకొని ఆయన సహచర అధ్యాపకులు, హిందూ విద్యార్థి సంఘాలకు చెందిన విద్యార్థులు చితకబాదారు. కొంతమంది హిందుత్వ వాదుల ఒత్తిడి మేరకు పోలీసులు బాధితుడినే అరెస్ట్‌ చేశారు. ఛత్రపతి శివాజీ జయంతిపై వివాదం ఈనాటిది కాదు. ఈ వివాదం ఇతర వర్గాల మధ్యన కాకుండా హిందూ వర్గాల మధ్యనే ఉండడం విశేషం.
 
 మహారాష్ట్రలో గ్రెగోరియన్‌ క్యాలండర్‌ ప్రకారం కొంత మంది ఫిబ్రవరి 19వ తేదీన శివాజీ జయంతిని జరుపుకుంటారు. ఎక్కువ మంది ప్రజలు మాత్రం ఫల్గుణ మాసం మూడోరోజు తదియ నాడు జయంతిని జరుపుకుంటారు. తిథి ప్రకారం ఈసారి శివాజీ జయంతి మార్చి 15 తేదీన వచ్చింది. దాన్ని ప్రశ్నించడం సునీల్‌ది తప్పయింది. తిథి ప్రకారమే శివాజీ జయంతిని జరుపుకోవాలన్నది శివసేన మొదటి నుంచి చేస్తున్న వాదన. శివాజీ స్వయంగా మొఘల్‌ చక్రవర్తుల కాలంలో ఇస్లాం క్యాలెండర్‌ను తిరస్కరించినప్పుడు ఇతర దేశాలకు చెందిన గ్రెగోరియన్‌ క్యాలెండర్‌ ప్రకారం శివాజీ జయంతిని జరుపుకోవడం ఏమిటన్నది శివసేన ప్రశ్న. 1582లో ప్రపంచంలో చాలా దేశాలు ప్రామాణికంగా గుర్తించిన క్యాలెండర్‌ ‘గ్రెగోరియన్‌ క్యాలండర్‌’. అప్పటి పోప్ గ్రెగోరియన్‌ పేరిట వచ్చిన ఈ క్యాలెండర్‌ ప్రకారం ఏడాదిలో వచ్చే తేడా 0.002 శాతం మాత్రమే అయినందున నాటి కాలంలో గణిత పండితులు ఎక్కువ మంది దీన్ని ప్రామాణికంగా తీసుకునేవారు.
 
 శివాజీ 16వ శతాబ్దంలో పుట్టారన్నది నిజమే అయినా.. ఏ సంవత్సరం, ఏ తేదీన పుట్టింది ఎవరికీ తెలియదు. ఆయన రాజ కుటుంబంలో కాకుండా శివాజీ భోన్స్‌లే అనే పోలీసు సుబేదార్‌కు పుట్టడమే అందుకు కారణం. రాజకుటుంబంలో పుట్టి ఉంటే కచ్చితంగా పుట్టిన రోజు నమోదయ్యేది. 1627లో పుట్టారని కొంత మంది, 1630లో పుట్టారని కొంత మంది చరిత్రకారులు చెబుతున్నారు. సంఘ సంస్కర్త లోకమాన్య తిలక్‌ 1980లో మొదటి సారిగా శివాజీ జయంతికి ప్రాచుర్యం కల్పించారు. అప్పటి నుంచి శివాజీ జయంతిపై వివాదం మరింత పెరిగింది. 2000 సంవత్సరంలో అప్పుడు రాష్ట్రంలో అధికారంలో ఉన్న కాంగ్రెస్‌ ప్రభుత్వం ఈ వివాదానికి తెరదించేందుకు చరిత్రకారులతో ఓ కమిటీని వేసింది. ఆ కమిటీ ఫిబ్రవరి 19వ తేదీనే ఖరారు చేసింది. అప్పటి నుంచి రాష్ట్ర ప్రభుత్వం ఆ రోజును సెలవుదినంగా పాటిస్తోంది. అయినా వివాదం మాత్రం అలాగే కొనసాగుతోంది. రెండు తీదీలు వసంత మాసంలోనే వస్తున్నాయి కనుక ఏ రోజైనా జరుపుకోవచ్చని కొందరు సూచిస్తుండగా, రెండు రోజులూ జరుపుకోవచ్చని అహింసావాదులు సూచిస్తున్నారు. సునీల్‌పై దాడిని ఖండించని శివసేన మాత్రం, శివాజీ గొప్ప నాయకుడని, ప్రతిరోజు ఆయన జయంతిని జరుపుకోవచ్చని చెప్పింది.