స్టార్‌ హీరోలు వరుసగా సినిమాలు చేస్తే అటు అభిమానులకు ఇటు నిర్మాతలకూ ఆనందం. కానీ కన్నడ స్టార్‌ హీరో శివరాజ్‌కుమార్‌ మాత్రం యాక్టింగ్‌కు చిన్న బ్రేక్‌ ఇస్తున్నాను అంటున్నారు. భుజానికి తగిలిన గాయం కారణంగా సర్జరీ చేయించుకోవడం కోసం లండన్‌ పయనం అవుతున్నారు. దీంతో ఈ ఏడాది తన బర్త్‌డే (జూలై 12) కూడా సెలబ్రేట్‌ చేసుకోవడం లేదని చెప్పారు. ‘‘చాలా చిన్న సర్జరీ ఇదీ. టెన్షన్‌ పడాల్సింది ఏమీ లేదు. సర్జరీ పూర్తి చేసుకొని తిరిగొచ్చిన తర్వాత నవంబర్‌ వరకూ సినిమాల నుంచి టెంపరరీ బ్రేక్‌ తీసుకుందాం అనుకుంటున్నాను’’ అని శివరాజ్‌కుమార్‌ తెలిపారు. ఇదిలా ఉంటే... శివరాజ్‌ కుమార్‌ నటించిన ‘రుస్తుమ్‌’ చిత్రం ఈ శుక్రవారం రిలీజ్‌ కానుంది.  


 చెన్నై:భారీబడ్జెట్ తో  టాలీవుడ్ హీరో నందమూరి బాలకృష్ణ 100వ సినిమాగా తెరకెక్కుతున్న హిస్టారికల్ మూవీ గౌతమీపుత్ర శాతకర్ణిలో మరో  సూపర్ స్టార్ నటించనున్నారు.  నిర్మాత వై రాజీవ్ రెడ్డి  సారధ్యంలో రూపుదిద్దుకుంటున్న  ఈ  ప్రతిష్టాత్మక మూవీలో కన్నడ సూపర్ స్టార్ శివరాజ్ కుమార్  కూడా   నటించనున్నారు.  ముఖ్యమైన అతిధి  పాత్రను ఆయన పోషిస్తున్నారని  నిర్మాత రాజీవ్ ధ్రువీకరించారు. ముఖ్యంగా ఆయన కుటుంబంలో ముఖ్య నటులెవ్వరికీ దక్కని  పాత్రలో కనిపించనున్నారని ఐఏఎన్ఎస్ తో  చెప్పారు.  శివరాజ్కుమార్ తండ్రి రాజ్ కుమార్, సోదరుడు పునీత్ కుమార్ లాంటి ప్రముఖ నటులు కూడా పోషించని ఒక ముఖ్యమైన పాత్రలో ఆయన నటించడం ఆసక్తికరమని రాజీవ్  చెప్పారు. ఇంతకు మించి ఆయన  క్యారెక్టర్ గురించి ఏమీచెప్పలేనని, ఆయన పాత్ర చిత్రీకరణ నవంబరు 15నుంచి మొదలుకానున్నట్టు తెలిపారు. దాదాపు షూటింగ్ మొత్తం  పూర్తి కావచ్చిందనీ, వచ్చే సంక్రాంతికి  సినిమాను రిలీజ్ చేసేందుకు ప్లాన్ చేస్తున్నామన్నారు.
 కాగా నేషనల్ అవార్డు గెలుచుకున్న చిత్రనిర్మాత క్రిష్ జాగర్లమూడి దర్శకత్వంలో  వస్తున్న ఈ సినిమాలో  శ్రియ శరణ్, హేమమాలిని, కబీర్ బేడి తదితరులు నటిస్తున్న సంగతి తెలిసిందే.
 
  


 బెంగళూరు: ప్రముఖ కన్నడ నటుడు, సూపర్ స్టార్ శివరాజ్ కుమార్ ఆస్పత్రిలో చేరారు. ఛాతిలో నొప్పి రావడంతో ఆయన్ను ఆస్పత్రికి తరలించారు.  జిమ్లో మంగళవారం వర్కవుట్స్ చేస్తుండగా ఒక్కసారిగా కుప్పకూలారు. ఈ విషయాన్ని జిమ్ మేనేజర్ వెంటనే శివరాజ్ కుమార్ భార్య గీతకు తెలుపగా ఆయనను దగ్గర్లోని ఓ ప్రైవేట్ ఆస్పత్రిలో చేర్పించి చికిత్స అందిస్తున్నారు.
 
 శివరాజ్ కుమార్కు గుండెపోటు వచ్చినట్టు డాక్టర్లు గుర్తించినట్టు తెలుస్తోంది. గుండెకు రక్తాన్ని సరఫరా చేసే రక్తనాళాల్లో 2 చోట్ల అడ్డంకులను డాక్టర్లు గుర్తించి ఆంజియోప్లాస్టీ చేస్తున్నారని సన్నిహిత వర్గాలు వెల్లడించాయి. మరో రెండు రోజుల పాటు ఆయన వైద్యుల పర్యవేక్షణలో ఉంచుతారని సమాచారం.
 
 54 ఏళ్ల శివరాజ్ కుమార్ కన్నడ కంఠీరవుడుగా ప్రఖ్యాతిగాంచిన ప్రముఖ నటుడు డాక్టర్ రాజ్ కుమార్ తనయుడు. ప్రస్తుతం ఆయన రాం గోపాల్ వర్మ తెరకెక్కిస్తున్న 'కిల్లింగ్ వీరప్పన్' లో నటిస్తున్నారు.


 బెంగళూరు: కన్నడ సూపర్ స్టార్ శివరాజ్ కుమార్ తన కుమార్తె నిరుపమ వివాహానికి తమిళ రాజకీయ, సినీ ప్రముఖులను ఆహ్వానించారు. తమిళ సూపర్ స్టార్స్ రజనీకాంత్, కమల్ హాసన్ లను స్వయంగా కలిసి తన కూతురికి పెళ్లికి రావాలని శివరాజ్ కుమార్ కోరారు.
 
 ధనుష్, ప్రభు, నాజర్, మురళి, ప్రకాశ్ రాజ్, శివకార్తీకేయన్, డీఎంకే నాయకుడు ఎంకే స్టాలిన్ తదితరులను కూడా ఆయన ఆహ్వానించారు. డాక్టర్ గా పనిచేస్తున్న నిరుపమ వివాహం దిలీప్ తో ఆగస్టు 31న జరగనుంది. గతేడాది ఆగస్టులో వీరికి నిశ్చితార్థం జరిగింది. శివరాజ్ కుమార్ ప్రస్తుతం శివలింగ, కిల్లింగ్ వీరప్పన్ సినిమాల్లో నటిస్తున్నారు.