‘రాధే శ్యామ్, ఆది పురుష్, సలార్‌’, నాగ్‌ అశ్విన్‌ దర్శకత్వంలో ఓ సినిమా... ప్రస్తుతం ప్రభాస్‌ చేతిలో ఉన్న సినిమాలు. అన్నీ ప్యాన్‌ ఇండియా ప్రాజెక్ట్‌లే. మరో రెండుమూడేళ్ల వరకూ ప్రభాస్‌ ఫుల్‌ బిజీ. కానీ ఆ తర్వాత చేయబోయే ప్రాజెక్ట్స్‌కి సంబంధించిన చర్చలు జరుగుతున్నాయని సమాచారం. హృతిక్‌ రోషన్‌తో ‘బ్యాంగ్‌ బ్యాంగ్, వార్‌’ చిత్రాలను తెరకెక్కించిన దర్శకుడు సిద్ధార్థ్‌ ఆనంద్‌ దర్శకత్వంలో ప్రభాస్‌ ఓ భారీ యాక్షన్‌ చిత్రం చేయబోతున్నారట. దీనికి సంబంధించిన చర్చలు పూర్తయ్యాయట. ప్రస్తుతం ప్రభాస్, సిద్ధార్థ్‌ ఆనంద్‌ సినిమా కమిట్‌మెంట్స్‌ పూర్తయ్యాక వీళ్ల కాంబినేషన్‌లో సినిమా సెట్స్‌ మీదకు వెళ్తుందని బాలీవుడ్‌ టాక్‌. ప్రస్తుతం షారుక్‌ ఖాన్‌తో ‘పతాన్‌’ తెరకెక్కిస్తున్నారు సిద్ధార్థ్‌. దీని తర్వాత హృతిక్‌ రోషన్‌తో ‘ఫైటర్‌’ తెరకెక్కిస్తారు. ఆ తర్వాత ప్రభాస్‌తో చేసే సినిమా ఉంటుందని భోగట్టా.  


 రాంబో పాత్రను సినీ అభిమానులకు ప్రత్యేకంగా పరిచయం చేయాల్సిన అవసరం లేదు. హాలీవుడ్ యాక్షన్ స్టార్ సిల్వస్టర్ స్టాలోన్ హీరోగా నటించిన ఈ ఐకానిక్ పాత్ర, ప్రపంచ వ్యాప్తంగా విశేష ఆదరణ సొంతం చేసుకుంది. ఇప్పటికే నాలుగు భాగాలుగా రిలీజ్ అయిన ఈ హాలీవుడ్ సీరీస్ త్వరలో ఇండియన్ స్క్రీన్ మీద సందడి చేయనుంది. బాలీవుడ్ దర్శకుడు సిద్దార్థ్ ఆనంద్, రాంబో సినిమాను హిందీలో రీమేక్ చేయడానికి రెడీ అవుతున్నాడు.
 
 ఇప్పటికే రాంబో సినిమా రీమేక్ రైట్స్ సొంతం చేసుకున్న సిద్దార్థ్, ఇండియన్ వర్షన్కు కావాల్సిన మార్పులు చేసే పనిలో ఉన్నాడు. అయితే ఇప్పటి వరకు ఈ రీమేక్లో హీరోగా ఎవరు నటిస్తారన్న విషయంలో ఎలాంటి ప్రకటన చేయలేదు.  తాజా సమాచారం ప్రకారం బాలీవుడ్ మ్యాన్లీ హీరో హృతిక్ రోషన్ ఈ సినిమాలో హీరోగా నటించడానికి అంగీకరించాడు.
 
 ఇప్పటికే సిద్దార్థ్ ఆనంద్ దర్శకత్వంలో హాలీవుడ్ మూవీ నైట్ అండ్ డే హిందీ రీమేక్ బ్యాంగ్ బ్యాంగ్లో హీరోగా నటించిన హృతిక్ మరోసారి అదే దర్శకుడితో హాలీవుడ్ రీమేక్కు రెడీ అవుతున్నాడు. ప్రస్తుతం పీరియాడిక్ రొమాంటిక్ ఎంటర్టైనర్గా తెరకెక్కుతున్న మొహంజోదారో చిత్రంలో నటిస్తున్న హృతిక్, త్వరలోనే రాంబో రీమేక్పై అధికారిక ప్రకటన చేసే అవకాశం ఉంది.