దక్షిణాఫ్రికా బోర్డుకు ప్రభుత్వ శిక్ష
 
 కేప్‌టౌన్: జాతీయ క్రికెట్ జట్టులో ఎక్కువ మంది నల్ల జాతివారికి అవకాశం ఇవ్వాలనే ప్రభుత్వ నిబంధనను తగిన రీతిలో అమలుపరచనందుకు దక్షిణాఫ్రికా క్రికెట్ బోర్డును ప్రభుత్వం శిక్షించింది. రాబోయే రోజుల్లో దక్షిణాఫ్రికా ఎలాంటి అంతర్జాతీయ టోర్నీలకు ఆతిథ్యం ఇవ్వకుండా, టోర్నీ నిర్వహణ కోసం బిడ్ వేయకుండా ఆ దేశ క్రీడా మంత్రి ఫికిల్ ఎంబులా నిషేధం విధించారు. ఏడాది క్రితం అమల్లోకి వచ్చిన నిబంధనల ప్రకారం జాతీయ జట్టులో కనీసం 60 శాతం మంది నల్లజాతివారు ఉండాలి.


 ముంబై: తమ చీఫ్ ఎగ్జిక్యూటివ్ హరూన్ లోర్గాట్ పదవి కాలాన్ని దక్షిణాఫ్రికా క్రికెట్ బోర్డు (సీఎస్‌ఏ) మరో నాలుగేళ్లు పొడిగించింది. దీని ప్రకారం లోర్గాట్ 2019 జూలై 31 వరకు ఆ పదవిలో కొనసాగుతారు. జొహన్నెస్‌బర్గ్‌లో శుక్రవారం ముగిసిన సీఎస్‌ఏ సమావేశంలో బోర్డు ప్యానెల్ డెరైక్టర్స్, అధ్యక్షుడు క్రిస్ నెన్‌జాని పై ప్రతిపాదనకు ఆమోద ముద్ర వేశారు. 2013లో బాధ్యతలు స్వీకరించినప్పట్నించీ లోర్గాట్ అద్భుతమైన పనితీరును చూపెట్టారని, తొలి ఏడాదిలోనే అంచనాలకు మించి పని చేయడంతో కాంట్రాక్ట్‌ను పొడిగించినట్లు తెలిపింది. వాణిజ్య, ప్రసారకర్తలు లోర్గాట్‌కు గురించి మంచి ఫీడ్‌బ్యాక్ ఇచ్చారని సీఎస్‌ఏ తెలిపింది.