సాక్షి, అమృత్‌సర్: పాకిస్తాన్‌ కుటిల బుద్ధి మరోసారి బయటపడింది. డబ్బు ఆశ చూపి భారత యువతను గూఢచారులుగా నియమించుకుంటుంది. భారత నిఘా వ్యవస్థను అస్థిర పరచడానికి పాక్‌ చేస్తోన్న ఈ ప్రయత్నాలను భారత అధికారులు సమర్ధవంతంగా తిప్పికొట్టారు. పాక్‌ నిఘా వ్యవస్థ ఐఎస్‌ఐకి గూఢచారిగా వ్యవహరిస్తున్న అమృత్‌సర్‌కి చెందిన రవి కుమార్‌ని మిలటరీ ఇంటెలిజెన్స్‌ అధికారుల సహాయంతో పంజాబ్‌ స్పెషల్‌ బ్రాంచ్‌ పోలీసులు అరెస్ట్‌ చేశారు. ఏడు నెలల క్రితమే అతన్ని ఫేస్‌బుక్‌ ద్వారా ఐఎస్‌ఐ రిక్రూట్‌ చేసుకున్నట్లు సమాచారం.  పంజాబ్‌లోని ముఖ్యమైన సంస్థలు, నిషేధిత ప్రాంతాలు, దేశ సరిహద్దు ప్రాంతాల్లో ఆర్మీ కదలికలు, కొత్త బంకర్లకు సంబంధించిన సమాచారాన్ని అతడు పాక్‌కి చేరవేస్తున్నాడు. ఇంటర్నెట్‌ ద్వారా ఫొటోలు, ఎస్‌ఎంఎస్‌లు పంపుతూ నిరంతరం పాక్‌ ఐఎస్‌ఐతో టచ్‌లో ఉంటున్నాడు. ఇందుకు ప్రతిఫలంగా ఐఎస్‌ఐ ఎజెంట్లు దుబాయ్‌ నుంచి రవి అకౌంట్‌కి డబ్బును పంపిస్తున్నారు. ఫిబ్రవరి 20 నుంచి 24 వరకు రవి దుబాయ్‌లో గడిపాడని అక్కడే ఈ ఆపరేషన్‌కు సంబంధించిన అంశాలను అతడికి వివరించినట్టు తెలుస్తోంది. రవి కుమార్‌పై పలు సెక్షన్‌ల కింద కేసు నమోదు చేశామని పోలీసులు తెలిపారు. ఇంకా అతడికి ఏయే గ్రూపులతో, ఎవరితో సంబంధాలున్నాయో తెలుసుకోవడానికి దర్యాప్తు తీవ్రతరం చేసినట్లు తెలిపారు. పాకిస్తాన్‌కు చెందిన ఉగ్ర సంస్థలు అమ్మాయిల పేరుతో నకిలీ ఫేస్‌బుక్‌ ఖాతాల ద్వారా ఉగ్రవాదంపై ప్రేరేపిస్తున్నాయని, చాలా అప్రమత్తంగా ఉండాలని అధికారులు యువతను హెచ్చరించారు.


 భారతదేశం మీద మరో 26/11 తరహా దాడికి ఉగ్రవాదులు కుట్ర పన్నుతున్నారు. అయితే ఈసారి దక్షిణ భారతదేశాన్ని వాళ్లు లక్ష్యంగా చేసుకున్నట్లు కనిపిస్తోంది. ముఖ్యంగా విశాఖపట్నం, చెన్నై నగరాలు వాళ్ల జాబితాలో ఉన్నట్లు తెలుస్తోంది. ఈ నగరాలకు చెందిన విలువైన సమాచారాన్ని కొలంబోలోని పాకిస్థాన్ రాయబార కార్యాలయంలో తన హ్యాండ్లర్లకు అందజేస్తున్న శ్రీలంక గూడచారి ఒకరిని జాతీయ దర్యాప్తు సంస్థ (ఎన్ఐఏ) వర్గాలు అరెస్టు చేశాయి. అరుణ్ సెల్వరాజన్ అనే శ్రీలంక తమిళుడు చెన్నైలోని కలీక భద్రతా సంస్థల వీడియోలు, ఫొటోలు తీసి, వాటిని పాకిస్థానీ హ్యాండ్లర్లకు ఇచ్చినందుకు అరెస్టు చేశారు. నేషనల్ సెక్యూరిటీ గార్డు కేంద్రం, ఆర్మీ అధికారుల శిక్షణ అకాడమీ, కోస్ట్ గార్డ్ లాంటి కీలక కేంద్రాలన్నింటి వివరాలను సెల్వరాజన్ ఫొటోలు, వీడియోలు తీసినట్లు తెలుస్తోంది.
 
 ఇతడు చెన్నైలో ఇటీవల ఓ ఈవెంట్ మేనేజ్మెంట్ సంస్థను తెరిచి, దాని పేరుమీద ఈ అన్ని ప్రాంతాలకు వెళ్లాడు. సరిగ్గా 26/11 దాడికి ముందు డేవిడ్ హెడ్లీ ఇలాడే ఇమ్మిగ్రేషన్ సంస్థ పేరిట భారతదేశానికి వచ్చి పలు ప్రాంతాలను వీడియో తీసి లష్కరే తాయిబాకు అందించాడు. ఇప్పుడు అరుణ్ తప్పుడు పత్రాలతో భారత పాస్పోర్టు సంపాదించాడు.
 
 అరుణ్ సెల్వరాజన్ విశాఖపట్నం కూడా వచ్చి ఇక్కడున్న పలు నౌకాదళ సంస్థలను కూడా ఫొటో తీసినట్లు సమాచారం. వీటిని తన ఈమెయిల్ అకౌంట్లో డ్రాఫ్ట్లుగా సేవ్ చేసి, కొలంబోలోని తన పాకిస్థానీ హ్యాండ్లర్లకు అందించేవాడు. ఈమెయిల్ పాస్వర్డ్ వాళ్ల వద్ద కూడా ఉండటంతో వాళ్లు ఇదే మెయిల్ను అక్కడ తెరుచుకుని వాటిని డౌన్లోడ్ చేసుకునేవారు.
 (ఇంగ్లీషు కథనం ఇక్కడ చదవండి)