చిత్తూరు : చిత్తూరు జిల్లాలో ఏటీఎంలలో చోరీలకు పాల్పడుతున్న అంతరాష్ట్ర ముఠా గుట్టును శుక్రవారం శ్రీకాళహస్తి పోలీసులు రట్టు చేశారు. ముఠా సభ్యులను అరెస్ట్ చేసి పోలీసు స్టేషన్కు తరలించారు. ముఠా సభ్యుల నుంచి భారీగా నగదుతో పాటు వివిధ బ్యాంకులకు చెందిన ఏటీఎం కార్డులను స్వాధీనం చేసుకుని... సీజ్ చేశారు. ముఠా సభ్యులపై పోలీసుల కేసు నమోదు చేసి విచారిస్తున్నారు.


 చిత్తూరు: చిత్తూరు జిల్లా శ్రీకాళహస్తి సమీపంలో జాతీయ రహదారిపై పోలీసులు శుక్రవారం ముమ్మర తనిఖీలు నిర్వహించారు. ఈ సందర్భంగా చెన్నై నుంచి తిరుపతికి వాహనంలో తరలిస్తున్న దాదాపు 79 మంది వ్యక్తులను పోలీసులు అదుపులోకి తీసుకున్నారు. అనంతరం వారిని పోలీసుస్టేషన్కు తరలించి ప్రశ్నించగా... తాము ఎర్రచందనం స్మగ్లర్లమని వారు వెల్లడించారని పోలీసులు తెలిపారు. వాహనాల తనిఖీలలో భాగంగా వాహనం డ్రైవర్ను ప్రశ్నించగా... అతను పొంతనలేని సమాధానాలు వెల్లడించాడని పోలీసులు చెప్పారు. దాంతో ఆ వాహనాన్ని పోలీసు స్టేషన్కు తరలించినట్లు పోలీసులు వెల్లడించారు.