హైదరాబాద్ : హైదరాబాద్‌ శ్రీనగర్‌కాలనీలో దారుణం జరిగింది. నారాయణ జూనియర్‌ కాలేజీలో వాచ్‌మెన్‌ రాజారెడ్డి దారుణ హత్యకు గురయ్యాడు. అర్థరాత్రి చోరీకి వచ్చిన దొంగలు వాచ్‌మెన్‌ గొంతుకోసి, తలను గోడకేసి బాదడంతో రాజారెడ్డి అక్కడికక్కడే మృతిచెందాడు. 50 వేల రూపాయలతో పాటు కంప్యూటర్లు చోరీకి గురైనట్లు సమాచారం. పోలీసులు కేసు నమోదు చేసి మృతదేహాన్ని పోస్ట్ మార్టం నిమిత్తం ఆస్పత్రికి తరలిస్తున్నారు.