హుజూర్‌నగర్‌: అంగన్‌వాడీ కేంద్రాల్లో సేవలు మరింత పారదర్శకంగా ఉండేందుకు కేంద్ర ప్రభుత్వం ప్రత్యేక చర్యలు చేపట్టింది. అంగనన్‌వాడీ కేంద్రాల ద్వారా అందించే టేక్‌ హోమ్‌ రేషన్‌ (టీహెచ్‌ఆర్‌), బాలామృతం లబ్ధిదారులకు సక్రమంగా అందించేందుకుగాను పోషణ్‌ అభియాన్‌ యాప్‌ రూపొందించింది. ఈ యాప్‌ ద్వారా అంగన్‌వాడీ కేంద్రం తెరిచిన వేళలు, పిల్లల హాజరు, హౌస్‌ విజిట్‌, టీహెచ్‌ఆర్‌, కోడిగుడ్లు, బాలామృతం తదితర సమాచారం ఎప్పటికప్పుడు అధికారులకు చేరుతోంది. అయితే దీనికి అదనంగా ఈ యాప్‌లో ప్రభుత్వం తాజాగా ఫేస్‌ అథెంటికేషన్‌ సౌకర్యం జోడించింది. దీని ద్వారా లబ్ధిదారుల ఫొటోలను నిక్షిప్తం చేసి సేవలు మరింత పారదర్శకంగా అందించనున్నారు. అంగన్‌వాడీ కేంద్రాల నిర్వాహకులకు శిక్షణ ఫేస్‌ అథెంటికేషన్‌ అమలుకు మొదట అంగన్‌వాడీ కేంద్రాల నిర్వాహకులు పోషణ్‌ అభియాన్‌ యాప్‌ను అప్‌డేట్‌ చేసుకోవాలి. తరువాత అందులోని ఫేస్‌ అథెంటికేషన్‌ ప్రోగ్రాం ద్వారా లబ్ధిదారుల ఫొటో, ఆధార్‌ వివరాలు, లబ్ధిదారుల సెల్‌ఫోన్‌ నంబర్‌ రిజిస్టర్‌ చేస్తారు. ఇది పూర్తికాగానే లబ్ధిదారుల సెల్‌ఫోన్‌కి వచ్చిన వన్‌టైమ్‌ పాస్‌వర్డ్‌ను యాప్‌లో పొందుపరిచి ప్రకియ పూర్తి చేస్తారు. ధ్రువీకరించినట్లు, యాప్‌లో సమాచారం రాగానే అథెంటికేషన్‌ పూర్తయినట్లు నిర్ధారించుకుటారు. ఇలా ప్రతి అంగన్‌వాడీ కేంద్రంలోని మొత్తం లబ్ధిదారుల ఫేస్‌ అథెంటికేషన్‌ ప్రక్రియ ప్రారంభించేందుకు సన్నాహాలు చేస్తున్నారు. ఇప్పటికే జిల్లా సంక్షేఽమ అధికారులు, సీడీపీఓలు, సూపర్‌వైజర్లకు ఆన్‌లైన్‌ ద్వారా అవగాహన కల్పించారు. ప్రస్తుతం పోషణ్‌ అభియాన్‌ ప్రతినిధులు, అంగన్‌వాడీ కేంద్రాల నిర్వాహకులకు ఇస్తున్న శిక్షణ తుది దశకు చేరుకుంది. జిల్లాలో 1,209 అంగన్‌వాడీ కేంద్రాలు జిల్లాలో 1,209 అంగన్‌వాడీ కేంద్రాలు ఉన్నాయి. మూడేళ్ల లోపు పిల్లలు 25,490 ఉన్నారు. 3 నుంచి 6 ఏళ్లలోపు పిల్లలు 14,842 మంది ఉన్నారు. గర్భిణులు 5,046 మంది, బాలింతలు 5,240 మంది, కిషోర బాలికలు 20,723 మంది ఉన్నారు. పోషకాహార లోపం కలవారు 781 మంది, తీవ్ర పోషకాహార లోపం కలవారు 172 మంది ఉన్నారు. వీరికి అంగన్‌ వాడీ కేంద్రాల ద్వారా పోషణ్‌ ట్రాకర్‌ యాప్‌తో వివిధ సేవలు అందిస్తున్నారు. ఫ లబ్ధిదారుల ఫొటోలు పోషణ్‌ అభియాన్‌ యాప్‌లో నిక్షిప్తం ఫ పారదర్శక సేవల కోసం కేంద్రం శ్రీకారం ఫ ఇప్పటికే సీడీపీఓలు, సూపర్‌వైజర్లకు పూర్తయిన అవగాహన పారదర్శక సేవల కోసమే.. అంగన్‌వాడీ కేంద్రాల ద్వారా పోషక విలువలు కలిగిన ఆహారం సకాలంలో అందిస్తున్నాం. పోషణ్‌ అభియాన్‌ యాప్‌లో ఫేస్‌ అథెంటికేషన్‌ సౌకర్యం జోడించడంతో అసలైన లబ్ధిదారులకు పారదర్శకంగా సేవలు అందనున్నాయి. . – నర్సింహారావు, జిల్లా సంక్షేమాధికారి, సూర్యాపేట తప్పని సాంకేతిక సమస్య.. అంగన్‌వాడీ కేంద్రాల నిర్వాహకులు పోషణ్‌ అభియాన్‌ ద్వారా అందిస్తున్న సేవలకు ఇంటర్‌నెట్‌, సాంకేతిక సమస్యలు తప్పడం లేదు. కొన్ని గ్రామీణ ప్రాంతాల్లో ఇంటర్‌ నెట్‌ లేకపోవడంతో సేవలు అందించడంలో వెనుకబడుతున్నామని పలువురు ఉన్నతాధికారుల దృష్టికి తీసుకెళ్లారు. దీంతో సాంకేతిక సమస్యలపై దృష్టి సారించిన కేంద్రం అంగన్‌వాడీ కేంద్రాల వారీగా, ఆయా ప్రాంతాల్లో నాణ్యత కలిగిన నెట్‌వర్క్‌ సంస్థల వివరాలు సేకరించింది. వీటికి అనుగుణంగా కేంద్రాల నిర్వాహకులకు ఆయా ప్రాంతాల్లో ఉత్తమమైన సేవలు అందిస్తున్న నెట్‌వర్క్‌ సంస్థలకు చెందిన సిమ్‌కార్డు, 64 జీబీ సామర్థ్యం కలిగిన నూతన సెల్‌ఫోన్‌లను మంజూరు చేయాలని సంకల్పించింది.

సూర్యాపేటటౌన్‌: టెక్నికల్‌ సర్టిఫికెట్‌ కోర్సు ఎగ్జామినేషన్‌ లోయర్‌, హయ్యర్‌లో టైలరింగ్‌, ఎంబ్రాయిడరీ పరీక్షలు జనవరి 11 నుంచి 17 వరకు నిర్వహించనున్నట్లు జిల్లా విద్యాశాఖ అధికారి అశోక్‌ శనివారం ఒక ప్రకటనలో తెలిపారు. ఉదయం 10గంటల నుంచి మధ్యాహ్నం 12.30గంటల వరకు, మధ్యాహ్నం 2 నుంచి సాయంత్రం 4.30గంటల వరకు పరీక్షలు ఉంటాయని పేర్కొన్నారు. టైలరింగ్‌ పరీక్షకు హాజరయ్యే విద్యార్థులు తమ వెంట కుట్టు మిషన్‌ తీసుకురావాలని తెలిపారు. భూ సేకరణ పరిశీలన తిరుమలగిరి (తుంగతుర్తి): చొక్యారావు దేవాదుల ప్రాజెక్టు కాల్వ 10ఆర్‌11ఆర్‌ భూ సేకరణను అదనపు కలెక్టర్‌ రాంబాబు శనివారం పరిశీలించారు. తిరుమలగిరి, మాలిపురం గ్రామాల నుంచి వెళ్తున్న కాల్వల భూ సేకరణపై అధికారులతో మాట్లాడారు. భూసేకరణను వేగవంతంగా పూర్తి చేయాలని సూచించారు. సమావేశంలో సూర్యాపేట ఆర్డీఓ వేణుమాధవరావు, తహసీల్దార్‌ హరిప్రసాద్‌, ఆర్‌ఐ సుజిత్‌రెడ్డి, సర్వేయర్‌ జోసఫ్‌ పాల్గొన్నారు. అమిత్‌షాను బర్తరఫ్‌ చేయాలి భానుపురి (సూర్యాపేట): రాజ్యాంగ నిర్మాత అంబేద్కర్‌పై కేంద్ర హోంమంత్రి అమిత్‌ షా చేసిన వ్యాఖ్యలు బాధాకరమని, తక్షణమే ఆయనను మంత్రివర్గం నుంచి బర్తరఫ్‌ చేయాలని సీపీఎం జిల్లా కార్యదర్శి మల్లు నాగార్జునరెడ్డి డిమాండ్‌ చేశారు. శనివారం సూర్యాపేటలోని పార్టీ కార్యాలయంలో నిర్వహించిన సీపీఎం జిల్లా కమిటీ సమావేశంలో ఆయన మాట్లాడారు. సీపీఎం జిల్లా కార్యదర్శి వర్గ సభ్యుడు నెమ్మాది వెంకటేశ్వర్లు అధ్యక్షతన నిర్వహించిన సమావేశంలో కొలిశెట్టి యాదగిరిరావు, పారేపల్లి శేఖర్‌ రావు, ములకలపల్లి రాములు, నాగారపు పాండు, మట్టిపెల్లి సైదులు, కోట గోపి, చెరుకు ఏకలక్ష్మి పాల్గొన్నారు. ట్రాన్స్‌పోర్ట్‌ వర్కర్స్‌ జిల్లా కమిటీ ఎన్నికభానుపురి (సూర్యాపేట) : జిల్లాలో రవాణా రంగంలో పని చేస్తున్న లారీ, ఆటోలు, ట్రాక్టర్లు, కార్లు, గూడ్స్‌ లారీలు, ప్రైవేట్‌ స్కూల్‌ బస్సు కార్మికుల జిల్లా కార్యవర్గాన్ని శనివారం సూర్యాపేటలోని సీఐటీయూ కార్యాలయంలో ఎన్నుకున్నారు. అధ్యక్షుడిగా యాదగిరి, ఉపాధ్యక్షులుగా సాయికుమార్‌, ఉపేందర్‌, సైదయ్య, రామ్మూర్తి, కార్యదర్శిగా రాంబాబు, సహాయ కార్యదర్శులుగా స్వరాజ్యం, యరయ్య, వేలాద్రి, వెంకన్న,కోశాధికారిగా కిషోర్‌ కుమార్‌ను ఎన్నుకున్నారు. ఇళ్ల సర్వేను పకడ్బందీగా నిర్వహించాలి నడిగూడెం: ఇందిరమ్మ ఇళ్ల సర్వేను పకడ్బందీగా నిర్వహించాలని గృహ నిర్మాణ శాఖ ఈఈ విజయ్‌ సింగ్‌ అన్నారు. శనివారం నడిగూడెం మండల కేంద్రంతో పాటు, కాగితరామచంద్రాపురం, కరివిరాల, చెన్నకేశ్వాపురం గ్రామాల్లో నిర్వహిస్తున్న ఇందిరమ్మ ఇళ్ల సర్వేను ఆయన పరిశీలించారు. అనంతరం సర్వే సిబ్బందితో మాట్లాడారు. ఆయన వెంట ఎంపీడీఓ సయ్యద్‌ ఇమామ్‌, ఏఈ అనిల్‌ నాయక్‌, ప్రత్యేక అధికారి అబ్దుల్లా ఉన్నారు. 23న పోలీస్‌ వాహనాల పాత విడి భాగాలకు వేలంసూర్యాపేటటౌన్‌ : జిల్లా పోలీసు ప్రభుత్వ వాహనాల పాత విడి పరికరాల(బ్యాటరీలు, టైర్స్‌)కు సోమవారం బహిరంగ వేలం నిర్వహించనున్నట్లు జిల్లా పోలీస్‌ మోటార్‌ ట్రాన్స్‌పోర్ట్‌ అధికారి సురేష్‌ శనివారం తెలిపారు. వేలంలో పాల్గొనే వారు ఉదయం 9గంటలకు ఇందిరమ్మ కాలనీలో గల పోలీస్‌ కార్యాలయానికి రావాలని పేర్కొన్నారు.

తెలంగాణలోకి అక్రమంగా ధాన్యం రాకుండా చర్యలు తీసుకుంటున్మాని ఐజీ సత్యనారాయణ అన్నారు. - 8లోధ్యానంతో మానసిక ఒత్తిడిని అధిగమించొచ్చు సూర్యాపేటటౌన్‌ : మానసిక ఒత్తిడి అధిగమించేందుకు ధ్యానం దోహదం చేస్తుందని అదనపు ఎస్పీ నాగేశ్వర్‌రావు తెలిపారు. ప్రపంచ ధ్యాన దినోత్సవాన్ని పురస్కరించుకొని శనివారం సూర్యాపేట జిల్లా పోలీస్‌ కార్యాలయంలో పోలీసు సిబ్బంది ధ్యానం చేశారు. ఆర్ట్‌ ఆఫ్‌ లివింగ్‌ ధ్యాన కేంద్ర శిక్షకులు వారికి అవగాహన కల్పించారు. కార్యక్రమంలో ఏఆర్‌ డీఎస్సీ నరసింహ చారి, సీఐలు వీర రాఘవులు, రాజశేఖర్‌, ఆర్‌ఎస్‌ఐలు ఎస్సైలు, సిబ్బంది పాల్గొన్నారు.

ఫ జిల్లా లీగల్‌సెల్‌ అథారిటీ కౌన్సిల్‌ సెక్రటరీ శ్రీవాణి మునగాల: విద్యార్థులు విద్యతో పాటు చట్టాలపై అవగాహన కలిగి ఉండాలని సూర్యాపేట సీనియర్‌ సివిల్‌ జడ్జి, జిల్లా లీగల్‌ సర్వీసెస్‌ అథారిటీ కౌన్సిల్‌ సెక్రటరీ శ్రీవాణి అన్నారు. శనివారం మునగాల మండలం ఆకుపాముల శివారులో ఉన్న మహాత్మా జ్యోతిబా పూలే రెసిడెన్షియల్‌ పాఠశాల, పాఠశాలలో కోదాడ మండల లీగల్‌సెల్‌ అథారిటీ కౌన్సిల్‌ ఆధ్వర్యంలో నిర్వహించిన న్యాయ విజ్ఞాన సదస్సులో ఆమె మాట్లాడారు. మత్తు పదార్థాలకు యువత దూరంగా ఉండాలని సూచించారు. అనంతరం పాఠశాల ఆవరణలో భోజనశాల, వసతిగదులను పరిశీలించి పాఠశాల ప్రిన్సిపాల్‌కు తగిన సూచనలు చేశారు. కోదాడ మండల లీగల్‌సెల్‌ అథారిటీ కౌన్సిల్‌సెల్‌ చైర్మన్‌, సీనియర్‌ సివిల్‌ జడ్జి సురేష్‌ అధ్యక్షత నిర్వహించిన న్యాయ విజ్ఞాన సదస్సులో సెకండ్‌ క్లాస్‌ మెజిస్ట్రేట్‌ చిత్తలూరి సత్యనారాయణ, కోదాడ బార్‌ అసోసియేషన్‌ అధ్యక్ష, కార్యదర్శులు ఎస్‌ఆర్‌కె.మూర్తి, సీహెచ్‌.రామిరెడ్డి, సూర్యాపేట బార్‌ అసోసియేషన్‌ అధ్యక్ష, కార్యదర్శులు సుదర్శన్‌రెడ్డి, మల్లయ్య, కోదాడ కోర్టు న్యాయవాదులు, పాఠశాల ప్రిన్సి పాల్‌ శోభారాణి, వైస్‌ ప్రిన్సిపాల్‌ గోపాలకృష్ణ తదితరులు పాల్గొన్నారు. వృద్ధులను పదిలంగా చూసుకోవాలి మునగాల: అనాథాశ్రమంలో ఆశ్రయం పొందుతున్న వృద్ధులను పదిలంగా చూసుకోవాలని డిస్ట్రిక్ట్‌ లీగల్‌ సర్వీసెస్‌ ఆథారిటీ సెక్రటరీ శ్రీవాణి అన్నారు. శనివారం మునగాల మండలంలోని ముకుందాపురం గ్రామపంచాయతీ శివారులో గల ఇందిర అనాథ వృద్ధాశ్రమాన్ని ఆమె సందర్శించారు. భవిష్యత్‌లో ఆశ్రమానికి తన వంతు సహాయసహకారాలు అందిస్తానని తెలిపారు. అనంతరం ఆశ్రమ నిర్వాహకురాలు నాగిరెడ్డి విజయమ్మకు పలు సూచనలు చేశారు. కార్యక్రమంలో కోదాడ బార్‌ అసోసియేషన్‌ అధ్యక్ష, కార్యదర్శులు ఎస్‌ఆర్‌కె.మూర్తి. సీహెచ్‌.రామిరెడ్డి, సూర్యాపేట బార్‌ అసోసియేషన్‌ అధ్యక్ష, కార్యదర్శులు సుదర్శన్‌రెడ్డి, మల్లయ్య, లీగల్‌ ఎయిడ్‌ డిఫెన్స్‌ కౌన్సిల్‌ మెంబర్‌ సత్యనారాయణ పిళ్లే, వెంకటరత్నం, వాణి, డీఎల్‌ఎస్‌ఏ మెంబర్‌ ఏ.అశోక్‌, కోదాడ బార్‌ అసోసియేషన్‌ సభ్యులు తాటి మురళి, వీరభద్రరావు, లక్ష్మీకాంత్‌, వాస్తునిర్మాణ వెంకటనర్సయ్య, ఎస్‌ఐ ప్రవీణ్‌కుమార్‌, ఏఎస్‌ఐ శ్రీనివాసరెడ్డి పాల్గొన్నారు. ఖైదీలకు ఉచిత న్యాయ సహాయం హుజూర్‌నగర్‌: న్యాయవాదిని నియమించుకునే ఆర్థిక స్తోమత లేని ఖైదీలకు న్యాయ సేవ అధికార సంస్థ తరఫున న్యాయవాదిని నియమించి, ఉచిత న్యాయ సహాయం అందిస్తామని జిల్లా న్యాయ సేవా అధికార సంస్థ కార్యదర్శి శ్రీవాణి తెలిపారు. శనివారం హుజూర్‌నగర్‌ సబ్‌ జైలును ఆమె సందర్శించారు. ఆమె వెంట న్యాయవాదులు కాల్వ శ్రీనివాసరావు, ఎంఎస్‌ రాఘవరావు, ఆర్‌ వెంకటేష్‌, జిల్లా ఉచిత న్యాయ సహాయ న్యాయ వాదులు సత్యనారాయణ పిల్లె, వెంకటరత్నం, ప్రవీణ్‌, సబ్‌ జైల్‌ సూపరింటెండెంట్‌ మంగ్తా నాయక్‌, జైల్‌ సిబ్బంది మంత్రి ప్రగడ సీతా రామచంద్రరావు, ప్రవీణ్‌, రావకష్ణ, సైదిరెడ్డి, మౌలాబి, శారద ఉన్నారు.

కోదాడ: పట్టణ ప్రాంతాలతో పాటు గ్రామీణ ప్రాంతాల్లో క్రీడాకారులను ప్రోత్సహించేందుకు గత ప్రభుత్వం రూ.కోట్లు ఖర్చు చేసి ఏర్పాటు చేసిన తెలంగాణ క్రీడా ప్రాంగణాలు నిరుపయోగంగా మారాయి. జిల్లా వ్యాప్తంగా ఉన్న 243 గ్రామ పంచాయతీల్లో వీటిని ఏర్పాటు చేయగా ఒక్కటంటే ఒక్కటి కూడా ఉపయోగంలో లేవు. ఇక.. మున్సిపాలిటీల్లో క్రీడా ప్రాంగణాల పేరుతో కేవలం బోర్డులు మాత్రమే ఏర్పాటు చేసి రూ.లక్షల నిధులు కాజేశారని ఆరోపణలు ఉన్నాయి. అనువుగాని చోట ఏర్పాటు గత ప్రభుత్వ హయాంలో క్రీడామైదానాల ఏర్పాటుకు నిర్ణయం తీసుకున్నారు. గ్రామ పంచాయతీల్లో వీటి ఏర్పాటుకు కావలసిన భూమిని రెవెన్యూ శాఖ ఆధ్వర్యంలో సేకరించి క్రీడా మైదానాలను ఏర్పాటు చేయడంతో పాటు అక్కడ వివిధ క్రీడలకు కావాల్సిన కనీస సౌకర్యాలు, క్రీడా పరికరాలను సమకూర్చాల్సి ఉంది. మున్సిపాలిటీల్లోలే అవుట్‌ కింద వచ్చిన స్ధలాల్లో వీటిని ఏర్పాటు చేయాల్సి ఉంది. అయితే ఎన్నికల ముందు హడావుడిగా ఈ నిర్ణయం తీసుకోవడమే కాక యుద్ధ ప్రాతిపదికన ఏర్పాటు చేయాలని ఆదేశాలు రావడంతో అనువైన స్థలాన్ని ఎంపిక చేయకుండా ఎక్కడ ఖాళీ స్థలం ఉంటే అక్కడ గ్రామాలకు దూరంగా ఏర్పాటు చేశారు. వీటిని అభివృద్ధి చేయడానికి నాటి సర్పంచ్‌లు సొంత నిధులు ఖర్చు చేశారు. అయితే కొన్నిచోట్ల ప్రభుత్వం మంజూరు చేసిన రూ.5లక్షలు సరిపోక మధ్యలోనే క్రీడాప్రాంగణాల అభివృద్ధి ఆగిపోయింది. నూతన ప్రభుత్వం రావడం, సర్పంచ్‌ల కాలపరిమితి తీరిపోవడంతో క్రీడాప్రాంగణాలను పట్టించుకునేవారే కరువయ్యారు. ప్రస్తుతం ఎక్కడ చూసినా పిచ్చిమొక్కలతో రూపురేఖలు కోల్పోయి బోర్డులు మాత్రమే మిగిలాయి. వినియోగంలోకి తీసుకురావాలి తెలంగాణ క్రీడా ప్రాంగణాలకు సరైన సౌకర్యాలు కల్పించకపోవడం వల్ల నిరుపయోగంగా మారాయి. ప్రభుత్వం నిధులు కేటాయించి వీటిని తిరిగి ఉపయోగంలోకి తీసుకొస్తే క్రీడాకారులకు ఎంతో ఉపయోగపడతాయి. పట్టణ ప్రాంతాల్లో ఉన్న క్రీడా మైదానాలను కూడా మెరుగుపర్చాలి. కావాల్సిన క్రీడా పరికరాలను అందుబాటులో ఉంచాలి. – వీరభద్రం, వాలీబాల్‌ క్రీడాకారుడు, కోదాడ ఫ వృథాగా తెలంగాణ క్రీడా ప్రాంగణాలు ఫ జిల్లా వ్యాప్తంగా 243 గ్రామ పంచాయతీల్లో ఏర్పాటు ఫ ప్రస్తుతం ఎక్కడ చూసినా కంపచెట్లతో దర్శనమిస్తున్న క్రీడా మైదానాలు

హుజూర్‌నగర్‌: హుజూర్‌నగర్‌ నియోజకవర్గంలోని మఠంపల్లి మండలంలో వ్యవసాయ కళాశాల ఏర్పాటుకు ప్రభుత్వం పచ్చజెండా ఊపింది. రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌ కుమార్‌ రెడ్డి చొరవతో మఠంపల్లి మండలంలో వ్యవసాయ కళాశాల ఏర్పాటు చేసేందుకు ప్రభుత్వం నిర్ణయం తీసుకుంది. ప్రస్తుతం రాష్ట్రంలో ఎనిమిది ప్రభుత్వ వ్యవసాయ కళాశాలలు ఉన్నాయి. ఉమ్మడి జిల్లాల పరంగా చూస్తే నల్లగొండ, నిజామాబాద్‌ జిల్లాల్లో వ్యవసాయ కళాశాలలు లేవు. ఈ రెండు జిల్లాల్లో వ్యవసాయ కళాశాలలు ఏర్పాటు చేయాలని వ్యవసాయ విశ్వవిద్యాలయం ఇటీవల ప్రభుత్వాన్ని కోరింది. ఈనేపథ్యంలో ఉమ్మడి నల్లగొండ జిల్లాలోని హుజూర్‌ నగర్‌ నియోజకవర్గంలో కళాశాల ఏర్పాటు చేయాలని ప్రభుత్వం సంకల్పించింది. ఈ కళాశాల ఏర్పాటుకు ఐకార్‌ నిబంధనల మేరకు దాదాపు 75 ఎకరాల నుంచి 100 ఎకరాల భూమి అవసరం అవుతుందని భావిస్తున్నారు. ఈమేరకు అధికారులు స్థల పరిశీలన చేస్తున్నారు. క్షేత్రస్థాయిలో పరిశీలన మఠంపల్లి మండలంలోని రఘునాథపాలెం రెవెన్యూ శివారులోని సర్వే నంబర్‌ 247లో దాదాపు 300 ఎకరాల పైచిలుకు ప్రభుత్వ భూమి ఉంది. ఇందులో కొంత భూమి ఆక్రమణలకు గురైంది. కళాశాల కోసం దాదాపు 100 ఎకరాల పైచిలుకు ప్రభుత్వ భూమిని సేకరించే పనిలో అధికారులు నిమగ్నమయ్యారు. ప్రస్తుతం రెవెన్యూ, వ్యవసాయ శాఖ అధికారులు ఆయా భూములను క్షేత్రస్థాయిలో పరిశీలన చేస్తున్నారు. స్థానికులు, ఉన్నతాధికారులు సమ్మతించిన అనంతరం భూసేకరణ చేయనున్నారు. ఈ ప్రక్రియ పూర్తయితే కళాశాల ఏర్పాటుకు మార్గం సుగమం కానుంది. విద్యార్థులకు ఎంతో సౌకర్యం ఈ ప్రాంతంలో వ్యవసాయ కళాశాల ఏర్పాటుతో వ్యవసాయ కోర్సు చదివే విద్యార్థులకు ఎంతో సౌకర్యంగా మారనుంది. ఇప్పటి వరకు అగ్రికల్చర్‌ విద్యార్థులు ఖమ్మం జిల్లా అశ్వారావుపేట, హైదరాబాద్‌లోని రాజేంద్ర నగర్‌ తదితర జిల్లాలోని ఇతర ప్రాంతాలకు వెళ్లాల్సి వచ్చేది. ప్రస్తుతం మఠంపల్లి మండలంలో వ్యవసాయ కళాశాల ఏర్పాటు కానుండడంతో విద్యార్థులకు దూరభారం తగ్గడమే కాకుండా మరింత సౌకర్యవంతం కానుంది. నాలుగేళ్ల కోర్సు, ఎనిమిది సెమిస్టర్లు మఠంపల్లిలో ఏర్పాటు కానున్న వ్యవసాయ కళాశాలలో 50 నుంచి 100 మంది విద్యార్థులకు అవకాశం ఉండనుంది. దాదాపు 80 నుంచి 100 మంది వరకు బోధనా, బోధనేతర సిబ్బంది ఉంటారు. వ్యవసాయ కళాశాలలో ప్రవేశాలకు విద్యార్థులు బీఎస్సీ డిగ్రీ కోర్సు చదవాల్సి ఉంటుంది. అగ్రికల్చర్‌ చదివే విద్యార్థులకు నాలుగేళ్ల కోర్సులో 8 సెమిస్టర్లు ఉంటాయి. వివిధ కేటగిరీల వారీగా దాదాపు 12కు పైగా విభాగాలు (సబ్జెక్టులు) ఉంటాయి. ఫ గ్రీన్‌సిగ్నల్‌ ఇచ్చిన ప్రభుత్వం ఫ రఘునాథపాలెం శివారులోని ప్రభుత్వ భూమిలో స్థల పరిశీలన ఫ స్థానికులు, ఉన్నతాధికారులు సమ్మతించిన అనంతరం భూసేకరణ ఫ 50 నుంచి 100 మంది విద్యార్థులకు అవకాశం

భానుపురి (సూర్యాపేట): కలెక్టరేట్‌లో శనివారం తెలంగాణ నాన్‌ గెజిటెడ్‌ ఆఫీసర్స్‌ యూనియన్‌ ఆధ్వర్యంలో సెమీ క్రిస్మస్‌ వేడుకలు నిర్వహించారు. ఈ సందర్భంగా అదనపు కలెక్టర్‌ రాంబాబు కేక్‌ కట్‌ చేశారు. కార్యక్రమంలో టీఎన్‌జీవోస్‌ యూనియన్‌ సూర్యపేట జిల్లా అధ్యక్ష, కార్యదర్శులు ఎస్‌కే. జానిమియా, దున్న శ్యామ్‌, కలెక్టరేట్‌ ఏఓ సుదర్శన్‌ రెడ్డి, జిల్లా అధికారులు కోటచలం, కొమ్ము శంకర్‌, కిషన్‌, జగదీష్‌ రెడ్డి, నాగయ్య, శ్రీనాథ్‌, సైదులు, సతీష్‌, వెంకటయ్య, శోభారాణి, నిఖిలేశ్వరి తదితరులు పాల్గొన్నారు.

సూర్యాపేట టౌన్‌: రాజకీయంగా ఎదుర్కొలేకే మాజీ మంత్రి కేటీఆర్‌ను జైలుకు పంపాలని కాంగ్రెస్‌ ప్రభుత్వం కుట్ర పంపుతోందని మాజీ ఎంపీ బడుగుల లింగయ్య యాదవ్‌ అన్నారు. శుక్రవారం సూర్యాపేటలో ఏర్పాటు చేసిన విలేకరుల సమావేశంలో ఆయన మాట్లాడారు. తెలంగాణ ఖ్యాతిని ప్రపంచానికి చాటిన దిగ్గజం కేటీఆర్‌ అన్నారు. నిజంగా అవినీతి జరిగితే కేటీఆర్‌ చెప్పినట్లు అసెంబ్లీలో చర్చ పెట్టాలన్నారు. కాంగ్రెస్‌ ప్రభుత్వం అర్థంలేని ఆరోపణలు చేస్తూ.. బీఆర్‌ఎస్‌ నేతలపై తప్పుడు కేసులు పెడుతోందన్నారు. సమావేశంలో సూర్యాపేట మున్సిపల్‌ చైర్‌పర్సన్‌ అన్నపూర్ణ, నాయకులు నిమ్మల శ్రీనివాస్‌గౌడ్‌, జీడి భిక్షం, బూర బాలసైదులుగౌడ్‌, రాజా పాల్గొన్నారు.

కోదాడ రూరల్‌: వ్యవసాయ సహకార సంఘాల్లో రైతులు తీసుకున్న పంట రుణాలను సకాలంలో తిరిగి చెల్లించి మూడు శాతం రాయితీ పొందాలని నాబార్డు ప్రతినిధి అనురాగ్‌శర్మ కోరారు. కోదాడ వ్యవసాయ సహకార పరపతి సంఘాన్ని నాబార్డు కేంద్ర ప్రతినిధుల బృందం శుక్రవారం సందర్శించింది. సంఘం నుంచి రైతులకు అందజేస్తున్న క్రాప్‌, ఎల్టీ, గోల్డ్‌ రుణాల తీరును స్ట్రాంగ్‌ను పరిశీలించారు. ఈ సందర్భంగా ఆయన మాట్లాడుతూ కమర్షియల్‌ బ్యాంకుల కంటే కూడా ఒక్కశాతం తక్కువ వడ్డీకే గోల్డ్‌ లోన్లు ఇస్తున్నామని పేర్కొన్నారు. రైతులకు అన్నిరకాల రుణాలు, ఎరువులు, విత్తనాలను కూడా సహకార సంఘాల నుంచే అందజేస్తున్నామన్నారు. ఈ కార్యక్రమంలో పీఏసీఎస్‌ చైర్మన్‌ ఓరుగంటి శ్రీనివాసరెడ్డి, ఎన్‌డీసీ ఆడిటర్‌ శ్రీనివాస్‌, కోదాడ బ్రాంచ్‌ మేనేజర్‌ కృష్ణ, ఫీల్డ్‌ ఆఫసీర్‌ రామకృష్ణ, వైస్‌ చైర్మన్‌ బుడిగం నరేష్‌, సీఈఓ మంద వెంకటేశ్వర్లు ఉన్నారు. ఫ నాబార్డు ప్రతినిధి అనురాగ్‌శర్మ

భూభారతి చట్టం ద్వారా అందనున్న పట్టాలు 25,430 దరఖాస్తులు మూలకు.. ఉమ్మడి జిల్లాలో 25,430 సాదాబైనామా దరఖాస్తులు వచ్చాయి. అందులో నల్లగొండ జిల్లాలో 13,080, సూర్యాపేటలో 8,564, యాదాద్రి జిల్లాలో 3,786 దరఖాస్తులు వచ్చాయి. వారంతా మీ సేవ ద్వారా ఆన్‌లైన్‌లో రిజిస్ట్రేషన్ల కోసం దరఖాస్తు చేసుకున్నారు. గ్రామీణ ప్రాంతాల్లో కొన్నేళ్ల కిందట సాదా కాగితంపై భూమి కొనుగోలు చేసి రాయించుకున్న వారిలో అనేక మంది పేర్లు మార్చుకొని పట్టాలు తీసుకోలేదు. ధరణికి ముందున్న ఆర్‌ఓఆర్‌ చట్టంలో సాదాబైనామాలతో పట్టాలు చేశారు. ధరణి వచ్చిన తర్వాత అవి ఆగిపోయాయి. అయితే వాటిని అమలు చేసేందుకు గత ప్రభుత్వం పూనుకోగా ఉమ్మడి నల్లగొండ జిల్లాలో 25,430 దరఖాస్తులు వచ్చాయి. అమలులో జాప్యం చేయడం, ఆ తర్వాత ఎన్నికలు రావడంతో అవి మూలన పడ్డాయి. సాక్షి ప్రతినిధి, నల్లగొండ : రాష్ట్ర ప్రభుత్వం తాజాగా తీసుకొస్తున్న భూభారతి ఆర్‌ఓఆర్‌ – 2024 చట్టం ద్వారా సాదాబైనామాలకు మోక్షం కలగనుంది. ఇదివరకే దరఖాస్తు చేసుకున్న సాదాబైనామా దరఖాస్తుదారులను పరిష్కరిస్తామని ప్రభుత్వం చట్టంలో స్పష్టం చేసింది. దీంతో సాదాకాగితంపై రాసుకుని భూమిని కొనుగోలు చేసి.. రిజిస్ట్రేషన్లు చేసుకోకుండా ఉన్న వారిలో ఆశలు చిగురిస్తున్నాయి. మూడేళ్ల క్రితమే ఉమ్మడి జిల్లా వ్యాప్తంగా సాదాబైనామా కోసం 25,430 దరఖాస్తుల వచ్చాయి. కొత్త చట్టం ద్వారా ఎలాంటి సమస్యలు లేని సాదాబైనామాలను ప్రభుత్వం మొదట పరిష్కరించనుంది. సమస్యలుంటే విచారణ చేసిన తరువాత పరిష్కారం చూపనుంది. ధరణిలో కనిపించని ఆప్షన్లు.. గత ప్రభుత్వం ఽ2020లో ధరణి పోర్టల్‌ తీసుకొచ్చి దాని ద్వారానే భూ నిర్వహణను కొనసాగించింది. అయితే ధరణిలో అన్ని రకాల ఆప్షన్లు లేకపోవడంతో రైతులు చాలా ఇబ్బందులు పడ్డారు. అందులో సాదాబైనామాలు కూడా ఒకటి. ధరణిలో సాదాబైనామా దరఖాస్తులకు సంబంధించి రిజిస్ట్రేషన్ల కోసం ఆప్షన్లు లేకపోవడంతో చాలా మంది గత ప్రభుత్వానికి విజ్ఞప్తులు చేశారు. వారి విన్నపాలను పరిగణనలోకి తీసుకున్న అప్పటి ప్రభుత్వం సాదాబైనామాలను పరిష్కారానికి చర్యలు చేపడతామని మూడేళ్ల కిందటే దరఖాస్తులు స్వీకరించింది. ఏళ్లుగా ఎదురుచూపు సాదాబైనామా సమస్యను పరిష్కరించడంలో గత ప్రభుత్వం జాప్యం చేసింది. దీంతో ఆయా దరఖాస్తుదారులంతా సాదాబైనామాల రిజిస్ట్రేషన్ల కోసం ఎదురుచూపుల్లో ఉన్నారు. కొత్తగా ఏర్పడిన కాంగ్రెస్‌ ప్రభుత్వం ధరణి సమస్యలు పరిష్కరించేందుకు కొత్తగా భూభారతి ఆర్‌ఓఆర్‌ చట్టం–2024ను తీసుకొస్తోంది. దీనికి సంబంధించిన బిల్లును బుధవారం అసెంబ్లీలో ప్రవేశపెట్టింది. త్వరలోనే చట్టం అమల్లోకి రానుంది. దాంతో సాదాబైనామా సమస్య పరిష్కారం కానుంది. ఫ ఉమ్మడి జిల్లాలో 25,430 దరఖాస్తులు పెండింగ్‌ ఫ ఎలాంటి సమస్య లేనివాటికి మొదట పరిష్కారం ఫ దరఖాస్తుదారుల ఎదురుచూపులకు తెర పడే అవకాశం

సూర్యాపేట టౌన్‌: జిల్లా స్థాయి సీఎం కప్‌ జూనియర్స్‌ అథ్లెటిక్స్‌ 100 మీటర్ల లాంగ్‌ జంప్‌ పోటీల్లో ఆత్మకూరు(ఎస్‌) మండల కేంద్రానికి చెందిన మేడి నాగయ్య కుమార్తె అనూష మొదటి స్థానంలో నిలిచి రాష్ట్ర స్థాయికి ఎంపికై ంది. శుక్రవారం సూర్యాపేటలోని ఎస్వీ డిగ్రీ క ళాశాలలో జరిగిన సీఎం కప్‌ జూనియర్‌ అండర్‌–16 బాలికల అథ్లెటిక్స్‌లో 100 మీటర్ల లాంగ్‌ జంప్‌లో అనూష విజయం సాధించింది. అనూష హైదరాబాద్‌ స్పోర్ట్స్‌ స్కూల్‌లో ఇ ం టర్‌ ఫస్టియర్‌ చదువుతోంది. ఈనెల 31, వచ్చే ఏడాది జనవరి 1, 2 తేదీల్లో హనుమకొండలో జరిగే రాష్ట్ర స్థాయి పోటీల్లో పాల్గొననుంది. కోర్టులో సమస్యల పరిష్కారానికి కృషిచేస్తా చివ్వెంల: సూర్యాపేట జిల్లా కోర్టులో నెలకొన్న సమస్యలను హైకోర్టు ప్రధాన న్యాయమూర్తి దృష్టికి తీసుకెళ్లి వాటి పరిష్కారానికి కృషి చేస్తానని జిల్లా పోర్ట్‌ పోలియో జడ్జి జస్టిస్‌ మాధవిదేవి అన్నారు. శుక్రవారం హైదరాబాద్‌లోని హైకోర్టులో గల తన చాంబర్‌లో జస్టిస్‌ మాధవిదేవిని సూర్యాపేట బార్‌ అసోసియేషన్‌ సభ్యులు మర్యాద పూర్వకంగా కలిసి పుష్పగుచ్ఛం అందజేశారు. ఈ సందర్భంగా జిల్లా కేంద్రంలో నూతన కోర్టు నిర్మాణం, జువైనల్‌ కోర్టు మంజూరు విషయమై ఆమె దృష్టికి తీసుకెళ్లారు. దీనికి ఆమె పైవిధంగా స్పందించారని బార్‌ అసోసియేషన్‌ సభ్యులు పేర్కొన్నారు. ఈ కార్యక్రమంలో బార్‌ అసోసియేషన్‌ అధ్యక్షుడు నూకల సుదర్శన్‌రెడ్డి, ప్రధాన కార్యదర్శి డపుకు మల్లయ్య, కోశాధికారి ధరావత్‌ వీరేష్‌ కుమార్‌ తదితరులు పాల్గొన్నారు. పెండింగ్‌ బిల్లులు వెంటనే చెల్లించాలిపెన్‌పహాడ్‌: ఉద్యోగ, ఉపాధ్యాయుల జీపీఎఫ్‌, టీఎస్‌జీఎల్‌ఐ, సరెండర్‌ సెలవులు, బకాయి బిల్లులు వెంటనే క్లియర్‌ చేయాలని టీఎస్‌ యూటీఎఫ్‌ జిల్లా కార్యదర్శి చిలక రమేష్‌ ప్రభుత్వాన్ని డిమాండ్‌ చేశారు. పెన్‌పహాడ్‌ మండలం చెట్లముకుందాపురం ప్రాథమికోన్నత పాఠశాలలో నూతన ఉపాధ్యాయులకు శుక్రవారం సంఘం సభ్యత్వాలు అందజేసి మాట్లాడారు. విద్యారంగంలో పర్యవేక్షణ అధికారుల పోస్టులు వెంటనే భర్తీ చేయాలని, కేజీబీవీల్లో పనిచేస్తున్న ఉపాధ్యాయులకు మినీమం టైం స్కేలు వర్తింజేయాలన్నారు. అదేవిధంగా మోడల్‌ స్కూల్‌ ఉపాధ్యాయులకు హెల్త్‌కార్డులు వెంటనే మంజూరు చేయాలని డిమాండ్‌ చేశారు. ఈ కార్యక్రమంలో టీఎస్‌ యూటీఎఫ్‌ మండల అధ్యక్షుడు కె.వీరేంద్ర, మండల ప్రధాన కార్యదర్శి బి.రాంజీ, పాఠశాల సిబ్బంది పాల్గొన్నారు. అమిత్‌ షాను మంత్రివర్గం నుంచి తొలగించాలిసూర్యాపేట: భారత రాజ్యాంగ నిర్మాత డాక్టర్‌ బీఆర్‌.అంబేద్కర్‌పై అనుచిత వ్యాఖ్యలు చేసిన అమిత్‌షా కేంద్ర మంత్రి వర్గం నుంచి తొలగించాలని మాల మహానాడు రాష్ట్ర అధ్యక్షడు, న్యాయవాది తల్లమల్ల హసేన్‌, జిల్లా గౌరవ అధ్యక్షులు బొల్లెద్దు దశరథ డిమాండ్‌ చేశారు. పార్లమెంట్‌లో అమిత్‌ షా అనుచిత వ్యాఖ్య లను నిరసిస్తూ శుక్రవారం సూర్యాపేట జిల్లా కేంద్రంలో రైతుబజార్‌ అంబేద్కర్‌ విగ్రహం వద్ద ఆయన దిష్టిబొమ్మను దహనం చేశారు. ఈ సందర్భంగా వారు మాట్లాడారు. కార్యక్రమంలో వీర్జాల వేణుబలరాం, కట్ల మురళి, బొల్లెద్దు వినయ్‌, అసొద రవి, అఖిల్‌, రామకృష్ణ, సైదులు, కరుణాకర్‌, నాగరాజు, భద్రచాలం, నరేందర్‌, సాగర్‌, రవి పాల్గొన్నారు.

కోదాడ: కోదాడలోని సీసీ రెడ్డి విద్యానిలయంలో ఏర్పాటు చేసిన జిల్లా స్థాయి విద్యా వైజ్ఞానిక ప్రదర్శన రెండో రోజైన శుక్రవారం సాయంత్రం ముగిసింది. ఇందులో 312 ప్రాజెక్టులతోపాటు ఇన్‌స్పైర్‌కు ఎంపికై న 84 ఎగ్జిబిట్లతో కలిపి మొత్తం 396 ప్రాజెక్టులను ప్రదర్శించారు. ప్రాజెక్టులను తిలకించడానికి వేలాది మంది విద్యార్థులు తరలిరావడంతో పాఠశాల ప్రాంగణం కిక్కిరిసిపోయింది. ఈ సందర్భంగా విద్యార్థుల సాంస్కృతిక కార్యక్రమాలు చూపరులను ఆకట్టుకున్నాయి. ముగింపు కార్యక్రమానికి హాజరుకాని ముఖ్యఅతిథులు సైన్స్‌ ఫెయిర్‌ ప్రారంభోత్సవ కార్యక్రమానికి జిల్లా కలెక్టర్‌ రావాల్సి ఉండగా ఆయన స్థానంలో అదనపు కలెక్టర్‌ వచ్చారు. ఇక ముగింపు కార్యక్రమానికి రాష్ట్ర మంత్రులు ఉత్తమ్‌కుమార్‌రెడ్డి, తుమ్మల నాగేశ్వరరావు, కోదాడ ఎమ్మెల్యే పద్మావతి వస్తారని నిర్వాహకులు ప్రకటించినప్పటికీ వీరెవరూ హాజరుకాలేదు. రాష్ట్ర స్థాయికి ఎంపికై న ప్రాజెక్టులు ఇవే.. ఆహారం–ఆరోగ్యం పరిశుభ్రత విభాగంలో జెడ్పీహెచ్‌ఎస్‌ అమీనాబాద్‌ విద్యార్థి ఎం.శాంతి, రవాణా, కమ్యునికేషన్‌ విభాగంలో ఎంఎస్‌ఆర్‌ సెంట్రల్‌ స్కూల్‌ సూర్యాపేట విద్యార్థి కొల్లు మహీధర్‌, సంప్రదాయ వ్యవసాయం విభాగంలో జెడ్పీహెచ్‌ఎస్‌ జాజిరెడ్డిగూడెం విద్యార్థులు రేణుక, చందన ప్రదర్శించిన ప్రాజెక్టులు ప్రథమ స్థానాల్లో నిలిచాయి. అలాగే, ప్రకృతి వైపరీత్యాల విభాగంలో ఎంఎస్‌ఆర్‌ సెంట్రల్‌ స్కూల్‌ సూర్యాపేట విద్యార్థి జి.సాయి అభిరామ్‌, గణిత మోడల్స్‌ విభాగంలో కోదాడలోని జయ పాఠశాల విద్యార్థులు నౌషియా, మాన్య, నీటి యాజమాన్య పద్ధతుల విభాగంలో నడిగూడెం బాలికల పాఠశాల విద్యార్థి షేక్‌ నజ్మీన్‌, పునరుత్పాదక రంగం విభాగంలో అనంతగిరి మండలం పాలవరం పాఠశాల విద్యార్థి బి.ఉదయ్‌ ప్రాజెక్టులు ప్రథమ స్థానాల్లో నిలిచి రాష్ట్ర స్థాయి పోటీలకు ఎంపికయ్యాయి. ఎన్నికల ప్రచారం బంద్‌ఈ సైన్స్‌ ఫెయిర్‌లో నిబంధనలకు విరుద్ధంగా ఉపాధ్యాయ ఎమ్మెల్సీ బరిలో ఉన్న అభ్యర్థులు ఎన్నికల ప్రచారం నిర్వహించడాన్ని ‘సాక్షి’ శుక్రవారం వెలుగులోకి తీసుకొచ్చింది. దీంతో కలెక్టర్‌ తీవ్ర ఆగ్రహం వ్యక్తం చేసి ప్రదర్శన నిర్వహిస్తున్న పాఠశాల ప్రాంగణంలో ఎలాంటి ఎన్నికల ప్రచారం నిర్వహించవద్దని చెప్పినట్లు సమాచారం. దీంతో నిర్వాహకులు శుక్రవారం అప్రమత్తమై ఎన్నికల ప్రచారం బంద్‌ చేసినట్టు తెలుస్తోంది. ఫ సైన్స్‌ ఫెయిర్‌లో 396 ఎగ్జిబిట్ల ప్రదర్శన ఫ రెండో రోజు పోటెత్తిన విద్యార్థులు సైన్స్‌తోనే సమగ్రాభివృద్ధి : డీఈఓ సైన్స్‌తోనే దేశంలో సమగ్రాభివృద్ధి సాధ్యమని జిల్లా విద్యాధికారి అశోక్‌ అన్నారు. కోదాడలోని సీసీ రెడ్డి పాఠశాలలో శుక్రవారం జరిగిన 52వ జిల్లా స్థాయి విద్యా వైజ్ఞానిక ప్రదర్శన ముగింపు కార్యక్రమానికి ఆయన ముఖ్యఅతిథిగా హాజరై మాట్లాడారు. విద్యార్థుల సృజనాత్మకతను గుర్తించి ప్రోత్సహిస్తే అద్భుతాలు సృష్టిస్తారన్నారు. అనంతరం జిల్లా సైన్స్‌ అధికారి ఎల్‌.దేవరాజ్‌ మాట్లాడుతూ సైన్స్‌ ఫెయిర్‌ విజయవంతం కావడానికి సహకరించిన కమిటీల సభ్యులు, ఉపాధ్యాయ సంఘాలు, పాఠశాల యాజమాన్యానికి కృతజ్ఞతలు తెలిపారు. ఈ ప్రదర్శనలో 8 ప్రాజెక్టులను రాష్ట్రస్థాయి పోటీలకు ఎంపిక చేసినట్లు తెలిపారు. విజేతలకు అధికారులు, నాయకులు బహుమతులను అందజేశారు. ఈ కార్యక్రమంలో జిల్లా గ్రంథాలయ సంస్ధ చైర్మన్‌ వంగవీటి రామారావు, కోదాడ మున్సిపల్‌ చైర్‌పర్సన్‌ సామినేని ప్రమీల, ఎంఈఓ సలీం షరీఫ్‌, ఎడమకాలువ మాజీ చైర్మన్‌ చింతకుంట్ల లక్ష్మీనారాయణరెడ్డి, మున్సిపల్‌ వైస్‌చైర్మన్‌ కందుల కోటేశ్వరరావు, బడుగుల సైదులు, ఉపాధ్యాయులు పాల్గొన్నారు.

అర్వపల్లి: వచ్చే ఆర్థిక సంవత్సరం మార్చిలోపు రుణాల చెల్లింపులు, రికవరీలపై బ్యాంకర్లు, సంబంధిత అధికారులు దృష్టిసారించాలని జిల్లా లీడ్‌ బ్యాంకు మేనేజర్‌ బాపూజీ కోరారు. జాజిరెడ్డిగూడెం మండలం అర్వపల్లిలోని ఎంపీడీఓ కార్యాలయంలో శుక్రవారం స్టేట్‌ బ్యాంకు ఆఫ్‌ ఇండియా ఆధ్వర్యంలో నియోజకవర్గంలోని ఆరు మండలాల బ్యాంకర్లు, వివిధశాఖల అధికారులు, సిబ్బందితో నిర్వహించిన జాయింట్‌ మండల లెవల్‌ బ్యాంకర్స్‌ కమిటీ (జేఎంఎల్‌బీసీ) సమావేశంలో ఆయన మాట్లాడారు. మొండిబకాయిల వసూళ్లకు అన్నిశాఖల అధికారుల సమన్వయంతో కృషిచేయాలన్నారు. రుణమాఫీకి సంబంధించి రైతులు ఏ సమస్య ఉన్నా స్థానిక అధికారులను సంప్రదించాలని అక్కడ పరిష్కారం కాకపోతే జిల్లా లీడ్‌ బ్యాంకు మేనేజర్‌ మెయిల్‌కు తగిన ఆధారాలతో పంపాలని సూచించారు. అలాగే నాలుగో విడత రుణమాఫీకి సంబంధించి ఇంతవరకు బడ్జెట్‌ విడుదల కాలేదని చెప్పారు. దీనిపై రైతులు ఎలాంటి ఆందోళన చెందాల్సిన అవసరం లేదని స్పష్టం చేశారు. జేఎంఎల్‌బీసీ కన్వీనర్‌, స్థానిక ఎస్‌బీఐ మేనేజర్‌ బదావత్‌ రామకృష్ణ అధ్యక్షతన జరిగిన సమావేశంలో ఎస్సీ కార్పొరేషన్‌ జిల్లా అధికారి ఎల్‌.శ్రీనివాస్‌, స్థానిక ఎంపీడీఓ ఎం.సత్యనారాయణరెడ్డి, డీపీఎం రత్తయ్య, మెప్మా పీడీ రేణుక, రూరల్‌ సెల్ప్‌ ఎప్లాయ్‌మెంట్‌ ట్రైనింగ్‌ ఇన్‌స్టిట్యూట్‌ (ఆర్‌ఎస్‌ఈటీఐ) ఉమ్మడి జిల్లా డైరెక్టర్‌ రఘుపతి, ఏడీఏ బాలకృష్ణ, ఆరు మండలాల బ్యాంక్‌ మేనేజర్లు, ఎంపీడీఓలు, ఏఓలు, పశువైద్యాధికారులు, ఏపీఓలు, సీసీలు, ఏఈఓలు వివిధ శాఖల సిబ్బంది పాల్గొన్నారు. ఫ జిల్లా లీడ్‌ బ్యాంకు మేనేజర్‌ బాపూజీ

తిరుమలగిరి (తుంగతుర్తి): ప్రభుత్వ పాఠశాలలు, కళాశాలల్లో చదువుతున్న వేలాది మంది విద్యార్థులు కంటి సమస్యలు ఎదుర్కొంటూ నానా ఇబ్బందులు పడుతున్నారు. వైద్య పరీక్షలు చేయడం ద్వారా విద్యార్థుల కంటి సమస్యలను ప్రాథమిక దశలోనే పరిష్కరించాలనే ఉద్దేశంతో కేంద్ర ప్రభుత్వం పదకొండేళ్ల నుంచి ఆర్‌బీఎస్‌కే (రాష్ట్రీయ బాల స్వస్థ్య కార్యక్రమం)ను కరోనా అనంతరం రెండేళ్ల నుంచి పక్కా అమలు చేస్తోంది. ఏటా కుటుంబ, ఆరోగ్య సంక్షేమ శాఖ ఆధ్వర్యంలో విద్యార్థులందరికీ కంటి పరీక్షలు చేయిస్తోంది. తొమ్మిది బృందాలతో పరీక్షలు.. ప్రభుత్వ పాఠశాలలు, కళాశాలల విద్యార్థులకు, అంగన్‌వాడీ కేంద్రాల్లోని చిన్నారులకు 2024–25 విద్యా సంవత్సరానికి సంబంధించి ఆర్‌బీఎస్‌కే ద్వారా వైద్య పరీక్షలు నిర్వహిస్తున్నారు. ఇద్దరు వైద్యులు, ఒక ఏఎన్‌ఎం, ఒక ఫార్మసిస్టు సభ్యులుగా తొమ్మిది బృందాలు ఏర్పాటు చేసి వారంలో ఐదు రోజుల పాటు విద్యార్థుల వద్దకు వెళ్లి వైద్య పరీక్షలు నిర్వహిస్తున్నారు. 51,164 మందికి కంటి పరీక్షలు.. ఆర్‌బీఎస్‌కే కింద జిల్లాలో ఈ విద్యా సంవత్సరానికి సంబంధించి ఇప్పటి వరకు 51,164 మంది విద్యార్థులకు కంటి వైద్యపరీక్షలు నిర్వహించారు. ఇందులో మొత్తం 1,409 మంది విద్యార్థులు కంటికి సంబంధించిన వ్యాధులతో బాధపడుతున్నట్లు వైద్యసిబ్బంది గుర్తించారు. ఆర్‌బీఎస్‌కే ఆధ్వర్యంలో విద్యార్థులకు గత సంవత్సరం కూడా పరీక్షలు నిర్వహించి కంటిఅద్దాలు ఇచ్చారు. ఈ సంవత్సరం కూడా కంటి సమస్యలు ఉన్న విద్యార్థులను గుర్తించి, పరీక్షలు చేసి, అవసరం ఉన్న వారికి అద్దాలు అందజేసేందుకు ప్రభుత్వం చర్యలు చేపడుతోంది. కంటి సమస్యలు ఉంటే అద్దాలు అందజేస్తాం ఆర్‌బీఎస్‌కే వైద్య బృందాలు నిర్వహిస్తున్న పరీక్షల్లో ఎక్కువ శాతం మంది విద్యార్థులు కంటి సమస్యలతో బాధపడుతున్నట్లు గుర్తించాం. విద్యార్థులు అధికంగా సెల్‌ఫోన్లు చూడడంతో కంటి సమస్యలు వస్తున్నాయి. కంటి సమస్యలు ఉన్న విద్యార్థులందరికీ అద్దాలు అందజేస్తాం. – డాక్టర్‌ కోటాచలం, డీఎంహెచ్‌ఓఫ ప్రభుత్వ స్కూళ్లు, కళాశాలల్లో ఆర్‌బీఎస్‌కే ద్వారా వైద్య పరీక్షలు ఫ గత ఏడాది నుంచి ముమ్మరంగా కార్యక్రమం అమలు ఫ ప్రస్తుత విద్యా సంవత్సరంలో 51,164 మందికి పరీక్షలు ఫ కంటి సమస్యలకు సెల్‌ఫోన్‌ అధిక వినియోగమే కారణమంటున్న వైద్యులు పరీక్షలు ఎందుకంటే.. ప్రభుత్వ పాఠశాలలు, కళాశాలల్లో చదువుతున్న విద్యార్థులు వివిధ రకాల కారణాలతో సరియైన పోషకాహారం తీసుకోకపోవడం వల్ల ప్రధానంగా కంటి సమస్యలతో బాధపడుతున్నారు. మరి కొందరు సెల్‌ఫోన్లు ఎక్కువగా చూడడం వల్ల కంటి సమస్యల బారిన పడుతున్నారు. దీనివల్ల దూరపు చూపు తగ్గిపోవడంతో కొద్దిసేపు చదివిన వెంటనే తలనొప్పి రావడం, కళ్ల నుంచి నీరు కారడం లాంటి సమస్యలు ఎదుర్కొంటున్నారని వైద్యులు చెబుతున్నారు. కొందరు విద్యార్థులైతే బోర్డుపై రాసే అక్షరాలు గుర్తించడానికి కూడా నానా అవస్థలు పడుతున్నారు. ఎక్కువ సేపు చదవలేకపోతున్నారు. ఈ నేపథ్యంలో సమస్యను ఆదిలోనే గుర్తించి పరిష్కరించాలని విద్యార్థులందరికీ కంటి పరీక్షలు చేయాలని ప్రభుత్వం నిర్ణయించింది.

నేరేడుచర్ల: రాష్ట్ర సరిహద్దు అయిన మట్టపల్లి, పులిచింతల, దొండపాడు, రామాపురం, గోండ్రియాల, చింత్రియాల తదితర ప్రాంతాల మీదుగా ఇతర రాష్ట్రం నుంచి జిల్లాలోకి అక్రమంగా ధాన్యం రాకుండా పోలీస్‌ బందోబస్త్‌ ఏర్పాటు చేశామని జిల్లా అదనపు కలెక్టర్‌ రాంబాబు పేర్కొన్నారు. గురువారం ఆయన నేరేడుచర్ల తహసీల్దార్‌ కార్యాలయంలో ఏర్పాటు చేసిన విలేకరుల సమావేశంలో మాట్లాడారు. ఇప్పటి వరకు రైతుల నుంచి కొనుగోలు చేసిన దాదాపు 1.70 లక్షలకు పైగా ధాన్యానికి రూ.421 కోట్లు చెల్లించాల్సి ఉండగా రూ.352 కోట్లు చెల్లించామని పేర్కొన్నారు. గతేడాది సీఎంఆర్‌ ధాన్యాన్ని బకాయిలు ఉన్న 65 మిల్లులకు ఈ ఏడాదిలో ధాన్యం ఇవ్వకుండా నిలిపివేశామన్నారు. ప్రభుత్వ నిబంధనల మేరకు బ్యాంకు గ్యారంటీ ఇచ్చిన 49 మిల్లులకు మాత్రమే ధాన్యం కేటాయించామన్నారు. మట్టపల్లిలో, చెక్‌పోస్టు వద్ద సీసీ కెమెరాలను ఏర్పాటు చేసినట్లు పేర్కొన్నారు. ఈ సమావేశంలో తహసీల్దార్‌ సురగి సైదులు, మున్సిపల్‌ కమిషనర్‌ యడవల్లి అశోక్‌రెడ్డి, టీపీఓ అంజయ్య తదితరులు పాల్గొన్నారు. ఫ అదనపు కలెక్టర్‌ రాంబాబు

వ్యసనాలకు బానిసై.. ఓ యువకుడు చెడు వ్యసనాలకు బానిసగా మారి గంజాయి విక్రయిస్తూ పోలీసులకు చిక్కి కటకటాల పాలయ్యాడు. - 8లోసూర్యాపేట: స్వచ్ఛ సర్వేక్షన్‌లో మెరుగైన ఫలితాలు సాధించినందుకు సూర్యాపేట మున్సిపాలిటీకి చేంజ్‌ మేకర్స్‌ అవార్డు లభించింది. చేంజ్‌ మేకర్స్‌ కాన్‌క్లేవ్‌ కార్యక్రమంలో భాగంగా స్వచ్ఛ కార్యక్రమాలు, స్వచ్ఛ సర్వేక్షన్‌లో పలు అంశాల్లో ఉత్తమ ప్రతిభ కనబర్చిన మున్సిపాలిటీలకు సెంటర్‌ ఫర్‌ సైన్స్‌ అండ్‌ ఎన్విరాన్‌మెంటల్‌, ఎంఓహెచ్‌యూఏ సంయుక్తంగా ఢిల్లీలో గురువారం డాక్టర్‌ సునితనరైన్‌ చేతుల మీదుగా చేంజ్‌ మేకర్స్‌ అవార్డులు ప్రదానం చేశారు. ఇందులో సూర్యాపేట మున్సిపాలిటీకి వచ్చిన అవార్డును ఎన్విరాన్‌మెంటల్‌ ఇంజనీర్‌ చిప్పలపల్లి శివప్రసాద్‌ అందుకున్నారు. సూర్యాపేట మున్సిపాలిటీకి చేంజ్‌మేకర్స్‌ అవార్డు రావడం పట్ల చైర్‌పర్సన్‌ అన్నపూర్ణ, కమిషనర్‌ శ్రీనివాస్‌లు హర్షం వ్యక్తం చేశారు. ఇందుకు కృషిచేసిన పారిశుద్ధ్య అధికారులు, సిబ్బందికి అభినందనలు తెలిపారు.

చివ్వెంల: విద్యార్థులు చట్టాలపై అవగాహన కలిగి ఉండడం చాలా అవసరమని జిల్లా న్యాయసేవాధికార సంస్థ కార్యదర్శి పి.శ్రీవాణి అన్నారు. బుధవారం సూర్యాపేట జిల్లా కేంద్రంలోని జెడ్పీ ఉన్నత పాఠశాలలో చట్టాలపై విద్యార్థులకు నిర్వహించిన అవగాహన సదస్సులో ఆమె మాట్లాడారు. విద్యార్థులు వ్యసనాలకు దూరంగా ఉండడంతోపాటు సెల్‌ ఫోన్‌ వినియోగం తగ్గించుకుని పట్టుదలతో చదువుతూ ఉన్నత శిఖరాలను అధిరోహించాలన్నారు. బైక్‌లపై త్రిబుల్‌ రైడింగ్‌ చేయరాదన్నారు. బాల్య వివాహాల వల్ల జరిగే అనర్థనాలను వివరించారు. ఈ కార్యక్రమంలో బార్‌ అసోసియేషన్‌ ప్రధాన కార్యదర్శి డపుకు మల్లయ్య, డిఫెన్స్‌ కౌన్సిల్స్‌ వసంత సత్యనారాయణపిళ్లే యాదవ్‌, బొల్లెద్దు వెంకటరత్నం, భట్టిపల్లి ప్రవీణ్‌ కుమార్‌, పెండెం వాణి, న్యాయవాదులు ఏడిండ్ల అశోక్‌, గూడూరి శ్రీనివాస్‌ తదితరులు పాల్గొన్నారు.ఫ జిల్లా న్యాయసేవాధికార సంస్థ కార్యదర్శి శ్రీవాణి

భానుపురి (సూర్యాపేట): భారత రాజ్యాంగ నిర్మాత, డాక్టర్‌ బీఆర్‌.అంబేద్కర్‌పై అనుచిత వ్యాఖ్యలు చేసిన కేంద్ర హోంశాఖ మంత్రి అమిత్‌ షానుమంత్రివర్గం నుంచి బర్తరఫ్‌ చేయాలని పీసీసీ అధికార ప్రతినిధి చకిలం రాజేశ్వరరావు, సూర్యాపేట మున్సిపల్‌ ఫ్లోర్‌ లీడర్‌ కక్కిరేణి శ్రీనివాస్‌ డిమాండ్‌ చేశారు. అంబేద్కర్‌పై కేంద్ర హోంశాఖ మంత్రి అమిత్‌ షా చేసిన వ్యాఖ్యలను ఖండిస్తూ గురువారం సూర్యాపేటలోని కొత్తబస్టాండ్‌ వద్ద నిరసన కార్యక్రమం చేపట్టారు. ఈ సందర్భంగా వారు మాట్లాడుతూ బీజేపీ అహంకారానికి ఈ వ్యాఖ్యలే నిదర్శనమన్నారు. భారత రాజ్యాంగానికి ఇది ఘోర అవమానమని, దళిత, గిరిజన, బీసీ, మైనారిటీ ప్రజల మనోభావాలు తీవ్రంగా దెబ్బతీసినట్లేనన్నారు. కార్యక్రమంలో పట్టణ కాంగ్రెస్‌ వర్కింగ్‌ ప్రెసిడెంట్‌ చెంచల శ్రీనివాస్‌, రాష్ట్ర కాంగ్రెస్‌ నాయకులు కుమ్మరికుంట్ల వేణుగోపాల్‌, పోలగాని బాలుగౌడ్‌, రుద్రంగి రవి, నాగుల వాసు, గండూరి రమేష్‌, చిరివెళ్ల శభరి, తంగెళ్ల కరుణాకర్‌రెడ్డి, ఆలేటి మాణిక్యం, రావుల రాంబాబు, పిడమర్తి రాజు, జావేద్‌ బేగ్‌, నాని, గడ్డం వెంకన్న, సాజిద్‌, జమండ్ల సత్యనారాయణరెడ్డి, చెంచల నిఖిల్‌, రణబోతు సైదిరెడ్డి తదితరులు పాల్గొన్నారు.

మునగాల: ఇందిరమ్మ ఇళ్ల ఇంటింటి సర్వేను ఈ నెల 25లోగా పూర్తిచేయాలని గృహనిర్మాణ శాఖ ఎగ్జిక్యూటివ్‌ ఇంజనీర్‌ (హౌసింగ్‌ శాఖ ఈఈ) విజయ్‌సింగ్‌ అన్నారు. గురువారం ఆయన మునగాల మండలం కొక్కిరేణి, తిమ్మారెడ్డిగూడెం, గణపవరం గ్రామాల్లో సిబ్బంది చేస్తున్న సర్వే తీరును పరిశీలించారు. అనంతరం ఆయన మాట్లాడుతూ సర్వేలో ఎటువంటి పొరపాట్లు తలెత్తకుండా పారదర్శకంగా సర్వేను నిర్వహిస్తూ వేగంగా రిపోర్టు సబ్మిట్‌ చేయాలని, దరఖాస్తుదారులు అందుబాటులో లేకుంటే ఫోన్‌ వాట్సాప్‌ ద్వారా ఇందిరమ్మ కమిటీలకు తెలియచేసి హాజరయ్యేలా చర్యలు చేపట్టాలని సూచించారు. ఈ కార్యక్రమంలో గృహనిర్మాణ శాఖ ఏఈ జేఎస్‌ఎన్‌.మూర్తి, వర్క్‌ ఇన్‌స్పెక్టర్‌ అబ్దుల్లా, ఎంపీఓ దార శ్రీనివాస్‌, గణపవరం, తిమ్మారెడ్డిగూడెం పంచాయతీ కార్యదర్శులు దేవిరెడ్డి వీరారెడ్డి, జావెద్‌, కొక్కిరేణి బిల్‌ కలెక్టర్‌ పవన్‌కుమార్‌ తదితరులు పాల్గొన్నారు. ఫ హౌసింగ్‌ ఈఈ విజయ్‌సింగ్‌

భానుపురి (సూర్యాపేట): ఇందిరా మహిళా శక్తి పథకం కింద తెలంగాణ మైనారిటీ ఫైనాన్స్‌ కార్పొరేషన్‌ ఆధ్వర్యంలో మైనార్టీ మహిళలకు అందించే ఉచిత కుట్టుమిషన్ల కోసం దరఖాస్తు చేసుకోవాలని జిల్లా మైనార్టీ సంక్షేమశాఖ అధికారి జగదీశ్‌రెడ్డి గురువారం ఒక ప్రకటనలో తెలిపారు. జిల్లాలోని మైనారిటీ మహిళలు ముస్లిం, సిక్కులు, బౌద్ధులు, జైనులు, పార్శీకి చెందిన వారు ఈనెల 31వ తేదీ వరకు ఆన్‌లైన్‌లో tgobmms.cgg.gov.in ద్వారా దరఖాస్తు చేసుకోవాలని పేర్కొన్నారు. ఆన్‌లైన్‌ దరఖాస్తుతో పాటు సంబంధిత ధ్రువ పత్రాలను జత చేసి జిల్లా మైనారిటీ సంక్షేమ శాఖ కార్యాలయంలో అందించాలని తెలిపారు. అర్హులైన వారు పూర్తి వివరాలకు మొబైల్‌ 9247720650, 9492611057 నంబర్‌లను సంప్రదించాలని కోరారు. మున్సిపల్‌ కమిషనర్‌గా బాధ్యతల స్వీకరణతిరుమలగిరి (తుంగతుర్తి): తిరుమలగిరి మున్సిపల్‌ నూతన కమిషనర్‌గా వెంకట మణికరణ్‌ గురువా రం బాధ్యతలు స్వీకరించారు. ఈయన నల్లగొండ జిల్లా చండూరు మున్సిప ల్‌ కమిషనర్‌గా పనిచేసి బదిలీపై వచ్చారు. పశువైద్య శిబిరాలు ఏర్పాటు చేయాలిహుజూర్‌నగర్‌: గ్రామాల్లో పశువైద్య శిబిరాలు ఏర్పాటు చేయాలని జిల్లా పశు వైద్య, పశుసంవర్థక శాఖ అధికారి డాక్టర్‌ శ్రీనివాసరావు అన్నారు. గురువారం హుజూర్‌నగర్‌లోని ప్రాంతీయ పశు వైద్య కేంద్రంలో నిర్వహించిన ఆ శాఖ నియోజకవర్గ స్థాయి సమీక్షా సమావేశంలో ఆయన మాట్లాడారు. గొర్రెలు, మేకల్లో చీడపారుడు రోగ నివారణకు టీకాలు వేయాలన్నారు. వ్యాధి నివారణ టీకాలు, కృత్రిమ గర్భధారణ కార్యక్రమాలను ఈనెల 25 వరకు పూర్తిచేయాలన్నారు. కార్యక్రమంలో పశువైద్యులు, సిబ్బంది పాల్గొన్నారు. నెమ్మికల్‌ సంత వేలం.. మళ్లీ వాయిదాఆత్మకూర్‌(ఎస్‌): మండలంలోని నెమ్మికల్‌ సంత వేలం పాట మళ్లీ వాయిదా పడింది. ఏటా సంతలో పశువులు, గొర్రెలు, మేకలు అమ్ముకొనుటకు సంత వేలం నిర్వహిస్తుంటారు. కాగా ఇప్పటికీ ఒకసారి వేలంపాట నిర్వహించగా సరైన పాట రాకపోవడంతో వాయిదా వేశారు. కాగా గురువారం మళ్లీ పాట నిర్వహించగా ఎవరూ రాకపోవడంతో మళ్లీ వాయిదా వేస్తున్నట్లు ఎంపీఓ రాజేష్‌ గౌడ్‌ తెలిపారు. ఈ కార్యక్రమంలో పంచాయతీ కార్యదర్శి భాస్కర్‌ గ్రామస్తులు తదితరులు పాల్గొన్నారు. మత్తు పదార్థాలకు బానిసలు కావొద్దుసూర్యాపేట టౌన్‌: యువతీ యువకులు మత్తు పదార్థాలకు బానిసలు కావొద్దని జిల్లా సంక్షేమ అధికారి కె.నరసింహారావు అన్నారు. నషా ముక్త్‌ భారత్‌ అభియాన్‌ ప్రోగ్రాంలో భాగంగా గురువారం సూర్యాపేట జిల్లా కేంద్రంలోని ప్రభుత్వ జూనియర్‌ కళాశాల, జెడ్పీ ఉన్నత పాఠశాలలో విద్యార్థులకు మాదకద్రవ్యాల వల్ల కలిగి అనర్థాలపై అవగాహన కల్పించారు. ఈ సందర్భంగా పోస్టర్‌ ఆవిష్కరించి మాట్లాడారు. ఈ కార్యక్రమం ప్రిన్సిపాల్‌ పెరుమాళ్ల యాదయ్య, సైదులు, నవీన్‌, రవికుమార్‌, నిరంజన్‌రెడ్డి, సతీష్‌ తదితరులు పాల్గొన్నారు. మొండి బకాయిలు వసూలు చేయాలి హుజూర్‌నగర్‌ రూరల్‌: మొండి బకాయిలు వసూలు చేయడంతో పాటు టార్గెట్లు పూర్తిచేయాలని వివిధ శాఖల బ్యాంకర్లకు జిల్లా లీడ్‌ బ్యాంక్‌ మేనేజర్‌ బాపూజీ సూచించారు. గురువారం హుజూర్‌నగర్‌ మండల పరిషత్‌ కార్యాలయంలో ఏబీఐ ఆధ్వర్యంలో ఏర్పాటు చేసిన బ్యాంకర్ల సమావేశంలో ఆయన మాట్లాడారు. ఈ సమావేశంలో జిల్లా పశు సంవర్థకశాఖ అధికారి శ్రీనివాసరావు, వివిధ బ్యాంకుల మేనేజర్లు, అధికారులు పాల్గొన్నారు.

కోదాడ: జిల్లా స్థాయి సైన్స్‌ఫెయిల్‌ కొనసాగుతున్న కోదాడ పట్టణంలోని సీసీ రెడ్డి విద్యానిలయంలో గురువారం ఒకే ఉపాధ్యాయ సంఘానికి చెందిన నేతలు వేర్వేరుగా ఉపాధ్యాయ ఎమ్మెల్సీ ఎన్నికల ప్రచారం నిర్వహించి తీవ్ర విమర్శలు ఎదుర్కొంటున్నాయి. పాఠశాలలో ఫ్లెక్సీలు ఏర్పాటు చేయడంతోపాటు కొందరు ఉపాధ్యాయులు విధుల్లో ఉండి కూడా మెడలో ఐడీ కార్డులు పెట్టుకొని తమ నేతలకు ఎదురెళ్ల్లి స్వాగతం పలకి అత్యుత్సాహం ప్రదర్శించారని పలువురు అంటున్నారు. అంతేకాక వారిని సైన్స్‌ ఫెయిర్‌ ఏర్పాటు చేసిన గదుల్లోకి తీసుకెళ్లి వారితో ఫొటోలు దిగడంతో విద్యార్థులు ఇబ్బందులకు గురయ్యారు. వరంగల్‌–నల్లగొండ– ఖమ్మం ఉపాధ్యాయ ఎమ్మెల్సీ ఎన్నికల బరిలో ఉన్న అభ్యర్థులు విధుల్లో ఉన్న ఉపాధ్యాయుల వద్దకు వెళ్లి తమకే ఓటు వేయాలని ప్రచారం నిర్వహించారు. కొందరు పాఠశాల ఆవరణలోనే విలేకరుల సమావేశం ఏర్పాటు చేసి గెలిస్తే తాము ఏమేమీ చేస్తామో చెప్పుకోవడం గమనార్హం. శుక్రవారం జరిగే ముగింపు కార్యక్రమానికి కూడా మరికొంత మంది అభ్యర్థులు వచ్చి ప్రచారం చేస్తారని సమాచారం. ఈ విషయాన్ని కొందరు జిల్లా కలెక్టర్‌ దృష్టికి తీసుకెళ్లడంతో ఆయన దీనిపై తీవ్ర ఆగ్రహం వ్యక్తం చేయడమే కాకుండా శుక్రవారం తాను ఆకస్మికంగా తనిఖీ చేస్తానని నిబంధనలు ఉల్లంఘిస్తే సస్పెండ్‌ చేస్తానని హెచ్చరించినట్లు సమాచారం. ఫ తమ నేతలకు ఎదురెళ్లి స్వాగతం పలికిన విధుల్లో ఉన్న ఉపాధ్యాయులు ఫ ఇలాంటివి పునరావృతమైతే సస్పెండ్‌ చేస్తానని కలెక్టర్‌ హెచ్చరిక!

సూర్యాపేట: ఎస్సీ వర్గీకరణకు అనుకూలంగా వ్యహరించిన ముఖ్యమంత్రి రేవంత్‌రెడ్డి ప్రకటనను వ్యతిరేకిస్తూ గురువారం అసెంబ్లీ ముట్టడికి వెళ్తున్న మాల మహానాడు నాయకులను అరెస్ట్‌ చేయడం దుర్మార్గమని మాల మహానాడు రాష్ట్ర అధ్యక్షుడు, ఎస్సీ వర్గీకరణ వ్యతిరేక పోరాట సమితి రాష్ట్ర వైస్‌ చైర్మన్‌ తలమల్ల హసేన్‌ అన్నారు. మాల మహానాడు నేతల అరెస్ట్‌ను ఖండిస్తూ గురువారం సూర్యాపేటలోని రైతు బజార్‌ అంబేద్కర్‌ విగ్రహం వద్ద నిరసన వ్యక్తం చేసి మాట్లాడారు. ఈ కార్యక్రమంలో సంఘం నాయకులు చందాదాసు, దాసరి దేవయ్య, కంచరదాసు ఆనందరావు, ఇట్టమళ్ల భిక్షం, గాజుల నర్సయ్య, అఖిల్‌ అనంత్‌ పాల్గొన్నారు.

భానుపురి (సూర్యాపేట): జిల్లాలో 2024–25 వానాకాలం సీజన్‌ వరి ధాన్యం సేకరణ తుదిదశకు చేరుకుంది. ప్రభుత్వం ఏర్పాటు చేసిన కొనుగోలు కేంద్రాల ద్వారా పౌరసరఫరాల శాఖ ఇప్పటి వరకు దాదాపు 1.70 లక్షల మెట్రిక్‌ టన్నుల ధాన్యాన్ని రైతుల నుంచి సేకరించింది. ఎన్నడూలేని విధంగా ఈయేడు సన్నరకానికి ప్రభుత్వం రూ.500 బోనస్‌ చెల్లించింది. ఈ నేపథ్యంలో దొడ్డు, సన్నరకాల ధాన్యానికి వేర్వేరుగా కొనుగోలు కేంద్రాలు ఏర్పాటు చేశారు. దాదాపు దొడ్డురకం ధాన్యం కొనుగోళ్లు పూర్తయ్యాయి. సన్నరకం ధాన్యం కొనుగోళ్లు మరికొన్ని రోజుల్లో పూర్తికానున్నట్టు తెలుస్తోంది. 316 కొనుగోలు సెంటర్ల ద్వారా.. ఈ సీజన్‌లో జిల్లాలో 4.72 లక్షల ఎకరాల్లో రైతులు వరి పంటను సాగు చేశారు. సుమారు 10.22 లక్షల మెట్రిక్‌ టన్నుల దిగుబడి వస్తోందని, ఇందులో రైతుల అవసరాలు, ప్రైవేట్‌ అమ్మకాలు పోగా ప్రభుత్వ కొనుగోలు సెంటర్లకు 3.71 లక్షల మెట్రిక్‌ టన్నుల ధాన్యం వస్తోందని జిల్లా యంత్రాంగం భావించింది. ఇందులో దొడ్డురకం 2లక్షల మెట్రిక్‌ టన్నులు, సన్నరకం 1.71 లక్షల మెట్రిక్‌ టన్నులు ఉండనుందని అంచనా వేసింది. ఈ మేరకు 170 దొడ్డురకం సెంటర్లు, 146 సన్నరకం కొనుగోలు సెంటర్లను ఏర్పాటు చేసింది. ఈ సెంటర్లలో ఇప్పటికే దొడ్డురకం కొనుగోళ్లు పూర్తయ్యాయి. 33,707 మంది రైతుల నుంచి.. జిల్లాలో సన్నరకాలకు తోడుగా దొడ్డురకం వరికి సైతం మార్కెట్‌లో మంచి డిమాండ్‌ నెలకొంది. క్వింటాకు దొడ్డురకానికి రూ.1,950 నుంచి రూ.2వేలకు పైగా ధర పలికింది. ఇక సన్నరకాలకు రూ.2,450 నుంచి రూ.2,600 వరకు ధర పడింది. దీంతో సన్నాలతో పాటు దొడ్డురకాలను సైతం రైతులు మిల్లులు, వ్యవసాయ మార్కెట్‌ యార్డుల్లో విక్రయించారు. జిల్లాలోని దొడ్డురకం సెంటర్లలో 21,133 మంది రైతుల నుంచి రూ.249 కోట్ల విలువ గల లక్ష మెట్రిక్‌ టన్నుల దొడ్డురకం ధాన్యాన్ని సివిల్‌ సప్లయ్‌ అధికారులు సేకరించారు. ఇక 12,574 మంది రైతుల నుంచి రూ.157 కోట్ల విలువ గల 70వేల మెట్రిక్‌ టన్నుల సన్నరకం ధాన్యాన్ని కూడా కొనుగోలు చేశారు. మొత్తంగా రూ.406 కోట్ల విలువ చేసే ధాన్యాన్ని 33,707 మంది రైతుల సేకరించగా.. మరో 30 నుంచి 40వేల మెట్రిక్‌ టన్నుల సన్నరకం ధాన్యం అమ్మకానికి గాను ప్రభుత్వ కొనుగోలు సెంటర్లలో సిద్ధంగా ఉంది.త్వరలో పూర్తికానున్న సన్న ధాన్యం సేకరణ ఫ మరో 40 మెట్రిక్‌ టన్నుల వరకు కొనుగోలు కేంద్రాల్లోనే నిల్వ ఫ ఇప్పటికే దొడ్డురకం కొనుగోళ్లు పూర్తి దొడ్డురకం 1,00,000 మెట్రిక్‌ టన్నులు సేకరించిన ధాన్యం 1.70 లక్షల మెట్రిక్‌ టన్నులు సన్నరకం 75 వేల మెట్రిక్‌ టన్నులు సేకరించిన ధాన్యం విలువ రూ.406 కోట్లు

ఫ వైజ్ఞానిక ప్రదర్శనలు పరిశోధనలకు పునాది కావాలి ఫ అదనపు కలెక్టర్‌ రాంబాబు ఫ కోదాడలో జిల్లాస్థాయి సైన్స్‌ ఫెయిర్‌ ప్రారంభం కోదాడ: సైన్స్‌తోనే సమాజాభివృద్ధి సాధ్యమవుతుందని, విద్యార్థులు సైన్స్‌పట్ల మక్కువ పెంచుకొని పరిశోధనల వైపు అడుగులు వేయాలని జిల్లా అదనపు కలెక్టర్‌ రాంబాబు అన్నారు. గురువారం కోదాడ పట్టణంలోని సీసీ రెడ్డి విద్యానిలయంలో జిల్లాస్థాయి విద్యా, వైజ్ఞానిక ప్రదర్శనను జ్యోతి ప్రజ్వలన చేసి ప్రారంభించారు. ఈ సందర్భంగా ఏర్పాటు చేసిన కార్యక్రమంలో అదనపు కలెక్టర్‌ మాట్లాడారు. భారతదేశం శాస్త్రవేత్తలకు పుట్టినిల్లు అని, రేపటి పౌరులైన విద్యార్థుల చేతుల్లోనే దేశ భవిష్యత్‌ ఆధారపడి ఉందన్నారు. తన జీవితాన్ని దేశం కోసం ధారపోసిన దివంగత రాష్ట్రపతి, ప్రముఖ శాస్త్రవేత్త ఏపీజే అబ్దుల్‌ కలాంను ప్రతిఒక్క విద్యార్థి ఆదర్శంగా తీసుకోవాలని కోరారు. ప్రతిభకు పేదరికం అడ్డుకాదని ఆయన పేర్కొన్నారు. సూర్యాపేట జిల్లా విద్యార్థుల ప్రదర్శనలు రాష్ట్ర, జాతీయ స్థాయిల్లో నిలవాలని ఆకాంక్షించారు. విద్యార్థులకు ఎలాంటి ఇబ్బంది లేకుండా చూడాలని కోరారు. జిల్లా స్థాయిలో సైన్స్‌ ఫెయిర్‌ను నిర్వహించడానికి అన్ని రకాల ఏర్పాట్లను చేసిన విద్యాశాఖను, వివిధ కమిటీల సభ్యులను అభినందించారు. 396 ప్రదర్శనలు ఏర్పాటు సీసీ రెడ్డి విద్యానిలయంలో ఏర్పాటు చేసిన సైన్స్‌ఫెయిర్‌లో జిల్లా వ్యాప్తంగా 23 మండలాల నుంచి విద్యార్థులు 312 ప్రాజెక్టులతోపాటు జిల్లా స్థాయికి ఎంపికై న 84 ఇన్‌స్పైర్‌ ప్రదర్శనలను కూడా ప్రదర్శించారు. చూపరులను ఆకట్టుకొనేలా విద్యార్థులు తయారు చేసిన పలు ప్రదర్శనలను పలువురు ఆసక్తిగా తిలగించారు. ఈ సందర్భంగా విద్యార్థులు ప్రదర్శించిన సాంస్కృతిక కార్యక్రమాలు కూడా అలరించాయి. కాగా గురువారం ప్రభుత్వ పాఠశాలల విద్యార్థులను ప్రదర్శనకు అనుమతించగా శుక్రవారం ప్రైవేట్‌ పాఠశాలల విద్యార్థులను అనుమతిస్తామని కోదాడ ఎంఈఓ సలీంషరీఫ్‌ తెలిపారు. డీఈఓ అశోక్‌ అధ్యక్షతన జరిగిన ఈ కార్యక్రమంలో రాష్ట్ర వికలాంగుల సహకార సంస్థ చైర్మన్‌ ముత్తినేని వీరయ్య, జిల్లా గ్రంథాలయ సంస్థ చైర్మన్‌ వంగవేటి రామారావు, మున్సిపల్‌ చైర్మన్‌ సామినేని ప్రమీల, వైస్‌చైర్మన్‌ కందుల కోటేశ్వరరావు, ఆర్డీఓ సూర్యానారాయణ, మున్సిపల్‌ కమిషనర్‌ రమాదేవి, జిల్లా సైన్స్‌ అధికారి ఎల్‌.దేవరాజ్‌, ఎంఈఓ సలీం షరీఫ్‌, కౌన్సిలర్‌ గంధం యాదగిరి, పలువురు ఉపాధ్యాయులు, విద్యార్థులు తదితరులు పాల్గొన్నారు.

ఫ జూనియర్‌, డిగ్రీ కళాశాలలకు రూ.11.90 కోట్లు మంజూరు హుజూర్‌నగర్‌: హుజూర్‌నగర్‌లో ప్రభుత్వ జూనియర్‌, డిగ్రీ కళాశాలలకు కొత్త భవనాలు మంజూరయ్యాయి. వీటి నిర్మాణాలకు రాష్ట్ర ప్రభుత్వం రూ.11.90 కోట్లు మంజూరు చేస్తూ బుధవారం ఉత్తర్వులు జారీ చేసింది. డిగ్రీ కళాశాలకు రూ.4.65 కోట్లతో (జీ ప్లస్‌–1 ఫ్లోర్‌), జూనియర్‌ కళాశాలకు రూ.7.25 కోట్లతో నూతన భవనాలు నిర్మించనున్నారు. త్వరలోనే ఆయా టెండర్లు పిలిచి పనులు చేపట్టేలా ఆయా శాఖల అధికారులకు మంత్రి ఉత్తమ్‌కుమార్‌రెడ్డి ఆదేశాలు జారీ చేశారు. శాస్త్రోక్తంగా నిత్యకల్యాణం మఠంపల్లి: మట్టపల్లి క్షేత్రంలో బుధవారం శ్రీరాజ్యలక్ష్మీ, చెంచులక్ష్మీ సమేత శ్రీలక్ష్మీనరపింహస్వామి నిత్య, శాశ్వత కల్యాణాన్ని అర్చకులు శాస్త్రోక్తంగా నిర్వహించారు. ఈ సందర్భంగా ఆలయంలో ఉదయం సుప్రభాత సేవ, నిత్యాగ్నిహోత్రి, స్వామివారికి పంచామృతాలతో అభిషేకం, అష్టోత్తర సహస్రనామార్చన, అమ్మవార్లకు సహస్ర కుంమార్చనలు, ప్రత్యేక పూజలు నిర్వహించారు. అనంతరం స్వామి అమ్మవార్లకు ఎదుర్కోలు మహోత్సవం చేపట్టి కల్యాణం జరిపారు. ఆ తర్వాత మహావేదనతో భక్తులకు తీర్థప్రసాదాలు పంపిణీ చేశారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ నవీన్‌, అర్చకులు తుమాటి లక్ష్మాణాచార్యులు, నర్సింహమూర్తి, ఆంజనేయచార్యులు పాల్గొన్నారు. శాసీ్త్రయ దృక్పథం పెంపొందించుకోవాలిసూర్యాపేట: విద్యార్థులు సైన్స్‌ టాలెంట్‌ టెస్టులు, సెమినార్లలో పాల్గొంటూ శాసీ్త్రయ దృక్పథాన్ని పెంపొందించుకోవాలని బయోలాజికల్‌ సైన్స్‌ ఫోరం జిల్లా ప్రధాన కార్యదర్శి జిలకర శ్రీనివాస్‌, సూర్యాపేట మండల విద్యాధికారి శేషగాని శ్రీనివాస్‌గౌడ్‌ అన్నారు. బుధవారం తెలంగాణ బయోలాజికల్‌ సైన్స్‌ ఫోరమ్‌ (టీబీఎస్‌ఎఫ్‌) ఆధ్వర్యంలో జిల్లా కేంద్రంలోని బాల భవన్‌లో ఉన్నత పాఠశాలల విద్యార్థులకు నిర్వహించిన జిల్లాస్థాయి సైన్స్‌ టాలెంట్‌ టెస్టు ప్రశ్నపత్రాలను విడుదల చేసి మాట్లాడారు. అనంతరం పోటీల్లో విజేతలుగా నిలిచిన శ్రీ హర్షిత ఇమాంపేట మోడల్‌ స్కూల్‌, రాజేష్‌ నేరేడుచర్ల బీసీ గురుకుల పాఠశాల, మనీషా పెదనెమిల జిల్లా పరిషత్‌ ఉన్నత పాఠశాల విద్యార్థులకు సూర్యాపేట బాలికల ఉన్నత పాఠశాల ప్రధానోపాధ్యాయు నాగరాణి బహుమతులు అందజేశారు. ఈ కార్యక్రమంలో ఉపేందర్‌, లక్ష్మి తదితరులు పాల్గొన్నారు. జాబ్‌కార్డు ఉన్న ప్రతి ఒక్కరికీ ఉపాధి కల్పించాలితుంగతుర్తి : జాబ్‌కార్డు కలిగిన ప్రతి ఒక్కరికి ఉపాధి పనులు కల్పించాలని డీఆర్‌డీఓ అప్పారావు అన్నారు. బుధవారం తుంగతుర్తిలోని మండల పరిషత్‌ కార్యాలయంలో అధికారుల సమీక్షా సమావేశంలో ఆయన మాట్లాడారు. ప్రతి నర్సరీలో తప్పనిసరిగా ఈత, తాటి ఈత మొక్కలు పెంచాలన్నారు. మహిళా శక్తి ఉపాధి భరోసా కింద ఆయా గ్రామాల్లో పనులు గుర్తించి ప్రణాళికలు రూపొందించాలన్నారు. ఈ సమావేశంలో నియోజకవర్గంలోని ఆరు మండలాల ఎంపీడీఓలు, ఏపీఓలు, ఈసీలు, టెక్నికల్‌ అసిస్టెంట్లు, ఉపాధి హామీ సిబ్బంది పాల్గొన్నారు.