ముంబై: టాటా గ్రూప్‌కు చెందిన టాటా యునిస్టోర్ తన ఈ-కామర్స్ ప్లాట్‌ఫామ్, టాటా క్లిక్‌ను ఈ నెల 27న ప్రారంభిస్తోంది. వెబ్‌సైట్,  మొబైల్ యాప్‌ల ద్వారా టాటా క్లిక్ వినియోగదారులకు అందుబాటులో ఉంటుందని టాటా యునిస్టోర్ తెలిపింది. ఈ ప్లాట్‌ఫామ్ ప్రారంభోత్సవం సందర్భంగా దుస్తులు, ఎలక్ట్రానిక్స్, పాదరక్షల కేటగిరిల్లో వినియోగదారులకు ఆకర్షణీయమైన ఆఫర్లనిస్తున్నామని పేర్కొంది. రానున్న నెలల్లో మరిన్ని కేటగిరీలకు, బ్రాండ్లకు విస్తరిస్తామని వివరించింది. గత కొన్నేళ్లుగా భారత్‌లో ఈ కామర్స్ జోరుగా పెరుగుతోంది.