పూరి దర్శకత్వంలో తెరకెక్కిన రోగ్ సినిమాతో విలన్గా దక్షిణాది ప్రేక్షకులను పలకరించాడు థాకూర్ అనూప్ సింగ్. మిస్టర్ వరల్డ్గా అంతర్జాతీయ స్థాయిలో గుర్తింపు తెచ్చుకున్న అనూప్, బాలీవుడ్లో తెరకెక్కిన మహాభారత్ సీరియల్లో ధృతరాష్ట్రుడిగా నటించాడు. సౌత్లో ముందుగా రోగ్ సినిమాలో నటించినా.. సింగం 3 సినిమా ముందు రిలీజ్ అయ్యింది. తరువాత విన్నర్, రోగ్ సినిమాల్లో ఆకట్టుకున్న థాకూర్ అనూప్ సింగ్ త్వరలో హీరోగా ఎంట్రీ ఇవ్వబోతున్నాడు.
 
 కన్నడ, తెలుగు భాషల్లో తెరకెక్కుతున్న సునీల్ కుమార్ దేశాయ్ తెరకెక్కిస్తున్న సస్పెన్స్ థ్రిల్లర్ మూవీతో హీరోగా మారుతున్నాడు అనూప్. ఈ సినిమాలో కబాలి ఫేం ధన్సిక హీరోయిన్గా నటిస్తోంది. తన తొలిచిత్రం నుంచే ఓన్గా డబ్బింగ్ చెప్పుకుంటున్న అనూప్, కన్నడ వర్షన్కు కూడా స్వయంగా డబ్బింగ్ చెప్పేందుకు రెడీ అవుతున్నాడు. ఇప్పటి వరకు బ్యాడ్ బాయ్ పాత్రల్లోనే ఆకట్టుకున్న ఈ యువ నటుడు, హీరోగానూ మెప్పిస్తానంటున్నాడు.


 తన కెరీర్ లో బిగెస్ట్ హిట్స్ గా నిలిచిన సింగం, సింగం 2 సినిమాలకు ఇప్పుడు మూడో కొనసాగింపును రెడీ చేస్తున్నాడు తమిళ స్టార్ హీరో సూర్య. హరి దర్శకత్వంలో తెరకెక్కుతున్న ఈ సినిమాను పక్కా కమర్షియల్ యాక్షన్ ఎంటర్టైనర్గా రూపొందిస్తున్నారు. ముఖ్యంగా స్క్రీన్ప్లే విషయంలో మరోసారి తన మ్యాజిక్ను రిపీట్ చేసేందుకు రెడీ అవుతున్నాడు దర్శకుడు హరి.
 
 ఇక హీరోయిజాన్ని ఎలివేట్ చేయటం కోసం తన సినిమాలో విలన్ పాత్రను చాలా పవర్ఫుల్గా చూపిస్తాడు దర్శకుడు హరి. అందుకు తగ్గట్టుగా సింగం తొలి భాగంలో ప్రకాష్ రాజ్ను, తరువాత సింగం 2లో లండన్ నటుడు డానీ సపానీని ఎంచుకున్న హరి.. ఈ సారి సింగం 3 కోసం ఓ నార్త్ టివి స్టార్ను ఎంపిక చేసుకున్నాడు.
 
 ఇటీవల హిందీలో ఘన విజయం సాధించిన మహాభారత్ సీరియల్లో ధృతరాష్ట్రుడిగా నటించిన థాకూర్ అనూప్ సింగ్ను సూర్యకు ప్రతినాయకుడిగా సెలెక్ట్ చేశాడు. దీపావళికి రిలీజ్ కానున్న సింగం 3 తనకు వెండితెర మీద కూడా బ్రేక్ ఇస్తుందన్న నమ్మకంతో ఉన్నాడు అనూప్. గ్రీకు వీరుడి లాంటి ఫిజిక్తో ఆకట్టుకుంటున్న అనూప్ సింగ్, సౌత్తో పాటూ నార్త్లోనూ వెండితెర అరంగేట్రం చేయనున్నాడు. విద్యుత్ జమాల్ హీరోగా తెరకెక్కుతున్న కమాండో 2 సినిమాలో కీలక పాత్రలో నటిస్తున్నాడు అనూప్.


 బ్యాంకాక్:థాకూర్ అనూప్ సింగ్..  ఇప్పటి వరకూ భారత దేశంలో కొంత మందికి మాత్రమే సుపరిచితమైన అతను తాజాగా ప్రపంచ స్థాయి గుర్తింపును సాధించాడు. గత శనివారం బ్యాంకాక్ లో జరిగిన ప్రపంచ బాడీ బిల్డింగ్ మీట్ లో స్వర్ణ పతకాన్ని సాధించి మువ్వన్నెల పతకాన్ని మరోసారి అంతర్జాతీయ యవనికపై రెపరెపలాడించాడు. 47 దేశాల నుంచి వచ్చిన యోధుల్ని పక్కకు నెట్టి పసిడిని దక్కించుకున్నాడు.  ఈ సరికొత్త ఫీట్ ను నమోదు చేసిన అనూప్ సింగ్ జీవన ప్రస్థానం అనేక మలుపుల నడుమ ముందుకు సాగుతోంది.
 
 2008 లో అంతర్జాతీయంగా చోటు చేసుకున్న ఆర్థికమాంధ్యం సెగ భారత ఎయిర్ లైన్స్ పై తీవ్ర ప్రభావాన్ని చూపించింది. ఆ సమయంలోనే పైలట్ గా లైసెన్స్ తీసుకుని తన జీవితాన్ని స్వాగతించిన అనూప్ అనేక రకాల ఒడిదుడుకులను ఎదుర్కొన్నాడు. ఆపై కొంతకాలానికి మోడలింగ్ కు శ్రీకారం చుట్టాడు. దానిలో భాగంగా భారత్ లో నిర్వహించిన ప్రముఖ మోడలింగ్ పోటీలో పాల్గొని రన్నరప్ గా నిలిచాడు. ఆరుడగులపైగా ఎత్తుగల అనూప్ కు శరీర దారుఢ్యం కూడా బాగుండటంతో మహాభారత్ టెలివిజన్ సీరియల్ లో ధృతరాష్ట్రునిగా చేసే అవకాశం వచ్చింది. 2011 లో స్టార్ ప్లస్ లో ప్రసారమైన మహాభారత్ సీరియల్ లో ధృతరాష్ట్రుని పాత్రలో చక్కగా ఒదిగిపోయిన అనూప్ కు  ఆశించిన దానికంటే ఎక్కువ పేరే వచ్చింది. 
  
 కాగా, బాడీ బిల్డింగ్ అంటే అమితాసక్తి ఉన్న అనూప్ ఆవైపు అడుగులు వేశాడు. ఇటీవల థాయ్ లాండ్ లో జరిగిన డబ్యూబీపీఎఫ్ బాడీ బిల్డింగ్ పోటీల్లో 'మిస్టర్ ఆసియా' గా నిలిచాడు అనూప్. ఆ పోటీల్లో భారత్ 11 పతకాల్ని కైవసం చేసుకున్న సంగతిని కాసేపు పక్కన పెడితే.. గత రెండు రోజుల క్రితం బ్యాంకాక్ లో జరిగిన వరల్డ్ బాడీ బిల్డింగ్ మీట్ లో అనూప్ చాంపియన్ గా నిలిచాడు. ప్రస్తుతం భారతీయ సినీ వెండి తెరపై తనను నిరూపించుకోవడానికి ఉవ్విళ్లూరుతున్నాడు అనూప్. అటు బాలీవుడ్ తో పాటు తెలుగు, మళయాల చిత్రాల్లో అవకాశాలు వస్తే నటిస్తానని స్పష్టం చేశాడు. మనకు వచ్చిన సమస్యలను చూసి బెదిరిపోకుండా సవాల్ గా స్వీకరించిన వాడే నిజమైన చాంపియన్ అవుతాడని అనూప్ సింగ్ మరోసారి నిరూపించాడు. ఆల్ ద బెస్ట్ టూ అనూప్.