రొద్దం: గౌరాజుపల్లికి చెందిన రైతు తిప్పారెడ్డి(45) పాముకాటుతో మంగళవారం మృతి చెందాడు. కుటుంబ సభ్యులు తెలిపిన మేరకు.. సోమవారం అర్ధరాత్రి ఇంటిలో నిద్రిస్తున్న సమయంలో తిప్పారెడ్డి పాముకాటుకు గురయ్యాడు.  మంగళవారం ఉదయం అపస్మారకస్థితిలో ఉన్న ఆయన్ని కుటుంబ సభ్యులు పెనుకొండ ప్రభుత్వాస్పత్రికి తీసుకెళ్లారు. ప్రథమ చికిత్స అనంతరం అక్కడి నుంచి అనంతపురం తరలిస్తుండగా మార్గం మధ్యలో ఆయన మృతి చెందినట్లు వివరించారు. మృతుడు తిప్పారెడ్డికి భార్య శకుంతలమ్మ, ఇద్దరు కొడుకులు, ఇద్దరు కుమార్తెలు ఉన్నారు.


 సమైక్య రాష్ట్రానికి మద్దతుగా వైఎస్ఆర్ కాంగ్రెస్ పార్టీ ఎమ్మెల్సీ డి.తిప్పారెడ్డి ఆధ్వర్యంలో ఆదివారం మదనపల్లెలోని అమ్మచెరువుమిట్ట వద్ద జాతీయ రహదారిని దిగ్బంధం చేశారు. దాంతో చెన్నై - ముంబై జాతీయ రహదారిపై భారీగా ట్రాఫిక్ నిలిచిపోయింది. సమైక్య రాష్ట్రానికి మద్దతుగా తమ పార్టీ అధ్యక్షుడు వైఎస్ జగన్ మోహన్ రెడ్డి సమైక్య దీక్ష పేరిట చేపట్టిన ఆమరణ నిరాహర దీక్షకు ఆయన తన మద్దతు ప్రకటించారు.
  
 రాష్ట్ర విభజన నిర్ణయాన్ని వెనక్కి తీసుకోవాలని తిప్పారెడ్డి కాంగ్రెస్ పార్టీని డిమాండ్ చేశారు. డి.తిప్పాయి రెడ్డి ఆధ్వర్యంలో జరిగిన జాతీయ రహదారి దిగ్బంధనంలో సమైక్యవాదులు అధిక సంఖ్యలో పాల్గొన్నారు.