భువనగిరి అర్బన్‌: టైరు పేలడంతో డివైడర్‌ను, విద్యుత్‌ స్తంభాన్ని ఢీకొన్న ఓ టిప్పర్‌ లారీ బ్రిడ్జి దిమ్మెలపై నిలిచిపోయిన ఘటన యాదాద్రి భువనగిరి జిల్లా రాయగిరి ఫ్లై ఓవర్‌పై మంగళవారం చోటుచేసుకుంది. బొమ్మలరామారం నుంచి ఆత్మకూర్‌కు కంకర లోడ్‌తో టిప్పర్‌ లారీ వెళ్తుంది. రాయగిరి గ్రామంలో ఉన్న ఫ్లై ఓవర్‌ బ్రిడ్జి మీదకు రాగానే ముందు టైరు పేలడంతో డివైడర్‌ను, విద్యుత్‌ స్తంభాన్ని ఢీకొట్టి బ్రిడ్జి చివరి భాగంలో వేలాడుతూ నిలిచిపోయింది. టైర్లు విడిపోయి బ్రిడ్జి కిందకు వేలాడుతున్నాయి. లారీ డ్రైవర్‌ గణేశ్, క్లీనర్‌ బాలరాజ్‌కు స్వల్ప గాయాలవ్వడంతో భువనగిరి ఏరియా ఆస్పత్రికి తరలించారు.


 టిప్పర్ ఢీకొని మహిళ మృతిచెందిన సంఘటన వైఎస్సార్‌జిల్లా ఓబులవారిపల్లి మండలం గోవిందంపల్లె గ్రామంలో సోమవారం జరిగింది. వివరాల్లోకి వెళితే.. తుమ్మకుంట గ్రామానికి చెందిన నాగమణెమ్మ(45) గోవిందంపల్లె లోని మైక్రో కల్వైటింగ్ మిల్లులో కూలి పనులు చేసుకుంటూ జీవనం సాగిస్తోంది. ఈ క్రమంలో ఈ రోజు పనికి చేసుకుంటుండగా.. మిల్లుకు చెందిన ఓ టిప్పర్ అన్‌లోడ్ చేసి వెనక్కి వస్తూ.. ఆమెను ఢీకొట్టింది. దీంతో నాగమణెమ్మ అక్కడికక్కడే మృతిచెందింది.
  


 విజయనగరం: టిప్పర్ కింద పడి ఓ వృద్ధురాలు అక్కడికక్కడే మరణించింది. విజయనగరం జిల్లా గుంజరాజ గ్రామ సమీపంలో కురుపాం నుంచి మొండికల్ వైపు వెళ్తున్న టిప్పర్ కింద పడి తోయిక స్వామమ్మ(60) అనే వృద్ధురాలు మరణించింది.
 ఆమె స్వగ్రామం గుమ్మలక్ష్మీపురం మండలం తిళ్లుగూడగా పోలీసులు గుర్తించారు. నీలకంఠాపురం ఎస్‌ఐ ప్రమాదం జరిగిన ప్రదేశానికి వెళ్లి కేసు నమోదు చేసి దర్యాప్తు ప్రారంభించారు.