పోలేరమ్మతల్లి జాతరలో భాగంగా బుధవారం అర్ధరాత్రి మెట్టినిల్లు అయిన జీనుగులవారి వీధి నుంచి వేకువ జామున 4 గంటలకు అమ్మవారి ని ఊరేగింపుగా తీసుకుని వచ్చి పోలేరమ్మ గుడి వద్ద ప్రత్యేకంగా నిర్మించిన మండపంలో ఏర్పాటు చేసిన చలువ పందిరిలో నిలుపు చేశారు. తెల్లవా రు జామున నుంచి భక్తులకు అమ్మవారి దర్శనం కల్పించారు. ఉదయం మందకొడిగా సాగిన భక్తు లు 9 గంటల నుంచి అధిక సంఖ్యలో బారులు తీరారు. దీంతో ఆలయం వద్ద భక్తుల రద్దీ నెలకొంది. ఎర్రటి ఎండను సైతం లెక్కచేయకుండా భక్తు లు క్యూలో వేచి ఉండి అమ్మవారిని దర్శించుకున్నారు. ఉచిత దర్శనంతోపాటు రూ.100, రూ.300 టికెట్లను కొనుగోలు చేసిన భక్తులు పాతబస్టాండ్‌ మీదుగా క్యూలో అనుమతించారు. అయితే ఈ ప్రాంతాల్లో భక్తులకు కనీస సౌకర్యాలు కల్పించకపోవడంతో ఎండ తీవ్రతను తట్టుకోలేక కొందరు క్యూ లో స్పృహ తప్పి పడిపోయారు. వీరిని స్థానిక వలంటీర్‌ సేవకులు క్యూలో నుంచి బయటకు తీసుకొచ్చి ప్రాథమిక చికిత్స అందించారు. ఓ దశలో జరిగిన తొక్కిసలాటతో భక్తులకు అసౌకర్యం నెలకొంది. అమ్మవారి సేవలో ప్రముఖులు అమ్మవారి జాతరలో పలువురు ప్రముఖులు, అధికారులు పోలేరమ్మతల్లిని దర్శించున్నారు. వైఎస్సార్‌సీపీ తిరుపతి జిల్లా అధ్యక్షులు నేదురుమల్లి రామ్‌కుమార్‌రెడ్డి, దెందులూరు ఎమ్మెల్యే చింతమనేని ప్రభాకర్‌, ఉదయగిరి ఎమ్మెల్యే కాకర్ల సురే ష్‌, స్థానిక ఎమ్మెల్యే కురుగొండ్ల రామకృష్ణ, కోవూ రు, సర్వేపల్లి ఎమ్మెల్యేలు వేమిరెడ్డి ప్రశాంతి, సో మిరెడ్డి చంద్రమోహన్‌రెడ్డి, నెల్లూరు కార్పొరేషన్‌ వైస్‌ చైర్మన్‌ రూప్‌కుమార్‌యాదవ్‌, మున్సిపల్‌ చైర్‌పర్సన్‌ నక్కా భానుప్రియ, గంగాప్రసాద్‌, వెంప టి మాధవనాయుడు, శ్రీనివాసులు, వైఎస్సార్‌ సీ పీ పట్టణ కన్వీనర్‌ జి ఢిల్లీబాబు, నక్కా వెంకటేశ్వ ర్లు తదితరులు అమ్మవారిని దర్శించుకున్నారు.

రామచంద్రాపురం: మండలంలోని సి.కాళేపల్లి, టీవీ సపార్లు గ్రామాల్లోని ప్రకృతి వ్యవసాయ క్షేత్రాలను మాలి దేశ బృందం గురువారం పరిశీలించింది. ఈ సందర్భంగా సూర్య మండలం పద్ధతి, జీవామృతం, బీజామృతం గురించి ఆ బృందం సభ్యులు అడిగి తెలుసుకున్నారు. ఈ క్రమంలోనే సి.రామాపురంలోని రామాలయం వద్ద మహిళా సంఘాల సభ్యులతో సమావేశం నిర్వహించారు. కంద, చామగడ్డ పొలాలను సందర్శించారు. అనంతరం ప్రకృతి వ్యవసాయ డీపీఎం షణ్ముగం మాట్లాడుతూ సి.రామాపురంలోని 30 మహిళా సంఘాల్లో 298 మంది సభ్యులు ఉన్నారని, ఇందులో 90 మంది రైతులు ప్రకృతి వ్యవసాయం చేస్తున్నారని తెలిపారు.

కుందేళ్లు..కుక్కలను తరిమిన గడ్డ.. రత్నాలు రాసులు పోసి, విక్రయించిన రతనాల సీమను ఏలిన వైభవం రాయలవారిది. ఆలనాటి చక్రవర్తులున్న కోట నాటి ప్రాభవం కోల్పోకుండా పర్యాటకఽథామంగా తీర్చిదిద్దడంలో భాగంగా నేడు వెలుగుల సౌరభవం చేకూరింది. చంద్రగిరి కోటలో గతంలో కాలిపోయిన సౌండ్‌ అండ్‌ లైటింగ్‌ షోను నాటి వైఎస్సార్‌ సీపీ ప్రభుత్వం పునరుద్ధరించింది. ఆ అధునాతన సౌకర్యాన్ని తాజాగా సీఎం చంద్రబాబు ప్రారంభించనున్నారు. చంద్రగిరి: రాయలసీమకు తలమానికంగా నిలిచిన శ్రీకృష్ణదేవరాయల కోటకు మహర్దశ పట్టింది. ఆగిపోయిన సౌండ్‌ అండ్‌ లైటింగ్‌ షో పునఃప్రారంభం కానుండడంతో పర్యాటకులు సంతోషం వ్యక్తం చేస్తున్నారు. ఇందుకు కావాల్సిన ఏర్పాట్లు ఇప్పటికే పూర్తి కావడంతో ఈ నెల 27 నుంచి పర్యాటకులకు అందుబాటులోకి తీసుకురావడానికి ఏపీ టూరిజంతోపాటు ఆర్కియాలజీ శాఖ అధికారులు సన్నద్ధం చేస్తున్నారు. సుమారు రూ.6 కోట్లతో పనులు ప్రారంభం రాయలవారి కోటలో ప్రతి రోజు సాయంత్రం రెండు షోల ను నిర్వహించేలా చర్యలు తీసుకున్నారు. పిడుగుపాటుకు దెబ్బతిన్న వ్యవస్థను పూర్తిగా మార్చేసి అధునాత టెక్నాలజీ ద్వారా లక్స్‌ అండ్‌ డెసిబ్లెస్‌ సంస్థ సుమారు రూ.6 కోట్ల వ్యయంతో నూతన లైటింగ్‌ షోను పూర్తి చేసింది. వీటితోపాటు ఉదయం నుంచి సాయంత్రం వరకు కోనేరు బోటింగ్‌, లైటింగ్‌ షో సమయంలో పర్యాటకుల సౌకర్యార్థం ఫుడ్‌ కోర్టును కూడా అందుబాటులోకి తీసుకురానున్నారు. పీపీపీ పద్ధతిలో నిర్వహణ చైన్నెకు చెందిన లక్స్‌ అండ్‌ డెసిబ్లెస్‌ సంస్థ లైటింగ్‌ షోను ఆధునీకరించేందుకు ముందుకు రావడంతో గత ప్రభుత్వం ఆ సంస్థతో పబ్లిక్‌ ప్రైవేటు పార్టనర్‌షిప్‌(పీపీపీ) పద్ధతితో 10 ఏళ్ల పాటు ఒప్పందం కుదుర్చుకున్నట్లు తెలుస్తోంది. మరమ్మతులకు అవసరమైన రూ.6 కోట్ల పెట్టుబడిన ఆ సంస్థ పెట్టగా, అందులో వచ్చే ఆదాయంలో 60 శాతం సంస్థకు, 40 శాతం పర్యాటకశాఖకు వాటాలు వచ్చేలా ఒప్పందంతో ఈ కార్యక్రమానికి శ్రీకారం చుట్టినట్లుగా తెలుస్తోంది. ఎల్‌ఈడీ లైట్ల, అధునాతన సాంకేతికతను ఇందులో జోడించి షోను తిలకించేందుకు వచ్చే పర్యాటకులకు ఆకట్టుకునే రీతిలో వీటిని తీర్చిదిద్దినట్లు అధికారులు తెలిపారు. గత ప్రభుత్వం చొరవతో పనులు ప్రారంభం 2018లో పిడుగుపాటుకు దెబ్బతిన్న సౌండ్‌ అండ్‌ లైటింగ్‌ వ్యవస్థను అప్పటి టీడీపీ ప్రభుత్వం తిరిగి ప్రారంభించడంలో నిర్లక్ష్యం వహించింది. దీంతో 2019లో అధికారంలోకి వచ్చిన వైఎస్సార్‌సీపీ ప్రభుత్వం పనులను చేపట్టేందుకు ప్రయత్నించింది. అయితే ఆర్కియాలజీ కేంద్రం పరిధిలో ఉండటంతో అనుమతులు ఆలస్యం అవుతూ వచ్చా యి. ఈ క్రమంలో మాజీ ఎమ్మెల్యే డాక్టర్‌ చెవిరెడ్డి భాస్కర్‌రెడ్డి అప్పటి సీఎం వైఎస్‌ జగన్‌మోహన్‌రెడ్డి దృష్టికి ఈ విషయం తీసుకెళ్లారు. ఈ క్రమంలో 5 నెలల క్రితం పర్యాటకుల సౌకర్యార్థం రాయలకోటలో సౌండ్‌ అండ్‌ లైటింగ్‌ షో, బోటింగ్‌, ఫుడ్‌ కోర్టుల ఏర్పాటు కోసం అనుమతులు మంజూరు అయ్యాయి. ఈ మేరకు చైన్నెకు చెందిన లక్స్‌ అండ్‌ డెసిబ్లెస్‌ అనే ఓ ప్రైవేటు సంస్థతో అప్పటి ప్రభుత్వం ఒప్పందం కుదుర్చుకుంది. ఎన్నికల కోడ్‌తో మందకొడిగా పనులు గత ప్రభుత్వంలో రాయలవారికోటలో సౌండ్‌ అండ్‌ లైటింగ్‌ షో పనులు దాదాపు పూర్తికావచ్చాయి. పనులు పూర్తి కా నున్న నేపథ్యంలో ఎన్నికల కోడ్‌ అమలులోకి రావడంతో కొంత మందకొడిగా సాగాయి. అప్పటి ప్రభుత్వం ఎన్నికల్లో కి వెళ్లింది. కోడ్‌ ముగిసి కూటమి ప్రభుత్వం అధికారంలోకి వచ్చే క్రమంలో పనులు కూడా పూర్తి అయ్యాయి. ఈ క్రమంలో సీఎం చంద్రబాబు ప్రభుత్వం వాటిని ప్రారంభించేందు కు ముహూర్తం ఖరారు చేసింది. ఈ నెల 27వ తేదీన వర్చువల్‌ విధానంలో సీఎం రాయలవారి కోట లైటింగ్‌ షోను ప్రారంభించనున్నట్లు కలెక్టర్‌ వెంకటేశ్వర్‌ తెలిపారు. పునఃప్రారంభం కానున్న సౌండ్‌ అండ్‌ లైటింగ్‌ షో గత ప్రభుత్వం చొరవతో పనులు ప్రారంభం తాజాగా 27న సీఎం చంద్రబాబు చేతుల మీదుగా వర్చువల్‌ విధానంలో ప్రారంభం

తిరుపతి క్రైం: వైఎస్సార్‌సీపీ అధినేత వైఎస్‌. జగన్‌మోహన్‌రెడ్డి తిరుమల శ్రీవారి దర్శనాన్ని భగ్నం చేసేందుకు అధికార కూటమి పార్టీలు కుయుక్తులు పన్నుతున్నాయి. ఇందులో భాగంగానే వైఎస్‌.జగన్‌మోహన్‌రెడ్డి తిరుమల పర్యటనను అడ్డుకునేందుకు శతవిధాలా ప్రయత్నిస్తున్నాయి. ఈ క్రమంలో ఈనెల 25వ తేదీ నుంచి వచ్చే నెల 24వ తేదీ వరకు తిరుపతి జిల్లా వ్యాప్తంగా సెక్షన్‌ 30 పోలీస్‌ యాక్ట్‌ అమలులో ఉంటుందని ఎస్పీ ఎల్‌.సుబ్బరాయుడు గురువారం ఒక ప్రకటన విడుదల చేశారు. వాస్తవానికి 25వ తేదీ పెట్టని పోలీస్‌ యాక్ట్‌ వైఎస్‌ జగన్‌మోహన్‌రెడ్డి పర్యటనకు ఒక్క రోజు ముందే పెట్టామని పోలీసులు చెప్పడం గమనార్హం. శ్రీవారి దర్శనానికి 8 గంటలు తిరుమల: శ్రీవారి ఆలయంలో భక్తుల రద్దీ సాధారణంగా ఉంది. క్యూకాంప్లెక్స్‌లో 6 కంపార్ట్‌మెంట్లు నిండాయి బుధవారం సోమవారం అర్ధరాత్రి వరకు 77,939 మంది స్వామివారిని దర్శించుకోగా 22,668 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.3.50 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. దర్శన టికెట్లు లేని భక్తులకు 8 గంటల్లో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన భక్తులకు 2 గంటల్లో దర్శనం లభిస్తోంది. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేస్తుంది. కేటాయించిన సమయాన్ని కంటే ముందు వెళ్లిన భక్తులను క్యూలోకి అనుమతించబోమని అధికారులు తెలిపారు. నేటి నుంచి ఎస్వీయూలో క్యాంపస్‌ ఇంటర్వ్యూలు తిరుపతి సిటీ: ఎస్వీయూ కంప్యూటర్‌ సైన్స్‌ విభాగం ఆధ్వర్యంలో శుక్రవారం నుంచి రెండు రోజుల పాటు క్యాంపస్‌ ఇంటర్వ్యూలు నిర్వహించనున్నట్లు ప్లేస్‌మెంట్‌ ఆఫీసర్‌ డాక్టర్‌ జీవీ రమేష్‌ బాబు గురువారం ఒక ప్రకటనలో తెలిపారు. ప్రిన్సిపల్‌ నరసయ్య ఆధ్వర్యంలో ప్రముఖ ఎమ్‌ఎన్‌సీ కంపెనీ ప్రతినిధులు రెండు రోజుల పాటు క్యాంపస్‌ ఇంటర్వ్యూలు నిర్వహించనున్నారని తెలిపారు. ఎమ్మెస్సీ కంప్యూటర్స్‌, ఎంసీఏతో పాటు 2021కి ముందు కంప్యూటర్‌లో డిగ్రీ చేసిన అభ్యర్థులు ఈ అవ కాశాన్ని సద్వినియోగం చేసుకోవాలని కోరా రు. ఆసక్తి అర్హత గల అభ్యర్థులు ఎస్వీయూ లోని కామర్స్‌ అండ్‌ కంప్యూటర్‌ సైన్స్‌ విభాగంలో ఉదయం 9గంటలకు అన్ని ధ్రువపత్రాలతో హాజరుకావాలని పేర్కొన్నారు. జాబ్‌ మేళాకు విశేష స్పందన గూడూరురూరల్‌: ప్రభుత్వ ఐటీఐ కళాశాలలో గురువారం జరిగిన జాబ్‌మేళా కార్యక్రమంలో వివిధ బహుళజాతి కంపెనీల ప్రతినిధులు ఇంటర్వ్యూలు నిర్వహించగా నిరుద్యోగ యువతీ యువకుల నుంచి విశేష స్పందన లభించింది. ఈ సందర్భంగా ఐటీఐ కళాశాల ప్రిన్సిపల్‌ నా గరాజు మాట్లాడుతూ వివిధ కంపెనీల యాజమాన్యాలు నిరుద్యోగులకు ఉద్యోగావకాశాలు కల్పించే క్రమంలో జాబ్‌మేళాను నిర్వహిస్తున్నాయన్నారు. ఈ క్రమంలో మేనకూరు, శ్రీసి టీలోని నాలుగు బహుళ జాతి కంపెనీల్లో ఉ ద్యోగాలు కల్పించేందుకు ఇంటర్వ్యూలు నిర్వహించారన్నారు. మేళాలో సుమారు 100 మంది యువతీ, యువకులు ఇంటర్వ్యూలకు హాజరుయ్యారని చెప్పారు. వీరిలో 47 మంది యు వతీ, యువకులు అర్హత సాధించడంతో వారికి అక్కడిక్కడే ధ్రుపత్రాలను అందజేసి, వచ్చే నెల నుంచి ఉద్యోగాలకు హాజరుకావాలని సూ చించారు. ఈ కార్యక్రమంలో శ్రావణ్‌, ప్లేస్‌మెంట్‌ అధికారి గణేష్‌, జిల్లా నైపుణ్యాభివృద్ధి సంస్థ ప్రతినిధులు దేశయ్య, చెన్నయ్య తదితరులు పాల్గొన్నారు. తిరుచ్చిపై సీతారాములు చంద్రగిరి : పునర్వసు నక్షత్రాన్ని పురస్కరించుకుని శ్రీనివాసమంగాపురంలోని కల్యాణ వేంకటేశ్వరస్వామి వారి ఆలయంలో సీతారామలక్ష్మణ సమేత హనుమంతులు వారు బంగారు తిరుచ్చిపై ఆలయ మాడ వీధుల్లో గురువారం భక్తులకు దర్శనమిచ్చారు. ప్రత్యేక శ్రేణి డిప్యూటీ ఈఓ వరలక్ష్మి, ఏఈఓ గోపినాథ్‌, టెంపుల్‌ సూపరింటెండెంట్‌ రమేష్‌బాబు తదితరులు పాల్గొన్నారు.

● రేపు శ్రీవారిని దర్శించుకోనున్న వైఎస్సార్‌ సీపీ అధినేతసాక్షి ప్రతినిధి, తిరుపతి: మాజీ ముఖ్యమంత్రి వైఎస్‌ జగన్‌మోహన్‌రెడ్డి శుక్రవారం తిరుమలకు విచ్చేయనున్నారు. అనంతరం రాత్రి తిరుమలలోనే ఆయన బస చేయనున్నారు. శనివారం ఉదయం ఆయన శ్రీవారిని దర్శించుకోనున్నా రు. తిరుమల పవిత్రత, లడ్డూ ప్రసాదం విశిష్టతకు భంగం వాటిల్లేలా ఆరోపణలు చేసిన సీఎం చంద్రబాబుపై భక్తులు భగ్గుమంటున్నా రు. బాబు చేసిన పాపాన్ని ప్రక్షాళన చేసేందుకు ఈనెల 28న రాష్ట్ర వ్యాప్తంగా ఆలయాల్లో ప్ర త్యేక పూజలు చేయాలని మాజీ సీఎం పిలుపునిచ్చిన విషయం తెలిసిందే. ఈ నేపథ్యంలో వైఎస్‌ జగన్‌మోహన్‌రెడ్డి శుక్రవారం సాయంత్రం తిరుమలకు చేరుకోనున్నారు. గన్నవరం నుంచి విమానంలో బయలు దేరి, సాయంత్రం 4 గంటల ప్రాంతంలో రేణిగుంట విమానాశ్రయానికి చేరుకుంటారు. అక్కడి నుంచి రోడ్డు మార్గంలో రాత్రి 7 గంటలకు తిరుమల చేరుకుంటారు. రాత్రికి తిరుమలలోనే బస చేసి శనివారం ఉదయం 10.30, 11.30 గంటల మధ్య శ్రీవేంకటేశ్వరుస్వామిని దర్శనం చేసుకుంటారు. దర్శనానంతరం అదే రోజు మధ్యాహ్నం 1.30 గంటల ప్రాంతంలో తిరుగు ప్రయాణమవుతారని మాజీ సీఎం వైఎస్‌ జగన్‌మోహన్‌రెడ్డి పీఏ నాగేశ్వర్‌రెడ్డి ఒక ప్రకటనలో తెలిపారు. తమ అభిమాన నేత తిరుమలకు వస్తున్నారని తెలుసుకున్న వైఎస్సార్‌సీపీ నాయకులు, కార్యకర్తలు, అభిమానులు ఆయనకు ఘన స్వాగతం పలికేందుకు సిద్ధమయ్యారు.

సైదాపురం(వెంకటగిరి): పట్టణంలో ఈ నెల 25వ తేదీ రాత్రి నుంచి ప్రారంభమైన పోలేరమ్మ జాతర గురువారం జరిగిన నగరోత్సవం, నిమజ్జనంతో ముగిసింది. జాతరకు ఇతర రాష్ట్రాలతో పాటు దేశవిదేశాల నుంచి కూడా లక్షలాది మంది భక్తులు విచ్చేశారు. ఉదయం నుంచి పోలేరమ్మ తల్లిని దర్శించుకునేందు కు బారులు తీరారు. దీంతో ప్రత్యేక క్యూలైన్లు కిక్కిరి సిపోయాయి. సుమారు 2 లక్షల మందికి పైగా భక్తు లు అమ్మవారిని దర్శించుకున్నారు. ఉన్నతాధికారుల పర్యవేక్షణలో.. పోలేరమ్మ జాతర రాష్ట్ర పండుగ కావడంతో కలెక్టర్‌ ఎస్‌ వెంకటేశ్వర్‌, ఎస్పీ సుబ్బారాయుడు, ఎమ్మెల్యే కురుగొండ్ల రామకృష్ణతో పాటు అధికారుల పర్యవేక్షణలో జాతర ప్రారంభమైంది. జాతరకు వచ్చే భ క్తులకు ఎలాంటి అసౌకర్యాలు కలగకుండా ప్రత్యేక ఏర్పాట్లు చేశారు. భక్తులకు క్యూల ఏర్పాటుతో పాటు చలువ పందిళ్లు వేశారు. భక్తులకు తాగునీటితోపాటు మజ్జిగ ప్యాకెట్లను అందజేశారు. సారె సమర్పణ గురువారం మధ్యాహ్నం వెంకటగిరి రాజా కుటుంబీకుల సర్వజ్ఞకుమార యాచేంద్రతోపాటు పలువు రు అమ్మవారికి సంప్రదాయబద్ధంగా సారెను సమర్పించారు. అంతకుముందు వైఎస్సార్‌సీపీ తిరుపతి జిల్లా అధ్యక్షుడు నేదురుమల్లి రామ్‌కుమార్‌రెడ్డి ప లువురు వైఎస్సార్‌సీపీ నేతలు అమ్మవారిని దర్శించుకుని ప్రత్యేక పూజలు చేశారు. పట్టువస్త్రాల సమర్పణ జాతర సందర్భంగా రాష్ట్ర పర్యాటక శాఖ మంత్రి కందుల దుర్గేష్‌, దేవాదాయశాఖ మంత్రి ఆనం రామనారాయణరెడ్డి, ఎంపీ వేమిరెడ్డి ప్రభాకర్‌రెడ్డి అమ్మవారికి సంప్రదాయ బద్ధంగా పట్టువస్త్రాలు సమర్పించారు. వీరికి ఆలయ ఈఓ శ్రీనివాసులరెడ్డి ఆలయ మర్యాదలతో స్వాగతం పలికారు. పోలేరమ్మతల్లి జాతరలో అమ్మవారిని దర్శించుకునేందుకు పట్టువస్త్రాలు తీసుకొచ్చిన దేవాదాయశాఖ మంత్రి ఆనం రామనారాయణరెడ్డి జాతరలో చోటుచేసుకున్న చెదురుమదురు ఘటనలపై అసహనం వ్యక్తం చేశారు. అమ్మా...పోలేరు తల్లీ.. కరుణించుమాయమ్మ..కాపాడమ్మా.. జైజైజై పోలేరు తల్లీ.. అమ్మలగన్నమ్మ మాయమ్మ...పోలేరమ్మతల్లీ.. అంటూ భక్త జనం వెంకటగిరి జాతరకు పోటెత్తింది. తెలుగురాష్ట్రాలతోపాటు, దేశ విదేశాల దారులన్నీ గిరి వైపు మళ్లాయి. వాహనాలన్నీ గిరి బాట పట్టాయి. చిన్నా, పెద్దా అందరూ అమ్మ దర్శనం కోసం వెంకటగిరికి చేరుకున్నారు. రాష్ట్ర పండుగ అయిన పోలేరమ్మ జాతరలో పాల్గొని, అమ్మను దర్శించుకుని ఆధ్యాత్మిక తన్మయత్వం పొందారు. గురువారం జరిగిన నగరోత్సవంతో జాతర ముగిసింది.సంప్రదాయబద్ధంగా బలి..పొలి అమ్మవారికి సంప్రదాయ ప్రకారం బలి, పొలి కార్య క్రమాలు జరిగాయి. జాతరలో సంప్రదాయబద్ధంగా దున్నపోతును బలిచ్చి వెలిగించిన గండదీపం అమ్మవారి నిమజ్జనం పూర్తయ్యేవరకూ ఆరిపోకుండా దుప్పటి కప్పి ఉంచారు. తరువాత గ్రామ పోలిమేరల్లో నాలుగు దిక్కులా పొలి చల్లారు. ఘనంగా నగరోత్సవం సాయంత్రం ప్రత్యేకంగా అలంకరించిన రఽథంపై పోలేరమ్మను కొలువుదీర్చి నగరోత్సవం ని ర్వహించారు. ఆలయం మండపం నుంచి ప్రా రంభమైన ఊరేగింపు రాజావీధి, కాశీపేట సెంటర్‌, పాత శివాలయంవీధి మీదుగా అమ్మవారి నిష్క్రమణ మండపం వరకు సాగింది.

దొరవారిసత్రం: ఓ గుర్తు తెలియని వ్యక్తి జాతీయ రహదారి పక్కనే మృతి చెందిన ఘటన నెలబల్లి సమీపంలో గురువారం చోటు చేసుకుంది. స్థానికులు, పోలీసుల కథనం మేరకు.. రెండు రోజులగా నెల్లబల్లి గ్రామ పరిధిలో మతిస్థిమితం లేకుండా గుర్తుతెలియని వ్యక్తి తిరుగుతున్నాడు. అతడు గురువారం ఉదయం రోడ్డు పక్కనే పడిపోయి మృతి చెంది ఉండగా స్థానికులు గుర్తించి పోలీసులకు సమాచారం అందించారు. స్థానిక పోలీసులు ఘటన స్థలానికి చేరుకుని మృతదేహాన్ని పోస్టుమార్టం నిమిత్తం నాయుడుపేట ప్రభుత్వాస్పత్రికి తరలించారు. మృతుడి వయస్సు 35–40 మధ్య ఉండవచ్చని తెలిపారు. పోలీసులు కేసు నమోదు చేసి దర్యాప్తు చేస్తున్నారు.

నాయుడుపేటటౌన్‌: పట్టణంలోని ఆర్టీసీ బస్టాండ్‌ సమీపంలో అనుమానాస్పదంగా తిరుగుతున్న వంతాల వెంకటరావు అనే వ్యక్తిని అదుపులోకి తీసుకుని, అతని వద్ద బ్యాగులో తనిఖీ చేయగా 4 కిలోల గంజాయిని స్వాధీ నం చేసుకున్నట్లు గురువారం సీఐ బాబి వెల్లడించారు. సీఐ కథనం మేరకు.. పట్టణంలోని బస్టాండ్‌ ప్రాంతంలో బుధవారం రాత్రి తనిఖీలు చేస్తుండగా బ్యాగుతో అనుమానాస్పదంగా రోడ్డు పక్కన నిల్చుని ఉండడంతో అతనిని అదుపులోకి తీసుకుని విచారించారు. దీంతో అతడి వద్ద ఉన్న బ్యాగులో 4 కిలోల గంజాయి ఉండగా స్వాధీ నం చేసుకుని, అతడిని అరెస్టు చేశారు. నిందితుడు అల్లూరి సీతారామరాజు జిల్లా, పెద్ద బయలు మండలం, బల్లపురాయి గ్రామానికి చెందిన వంతల వెంటరావుగా గుర్తించట్లు సీఐ పేర్కొన్నారు. నిందితుడిని స్థానిక తహసీల్దార్‌ గీతావాణి ఎదుట హాజరుపరిచి, ఆమె ఫిర్యాదుతో కేసు నమోదు చేసి, కోర్టుకు హాజరు పరచిన్నట్లు వెల్లడించారు.

తిరుపతి లీగల్‌: రెండు వేర్వేరు చెక్కుబౌన్స్‌ కేసుల్లో నిందితులకు జైలుశిక్ష విధిస్తూ తిరుపతి మొదటి, మూడో అదనపు జూనియర్‌ సివిల్‌ జడ్జిలు గురువారం తీర్పు చెప్పారు. తిరుపతి కొర్ల గుంటకు చెందిన ఎస్‌. రమేష్‌బాబు తన అవసరాల కోసం తిరుపతి, పీకే లేఔట్‌కు చెందిన వై.సుగుణమ్మ వద్ద 2021 జూన్‌ 12వ తేదీన రూ.5 లక్షలు అప్పుగా తీసుకున్నాడు. ఆ సొమ్ము చెల్లించే క్రమంలో అతను 2022 జూలై 14వ తేదీన రూ.5 లక్షలకు చెక్కు ఆమెకు ఇచ్చాడు. సుగుణమ్మ ఆ చెక్కును బ్యాంకులో వేయగా అది బౌన్స్‌ అయింది. దీంతో ఆమె రమేష్‌బాబుపై తిరుపతి మూడో అదనపు జూనియర్‌ సివిల్‌ జడ్జి కోర్టులో చెక్‌ బౌన్స్‌ కేసు దాఖలు చేశారు. కేసు పూర్వాపరాలు పరిశీలించిన న్యాయమూర్తి రమేష్‌బాబుకు ఏడాది జైలు శిక్ష విధిస్తూ తీర్పు చెప్పారు. అలాగే నష్టపరిహారం కింద చెక్కు సొమ్ము రూ.5 లక్షలు చెల్లించాలని తీర్పులో పేర్కొన్నారు. మరో కేసులో.. ఏర్పేడు మండలం, పాపానాయుడు పేటకు చెందిన శ్రీవేంకటేశ్వర ఫర్టిలైజర్స్‌ యజమాని పి.రమేష్‌ నాయుడు రేణిగుంట, బుగ్గ వీధికి చెందిన ఎస్‌. కరీముల్లా షరీఫ్‌ వద్ద 2015 జూన్‌ 7వ తేదీన రూ.5 లక్షలు, అదే ఏడాది జూలై నెల 6 తేదీన మరో రూ.5 లక్షలు అప్పుగా తీసుకున్నాడు. ఆ సొమ్ము చెల్లించే క్రమంలో రమేష్‌ నాయుడు 2016 జూన్‌ 15వ తేదీన రూ.7 లక్షలకు చెక్కు, 2016 జూన్‌ 16వ తేదీన రూ.5 లక్షలకు మరో చెక్కును కరీముల్లా షరీఫ్‌కు ఇచ్చాడు. ఆ రెండు చెక్కులను అతను బ్యాంకులో వేయగా బౌన్స్‌ అయ్యాయి. దీంతో అతను రమేష్‌ నాయుడిపై తిరుపతి మొదటి అదనపు జూనియర్‌ సివిల్‌ జడ్జి కోర్టులో చెక్‌ బౌన్స్‌ కేసు దాఖలు చేశాడు. కేసు పూర్వపురాలు పరిశీలించిన న్యాయమూర్తి రమేష్‌ నాయుడికి ఏడాది జైలుశిక్ష విధిస్తూ గురువారం తీర్పు చెప్పారు. అలాగే నష్టపరిహారం కింద రూ.12 లక్షల ఫిర్యాది కరీముల్లా షరీఫ్‌కు చెల్లించాలని తీర్పులో పేర్కొన్నారు. వాలీబాల్‌ జిల్లా జట్ల ఎంపిక తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) అండర్‌–19 ఉమ్మడి చిత్తూరు జిల్లా బాలబాలికల జిల్లా జట్ల ఎంపిక పోటీలు గురువారం తిరుపతిలోని ఎస్వీయూ క్యాంపస్‌ స్కూల్‌ ఆవరణలో నిర్వహించారు. ఈ పోటీలకు ఉమ్మడి జిల్లాలోని పలు ప్రాంతాల నుంచి దాదాపు 130 మంది బాలబాలికలు హాజరయ్యారు. బాలబాలికలకు వేర్వేరుగా ఎంపిక ప్రక్రియ నిర్వహించారు. వీరిలో ప్రతిభ కనబరిచిన బాలుర విభాగంలో 15 మంది, బాలికల విభాగంలో 15 మందిని జిల్లా జట్లకు ఎంపిక చేశారు. ఎంపికై న బాలబాలికల జిల్లా జట్లు కృష్ణా జిల్లాలో నిర్వహించనున్న రాష్ట్ర స్థాయి ఎస్‌జీఎఫ్‌ అండర్‌–19వాలీబాల్‌ పోటీలకు జిల్లా తరఫున పాల్గొంటారని ఎస్‌జీఎఫ్‌ అండర్‌–19 కార్యదర్శి ఎస్‌.జయరామయ్య తెలిపారు. ఎంపికై న ఆయా జట్టు సభ్యులను ఎస్వీయూ క్యాంపస్‌ స్కూల్‌ హెచ్‌ఎం సఖీనమ్మ, కె.షణ్ముగం, పి.శ్రీనివాసులు, పి.ప్రశాంత్‌బాబు, పీడీలు, పీఈటీలు అభినందించారు. బాలుర జట్టు:ఎం.యోగేష్‌రెడ్డి, కె.సన్ని, డి.మాధవ్‌, జి.జాన్సన్‌, పి.జశ్వంత్‌, కె.జీవ, ఆర్‌.హేమంత్‌కుమార్‌, ఎ.ఇమ్మానుయెల్‌, పి.గణేష్‌, ఎం.చరణ్‌తేజ, కె.ఉదయ్‌కిరణ్‌, ఎం.చైతన్యశ్రీరామ్‌, పి.రాజ, ఎ.లోహిత్‌, జి.తేజ ఎంపికయ్యారు. బాలికల జట్టు: ఎ.పల్లివి, కె.రెడ్డికౌశల్య, ఎ.రాజేశ్వరి, ఎం.అశ్విని, ఎం.కల్యాణశాంతి, సి.అనూష, కె.సుమన్యశ్రిక, ఎన్‌.వైష్ణవి, కె.త్రినయని, జి.మానస, పి.రేణుకాబాయి, బి.బేబి, బి.ఈశ్వరికుమారి, జి.సునీత, సి.విజయప్రణీత ఎంపికయ్యారు.

● గ్రామసభ ఆమోదం కోసం పంచాయతీ పెద్దలురేణిగుంట: పట్టణంలో సగటు మనిషి చివరి మజిలీకి ఇకపై పంచాయతీ అధికారులు లెక్కకట్టను న్నారు. ఊపిరున్నంత కాలం డబ్బు చుట్టూ పరుగు లు తీసే మనిషి జీవితం.. చనిపోయిన తర్వాత కూడా భారం కానుంది. రేణిగుంటలోని హిందూ శ్మశాన వాటికలో సమాధి కట్టాలంటే ఇకపై పంచాయతీకి రూ.లక్ష డిపాజిట్‌ చేయాలని, దాన్ని గ్రామసభలో పెట్టి తీర్మానించిందుకు పంచాయతీ పెద్దలు అజెండాలో చేర్చడంపై పలువురు పట్టణవాసులు పెదవి విరుస్తున్నారు. రేణిగుంట పట్టణంలో బాలు ర ఉన్నత పాఠశాల సమీపంలో హిందూ శ్మశాన వాటిక ఉంది. అక్కడ హిందువుల అంత్యక్రియలు జరుగుతాయి. ఎవరైనా సమాధులు కట్టుకోవాలంటే నామమాత్రపు రుసుము పంచాయతీ అధికారులకు చెల్లించి, వారి అనుమతి తీసుకుని సమాధులు కట్టుకునే పరిస్థితి ఉండేది. దీంతో సామాన్యులు కూడా తమవారికి సమాధులు కట్టుకోవాలన్న ఆకాంక్షను నెరవేర్చుకునేవారు. గ్రామసభ అజెండాలో చేర్చి.. పట్టణంలో శుక్రవారం జరగనున్న గ్రామసభ అజెండాలో శ్మశాన వాటిక అంశాన్ని 12వ అంశంగా చేర్చారు. రేణిగుంట మేజర్‌ పంచాయతీలోని హిందూ శ్మశాన వాటికలో చనిపోయిన వారికి సమాధులు కట్టుకునేందుకు పంచాయతీ ద్వారా సమాధికి అవసరమయ్యే స్థలాన్ని రూ.లక్షకు అమ్మేందుకు పంచాయతీ అధికారులు సిద్ధమవుతున్నారు. రేణిగుంట గ్రామంలో రోజురోజుకు జనాభా పెరుగుతున్న నేపథ్యంలో హిందూ శ్మశాన వాటిక ఒక్కటే ఉంది. హిందువులకు ఉండే ఒకే ఒక్క శ్మశానంలో సమాధులకు స్థలాన్ని అమ్మేస్తే డబ్బున్న మారాజులు రూ.లక్షలు పెట్టి స్థలాన్ని కొని, సమాధులు కట్టుకుంటారు. ఇలా కట్టుకుంటూ పోతే డబ్బు లేని పేదల పార్థీవదేహాలను కనీసం పూడ్చి పెట్టేందుకు కూడా శ్మశానంలో స్థలం ఉండబోదని పలువురు కలత చెందుతున్నారు. శుక్రవారం జరగబోయే గ్రామ సభలో ఆమోదం పొంది వెనువెంటనే పంచాయతీ తీర్మానం చేసి, శ్మశానం అమ్మేందుకు శరవేగంగా పంచాయతీ పెద్దలు పావులు కదుపుతున్నారు. పంచాయతీలో ఉన్న బస్టాండ్‌, వారపు సంత, పంచాయతీ రూములు, మార్కెట్‌ ఇలా... సమృద్ధిగా ఆదాయం సమకూరుతుంది. అయితే అది సరిపోక, పంచాయతీ పెద్దలు చివరకు శ్మశానాన్ని అమ్ముకునే పరిస్థితికి రావడంపై పలువురు అభ్యంతరం వ్యక్తం చేస్తున్నారు. ఇదే అంశాన్ని గ్రామ సభలో లేవనెత్తేందుకు సిద్ధమవుతున్నట్లు సమాచారం.

తిరుపతి సిటీ: వెటర్నరీ కళాశాల ఆధ్వర్యంలో స్థానిక పట్టణ పశువైద్యశాల పరిసరప్రాంతాల్లో విద్యార్థులు, సిబ్బంది గురువారం స్వచ్ఛతా హీ సేవ కార్యక్రమం నిర్వహించారు. ఇందులో భాగంగా వైద్యశాల ఆవరణలోని వ్యర్థాలను తొలగించి శుభ్రపరిచారు. పర్యావరణ పరిరక్షణ ఆవశ్యకతపై ప్రజల్లో అవగాహన కల్పించేందుకు పట్టణ పశువైద్యశాల నుంచి తుడా కార్యాలయం వరకు ర్యాలీ చేశారు. ఈ కార్యక్రమంలో అసోసియేట్‌ డీన్‌ డాక్టర్‌ జగపతిరామయ్య, ఎన్‌ఎస్‌ఎస్‌ ప్రోగ్రాం అధికారులు శ్రీనివాసరావు, అమరావతి, రాజా, వెంకటేశర్లు, విద్యార్థులు పాల్గొన్నారు. అలాగే పద్మావతి మహిళా వర్సిటీలో తిరుపతి నగరపాలక సంస్థ, వర్సిటీ ఎన్‌ఎస్‌ఎస్‌ ఆధ్వర్యంలో గురువారం స్వచ్ఛత హీ సేవా కార్యక్రమం నిర్వహించి వర్సిటీ ప్రాంగణంలోని వ్యర్థాలను తొగించారు. కోర్టు ఆవరణలో.. తిరుపతి లీగల్‌: స్థానిక కోర్టు ఆవరణలో గురువారం స్వచ్ఛతా హీ సేవ కార్యక్రమం నిర్వహించారు. ఈ సందర్భంగా తిరుపతి మూడో అదనపు జిల్లా జడ్జి ఎం.గురునాథ్‌ మాట్లాడుతూ పరిసరాలను పరిశుభ్రంగా ఉంచుకున్నప్పుడే ప్రతి ఒక్కరూ ఆరోగ్యంగా ఉంటారన్నారు. మన ఇళ్లను ఎలా పరిశుభ్రంగా ఉంచుకుంటామో.. మన కార్యాలయాలను అలాగే శుభ్రంగా ఉంచుకోవాలని సూచించారు. ఉన్నత న్యాయస్థానాలు, కేంద్ర ప్రభుత్వం ఆదేశాల మేరకు ఈ కార్యక్రమాన్ని నిర్వహిస్తున్నట్టు న్యాయమూర్తి పేర్కొన్నారు. ఈ కార్యక్రమంలో అదనపు జిల్లా జడ్జిలు రామ్‌గోపాల్‌, రామచంద్రుడు, అర్చన, సీనియర్‌ సివిల్‌ జడ్జిలు విజయరామరాజు, సునీత రాణి, జూనియర్‌ సివిల్‌ జడ్జిలు వాణిశ్రీ , సంధ్యారాణి, సరిత, కోటేశ్వరరావు, గ్రంధి శ్రీనివాస్‌, సత్యకుమార్‌, తిరుపతి న్యాయవాదుల సంఘం అధ్యక్షుడు గోపీచంద్‌, ప్రధాన కార్యదర్శి మార్టిన్‌, పలువురు న్యాయవాదులు, వివిధ కోర్టుల సిబ్బంది పాల్గొన్నారు.

తిరుపతి లీగల్‌: తిరుపతి, ఆర్సీరోడ్డుకు చెందిన వి.సురేంద్రన్‌ తిరుపతి అదనపు సీనియర్‌ సివిల్‌ జడ్జి కోర్టులో కోటి ఒక లక్ష 89 వేల రూపా యలకు ఐపీ దాఖలు చేసినట్టు ఆయన తరఫు న్యాయవాది ఇరుగు సురేంద్ర తెలిపారు. పిటిషన్‌లోని వివరాల మేరకు.... పిటిషనర్‌ నరేంద్రన్‌ తిరుపతి, అవిలాల, చెన్నప్ప కాలనీలో శ్రీ వినాయక ప్రొవిజనన్స్‌ స్టోర్స్‌ పేరుతో రెండేళ్లుగా వ్యా పారం నిర్వహిస్తున్నాడు. ఇతరుల దగ్గర సొమ్ము రుణంగా తీసుకొని అతను వ్యాపారాన్ని ప్రారంభించాడు. వ్యాపారంలో పోటీ పెరగడంతో వ్యా పారాభివృద్ధి కోసం మరికొంత మంది వద్ద అత ను నగదు వడ్డీలకు అప్పుగా తీసుకున్నాడు. అ యినా నష్టాలు రావడంతో మరికొంత మంది వద్ద రూ.పది వడ్డీతో సొమ్మును అప్పుగా తీసుకొని ఖాళీ ప్రోనోట్లు, ఖాళీ చెక్కుల్లో సంతకాలు చేసి వారికి ఇచ్చాడు. వ్యాపారంలో తీవ్ర నష్టాలు రావడం రోజు రోజుకు రుణదాతల వేధింపులు ఎక్కువ కావడంతో సొమ్ము చెల్లించలేని స్థితిలో ఐపీ దాఖలు చేస్తున్నట్టు ఆయన పిటిషన్‌లో పేర్కొన్నాడు. 18 మంది రుణదాతలను ఆయన పిటిషన్‌లో ప్రతివాదులుగా పేర్కొన్నాడు. రోడ్డు ప్రమాదంలో యువకుడి దుర్మరణం పెళ్లకూరు: నాయుడుపేట–పూతలపట్టు జాతీయ రహదారిలో గురువారం తెల్లవారు జామున చిల్లకూరు గ్రామం వద్ద ఆగి ఉన్న లారీని అదే మార్గంలో వెళ్లే మరో లారీ ఢీకొంది. ఈ ప్రమాదంలో క్లీనర్‌ కార్తిక్‌(17) మృతి చెందగా డ్రైవర్‌కి గాయాలయ్యాయి. స్థానిక ఎస్‌ఐ నాగరాజు కథ నం మేరకు.. శ్రీకాళహస్తి నుంచి విజయవాడకు వెళుతున్న లారీ మార్గం మధ్యలో చిల్లకూరు ప్లైఓవర్‌ వద్ద ఆదే మార్గంలో ఆగిఉన్న మరో లారీని ఢీకొంది. ఈ ఘటనలో కృష్ణా జిల్లా, మైలవరం ప్రాంతానికి చెందిన క్లీనర్‌ కార్తిక్‌ అక్కడికక్కడే మృతి చెందాడు. గాయపడిన డ్రైవర్‌ను నాయుడు పేట ప్రభుత్వాస్పత్రికి తరలించారు. సమాచారం అందుకున్న ఎస్‌ఐ నాగరాజు ఘటనా స్థలాన్ని పరిశీలించారు. కేసు దర్యాప్తులో ఉంది.

సాంఘిక సంక్షేమ వసతి గృహాల వివరాలుపూతలపట్టు: చిత్తూరు, తిరుపతి జిల్లాల్లో సాంఘిక సంక్షేమ శాఖకు సంబంధించి 119 వసతి గృహాలు ఉన్నాయి. ఈ గృహాల్లో 8,719 మంది విద్యార్థులు ఆశ్రయం పొందుతున్నారు. వీరికి ప్రభుత్వం ప్రత్యేకంగా మెనూ కేటాయించి ఆ ప్రకారం భోజనం వడ్డిస్తుంది. ఈ క్రమంలో సివిల్‌ సప్లయ్స్‌ నుంచి రేషన్‌ బియ్యం వసతి గృహాలకు సరఫరా అవుతుంది. ఇందుకు ప్రభుత్వం సివిల్‌ సప్లయ్స్‌కు కిలోకు రూ.1 చొప్పున చెల్లిస్తుంది. నెలవారీగా కిరాణా సరుకులు కాంట్రాక్ట్‌ తీసుకున్న వారి నుంచి సరఫరా అవుతుంది. వారి నుంచి నెలకు సరిపడా 18 రకాల సరు కులు నేరుగా వసతి గృహాలకు చేరుతాయి. పాలు, గుడ్డు, కూరగాయలు, చికెన్‌, వంటగ్యాస్‌ తదితరాలను విద్యార్థుల మెనూ చార్జీల ద్వారా నడిపిస్తుంటారు. ఈ చార్జీలను ఆయా వసతి గృహాల వార్డెన్లు భరిస్తుంటారు. అయితే మెనూ బిల్లులు సకాలంలో అందక భోజన వడ్డింపులో ఇబ్బందులు తలెత్తుతున్నాయి. బిల్లులు రాక వార్డెన్‌లపై అప్పుల భారం పడుతోంది. అప్పులు ఇలా... ఈ ఏడాది జనవరి వరకూ గత ప్రభుత్వం బిల్లులు మంజూరు చేసింది. ఫిబ్రవరి నెల నుంచి ఇప్పటి వరకు బిల్లులు రావాల్సి ఉంది. ఆ పెండింగ్‌ బిల్లులు వార్డెన్లకు అప్పులను తెచ్చిపెడుతున్నాయి. అప్పులు చేసి విద్యార్థులకు భోజనం వండిపెడుతున్నారు. అప్పులు కూడా తలకు మించిన భారం కావడంతో ఏం చేయాలో తెలియక తికమకపడిపోతున్నారు. ఆరు నెలలకు గాను రూ.2.50 లక్షలకుపైగా మెనూ చార్జీ బిల్లులు చెల్లించాల్సి ఉందని వసతి గృహాల వార్డెన్‌లు ఇబ్బందులకు గురవుతున్నారు. కానరాని నిర్వహణ నిధులు వసతి గృహాల నిర్వహణ నిధులను ప్రభుత్వం మంజూరు చేయడం లేదు. దీంతో విద్యుత్‌ బల్బులు, మరుగు, మూత్రశాలల నిర్వహణ, చిన్న పాటి కిటికీలు, తలుపుల మరమ్మతులకు సొంత సొమ్మును వార్డెన్లు వెచ్చించాల్సి వస్తోంది. హాస్టల్‌ నిర్వహణకు ప్రతి నెలా కనీసం రూ.3 వేలు నుంచి రూ.5 వేల వరకూ ఖర్చు పెట్టాల్సి వస్తున్నట్లు వార్డెన్లు చెబుతున్నారు. మంజూరు కాని బిల్లులు విషయమై జిల్లా ఉన్నతాధికారికి వార్డెన్లు తమ బాధను చెప్పినా, నిధులు రావాలని, ప్రభుత్వం ఇంకా బిల్లులు మంజూరు చేయలేదని చెబుతున్నారు. దీంతో తమ పరిస్థితి అగమ్యగోచరంగా మారిందని వార్డెన్లు వాపోతున్నారు. ప్రభుత్వం స్పందించి వసతి గృహాలకు సకాలంలో బిల్లులు మంజూరు చేయాలని వేడుకుంటున్నారు. ఇతర వివరాలు ప్రతి నెలా అవసరమయ్యే గ్యాస్‌ సిలిండర్లు విద్యార్థుల సంఖ్య 3,419చిత్తూరు జిల్లాలో వసతి గృహాల సంఖ్య 57రోజుకు బియ్యం 4వేల కిలోలువిద్యార్థుల సంఖ్య 5,300తిరుపతి జిల్లాలో వసతి గృహాల సంఖ్య 62చికెన్‌ (ఒక్కరోజుకు గాను) 830 కేజీలు (వారంలో మూడు రోజులు) మెనూ చార్జీల బిల్లుల బకాయిలు రూ. 2.50 లక్షలకు పైగాపాలు 830 లీటర్లు (రోజూ)పి.కొత్తకోట ఎస్సీ ప్రభుత్వ వసతి గృహం సాంఘిక సంక్షేమ శాఖ వసతి గృహాల్లో అప్పులు చేసి విద్యార్థుల ఆకలి తీర్చే పరిస్థితి నెలకొంది. కొన్ని నెలలుగా బిల్లులు అందడం లేదు. ఫలితంగా వార్డెన్‌లపై అప్పుల భారం పెరుగుతోంది. వంటలో నాణ్యత అధ్వానంగా మారుతోంది. దీనికితోడు కూరగాయల ధరల పెరుగుదల భోజనంపై ప్రభావం చూపుతోంది. హాస్టల్లో వడ్డించే భోజనం విద్యార్థులకు మింగుడు పడడం లేదు. వసతి గృహాల్లో అందించే భోజనంపై తల్లిదండ్రుల్లో సైతం ఆందోళన వ్యక్తమవుతోంది. బిల్లులు మంజూరు చేయాలని వార్డెన్లు వేడుకుంటున్నా ప్రభుత్వం స్పందించడం లేదు. 820కూరగాయలు 1200 కిలోలుగుడ్డు (ఒక్కరోజుకు గాను) 8719(ఆరు రోజులు) మెనూ చార్జీలు ఇలా.. సాధారణ వసతి గృహంలో ఒక్కో విద్యార్థికి ప్రభుత్వం రోజుకూ రూ.46, కళాశాల వసతి గృహాల్లో ఒక్కో విద్యార్థికి భోజన ఖర్ఛులకుగాను రూ.53 చెల్లిస్తుంది. ఈ కేటాయింపులతో నెలకు సాధారణ వసతి గృహంలో ఒక్కో విద్యార్థికి రూ.1,400, కళాశాల విద్యార్థికి రూ.1,600 చెల్లిస్తుంది. ఈ లెక్కన మెనూ ప్రకారం వారానికి ఆరు కోడి గుడ్లు, ప్రతి ఆదివారం బిరియాని, అరటి పండ్లు, పాలు, కూరగాయలతో కూడిన ఆహారం అందించాల్సి ఉంది. అయితే బిల్లుల చెల్లింపులో జాప్యం చోటు చేసుకోవడంతో విద్యార్థులకు సరైన భోజనం అందించడం లేదని విద్యార్థులు, తల్లిదండ్రులు ఆవేదన వ్యక్తం చేస్తున్నారు. కూరగాయల ధరల ప్రభావం గత కొన్ని రోజులుగా కూరగాయల ధరలు ఆకాశన్నంటుతున్నాయి. ప్రధానంగా తెల్లగడ్డ కిలో ధర రూ.340 నుంచి రూ.400వరకు పలుకుతోంది. అల్లం రూ.170 ఉంది. ఉల్లిఽ కిలో రూ. 50 నుంచి రూ.70 వరకు విక్రయిస్తున్నారు. టమాటా కిలో రూ. 35 నుంచి రూ.50 వరకు అమ్ముడుపోతోంది. పచ్చి మిరప కేజీ రూ. 60కు విక్రయిస్తున్నారు. ఈ ధర దెబ్బకు వసతి గృహాల విద్యార్థులకు రుచికరమైన, నాణ్యమైన భోజనం అందడంలేదు. ఇచ్చే మెనూ చార్జీలకు, పెరిగిన కూరగాయల ధరలకు పొంతన లేదని, ఇలాగైతే నిర్వహణ కష్టమని వార్డెన్‌లు వాపోతున్నారు. త్వరలో బిల్లులు మంజూరు అయ్యేలా చూస్తాం ఎస్సీ వసతి గృహాల నిర్వహణకు సంబంధించి ఆరు నెలల బిల్లులు చెల్లించాల్సి ఉంది. ఈ విషయాన్ని ఉన్నతాధికారుల దృష్టికి తీసుకెళ్లాం. మరో వారం రోజుల్లో బిల్లులు మంజూరవుతాయని తెలిసింది. ఈ మేరకు విద్యా ర్థులకు భోజనం వడ్డింపులో ఇబ్బందులు లే కుండా చూస్తాం. – రాజ్యలక్ష్మి, డీడీ, సాంఘిక సంక్షేమ శాఖ

శ్రీకాళహస్తి: శ్రీకాళహస్తీశ్వరాలయంలోని 16 కాళ్ల మండపంలో బుధవారం శాస్త్రోక్తంగా శాంతి హోమం నిర్వహించారు. స్వామివారి జన్మ నక్ష త్రం ఆరుద్రను పురస్కరించుకుని వేద పండితు లు 16 కాళ్ల మండపం వద్ద ప్రత్యేక పూజలు చేశారు. అనంతరం హోమం చేపట్టారు. భక్తులు పెద్దసంఖ్యలో పాల్గొని మొక్కులు చెల్లించుకున్నా రు. ఈ కార్యక్రమంలో ఈవో చంద్రశేఖర్‌ ఆజాద్‌, అధికారులు, వేదపండితులు పాల్గొన్నారు. సేవలపై అభిప్రాయ సేకరణ తిరుమల : శ్రీవారి భక్తులకు అందుతున్న సేవలపై అభిప్రాయాలు సేకరించాలని టీటీడీ అదనపు ఈఓ సీహెచ్‌ వెంకయ్యచౌదరి కోరారు. బుధవారం తిరుమలలోని సేవాసదన్‌–2లో నిర్వహించిన సత్సంగంలో శ్రీవారి సేవకులనుద్దేశించి ఆయన మాట్లాడారు. స్వామివారి దర్శనానికి విచ్చేసిన భక్తులకు సేవలందించే అవకాశాన్ని సద్వినియోగం చేసుకోవాలని సూచించారు. ఈ మేరకు భక్తుల అభిప్రాయాలను తెలుసుకుని తద్వారా మరింతగా మెరుగైన సౌకర్యాలు కల్పించేందుకు సహకరించాలన్నారు. అనంతరం ఈ–డిప్‌ విధానంలో శ్రీవారి సేవలకు డ్యూటీ కేటాయింపులు చేపట్టారు. కార్యక్రమంలో టీటీడీ చీఫ్‌ పీఆర్‌ఓ రవి, పీఆర్‌ఓ పి.నీలిమ పాల్గొన్నారు.ఈ క్రమంలోనే ముఖ్యమంత్రి తిరుమల పర్యటన దృష్ట్యా పద్మావతి విశ్రాంతి గృహం, పాంచజన్యం, తదితర ప్రాంతాలను అదనపు ఈఓ పరిశీలించారు. ఈస్ట్‌ సీఐ అదృశ్యం! – బెంగళూరులో ఉన్నట్లు సమాచారం తిరుపతి క్రైమ్‌: నగరంలోని ఈస్ట్‌ పోలీస్‌ స్టేషన్‌ సీఐ మహేశ్వర్‌ రెడ్డి మంగళవారం రాత్రి నుంచి కనిపించడం లేదని తెలిసింది. వివరాలు.. సీఐ మహేశ్వర్‌ రెడ్డి మంగళవారం రాత్రి దేవేంద్ర థియేటర్‌ సమీపంలోని శ్మశాన వాటిక వద్దకు ప్రభుత్వ వాహనంలో చేరుకున్నారు. వేరే పని ఉందని, డ్రైవర్‌ని అక్కడే ఉండమని చెప్పి వెళ్లిపోయారు. అనంతరం ప్రభుత్వం ఇచ్చిన సెల్‌ నంబర్‌తోపాటు, సొంత నంబర్‌ కూడా స్విచ్‌ ఆఫ్‌ చేసుకున్నారు. సీఐ ఎంతకూ రాకపోవడంతో డ్రైవర్‌ వెంటనే ఉన్నతాధికారులకు సమాచారం అందించారు. కంగారు పడిన ఉన్నతాధికారులు రాత్రంతా సీఐ ఆచూకీ కోసం ముమ్మరంగా గాలించారు. సీసీ కెమెరా ఫుటేజీని పరిశీలించగా, భవానీనగర్‌ వద్ద చివరగా కనిపించినట్లు గుర్తించారు. ఇంతలో బెంగళూరులో ఉన్నట్లు సీఐ కాల్‌ చేసి చెప్పడంతో అందరూ ఊపిరి పీల్చుకున్నారు. ఆరోగ్యం సరిగా లేకపోవడంతో క్యాజువల్‌ లీవ్‌లో బయట వచ్చానని సీఐ తెలిపారు. డ్రైవర్‌కి ఆ విషయం చెప్పానని అయితే అతను సరిగా అర్థం చేసుకోలేదని వివరించారు. ముక్కంటి హుండీ ఆదాయం రూ.1.45 కోట్లు శ్రీకాళహస్తి: శ్రీకాళహస్తీశ్వరాలయ హుండీ ఆదాయం రూ.1,45,87,352 వచ్చినట్టు ఈవో ఈవో చంద్రశేఖర్‌ ఆజాద్‌ తెలిపారు. ఆలయంలోని గురుదక్షిణామూర్తి సన్నిధి వద్ద బుధవారం హుండీలోని కానుకలను లెక్కించినట్టు పేర్కొన్నారు. ప్రధాన హుండీలతో పాటు పరివార దేవతల వద్ద ఉన్న హుండీల ద్వారా బంగారం 68 గ్రాములు, వెండి 412.200 కిలోలు, విదేశీ కరెన్సీ 3,452 వచ్చినట్టు పేర్కొన్నారు.

తిరుమల: తిరుమలలో భక్తుల రద్దీ సాధారణంగా ఉంది. క్యూకాంప్లెక్స్‌లో కంపార్ట్‌మెంట్లు ఖాళీగా ఉన్నాయి. మంగళవారం అర్ధరాత్రి వరకు 67,616 మంది స్వామిని దర్శించుకున్నారు. 22,759 మంది భక్తులు తలనీలాలు సమర్పించారు. స్వామికి కానుకల రూపంలో హుండీలో రూ.3.89 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. టికెట్లు లేని వారికి 6 గంటలు పడుతోంది. ప్రత్యేక ప్రవేశ దర్శనం టికెట్లు కలిగిన భక్తులకు 2 గంటల్లో దర్శనం లభిస్తోంది. సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేసింది. ముందుగా వెళితే లోనికి అనుమతించబోమని పేర్కొంది.

తిరుపతి ఎడ్యుకేషన్‌ : ఈ ఏడాది డిసెంబరు 8వ తేదీన జాతీయ స్థాయిలో నిర్వహించనున్న నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌) పరీక్షకు దరఖాస్తు చేసుకునేందుకు ఆన్‌లైన్‌ అప్లికేషన్లు ఉన్నట్టు డీఈఓ డాక్టర్‌ వి.శేఖర్‌ తెలిపారు. ఈ పరీక్షకు దరఖాస్తు చేసుకోవడానికి అక్టోబరు 3వ తేదీ వరకు గడువు పొడిగించినట్లు తెలిపారు. ఈ పరీక్షకు జిల్లాలోని అన్ని యాజమాన్య ప్రభుత్వ పాఠశాలల్లో 8వ తరగతి చదువుతూ, వార్షికాదాయం రూ.3.50 లక్షలలోపు ఉన్న వారు అర్హులని తెలిపారు. దరఖాస్తు చేసుకునేటప్పుడు ఆధార్‌ కార్డులో ఉన్నట్టు విద్యార్థి పూర్తి పేరు, పుట్టిన తేదీ, తండ్రి/తల్లి పేరు సరిగ్గా నమోదు చేయాలని తెలిపారు. దరఖాస్తుకు ధ్రువీకరణ పత్రాలు అవసరం లేదని, పరీక్షకు హాజరయ్యేటప్పుడు అన్ని ధ్రువీకరణ పత్రాలు ఉండాలని సూచించారు. ఓసీ, బీసీ విద్యార్థులు రూ.100, ఎస్సీ, ఎస్టీ విద్యార్థులు రూ.50 పరీక్ష రుసుమును ఆన్‌లైన్‌లో ఇచ్చిన ఎస్‌బీఐ కలెక్ట్‌ లింక్‌ ద్వారా చెల్లించాలని వెల్లడించారు. ‘‘డబ్ల్యూ.డబ్ల్యూ.డబ్ల్యూ.బీఎస్‌ఈ.ఏపీ.జీఓవీ.ఇన్‌’’ అనే వెబ్‌సైట్‌లో దరఖాస్తు పూర్తి చేయాలని, తర్వాత ప్రింటెడ్‌ నామినల్‌ రోల్స్‌, ఎస్‌బీఐ కలెక్ట్‌ రసీదును డీఈఓ కార్యాలయంలో అక్టోబరు 14వ తేదీలోపు సమర్పించాలని తెలిపారు. దీనికి సంబంధించి పూర్తి వివరాలకు పైన పేర్కొన్న వెబ్‌సైట్‌లోనూ, అలాగే డీఈఓ కార్యాలయంలో సంప్రదించాలని సూచించారు.

తిరుపతి కల్చరల్‌ : ఆరోగ్య రక్షణకు ఔషధాలు అవసరమని, అలాగే ఔషధ రంగంలో ఫార్మసిస్టులు కీలకమని పలువురు వైద్య ప్రముఖులు వెల్లడించారు. బుధవారం తిరుపతి మహతి కళాక్షేత్రంలో ప్రపంచ ఫార్మసిస్టుల దినోత్సవం నిర్వహించారు. శ్రీపద్మావతి మహిళా వర్సిటీ ఇన్‌స్టిట్యూట్‌ ఆఫ్‌ ఫార్మాస్యూటికల్‌ టెక్నాలజీ, సెంటర్‌ ఫర్‌ ఇంటర్నేషనల్‌ రిలేషన్‌ ఆధ్వర్యంలో ఈ కార్యక్రమం చేపట్టారు. డ్రగ్‌ ఇన్‌స్పెక్టర్లు జి.సుభాషిణి, ఎం.రూతు, పద్మావతి స్కూల్‌ ఆఫ్‌ ఫార్మసీ కళాశాల ప్రిన్సిపల్‌ ప్రొఫెసర్‌ డి.రంగనాయకులు, మహిళావర్సిటీ ప్రొఫెసర్‌ నాగరాజు, కృష్ణతేజ ఫార్మసీ కళాశాల ప్రిన్సిపల్‌ ప్రొఫెసర్‌ వేణుగోపాల్‌, మోహన్‌బాబు వర్సిటీ ప్రిన్సిపల్‌ ప్రొఫెసర్‌ డాక్టర్‌ బీపీ మల్లికార్జున ముఖ్యఅతిథులుగా హాజరయ్యారు. వారు మాట్లాడుతూ ప్రపంచ జనాభాకు అనుగుణంగా వైద్య రంగంలో విప్లవాత్మక మార్పులు వస్తున్నాయన్నారు. అయితే వైద్యుల కంటే రోగులకు ఫార్మసిస్టుల సేవలే అవసరంగా మారాయని వెల్లడించారు. ఫార్మా రంగంలో యువతకు అద్భుతమైన అవకాశాలు ఉన్నాయని, వాటిని సద్వినియోగం చేసుకోవాలని సూచించారు. ఫార్మసీ కోర్సు పూర్తి చేసుకున్న తర్వాత మెడికల్‌షాపు యజమాన్యాలకు సర్టిఫికెట్లు అమ్ముకోవడం నేరమన్నారు. అంకాలజీడయాబెటీస్‌ రంగాల్లో ఫార్మసిస్టులు పెరగాలని కోరారు. కార్యక్రమంలో విష్వక్సేన మెడికల్‌ డిస్ట్రిబ్యూటర్స్‌ అధినేత కందూరి జనార్ధన్‌, రిటైర్డ్‌ సీనియర్‌ ఫార్మసిస్ట్‌ డాక్టర్‌ రాజేంద్రప్రసాద్‌, ఫార్మసిస్ట్‌లు బాలరాజు నాయుడు, పి.నాధముని, డాక్టర్‌ సింగమాల సుమన్‌, సెవెన్‌ హిల్స్‌ కాలేజ్‌ ఆఫ్‌ ఫార్మసీ ప్రొఫెసర్‌ చంద్రశేఖర్‌, ఎం.ధనుష్‌ పాల్గొన్నారు.

వెంకటగిరి (సైదాపురం) : వెంకటగిరి గ్రామశక్తి పోలేరమ్మ జనజాతర అత్యంత వైభవంగా ప్రారంభమైంది. తల్లి దీవెనల కోసం పట్టణం భక్తజనసంద్రంగా మారింది. ఇసుకేస్తే రాలనంతగా ప్రజలు తరలివచ్చారు. జిల్లాతోపాటు ఇతర దేశాల నుంచి కూడా వెంకటగిరీయులు స్వగృహాలకు చేరుకున్నారు. వేడుకగా మడి భిక్షాలు పోలేరమ్మ జాతర సందర్భంగా వెంకటగిరిలోని ప్రతి వీధి కళకళలాడుతోంది. పోలేరమ్మకు మడి భిక్ష పెట్టండి.. పోతురాజుకు టెంకాయ కొట్టండి అంటూ భక్తుల చేస్తున్న నినాదాలు హోరెత్తుతున్నాయి. ఈ క్రమంలోనే పట్టణంలోని ప్రతి ఇంట్లో పసుపుతో అమ్మవారి ప్రతిమను తయారు చేసుకుని ప్రత్యేక పూజలు నిర్వహించారు. అంబలిని నైవేద్యంగా సమర్పించారు. అప్రమత్తంగా విధులు జాతరలో ఎలాంటి అవాంఛనీయ ఘటనలు జరగకుండా అప్రమత్తంగా విధులు నిర్వర్తించాలని ఎస్పీ సుబ్బరాయుడు ఆదేశించారు. ఊరేగింపు, నిమజ్జనంలో తొక్కిసలాటలు జరగకుండా జాగ్రత్తలు తీసుకోవాలని సూచించారు. పాత నేరస్తుల కదలికలపై నిఘా పెట్టాలని స్పష్టం చేశారు. సమావేశంలో ఏఎస్పీలు వెంకట్రావు, రవి మనోహరాచారి, నాగభూషణరావు, డీఎస్పీ రమణకుమార్‌ పాల్గొన్నారు. నేడు నిష్క్రమణం జాతరలో భాగంగా గురువారం వేకువజామున అమ్మవారి నిలుపు కార్యక్రమం మొదలవుతుంది. అమ్మవారి మెట్టినిల్లు నుంచి అమ్మవారి ఆలయం వద్ద ప్రత్యేకంగా ఏర్పాటు చేసిన మండపంలో కొలువుదీరుతారు. సాయంత్రం వరకు భక్తులకు దర్శనభాగ్యం కల్పిస్తారు. సాయంత్రం అమ్మవారికి అత్యంత వైభవంగా నగరోత్సవం నిర్వహిస్తారు. అనంతరం విరూపమండపం వద్ద నిష్క్రమణ కార్యక్రమాలను పూర్తి చేస్తారు. దీంతో జాతర ఘట్టం పరిపూర్ణమవుతుంది. రాష్ట్ర పండుగకు రూ.50లక్షలు సాక్షి, అమరావతి : రాష్ట్ర పండుగ హోదాలో పోలేరమ్మ జాతర నిర్వహణకు దేవదాయశాఖ పరిధిలోని కామన్‌ గుడ్‌ ఫండ్‌ (సీజీఎఫ్‌) నిధుల నుంచి రూ. 50లక్షలను ప్రభుత్వం కేటాయించింది. ఈ మేరకు దేవదాయ శాఖ ఇన్‌చార్జి ప్రత్యేక ప్రధాన కార్యదర్శి సత్యనారాయణ బుధవారం ఆదేశాలు జారీ చేశారు.

అధికారం మత్తు తలకెక్కిన కూటమి నేతలు ప్రజాస్వామ్య విలువలకు తిలోదకాలు ఇస్తున్నారు. అలవాటు ప్రకారం ఓటుకు నోటు సిద్ధాంతంతో నిబంధనలను తుంగలో తొక్కేస్తున్నారు. కార్పొరేషన్‌ అధికారులను గుప్పిట్లో పెట్టుకుని రెడ్‌బుక్‌ రాజ్యాంగం అమలు చేస్తున్నారు. తిరుపతి అభివృద్ధికి అవసరమైన స్టాండింగ్‌ కమిటీ ఏర్పాటుకు మోకాలడ్డుతున్నారు. కూటమి నేతల ఆదేశాల మేరకు కమిషనర్‌ ఏకపక్షంగా వ్యవహరిస్తున్నారు. అందులో భాగంగా నగర మేయర్‌కు సైతం సమాచారం లేకుండా కౌన్సిల్‌ ఎన్నికను వాయిదా వేసేశారు. నామినేషన్‌ వేసేందుకు వచ్చిన వైఎస్సార్‌సీపీ కార్పొరేటర్లకు అందుబాటులో లేకుండా ముఖం చాటేశారు. తిరుపతి తుడా : తిరుపతి మున్సిపల్‌ కార్పొరేషన్‌ స్టాండింగ్‌ కమిటీ ఎన్నికలకు కూటమి ప్రభుత్వం మోకాలడ్డింది. మెజారిటీ కార్పొరేటర్లు వైఎస్సాఆర్‌సీపీ వైపు ఉండటంతో ఓటమి తప్పదని గ్రహించి ఎన్నికను వాయిదా వేస్తున్నట్లు ప్రకటించింది. గత స్టాండింగ్‌ కౌన్సిల్‌కు ఏడాది కాలపరిమితి ముగిసింది. దీంతో ఇటీవలే మున్సిపల్‌ కార్పొరేషన్‌ కమిషనర్‌ స్టాండింగ్‌ కమిటీ ఎన్నికలకు సంబంధించి నోటిఫికేషన్‌ విడుదల చేశారు. ఈ 19 నుంచి 26వ తేదీ వరకు నామినేషన్ల స్వీకరించనున్నట్లు పేర్కొన్నారు. అక్టోబర్‌ 4వతేదీన ఎన్నిక నిర్వహించనున్నట్లు ప్రకటించారు. ఈ క్రమంలో బుధవారం తిరుపతి నగరపాలక కార్యాలయానికి నామినేషన్‌ వేసేందుకు వైఎస్సాఆర్‌సీపీ కార్పొరేటర్లు చేరుకున్నారు. మధ్యాహ్నం 12 నుంచి 3వరకు నామినేషన్ల స్వీకరణ ప్రక్రియ కొనసాగాల్సి ఉంది. సమయం మించిపోతున్నా కమిషనర్‌, అడిషనల్‌ కమిషనర్లు, ప్రిసైడింగ్‌ ఆఫీసర్‌ అందుబాటులో లేకపోవడంతో కార్పొరేటర్లు అవాక్కయ్యారు. మేయర్‌ శిరీష వెంటనే కమిషనర్‌ మౌర్యకు ఫోన్‌ చేయగా, ఎన్నికను వాయిదా వేస్తున్నట్లు ఆమె తెలిపారు. దీనిపై మేయర్‌ ఆగ్రహం వ్యక్తం చేశారు. ముందస్తు సమాచారం లేకుండా ఎలా వాయిదా వేస్తారని కమిషనర్‌ను నిలదీశారు. ప్రోటోకాల్‌ సాకు తిరుమల శ్రీవారి బ్రహ్మోత్సవాలు అక్టోబర్‌ 4వ తేదీన ప్రారంభమవుతాయని టీటీడీ సుమారు 4 నెలల క్రితమే ప్రకటించింది. బ్రహ్మోత్సవాల తొలిరోజున ముఖ్యమంత్రి తిరుమలకు వచ్చి ప్రభుత్వం తరఫున శ్రీవారికి పట్టువస్త్రాలు సమర్పించడం ఆనవాయితీ. ఈ విషయాలు తెలిసినా కార్పొరేషన్‌ అధికారులు స్టాండింగ్‌ కమిటీ ఎన్నికను అక్టోబర్‌ 4వ తేదీ నిర్వహించాలని నిర్ణయిండంలో ఆంతర్యమేంటని పలువురు ప్రశ్నిస్తున్నారు. తీరా వైఎస్సార్‌సీపీ కార్పొరేటర్లు నామినేషన్‌ వేసేందుకు వచ్చినప్పుడు ఎన్నికను వాయిదా వేస్తూ అందుకు కారణంగా సీఎం, డిప్యూటీ సీఎం తిరుపతి వస్తున్నారని చెప్పడంలో అధికారుల వైఖరి పలు అనుమానాలకు తావిస్తోందని ఆరోపిస్తున్నారు. కేవలం కాలయాపన కోసమే అధికారులు ఇలా వ్యవహరించారనే విమర్శలు వినిపిస్తున్నాయి. ఈలోపు వైఎస్సార్‌సీపీ కార్పొరేటర్లను నయానో భయానో తమ వైపు తిప్పుకుని స్టాండింగ్‌ కమిటీ ఎన్నికల్లో విజయం సాధించేందుకు కూటమి నేతలు పన్నాగం పన్నినట్లు స్పష్టంగా అర్థమవుతోంది. ఈ విషయంలో కమిషనర్‌ తీరుపై హైకోర్టుకు వెళ్లాలని వైఎస్సాఆర్‌సీపీ కార్పొరేటర్లు తీర్మానించడం గమనార్హం. అధికారుల తీరుపై ఆగ్రహం స్టాండింగ్‌ కమిటీ ఎన్నికను వాయిదా వేస్తున్నట్లు ప్రకటించడంతో మేయర్‌ శిరీషతో కలసి వైఎస్సార్‌సీపీ కార్పొరేటర్లు నగరపాలక సంస్థ కార్యాలయం ఎదుట ధర్నాకు దిగారు. మేయర్‌ మాట్లాడుతూ ఎన్నిక వాయిదా వేస్తున్నట్లు తమకు ముందస్తుగా ఎలాంటి సమాచారం అందించలేదని ఆవేదన వ్యక్తం చేశారు. స్టాండింగ్‌ కమిటీ ఎన్నికకు ‘కూటమి’ వెనుకడుగు ఒత్తిడికి తలొగ్గిన కార్పొరేషన్‌ అధికారులు మేయర్‌కు సైతం సమాచారం లేకుండా ప్రకటన బేరసారాలు సాగించేందుకే కాలయాపన? కమిషనర్‌ తీరుపై మండిపడుతున్న వైఎస్సార్‌సీపీ కార్పొరేటర్లు నిబంధనలకు పాతర నగరాభివృద్ధి జరగాలంటే స్టాండింగ్‌ కమిటీ ప్రతిపాదనలు కీలకం. ఏడాది కాల పరిమితితో కార్పొరేటర్లలోని ఐదుగురిని స్టాండింగ్‌ కౌన్సిల్‌ మెంబర్లుగాఎన్నుకుంటారు. కమిటీ కాల పరిమితి ముగిసిన వెంటనే నూతన సభ్యులను వెంటనే ఎన్నుకోవాలి. 15 రోజులోపు స్టాండింగ్‌ కౌన్సిల్‌ను ఎంపిక చేసి సమావేశపరచాల్సి ఉంటుంది. అయితే కమిషనర్‌ నిబంధనలకు పాతర వేసి ఎన్నికను వాయిదా వేయడం అందరినీ ఆశ్చర్యపరుస్తోంది. కూటమికి మెజారిటీ లేదనే.. కార్పొరేషన్‌కు 49మంది కార్పొరేటర్లు ఎన్నికయ్యారు. వీరిలో 4వ డివిజన్‌ అభ్యర్థి భూమన అభినయ్‌రెడ్డి రాజీనామా చేయగా, 24వ డివిజన్‌ కార్పొరేటర్‌ హనుమంతునాయక్‌ అనారోగ్యంతో మరణించారు. దీంతో కార్పొరేటర్ల సంఖ్య 47కు పడిపోయింది. స్టాండింగ్‌ కమిటీ ఎన్నికల్లో గెలవాలంటే 24మంది కార్పొరేటర్ల మద్దతు అవసరం. టీడీపీకి ఒక కార్పొరేటర్‌ మాత్రమే ఉన్నారు.సార్వత్రిక ఎన్నికల్లో మరో ఆరుగురు కార్పొరేటర్లు వైఎస్సాఆర్‌సీపీకి వెన్నుపోటు పొడిచి కూటమికి అమ్ముడు పోయిన విషయం విధితమే. మరో 10 మంది కార్పొరేటర్లు గోడమీద పిల్లిలా వ్యవహరిస్తున్నారు. వీరికి టీడీపీ, జనసేన నుంచి ఆఫర్లు లేకపోవడంతో గాలిలోనే ఉండిపోయారు. ఈ క్రమంలో వైఎస్సాఆర్‌సీపీకి 30మందికి పైగా కార్పొరేటర్ల బలం ఉంది. దీంతో స్టాండింగ్‌ కమిటీ ఎన్నిక నిర్వహిస్తే ఓటమి తప్పదని గ్రహించిన కూటమి ప్రభుత్వం అర్థాంతరంగా ఎన్నికను వాయిదా వేయించింది. నగర అభివృద్ధికి అవసరమైన స్టాండింగ్‌ కౌన్సిల్‌ ఎన్నికను అప్రజాస్వామికంగా వాయిదా వేయించడంపై సర్వత్రా విమర్శలు వ్యక్తమవుతున్నాయి.

చోరీ చేసిన కార్లను మెకానిక్‌ షాపులో ఉంచి తక్కువ ధరకు విక్రయిస్తున్న నిందితుడిని పోలీసులు అరెస్ట్‌ చేశారు. వైభవంగా రథోత్సవం పోలేరమ్మ పుట్టిల్లు అయిన కుమ్మరివీధిలోని ఇంటి వద్ద అమ్మవారి ప్రతిమను తయారు చేశారు. విగ్రహానికి నేత్రాలు అమర్చకుండా బుధవారం రాత్రి 7.30 గంటలకు భక్తుల దర్శనార్థం కొలువుదీర్చారు. అమ్మవారి ప్రతిమను తయారు చేసిన వెంటనే దర్శించుకుంటే మంచి జరుగుతుందన్న నమ్మకంతో పెద్ద సంఖ్యలో భక్తులు తరలివచ్చారు. అత్యంత భక్తి శ్రద్థలతో పోలేరమ్మను దర్శించుకుని తమ మొక్కులు తీర్చుకున్నారు. అనంతరం రథంపై అమ్మ ప్రతిమను కొలువుదీర్చి జీనిగలవారి వీధికి ఊరేగింపుగా తీసుకెళ్లారు. అక్కడ తల్లిని ప్రతిష్టించి సంప్రదాయబద్ధంగా గాలి గంగులకు పూజలు నిర్వహించారు. అనంతరం బలి కార్యక్రమం ముగిసిన తర్వాత అమ్మవారి ప్రతిమకు కళ్లు అమర్చారు. బుగ్గచుక్కను తీర్చిదిద్దారు. దివ్యతేజస్సులో అలరారుతున్న పోలేరమ్మ దేదీప్య స్వరూపాన్ని రథంలో వైభవంగా ఊరేగిస్తూ పాత కోట మీదుగా అమ్మవారి ఆలయం వద్దకు చేర్చారు. అక్కడ ప్రత్యేకంగా అలంకరించిన వేప మండపంలో మహిమాన్విత ప్రతిమను ప్రతిష్టించారు. వేకువజాము నుంచే పోలేరమ్మ దర్శనానికి భక్తులు పోటెత్తారు.– 8లో

చిత్తూరు అర్బన్‌: పలువురు సీఐలను బదిలీ చేస్తూ అనంతపురం రేంజ్‌ డీఐజీ షీమూషీ బుధవారం ఉత్తర్వులు జారీ చేశారు. చిత్తూరు వేకెంట్‌ రిజర్వు (వీఆర్‌)లో ఉన్న సీఐ డి.మునస్వామిని పుత్తూరు రూరల్‌కు, అక్కడ ఉన్న ఎం.భాస్కర్‌నాయక్‌ను తిరుపతి వీఆర్‌కు పంపారు. తిరుపతి వీఆర్‌లో ఉన్న వి.చిన్నపెద్దయ్యను శ్రీసిటీకి, పి.శ్రీరాములును తిరుపతి డీటీఆర్‌బీకి, తిరుపతి ట్రాఫిక్‌లో ఉన్న కె.శ్రీనివాసులును ఈస్ట్‌ స్టేషన్‌కు, అక్కడ ఉన్న డి.మహేశ్వర్‌రెడ్డిని వీఆర్‌కు పంపించారు. తిరుపతి డీటీసీలో ఉన్న ఎ.శ్రీరాముడును తిరుమల టూటౌన్‌కు, అక్కడ ఉన్న ఎ.సత్యనారాయణను తిరుపతి వీఆర్‌కు బదిలీ చేస్తూ ఉత్తర్వులు జారీ చేశారు.

తిరుపతి కల్చరల్‌: కేంద్ర ప్రభుత్వం తీసుకొచ్చిన జాతీయ విద్యా విధానంతో చదువులు అందని ద్రాక్షలా మారాయని ఆలిండియా సేవ్‌ ఎడ్యుకేషన్‌ కమిటీ రాష్ట్ర కార్యదర్శి ఎం.సుబ్రమణ్యం ఆరోపించారు. బాలాజీ కాలనీలోని అంబేడ్కర్‌ భవన్‌లో బుధవారం ‘జాతీయ విద్యా విధానంతో నేటి విద్యా వ్యవస్థ ఎదుర్కొంటున్న సమస్యలు, మన ముందున్న కర్తవ్యాలు’ అనే అంశంపై సదస్సు నిర్వహించారు. ఆయన మాట్లాడుతూ జాతీయ విద్యావిధానంతో పాఠశాల స్థాయిలో ప్రభుత్వ విద్యను పటిష్టపరుస్తున్నామని చెప్పడం బూటకమన్నారు. నాలుగేళ్ల డిగ్రీతో విద్యార్థులకు ఒరిగేదేమీ లేదన్నారు. ఇప్పటికే సెమిస్టర్‌ విధానంలో సింగిల్‌ మేజర్‌, మైనర్‌ సబ్జెక్టులు అంటూ డిగ్రీ విద్యను అస్తవ్యస్తం చేశారని దుయ్యబట్టారు. సీఎస్‌పీ, ఇంటర్‌షిప్‌ పేరుతో విద్యార్థులకు విషయ పరిజ్ఞానం అందకుండా చేసి డిగ్రీ వ్యవస్థ ధ్వంసం చేశారని విమర్శించారు. యూనివర్సిటీల్లో ప్రొఫెసర్‌ పోస్టులను భర్తీ చేయకుండా, డిపార్ట్‌మెంట్లను మూసివేస్తున్నారని ధ్వజమెత్తారు. నేడు యూనివర్సిటీలు ఎదుర్కొంటున్న ప్రధాన సమస్యలపై విద్యాశాఖ మంత్రి ఎందుకు మాట్లాడడం లేదని ప్రశ్నించారు. మరోవైపు రాష్ట్ర ప్రభుత్వం యూనివర్సిటీలన్నింటికీ ఒకే చట్టం తెస్తామని, బడా పారిశ్రామిక వేత్తలను బోర్డు గవర్నెన్స్‌లో సభ్యులుగా ఎలా తీసుకుంటారని ప్రశ్నించారు. ఏఐఎస్‌ఈసీ రాష్ట్ర సెక్రటేరియట్‌ సభ్యుడు ఏ.హరీష్‌ మాట్లాడుతూ నేటి విద్యార్థులు, యువత విద్య ద్వారా పొందాల్సిన వ్యక్తిత్వ, నైతిక విలువలు, సంస్కృతి పూర్తిగా కనుమరుగుతున్నాయన్నారు. సమాజంలో డ్రగ్స్‌, మద్యం, ఫోర్నోగ్రఫీ వెబ్‌ సైట్లను ప్రభుత్వాలు పరోక్షంగా పెంచిపోషిస్తున్నాయని విమర్శించారు. ఫలితంగా మహిళలపై అఘాయిత్యాలు పెరుగుతున్నాయని తెలిపారు. ప్రభుత్వాలు తక్షణమే డ్రగ్స్‌, ఫోర్నోగ్రఫీ, మద్యాన్ని నిషేధించాలని డిమాండ్‌ చేశారు. ఈ కార్యక్రమంలో ఏఐఎస్‌ఈసీ నేతలు శ్రీకాంత్‌, అమీనా, విద్యార్థి సంఘం నేతలు మహేష్‌, నవీన్‌, డిల్లీ ,మహేశ్వర్‌, వెంకటేష్‌, బాలాజీ పాల్గొన్నారు.

తిరుమల : శ్రీవారి దర్శనార్థం తెలంగాణ గవర్నర్‌ జిష్ణుదేవ్‌ వర్మ బుధవారం సాయంత్రం తిరుమలకు చేరుకున్నారు. పద్మావతి అతిథిగృహం వద్ద ఆయనకు టీటీడీ డిప్యూటీ ఈఓ ఆర్‌1 భాస్కర్‌ పుష్పగుచ్ఛం అందించి స్వాగతం పలికారు. గురువారం వేకువజామున తోమాలసేవ, అర్చన సేవలో శ్రీవారిని గవర్నర్‌ దర్శించుకోనున్నారు. కార్యక్రమంలో డీఎస్పీ విజయశేఖర్‌ పాల్గొన్నారు. చోరీ చేసిన కార్లను తక్కువ ధరకు విక్రయించి.. ● లక్షలు స్వాహా చేసిన మెకానిక్‌ ● ఏ రకం కారుకై నా షెడ్‌లో విడి భాగాలు లభ్యం ● వేలూరు సమీపంలో 54 కార్లు స్వాధీనం ● ఆంధ్రా సరిహద్దుల్లోని చిత్తూరు, తిరుపతికి చెందిన కార్లే అధికం వేలూరు: తమిళనాడు రాష్ట్రం వేలూరు జిల్లా గాంధీనగర్‌కు చెందిన దేవకుమార్‌ గుడియాత్తం రోడ్డులోని వెంకటసముద్రం వద్ద కారు మెకానిక్‌ షెడ్‌ నడుపుతున్నాడు. ఇతని షెడ్‌లో చోరీకి గురై కార్లను తక్కువ ధరకు విక్రయిస్తున్నట్లు ఇటీవల పోలీసులకు రహస్య సమాచారం అందింది. దీంతో డీఎస్పీ పయణి, ఇన్‌స్పెక్టర్‌ ఆనందన్‌ విచారణ జరపగా మెకానిక్‌ దేవకుమార్‌ ఇది వరకే పలు చోరీ కార్లను విక్రయించినట్లు తెలిసింది. ఇతనిపై కాట్పాడి, పేర్నంబట్టు, మేల్‌పాడి పోలీస్‌ స్టేషన్‌లో కేసులు ఉన్నట్లు గుర్తించారు. ఇతని కారు షెడ్‌లో మొత్తం 54 కార్లు ఉన్నట్లు తెలిసి వాటిని స్వాధీనం చేసుకున్నారు. అతడిని అరెస్టు చేశారు. పోలీసులు మాట్లాడుతూ దేవకుమార్‌ తమిళనాడుతో పాటు ఆంధ్ర, కర్ణాటక వంటి రాష్ట్రాల్లోని చోరీ చేసిన ఏసీ కార్లును కంటైనర్‌ల ద్వారా తీసుకొచ్చి ఇంజన్‌, సీజ్‌ నెంబర్‌లను మార్చి వేసి రహస్యంగా తక్కువ ధరకు విక్రయం చేస్తున్నట్లు తెలిసిందన్నారు. వీటి ద్వారా రూ. లక్షలు సంపాదించినట్లు గుర్తించామన్నారు. ఇతని కారు షెడ్‌లో ఏ రకం కారుకై నా విడి భాగాలు ఉన్నట్లు పోలీసులు వెల్లడించారు. కాగా ప్రస్తుతం స్వాధీనం చేసుకున్న 54 కార్లులో 24 కార్లు సర్వీస్‌ కోసం వచ్చినట్లు దేవకుమార తెలిపాడని అయితే వాటికి సంబంధించిన ఎటువంటి ఆధారాలు అతని వద్ద లేదన్నారు. ఆ కార్ల యజమానులు తగిన ఆధారాలతో వస్తే అందజేసేందుకు సిద్ధమని ప్రకటించారు. స్వాఽధీనం చేసుకున్న కార్ల విలువ సుమారు రూ. 2 కోట్లు ఉంటుందని పోలీసులు తెలిపారు. కార్లలో ఆంధ్రప్రదేశ్‌లోని చిత్తూరు, తిరుపతి వంటి ప్రాంతాల రిజిష్టేషన్‌కు చెందినవే అధికంగా ఉన్నట్లు తెలుస్తోంది. అక్కడ కొందరితో సంబంధాలు కొనసాగిస్తున్నట్లు పోలీసులు భావిస్తున్నారు.

కష్టానికి ఫలితం శూన్యం తిరుపతి జిల్లాలో టీడీపీ కోసం అహర్నిశలు పనిచేసిన వారు ఎంతో మంది ఉన్నారు. అయితే వారెవ్వరినీ కాదని కొట్టాలకు చెందిన రవినాయుడుకు శాప్‌ చైర్మన్‌, తిరుపతికి చెందిన ఊకా విజయకుమార్‌ను కార్పొరేషన్‌ సభ్యుడిగా నియమించారు. వీరిద్దరూ స్థానిక సంస్థల ఎన్నికల్లో పార్టీ కోసం పనిచేసిన దాఖలాలు లేవని టీడీపీ నేతలే ఆరోపిస్తున్నారు. కొట్టాలలో సర్పంచ్‌, ఎంపీటీసీ స్థానాల్లో వైఎస్సార్‌సీపీ బలపరచిన వారే గెలుపొందారు. ఊకా విజయకుమార్‌ నాలుగేళ్లుగా పార్టీ కార్యక్రమాలకు దూరంగా ఉన్నారని, కార్పొరేషన్‌ ఎన్నికల సమయంలో కూడా టీడీపీ అభ్యర్థుల గెలుపు కోసం పనిచేసిన దాఖలాలు లేవని తెలుగు తమ్ముళ్లు ఆవేదన వ్యక్తం చేస్తున్నారు. అలాగే తిరుపతి, శ్రీకాళహస్తి, సత్యవేడు, సూళ్లూరుపేట, గూడూరు, వెంకటగిరి నియోజక వర్గాల పరిధిలో ఎమ్మెల్యే, ఎంపీ టికెట్ల ఆశించిన వారు అనేక మంది ఉన్నారు. టికెట్‌ దక్కని వారికి నామినేటెడ్‌ పదవులు ఇస్తామని ఆశ చూపించి ఎన్నికల్లో పనిచేయించుకున్నారు. కూటమి అభ్యర్థుల విజయం కోసం పనిచేసిన వారు అనేక మంది నామినేటెడ్‌ పదవులపై ఆశపెట్టుకున్నారు. అయితే ఎవరికీ నామినేటెడ్‌ పోస్టుల జాబితాలో చోటు దక్కకపోవడంతో అసంతృప్తి వ్యక్తం చేస్తున్నారు. రవినాయుడు, ఊకా విజయ్‌కుమార్‌కు సైతం స్థానిక ఎమ్మెల్యే సూచనల మేరకు పదవులు కేటాయించినట్లు విశ్వసనీయ సమాచారం. మొత్తంగా మొదటి విడతలోనే సీఎం చంద్రబాబు తన మార్కు మోసం చేశారని జనసేన, బీజేపీ నేతలు మండిపడుతున్నారు. సాక్షి ప్రతినిధి, తిరుపతి : నామినేటెడ్‌ పదవుల కోసం ఆశగా ఎదురుచూస్తున్న వారికి సీఎం చంద్రబాబు షాక్‌ ఇచ్చారు. వంద రోజుల తర్వాత విడుదల చేసిన మొదటి విడత పదవుల పంపకాల్లో పార్టీ కోసం పనిచేసిన వారికి, సీటు త్యాగం చేసిన వారికి హ్యాండిచ్చారు. కూటమి ప్రభుత్వంలో భాగస్వాములైన జనసేన, బీజేపీ శ్రేణుల్లో ఒక్కరి కూడా కనీసం కమిటీల్లో సభ్యుడిగా కూడా ఆవకాశం దక్కకపోవడంతో ఆ పార్టీల నేతలు అసహనం వ్యక్తం చేస్తున్నారు. అలాగే ఎస్సీ, ఎస్టీ, బీసీ, మైనారిటీ వర్గాలకు సైతం చోటు దక్కలేదు. మంత్రి వర్గంలో తిరుపతి, చిత్తూరు జిల్లాలోని ఎమ్మెల్యేలకు స్థానం దక్కకపోయినా.. నామినేటెడ్‌ పదవుల్లోనైనా న్యాయం జరుగుతుందని అందరూ భావించారు. ఇందులోనూ చంద్రబాబు వివక్ష చూపించారని కూటమి నాయకులు లోలోపల రగిలిపోతున్నారు. మొక్కుబడిగా కేటాయించిన పదవుల విషయంలోనూ స్థానిక ఎమ్మెల్యేలు సూచించిన వారికి మాత్రమే ఇచ్చినట్లు ప్రచారం జరుగుతోంది. తిరుపతి జిల్లా నుంచి రవినాయుడుకి శాప్‌ చైర్మన్‌ పదవి కట్టబెట్టారు. ఊకా విజయకుమార్‌కి ఏపీ అర్బన్‌ ఫైనాన్స్‌ అండ్‌ ఇన్‌ఫ్రాస్ట్రక్చర్‌ కార్పొరేషన్‌ సభ్యుడిగా, చిత్తూరు జిల్లా కుప్పానికి చెందిన మునిరత్నంకి ఏపీఎస్‌ ఆర్టీసీ వైస్‌ చైర్మన్‌గా, చిత్తూరు కార్పొరేషన్‌ మాజీ మేయర్‌ కఠారి హేమలతకి ఏపీ టూరిజం డెవలప్‌మెంట్‌ కార్పొరేషన్‌ సభ్యులుగా, నగరికి చెందిన గంజి మాధవయ్యకు ఏపీ పద్మశాలి సంక్షేమ అభివృద్ధి కార్పొరేషన్‌ సభ్యుడిగా అవకాశం కల్పించి చంద్రబాబు చేతులు దులిపేసుకున్నారు. కఠారిని ఇంట్లో కూర్చోబెట్టేందుకే..! చిత్తూరు మాజీ ఎమ్మెల్యే సీకే బాబు మొన్నటి సార్వత్రిక ఎన్నికల్లో పోటీ చేసేందుకు తీవ్రంగా ప్రయత్నం చేశారు. అదే విధంగా మాజీ మేయర్‌ కఠారి హేమలత కూడా ఎమ్మెల్యేగా పోటీ చేయాలని, తనకే టికెట్‌ కేటాయిస్తారని ధీమాగా ఉన్నారు. చివరకు గురజాల జగన్‌మోహన్‌నాయుడుకి టీడీపీ అధిష్టానం టికెట్‌ కేటాయించింది. దీంతో సీకే బాబు, హేమలత అసంతృప్తి వ్యక్తం చేశారు. అయితే టీడీపీ అధినేత ఒత్తిడి చేయడంతోపాటు, పార్టీ అధికారంలోకి వసే ఏదో ఒక కార్పొరేషన్‌కి చైర్మన్‌ పదవి ఇస్తామని నచ్చజెప్పారు. ఈ క్రమంలో కఠారి హేమలత మాత్రం తనకు చిత్తూరు నగర మేయర్‌గా అవకాశం ఇవ్వాలని కోరారు. అందుకు అధినేత చంద్రబాబు కూడా సరే అని హామీ ఇచ్చినట్లు సమాచారం. దీంతో టీడీపీ అభ్యర్థి గెలుపు కోసం సీకేబాబు, హేమలత తీవ్రంగా కృషి చేశారు. పార్టీ అధికారంలోకి వచ్చింది మేయర్‌ పీఠం దక్కుతుందని భావించిన హేమలతకి ఏపీ టూరిజం డెవలప్‌మెంట్‌ కార్పొరేషన్‌ సభ్యులుగా పదవి కట్టబెట్టి షాక్‌ ఇచ్చింది అధిష్టానం. ఇకపై ఆమెను ఇంటికే పరిమితం చేసే కుట్రలో భాగంగానే ఈ పదవి ఇచ్చారనే ప్రచారం జరుగుతోంది. ఇకపోతే మాజీ ఎమ్మెల్యే సీకే బాబుకి ఉన్నత పదవి వస్తుందని ఆయన వర్గీయులు ఆశగా ఎదురుచూశారు. మొదటి విడత పదవుల పంపకాల్లో సీకే బాబుకి మొండి చేయి చూపించారు. అదే విధంగా మరో మాజీ ఎమ్మెల్యే ఏఎస్‌ మనోహర్‌, కాజూరు బాలాజీ, వసంతకుమార్‌ నాయుడు, చంద్రప్రకాష్‌ నాయుడు, సీఆర్‌ రాజన్‌ తదితరులకు తొలి జాబితాలో చోటు దక్కలేదు. కుప్పం నుంచి మునిరత్నానికి మాత్రం పదవి ఇచ్చి, పనిచేసిన ఎంతో మంది కుప్పం నేతలను విస్మరించారు. పలమనేరు, పుంగనూరు, పూతలపట్టు, గంగాధరనెల్లూరు నియోజక వర్గాల పరిధిలోని ఏ ఒక్క నాయకుడూ నామినేటెడ్‌ పదవుల పంపకాల జాబితాలో లేరు. నగరి నియోజక వర్గంలో వైఎస్సార్‌సీపీని వీడి టీడీపీ గెలుపు కోసం పనిచేసిన రెడ్డివారి చక్రపాణిరెడ్డి, లక్ష్మీపతి రాజు, కేజే కుమార్‌, ఏలుమలై (అమ్ములు), మురళీధర్‌రెడ్డికి చివరకు నిరాశే మిగిలింది.

● హాల్‌ టికెట్‌ లేకుండానే ఐసీడీఎస్‌ పరీక్షలు ● అధికారుల తీరుపై అభ్యర్థుల అసంతృప్తి తిరుపతి అర్బన్‌ : తిరుపతి–కరకంబాడి మార్గంలోని శ్రీరామ ఇంజినీరింగ్‌ కళాశాలలో జిల్లా ఐసీడీఎస్‌ పరిధిలోని 16 ఉద్యోగాల భర్తీ కోసం నిర్వహించిన పోటీ పరీక్షకు హాల్‌ టిక్కెట్లు లేకుండా పరీక్ష రాయించారు. ఈ క్రమంలో అభ్యర్థులను ఆధార్‌ కార్డును తెచ్చుకోవాలని ముందురోజు సూచించారు. ఆధార్‌కార్డులు చూపించిన వారిని హాల్లోకి అనుమతించారు. అయితే పరీక్ష ఉంటుందనే సమాచారాన్ని దరఖాస్తు చేసుకున్న 210 మందికి ముందుగా అధికారులు తెలియజేయలేదనే విమర్శలున్నాయి. కనీసం సిలబస్‌ వివరాలు, ఎన్ని మార్కులకు పరీక్ష ఉంటుంది.. ఎంత సమయం ఇస్తారు అనే సమాచారాన్ని అభ్యర్థులకు ముందుగా తెలియజేయలేదు. దీంతోనే వారంతా అయోమయానికి లోనయ్యారు. అధికారులకు ముందస్తు ప్రణాళిక లేకపోవడంతోనే గందరగోళంగా పరీక్ష నిర్వహించారనే ఆరోపణలు వినిపిస్తున్నాయి. సమయపాలన లేదు ఉదయం 9 గంటలకు పరీక్ష ఉంటుందని సమాచారం ఇచ్చిన ఐసీడీఎస్‌ అధికారులు మధ్యాహ్నం 12 గంటలకు ప్రశ్న పత్రం ఇచ్చి 12.30 వరకు నిర్వహించారని అభ్యర్థులు వెల్లడించారు. పరీక్షకు 30 నిమిషాల సమయం మాత్రమే ఇచ్చారని తెలిపారు. లెటర్‌ రైటింగ్‌కు 20 మార్కులు, ఎక్సెల్‌లో గణాంకాలకు 15 మార్కులు, పవర్‌ పాయింట్‌ ప్రెజెంటేషన్‌కు 10 మార్కులు, తిరుపతి కార్పొరేషన్‌ సమాచారాన్ని ఇంటర్నెట్‌లో చూపడానికి 5 మార్కులు చొప్పున మొత్తం 50 మార్కులకు నిర్వహించినట్లు వివరించారు. అయితే సిలబస్‌ ముందుగా అభ్యర్థులకు తెలియకపోవడంతో గందరగోళానికి గురైనట్లు తెలిపారు. ఈ క్రమంలో 16 పోస్టులకు దరఖాస్తు చేసుకున్న వారిలో 50శాతం మంది ఐసీడీఎస్‌లో సిబ్బందే వారే ఉన్నారని చర్చసాగుతోంది. అందుకే పరీక్షను గోప్యంగా ఉంచారని చెబుతున్నారు. మరోవైపు ఓ వ్యక్తి ఒక్కో పోస్టుకు రూ.లక్ష ఇవ్వాలని అభ్యర్థుల నుంచి నగదు వసూలు చేసినట్లు ఆరోపణలు ఉన్నాయి. పారదర్శకంగానే పరీక్ష పారదర్శకంగానే పరీక్ష నిర్వహించాం. 210 మందికి గాను 99 మంది మాత్రమే హజరయ్యారు. మంగళవారం ఎన్‌ఐసీ వెబ్‌సైట్‌లో సిలబస్‌ పెట్టాం. ఆ మేరకు ఆదే ప్యాట్రన్‌లో పరీక్ష చేపట్టాం. అందరికి ఒక్కరోజు ముందుగా సమాచారం ఇచ్చాం. పరీక్షలో మెరిట్‌ మార్కులు ప్రకారం పోస్టులు భర్తీ చేస్తాం. – జయలక్ష్మి, ఐసీడీఎస్‌ పీడీ, తిరుపతి