అనంతపురం సెంట్రల్‌ : ప్రజా సమస్యల పరిష్కారం కోసం ప్రతి సోమవారం నిర్వహిస్తున్న మీ కోసం కార్యక్రమాన్ని ఎమ్మెల్సీ ఎన్నికల ఓట్ల లెక్కింపు నేపథ్యంలో జిల్లా కేంద్రంలో సోమవారం రద్దు చేస్తున్నట్లు జిల్లా కలెక్టర్‌ కోన శశిధర్‌  ఆదివారం ఓ ప్రకటనలో తెలిపారు. మండల స్థాయిలో యథావిధిగా మీకోసం కార్యక్రమం నిర్వహించాలని సంబంధిత అధికారులను ఆదేశించారు. ప్రజలు ఈ విషయాన్ని గమనించి ఆయా మండలాల్లోనే అర్జీలు సమర్పించాలని విజ్ఞప్తి చేశారు.