పనాజీ: త్వరలో టూ వీలర్‌ అంబులెన్స్‌లు రాబోతున్నాయి. గోవాకు చెందిన ఆరోగ్యశాఖ వీటిని ప్రవేశపెట్టబోతుంది. టూరిజం శాఖ సహకారంతో వీటిని జూలై నెల నుంచి ప్రారంభించనున్నట్లు ఆరోగ్యశాఖ మంత్రి విశ్వజిత్‌ రాణే స్పష్టం చేశారు. పారామెడికోలు ఈ టూవీలర్‌ అంబులెన్స్‌లతో వస్తారని, రోడ్డు ప్రమాదాల చోటుకైనా మరే ఇతర ప్రమాదం జరిగిన సకాలంలో చేరుకొని సేవలు అందిస్తారని చెప్పారు.
 
 రోగికి ప్రాథమిక చికిత్స అందించి ప్రధాన చికిత్స పొందేవరకు ప్రాణాలు కాపాడగలిగేన్ని వస్తువులు ఈ టూవీలర్‌ అంబులెన్స్‌లో ఉంటాయని తెలిపారు. తమ రాష్ట్రంలో 108 అంబులెన్స్‌ సేవలపై సమీక్ష నిర్వహించిన అనంతరం ఆయన ఈ విషయం చెప్పారు. జూలై నెలలో ఉన్నపలంగా 22 టూబీలర్‌ అంబులెన్స్‌లను ప్రారంభించి సేవలు ప్రారంభిస్తామని చెప్పారు.