వ్యవసాయ క్షేత్రంలో గుర్తుతెలియని వ్యక్తి చెట్టుకు ఉరి వేసుకొని మృతిచెందాడు. ఈ సంఘటన గుంటూరు జిల్లా పిడుగురాళ్ల మండలం కోనంకి గ్రామ శివారులో శుక్రవారం వెలుగుచూసింది. బావి వద్ద పని చేసుకోవడానికి వెళ్లిన రైతులు చెట్టుకు వేలాడుతున్న యువకుడి మృతదేహాన్ని గుర్తించి పోలీసులకు సమాచారం అందించారు. సంఘటనా స్థలానికి చేరుకొన్న పోలీసులు మృతదేహాన్ని స్వాధీనం చేసుకొని పోస్టుమార్టం నిమిత్తం ఆస్పత్రికి తరలించారు. మృతుని వివరాలు తెలియాల్సి ఉంది.
 
  


 రోడ్డు ప్రమాదంలో గుర్తు తెలియని యువకుడు మృతి చెందాడు. ఈ ఘనట చిత్తూరు జిల్లా పుంగనూరు పట్టణంలో బుధవారం జరిగింది. రోడ్డు దాటడానికి ప్రయత్నించిన గుర్తుతెలియని (20) యువకుడిని లారీ ఢీకొట్టింది. దీంతో యువకుడు అక్కడికక్కడే మృతిచెందాడు. ఈ విషయాన్ని గుర్తించిన స్థానికులు లారీని అడ్డుకుని పోలీసులకు సమాచారం అందించారు. పోలీసులు కేసు నమోదు చేసుకుని దర్యాప్తు చేస్తున్నారు. లారీ డ్రైవర్ పరారీలో ఉన్నాడు.