రాయికల్‌ మండలంలో 32 గ్రామాలుండగా ఒక్కో పోలీస్‌ కానిస్టేబుల్‌కు నాలుగేసి గ్రామాల బాధ్యతలు అప్పగించారు. స్టేషన్‌లో ఒక ఎస్సై, ఏఎస్సై, ఇద్దరు హెడ్‌కానిస్టేబుళ్లు ఉండగా ఏఎస్సైకి రాయికల్‌ మున్సిపాలిటీ అప్పగించారు. మిగతా సిబ్బందిలో ఒక్కొక్కరికీ నాలుగేసి గ్రామాల బాధ్యతలు ఉండడంతో పర్యవేక్షణ కరువైంది  సాక్షి, జగిత్యాల : పల్లెలపై పోలీసులకు పట్టు సడలిపోతోంది. ఠాణాల్లో సరైన సంఖ్యలో సిబ్బంది లేకపోవడం, ఉన్నవారిపైనే పనిభారం పడుతుండడంతో గ్రామాలపై దృష్టి కేంద్రీకరించడం లేదు. ఒక్కో పోలీసుకానిస్టేబుల్‌కు మూడు నుంచి నాలుగు గ్రామాల బాధ్యతలు ఉంటుండడంతో ఏ ఒక్క గ్రామంపై పట్టు సాధించడం లేదు. ఫలితంగా గ్రామాల్లో పోకిరీల బెడద ఎక్కువైపోతుంది. గ్రామాలపై పర్యవేక్షణకు  ఏర్పాటు చేసిన  విలేజ్‌ పోలీస్‌ ఆఫీసర్‌ వ్యవస్థ ని నిర్వీర్యమవుతోంది. ఫలితంగా గ్రామాల్లో దొంగతనాలు, దోపిడీలు, ఉత్సవాల సమయంలో గొడవలు సర్వసాధారణమయ్యాయి. హైదరాబాద్‌లో దిశ అత్యాచారం, హత్య కేసు గ్రామస్థాయిలో పోలీస్‌ వ్యవస్థ పనితీరుపై చర్చలేపింది.   వీపీవో నిర్వీర్యం  గ్రామస్థాయిలో పలుశాఖలతో పాటు కీలకమైన పోలీస్‌శాఖ అధికారిగా వీపీవోలను కేటాయిస్తుంది. గ్రామానికో పోలీస్‌ అధికారి ఉంటే విధిగా తమ గ్రామాల్లో కొంత సమయం కేటాయించే అవకాశం ఉంటుంది. ఎన్నికలు, పండుగలు, జాతర సమయాల్లో వీరు గ్రామాల్లో శాం తిభద్రతలను పర్యవేక్షిస్తారు. సిబ్బంది కొరతతో జిల్లాలో వీపీవో వ్యవస్థ నిరీ్వర్యమవుతోం ది. జిల్లాలో 380 గ్రామపంచాయతీలతోపాటు 103 పల్లెలను కలుపుకొని నాలుగు గ్రామాలకు ఒక వీపీవో ఉండగా వారి పనితీరుపై విమర్శలు వస్తున్నాయి. పెరుగుతున్న జనాభాకు అనుగుణంగా పోలీస్‌ సిబ్బంది సంఖ్య పెరగకపోవడం సమస్యగా మారింది. సిబ్బంది తక్కువగా ఉండడం, సెలవులు లేకపోవడంతో శాంతిభద్రతల పర్యవేక్షణపై ప్రభావం చూపుతోంది. పోలీసు సిబ్బందికి ఆర్టీసీ సమ్మెకాలం నుంచి ఇప్పటి వరకు సెలవులు మంజూరుచేయడం లేదు. ఉన్న సిబ్బందిపైనే అదనపు పనిభారం పడుతోంది. కోర్టు డ్యూటీలు, రిసిప్షన్‌ విభాగాలకు పోనూ రక్షణ బాధ్యతలు నిర్వర్తించేందుకు అతి కొద్ది మందే మిగులుతున్నారు.   రెచ్చిపోతున్న పోకిరీలు, అక్రమ వ్యాపారులు  గ్రామాల్లో పోలీసుల పర్యవేక్షణ కరువవడంతో పోకిరీలు రెచి్చపోతున్నారు. గుట్కా, గంజాయి స్మగ్లర్లు సైతం ఇటీవల జిల్లాలోని మారుమూల ప్రాంతాలే లక్ష్యంగా వ్యాపారాలు చేస్తున్నారు. ఇటీవల నిజామాబాద్, ఆదిలాబాద్‌ జిల్లాల నుంచి గుట్కా, గంజాయి వ్యాపారులు జిల్లాలోని మారుమూల గ్రామాలకు వచ్చి గంజాయి విక్రయిస్తున్న సంఘటనలు వెలుగుచూశాయి. అంతేకాకుండా హుక్కా కోసం యువకులు గ్రామ శివారు ప్రాంతాలను అడ్డాలుగా మార్చుకుంటున్న సంఘటనలు వెలుగులోకి వచ్చాయి. వీటన్నింటికీ పోలీస్‌ పర్యవేక్షణ సరిగ్గా లేకపోవడమని అర్థమవుతుంది.   ► మేడిపెల్లి పోలీస్‌స్టేషన్‌లో ఒక ఎస్సైతోపాటు ఇద్దరు ఏఎస్సైలు, ఒక హెడ్‌ కానిస్టేబుల్, 11 మంది హెడ్‌ కానిస్టేబుళ్లు మాత్రమే పనిచేస్తున్నారు. ఇందులోనూ ఒక ఏఎస్సై, ఐదుగురు కానిస్టేబుళ్లను డిప్యూటేషన్‌పై అటాచ్‌ చేశారు. దీంతో స్టేషన్‌లో పోలీసులే కరువయ్యారు. దీంతో వీపీవోలు గ్రామాలకు వెళ్లే పరిస్థితి లేదు.   ►  కొడిమ్యాల పీఎస్‌లో ఒక ఎస్సై, ఇద్దరు ఏఎస్సైలు, నలుగురు హెడ్‌కానిస్టేబుల్లు, 21 మంది పీసీలు పనిచేయాల్సి ఉండగా..  రెండు హెడ్‌కానిస్టేబుళ్లు, ఆరు కానిస్టేబుల్‌ పోస్టులు ఖాళీగా ఉన్నాయి. మండలంలో ఉన్న  24 గ్రామాలకుగానూ 13 గ్రామాలకు మాత్రమే వీపీవోలు ఉన్నారు. మిగతా గ్రామాల్లోని శాంతిభద్రతల పరిస్థితిని ఇన్‌ఛార్జి వీపీవోలు చూసుకుంటున్నారు.  ►  కథలాపూర్‌ మండలంలో 19 గ్రామాలుండగా మూడు గ్రామాలకు కలిపి ఒక వీపీవోను నియమించారు. ఇక్కడ పోలీస్‌ సిబ్బంది కొరత తీవ్రంగా ఉంది. ఠాణాలో 30 మంది పోలీస్‌ కానిస్టేబుళ్లకు గాను నలుగురు మాత్రమే ఉన్నారు. మూడు ఏఎస్సై పోస్టులకు గాను ముగ్గురు ఉన్నా, ఐదుగురు హెడ్‌కానిస్టేబుళ్లకు ఇద్దరే ఉన్నారు.  ► సారంగాపూర్‌ మండలంలో మొత్తం 18 గ్రామాలు ఉన్నాయి. మండల ఠాణాలో ఎస్సై, ఇద్దరు ఏఎస్సైలు, నలుగురు హెడ్‌కానిస్టేబుళ్లు, 22 మంది కానిస్టేబుళ్లు విధులు నిర్వహించాలి. కానీ ప్రస్తుతం ఎస్సై, ఏఎస్సై, ఒక హెడ్‌కానిస్టేబుల్‌తోపాటు 15 మంది కానిస్టేబుళ్లు మాత్రమే విధులు నిర్వర్తిస్తున్నారు. వీరిలో ప్రస్తుతం నలుగురు మాత్రమే అందుబాటులో ఉంటున్నారు. ఇందులో ఒకరు కరీంనగర్, ఇంకొకరు జగిత్యాల కోర్టు కానిస్టేబుల్, మరొకరు రైటర్‌గా పనిచేస్తుండగా, ఒకరు మాత్రమే స్టేషన్‌లో ఉంటున్నారు. మిగిలిన వారు వేర్వేరు చోట్ల డెప్యూటేషన్‌లపై విధులు నిర్వహిస్తున్నారు. ఉన్న వారిపైన అదనపు బాధ్యతలు పడడంతోపాటు వారికే మూడు, నాలుగు గ్రామాల బాధ్యతలు అప్పగిస్తున్నారు.    వీపీవోలను పునరుద్ధరిస్తాం   జిల్లాలోని పోలీస్‌ సిబ్బంది బదిలీలతో విలేజ్‌ పోలీస్‌ ఆఫీసర్‌ వ్యవస్థకు అంతరాయం ఏర్పడింది. పెరిగిన గ్రామపంచాయతీలకు అనుగుణంగా వీపీవోలను కేటాయిస్తాం. త్వరలోనే మళ్లీ వీపీవోల వ్యవస్థను పునరుద్ధరిస్తాం.    – దక్షిణమూర్తి, అడిషనల్‌ ఎస్పీ, జగిత్యాల 


  కామారెడ్డి, న్యూస్‌లైన్:
  గ్రామ పోలీసు అధికారులు (వీపీఓ) కొన్ని ఊళ్లల్లో ‘పోలీసు పటేళ్ల’ను మరిపిస్తున్నారు. పటేల్, పట్వారీ వ్యవస్థ కొనసాగి న కాలంలో గ్రామాల్లో ఏది జరగాలన్నా, ఏం జరిగినా పోలీస్, మాలీస్ పటేళ్ల పెత్తనమే నడిచేది. ఇప్పుడు గ్రామానికో పోలీసు వ్య వస్థ ప్రవేశపెట్టిన తరువాత కొం దరు వీపీఓలు పోలీసు పటేళ్లలాగే పెత్తనం చెలాయిస్తున్నారన్న వి మర్శలు వస్తున్నాయి. తాము చె ప్పిందే వేదం అన్న రీతిలో వ్యవహరిస్తూ  పల్లెల్లో పెత్తందారీ పోకడలను అవలంభిస్తున్నారు. గ్రామాల్లో జరిగే గొడవ లు, తగాదాల విషయంలో తమకు డబ్బులు ఎవరు ఇస్తారో వాళ్లవైపే మాట్లాడుతున్నారన్న ఆరోపణలున్నాయి. తద్వారా ప్రజలతో సం బంధాలు మెరుగు పడటం ఏమోగానీ.. పోలీ సులంటేనే ప్రజలు దూరంగా ఉండాల్సిన పరిస్థితులు ఏర్పడుతున్నాయి. ఏడాది క్రితం రాష్ట్ర ప్రభుత్వం ఊరికో పోలీసు వ్యవస్థను పరిచయం చేసింది. దీని ద్వారా ఆయా పోలీ సు స్టేషన్ల పరిధిలో గ్రామానికి ఒక పోలీసును నియమించింది.
  
   గ్రామాల్లో సంబంధిత గ్రామ పోలీసు అధికారి సెల్‌నంబరుతో పాటు, సం బంధిత పోలీసు స్టేషన్, ఎస్సైల నంబర్లను ప్రధాన కూడళ్ల వద్ద రాయించారు. గ్రామాల్లో ఏ సంఘటన జరిగినా ప్రజల నుంచి సమాచా రం తెలుసుకోవడం, వెంటనే అక్కడికి పోలీ సులు చేరుకునేందుకు దోహదపడతాయనేది దీని ఉద్దేశ ం. గ్రామాల పోలీసు అధికారులు ఆయా గ్రామాల ప్రజలతో ఎప్పటికప్పుడు సన్నిహిత సంబంధాలు నెరపడంతో పాటు గ్రామాన్ని విజిట్ చేస్తూ పోలీసు వ్యవస్థను బలోపేతం చేసేందుకు కృషి చేయాల్సి ఉం టుంది. ముఖ్యంగా గ్రామాల్లో జరిగే ఘర్షణ లు, కుమ్ములాటలను ఎప్పటికప్పుడు తెలుసుకుని పోలీసు అధికారులకు తెలపాల్సి ఉం టుంది. అయితే కొందరు వీపీఓలు మాత్రం ఈ విషయాన్ని పక్కనపెట్టేసి వసూళ్లపైనే దృష్టి సారించారన్న విమర్శలున్నాయి.
  
  ముఖ్యంగా గ్రామీణ ప్రాంతాల్లో చిన్నచిన్న గొడవల్లో సైతం కులసంఘాలు పెద్ద జరిమానాలు విధించే సంస్కృతి ఇటీవల పెరిగిపోయింది. జరిమానాలు చెల్లించని వారికి కుల బహిష్కరణలు విధించేందుకు కూడా వెనుకాడడం లేదు. దీంతో అమాయకులు ఇబ్బందు లు పడాల్సిన పరిస్థితులను చాలా గ్రామాల్లో ఎదుర్కొంటున్నారు. కొన్ని గ్రామాల్లో దొంగచాటుగా నడుస్తున్న మద్యం విక్రయాలు, పేకాట వంటి వాటిలో వీపీఓలు అందినకాడికి దండుకుంటూ అధికారుల దృష్టికి వెళ్లకుండా చూసుకుంటున్నట్లు విమర్శలున్నాయి. మరికొ న్ని గ్రామాల్లో అసాంఘిక కార్యకలాపాలు సాగుతున్నా వీపీఓలు అటువైపు కన్నెత్తి కూడా చూడడం లేదని పలువురు పేర్కొంటున్నారు.
  
  వీపీఓలపై పర్యవేక్షణ కరువు...
  ప్రజలకు దగ్గరవడంతో పాటు శాంతిభద్రతల పరిరక్షణ విషయంలో నిక్కచ్చిగా వ్యవహరిం చి బాధితులకు అండగా నిలిచేందుకు ప్రభుత్వం ప్రవేశపెట్టిన వీపీఓ వ్యవస్థలో పర్యవేక్షణ కరువైంది. వీపీఓలు గ్రామాలకు వెళ్తున్నారా.. లేదా? వెళ్లి ఎవరితో సమయం కేటాయిస్తున్నా రు? అన్న విషయాలపై రివ్యూ జరిగిన సందర్భాలు తక్కువనే తెలుస్తోంది. కొందరి మూలంగా వీపీఓ వ్యవస్థ వికటి ంచి పోలీసుల కు చేరాల్సిన సమాచారం చేరకుండా పోతుం దన్న విమర్శలున్నాయి. గ్రామాల్లో వీపీఓల పెత్తనం పెరిగిందన్న ఆరోపణలున్నాయి.
  
  కొందరు గ్రామాల్లో విచ్చలవిడిగా వసూళ్లకు పాల్పడుతున్నారని, ఊరు మొత్తానికి తానే బాస్‌ననే ధోరణితో వ్యవహరిస్తున్నారని తెలుస్తోంది. ఏది ఏమైనా పోలీసు వ్యవస్థలో చేపట్టిన సంస్కరణల ద్వారా ఏర్పాటైన గ్రామ పోలీసు అధికారి వ్యవస్థ పర్యవేక్షణ లేకపోవడం మూలంగానే దెబ్బతింటోందని, ఎప్పటికప్పుడూ అధికారులు పర్యవేక్షిస్తే పరిస్థితులు మార వచ్చంటున్నారు. లేని పక్షంలో ప్రజలు పోలీసులకు దూరం కావడంతో పాటు, సహ కారం కొరవడుతుందని అంటున్నారు.