ఎంజీఎం : వరంగల్‌లోని ప్రాంతీయ నేత్ర వైద్యశాలలో విధులు నిర్వస్తున్న సెక్యూరిటీ, శానిటేషన్‌ కార్మికులకు మూడు నెలలుగా వేతనాలు చెల్లించకుండా ఇబ్బందులకు గురిచేస్తున్నారని గురువారం కార్మికులు ఆస్పత్రిలో ధర్నా నిర్వహించారు. ఈ సందర్భంగా కార్మికులు మాట్లాడుతూ బకాయి వేతనాలు చెల్లించాలని సదరు కాం ట్రాక్టర్‌ను అడగగా తమపై దురుసుగా ప్రవర్తించడంతో పాటు ఉద్యోగాల నుంచి తొలగిస్తామని బెదిరిస్తున్నాడని ఆవేదన వ్యక్తం చేశారు.  రెండేళ్లుగా కార్మికులకు ఈఎస్‌ఐ, ఈఫీఎఫ్‌ చెల్లించకుండా నిర్లక్ష్యంగా వ్యవహరిస్తూ శ్రమదోపిడి చేస్తున్నారన్నారు. కార్యక్రమంలో ఉద్యోగ సంఘాల నాయకులు యాదగిరి, నాగరాజుతో పాటు కార్మికులు పాల్గొన్నారు.