వారాంతపు సెలవులు తీసుకుని, పని చేయకుండా ఉండటం తనకు నచ్చేది కాదని మైక్రోసాఫ్ట్ కో ఫౌండర్ బిల్ గేట్స్ ఆసక్తికర వ్యాఖ్యలు చేశారు. కంపెనీ ప్రారంభించిన తొలినాళ్లలో తనకు వారాంతపు సెలవులు తీసుకోవడం ఇష్టం ఉండేది కాదని, పని చేయకుండా ఖాళీగా ఉండడం తనకు నచ్చేది కాదని ఆయన తెలిపారు. కానీ తండ్రయ్యాకే తన అభిప్రాయం మారిందని బిల్ గేట్స్ తన బ్లాగ్‌లో రాశారు.  పని కంటే జీవితం గొప్పదని, ఎంతో విలువైందని గ్రహించినట్లు ఆయన పేర్కొన్నారు. తన పిల్లల వయసులో ఉన్నప్పుడు తనకు సెలవులపై ఆసక్తి ఉండేది కాదన్నారు. తండ్రయ్యాకే తన అభిప్రాయం మారిందన్నారు. తన పిల్లల ఎదుగుదల తనకు ఎంతో ఆనందంగా ఉందని బిల్‌గేట్స్‌ చెప్పారు. గోల్‌కీపర్స్ ఈవెంట్‌లో చిన్న కుమార్తె ఫోబ్‌తో తాను వేదికను పంచుకోవడం ఆనందంగా ఉందన్నారు.  ఇదీ చదవండి: అప్పు ప్రమాదఘంటికలివే.. ఈ ఏడాది ప్రారంభంలో అరిజోనా విశ్వవిద్యాలయంలో ఏర్పాటు చేసిన ఓ కార్యక్రమంలో పాల్గొన్న ఆయన విద్యార్థులను ఉద్దేశిస్తూ ప్రసంగించారు. ‘జీవితాన్ని ఆస్వాదించటం కూడా మరచిపోయేలా కష్టపడొద్దు. పనికంటే జీవితం ఎంతో గొప్పది. ఈ విషయం తెలుసుకోవటానికి నాకు చాలా సమయం పట్టింది. అయితే మీరు అంత కాలం వేచి ఉండకండి. మీ బంధాలను బలపరుచుకోవడానికి, విజయాన్ని పంచుకోవడానికి, నష్టాల నుంచి కోలుకోవడానికి కొంత సమయం వెచ్చించండి’ అని ఆయన విద్యార్థులకు సూచించిన విషయం తెలిసిందే.

శ్రీకాకుళం  ,సీతంపేట: సీతంపేట వారపు సంతలో సోమవారం విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు దాడులు చేశారు. ఆ శాఖ ఎస్పీ వి.సురేష్‌బాబు ఆధ్వర్యంలో డీఎస్పీ బర్ల ప్రసాద్, భద్రతా ఇన్‌స్పెక్టర్లతో కూడిన బృందం విస్తృతంగా సోదాలు చేసింది. నకిలీ ఆహార పదార్థాలు విక్రయిస్తున్న ఆరుగురిపై అధికారులు కేసులు నమోదు చేశారు. ఎటువంటి పన్నులు చెల్లించకుండా అక్రమంగా తిరుగుతున్న నాలుగు వాహనాలను సీజ్‌ చేశారు. ఈ సందర్బంగా ఎస్పీ సురేష్‌బాబు మాట్లాడుతూ.. కల్తీ కందిపప్పు, శనగపప్పు వంటి వాటికి రంగులు వేసి అసలైన వాటిలా చేసి గిరిజనులకు విక్రయిస్తున్నారని వెల్లడించారు. వీటిని తీసుకుంటే కేన్సర్‌ వంటి రోగాలు వచ్చే ప్రమాదముందని హెచ్చరించారు. వాడేసిన టీ పొడిని మళ్లీ ప్యాక్‌ చేసి ఒరిజనల్‌ టీ పొడిగా విక్రయిస్తున్నారని తెలిపారు. ఖరీదైన కుంకుమ పువ్వు పేరు చెప్పి కలర్‌వేసిన పొట్టును అమ్ముతున్నారన్నారు. గసగసాల పేరుతో రాజనాల అనే చిరుధాన్యాన్ని విక్రయిస్తున్నారన్నారు. ఇటువంటి వస్తువులతో పట్టుబడిన శిల్లా యోగేశ్వరరావు, ఐపీ సింహాచలం, కందుల దుర్గారావు, శిల్లారాము, కొత్తకోట దుర్గారావుపై కేసులు నమోదు చేసి.. వస్తువులను సీజ్‌ చేశామని వెల్లడించారు. జిల్లా సంయుక్త కలెక్టర్‌ కోర్టులో దాఖలు పరుస్తామని తెలిపారు. గిరిజనులు ఇటువంటి నాసిరకం ఆహారపదార్థాలకు దూరంగా ఉండాలని సూచించారు. ఇకపై ఎప్పటికప్పుడు దాడులు నిర్వహిస్తామని స్పష్టంచేశారు. నాసిరకం సరుకులు అమ్మితే ఎంతటివారికైనా శిక్ష తప్పదని హెచ్చరించారు. ఈ కార్యక్రమంలో ఇన్‌స్పెక్టర్లు సతీష్‌కుమార్, చంద్ర, ఫుడ్‌సేఫ్టీ అధికారులు ఎస్‌.ఈశ్వరి, కూర్మనాయకులు, అసిస్టెంట్‌ రిజిస్టార్‌ సూర్యత్రినాథరావు తదితరులు పాల్గొన్నారు. 


 - జాయ్‌రైడ్స్‌కు శాపంగా పౌరవిమానయాన శాఖ నిబంధనలు
 - నెలలో ఏడు రోజులకు మించి నడపొద్దన్న డీజీసీఏ
 - పూర్తిస్థాయి హెలీప్యాడ్‌ లేకపోవటంతో కండిషన్‌
 - సమాచారం లేక చేజారుతున్న పర్యాటకులు
 - పూర్తిస్థాయి హెలీప్యాడ్‌ ఏర్పాటు దిశగా పర్యాటక శాఖ అడుగులు
 
 సాక్షి, హైదరాబాద్‌: పర్యాటక శాఖ ప్రతిష్టాత్మకంగా చేపట్టిన హెలీ టూరిజం ప్రాజెక్టు జాయ్‌రైడ్స్‌కు పౌర విమానయాన శాఖ నిబంధనలు శాపంగా మారాయి. శాశ్వత ప్రాతిపదికన హెలీప్యాడ్‌ ఉంటే తప్ప సొంతంగా హెలీకాప్టర్‌ టూర్లకు వీల్లేదంటూ సివిల్‌ ఏవియేషన్‌ డైరెక్టరేట్‌ జనరల్‌(డీజీసీఏ) స్పష్టం చేసింది. పూర్తిస్థాయి హెలీప్యాడ్‌ అందుబాటులో లేకుంటే నెలలో ఏడు రోజులకు మించి హెలీకాప్టర్‌ రైడ్స్‌కు వీలులేదని ఆదేశించింది. అసలే ఖరీదైన వ్యవహారం.. ఆపై పర్యాటకుల ఆదరణ అంతంత మాత్రంగా ఉండటంతో ఇప్పుడీ ప్రాజెక్టుకు ఈ నిబంధనలు పెద్ద అడ్డం కిగా మారాయి. ప్రత్యేక సందర్భాలు, సెలవు రోజుల్లో పర్యాటకుల డిమాండ్‌ కాస్త ఎక్కువగా ఉంటుంది. అలాంటి రోజుల్లో ఎప్పుడు పడితే అప్పుడు జాయ్‌రైడ్స్‌ నిర్వహించటం కుదరని పరిస్థితి నెలకొంది.
 
 పూర్తిస్థాయి హెలీప్యాడ్‌ లేదు..
 పర్యాటక శాఖకు ప్రస్తుతం పూర్తిస్థాయి హెలీప్యాడ్‌ లేదు. గతంలో నెక్లెస్‌రోడ్డులో హెచ్‌ఎండీఏ స్థలంలో తాత్కాలిక హెలీప్యాడ్‌ ఏర్పాటు చేసి జాయ్‌రైడ్స్‌ ప్రారంభించింది. గతేడాది వీటిని ప్రారంభించే సమయానికి పర్యాటక శాఖకు ఈ నిబంధనపై అవగాహన లేదు. తీరా ట్రిప్స్‌ మొదలుపెట్టిన తర్వాత డీజీసీఏ అభ్యంతరం వ్యక్తం చేయటంతో రైడ్స్‌ రద్దు చేసుకోవా ల్సి వచ్చింది. వేసవి సెలవుల నేపథ్యంలో తాత్కాలిక హెలీప్యాడ్‌ నుంచే రైడ్స్‌ ప్రారంభించటంతో డీజీసీఏ మరోసారి నిబం ధనలను గుర్తు చేసింది. దీంతో గత్యంతరం లేక తొలి విడత ట్రిప్పులు నిలిపివేశారు.
 
 ఒక్కో రైడ్‌కు రూ.3,500..
 ఈ నెలాఖరున వారం రోజులపాటు జాయ్‌ రైడ్స్‌ నిర్వహించాలని తొలుత భావించారు. కానీ ఉస్మానియా వందేళ్ల పండుగకు రాష్ట్రపతి రావటంతో భద్రతా కారణాలతో 2 రోజుల పాటు అనుమతి రద్దయింది. దీంతో 5 రోజు లకే పరిమితం చేసుకుని, వచ్చే నెల 9 నుంచి 14 వరకు మరో విడత నిర్వహించేందుకు సిద్ధమయ్యారు. కానీ ఈ మధ్య కాలంలో పర్యాటకులు ఆసక్తి చూపినా రైడ్స్‌ నిర్వహించలేని దుస్థితి నెలకొంది. 8 నిమిషాల నుంచి పది నిమిషాల మేర ఉండే ఒక్కో రైడ్‌కు రూ.3,500 వరకు టికెట్‌ ధర. దీంతో కొద్దిమంది మాత్రమే ఆసక్తి చూపుతున్నారు. కానీ నెలలో ఏడు రోజులే ఉండటం, దానిపైనా సమాచారం లేకపోవటంతో పర్యాటకులు అయోమయానికి లోనవుతున్నారు. దీంతో టికెట్ల అమ్మకాలు నామమాత్రంగా ఉంటున్నాయి.
 
 పూర్తిస్థాయి హెలీప్యాడ్‌ కోసం యత్నం..
 హెచ్‌ఎండీఏతో కలసి పూర్తిస్థాయి హెలీప్యాడ్‌ ఏర్పా టు చేయాలని పర్యాటక శాఖ భావిస్తోంది. దానికయ్యే వ్యయాన్ని తనే భరించేందుకు సిద్ధమైంది. దీనికి సంబంధించి త్వరలో పర్యాటక శాఖ అధికారులు హెచ్‌ఎండీఏను సంప్రదించనున్నారు. ఈ ప్రాజెక్టు రూపకల్పన సమయంలో డిమాండ్‌ బాగా ఉంటుం దని అధికారులు భావించారు. ఇందుకోసం నగర గగనతలంలోనే కాక నాగార్జున సాగర్, వరంగల్‌ లాంటి ప్రాంతాలకు కూడా పర్యటనలుండేలా ప్రణాళిక రూపొందించుకున్నారు.
 కానీ.. నగర గగనతలంపై విహరించేందుకే రూ.3,500 చెల్లించాల్సి రావటం, దూర ప్రాంతాలకు అది చాలా ఎక్కువగా ఉండటంతో ఎవరూ ఆసక్తి చూపటం లేదు. మరోవైపు చెరువు నీటినే రన్‌వేగా చేసుకుని గాలిలోకి ఎగిరే మినీ విమానాలను(సీప్లేన్‌) పర్యాటకుల ముంగిటకు తెచ్చే ఆలోచన కూడా తాత్కాలికంగా వాయిదా పడింది.