హైదరాబాద్ : ఈ నెల 23న నగరంలో కలకలం రేపిన మహిళ సజీవదహనం కేసులో నిందితుడిని అరెస్ట్ చేసి రిమాండ్కు తరలించారు. పోలీసుల కథనం ప్రకారం... మృతురాలు శ్రీదేవి, నిందితుడు శివ బోడుప్పల్ లోని ఒక ప్రైవేటు స్కూల్లో భాగస్వాములుగా ఉన్నారు. అయితే పాఠశాల నిర్వహణలో తలెత్తిన విభేదాల కారణంగా శివ ఈ నెల 23న శ్రీదేవిని సజీవదహనం చేశాడు. కేసు నమోదు చేసుకున్న పోలీసులు తమ దర్యాప్తులో శివను నిందితుడిగా తేల్చారు. శుక్రవారం ఉదయం నిందితుడు శివను  పోలీసులు అరెస్ట్ చేసి రిమాండ్కు తరలించారు.


 సంచలనం సృష్టించిన పూజిత ఆత్మాహుతి ఘటనను మరవకముందే నగరంలో మరో మహిళ సజీవదహనానికి గురైంది. బోడుప్పల్ ప్రాంతంలోని ఓ ఇంట్లో శ్రీదేవీ అనే మహిళను గుర్తుతెలియని దుండగులు సజీవదహనం చేసిన విషయాన్ని మంగళవారం పోలీసులు గుర్తించారు.
  
 మృతురాలు శ్రీదేవి ఒక ప్రైవేటు స్కూల్లో భాగస్వామిగా ఉన్నారు. పాఠశాల నిర్వహణలో తలెత్తిన విభేదాలే హత్యకు దారితీసి ఉంటాయని పోలీసులు అనుమానిస్తున్నారు. ఆ దిశగా దర్యాప్తు ప్రారంభించినట్లు తెలిపారు.