భువనగిరిటౌన్‌: కమ్యూనిస్టులు దేశానికి దిక్సూచి అని సీపీఐ జాతీయ కార్యవర్గ సభ్యుడు, మాజీ ఎమ్మెల్యే పల్లా వెంకట్‌రెడ్డి అన్నారు. గురువారం జిల్లా కేంద్రంలోని సీపీఐ కార్యాలయంలో నిర్వహించిన జిల్లా కార్యవర్గ సమావేశంలో ఆయన మాట్లాడారు. సీపీఐ 100 సంవత్సరాలు పూర్తి చేసుకుంటున్న సందర్భంగా నల్లగొండలో బహిరంగ సభ నిర్వహించేందుకు సన్నాహాలు చేస్తున్నట్లు తెలిపారు. సమ సమాజ స్థాపనకు, దోపిడీ లేని సమాజం నిర్మించేందుకు సీపీఐ అనేక పోరాటాలు చేసిందన్నారు. సీపీఐ జిల్లా కార్యదర్శి గోదా శ్రీరాములు మాట్లాడుతూ.. భూ పోరాటాలు చేసి లక్షల ఎకరాలు నిరుపేదలకు పంపిణీ చేసిన ఘనత కమ్యూనిస్టు పార్టీదేనన్నారు. కమ్యూనిస్టు పార్టీ లక్ష్యసాధనకు సంఘటితంగా ప్రజా ఉద్యమాలు నిర్వహించాలన్నారు. నల్లగొండలో జరిగే బహిరంగ సభకు జాతీయ ప్రధాన కార్యదర్శి రాజా, సీపీఐ జాతీయ మాజీ కార్యదర్శి, నల్లగొండ మాజీ పార్లమెంట్‌ సభ్యుడు సురవరం సుధాకర్‌ రెడ్డి, సీపీఐ రాష్ట్ర కార్యదర్శి, శాసనసభ్యుడు సాంబశివరావు, ఉమ్మడి జిల్లా నాయకులు హాజరుకానున్నారని తెలిపారు. ఏశాల అశోక్‌ అధ్యక్షతన నిర్వహించిన సమావేశంలో సీపీఐ రాష్ట్ర నాయకుడు ఉజ్జిని రత్నాకరరావు సహాయ కార్యదర్శిలు యానాల దామోదర్‌ రెడ్డి, బోలగాని సత్యనారాయణ, బచ్చనగోని గాలయ్య, సుదర్శన్‌, వెంకటేష్‌ పాల్గొన్నారు. ఫ సీపీఐ జాతీయ కార్యవర్గ సభ్యుడు పల్లా వెంకట్‌రెడ్డి

నల్లగొండ టౌన్‌ : నల్లగొండలోని ప్రభుత్వ జనరల్‌ ఆస్పత్రిలో ఓ కాంట్రాక్టర్‌ పారిశుద్ధ్య కార్మికులను వేధింపులకు గురిచేసిన సంఘటన గురువారం వెలుగులోకి వచ్చింది. వివరాల ప్రకారం.. బుధవారం రాత్రి పది గంటల సమయంలో జీజీహెచ్‌లోని ఎంసీహెచ్‌ వార్డుల్లో పనులు చేస్తున్న కార్మికులను వేరే భవనానికి సంబంధించిన సూపర్‌వైజర్‌ వచ్చి ఫొటోలు తీశాడు. రాత్రి సమయంలో ఎందుకు ఫొటోలు తీస్తున్నారని కార్మికులు ఆయనతో వారించారు. దీనికి సూపర్‌వైజర్‌ వెంటనే కాంట్రాక్టర్‌కు ఫోన్లో సమాచారం ఇవ్వడంతో పదిన్నర తరువాత ఆసుపత్రికి వచ్చిన కాంట్రాక్టర్‌ వెంటనే మహిళ కార్మికులు వేచి ఉండే గదికి వెళ్లాడు. ఆస్పత్రి నాది నా ఇష్టం వచ్చిన వారు ఇక్కడ డ్యూటీలు చేస్తారు.. మీరు ఎవరూ? అంటూ వారిపై కేకలు వేశాడు. వెంటనే సబిత అనే కార్మికురాలితో ‘నిన్ను విధుల్లో నుంచి తొలగిస్తున్నాను.. రేపటి నుంచి రావద్దు.. 70 మందిని తీసేస్తే నాకు మరో 70 మంది వస్తారు. 70 లక్షలు వస్తాయి’ అంటూ దుర్భాషలాడాడు. దీంతో మహిళ కార్మికురాలు ఎంత బతిమాడిని వినకుండా వెళ్లిపోవాలని హుకుం జారీ చేశాడు. దీంతో సదరు కార్మికురాలు ఉద్యోగం పోయిందని తీవ్ర మనోవేధనకు గురికావడంతో ఆమె బీపీ 200కు పెరిగి కింద పడిపోయింది. వెంటనే అక్కడున్న మిగతా సిబ్బంది ఆమెను అదే ఆస్పత్రిలో చికిత్స కోసం జాయిన్‌ చేశారు. దీంతో ఉదయం 7గంటల ప్రాంతంలో డ్యూటీ షిఫ్టింగ్‌ సమయంలో మిగతా కార్మికులు అందరూ వచ్చారు. ఈ విషయం బయటకు రావడంతో కాంట్రాక్టర్‌ వేధింపులకు నిరసనగా పారిశుద్ధ్య కార్మికులు గురువారం ఉదయం తమ విధులను బహిష్కరించి ఆందోళన బాట పట్టారు. అర్ధరాత్రి సమయంలో చాలాసార్లు వచ్చి ఇలా వేధింపులకు గురిచేస్తాడని, ఉదయం నుంచే విధులకు రావద్దంటూ ఆదేశాలు ఇస్తారని.. తాగివచ్చి కూడా అనేకమార్లు ఇష్టనుసారంగా మాట్లాడుతారని కార్మికులు ఆరోపించారు. వెంటనే కాంట్రాక్టును రద్దు చేసి తగిన న్యాయం చేయాలని వారు పెద్ద ఎత్తున నినాదాలు చేశారు. ఉదయం 7 గంటల నుంచి పదిన్నర వరకు ఎంసీహెచ్‌ మెయిన్‌ గేట్‌ ఎదుట ధర్నా చేశారు. విషయం తెలుసుకున్న ఆస్పపత్రి సూపరింటెండెంట్‌ డాక్టర్‌ అరుణకుమారి కార్మికులను పిలిచి ఆందోళన విరమించాలని కోరారు. కాంట్రాక్టర్‌కు నోటీసులు జారీ చేసి వెంటనే సంజాయిషీ ఇవ్వాలని ఆదేశాలు జారీ చేశారు. దీంతో కార్మికులు ఆందోళన విరమించి విధులకు హాజరయ్యారు. ఫ నల్లగొండ జీజీహెచ్‌లో రాత్రి వేళ ఫొటోలు తీసిన సూపర్‌వైజర్‌ ఫ ఎందుకని ప్రశ్నిస్తే.. విధుల్లో నుంచి తొలగించిన కాంట్రాక్టర్‌ ఫ ఎంసీహెచ్‌ ఎదుట కార్మికుల ఆందోళన

భువనగిరి: పట్టణంలోని తెలంగాణ సాంఘిక సంక్షేమ గురుకుల పాఠశాల మైదానంలో జిల్లా స్థాయి సీఎం కప్‌–24 క్రీడా పోటీలు కొనసాగుతున్నాయి. గురువారం ఖోఖో, రోవింగ్‌, షూటింగ్‌, స్నూకర్‌, జిమ్నాస్టిక్‌ తదితర క్రీడా పోటీలను నిర్వహించారు. కార్యక్రమానికి ముఖ్య అథితిగా మున్సిపల్‌ చైర్మన్‌ వెంకటేశ్వర్లు, రోటరీ క్లబ్‌ అధ్యక్షుడు వెంకట్‌రెడ్డి, దిడ్డి బాలాజీ, ఎస్సీ వెల్ఫేర్‌ జిల్లా అధికారి శ్యాంసుందర్‌ హాజరై క్రీడలను ప్రారంబించారు. కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, యూత్‌ అసోసియేషన్‌ అధ్యక్షుడు కరుణ్‌, ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ ప్రధాన కార్యదర్శి గోపాల్‌ పాల్గొన్నారు.

యాదగిరిగుట్ట రూరల్‌: యాదగిరిగుట్ట శ్రీ లక్ష్మీనరసింహస్వామి వారి ఆలయంలో గురువారం నిత్యారాధనలు శాస్త్రోక్తంగా నిర్వహించారు. వేకువజామున అర్చకులు ఆలయాన్ని తెరిచి సుప్రభాత సేవ జరిపించారు. అనంతరం నిజాభిషేకం, తులసీదళాలతో అర్చన చేసి, భక్తులకు స్వామివారి దర్శనాన్ని కల్పించారు. ఆలయ ప్రథమ ప్రాకార మండపంలో శ్రీ సుదర్శన నారసింహహోమం, గజవాహన సేవ, నిత్యకల్యాణం, బ్రహ్మోత్సవం పూర్తిగావించారు. సాయంత్రం జోడుసేవలను మాడ వీధుల్లో ఊరేగించి, రాత్రి శయనోత్సవం నిర్వహించి ఆలయాన్ని ద్వారబంధనం చేశారు. ఆయా పూజల్లో భక్తులు పాల్గొని మొక్కులు చెల్లించుకున్నారు. స్టేట్‌ టాలెంట్‌ టెస్ట్‌కు ఎన్నారం విద్యార్థి రామన్నపేట: మండలంలోని ఎన్నారం గ్రామ జెడ్పీ ఉన్నత పాఠశాలకు చెందిన బండమీది సిరి స్టేట్‌ బయోసైన్స్‌ టాలెంట్‌ టెస్ట్‌కు ఎంపికై నట్లు ప్రధానోపాధ్యాయురాలు రత్నమాల తెలి పారు. గురువారం భువనగిరిలో నిర్వహించిన జిల్లాస్థాయి టెస్ట్‌లో ద్వితీయస్థానం పొందినట్లు పేర్కొన్నారు. రాష్ట్రస్థాయి పోటీలకు ఎంపికై న సిరితోపాటు గైడ్‌ టీచర్‌ నీలం శేఖర్‌ను డీఈఓ సత్యనారాయణ అభినందించారు. వంద శాతం ఫలితాలకు కృషి చేయాలిమోత్కూరు: ఇంటర్మీడియట్‌లో విద్యార్థులు వంద శాతం ఫలితాలు సాధించేందుకు అధ్యాపకులు కృషి చేయాలని జిల్లా ఇంటర్మీడియట్‌ విద్య నోడల్‌ అధికారి శ్రీరమణి అన్నారు. గురువారం మోత్కూరు ప్రభుత్వ జూనియర్‌ కళాశాలను ఆమె సందర్శించారు. ఈ సందర్భంగా విద్యా బోధన గురించి విద్యార్థులను అడిగి తెలుసుకున్నారు. అనంతరం వృత్తి విద్యా కేంద్రాలను సందర్శించారు. ప్రిన్సిపాల్‌ ప్రభా జస్టిస్‌ అధ్యక్షతన అధ్యాపకులతో సమావేశం నిర్వహించారు. విద్యార్థుల్లో భయాన్ని, అపోహలను తొలగించేందుకు హార్ట్‌ఫుల్‌నెస్‌ ఎక్స్‌పీరియన్స్‌ లైఫ్‌ ప్రొటెన్షియల్‌ (హెచ్‌ఈఎల్‌పి) కార్యక్రమం నిర్వహిస్తున్నట్లు తెలిపారు. అనంతరం బ్రదర్‌ రవీందర్‌, బ్రదర్‌ మునీందర్‌ విద్యార్థులకు పలు సూచనలు, సలహాలు అందజేశారు. అదేవిధంగా రామన్నపేట మొబైల్‌ టీమ్‌ విద్యార్థులకు వైద్య పరీక్షలు నిర్వహించారు. గృహహింసకు పాల్పడితే కఠిన చర్యలుయాదగిరిగుట్ట రూరల్‌: గృహ హింసకు పాల్పడితే కఠిన చర్యలు ఉంటాయని జిల్లా న్యాయసేవాధికార సంస్థ కార్యదర్శి మాధవీలత అన్నారు. గురువారం యాదగిరిగుట్ట మండల ప్రజా పరిషత్‌ కార్యాలయంలో జిల్లా న్యాయ సేవాధికార సంస్థ, సీ్త్ర, శిశు, సంక్షేమ శాఖ, మండల్‌ పరిషత్‌ సంయుక్తంగా నిర్వహించిన సమావేశంలో ఆమె మాట్లాడారు. ఈ సందర్భంగా గృహహింస, లైంగిక వేధింపుల చట్టంపై అంగన్‌వాడీ, ఉపాధ్యాయులకు అవగాహన కల్పించారు. సమావేశంలో సార్ప్‌ ఎన్‌జీ ప్రమీల, భువనగిరి బార్‌ అసోసియేషన్‌ ఉపాధ్యక్షులు జయ, స్వామి, శ్రీహరి, నాగేంద్రమ్మ, రాజిరెడ్డి, ఎంపీఓ సలీం, సఖి అడ్మిన్‌ లావణ్య తదితరులు పాల్గొన్నారు.

ఆత్మకూరు(ఎం): ఆయిల్‌ పామ్‌కు మంచి డిమాండ్‌ ఉండటంతో రైతులు ఈ మొక్కలు సాగు చేసేందుకు ముందుకు వస్తున్నారు. ఐదు నెలల క్రితం అయిల్‌ పామ్‌ గెలల ధర టన్నుకు రూ. 13,210గా ఉంది. ప్రస్తుతం టన్నుకు రూ.20,413 వరకు పెరిగింది. ఒకసారి నాటితే మూడున్నర సంవత్సరాల నుంచి ముప్పై సంవత్సరాల వరకు దిగుబడి వస్తుండడంతో ఆయిల్‌పామ్‌ సాగును లాభాసాటిగా రైతులు గుర్తిస్తున్నారు. ఆయిల్‌ పామ్‌కు ప్రభుత్వం ప్రోత్సాహకంగా రాయితీలు అందజేస్తుండడంతో జిల్లాలో సాగు విసీ్త్రర్ణం లక్ష్యానికి చేరుకుంటుంది. జిల్లాలో 8వేల ఎకరాలు ఆయిల్‌ పామ్‌ సాగు విస్తీర్ణం లక్ష్యం కాగా, ఇప్పటి వరకు 4255 ఎకరాల్లో సాగు చేస్తున్నారు. 2022–23లో ఆయిల్‌ పామ్‌ సాగును జిల్లాలో ప్రారంభించగా మొదటగా 1428 ఎకరాలను 285 మంది రైతులు సాగు చేశారు. 2023–24లో 2,107 ఎకరాలను 533 మంది రైతులు సాగు చేశారు. 2024–25లో అందుకు భిన్నంగా 720 ఎకరాల్లో 90 మంది రైతులు సాగు చేస్తున్నారు. ఇంకా 3500 ఎకరాలకు రైతులు రిజిస్ట్రేషన్‌ చేసుకోగా.. వారికి ఇంకా మొక్కలు పంపిణీ కాలేదు. ప్రభుత్వం కల్పిస్తున్న రాయితీలు ఆయిల్‌పామ్‌ సాగు చేస్తున్న రైతులకు ప్రభుత్వం ఆయిల్‌ ఫెడ్‌ ద్వారా పలు విధాలుగా రాయితీలు కల్పిస్తోంది. అదేవిధంగా రైతులకు సబ్సిడీపై డ్రిప్‌ మంజూరు చేస్తోంది. రెండున్నర ఎకరాలకు ఎస్సీ, ఎస్టీ రైతులకు 100 శాతం, బీసీ రైతులకు 90 శాతం, ఓసీ(5 ఎకరాల లోపు)లకు 90 శాతం సబ్సిడీపై డ్రిప్‌ అందిస్తారు. ఆయిల్‌ పామ్‌ సాగు నుంచి నూనె కర్మాగారాలకు దూరాన్ని బట్టి ట్రాన్స్‌పోర్ట్‌ చార్జీలను టీజీ ఆయిల్‌ ఫెడ్‌ చెల్లిస్తుంటుంది. ఈ సాగులో అంతరపంటలు పండించినందుకు, ఎరువుల ఖర్చులకు ఎకరాకు రూ.4200లు అందజేస్తారు. ఇప్పటివరకు 2022–23లో 285 మంది రైతులకు రూ.59లక్షలు, 2023–24లో 537 మంది రైతులకు రూ.88లక్షలు అందించారు. అయితే 2024–25కు సంబంధించి 720 ఎకరాల్లో ఆయిల్‌ పామ్‌ సాగు చేస్తున్న 90 మంది రైతులకు రాయితీ ఇంకా అందలేదు. ఎకరానికి రూ.4200ల చొప్పున రూ. 30లక్షలు అందజేయాల్సి ఉంది. ఈ రాయితీలను అందించడానికి అధికారులు సర్వే చేస్తున్నట్లు తెలిసింది. ఫ సాగు లక్ష్యం 8వేల ఎకరాలు ఫ ఇప్పటివరకు జిల్లాలో సాగులో ఉన్నది 4255 ఎకరాలు ఫ మరో 3500 ఎకరాలకు రిజిస్ట్రేషన్‌ చేసుకున్న రైతులు

సాక్షి, యాదాద్రి: కొత్తగా ఏర్పాటైన మున్సిపాలిటీల్లో విలీనం చేసిన గ్రామాలను తిరిగి పంచాయతీలుగా మార్చాలని అక్కడి ప్రజలు డిమాండ్‌ చేస్తున్నారు. ఆశించిన మేర అభివృద్ధి జరగకపోవడం, మున్సిపాలిటీల్లో ఉపాధి హామీ రద్దవడం, ఇంటి అనుమతులకు ఇబ్బందులు, పెరిగిన ఇంటి పన్నులు, హెచ్‌ఎండీఏ మున్సిపాలిటీల్లో ప్రతి పనికి హెచ్‌ఎండీఏకు లింక్‌ పెట్టడం వంటి వాటితో సమస్యలు ఎదురవుతున్నాయని ప్రజలు పేర్కొంటున్నారు. నూతన మున్సిపాలిటీలు ఇలా.. జిల్లాలో భువనగిరి, ఆలేరు, యాదగిరిగుట్ట, మోత్కూర్‌, పోచంపల్లి, చౌటుప్పల్‌ మున్సిపాలిటీలు ఉన్నాయి. అప్పట్లో ప్రభుత్వం 15వేల నుంచి 20 వేల జనాభా కలిగిన గ్రామపంచాయతీలను మున్సి పాలిటీలుగా చేశారు. సరిపోను జనాభా లేని చోట మూడు కిలోమీటర్ల దూరంలో గల గ్రామాలను విలీనం చేశారు. దీంతో అక్కడి కూలీలకు ఉపాధి హామీ పనులు లేకుండా పోయాయి. అంతేకాకుండా పన్నుల భారం కూడా పెరిగింది. ఈక్రమంలో ము న్సిపాలిటీలో కలిపిన తమ గ్రామాలను తిరిగి పంచాయతీలుగా ఏర్పాటు చేయాలని కోరుతున్నారు. పంచాయతీలుగా మార్చాలని తీర్మానాలు తాజాగా భూదాన్‌ పోచంపల్లి మున్సిపాలిటీని గ్రామ పంచాయతీగా చేయాలని డిమాండ్‌ చేస్తున్నారు. పొచంపల్లి, ముక్తాపూర్‌, రేవణపల్లిని పంచాయతీలుగా మర్చాలని జాయింట్‌ యాక్షన్‌ కమిటీలు ఏర్పాటు చేశారు. మూడు రోజుల పాటు ప్రజాభిప్రాయ సేకరణ చేసి గ్రామపంచాయతీలుగా పునరుద్ధరించాలని తీర్మానించారు. అదేవిధంగా ఆలేరు మున్సిపాలిటీ పరిఽధిలో చేర్చిన బహుద్దూర్‌పేటను తిరిగి పంచాయతీగా చేయాలని కోరుతున్నారు. ఇప్పటికే ఆలేరు శివారులోని సాయిగూడేన్ని ప్రత్యేక గ్రామ పంచాయతీగా ప్రకటించగా.. ఆలేరును సైతం గ్రామ పంచాయతీగా చేయాలని డిమాండ్‌ వస్తోంది. మోత్కూరు మున్సిపాలిటీలోని కొండగడపను గ్రామపంచాయతీ చేయాలంటున్నారు. చౌటుప్పల్‌ మున్సిపాలిటీ పరిధిలోని లింగోజి గూడెం, తాళ్ల సింగారంలను గ్రామ పంచాయతీలుగా చేయాలని అక్కడి ప్రజలు బలంగా కోరుతున్నారు. మున్సిపాలిటీల్లో కలిసిన గ్రామాలుమున్సిపాలిటీ కలిసిన గ్రామాలు ఆలేరు బహదూర్‌పేట చౌటుప్పల్‌ లక్కారం, తంగ ఛిపల్లి, తాళ్లసింగారం, లింగోజిగూడెం మోత్కూర్‌ కొండగడప, బుజిలాపురం పోచంపల్లి ముక్తాపూర్‌, రేవణపల్లికోర్టుకు వెళ్లినా ఫలితం లేదు పోచంపల్లి మున్సిపాలిటీలో ముక్తాపూర్‌ గ్రామాన్ని కలపొద్దని కోర్టుకు వెళ్లాం. కానీ మా గ్రామాన్ని విలీనం చేశారు. దీంతో ఉపాధి హామీ పథకం వర్తించక 1200 మంది ఉపాధి కోల్పోయారు. మున్సిపాలిలో చేరిన తర్వాత ఇంటి నిర్మాణానికి అనుమతి కావాలంటే రూ.లక్షలు ఖర్చు అవుతున్నాయి. గతంలో గ్రామపంచాయతీలో రూ.3వేలు ఖర్చయ్యేది. అఖిల పక్షం సమావేశంలో గ్రామ పంచాయతీ కావాలని తీర్మానం చేశాం. – బాలచంద్రం గౌడ్‌, మాజీ సర్పంచ్‌ ముక్తాపూర్‌, పోచంపల్లి మండలం ఫ గ్రామ పంచాయతీలుగా మార్చాలని డిమాండ్‌ చేస్తున్న విలీన గ్రామాల ప్రజలు ఫ ఉపాధి హామీ పనులు లేవని, పన్నుల భారం పెరుగుతోందంటున్న గ్రామస్తులు ఫ జీపీలుగా పునరుద్ధరించాలని తీర్మానాలు

భువనగిరిటౌన్‌: బీఆర్‌ఎస్‌ పార్టీ నాయకులు, ప్రజాప్రతినిధులపై కాంగ్రెస్‌ ప్రభుత్వం అక్రమ కేసులు నమోదు చేస్తోందని, వీటికి భయపడేది లేదని ఆలేరు మాజీ ఎమ్మెల్యే బూడిద భిక్షమయ్యగౌడ్‌ గురువారం ఒక ప్రకటనలో తెలిపారు. మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై కేసు నమోదు చేయడాన్ని ఖండిస్తున్నామని పేర్కొన్నారు. సమస్యలపై అసెంబ్లీలో అడిగిన ప్రశ్నలకు ప్రభుత్వానికి సమాధానాలు దొరకడం లేదని విమర్శించారు. ఈ కార్‌ రేసింగ్‌ ద్వారా రాష్ట్రానికి పేరు ప్రతిష్టలు వచ్చాయని తెలిపారు. ప్రభుత్వం ప్రకటించిన ఆరు గ్యారెంటీలపై, ప్రజా సమస్యలపై ప్రశ్నిస్తున్న వారిపై అక్రమ కేసులు పెడుతున్నారని ఆరోపించారు.

నల్లగొండ : నల్లగొండ ఐటీ టవర్‌ ద్వారా ప్రభుత్వ ఉద్యోగులకు ఆర్టిిఫిషియల్‌ ఇంటిలిజెన్స్‌పై శిక్షణ ఇవ్వనున్నట్లు రాష్ట్ర ఇన్ఫర్మేషన్‌ టెక్నాలజీ, ఎలక్ట్రానిక్స్‌, కమ్యూనికేషన్స్‌ డిప్యూటీ సెక్రటరీ, ఐఏఎస్‌ అధికారి భవేశ్‌ మిశ్రా అన్నారు. గురువారం ఆయన కలెక్టర్‌ ఇలా త్రిపాఠితో కలిసి నల్లగొండలోని ఐటీ టవర్‌ను సందర్శించారు. ఇక్కడ ప్రభుత్వ ఉద్యోగులకు ఆర్టిిఫిషియల్‌ ఇంటెలిజెన్స్‌పై శిక్షణ ఇచ్చేందుకు చర్యలు తీసుకోవాలన్నారు. శిక్షణకు ఉద్యోగులను గుర్తించడంతోపాటు, 20 బ్యాచ్‌లుగా విభజించాలని కలెక్టర్‌కు సూచించారు.

భువనగిరి : పదో తరగతి విద్యార్థులు వంద శాతం ఫలితాలు సాధించి జిల్లాను రాష్ట్ర స్థాయిలో ప్రథమ స్థానంలో నిలపాలని డీఈఓ సత్యనారాయణ పేర్కొన్నారు. భువనగిరిలోని బీచ్‌మహల్లా ప్రభుత్వ ఉన్నత పాఠశాలలో విద్యార్థులకు జీవశాస్త్రం ఫోరం జిల్లా శాఖ ఆధ్వర్యంలో బుధవారం ప్రతిభా పోటీలను నిర్వహించారు. ఈ సందర్భంగా ఆయన మాట్లా డుతూ.. టెన్త్‌ విద్యార్థులను వార్షిక పరీక్షలకు సమాయాత్తం చేయాలని, చదువులో వెనుకబడిన విద్యార్థుల పట్ల ప్రత్యేక శ్రద్ధ వహించాలని సూచించారు. అనంతరం ప్రతిభా పోటీల్లో గెలుపొందిన విద్యార్థులకు బహుమతులు, ప్రశంసా పత్రాలు అందజేశారు. కార్యక్రమంలో ప్రధానోపాధ్యా యుడు భాస్కర్‌, జీవశాస్త్రం ఫోరం జిల్లా అధ్యక్షుడు సత్యనారాయణ, కార్యదర్శి విజయప్రతాప్‌, రాష్ట్ర అసోసియేట్‌ ప్రెసిడెంట్‌ విష్ణు, ఉపాధ్యాయులు పాల్గొన్నారు.ఫ డీఈఓ సత్యనారాయణ

భునగిరిటౌన్‌ : మాదకద్రవ్యాల రహిత జిల్లాగా తీర్చిదిద్దేందుకు మాస్టర్‌ ట్రైనర్లు కృషి జిల్లా సంక్షేమ అధికారి నర్సింహారా సూచించారు. మాదకద్రవ్యాలను అరికట్టేందుకు ఎంపిక చేసిన మాస్టర్‌ ట్రైనర్లకు న్యూ హోఫ్‌ అసోసియేషన్‌ ఎన్‌జీఓ ఆర్గనైజేషన్‌ ఆధ్వర్యంలో బుధవారం కలెక్టరేట్‌లో అవగాహన కల్పించారు. మాదకద్రవ్యాల వల్ల కలిగే అనర్థాలపై అవగాహన కార్యక్రమాల ద్వారా ప్రజల్లో చైతన్యం తీసుకురావాలని ట్రైనర్లకు సూచించారు. ఇందులో పాఠశాలలు, కళాశాలలు, గ్రామాల్లోని యువత, మహిళలు ఇలా.. అన్నివర్గాల ప్రజలను భాగస్వాములను చేయాలన్నారు.

భువనగిరి : రాబోయేది ప్రజాపోరాటాల కాలమేనని సీపీఎం జిల్లా కార్యదర్శి ఎండీ జహంగీర్‌ తెలిపారు. బుధవారం భువనగిరిలోని సుందరయ్య భవనంలో ఏర్పాటు చేసిన పార్టీ ముఖ్యనాయకుల సమావేశంలో ఆయన మాట్లాడారు. జిల్లా సమగ్రాభివృద్ధి, చిన్ననీటి ప్రాజెక్టులు, ప్రజారోగ్యాలపై ప్రభావం చూపే పరిశ్రమలు, కార్మికులకు కనీస వేతనాలు, విద్య, ఉపాధి, రైతులు ఎదుర్కొంటున్న సమస్యలపై చౌటుప్పల్‌ జిల్లా మహాసభల్లో తీర్మానం చేసినట్లు తెలిపారు. వీటితో పాటు రామన్నపేటలో నిర్మించతలబెట్టిన అంబుజా సిమెంట్‌ పరిశ్రమకు వ్యతిరేకంగా, గోదావరి జలాల సాధన, మూసీ ప్రక్షాళన, బస్వాపూర్‌ రిజర్వాయర్‌కు నిధులు విడుదల చేయాలని పోరాటం చేస్తామన్నారు. ఈ సమావేశంలో పార్టీ రాష్ట్ర కమిటీ సభ్యులు బట్టుపల్లి అనురాధ, జిల్లా కార్యదర్శివర్గ సభ్యులు మాటూరి బాలరాజు, కల్లూరి మల్లేశం,దాసరి పాండు, జిల్లా కమిటి సభ్యులు దయ్యాల నర్సింహ, మాయ కృష్ణ, కోమటిరెడ్డి చంద్రారెడ్డి, గడ్డం వెంకటేశ్‌, నాయకలు వనం రాజు తదితరులు పాల్గొన్నారు. 4.76 లక్షల క్వింటాళ్ల పత్తి కొనుగోలు మోత్కూరు : జిల్లాలో ఇప్పటి వరకు 19,593 మంది రైతుల వద్ద 4,76,777 క్వింటాళ్ల పత్తి కొనుగోలు చేసినట్లు జిల్లా మార్కెటింగ్‌ అధికారి సబిత తెలిపారు. మోత్కూరు మండలం అనాజిపురంలోని మహా లక్ష్మి పత్తి మిల్లు కొనుగోలు కేంద్రాన్ని బుధవారం సందర్శించారు. పత్తి విక్రయించిన రైతులకు నగదు చెల్లింపుల వివరాలను కంప్యూటర్‌లో ఆమె పరిశీలించారు. ఆలేరు, చౌటుప్పల్‌, మోత్కూరు, వలిగొండ వ్యవసాయ మార్కెట్‌ పరిధిలోని 12 జిన్నింగ్‌ మిల్లుల ద్వారా పత్తి కొనుగోలు చేసినట్లు తెలిపారు. 17,915 మంది రైతులకు రూ.3.267 కోట్లు చెల్లించినట్లు వివరించారు. కొందరు రైతుల డాక్యుమెంట్లు, ఆధార్‌ కార్డులు, బ్యాంకు ఖాతాలు వివరంగా లేకపోవడంతో బిల్లులు ఆగినట్లు తెలిపారు.ఆమె వెంట మోత్కూరు వ్యవసాయ మార్కెట్‌ కార్యదర్శి కె.ఉమామహేశ్వర్‌, పత్తి కొనుగోలు అధికారి ఆర్‌.రవీందర్‌ ఉన్నారు. యాదగిరి క్షేత్రంలో సంప్రదాయ పూజలు యాదగిరిగుట్ట : యాదగిరిగుట్ట శ్రీలక్ష్మీనరసింహస్వామి ఆలయంలో బుధవారం సంప్రదాయ పూజలు కొనసగాయి. వేకువజామున సుప్రభాతం సేవ చేపట్టిన అర్చకులు.. గర్భాలయంలో స్వయంభూ, ప్రతిష్ఠా అలంకారమూర్తులను అర్చన, అభిషేకంతో కొలిచారు. అనంతరం ప్రధానాలయ ముఖమండపంలో సువర్ణ పుష్పార్చన మూర్తులకు అష్టోత్తర పూజలు, ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్యకల్యాణం, బ్రహ్మోత్సవం తదితర పూజలు నిర్వహించారు. ఆయావేడుకల్లో భక్తులు పాల్గొని మొక్కులు తీర్చుకున్నారు. రాత్రి శ్రీస్వామి వారికి శయనోత్సవం చేసి ఆలయాన్ని ద్వారబంధనం చేశారు. కొనసాగుతున్న సీఎం కప్‌ భువనగిరి : సీఎం కప్‌ జిల్లా స్థాయి క్రీడా పోటీల్లో భాగంగా బుధవారం యోగా, చెస్‌, ఫుట్‌బాల్‌, సైక్లింగ్‌, బాస్కెట్‌బాల్‌ విభాగాల్లో పోటీలు నిర్వహించారు. ఈ కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ ప్రధాన కార్యదర్శి గోపాల్‌, పీడీలు, పీఈటీలు ధశరథరెడ్డి, పాండురంగం, రఘువీర్‌, కేశనాగు పాల్గొన్నారు.

జిల్లాలో 60నుంచి 70 మంది ప్రయత్నాలు జీఓ 317 వల్ల యాదాద్రి భువనగిరి జిల్లాకు చెందిన కొంతమంది ఉపాధ్యాయులు ఇతర జిల్లాలకు వెళ్లాల్సి వచ్చింది. వారంతా సొంత జిల్లాకు రావడానికి ఎంతైనా చెల్లించడానికి వెనుకాడడం లేదని సమాచారం. ఇందులో ప్రధానంగా 2017 డీఎస్సీలో ఎంపికై న ఉపాధ్యాయులు సొంత జిల్లాకు రావడం కోసం ఎక్కువగా ఇష్టపడుతున్నట్లు తెలుస్తోంది. దీనిని ఆసరాగా తీసుకుని కొంతమంది ఉపాధ్యాయులు ఏజెంట్ల అవతారం ఎత్తి బేరసారాలు నడుపుతున్నట్లు తెలుస్తోంది. జిల్లాలో 3,520 మంది ఉపాధ్యాయులకు గాను ప్రస్తుతం 2,894 మంది ఉపాధ్యాయులు విధులు నిర్వహిస్తున్నారు. ప్రభుత్వం తాజాగా కల్పించిన వెసులుబాటుతో 60 నుంచి 70 మంది పరస్పర బదిలీకి ప్రయత్నాలు చేస్తున్నారు. కాగా పరస్పర బదిలీకోసం ఈనెల 30వరకు దరఖాస్తు చేసుకోవాల్సి ఉంది. భువనగిరి : జీఓ 317 కారణంగా పలువురు ఉపాధ్యాయులు ఇతర జిల్లాల్లో పనిచేస్తున్నారు. ఇలాంటి వారికి కోసం స్పౌజ్‌, మెడికల్‌, పరస్పర బదిలీలకు ప్రభుత్వం వెసులుబాటు కల్పించింది. పరస్పర బదిలీలు కోరుకుంటున్న ఇద్దరిలో ఒకరు జీఓ 317 ద్వారా నష్టపోయిన ఉపాధ్యాయుడై ఉండాలన్న నిబంధన ఉంది. ఇద్దరి సమ్మతితోనే దరఖాస్తు చేసుకోవాల్సి ఉంటుంది. పరస్పర బదిలీకి సిద్ధమయ్యే వారికి కోసం ఉపాధ్యాయులు అన్వేసిస్తున్నారు. ఈ క్రమంలో ప్రాంతాన్ని బట్టి రూ.5 లక్షల నుంచి రూ.10 లక్షల వరకు బేరసారాలునడుస్తున్నట్లు చర్చ నడుస్తోంది. గతంలో కూడా పరస్పర బదిలీకి అకాశం కల్పించినప్పుడు ఇదే విధంగా జరిగిందన్న ఆరోపణలు వచ్చాయి. ఎవరికి వారు ప్రయత్నాలు కొత్త జిల్లాలు, జోన్ల ప్రాతిపదికన ఉద్యోగులతో పాటు ఉపాధ్యాయులను అలాట్‌ చేసేందుకు జీఓ నంబర్‌ 317ను ప్రభుత్వం తీసుకువచ్చింది. సీనియర్లు సొంత జిల్లాలోనే ఉండగా జూనియర్లు ఇతర జిల్లాలకు వెళ్లాల్సి వచ్చింది. 317 జీఓ వల్ల ఎంతో నష్టపోయామని, కుటుంబాలకు దూరంగా గడపాల్సి వస్తుందని జూనియర్‌ ఉపాధ్యాయులు పలుమార్లు ప్రభుత్వం దృష్టికి తీసుకెళ్లారు. ఎన్నికలకు ముందు కాంగ్రెస్‌ ప్రభుత్వం ఇచ్చిన హామీ మేరకు జీఓ 317పై కమిటి వేసింది. కమిటీ ఇచ్చిన నివేదికకు అనుగుణంగా ఉద్యోగులు, ఉపాధ్యాయులకు మెడికల్‌, స్పౌజ్‌, పరస్పర బదిలీలకు అకాశం కల్పించింది. దీన్ని కొందరు తమకు అనుకూలంగా మలుచుకుంటున్నారు. తాము కోరుకున్న ప్రాంతాలకు వెళ్లడానికి బేరసారాలకు తెరలేపినట్లు తెలుస్తోంది. ఫ జీఓ 317 కారణంగా ఇతర జిల్లాల్లో పనిచేస్తున్న పలువురు ఉపాధ్యాయులు ఫ పరస్పర బదిలీకి అవకాశం కల్పించిన ప్రభుత్వం ఫ సొంత జిల్లాకు వచ్చేందుకు ప్రయత్నాలు ఫ ప్రాంతాన్ని బట్టి రూ.5లక్షల నుంచి రూ.10లక్షల వరకు బేరం!

ఫ జనరల్‌ ఫిజీషియన్‌ డాక్టర్‌ రాజారావు సూచన భువనగిరి : చలితీవ్రతకు శరీరంలో అనేక మార్పులు చోటుచేసుకుంటాయి. ఈ క్రమంలో శరీర ఉష్ణోగ్రత సమతుల్యంగా ఉండేలా జాగ్రత్తలు తీసుకోవాలంటున్నారు.. ప్రముఖ జనరల్‌ ఫిజీషియన్‌ డాక్టర్‌ రాజారావు. లేనిపక్షంలో అనారోగ్య సమస్యలు తలెత్తుతాయని హెచ్చరిస్తున్నారు. ● చలికాలం శరీర ఉష్ణోగ్రత సమతుల్యంగా ఉండాలి.ఇందుకోసం పండ్లు, ఆకుకూరలు, పాలు వేడిగా తీసుకోవాలి. ● చలివాతావరణంలో వైరస్‌లు సులభంగా వ్యాప్తి చెందుతాయి. తద్వారా రోగనిరోధకశక్తి తగ్గి జలుబు, దగ్గు, జ్వరంతో పాటు గొంతునొప్పి చేస్తుంది. ● చలికి వాకింగ్‌ మానేస్తారు. దీంతో శరీరానికి సూర్యరశ్మి తగలకపోవడంతో డి విటమిన్‌ లోపం ఏర్పడి జీర్ణ సంబంధిత, శ్వాసకోశ ఇబ్బందులు తలెత్తుతాయి. ● రక్తనాళాలు కుదించుకుపోయి గుండెపోటు వచ్చే ప్రమాదం ఉంటుంది. ● శరీరంపై దురద ఏర్పడుతుంది. చేతి వేళ్లతో స్పర్శించడం ద్వారా చర్మ ఇన్‌ఫెక్షన్‌ వస్తుంది. ● కంటిలో డ్రైరెన్‌ సమస్య ఏర్పడి నీరు లేకుండా మారుతుంది. ● మద్యం, సిగరెట్లు, బీడీలు మానేయాలి. ● శరీరం పొడిబారకుండా కోల్డ్‌క్రీంలు లేదా కొబ్బరినూనె వాడాలి. మంకీ క్యాప్‌లు, స్వెటర్లు ధరించాలి.

భువనగిరి, మోటకొండూర్‌ : చలితీవ్రతకు జిల్లా వణికిపోతోంది. వారం రోజుల కిందట 15 డిగ్రీల పైబడి నమోదైన కనిష్ఠ ఉష్ణోగ్రతలు.. తాజాగా 12డిగ్రీలకు పడిపోవటంతో జనం గజగజ వణకాల్సి వస్తోంది. బుధవారం రాజాపేటలో 11.8, భూదాన్‌పోచంపల్లి, బొమ్మలరామారం, చౌటుప్పల్‌, తుర్కపల్లి మండలాల్లో 12, ఆలేరు, గుండాల, రామన్నపేట, బీబీనగర్‌, మోత్కూరు, యాదగిరిగుట్ట మండలాల్లో 14 డిగ్రీల సెల్సీయస్‌గా ఉష్ణోగ్రతలు నమోదయ్యాయి. చలి తీవ్రత కారణంగా వాతావరణ శాఖ ఎల్లో అలర్ట్‌ జారీ చేసింది. చలినుంచి ఉపశమనం పొందడానికి ఉద యం, రాత్రిళ్లు జనం చలిమంటలు కాగుతున్నారు.

రాజాపేట : ఇందిరమ్మ ఇళ్ల సర్వే వేగవంతం చేసి సకాలంలోని పూర్తి చేయాలని అదనపు కలెక్టర్‌ వీరారెడ్డి సూచించారు. రాజాపేటలో కొనసాగుతున్న ఇందిరమ్మ ఇళ్ల సర్వేను బుధవారం ఆయన తనిఖీ చేశారు. మొబైల్‌ యాప్‌లో నమోదు చేసిన దరఖాస్తుదారుల వివరాలను పరిశీలించారు. ప్రభుత్వ మార్గదర్శకాలకు అనుగుణంగా దరఖాస్తుదారుల వివరాలు సేకరించి యాప్‌లో నమోదు చేయాలన్నారు. పొరపాట్లకు తావుండవద్దన్నారు. అంతకుముందు తహసీల్దార్‌ కార్యాలయాన్ని సందర్శించారు. సిబ్బంది వివరాలు అడిగి తెలుసుకున్నారు. అలాగే రికార్డులను పరిశీలించారు.భూ సమస్యలను త్వరితగతిన పూర్తిచేయాలని ఆదేశించారు. కార్యక్రమంలో తహసీల్దార్‌ దామోదర్‌, ఎంపీడీఓ నాగవేణి, ఎంపీఓ ఆవుల కిషన్‌, రెవెన్యూ ఆర్‌ఐ రమేష్‌, నరసింహులు పాల్గొన్నారు. ఫ అదనపు కలెక్టర్‌ వీరారెడ్డి

చౌటుప్పల్‌ రూరల్‌ : చలికాలం వాతావరణంలో మార్పులు చోటుచేసుకుంటాయి. ముఖ్యంగా ఉష్ణోగ్రతలు పడిపోతాయి. ఈ క్రమంలో ఆరోగ్యాన్ని కాపాడుకునేందుకు ఆహారజాగ్రత్తలు తీసుకోవాలంటున్నారు..న్యూట్రిషనిస్టు ఎస్‌.రమ్య. ● విటమిన్‌ డి చాలా అవసరం. ఉదయం పూట పది నిమిషాలైనా ఎండలో ఉండాలి. సాధ్యం కాకపోతే డి విటమిన్‌ అధికంగా లభించే గుడ్లు, పాలు, పాల పదార్థాలు తీసుకోవాలి. ● కాస్త చల్లటి పదార్థం తీసుకున్నా జలుబు, దగ్గు, ఇతర ఆరోగ్య సమస్యలు తలెత్తుతాయి. దీంతో శరీరానికి మేలు చేసే క్రిములు, బ్యాక్టీరియాలు బయటకు పోయి రోగనిరోధశక్తి తగ్గుతుంది. రోగనిరోధక శక్తి పెంచడానికి క్యాబేజీ, నిమ్మజాతి పండ్లు, చిలగడదుంప, తృణధాన్యాలు తీసుకోవాలి. రోజూ ఉదయం కప్పు గ్రీన్‌టీ లేదా అల్లంటీ తాగాలి. ● తాజా కూరగాయలు, మొలకెత్తిన గింజలు, బీన్స్‌, మాంసం వంటి పదార్థాలతో తయారు చేసిన సూప్స్‌ వేడివేడిగా తీసుకోవాలి. తద్వారా ఇన్‌ఫెక్షన్లు సోకవు. రోగనిరోధక శక్తి పెరుగుతుంది.ఆహార పదార్థాల్లో వెల్లుల్లి వేయాలి. ఫ న్యూట్రిషనిస్టు రమ్య సలహా

పిలాయిపల్లికి రూ.86.22 కోట్లు, ధర్మారెడ్డి కాలువకు రూ.123.98 కోట్లు మంజూరు సాక్షి, యాదాద్రి : మూసీ కాల్వలకు నిధుల వరద పారింది. పిలాయిపల్లి, ధర్మారెడ్డి కాలువలకు రూ.210.2 కోట్లు మంజూరయ్యాయి. నిధులు కేటాయించడంతో ఆగిన ఆధునీకరణ పనులు తిరిగి ప్రారంభంకానున్నాయి. మూసీ వృథా జలాలను ఒడిసిపట్టి ఉమ్మడి నల్లగొండ జిల్లాలో ఆయకట్టు విస్తీర్ణం పెంచాలని, ఇందుకోసం మూసీ ఆధారిత కాలువలను ఆధునీకరించాలని గత ప్రభుత్వ హయాంలో నిర్ణయించారు. ఇందులో భాగంగా కాలువల లోతు, వెడల్పు పెంచడం, స్ట్రక్చర్ల నిర్మాణం చేపట్టాల్సి ఉంది. కానీ, నిధులలేమి, కాంట్రాక్టర్ల నిర్లక్ష్యంతో పనులు ఎక్కడికక్కడ నిలిచిపోయాయి. అయితే సాగునీటి రంగానికి ప్రాధాన్యమిస్తున్న కాంగ్రెస్‌ ప్రభుత్వం.. మూసీ కాలువల ఆధునీకరణపై దృష్టి సారించింది. డిజైన్లు మార్చి ఆధునీకరణ పనులు పునరుద్ధరించాలని నిర్ణయించింది. ఇప్పటికే బునాదిగాని కాలువకు రూ.267 కోట్లు మంజూరు చేసింది. తాజాగా బుధవారం పిల్లాయపల్లి, ధర్మారెడ్డి కాలువలకు రూ.210.2 కోట్లు మంజూరు చేస్తూ ఉత్తర్వులు జారీ చేసింది. ఈ నిధులతో కాలువల బెడ్‌ వెడల్పు పెంచడం, గైడ్‌వాల్స్‌ నిర్మాణం, భూసేకరణ చేయనున్నారు. ధర్మారెడ్డి కాలువ ఇలా.. ధర్మారెడ్డి కాలువను 66 కి.మీ ఆధునీకరించాల్సి ఉంది. ఇందుకోసం 123.98 కోట్లు మంజూరయ్యాయి. భూదాన్‌పోచంపల్లి మండలం ధర్మారెడ్డిపల్లి నుంచి వలిగొండ మండలం గోకారం చెరువు వరకు 10 మీటర్లు, గోకారం నుంచి శేరినేనిగూడెం వరకు 6 మీటర్లు, శేరినేనిగూడెం నుంచి నార్కట్‌పల్లి మండలం లింగోటం వరకు 3 మీటర్ల మేర కాలువను వెడల్పు చేయనున్నారు. అలాగే శిథిలావస్థకు చేరిన బెడ్‌లను కూలగొట్టి కొత్తవి నిర్మిస్తారు. పిలాయిపల్లి 66 కి.మీ పిల్లాయిపల్లి కాలువకు ప్రభుత్వం రూ. 86.22 కోట్లు మంజూరు చేసింది. రంగారెడ్డి జిల్లా బండరావిర్యాల నుంచి యాదాద్రి జిల్లా మీదుగా నల్లగొండ జిల్లా ఉరుమడ్ల వరకు 66 కిలో మీటర్ల మేర కాల్వను ఆధునీకరించనున్నారు. బండరావిర్యాల నుంచి పోచంపల్లి మండలం మైసమ్మ కత్వ వరకు ఏడు మీటర్లు, మైసమ్మ కత్వ నుంచి చిన్నకోడూరు వరకు ఆరు మీటర్లు, చిన్న కోడూరు నుంచి ఉరుమడ్ల దాకా 5 మీటర్ల మేర వెడల్పు చేయనున్నారు.

చివ్వెంల: పెద్దగట్టు శ్రీలింగమంతుల స్వామి జాతరకు ప్రణాళికలు సిద్ధం చేయాలని సూర్యాపేట జిల్లా కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. బుధవారం సూర్యాపేట జిల్లా చివ్వెంల మండలం దురాజ్‌పల్లి గ్రామ శివారులోని శ్రీలింగమంతుల స్వామి ఆలయాన్ని ఆయన సందర్శించి పూజలు నిర్వహించారు. అనంతరం ఆలయ పరిసరాలను పరిశీలించారు. జాతరకు వివిధ శాఖల ఆధ్వర్యంలో చేయాల్సిన ఏర్పాట్లపై చర్చించి అధి కారులకు సూచనలు, సలహాలు చేశారు. ఈ సందర్భంగా కలెక్టర్‌ మాట్లాడుతూ వచ్చే ఏడాది ఫిబ్రవరి 16 నుంచి 20వ తేదీ వరకు పెద్దగట్టు జాతర జరగనుందన్నారు. జాతరను ప్రశాంతమైన వాతా వరణంలో నిర్వహించాలని, ఏర్పాట్లలో భాగంగా ప్రతి కార్యక్రమానికి ప్రత్యేకంగా ఒక అధికారిని నియమించాలని సూచించారు. అన్నిశాఖల అధికా రులు సమన్వయంతో పనిచేస్తూ.. భక్తులకు ఎలాంటి ఇబ్బందులు కలగకుండా చూడాలన్నారు. ఈ కార్యక్రమంలో అదనపు కలెక్టర్‌ రాంబాబు, దేవాదాయ శాఖ అసిస్టెంట్‌ కమిషనర్‌ ఎ.సులోచన, మున్సిపల్‌ కమిషనర్‌ శ్రీనివాస్‌, సూర్యాపేట డీఎస్పీ రవి, ఈఓ కుశలయ్య, తహసీల్దార్‌ కృష్ణయ్య, ఎంపీడీఓ సంతోష్‌కుమార్‌, ఆర్‌ఐ శ్రీనివాస్‌, మిషన్‌ భగీరథ అధికారులు ఇంట్రా శ్రీనివాస్‌, గ్రిడ్‌ అధికారి కరుణాకర్‌రెడ్డి తదితరులు పాల్గొన్నారు. ఫ సూర్యాపేట కలెక్టర్‌ తేజస్‌నంద్‌లాల్‌ పవార్‌

నార్కట్‌పల్లి : నల్లగొండ జిల్లా చెర్వుగట్టులో కొలువైన శ్రీ పార్వతీ జడల రామలింగేశ్వర స్వామి దేవాలయంలోని గట్టుపైన భక్తులు సమర్పించే తలనీలాల సేకరణకు బుధవారం హైదరాబాద్‌లో వేలం పాట నిర్వహించారు. ఈ వేలంలో రాష్ట్ర నలుమూలలకు చెందిన కాంట్రాక్టర్లు పాల్గొన్నారు. గుంటూరు జిల్లా కోలకలూరు చెందిన వ్యక్తి రూ.1,39,00,000 వేలం దక్కించుకున్నారు. సదరు వ్యక్తి ఏడాది పాటు దేవాలయం ఆవరణలో తలనీలాల సేకరించుకునే హక్కు కలిగి ఉంటారని దేవాలయ ఈఓ నవీన్‌కుమార్‌, సీనియర్‌ అసిస్టెంట్‌ సురకంటి ఇంద్రసేనారెడ్డి తెలిపారు. దేవాలయ నిబంధనల ప్రకారం డబ్బు చెల్లించని పక్షంలో టెండర్‌ రద్దు చేస్తారని పేర్కొన్నారు.

అర్ధరాత్రి నుంచే పనుల్లో నిమగ్నమవుతున్న వివిధ వర్గాల ప్రజలుమూడు రోజులుగా కనిష్ట ఉష్ణోగ్రతలు నమోదవుతున్నాయి. చలికి వణుకుతూనే ప్రజలు తమ రోజు వారీ పనులు కొనసాగిస్తున్నారు. పట్టణాల్లో రాత్రి ఒంటి గంట వరకు జనాలతో ఉండే చౌరస్తాలు రాత్రి 11 గంటలకే నిర్మానుష్యంగా మారుతున్నాయి. సోమవారం రాత్రి (మంగళవారం తెల్లవారుజామున) భువనగిరి, యాదగిరిగుట్ట, చౌటుప్పల్‌లో సాక్షి విజిట్‌ చేయగా.. టిఫిన్‌ బండ్ల వ్యాపారులు, పారిశుద్ధ్య కార్మికులు, రైతులు, డ్రైవర్లు, కూరగాయల వ్యాపారులు, మెడికల్‌షాపులు, పేపర్‌ బాయ్‌లు, సెక్యూరిటీ గార్డులు చలికి వణుకుతూ తమ పనులు చేసుకుంటున్నారు. – సాక్షి,యాదాద్రి, భువనగిరి, భువనగిరి టౌన్‌, చౌటుప్పల్‌, యాదగిరిగుట్టఫ ఆటోడ్రైవర్లు, టిఫిన్‌ సెంటర్ల వారికి తప్పని బతుకు పోరాటం ఫ రాత్రి నుంచే రోడ్లను శుభ్రం చేస్తున్న పారిశుద్ధ్య కార్మికులు ఫ ప్రధానకూడళ్లు, బస్టాండ్లలో కునుకుతీస్తున్న నిరాశ్రయులు ఫ రాత్రి 11 గంటలకే నిర్మానుష్యమవుతున్న పట్టణ రహదారులు ఫ భువనగిరి, యాదగిరిగుట్ట, చౌటుప్పల్‌లో సోమవారం రాత్రి సాక్షి విజిట్‌తొందరగా మూతపడుతున్న హోటళ్లు.. ● భువనగిరి పట్టణంలో నిరాశ్రయులు ప్రధానకూడళ్లు, బస్టాండ్లలో వణికించే చలిలోనే కునుకుతీస్తున్నారు. ● అర్ధరాత్రి దాటిన తర్వాత స్ట్రీట్‌ హోటల్స్‌, ఇసుక కార్మికులు, పాలు, బ్రేడ్‌ సరఫరా చేసేవారు తమ పనుల్లో బిజీగా ఉంటారు. కానీ చలి కారణంగా స్ట్రీట్‌ హోటల్స్‌ రాత్రి 11 గంటలకే మూసివేస్తున్నారు. ● పాలు సరఫరా చేసే వారు అర్ధరాత్రి దాటిన తర్వాత కాకుండా ముందుగానే సరఫరా చేస్తున్నారు. ● ఆటో డ్రైవర్లు చలికి తట్టుకుంటూ తమ ఆటోలు నడుపుతున్నారు. ● పారిశుద్ధ్య కార్మికులు తెల్లవారుజామునే తమ పనుల్లో నిమగ్నమవుతున్నారు. చలికి వణుకుతూ ఆరుబయట ఫ యాదగిరిగుట్ట ఆలయం వద్ద ఉండే యాచకులు రాత్రి సమయంలో చలి తీవ్రతకు ఆర్టీసీ బస్టాండ్‌లో పడుకుంటున్నారు. ఫ వైకుంఠద్వారం వద్ద సుమారు ఎనిమిది మంది యాచకులు సర్కిల్‌లో నిద్ర చేస్తున్నారు. ఫ వైకుంఠద్వారం కింది భాగంలోని మెట్ల సమీపంలో 10 మంది చలిలోనే నిద్రిస్తున్నారు. ఫ తులసీ కాటేజీలో హెచ్‌డీఎఫ్‌సీ ఏటీఎం వద్ద సెక్యూరిటీ రాత్రాంతా చలిలోనే బయట కూర్చొని ఉంటున్నారు. ఫ యాదగిరి కొండపైకి వెళ్లే మొదటి ఘాట్‌ రోడ్డులో వాహనాలు వెళ్లకుండా ఉండేందుకు హోంగార్డు, సురక్ష సిబ్బంది చలిలోనే కాపలా కాస్తున్నారు. ఫ ఇక ఉదయం 4.30గంటలకు మున్సిపల్‌ పారిశుద్ధ్య సిబ్బంది చలిలోనే పనులు చేస్తున్నారు.

అప్పు తీసుకువచ్చాం పంట సాగుకు పైసలు లేక పెట్టుబడి కోసం బయటి వ్యక్తుల దగ్గర వడ్డీకి అప్పులు తెచ్చా. పంట సాగు మొదలయ్యే సమయంలోనే ప్రభుత్వం పెట్టుబడి సాయం అందిస్తే రైతులకు ఉపయోగకరంగా ఉంటుంది. ఇప్పటికై నా మార్గదర్శకాలు విడుదల చేసి వెంటనే పెట్టుబడి సాయాన్ని అందించాలి. – వట్టిపల్లి మొగులి మల్లయ్య, బహద్దూర్‌పేట ఇప్పటివరకు అందించలేదు వానాకాలం పంటల సాగు సంబంధించి కోతలు పూర్తయ్యాయి. అయినా ఇప్పటి వరకు పెట్టుబడి సాయాన్ని ప్రభుత్వం పంపిణీ చేయలేదు. ఇంకా ఎప్పుడు పంపిణీ చేస్తారో కూడా తెలియదు. పెట్టుబడి సాయం అనేది పంట పెట్టుబడి ఖర్చులకు ఉపయోగపడేలా ఉండాలి. – గంగుల శ్రీనివాస్‌, ఆలేరు ఆలేరురూరల్‌: పంట సాగుకు అయ్యే పెట్టుబడుల కోసం రైతులు ఇబ్బందులకు గురికావొద్దనే ఉద్దేశంతో గత ప్రభుత్వం రైతుబంధు పథకాన్ని అమలు చేసింది. రెండు సీజన్‌లకు కలిపి ఎకరానికి రూ.10 వేల చొప్పున చెల్లించింది. రాష్ట్రంలో కొత్తగా అధికారంలోకి వచ్చిన కాంగ్రెస్‌ ఎన్నికల సమయంలో రైతు భరోసా పథకం కింద రైతులకు ఎకరానికి రూ.15 వేలు చెల్లిస్తామని హామీ ఇచ్చింది. అయితే ప్రభుత్వం దీనిపై ఇప్పటివరకు మార్గదర్శకాలు విడుదల చేయలేదు. ఇప్పటికే రైతులు అప్పులు తెచ్చి పంట సాగు చేశారు. తెచ్చిన అప్పులకు వడ్డీ పెరుగుతుంది కానీ ఇప్పటివరకు పెట్టుబడి సాయం అందలేదని రైతులు వాపోతున్నారు. జిల్లాలో 2,71,590 మంది రైతులు జిల్లాలో 421 గ్రామాల పరిధిలో పెట్టుబడి సాయం అందించేందుకు వ్యవసాయాధికారులు 2,49,206 మంది రైతులను గుర్తించారు. గత యాసంగిలో పంట రుణాలకు సంబంధించి ట్రెజరీకి అప్పగించారు. ప్రభుత్వం రూ.293 కోట్ల 68 లక్షలను రైతుల ఖాతాలో జమ చేశారు. వానాకాలం సీజన్‌ నుంచి రైతుభరోసా కింద పెట్టుబడి సాయాన్ని పెంచి అ యితే సీజన్‌ ముగింపు దశకు చేరుకున్నా.. ఇప్పటి వరకు ప్రభుత్వం పెట్టుబడి సాయం అందించటంపై ఎలాంటి నిర్ణయం తీసుకోలేదు. రాష్ట్ర వ్యాప్తంగా ప్రభుత్వం రైతులతో ప్రత్యేక సమావేశాలు ఏర్పాటు చేసి వారి అభిప్రాయాలు సేకరించినా పెట్టుబడి సాయం కింద ఒక్కపైసా విడుదల చేయలేదు. ఫ పంటల సాగుకు అప్పులు తెచ్చి పెట్టుబడి పెట్టిన రైతులు ఫ కోతలు పూర్తయినా ఇప్పటివరకు సాయం అందించని ప్రభుత్వం

భువనగిరి: పట్టణంలో ఈ నెల 16న ప్రారంభమైన జిల్లా స్థాయి సీఎం కప్‌ క్రీడా పోటీలు రెండో రోజు మంగళవారం కొనసాగాయి. పట్టణంలోని ప్రభుత్వ జూనియర్‌ కళాశాల మైదానంలో అథ్లెటిక్స్‌, తెలంగాణ సాంఘిక సంక్షేమ గురుకుల పాఠశాల మైదానంలో వాలీబాల్‌, బాస్కెట్‌బాల్‌, హ్యాండ్‌బాల్‌ పోటీలు నిర్వహించారు. కార్యక్రమంలో జిల్లా యువజన క్రీడల అభివృద్ధి అధికారి ధనుంజనేయులు, ఎస్‌జీఎఫ్‌ సెక్రటరీ బాలకృష్ణ, ఖోఖో అసోసియేషన్‌ ప్రధాన కార్యదర్శి నాతి కృష్ణమూర్తి, అథ్లెటిక్స్‌ అసోసియేషన్‌ సెక్రటరీ గోపాల్‌ పాల్గొన్నారు.

రామన్నపేట: ప్రజారోగ్యానికి ప్రభుత్వం ప్రథమ ప్రాధాన్యం ఇస్తోందని కలెక్టర్‌ హనుమంతరావు తెలిపారు. రామన్నపేట ప్రభుత్వ ఆస్పత్రిని మంగళవారం ఆయన తనిఖీ చేశారు. ఆస్పత్రిలో వైద్యసేవలను అడిగి తెలుసుకున్నారు. వార్డుల్లో ఇన్‌పేషంట్లు తక్కువమంది ఉండడానికి గల కారణాలపై ఆరా తీశారు. ఇన్‌పేషెంట్లకు పెట్టేందుకు సిద్ధంగా ఉన్న భోజనాన్ని పరిశీలించారు. భోజనం నాణ్యతగా లేకపోవడంతో ఆగ్రహం వ్యక్తం చేశారు. ఓపీ రిజిస్ట్రేషన్‌ ప్రక్రియ, ఓపీ విభాగంలో అందిస్తున్న వైద్యసేవలు, అనంతరం సూపరింటెండెంట్‌ గదిలో రికార్డులు పరిశీలించారు. ఒకేరోజు 60శాతం మందికి సెలవు మంజూరు చేయడం పట్ల కలెక్టర్‌ ఆగ్రహం వ్యక్తం చేశారు. ఒకేసారి ఎక్కువ మందికి సెలవు ఎలా మంజూరు చేశారని సూపరింటెండెంట్‌ను ప్రశ్నించారు. డాక్టర్‌ ఆదిలక్ష్మి ఏడాది కాలంగా విధులకు హాజరు కాకపోవడాన్ని గమనించి విధుల నుంచి తొలగించేందుకు ప్రతిపాదనలు పెట్టాలని సూపరింటెండెంట్‌ను ఆదేశించారు. స్థానికులు మంచినీటి సమస్యను కలెక్టర్‌ దృష్టికి తీసుకువెళ్లగా తక్షణమే భగీరథ కనెక్షన్‌ ఇవ్వాలని ఎస్‌ఈకి సూచించారు. అనుభవం కలిగిన రెగ్యులర్‌ గైనకాలజిస్ట్‌ను తక్షణమే నియమించాలని డీసీహెచ్‌ఎస్‌ను ఆదేశించారు. ఆయనవెంట సూపరింటెండెంట్‌ ఈశ్వర్‌, డాక్టర్‌ వరుణ్‌రెడ్డి ఉన్నారు. ఫ కలెక్టర్‌ హనుమంతరావు

చౌటుప్పల్‌: రాష్ట్ర ప్రభుత్వం ఉచిత బస్సు మినహా ఏ హామీని అమలు చేయలేదని సీపీఎం రాష్ట్ర కార్యదర్శివర్గ సభ్యుడు జూలకంటి రంగారెడ్డి, పోతినేని సుదర్శన్‌ ఆరోపించారు. సీపీఎం జిల్లా మహాసభల్లో భాగంగా మంగళవారం మూడోరోజు ప్రతినిధుల సభ నిర్వహించారు. ఈ సందర్భంగా అభివృద్ధి, ప్రజల్లో సుస్థిర స్థానం పొందేందుకు తీసుకోవాల్సిన చర్యలు వివరించారు. వారు మాట్లాడుతూ.. ఓట్ల కోసం ఎన్నో హామీలు గుప్పించి వాటిని అమలు చేయకుండా కాలం వెళ్లదీస్తున్నారని విమర్శించారు. తక్షణమే హామీలను పూర్తిగా అమలు చేయాలని వారు డిమాండ్‌ చేశారు. బీజేపీ అనుసరిస్తున్న విభజన రాజకీయాలను ఎప్పటికప్పుడు తిప్పికొట్టాలని శ్రేణులకు సూచించారు. ప్రజల పక్షాన పోరాటాలు చేసేది కేవలం వామపక్షాలు మాత్రమేనని తెలిపారు. మహాసభలో సీపీఎం కేంద్ర కమిటీ సభ్యుడు చెరుపల్లి సీతారాములు, జిల్లా కార్యదర్శి ఎండీ జహంగీర్‌, నాయకులు కొండమడుగు నర్సింహ, బట్టుపల్లి అనురాధ, పైల్ల ఆశయ్య, బొంతల చంద్రారెడ్డి, మంగ నర్సింహులు, మాటూరు బాలరాజు, కల్లూరు మల్లేషం, దోనూరు నర్సిరెడ్డి, దాసరి పాండు, మేక అశోక్‌రెడ్డి, బూరుగు కృష్ణారెడ్డి, ఎండీ పాష, గంగదేవి సైదులు, గోశిక కరుణాకర్‌, బండారు నర్సింహ, పల్లె మధుకృష్ణ తదితరులు పాల్గొన్నారు. ఫ సీపీఎం రాష్ట్ర కార్యదర్శివర్గ సభ్యుడు జూలకంటి రంగారెడ్డి

● చౌటుప్పల్‌లో రాత్రి 11 గంటల తర్వాత ఎక్కడా జనాలు కన్పించని పరిస్థితి నెలకొంది. దుణాకాలు ఎక్కడికక్కడ మూసివేస్తున్నారు. ఆర్టీసీ బస్‌స్టేషన్‌లో కూడా నిర్మానుష్య వాతావరణం ఏర్పడుతోంది. ● ఆంధ్రా ప్రాంతానికి వెళ్లే ప్రయాణికులు అర్ధరాత్రి సమయంలో చలికి వణుకుతూ బస్సుల కోసం నిరీక్షిస్తున్నారు. ● నిత్యం తెరిచి ఉండే మెడికల్‌ దుకాణాలు కూడా రాత్రి 11గంటలకే మూసివేస్తున్నారు. ● మున్సిపాలిటీ సిబ్బంది తెల్లవారుజామున ఐదు గంటలకు విధుల్లోకి చేరుకుని.. చలిలోనే పనులు కొనసాగిస్తున్నారు.