సుహుల్‌ (జర్మనీ): ప్రపంచ జూనియర్‌ రైఫిల్, పిస్టల్‌ షూటింగ్‌ చాంపియన్‌షిప్‌లో భారత్‌కు రెండో స్వర్ణం లభించింది. జూనియర్‌ మహిళల వ్యక్తిగత 10 మీటర్ల ఎయిర్‌ పిస్టల్‌ విభాగంలో భారత షూటర్‌ యశస్విని సింగ్‌ విజేతగా నిలిచింది. ఫైనల్లో యశస్విని 236.9 పాయింట్లు స్కోరు చేసి ప్రపంచ రికార్డును సమం చేసింది. అంతకుముందు జూనియర్‌ పురుషుల టీమ్‌ ఈవెంట్‌లో సౌరభ్, అన్‌మోల్, అర్జున్‌లతో కూడిన భారత జట్టుకు కాంస్యం లభించింది.