Mahabubabad
-
కేయూలో విద్యార్థులకు హాస్టల్ వసతి
కేయూ క్యాంపస్ : కాకతీయ యూనివర్సిటీలో 2024–25 విద్యాసంవత్సరంలో పీజీ కోర్సులతో పాటు ఇతర కోర్సుల్లో ప్రవేశాలు పొందిన విద్యార్థులకు క్యాంపస్లోని హాస్టళ్లలో వసతి కల్పించనున్నారు. మొదటి సంవత్సరంలో ప్రవేశాలు, రిపోర్టింగ్ ఈనెల 21న పూర్తికాగా హాస్టళ్లలో విద్యార్థులకు వసతి కల్పన మంగళవారం నుంచి ఇస్తున్నారు. ఓసీ విద్యార్థులకు రూ.12వేలు, బీసీలకు రూ.10వేలు, ఎస్సీ, ఎస్టీలకు రూ.8వేలు, పీహెచ్సీ విద్యార్థులకు రూ.6వేల చొప్పున డిపాజిట్ ఫీజుగా చెల్లిస్తే మెస్కార్డులు జారీ చేస్తున్నారు. కేయూలో మొత్తం 14 హాస్టల్స్ ఉన్నాయి. ఫైనల్ ఇయర్ విద్యార్థులకు రెన్యూవల్.. ఫైనల్ ఇయర్ విద్యార్థులకు కూడా మెస్ కార్డులు రెన్యూవల్ చేస్తున్నారు. ఫీజు రీయింబర్స్మెంటు వచ్చే విద్యార్థులకు రూ .1,000 ఫీజు చెల్లిస్తే హాస్టల్ కేటాయిస్తున్నారు. ఫీజు రీయింబర్స్మెంట్ పరిధిలోకి రాని విద్యార్థులు మాత్రం గతేడాదిలో మెస్ బకాయిల్లో సగం చెల్లిస్తేనే మెస్ కార్డులు రెన్యూవల్ చేస్తున్నారు. అలాగే, క్యాంపస్లోని వివిధ విభాగాల్లోని రెగ్యులర్, ఎస్ఎఫ్సీ కోర్సుల వారికి కూడా హాస్టల్ వసతి కల్పిస్తున్నారు. కాగా, కోఎడ్యుకేషన్ ఇంజనీరింగ్ కళాశాలలో ఇప్పటికే విద్యార్థులకు వసతి కల్పించారు. సుబేదారిలోని ‘లా’ హాస్టల్స్లో కూడా వసతి కల్పిస్తున్నారు. మహిళా ఇంజనీరింగ్ విద్యార్థినులకు మాత్రం హాస్టల్ వసతి లేదు. 28తేదీ వరకు రెన్యూవల్ చేసుకోవాల్సిందే.. ఫైనల్ ఇయర్ విద్యార్థులు హాస్టల్ వసతి పొందేందుకు ఈనెల 28వతేదీ వరకు మాత్రమే మెస్ కార్డులు రెన్యూవల్కు గడువు ఉందని ఆ తరువాత వచ్చేవారికి మెస్ కార్డులు జారీ చేయబోమని కేయూ హాస్టళ్ల డైరెక్టర్ ఆచార్య సీహెచ్. రాజ్కుమార్ తెలిపారు. వివిధ కోర్సుల్లో ప్రవేశాలు పొంది హాస్టల్ వసతి కోసం దరఖాస్తులు చేసుకున్న విద్యార్థుల నుంచి అండర్ టేకింగ్ తీసుకుంటున్నారు. హాస్టళ్లలో ఉండే విద్యార్థులు యూనివర్సిటీ నియమ నిబంధనల ప్రకారం తరగతుల అటెండెన్స్ను కూడా మెయింటెనెన్స్ చేసుకోవాల్సింటుందని కూడా అందులో పేర్కొన్నారు.ఫస్టియర్ స్టూడెంట్లకు మెస్ కార్డులు ఫైనల్ ఇయర్ విద్యార్థులకు రెన్యూవల్ -
అధిక సాంద్రత పత్తి సాగు చేయాలి
మామునూరు/ సంగెం : అధిక సాంద్రత పద్ధతిలో పత్తి సాగు చేయడం వల్ల అధిక దిగుబడి, ఆదాయం పొందొచ్చని మామునూరు కృషి విజ్ఞాన కేంద్రం కోఆర్డినేటర్ డాక్టర్ రాజన్న, శాస్త్రవేత్త సౌమ్య అన్నారు. మంగళవారం గీసుకొండ మండలంలోని ఎలుకూర్తి హవేలీ, అనంతారం గ్రామాల్లోని అధిక సాంద్రత పద్ధతిలో సాగు చేసిన క్షేత్రాలను కేంద్రియ పత్తి పరిశోధన స్థానం నాగ్పూర్ శాస్త్రవేత్తలు శరవన్, డాక్టర్ హోంరాజ్ బృందం సందర్శించి పరిశీలించింది. ఈ సందర్భంగా వారు మాట్లాడుతూ అధిక సాంద్రత పద్ధతిలో పత్తి సాగు చేయడం వల్ల పంటకాలం త్వరగా పూర్తవడంతో గులాబీరంగు పురుగు ఉధృతి తట్టుకుటుందన్నారు. ఎకరాకు 12 నుంచి 15 క్వింటాళ్ల దిగుబడి వస్తుందన్నారు. కార్యక్రమంలో ఖిలా వరంగల్, గీసుకొండ వ్యవసాయాధికారులు రవీందర్రెడ్డి, హరిప్రసాద్, ఏఈఓ స్మిత, కేవీకే ప్రొఫెషనల్ హర్షరెడ్డి, సాయి, సుశ్రుత్, రైతులు పాల్గొన్నారు. ఇంటినుంచి వెళ్లగొట్టారు న్యాయం చేయండమ్మా.. ● అదనపు కలెక్టర్ను వేడుకున్న వృద్ధురాలు కాళోజీ సెంటర్ : తన కుమారుడు, కోడలు అక్రమంగా తన ఇంటిని రిజిస్ట్రేషన్ చేయించుకుని తనను వెళ్లగొట్టారని, దీనిపై స్పందించి న్యాయం చేయాలని పర్వతగిరి మండలం చింతనెక్కొండకు చెందిన కాసాని కొమురమ్మ.. అదనపు కలెక్టర్ సంధ్యారాణిని వేడుకుంది. ఈమేరకు మంగళవారం కలెక్టరేట్లో అదనపు కలెక్టర్ సంధ్యారాణిని కలిసి కుమారుడు, కోడలు కలిసి తనకు చేసిన అన్యాయాన్ని వివరించారు. గ్రామానికి చెందిన కాసాని కొమురమ్మ, చిన్న కొమురయ్య దంపతులకు ఇద్దరు కుమారులు ఉన్నారు. తన పేరు మీద తన భర్త కొమురయ్య గతంలో వర్ధన్నపేట సబ్ రిజిస్ట్రేషన్ కార్యాలయంలో ఇల్లు రిజిస్ట్రేషన్ చేయించాడు. దీనిని చిన్న కుమారుడు కాసాని మల్లికార్జున్, చిన్న కోడలు అమూల్య అక్రమంగా రిజిస్ట్రేషన్ చేయించుకొని తనను ఇంటి నుంచి వెళ్లగొట్టి రోడ్డున పడేశారని కన్నీరుమున్నీరుగా విలపించింది. దీనిపై స్పందించి తనకు న్యాయం చేయాలని అదనపు కలెక్టర్ను వేడుకుంది. -
ఖాతాదారును మోసగించి డబ్బులు డ్రా..
● బ్యాంకు మిత్రపై కేసు నల్లబెల్లి: బ్యాంకు ఖాతాదారును మోసగించి డబ్బులు డ్రా చేసుకున్న నల్లబెల్లి మండలంలోని గుండ్లపహాడ్కు చెందిన యూనియన్ బ్యాంకు మిత్ర పడాల రజితపై కేసు నమోదు చేసినట్లు ఏఎస్సై లక్ష్మారెడ్డి తెలిపారు. గ్రామానికి చెందిన గోనె ధనమ్మకు నర్సంపేట యూనియన్ బ్యాంకులో అకౌంట్ ఉంది. డబ్బులు అవసరం ఉన్నప్పుడు అదే గ్రామంలో యూనియన్ బ్యాంకు మిత్ర పడాల రజిత వద్దకు వెళ్తే వేలిముద్రతో డబ్బులు డ్రా చేసి ఇచ్చేది. ఈ క్రమంలో తన ఖాతాలో బ్యాలెన్స్ తెలుసుకునేందుకు గత మార్చి 31న రజిత వద్దకు వెళ్లింది. కాగా, ఆమె వేలిముద్ర తీసుకుని ఖాతాలో డబ్బులు నిల్వ లేవని చెప్పింది. మరోసారి జూన్ 6న వెళ్లగా వేలిముద్ర తీసుకుని కేవలం రూ.16 వందలు మాత్రమే ఇచ్చింది. తరువాత జూన్ 14, 15వ తేదీల్లో వెళ్లి ఖాతాల్లో బ్యాలెన్స్ చూడమని కోరగా మళ్ల్లీ వేలిముద్రలు తీసుకుని రికార్డులో సంతకాలు తీసుకుని డబ్బులు లేవని చెప్పింది. అయితే రైతుబంధు, ధాన్యం డబ్బులు తన బ్యాంకు ఖాతాలో జమకావాల్సి ఉండగా ఇంకా ఎందుకుకాలేదని అనుమానంతో గత నెల 30వ తేదీన నర్సంపేట యూనియన్ బ్యాంకుకు వెళ్లి అధికారులను సంప్రదించింది. మూడు విడతల్లో తనను మోసగించి తన ఽఖాతా నుంచి రూ.70 వేలు డ్రా చేసుకున్నట్లు గుర్తించింది. అనంతరం రజితపై పోలీస్ స్టేషన్లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు ఏఎస్సై తెలిపారు. -
ఆపన్న హస్తం అందించరూ!
పర్వతగిరి: అసలే నిరుపేద.. పని చేస్తేనే ఐదు వేళ్లు నోట్లికి వెళ్లేదే. లేదంటే పస్తులే. ఇంత దయనీయ పరిస్థితి అనుభవిస్తున్న ఆ ఇంటి పెద్దకు పెద్ద రోగం వచ్చింది. ఓ ప్రైవేట్ ఉద్యోగం చేస్తూ చాలీచాలని జీతంతో కుటుంబాన్ని ఎలగోలా నెట్టుకొస్తుండగా ... మూలిగే నక్కపై తాటి పండు పడిన చందంగా మాయదారి మహమ్మారి అతడిని పట్టి పీడిస్తోంది. దీంతో ఆ కుటుంబం దిక్కుతోచని స్థితిలో కొట్టుమిట్టాడుతోంది. ఇంటి పెద్దను కాపాడుకోవడానికి దాతల సాయం కోస వెయ్యి కండ్లతో ఎదురుచూస్తోంది. వివరాల్లోకి వెళ్తే.. వరంగల్ జిల్లా పర్వతగిరి మండలం కల్లెడ గ్రామానికి చెందిన బొంపెల్లి గోపాల్రావు హైదరాబాద్లో ప్రైవేట్ ఉద్యోగం చేస్తూ చాలీచాలని జీతంతో కుటుంబాన్ని పోషించుకుంటూ అద్దె ఇంట్లో ఉంటూ జీవనం కొనసాగిస్తున్నాడు. ఈ క్రమంలో గోపాల్రావు గుండెలో మూడు బ్లాకులు ఏర్పడ్డాయి. దీంతో బెలూన్స్ ద్వారా ఆపరేషన్ చేస్తేనే బతుకుతాడని వైద్యులు తెలిపారు. దీనికి ఆరోగ్యశ్రీ వర్తించదని, రూ.5లక్షల వరకు ఖర్చు అవుతుందని వివరించారు. దీంతో స్థానిక కాంగ్రెస్ నాయకులు వర్ధన్నపేట ఎమ్మెల్యే కేఆర్.నాగరాజు వద్దకు తీసుకెళ్లగా రూ.2.5లక్షల సీఎంఆర్ఎఫ్ ఎల్ఓిసీ ఇప్పించారు. ఇంకా రూ.2.5లక్షలు అవసరం కాగా ఆపరేషన్ చేయించుకోలేదు. దీనిపై దాతలు ముందుకు వచ్చి తనకు ఆర్థిక సాయం చేయాలని వేణుగోపాల్రావు, అతడి భార్య, కుటుంబీకులు వేడుకుంటున్నారు. దాతలు 94911 76210 నంబర్కు ఫోన్ పే, గూగుల్ పే ద్వారా లేదా కెనరా బ్యాంకు అకౌంట్ నంబర్ 110126379345, ఐఎఫ్ఎస్సీ నంబర్ సీఎన్ఆర్బీ0013607కు సాయం చేయాలని వేణుగోపాల్రావు, అతడి భార్య విజ్ఙప్తి చేస్తున్నారు. గుండె సంబంధిత వ్యాధితో బాధపడుతున్న వేణుగోపాల్రావు ఆపరేషన్కు వర్తించని ఆరోగ్యశ్రీ దాతల సాయం కోసం ఎదురుచూపు -
రూ. 1.94 లక్షల విలువైన ఎండుగంజాయి పట్టివేత
ఖానాపురం: రూ. 1.94లక్షల విలువైన 7.760 కిలోల ఎండు గంజాయిని పట్టుకున్నట్లు దుగ్గొండి సీఐ సాయిరమణ తెలిపారు. భద్రాద్రి కొత్తగూడెం జిల్లా దుమ్మగూడెం మండలంలోని మారయిగూడేనికి చెందిన అప్కా నాగేశ్వరరావు, కుంట మండలంలోని మారయిగూడేనికి చెందిన నుప కృష్ణ.. ఛత్తీస్గఢ్లో కొనుగోలు చేసిన ఎండు గంజాయిని మంగళవారం వరంగల్ బస్టాండ్, రైల్వే స్టేషన్లలో విక్రయించడానికి తీసుకెళుతున్నారు. ఈ సమయంలో ఎస్సై రఘుపతి బుధరావుపేటలో పెట్రోలింగ్ నిమిత్తం వెళ్తుండగా ఐనపల్లిలోని విజేత ఐటీఐ కళాశాల ఎదుట అనుమానాస్పద స్థితిలో కనిపించడంతో అదుపులోకి తీసుకుని తనిఖీ చేశారు. ఇందులో రూ. 1.94లక్షల విలువైన 7.760 కిలోల ఎండు గంజాయి లభించడంతో స్వాధీనం చేసుకుని అరెస్ట్ చేసి రిమాండ్కు తరలించారు. సమావేశంలో ఎస్సై రఘుపతి, సిబ్బంది సుమన్, రమేశ్, వీరస్వామి, రాజు, హోంగార్డు ఎర్రయ్య, తదితరులు పాల్గొన్నారు. సమస్యల పరిష్కారానికి పీఆర్టీయూ కృషి కేయూ క్యాంపస్: విద్యారంగ, ఉపాధ్యాయుల, అధ్యాపకుల సమస్యల పరిష్కారా నికి తనవంతు కృషిచేస్తానని పీఆర్టీయూ టీఎస్ రాష్ట్ర అధ్యక్షుడు, వరంగల్, నల్ల గొండ, ఖమ్మం జిల్లాల ఉపాధ్యాయ ఎమ్మెల్సీ అభ్యర్థి పింగిళి శ్రీపాల్రెడ్డి అన్నారు. మంగళవారం కాకతీయ యూనివర్సిటీలోని మహిళా ఇంజనీరింగ్ కళాశాల, ఎస్డీఎల్సీఈ, హనుమకొండలోని కాకతీయ ప్రభుత్వ డిగ్రీ కళాశాల, వరంగల్ కిట్స్, ఆశ్రమ పాఠశాలలను సందర్శించి ఓటరు నమోదుపై ప్రచారం నిర్వహించారు. పీఆర్టీయూ టీఎస్ ఉపాధ్యాయ ఎమ్మెల్సీ అభ్యర్థిగా ఎన్నికల బరిలో ఉండబోతున్నానని, తనకు మొదటి ప్రాధాన్యత ఓటువేసి గెలిపించాలని అభ్యర్థించారు. కార్యక్రమంలో పీఆర్టీయూటీఎస్ హనుమకొండ జిల్లా అధ్యక్షుడు మంద తిరుపతిరెడ్డి, జిల్లా జనరల్సెక్రటరీ పి. శ్రీహరి, బాధ్యులు అబ్దుల్గఫర్, దేవిరెడ్డి మాలకొండారెడ్డి, దండ కోమల్రెడ్డి, దయాకర్రెడ్డి, రొండ్ల భానుప్రసాద్రెడ్డి, విజయ్కుమార్, రాజేందర్, కరీంనగర్ జిల్లా మాజీ ప్రధాన కార్యదర్శి జాలి రాఘవరెడ్డి పాల్గొన్నారు. డమ్మీ తుపాకీతో బెదిరించిన వ్యక్తి అరెస్ట్దామెర: డమ్మీ తుపాకీతో బెదిరించి డబ్బులు వసూళ్లకు పాల్పడిన వ్యక్తిని దామెర పోలీసులు అరెస్ట్ చేసి రిమాండ్కు తరలించారు. ఈ మేరకు మంగళవారం పరకాల ఏసీపీ కిశోర్కుమార్.. దామెర పీఎస్లో నిర్వహించిన విలేకరుల సమావేశంలో వివరాలు వెల్లడించారు. ఖమ్మం జిల్లా కొణిజర్ల మండలం పల్లిపాడుకు చెందిన రాయల వెంకటేశ్వర్లు 2006లో ప్రజాప్రతిఘటన పార్టీలో కొరియర్గా పనిచేసి 2007లో ఖమ్మం ఎస్పీ ఎదుట లొంగిపోయాడు. తరువాత ఈజీగా డబ్బులు సంపాదించాలనే ఆలోచనతో హైదరాబాద్లో డమ్మీ తుపాకీ కొనుగోలు చేసి బెదిరించి డబ్బులు వసూలు చేయాలని నిర్ణయం తీసుకున్నాడు. ఇందులో భాగంగా ఈ నెల 21న దామెర మండలం ఊరుగొండకు చేరుకుని అర్ధరాత్రి 12 గంటలకు కందికొండ సంపత్ కిరాణాషాపునకు వెళ్లి షట్టర్ కొట్టి లేపాడు. అనంతరం డమ్మీ తుపాకీ చూపించి రూ. రెండు వేలు తీసుకున్నాడు. వెంటనే తేరుకున్న సంపత్.. వెంకటేశ్వర్లును పట్టుకొని కేకలు వేయడంతో చుట్టుపక్కలవారు వచ్చారు. డయల్ 100కు కాల్ చేయగా పోలీసులు అదుపులోకి తీసుకొని విచారించారు. అనంతరం వెంకటేశ్వర్లుపై కేసు నమోదుచేసి మంగళవారం రిమాండ్కు తరలించినట్లు పేర్కొన్నారు. వెంకటేశ్వర్లు గతంలో ఉమ్మడి ఖమ్మం జిల్లాలో పలు నేరాలకు పాల్పడగా పోలీసులు అతడిపై 15 కేసులు నమోదుచేసినట్లు ఏసీపీ పేర్కొన్నారు. ఏసీపీ వెంట పరకాల రూరల్ సీఐ రంజిత్ రావు, దామెర ఎస్సై కొంక అశోక్, ఏఎస్సై రమేశ్, సిబ్బంది ఉన్నారు. అథ్లెటిక్స్ ఎంపిక పోటీలు వాయిదా వరంగల్ స్పోర్ట్స్: ఉమ్మడి వరంగల్ జిల్లా స్థాయి అండర్–19 బాలబాలికల అథ్లెటిక్స్ ఎంపిక పోటీలను అనివార్య కారణాలతో వాయిదా వేసినట్లు ఎస్జీఎఫ్ అండర్–19 కార్యదర్శి, డీవైఎస్ఓ గుగులోత్ అశోక్కుమార్ మంగళవారం ఒక ప్రకటనలో తెలిపారు. 25వ తేదీన నిర్వహించాల్సిన ఈ పోటీలు తిరిగి ఎప్పుడు నిర్వహించేది త్వరలో ప్రకటిస్తామని పేర్కొన్నారు. కొండచిలువ కలకలం ఎంజీఎం : ఎంజీఎం ఎదుట ఉన్న ఐఎంఏ హాల్ సమీపంలోని ఏటీఎం వద్ద అర్ధరాత్రి కొండ చిలువ కలకలం సృష్టించింది. కొండ చిలువ కనబడడంతో సిబ్బంది అప్రమత్తమై వెంటనే స్నేక్ క్యాచర్కు సమాచారం ఇచ్చారు. దీంతో అతడు వచ్చి కొండ చిలువ పట్టుకోవడం అందరూ ఊపిరిపీల్చుకున్నారు. -
నూనెగింజల సాగుకు ముందుకు రావాలి
దంతాలపల్లి: ప్రత్యామ్నాయ పంటల సాగులో భాగంగా రైతులు నూనె గింజల పంటల సాగుకు ముందుకు రావాలని ఉమ్మడి వరంగల్ జిల్లా ఎఫ్ఎస్ఎం కన్సల్టెంట్ సారంగం, టెక్నికల్ అసిస్టెంట్ రవి అన్నారు. ప్రత్యామ్నాయ పంటల సాగులో భాగంగా మంగళవారం మండలంలోని పలు గ్రామాల్లో పొద్దుతిరుగుడు విత్తనాలను పంపిణీ చేశారు. ఈ సందర్భంగా వారు మాట్లాడుతూ నూనె గింజల సాగులో రైతులకు అధిక మొత్తంలో దిగుబడి పెంచడానికి పొద్దుతిరుగుడు దోహదపడుతుందన్నారు. అనంతరం క్షేత్ర స్థాయిలో వేరుశనగ పంటను పరిశీలించి రైతులకు పలు సలహాలు, సూచనలు అందించారు. కార్యక్రమంలో మండల వ్యవసాయ అధికారి వాహిని, విస్తరణ అధికారులు దీక్షిత్, ఉదయ్ కిరణ్, శిరీష, రైతులు పాల్గొన్నారు. -
రాష్ట్ర స్థాయి చెస్ పోటీలు ప్రారంభం
వరంగల్ స్పోర్ట్స్: తెలంగాణ చెస్ అసోసియేషన్ సహకారంతో వరంగల్ జిల్లా చెస్ ఫెడరేషన్ ఆధ్వర్యంలో హనుమకొండలోని పబ్లిక్గార్డెన్ సమీపంలోని టీటీడీ కల్యాణ మండపంలో మంగళవారం రాష్ట్ర స్థాయి చదరంగ పోటీలు అట్టహాసంగా ప్రారంభమయ్యాయి. ఇండియన్ రెడ్క్రాస్ కమిటీ సభ్యు డు ఈవీ శ్రీనివాసరావు ముఖ్య అతిథిగా హాజరై పోటీలు ప్రారంభించారు. ఈ సందర్భంగా ఆయన మాట్లాడుతూ క్రీ డాకారులు అర్జున్ను ఆదర్శంగా తీసుకోవాలని సూచించా రు. ఆటలో ఏకాగ్రత, పట్టుదల నిలుపుకున్నప్పుడే లక్ష్యం చేరుకుంటారన్నారు. టోర్నమెంట్ల నిర్వహణతో క్రీడాకారుల్లోని ప్రతిభ వెలుగులోకి వస్తుందన్నారు. టోర్నమెంట్ నిర్వాహకుడు కన్నా మాట్లాడుతూ రాష్ట్ర వ్యాప్తంగా వంద మంది పాల్గొన్నారని, ఇందులో ప్రతిభ కనబరిచిన క్రీడాకారులలో నలుగురు బాలికలు, నలుగురు బాలురను జాతీయ స్థాయి పోటీలకు ఎంపిక చేయనున్నట్లు తెలిపారు. రెజ్లింగ్ అసోసియేషన్ జిల్లా అధ్యక్షుడు రాజ్కుమార్, ఆర్బిటర్లు సాయిప్రదీప్, శ్రీనివాస్, ప్రేమ్సాగర్, వైశాలి పాల్గొన్నారు. -
వేర్వేరు కారణాలతో నలుగురి మృతి
సొంత వైద్యం వికటించి యువతి.. భూపాలపల్లి అర్బన్: సొంత వైద్యం వికటించి ఓ యువతి మృతి చెందింది. ఈ ఘటన భూపాలపల్లి మున్సిపాలిటీ పరిధిలోని గడ్డిగానిపల్లిలో మంగళవారం వెలుగులోకి వచ్చింది. భూపాలపల్లి జిల్లా కేంద్రంలో పారామెడికల్ శిక్షణ పొందుతున్న దుర్గం అంజలి (17) మృతి చెందింది. పోలీసుల కథనం ప్రకారం.. గ్రామానికి చెందిన దుర్గం తిరుపతి, రాజశ్రీ దంపతులకు ఇద్దరు కూతుళ్లు ఉన్నారు. తిరపతి లారీ డ్రైవర్గా పనిచేస్తూ కుటుంబాన్ని పోషించుకుంటున్నాడు. పెద్ద కూతురు అంజలి జిల్లా కేంద్రంలోని ఓ ప్రైవేట్ ఓకేషనల్ శిక్షణ కేంద్రంలో ఎంపీహెచ్డబ్ల్యూ (మల్టీ పర్పస్ హెల్త్ వర్కర్) పూర్తి చేసింది. ఏడాది క్రితం నుంచి జిల్లా కేంద్రంలోని ప్రభుత్వ జనరల్ ఆసుపత్రిలో ఎంపీహెచ్డబ్ల్యూ అప్రెంటీస్ చేస్తోంది. రెండు రోజుల నుంచి జ్వరం రావడంతో దానికి సంబంధించిన మాత్రలు వేసుకుంది. శరీరం నీరసంగా ఉండడంతో సొంతంగా ఇంట్లోనే సోమవారం సాయంత్రం గ్లూకోజ్ ఎక్కుంచుకుంది. అయితే గ్లూకోజ్లో ఏదో ఇంజెక్షన్ కలుపుకోవడమే కాకుండా త్వరగా అయిపోవాలనే ఉద్దేశంతో ఎక్కువ మోతాదు పెంచుకుంది. దీంతో గ్లూకోజ్ వికటించడంతో స్పృహ కోల్పోయింది. ఈ క్రమంలోనే వెంటనే ప్రభుత్వ ఆసుపత్రికి తరలించి ప్రాథమిక చికిత్స అందించారు. అనంతరం మెరుగైన వైద్యం కోసం వరంగల్ ఎంజీఎంకు తరలిస్తున్న క్రమంలోనే మార్గమధ్యలో రాత్రి 12.30 గంటలకు మృతి చెందింది. మృతురాలి తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు భూపాలపల్లి సీఐ నరేశ్ కుమార్ తెలిపారు. రోడ్డు ప్రమాదంలో యువకుడు.. మరిపెడ రూరల్ : మరి పెడ మండలం బుర్హాన్పురం గ్రామానికి చెందిన ఆబోతు ప్రశాంత్ (29) సోమవారం రాత్రి జరిగిన రోడ్డు ప్రమాదంలో మృతి చెందాడు. వివరాలు ఇలా ఉన్నాయి.. ప్రశాంత్ తన అత్తగారు ఊరు తొర్రూరు మండలం అమ్మపురం గ్రామానికి ద్విచక్రవాహనంపై సూర్యాపేట జిల్లా మద్దిరాల మండలం మీదుగా వెళ్తున్నాడు. ఈ క్రమంలో మద్దిరాల మండలం గోరెంట్ల సమీపంలో గుర్తుతెలియని వాహనం ప్రశాంత్ ద్విచక్రవాహనాన్ని ఢీకొంది. ఈ ఘటనలో ప్రశాంత్ అక్కడికక్కడే మృతి చెందాడు. మృతుడికి భార్య, 9 నెలల కుమారుడు ఉన్నారు. విద్యుదాఘాతంతో రైతు.. గూడూరు: విద్యుదాఘాతంతో వ్యవసాయ బావిలో పడి ఓ రైతు మృతి చెందాడు. ఈ ఘటన మండలంలోని శ్రీహనుమాన్తండా శివారు బోరింగ్ తండాలో జరిగింది. పోలీసుల కథనం ప్రకారం.. తండాకు చెందిన బానోతు రాంజీ (60) సోమవారం ఉదయం వరి పొలానికి నీరు పారించడానికి వ్యవసాయ బావి వద్దకు వెళ్లాడు. అక్కడ విద్యుత్ వైర్ తగిలి పక్కనే ఉన్న వ్యవసాయ బావిలో పడి మృతి చెందాడు. రాత్రి వరకూ రాంజీ ఇంటికి రాకపోవడంతో కొడుకు శ్రీను, మృతుడి భార్య రంగి కలిసి బావి వద్ద చూశారు. ఏదో ప్రమాదం జరిగి ఉండొచ్చని గుర్తించిన కొడుకు వెంటనే బావిలోకి దిగి చూడగా మృతిచెంది కనిపించాడు. ఈ ఘటనపై కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు మంగళవారం తెలిపారు. రైలు నుంచి జారి పడి వ్యక్తి.. కాశిబుగ్గ: రైలు నుంచి జారి పడి ఓ వ్యక్తి మృతి చెందాడు. ఈ ఘటన వరంగల్ రైల్వే స్టేషన్లో చోటుచేసుకుంది. జీఆర్పీ సీఐ సురేందర్ కథనం ప్రకారం.. పెద్దపల్లి జిల్లా, మండలం పెద్ద కల్వలకు చెందిన కల్వల వెంకటేశ్(33) హోమ్ కేర్ సర్వీసెస్లో పని చేస్తున్నాడు. సోమవారం అర్ధరాత్రి డోర్నకల్, కాజీపేట మెమో ఎక్స్ప్రెస్ రైలు(07754)ను వరంగల్ రైల్వే స్టేషన్లో 2, 3 ప్లాట్ఫామ్ మధ్య ఎక్కుతూ జారి రైలు, ప్లాట్ఫామ్ మధ్యలో పడ్డాడు. దీంతో అక్కడికక్కడే మృతి చెందాడు. ఈఘటనపై డిప్యూటీ ఎస్ఎస్ ఫిర్యాదు మేరకు హెడ్ కానిస్టేబుల్ సుదర్శన్ కేసు నమోదు చేసి మృతదేహానికి పోస్టుమార్టం నిర్వహించి మృతుడి బంధువులు భాస్కర్, మనోజ్కు అప్పగించామని జీఆర్పీ సీఐ సురేందర్ తెలిపారు. ఉమ్మడి వరంగల్ జిల్లాలో వేర్వేరు కారణాలతోనలుగురు మృతి చెందారు. సొంత వైద్యం వికటించి యువతి, రోడ్డు ప్రమాదంలో యువకుడు, విద్యుదాఘాతంతో రైతు, రైలు నుంచి జారిపడి వ్యక్తి మృతిచెందారు. -
విద్యార్థి వ్యతిరేక విధానాలపై ఉద్యమించాలి
మహబూబాబాద్ అర్బన్: కేంద్రంలో మోదీ, రాష్ట్రంలో రేవంత్రెడ్డి ప్రభుత్వాలు అనుసరిస్తున్న విద్యార్థి వ్యతిరేక విధానాలపై సంఘటితంగా ఉద్యమించాలని పీడీఎస్యూ రాష్ట్ర ఉపాధ్యక్షుడు బి.నర్సింహరావు అన్నారు. జిల్లా కేంద్రంలోని సంఘ కార్యాలయంలో మంగళవారం జనరల్బాడీ సమావేశం నిర్వహించారు,. ఈ సందర్భంగా బి. నర్సింహరావు మాట్లాడుతూ.. కేంద్ర, రాష్ట్ర ప్రభుత్వాలు విద్యారంగ అభివృద్ధికి సరిపడా నిధులు కేటాయించకుండా నిర్లక్ష్యం వహిస్తున్నాయన్నారు. రాష్ట్రంలో మూడు సంవత్సరాలుగా స్కాలర్షిప్లు, ఫీజు రీయింబర్స్మెంట్ విడుదల చేయకపోవడంతో విద్యార్థులు ఆర్థికపరమైన ఇబ్బందులు పడుతున్నారన్నారు. గ్రూప్–1 ఉద్యోగానికి ప్రధాన అడ్డంకిగా మారిన జీఓ నంబర్ 29ని తక్షణమే రద్దు చేసి జీఓ నంబర్ 55 ప్రకారం నియామకాలు చేపట్టాలన్నారు. లేనిపక్షంలో ఐక్య విద్యార్థి సంఘాలతో ఉద్యమాలు నిర్వహిస్తామన్నారు. అనంతరం 13 మందితో జిల్లా కమిటీని ఏకగ్రీవంగా ఎన్నుకున్నారు. ఈ సమావేశంలో జిల్లా అధ్యక్షుడు ఉదయ్, నందీశ్వర్, ప్రధాన కార్యదర్శి గౌతమ్, సహాయ కార్యదర్శి రామ్చరణ్, కోశాధికారి గణేష్, జిల్లా కార్యవర్గ సభ్యులు పాల్గొన్నారు. -
డ్రంకెన్ డ్రైవ్లో పట్టుబడిన వారికి సమాజసేవ శిక్ష
వరంగల్ క్రైం: డ్రంకెన్ డ్రైవ్లో పట్టబడిన 107 మందిని కోర్టులో హాజరుపరుచగా 100 మందికి రూ. 1,42,400 జరిమానా విధించి ఏడుగురికి రెండు రోజులు సమాజసేవ చేయాలని న్యాయమూర్తి కె. విద్యాసాగర్ శిక్ష విధించినట్లు వరంగల్ ట్రాఫిక్ ఏసీపీ సత్యనారాయణ తెలిపారు. రెండు రోజులు సమాజ సేవ చేయాలని పుట్ట శ్రీను, రేవోజు శ్రీని వాస్, మున్నా అలం, జల్లి యాకూబ్, మట్టుపల్లి శివ, కు మ్మరి శ్రీకాంత్, అన్నారపు కిషన్ను కోర్టు ఆదేశించింది. దీంతో తీర్పుననుసరించి కాజీపేట సర్కిల్ మున్సిపల్ కమిషనర్, హనుమకొండ మున్సిపల్ కమిషనర్ ఎదుట హాజరుపరిచినట్లు ట్రాఫిక్ ఏసీపీ తెలిపారు. లైసెన్స్ లేకుండా వాహనం నడిపిన 14 మందికి రూ. 12 వేల జరిమానా విధించినట్లు ట్రాఫిక్ ఏసీపీ పేర్కొన్నారు. -
అభివృద్ధిపై దృష్టి సారించాలి
● కలెక్టర్ అద్వైత్కుమార్సింగ్ డోర్నకల్: మున్సిపాలిటీల అభివృద్ధిపై అధికారులు దృష్టి సారించాలని కలెక్టర్ అద్వైత్కుమార్సింగ్ ఆదేశించారు. డోర్నకల్ మున్సిపాలిటీ పరిధిలోని యాదవనగర్, శాంతినగర్, గాంధీసెంటర్, బైపాస్ రోడ్డులో మంగళవారం పర్యటించిన కలెక్టర్ తెలంగాణ అర్బన్ ఫైనాన్స్ మౌలిక వసతుల కల్పన ద్వారా మంజూరైన నిధులతో చేపట్టాల్సిన పనుల గురించి స్థానిక అధికారులతో చర్చించారు. మున్సిపాలిటీ పరిధిలో అవసరమైన ప్రాంతాల్లో చేపట్టాల్సిన పనులపై ప్రతిపాదనలను సిద్ధం చేయాలని ఇంజనీరింగ్ విభాగం అధికారులను ఆదేశించారు. మున్సిపాలిటీ పరిధిలో ప్రజలకు ఎలాంటి ఇబ్బందులు కలగకుండా అంతర్గత రోడ్లు, డ్రెయినేజీల నిర్మాణ పనులు చేపట్టాలని సూచించారు. పచ్చదనం, పరిశుభ్రత, ఆరోగ్యం, తడిపొడిచెత్త, తదితర అంశాలపై ప్రజలకు అవగాహన కల్పించాలని ఆదేశించారు. మున్సిపల్ కమిషనర్ నరేష్రెడ్డి, వైస్ చైర్మన్ కేశబోయిన కోటిలింగం, డిప్యూటీ తహసీల్దార్ వీరన్న, ఎంపీడీఓ శ్రీనివాసనాయక్, సిబ్బంది పాల్గొన్నారు. -
స్వామివారికి గజవాహన సేవ
గార్ల: మండలంలోని మర్రిగూడెం వేట వేంకటేశ్వరస్వామి బ్రహ్మోత్సవాలను పురస్కరించుకొని మంగళవారం స్వామివారికి దోపోత్సవం, గజవాహన సేవ, చక్రస్నానం కార్యక్రమాలను వేదపండితుల మంత్రోచ్ఛరణల మధ్య ఘనంగా నిర్వహించారు. వెంకటేశ్వరస్వామి సమేత శ్రీదేవి, భూదేవి ఉత్సవ విగ్రహాలను ప్రత్యేకంగా అలంకరించిన గజవాహనంపై ప్రతిష్టించి దేవాలయం చుట్టూ మేళతాళాల నడుమ ప్రదక్షిణలు చేయించారు. అనంతరం దోపోత్సవం, దేవాలయం ప్రాంగణంలోని కోనేటిలో స్వామివారికి చక్రస్నానం ఘనంగా నిర్వహించారు. ఆలయ ఈఓ సమత, భూక్య కస్నానాయక్ దంపతులు, అర్చకులు అచ్చుతాచార్యులు, గోవింద్చార్యులు, వెంకన్నచార్యులు పాల్గొన్నారు. -
కలిసికట్టుగా పనిచేసి వ్యాధులను అరికట్టాం
● డీఎంహెచ్ఓ మురళీధర్ తొర్రూరు: గ్రామీణ ప్రాంతాలు, గిరిజన తండాల్లో విధులు నిర్వర్తిస్తున్న వైద్య అధికారులు, సిబ్బంది నుంచి మండల, జిల్లా అధికారుల వరకు కలిసికట్టుగా పనిచేసి సీజనల్ వ్యాధులను అరికట్టామని డీఎంహెచ్ఓ మురళీధర్ అన్నారు. మంగళవారం డివిజన్ కేంద్రంలోని ప్రాథమిక ఆరోగ్య కేంద్రంలో సమీక్ష సమావేశం నిర్వహించారు. ముఖ్య అతిథిగా డీఎంహెచ్ఓ హాజరై మాట్లాడారు. మూడు నెలలుగా గ్రామాలు, గిరిజన తండాల్లో ఇంటింటా సర్వే చేసి ఆరోగ్య సమస్య వస్తే వెంటనే వైద్యం అందించినట్లు తెలిపారు. సీజనల్ వ్యాధులను కట్టడి చేసినట్లు చెప్పారు. గర్భిణులు, బాలింతల ఆరో గ్యంపై నిరంతరం అప్రమత్తంగా ఉండాలని సూ చించారు. కార్యక్రమంలో డాక్టర్లు సారంగం, నాగేశ్వర్రావు, సుధీర్రెడ్డి, ప్రసాద్, రవీందర్రావు, రా మకృష్ణ, శ్రీరామ్, జ్వలిత, థరవి, చైతన్య, ప్రియాంక, నందనదేవి, శారద, మీరాజ్ పాల్గొన్నారు. -
జిల్లా అధ్యక్షుడిగా గండి వీరేందర్గౌడ్
నెహ్రూసెంటర్: బీసీ రాజ్యాధికార సమితి జిల్లా అధ్యక్షుడిగా చిన్నగూడూరు మండలానికి చెందిన గండి వీరేందర్గౌడ్ను ఆ సంఘం రాష్ట్ర అధ్యక్షుడు దాసు సురేష్ మంగళవారం ప్రకటించారు. జిల్లా వర్కింగ్ ప్రెసిడెంట్గా పెద్దకాసు కుమారస్వామియాదవ్ను నియమించారు. ఈ మేరకు సంఘం కేంద్ర కార్యాలయంలో నియామక పత్రాలు అందజేశారు. ఈ సందర్భంగా వీరేందర్గౌడ్ మాట్లాడుతూ.. బీసీ రాజ్యాధికారం కోసం పోరాటాలు నిర్వహిస్తామని తెలిపారు. తన నియామకానికి కృషి చేసిన సంఘం రాష్ట్ర అధ్యక్షుడు దాసు సురేష్, రాష్ట్ర కార్యదర్శి ముంజాల రాజేందర్గౌడ్కు కృతజ్ఞతలు తెలిపారు. -
కళాకారులను ఆదుకోవాలి
● వస్తాద్ బిస్మిల్లాఖాన్ అవార్డు గ్రహీత ఒగ్గు రవి లింగాలఘణపురం: కళ బతకాలంటే కళాకారులు బతకాలి.. అందుకే కళాకారులను ఆదుకో వాలని వస్తాద్ బిస్మిల్లాఖాన్ అవార్డు గ్రహీత ఒ గ్గు రవి అన్నారు. భారత ప్రభుత్వం సాంస్కృతిక శాఖ, సంగీత నాటక అకాడమీ ఆధ్వర్యాన ఈనెల 15 నుంచి 21 వరకు న్యూఢిల్లీలో జరి గిన అంతర్జాతీయ నృత్యమహోత్సవంలో ఆ యన తెలంగాణ జానపద కళలపై వివరించా రు. ‘జానపద కళలు.. గురుశిష్యుల పరంపర’ అనే అంశంపై చర్చించారు. రవి మాట్లాడుతూ .. కళాకారులకు ఆరోగ్య, జీవిత బీమా సదుపాయంతోపాటు శిక్షణ తరగతులు, ప్రదర్శనలకు తగిన వనరులు కల్పించాలన్నారు. మధుర ఎంపీ హేమామాలిని, ఎస్ఎన్ఏ చైర్మన్ సంధ్యాపురేశ్చా, సెక్రెటరీ రాజుదాసు పాల్గొన్నారు. -
పేకాట స్థావరంపై టాస్క్ఫోర్స్ దాడి
● 12 మంది అరెస్ట్, ఏడుగురు పరార్ ● రూ.1,29,540 నగదు, 6 సెల్ఫోన్లు స్వాధీనం పాలకుర్తి టౌన్: పాలకుర్తి మండలం బమ్మెర శివారులో పేకాట స్థావరంపై మంగళవారం టాస్క్ఫోర్స్, స్థానిక పోలీసులు దాడి చేసి 12 మందిని అరెస్ట్ చేసి వారి నుంచి రూ.1,29,540 నగదు, 6 సెల్ఫోన్లు స్వాధీనం చేసుకుని కేసు నమోదు చేసినట్లు టాస్క్ఫోర్స్ ఏసీపీ మధుసూదన్ తెలిపారు. మరో ఏడుగురు పరారీలో ఉన్నట్లు తెలిపారు. పట్టుబడిన వారిలో వరంగల్కు చెందిన నిమ్మల రాజ్కుమార్, అకుల రాజేందర్, కలకుంట శ్యామ్, మూల కు మారస్వామి, పోశాల సతీష్, రెడ్డి సదానందం, తారల రాజ్కుమార్, బండి నాగరాజ్, ఎండి.మహబూబ్, నలగిరి యాకయ్య, రాజు, పాలకుర్తికి చెందిన బండి నాగరాజ్, గుంజె రాజు, తార సోమన్న, బాదావత్ తిరుపతి, ఎండి. గౌ స్, అజహరుద్దీన్, షాషా, ఎద్దు రాజశేఖర్ ఉన్నారు. ఈ దాడిలో స్థానిక ఎస్సై లింగారెడ్డి, టాస్క్ఫోర్స్ ఎస్సైలు, రంజిత్కుమార్ పాల్గొన్నట్లు పేర్కొన్నారు. -
ప్రజాసేవలో పోలీసుల ముందంజ
మహబూబాబాద్ రూరల్: ప్రజాసేవలో పోలీసులు ముందంజలో ఉంటారని, సమాజంలో ప్రతీ ఒక్కరికి పోలీసుల సేవలు అవసరమని ఎస్పీ సుధీర్ రాంనాథ్ కేకన్ అన్నారు. పోలీసు అమరవీరుల వారోత్సవాల్లో భాగంగా మంగళవారం రాత్రి మహబూబాబాద్ టౌన్ పోలీస్ స్టేషన్ నుంచి నెహ్రూ సెంటర్, అక్కడి నుంచి మోడల్ మార్కెట్ మీదుగా అంబేడ్కర్ విగ్రహం, కోర్టు సెంటర్ వరకు కొవ్వొత్తుల ర్యాలీ నిర్వహించారు. పోలీసు అమరవీరులను స్మరించుకుంటూ.. వారి త్యాగాలు, సేవల గురించి ప్రజలకు తెలియజేస్తూ ర్యాలీ చేపట్టారు. ఈ సందర్భంగా ఎస్పీ మాట్లాడుతూ.. పోలీసుల సేవలు ప్రతీ ఒక్కరికి ఏదో ఒక సందర్భంలో అవసరం వస్తాయన్నారు. పోలీసులు ప్రజారక్షణ కోసం పనిచేయాల్సి వస్తుందన్నారు. ఇందులో త్యాగాలు కూడా ఉంటాయని, 24 గంటలపాటు ప్రజాసేవ కోసం ముందుండి రక్షణ కల్పించేది ఒక్క పోలీసుశాఖ మాత్రమే అన్నారు. వ్యక్తిగతంగా ఎన్ని ఇబ్బందులున్నా.. వాటిని దిగమింగుతూ ఎంతో మంది ఇప్పటికీ విధులు నిర్వహిస్తూనే ఉన్నారని, వారి త్యాగాలను ఎప్పటికీ మర్చిపోకూడదని పేర్కొన్నారు. కార్యక్రమంలో డీఎస్పీ తిరుపతిరావు, సీఐలు, ఆర్ఐలు, ఎస్సైలు, ఆర్ ఎస్సైలు, పోలీసు సిబ్బంది, ప్రజలు, విద్యార్థులు పాల్గొన్నారు. ఎస్పీ సుధీర్ రాంనాథ్ కేకన్ పోలీసు అమరవీరులను స్మరిస్తూ కొవ్వొత్తుల ర్యాలీ -
ప్రాంగణ నియామకాల్లో విద్యార్థినుల ఎంపిక
కేయూ క్యాంపస్: కాకతీయ యూనివర్సిటీలోని మహిళా ఇంజనీరింగ్ కళాశాలకు చెందిన 10 మంది విద్యార్థినులు ప్రాంగణ నియమాకాల్లో ఎంపికయ్యారు. హైదరాబాద్లోని ట్రాక్ 3డి.ఏఐఇ సంస్థలో నియామకాలు జరిగినట్లు ఆ కళాశాల ప్రిన్సిపాల్ డాక్టర్ కె.భిక్షాలు మంగళవారం తెలిపారు. వార్షిక వేతనం ఒక్కొక్కరికి రూ.7లక్షలు ఉంటుందన్నారు. ప్రాంగణ నియామకాలు పొందిన వారిలో అక్షిత, ఉదారి చిన్నారి, నవవోని శృతి, మౌనికా రెడ్డి, వేల్పుల జాహ్నవి, పసునుటి లక్ష్మి, ఎం.చందన, కందుల మేఘన, భూక్య మైబు, జన్ను సౌమ్య ఉన్నారని తెలిపారు. వీరిని మంగళవారం క్యాంపస్లో వీసీ ఆచార్య కె.ప్రతాప్రెడ్డి, రిజిస్ట్రార్ ఆచార్య పి.మల్లారెడ్డి అభినందించారు. -
విద్యార్థులకు మెరుగైన సేవలందించాలి
డోర్నకల్: ప్రభుత్వ హాస్టళ్లు, బాలికల పాఠశాలలు, వసతి గృహాల ద్వారా విద్యార్థులకు మెరుగైన సేవలందించాలని అడిషనల్ కలెక్టర్ లెనిన్ వత్సల్ టొప్పో ఆదేశించారు. మంగళవారం మైనారిటీ గురుకుల బాలికల పాఠశాలను ఆయన సందర్శించారు. వంటగది, తరగతి గదులు, బాలికల పడక గదులను పరిశీలించి ప్రిన్సిపాల్ రిజ్వానా, బాలికలతో మాట్లాడారు. పాఠశాల భవనం పక్కన మురికి గుంతను తొలగించేందుకు చర్యలు చేపట్టాలని మున్సిపాలిటీ సిబ్బందిని ఆదేశించారు. ఎస్సీ, ఎస్టీ బాలుర హాస్టళ్లను తనిఖీ చేసి వంటగది, టాయిలెట్లు, తాగునీటి వసతిని పరిశీలించి హాస్టల్ వార్డెన్ స్వామితో మాట్లాడారు. జెడ్పీ సెంటర్లోని లైబ్రరీని తనిఖీ చేసి అందుబాటులో ఉన్న పుస్తకాలు, వసతులను తనిఖీ చేశారు. లైబ్రరీలో చదువుకుంటున్న గ్రూప్స్ అభ్యర్థులతో మాట్లాడారు. లైబ్రరీలో అవసరమైన వసతులను సమకూరుస్తామని తెలిపారు. కార్యక్రమంలో మున్సిపల్ కమిషనర్ నరేష్రెడ్డి, ఇన్చార్జ్ తహసీల్దార్ వీరన్న, ఎంపీడీఓ శ్రీనివాసనాయక్, ఆర్ఐ యాసీన్, మున్సిపల్ సిబ్బంది పాల్గొన్నారు. రేపు జాబ్మేళామహబూబాబాద్: క్రెడిట్ ఆక్సెస్ గ్రామీణ్ లిమిటెడ్ కంపెనీ హైదరాబాద్ వారి ఆధ్వర్యంలో ఈనెల 24న జిల్లా ఉపాధి కార్యాలయంలో జాబ్మేళా నిర్వహించనున్నట్లు ఇన్చార్జ్ జిల్లా ఉపాధి అధికారి రజిత మంగళవారం ఒక ప్రకటనలో పేర్కొన్నారు. ఇంటర్ పూర్తి చేసినవారు, ఐటీఐ విద్యార్హతతో పాటు డ్రైవింగ్ లైసెన్స్ ఉన్న వారు ఆపైన విద్యార్హత కలిగిన అభ్యర్థులు ఉద్యోగాలకు అర్హులన్నారు. పురుష అభ్యర్థుల వయస్సు 18నుంచి28 మధ్య, మహిళా అభ్యర్థుల వయస్సు 18నుంచి35 సంవత్సరాలలోపు ఉండాలన్నారు. ఎంపికై న అభ్యర్థులకు ఉచిత వసతి కల్పిస్తారని తెలిపారు. కార్యాలయంలో 24వ తేదీన ఉదయం 10.30 నుంచి మధ్యాహ్నం 2గంటల వరకు జాబ్మేళా నిర్వహించనున్నట్లు పేర్కొన్నారు. వివరా ల కోసం సంస్థ హెచ్ఆర్ ప్రశాంత్ 8523098024నంబర్లోసంప్రదించాలన్నారు. ఆదర్శ గ్రామాలుగా తీర్చిదిద్దేందుకు కృషి తొర్రూరు రూరల్: పాలకుర్తి నియోజకవర్గంలోని గ్రామాలు, గిరిజన తండాలను ఆదర్శవంతంగా తీర్చిదిద్దేందుకు కృషి చేస్తున్నట్లు ఎమ్మెల్యే మామిడాల యశస్వినిరెడ్డి అన్నారు. మంగళవారం హైదారాబాద్లోని ఎమ్మెల్యే క్యాంపు కార్యాలయంలో ఆయా గ్రామాల కాంగ్రెస్ పార్టీ నాయకులు, కార్యకర్తలతో గ్రామాల అభివృద్ధిపై సమీక్షించారు. ఈ సందర్భంగా ఎమ్మెల్యే మాట్లాడుతూ.. ఎన్నికల సమయంలో కాంగ్రెస్ పార్టీ ఇచ్చిన హామీలను అమలు చేస్తూ, గ్రామాలు, గిరిజన తండాల్లో నెలకొన్న సమస్యలను గుర్తించి ప్రభుత్వానికి ప్రతిపాదనలు పంపించి నిధుల మంజూరుకు కృషి చేస్తానన్నారు. కార్యక్రమంలో ఆయా గ్రామాలకు చెందిన నాయకులు దేవేందర్రాజు, దీకొండ శ్రీనివాస్, మల్లేష్, సోమన్న పాల్గొన్నారు. నిబంధనలు ఉల్లంఘిస్తే చర్యలు గార్ల: ప్రభుత్వ నిబంధనలు ఉల్లంఘించి ఎరువుల, పురుగుమందులు విక్రయిస్తే దుకాణం లైసెన్స్ రద్దు చేస్తామని డీఏఓ జయనిర్మల హెచ్చరించారు. మంగళవారం గార్లలోని పలు ఎరువుల దుకాణాలను ఆమె ఆకస్మికంగా తని ఖీ చేశారు. ఈ సందర్భంగా దుకాణాల్లో బిల్లు బుక్స్, ఇన్వాయిస్ ధరల పట్టిక, లైసెన్స్, ఓ ఫారాలను పరిశీలించారు. ఽప్రభుత్వ అనుమతి ఉన్న ఎరువులు, పురుగుమందులను మాత్రమే దుకాణాల్లో అమ్మాలని, అనుమతి లేని పురుగుమందులను విక్రయిస్తే చర్యలు తీసుకుంటామని పేర్కొన్నారు. గడువు దాటిన పురుగుమందులను రైతులకు అమ్మొద్దని సూచించా రు. జిల్లాలో 234 ధాన్యం కొనుగోలు కేంద్రాలు ఏర్పాటు చేస్తున్నట్లు వెల్లడించారు. రైతులు నాణ్యమైన ధాన్యాన్ని తీసుకురావాలని సూచించారు. సన్నరకం ధాన్యం క్వింటాకు రూ.500 బోనస్ను ప్రభుత్వం చెల్లిస్తుందని తెలిపారు. ఏఓ కావటి రామారావు,ఏఈఓ కిరణ్, దుకా ణాదారులు లింగాల ఉమేష్, విద్యాసాగర్, సొసైటీ సీఈఓ సింగు వెంకటేశ్వర్లు ఉన్నారు. -
‘కాళేశ్వరం’పై క్రాస్ ఎగ్జామినేషన్!
సాక్షిప్రతినిధి, వరంగల్: కాళేశ్వరం ప్రాజెక్టుపై జస్టిస్ పీసీ ఘోష్ కమిషన్ బుధవారం నుంచి మళ్లీ విచారణ చేపట్టనుంది. ఈ మేరకు ఆ ప్రాజెక్టు పరిధిలోని మేడిగడ్డ, సుందిళ్ల, అన్నారం బ్యారేజీలు, పంపుహౌస్ల నిర్మాణంలో పాలుపంచుకున్న అధికారులకు కమిషన్ సమాచారం అందించింది. గతేడాది అక్టోబర్ నుంచి ఇన్వెస్టిగేషన్ చేస్తున్న విజిలెన్స్, ఎన్ఫోర్స్మెంట్.. నేషనల్ డ్యామ్ సేప్టీ అథారిటీ(ఎన్డీఎస్ఏ) నివేదికలను మరోసారి చర్చించనున్నట్లు పేర్కొంది. ఇదే సమయంలో కాళేశ్వరం ప్రాజెక్టు నిర్మాణం, వ్యయం, లోపాలపై ఈ ఏడాది ఫిబ్రవరిలో కంప్ట్రోలర్ అండ్ ఆడిట్ జనరల్(కాగ్) విడుదల చేసిన నివేదికలను ప్రామాణికంగా తీసుకోనుంది. ఈ నేపథ్యంలో ప్రాజెక్టు శంకుస్థాపన మొదలు.. ప్రారంభం వరకు కీలకంగా వ్యవహరించిన నల్లా వెంకటేశ్వర్లు(రిటైర్డ్ ఈఎన్సీ)తో పాటు ఆయన కనుసన్నల్లో.. ఆదేశాలు, సూచనల మేరకు పని చేసిన చీఫ్, సూపరింటెండెంట్, ఎగ్జిక్యూటివ్ ఇంజినీర్లతో పాటు డిప్యూటీ ఎగ్జిక్యూటివ్ ఇంజినీర్లను ఈసారి విచారించే అవకాశం ఉందని చెబుతున్నారు. ఆ అధికారులు ఇప్పుడు విధుల్లో ఉన్నా.. పదవీ విరమణ పొందినా అవసరమైతే వారిని విచారించేందుకు అందుబాటులో ఉండాలని ముందస్తు సమచారం ఇచ్చినట్లు తెలిసింది. జేఎస్ భూపాలపల్లి, కరీంనగర్, హనుమకొండ, హైదరాబాద్ ప్రాంతాల్లో నివాసం ఉండే పలువురికి కూడా సమాచారం అందినట్లు పేర్కొంటున్నారు. కొందరు ఇంజినీర్లు, రిటైర్డ్ ఇంజినీర్లు, ఉన్నతాధికారులకు రేపటి నుంచి మళ్లీ క్రాస్ ఎగ్జామినేషన్ జరగనుంది. 29వ తేదీ వరకు సాగే ఈ క్రాస్ ఎగ్జామినేషన్లో ఎవరెవరికీ ఎప్పుడు సమాచారం వస్తుందోనన్న టెన్షన్లో ఉన్నారు. ప్రాజెక్టుపై ‘కాగ్– 2022’ అభ్యంతరాలు.. ● ప్రాజెక్టు లింకు–1 కింద 2016 జూలై నుంచి 2021 డిసెంబర్ మధ్య మేడిగడ్డ, అన్నారం, సుందిళ్ల వద్ద 80 వేల క్యూసెక్కులు, 65 వేల క్యూసెక్కులు, 57 వేల క్యూసెక్కుల గరిష్ట వరద విడుదలను పరిగణలోకి తీసుకుని మూడు బ్యారేజీలు నిర్మించగా.. గేట్లను మూసివేసిన తరువాత, ఆర్సీసీ వేసిన కోటు, సీసీ కర్టెన్ గోడలలో కొంత భాగం, దిగువ భాగంలో నిర్మించిన సిమెంట్ కాంక్రిట్ బ్లాక్లు కొట్టుకుపోయి రూ.180.39 కోట్లు నష్టం వాటిల్లింది. ● విడుదలైన నీటి అధిక వేగం, శక్తిని తట్టుకునే విధంగా ఏర్పాటు చేయకపోవడమే ఈ నష్టానికి కారణమని సాగునీటి శాఖ చేసిన అధ్యయనాలు వెల్లడించడం.. మూడు బ్యారేజీలలోని నష్టాలను సరిదిద్దడానికి అంచనా వేసిన మొత్తం రూ.476.03 కోట్లకు.. సవరించిన అంచనాలను ‘కాగ్’ బహిరంగపర్చింది. సిమెంట్, కాంక్రీట్ దిమ్మెల ఆఫ్రాన్ లాంచింగ్ రూపకల్పన లోపభూయిష్టంగా ఉండటంతో ఈ పనులు ఉద్ఘార వేగాన్ని తట్టుకోలేక కొట్టుకుపోయి రూ.180.39 కోట్ల నష్టం వాటిల్లినట్లు తేల్చింది. ● కాళేశ్వరం ప్రాజెక్టు లింకు–1 కింద చేపట్టిన మేడిగడ్డ, అన్నారం, సుందిళ్ల బ్యారేజీల నిర్మాణం, ఎత్తిపోతలకు వ్యయం విపరీతంగా పెంచి.. రూ.10,783.30కోట్లతో అప్పగించిన పనుల వి లువ రూ.21,297.11 కోట్లకు చేర్చారని ‘కాగ్’ పేర్కొంది. సవరించిన అంచనాలు, అనుబంధఽ ఒప్పందాలు, వర్క్స్లిప్ల ప్రకారం మేడిగడ్డ అంచనాలు 74 శాతం, అన్నారం బ్యారేజీ 77 శాతం,అన్నారం ఎత్తిపోతల వ్యయం రూ.1,669.23 కోట్ల నుంచి రూ.3,772.56 కోట్ల(126శాతం)కు పెరిగిందని నివేదిక వెల్లడించింది.అలాగే సుందిళ్ల ఎత్తిపోతలకు ఖర్చు 106 శాతం పెరిగింది. ● మేడిగడ్డ, అన్నారం, సుందిళ్ల బ్యారేజీ, పంపుహౌస్ల నిర్మాణ పనుల వ్యయం పెరిగినప్పటికీ 2018 ఫిబ్రవరి నుంచి ఆగస్టు మధ్యలో పూర్తి కావాల్సిన ఈ పనులు ఒక్కోటి 15 నెలల నుంచి 41 నెలల ఆలస్యంగా పూర్తయినట్లు ఆధారాలతో పేర్కొంది. ఈ బ్యారేజీల కోసం నిర్దేశించిన భూసేకరణ ఇంకా పూర్తి కాలేదని, 7,153.77 ఎకరాలకు గాను 5,240.78 ఎకరాలు సేకరించగా, భూముల ధరలు రోజు రోజుకు పెరుగుతున్న నేపథ్యంలో ఇంకా 1,912.99 ఎకరాలు.. ఎప్పుడు, ఎలా సేకరిస్తారని ప్రశ్నించింది. ... వీటన్నింటితో పాటు ఎన్డీఎస్ఏ, విజిలెన్స్ ఎన్ఫోర్స్మెంట్ నివేదికల్లో తేలిన లోపాలు, అంశాలపై సమగ్ర విచారణకు జస్టిస్ పీసీ ఘోష్ కమిషన్ ఎదుట హాజరు కావడానికి సంబంధిత ఇంజినీర్లు, ఉన్నతాఽధికారులు సిద్ధం కాగా..ఈసారి విచారణలో ఏం తేలనుందనే ఉత్కంఠ ఆ వర్గాల్లో కనిపిస్తున్నది. ‘కాగ్’ నివేదికలు ప్రామాణికం.. నేటి నుంచి తిరిగి విచారణ ఇరిగేషన్ అధికారులకు జస్టిస్ పీసీ ఘోష్ కమిషన్ సమాచారం 2024 ‘కాగ్’ నివేదికలోని అంశాలపైన ఆరా తీయనున్న కమిషన్ ఈనెల 29వరకు సాగనున్న విచారణ.. రిటైర్డ్, విధుల్లో ఉన్న ఇంజినీర్లలో కలకలం -
బుధవారం శ్రీ 23 శ్రీ అక్టోబర్ శ్రీ 2024
– 8లోuసాక్షి, మహబూబాబాద్: పార్టీ ఏదైనా.. నాయకులు ఎవరైనా. మానుకోట అంటేనే వర్గాలకు నిలయం. బీఆర్ఎస్ పార్టీ అధికారంలో ఉన్నప్పుడు మాజీ ఎమ్మెల్యే శంకర్నాయక్, మాజీ ఎంపీ మాలోత్ కవిత మధ్య పచ్చగడ్డి వేస్తే మండే అంత వైరం కొనసాగింది. ప్రస్తుతం ఇద్దరు ఓటమిపాలై మాజీలుగా మారిపోయారు. అయితే అదే సంస్కృతి ఇప్పుడు కాంగ్రెస్ పార్టీలో కొనసాగుతుందనే విమర్శలు వస్తున్నాయి. ఇప్పుడు కూడా కార్యకర్తలు ఎమ్మెల్యే, ఎంపీ వర్గాలుగా విడిపోయి ఎవరికి వారుగా వేరు కుంపటి పెట్టిన ఘటనలు బయటకు వస్తున్నాయి. అయితే త్వరలో స్థానిక సంస్థల ఎన్నికలు జరగనున్న నేపథ్యంలో పార్టీలో చీలికలు నష్టం చేసే అవకాశం ఉందని పార్టీ వర్గాల్లో చర్చ. మూడు వర్గాలుగా కార్యకర్తలు.. మహబూబాబాద్ నియోకవర్గంలోని కాంగ్రెస్ కార్యకర్తలు మూడు వర్గాలుగా విడిపోయి ఎవరికి వారుగా వ్యవహరిస్తున్నారు. మాజీ ఎమ్మెల్యే, ముఖ్య మంత్రి సలహాదారు వేం నరేందర్రెడ్డికి అన్నిమండలాల్లో అనుచరులు ఉన్నారు. ఆయన అనుచరులకు అందుబాటులో ఉండటం, చావులు, పెళ్లిళ్లు ఇలా అన్ని కార్యక్రమాలకు హాజరై.. క్యాడర్ను తనవెంటే ఉంచుకుంటూ వెళ్తున్నారు. అదేవిధంగా మహబూబాబాద్ అసెంబ్లీపై కన్నేసిన ఎంపీ బలరాంనాయక్ కేంద్ర మంత్రిగా ఉన్నప్పటి నుంచి ఆయన సొంత ప్రాంతం ములుగు కన్నా.. మహబూబాబాద్కే ఎక్కువ ప్రాధాన్యత ఇచ్చేవారు. అదే తరుణంలో అనుచర వర్గాన్ని తయారు చేసుకున్నారు. వారి ద్వారానే ఎమ్మెల్యే టికెట్ ఇవ్వాలని అధిష్టానం ముందు తన వాణి వినిపించారు. అదేవిధంగా ప్రస్తుత మహబూ బాబాద్ ఎమ్మెల్యే మురళీనాయక్కు డీసీసీ అధ్యక్షుడు భరత్చందర్రెడ్డి అనుచరులే ఆయన అనుచరులుగా ఉన్నారు. ఇలా నివురుకప్పిన నిప్పులా ఉన్న వర్గపోరు.. కేసముద్రం మార్కెట్ కమిటీ నియామకం, తర్వాత ఇందిరమ్మ కమిటీల సందర్భంగా బటయపడింది. నెల్లికుదురు మండలంలో చెలరేగిన చిచ్చు ఇప్పటికీ ఆరకుండా ఒకరిపై ఒకరు విమర్శలు చేసుకుంటూనే ఉన్నారు. బుజ్జగించకుంటే ప్రమాదమే.. ఓటమి నేర్పిన పాఠం నుంచి తేరుకున్న బీఆర్ఎస్ నాయకులు అదునుకోసం ఎదురు చూస్తున్నారు. ఈ పరిస్థితిలో కాంగ్రెస్ వర్గపోరు తమకు అనుకూలంగా మార్చుకోవాలని నాయకులు తమ కార్యకర్తలకు చెప్పి సంసిద్ధం చేస్తున్నారు. ఈ పరిస్థితిలో కాంగ్రెస్లోని వర్గాలకు చెక్ పెట్టకపోతే స్థానిక సంస్థల ఎన్నికల్లో ఇబ్బందులు పడాల్సి వస్తుందని అధిష్టానం హెచ్చరించినట్లు తెలిసింది. ఇందుకోసం వేర్వేరుగా ముగ్గురు నాయకులు ముఖ్యమంత్రి రేవంత్ రెడ్డిని కలిసినప్పుడు ఈ విషయంపై ప్రస్తావించినట్లు సమాచారం. అయితే నియోజకవర్గంలో చేపట్టే కార్యక్రమాలకు ముగ్గురు నాయకులు, వారి అనుచరులు హాజరయ్యేలా చూసి అందరం కలిసికట్టుగా ఉన్నామనే సంకేతాలు పంపించాలని గాంధీ భవన్ పెద్దలు ముగ్గురు నాయకులు చెప్పినట్లు సమాచారం. ఇలా కాకపోతే, అధికార పక్షమై ఉండి కూడా ప్రతిపక్షాలతో కాకుండా సొంత పార్టీ కార్యకర్తలతోనే విమర్శలు ఎదుర్కొవాల్సి వస్తుందని.. ఏదో ఒకటి చేసి కార్యకర్తల మధ్య ఉన్న అంతరాలను తొలగించాలని జిల్లాకు చెందిన సీనియర్ కాంగ్రెస్ నాయకులు పార్టీ పెద్దలను కోరుతున్నారు. న్యూస్రీల్మానుకోట కాంగ్రెస్లో అంతర్గత కలహాలు కేసముద్రం, నెల్లికుదురు మండలాల్లో గొడవలు మూడు వర్గాలుగా విడిపోయిన కార్యకర్తలు ఇదే కొనసాగితే స్థానిక సంస్థల ఎన్నికల్లో పార్టీకి నష్టం అధిష్టానం వద్దకు చేరిన పంచాయితీఅధిష్టానం వద్దకు.. మానుకోట నియోజకవర్గంలోని కాంగ్రెస్ కార్యకర్తల మధ్య గొడవ పీసీసీ పెద్దల వరకు చేరిందనే ప్రచారం జరుగుతోంది. ఇందిరమ్మ ఇళ్ల కమిటీల ఏర్పాటులో అన్యాయం జరిగిందని ఎంపీ బలరాం నాయక్ వర్గీయులు పీసీసీ పెద్దల దృష్టికి తీసుకెళ్లినట్లు తెలిసింది. అదేవిధంగా వేం నరేందర్రెడ్డి వర్గానికి కూడా సముచిత స్థానం కల్పించడం లేదనే ఫిర్యాదులు హైదరాబాద్కు వరకు వెళ్లాయి. అలాగే తనను కాదని నియామకాలు జరుగుతున్నాయని ఎమ్మెల్యే మురళీనాయక్ కూడా తన గాడ్ ఫాదర్స్ వద్ద ఆవేదన వ్యక్తం చేసినట్లు సమాచారం. ఇలా ఎవరికి వారుగా కార్యకర్తల గోడును తమ గోడుగా అధిష్టానం వద్దకు తీసుకెళ్లినట్లు స్పష్టం అవుతుంది. -
ఏఈఓల సస్పెన్షన్ అన్యాయం
మహబూబాబాద్ రూరల్: జిల్లా వ్యవసాయ శాఖ పరిధిలో పనిచేస్తున్న ముగ్గురు ఏఈఓలను సస్పెన్షన్ చేయడం అన్యాయమని జిల్లా ఏఈఓల జేఏసీ అధ్యక్షుడు చెలికాని రాజు, ప్రధాన కార్యదర్శి సెక్రటరీ మంగ శ్రీనివాస్ అన్నారు. ఏఈఓల సస్పెన్షన్ను నిరసిస్తూ మహబూబాబాద్ రైతు వేదిక వద్ద జిల్లా ఏఈఓల జేఏసీ ఆధ్వర్యంలో మంగళవారం నల్ల బ్యాడ్జీలు ధరించి నిరసన తెలిపారు. ఈ సందర్భంగా వారు మాట్లాడుతూ.. జిల్లాలో ముగ్గురు ఏఈఓలను వ్యవసాయ శాఖ డైరెక్టర్ అన్యాయంగా సస్పెండ్ చేశారన్నారు. వారిని తిరిగి వెంటనే విధుల్లోకి తీసుకోవాలన్నారు. వేల ఎకరాల భూముల డిజిటల్ క్రాప్ సర్వే ఒక్క ఏఈఓతో సాధ్యంకాదని మొరపెట్టుకుంటున్నా పట్టించుకోకపోవటం విచారకరమన్నారు. సస్పెండ్ అయిన వారిని విధుల్లోకి తీసుకోవాలని కోరుతూ సామూహికంగా సెలవు పెడుతూ ఏడీఏకు సెలవు పత్రాలు అందజేశారు. -
పొలం గట్టే.. బడికి దారి
కేసముద్రం: పొలాల మధ్యలో బడి.. ఆ బడికి పొలం గట్టే దారి. ప్రతీరోజు విద్యార్థులు ఆ దారి గుండానే పాఠశాలకు వెళ్లి వస్తున్నారు. మహబూబాబాద్ జిల్లా కేసముద్రం మండలం ధర్మారం తండా జీపీలో ప్రాథమిక పాఠశాల భవ నాన్ని పంట పొలాల మధ్య నిర్మించారు. అయితే పాఠశాలకు వెళ్లేందుకు మాత్రం దారిని ఏర్పాటు చేయలేదు. దీంతో విద్యార్థులు పొలం గట్టుమీద నుంచే వెళ్లి వస్తున్నారు. వర్షాలు కురిసినప్పుడు విద్యార్థులు, టీచర్లు గట్టుమీద నుంచి జారి పడిన ఘటనలు ఉన్నాయి. అలాగే పాఠశాల భవనం పక్కనే ప్రమాద కరంగా రెండు వ్యవసాయ బావులు ఉన్నాయి. బడికి చుట్టూరా పొలాలు ఉండటంతో పాములు, విష పురుగుల భయం ఉంది. దీంతో విద్యార్థులు బిక్కుబిక్కుమంటూ కూర్చోవాల్సిన పరిస్థితి ఉంది. ఈ పాఠశాలలో మొత్తం 12 మంది విద్యార్థులు, ఇద్దరు ఉపాధ్యాయులు ఉన్నారు. ఇప్పటికైనా పాఠశాలకు దారిని ఏర్పాటు చేయాలని విద్యార్థుల తల్లిదండ్రులు కోరుతున్నారు. -
వినతులు వెంటనే పరిష్కరించాలి
మహబూబాబాద్: సత్వర సమస్యల పరిష్కారం కోసమే ప్రజావాణి కార్యక్రమం అనే విషయాన్ని అధికారులు గుర్తు పెట్టుకుని వచ్చిన వినతులను వెంటనే పరిష్కరించాలని కలెక్టర్ అద్వైత్కుమార్సింగ్ ఆదేశించారు. కలెక్టరేట్ సమావేశ మందిరంలో సోమవారం ప్రజావాణి కార్యక్రమం నిర్వహించగా కలెక్టర్ అద్వైత్కుమార్సింగ్, అదనపు కలెక్టర్ లెనిన్ వత్సల్ టొప్పో దరఖాస్తులు స్వీకరించారు. ఈసందర్భంగా కలెక్టర్ మాట్లాడుతూ.. వినతులపై నిర్లక్ష్యం చేయకుండా వెంటనే పరిష్కరించాలని, పరిష్కారం సాధ్యంకాకపోతే కారణాలతో కూడిన నివేదిక అందజేయాలన్నారు. పెండింగ్ వినతులను కూడా వెంటనే పరిష్కరించాలన్నారు. 114 దరఖాస్తులు వచ్చినట్లు అధికారులు తెలిపారు. కార్యక్రమంలో డీఆర్డీఓ మధుసూదన్రాజు, డీసీఓ వెంకటేశ్వర్లు, బీసీ వెల్ఫేర్ ఆఫీసర్ నర్సింహస్వామి, డిప్యూటీ జెడ్పీ సీఈఓ నర్మద, సివిల్ సప్లయీస్ డీఎఓం కృష్ణవేణి, డీఏఓ విజయ నిర్మల, ఆర్అండ్ బీ ఈఈ బీమ్లానాయక్, డీఈఓ రాజేశ్వర్, కలెక్టరేట్ ఏఓ పవన్ కుమార్ తదితరులు పాల్గొన్నారు. వచ్చిన వినతుల్లో కొన్ని.. ● తొర్రూరు మండలం కంఠాయపాలెం గ్రామానికి చెందిన కె.భారతమ్మ తన భూమి సర్వే చేయించి హద్దులు పెట్టాలని వినతి అందజేశారు. ● ఇనుగుర్తి మండల కేంద్రానికి చెందిన బి.శంకరయ్య తనకు పక్షవాతం వచ్చిందని, సదరం సర్టిఫికెట్ ఇప్పించాలని వినతిలో పేర్కొన్నారు. ● జిల్లా కేంద్రానికి చెందిన అహ్మద్ తనకు ఫించన్ మంజూరు చేయాలని దరఖాస్తు ఇచ్చారు. ● నెల్లికుదురు మండలం రావిరాల గ్రామానికి చెందిన డి.శ్రీలత తనకు బోదకాలు ఉందని,పింఛన్ మంజూరు చేయాలని దరఖాస్తు అందజేశారు. ● మానుకోట మండలంలోని ఇస్లావత్తండాకు చెందిన కిషన్ రుణమాఫీ చేయాలని వినతిలో పేర్కొన్నారు. ప్రజావాణిలో కలెక్టర్ అద్వైత్కుమార్సింగ్ -
పారువేటకు బయలుదేరిన వేంకటేశ్వరుడు
గార్ల: మండలంలోని మర్రిగూడెం ఆలయంలో బ్రహ్మోత్సవాలను పురస్కరించుకొని సోమవారం వేంకటేశ్వరస్వామి అశ్వవాహనంపై పారువేటకు సమీపంలోని అడవికి బయలుదేరారు. కల్యాణం, తెప్పోత్సవం అనంతరం స్వామివారు పారువేటకు వెళ్లారు. ఈక్రమంలో స్వామివారు బొడ్డులో ఉన్న తన కత్తితో గొర్రెపోతు చెవులు కోసి తిరిగి ఆలయానికి చేరుకున్నారు. అనంతరం దేవాలయంలో స్వామివారికి అర్చకులు అచ్చుతాచార్యులు, గోవింద్చార్యులు పూర్ణాహుతి కార్యక్రమం ఘనంగా నిర్వహించారు. ఈఓ సమత, ఐఆర్టీఎస్ రిటైర్డ్ అధికారి భూక్య కస్నానాయక్, బి.హరినాయక్, మాజీ ఎంపీపీ బి.లాలునాయక్, బోజ్యానాయక్, చిరంజీవి, కోట శ్రీనివాస్, సత్యం, భక్తులు అధిక సంఖ్యలో పాల్గొన్నారు.