విజయవాడలో వర్ష బీభత్సం.. కొండచరియలు విరిగిపడి ఐదుగురి మృతి

Rain Updates..

👉బంగాళాఖాతంలో తీవ్ర అ‍ల్ప పీడనం కారణంగా ఏపీలో పలుచోట్ల భారీ వర్షాలు కురుస్తున్నాయి. రాష్ట్రంలో పలుచోట్ల ఎడతెరిపి లేకుండా వర్షం కురుస్తూనే ఉంది. మరోవైపు.. మత్య్సకారులు సముద్రంలోకి వేటకు వెళ్లవద్దని వాతావరణ శాఖ అధికారులు హెచ్చరికలు జారీ చేశారు.

👉విజయవాడలో రికార్డు స్థాయిలో వర్షం కురుస్తోంది. దీంతో, లోతట్టు ప్రాంతాలు జలమయమయ్యాయి. రోడ్ల మీద భారీగా వరద నీరు చేరడంతో వాహనదారులు తీవ్ర ఇబ్బందులు ఎదుర్కొంటున్నారు. విజయవాడ జలదిగ్భందమైంది. పలుచోట్ల వరద నీటిలో వాహనాలు చిక్కుకుపోయాయి.

కొండ చరియలు విరిగి పడిన ఘటన: ఐదుకు చేరిన మృతుల సంఖ్య

• రాళ్ల మధ్య సంతోష్‌ అనే యువకుడి మృతదేహం లభ్యం
• మరో ఇద్దరు కొండ చరియల కింద ఉండే అవకాశం
•  కొనసాగుతున్న సహాయక చర్యలు

విజయవాడలో వర్ష బీభత్సం

• నిన్నటి నుండి ఎడతెరిపిలేకుండా భారీ వర్షాలు
• భారీ వర్షాలకు విరిగిపడ్డ కొండచరియలు
• కొండచరియలు విరిగిపడి నలుగురు మృతి
• ఐదుగురికి తీవ్ర గాయాలు
• నగరంలో రహదారులన్నీ జలమయం
• ఎన్టీఆర్ సర్కిల్ నుండి కానూరువరకు నీటమునిగిన రహదారి
• జలదిగ్భంధంలో ఆర్టీసీ బస్టాండ్ ప్రాంతం
• దుర్గగుడిపైనా భారీ వర్షాల ప్రభావం
• దుర్గగుడి ఘాట్ రోడ్ మూసివేత
• దుర్గగుడి కొండపై ఘాట్ రోడ్ లో విరిగిపడుతున్న కొండచరియలు
• విజయవాడ వన్ టౌన్ ప్రాంతంలో మునిగిన కాలనీలు
• నిన్నరాత్రి నుండి కుండపోత వర్షం
• ఇంద్రకీలాద్రిపై  వద్ద విరిగిపడ్డ కొండ చరియలు
• ప్రొటోకాల్‌ రూమ్‌పై విరిగిపడ్డ బండరాళ్లు
• ఘాట్‌రోడ్‌ మూసివేయడంతో తప్పిన ప్రమాదం
• భారీ వర్షాల నేపథ్యంలో ముందస్తుగా ఘాట్ రోడ్డును మూసివేసిన అధికారులు
• భక్తులు ఘాట్‌ రోడ్‌పై వెళ్లకుండా చర్యలు

విజయవాడలో భారీ వర్షం.. లోతట్టు ప్రాంతాల జలమయం

• జలదిగ్భందంలో  కండ్రిక, పాతపాడులో రహదారులు జలమయం
• జలదిగ్బంధంలో బస్టాండ్‌, రైల్వే స్టేషన్‌, ప్రకాష్‌నగరల్‌, సుందరయ్య నగర్‌లు
• చెరువు తలపిస్తున్న కాజా టోల్‌ప్లాజా

• గుంటూరు జిల్లా కాజా టోల్‌ప్లాజా చెరువును తలపిస్తోంది. హైవేపై మూడు అడుగుల మేర ఉధృతంగా ప్రవహిస్తున్న వరద

👉కృష్ణా జిల్లాలో రికార్డు స్థాయిలో వర్షపాతం నమోదు

అత్యధికంగా బంటుమిల్లి మండలంలో 22 సెంటీమీటర్ల వర్షపాతం, కంకిపాడు మండలం 17 , గుడివాడ పెనమలూరు 16,పెదపారుపూడి, ఉయ్యూరు 15,పామర్రు, ఉంగుటూరు ,నందివాడ14, పమిడిముక్కల 13, గుడ్లవల్లేరు,గన్నవరం ,మచిలీపట్నం12, తోట్లవల్లూరు , మొవ్వ, గూడూరు 11 , పెడన, బాపులపాడు 10, కోడూరు, ఘంటసాల, కృత్తివెన్ను 8, నాగాయలంక 7, చల్లపల్లి, అవనిగడ్డ 6, మోపిదేవి 5 సెంటీమీటర్ల వర్షపాతం నమోదు.

👉ఎన్టీఆర్ జిల్లాలో దంచికొడుతున్న వానలు..

అత్యధికంగా జి.కొండూరు మండలంలో 20 సెంటీమీటర్ల వర్షపాతం. ఇబ్రహీంపట్నం, మైలవరం 18, విజయవాడ సెంట్రల్, విజయవాడ ఈస్ట్, విజయవాడ వెస్ట్ , విజయవాడ రూరల్ 17, ఎ. కొండూరు 12, కంచికచర్ల చందర్లపాడు, రెడ్డి గూడెం, నందిగామ, వీరులపాడు 10, వత్సవాయి 9, జగ్గయ్యపేట తిరువూరు, విస్సన్నపేట మండలాల్లో 8 సెంటీమీటర్ల మేర వర్షపాతం నమోదు. అత్యవసరమైతే తప్ప ప్రజలెవరూ ఇళ్లనుంచి బయటికి రావొద్దని కలెక్టర్ జి.సృజన విజ్ఞప్తి. లోతట్టు ప్రాంత ప్రజలు పునరావాస కేంద్రాలకు తరలించాలని రెవిన్యూ అధికారులకు ఆదేశం.

👉పశ్చిమగోదావరి జిల్లాలో కంట్రల్‌ రూమ్‌ ఏర్పాటు..  

భారీ వర్షాలు నేపథ్యంలో జిల్లా కలెక్టరేట్‌లో కంట్రోల్ రూం ఏర్పాటు. జిల్లా కంట్రోల్ రూం నెంబర్ 08816 299219. భారీ వర్షాలకు ఇబ్బందులు తలెత్తితే కంట్రోల్ రూమ్‌కు తెలపాలని సూచించిన కలెక్టర్ నాగరాణి.

👉ఎన్టీఆర్ జిల్లాలో రాకపోకలకు అంతరాయం.

• తిరువూరు-గంపలగూడెం మండలాల మధ్య రాకపోకలకు తీవ్ర అంతరాయం..

• గంపలగూడెం-చింతలపాడు గ్రామాల మధ్య నల్లచెరువుకు పోటెత్తిన వరదనీరు..

• చింతలపాడు-గంపలగూడెం మధ్య గుర్రపువాగుకు పొట్టెత్తిన వరద నీరు..

• అమ్మిరెడ్డిగూడెం-గోసవీడు గ్రామాల మధ్య ఉన్న మొగిళ్ళవాగుకు పోటెత్తిన వరదనీరు..

• కొత్తపల్లి-ఏర్రుపాలెం మండలం భీమవరం గ్రామాల మధ్య ఉన్న కొండవాగుకు పోటెత్తిన వరదనీరు.

👉భారీ వర్షాల కారణంగా విశాఖ, ఎన్టీఆర్‌, అనకాపల్లి జిల్లాల్లో ప్రభుత్వ, ప్రైవేటు పాఠశాలలకు విద్యాశాఖ అధికారులు సెలవు ప్రకటించారు. 

👉భారీ వర్షాల కారణంగా అమ్మవారి ఘాట్‌ రోడ్‌ను అధికారులు మూసివేశారు. వర్షాలకు ఘాట్‌ రోడ్‌లో మూడు చెట్లు విరిగిపోయాయి. ఇంకా కొన్ని చెట్లు వేలాడుతున్నాయి. దీంతో, అటుగా వెళ్తున్న వావానాదారులు భయాందోళనకు గురవుతున్నారు. ఈ క్రమంలో వీఎంసీ సిబ్బంది చెట్లను తొలగిస్తున్నారు.

👉భారీ వర్షాల నేపథ్యంలో విజయవాడలో విషాద ఘటన చోటుచేసుకుంది. మొగల్రాజపురం సున్నపుపట్టీల సెంటర్ వద్ద ఇళ్లపై కొండచరియలు విరిగిపడిన ఘటనలో ఒకరు మృతిచెందగా.. ముగ్గురు గాయపడ్డారు. రెండు ఇళ్లపై కొండచరియలు విరిగిపడ్డాయి. ఇళ్లు ధ్వంసం కావడంతో శిధిలాల కింద ముగ్గురు చిక్కుకున్నారు. వారిని పోలీసులు కాపాడారు.

👉గుడివాడ బస్టాండ్‌లో భారీగా వరద నీరు చేరుకుంది. 

👉ఇక, రానున్న 24 గంట్లలో అల్పపీడనం వాయుగుండంగా మారనుంది. ఈ క్రమంలో నేడు, రేపు.. ఉత్తరాంధ్ర, కోస్తా జిల్లాలో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ పేర్కొంది. మరోవైపు.. విజయవాడలో కుండపోతగా ఎడతెరిపిలేని వర్షం కురుస్తోంది. నిన్నటి నుంచి ఏకధాటిగా వాన పడుతోంది. వర్షం కారణంగా రోడ్లన్నీ జలమయ్యాయి. లోతట్టు ప్రాంతాలు నీట మునిగాయి.

నేడు పాఠశాలలకు సెలవు..
👉విశాఖలో భారీ వర్షాలు కురుస్తున్న నేపథ్యంలో జిల్లాలో అన్ని పాఠశాలకు విద్యాశాఖ అధికారులు సెలవు ప్రకటించారు. ఈ మేరకు డీఈవో ఉత్తర్వులు జారీ చేశారు.

RED ALERT FOR COASTAL AP:
Massive Rains Lashing In Parts Of Eluru,Krishna,NTR(#Vijayawada), Ubhayagodavari,Konaseema,Guntur Districts.More Rains Possible In These Regions During Next 48Hours.Stay Safe.#AndhraPradesh #Andhrarains pic.twitter.com/YQd5VzXfcf

— ANDHRA WEATHER (@Andhra_weather) August 31, 2024

 👉ఈ సందర్బంగా ఆంధ్రప్రదేశ్ విపత్తుల నిర్వహణ సంస్థ మేనేజింగ్ డైరెక్టర్ రోణంకి కూర్మనాథ్ మాట్లాడుతూ.. వాయువ్య బంగాళాఖాతంలో  అల్పపీడనం కొనసాగుతోంది. ఉత్తరాంధ్ర, దక్షిణ ఒడిశా తీరాల వైపు కదులుతూ వాయుగుండంగా బలపడే అవకాశం ఉంది. దీని ప్రభావంతో రాష్ట్రంలో విస్తారంగా వర్షాలు కురిసే అవకాశం ఉందన్నారు. కోస్తా తీరం వెంబడి గంటకు 45-65కి.మీ వేగంతో ఈదురుగాలులు వీస్తాయి. మత్య్సకారులు వేట కోసం సముద్రంలోకి వెళ్లరాదు. లోతట్టు ప్రాంత ప్రజలు అప్రమత్తంగా ఉండాలని హెచ్చరించారు.

👉జిల్లాలకు వర్ష సూచన ఇలా..

👉నేడు శ్రీకాకుళం, విజయనగరం, మన్యం, అల్లూరి, విశాఖ జిల్లాల్లో అక్కడక్కడ భారీ వర్షాలు

👉కర్నూలు, నంద్యాల, అనంతపురం, వైఎస్సార్ జిల్లాల్లో అక్కడక్కడ భారీ వర్షాలు కురిసే అవకాశం

👉మిగిలిన జిల్లాల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం