Weekly Horoscope: ఈ వారం మీ రాశి ఫలాలు ఎలా ఉన్నాయంటే..

మేషం
ఆర్థికంగా గతం కంటే మెరుగైన పరిస్థితి ఉంటుంది. చేపట్టిన పనులు సజావుగా పూర్తి చేస్తారు. ఆత్మీయులు, బంధువులతో వివాదాలు సర్దుబాటు కాగలవు. ఆలోచనలు అమలులో పెడతారు. వాహనయోగం. మీ నిర్ణయాలు అందర్నీ మెప్పిస్తాయి.  తీర్థయాత్రలు చేస్తారు. కొత్త కాంట్రాక్టులు దక్కుతాయి. విద్యార్థులు కోరుకున్న ఫలితాలు సాధిస్తారు. శాస్త్ర, పరిశోధనా విషయాలపై ఆసక్తి చూపుతారు. కళాకారుల ఆశలు ఫలిస్తాయి. వ్యాపారాలు లాభసాటిగా కొనసాగుతాయి. ఉద్యోగాలలో ఉన్నతస్థితి దక్కుతుంది. పారిశ్రామికవర్గాల యత్నాలు సఫలమవుతాయి. వారం చివరిలో బంధువిరోధాలు. శ్రమ మరింత పెరుగుతుంది. ఎరుపు, ఆకుపచ్చ రంగులు.  హనుమాన్‌ ఛాలీసా పఠించండి.

వృషభం
కొత్త పనులు చేపడతారు. ఆత్మీయుల నుంచి శుభవార్తలు వింటారు. ఆర్థిక పరిస్థితి మరింత అనుకూలిస్తుంది. దీర్ఘకాలిక రుణబాధలు తొలగుతాయి. మిత్రులు, బంధువులతో వివాదాలు పరిష్కారమవుతాయి. పుణ్యక్షేత్రాలు సందర్శిస్తారు. గృహం కొనుగోలు ప్రయత్నాలు కొంతవరకూ అనుకూలిస్తుంది. కొత్త విషయాలు తెలుసుకుంటారు. పలుకుబడి కలిగిన వారితో పరిచయాలు. కాంట్రాక్టులు సైతం దక్కుతాయి. వ్యాపారాలు విస్తరణలో పురోగతి కనిపిస్తుంది. ఉద్యోగాలలో ఒత్తిడులు తగ్గుతాయి. రాజకీయవర్గాలకు కొంత ఉపశమనం లభిస్తుంది. వారం ప్రారంభంలో ధనవ్యయం. దూరప్రయాణాలు. అనారోగ్యం. గులాబీ, నేరేడు రంగులు. హయగ్రీవస్తోత్రాలు పఠించండి.

మిథునం
మొదట్లో నెలకొన్న చికాకులు క్రమేపీ తొలగి ఊరట లభిస్తుంది. ప్రముఖుల పరిచయం మరింత ఉత్సాహాన్నిస్తుంది. నేర్పుగా వ్యవహారాలు పూర్తి చేస్తారు. ఆస్తుల క్రయవిక్రయాల ద్వారా లబ్ధి పొందుతారు. జీవిత భాగస్వామితో వివాదాలు సర్దుబాటు కాగలవు. పుణ్యక్షేత్రాలు సందర్శిస్తారు. విద్యార్థులు, నిరుద్యోగులకు అనుకూల ఫలితాలు అందుతాయి. వాహనయోగం. ఊహించని ఆహ్వానాలు అందుతాయి. చిన్ననాటి జ్ఞాపకాలు గుర్తుకు వస్తాయి. వ్యాపారాలలో అంచనాలు నిజమవుతాయి. ఉద్యోగాలలో కోరుకున్న మార్పులు తథ్యం. రాజకీయవర్గాలకు అనుకోని పదవులు దక్కవచ్చు. వారం ప్రారంభంలో అనారోగ్యం. కుటుంబంలో ఒత్తిడులు. గులాబీ, నేరేడు రంగులు. దుర్గాదేవి స్తోత్రాలు పఠించండి.

కర్కాటకం
ఏ కార్యక్రమం చేపట్టినా విజయవంతమే. ఆర్థిక లావాదేవీలలో పురోగతి కనిపిస్తుంది. కుటుంబసమస్యలు నేర్పుగా పరిష్కరించుకుంటారు. వాహనాలు కొనుగోలు చేస్తారు. ఇంటి నిర్మాణాలపై నిర్ణయం తీసుకుంటారు. ఆధ్యాత్మిక కార్యక్రమాలలో పాల్గొంటారు. చిన్ననాటి మిత్రుల నుంచి శుభవార్తలు రావచ్చు. బంధువుల మెప్పు పొందుతారు. ఎంతటి వారినైనా ఆకట్టుకుని ముందుకు సాగుతారు. వ్యాపారాలు గతం కంటే మెరుగ్గా ఉంటాయి. ఉద్యోగాలలో ప్రమోషన్లు దక్కుతాయి. కళారంగం వారికి చిక్కులు తొలగుతాయి. వారం మధ్యలో ధనవ్యయం. బంధువిరోధాలు. ఎరుపు, పసుపు రంగులు. విష్ణుసహస్రనామ పారాయణ చేయండి.

సింహం
కొన్ని పనులు సమయానుసారం పూర్తి కాగలవు. ఆలోచనలు కార్యరూపంలో పెడతారు. ఆర్థిక విషయాలు సంతృప్తికరంగా ఉంటాయి. సన్నిహితుల నుంచి పిలుపు రావచ్చు. ఆస్తుల వ్యవహారాలలో సమస్యలు తీరతాయి. నిరుద్యోగులకు శుభవార్తలు అందుతాయి. ప్రముఖుల నుంచి కొంత సహాయం అందుతుంది. విద్యార్థులు మరింత ఉత్సాహంగా సాగుతారు.  వ్యతిరేకులు సైతం మిత్రులుగా మారడం విశేషం. వాహనాలు, భూములు కొనుగోలులో ముందడుగు వేస్తారు. తీర్థయాత్రలు చేస్తారు. వ్యాపారాలు పుంజుకుంటాయి. పెట్టుబడులకు తగిన లాభాలు అందుతాయి. ఉద్యోగాలలో కొత్త హోదాలు దక్కించుకుంటారు. కళారంగం వారికి సన్మానాలు జరుగుతాయి. వారం చివరిలో ధనవ్యయం. సోదరులతో కలహాలు. నీలం, ఆకుపచ్చ రంగులు. హయగ్రీవస్తోత్రాలు పఠించండి.

కన్య
కొత్త పనులకు శ్రీకారం చుట్టి నిర్దేశిత సమయానికి పూర్తి చేస్తారు. ఆర్థిక విషయాలలో చిక్కులు తొలగుతాయి. ఆప్తుల నుంచి ఆహ్వానాలు రాగలవు. వివాహయత్నాలు సానుకూలం. స్థిరాస్తి వివాదాలు పరిష్కారం. వాహనాలు, ఆభరణాలు కొంటారు. బంధువులతో వివాదాలు పరిష్కారమవుతాయి. విద్యార్థులు అనుకూల ఫలితాలు సాధిస్తారు. వ్యాపారాలు క్రమేపీ పుంజుకుంటాయి. ఉద్యోగాలలో మీరు ఊహించిన మార్పులు ఉంటాయి. పారిశ్రామికవర్గాల శ్రమ ఫలిస్తుంది. ప్రారంభంలో ధనవ్యయం. అనారోగ్యం. ఎరుపు, గులాబీ రంగులు. విష్ణుసహస్రనామ పారాయణ చేయండి.

తుల
ఇబ్బందులు ఎదురైనా క్రమేపీ తొలగుతాయి. ఆస్తి వ్యవహారాలలో తుది ఒప్పందాలు చేసుకుంటారు. ఆర్థిక పరిస్థితి మెరుగ్గా ఉంటుంది. దీర్ఘకాలిక సమస్యలు కొన్ని పరిష్కారమవుతాయి. ఆరోగ్యంపై కొంత శ్రద్ధ చూపండి. బంధువులు, మిత్రులతో ఉత్సాహంగా గడుపుతారు. వాహనాలు కొనుగోలు చేస్తారు. తీర్థయాత్రలు చేస్తారు. వ్యాపారాలు లాభసాటిగా ఉంటాయి. ఉద్యోగాలలో సమస్యలు తీరి ఊపిరిపీల్చుకుంటారు. రాజకీయవర్గాలకు ఆకస్మిక విదేశీ పర్యటనలు. వారం మధ్యలో వ్యయప్రయాసలు. సోదరులతో కలహాలు. నీలం, నేరేడు రంగులు. శివపంచాక్షరి పఠించండి.

వృశ్చికం
అనుకున్న పనులు కొంత నెమ్మదించినా పూర్తి కాగలవు. ఆర్థికంగా బలం చేకూరుతుంది. దూరపు బంధువుల సహకారం అందుకుంటారు. అరుదైన ఆహ్వానాలు అందుతాయి. వివాహాది శుభకార్యాలకు ప్రణాళికలు రూపొందిస్తారు. ప్రముఖ వ్యక్తుల పరిచయం ఉత్సాహాన్నిస్తుంది. ఆరోగ్యం కొంత మందగించినా ఉపశమనం పొందుతారు. స్థిరాస్తి వివాదాలు కాస్త ఊరటనిస్తాయి. గృహ నిర్మాణాలు, కొనుగోలుపై దృష్టి సారిస్తారు. విద్యార్థులకు ఊహించని ఫలితాలు రావచ్చు. ఆధ్యాత్మిక కార్యక్రమాలలో పాల్గొంటారు. వ్యాపారాలు మరింత వృద్ధి చెందుతాయి. ఉద్యోగాలలో కోరుకున్న మార్పులు ఉంటాయి. కళారంగం వారి ఆశలు ఫలిస్తాయి. వారం మధ్యలో మిత్రులతో విభేదాలు. ఆకస్మిక ప్రయాణాలు. లేత నీలం, నేరేడు రంగులు.  గణేశ్‌స్తోత్రాలు పఠించండి.

ధనుస్సు
ఆర్థిక ఇబ్బందులు ఎదురై చికాకు పరుస్తాయి. మిత్రులతో అకారణంగా విరోధాలు. ఆలోచనలు స్థిరంగా ఉండవు. కుటుంబంలో బాధ్యతలు పెరిగి సవాలుగా నిలుస్తాయి. విద్యార్థులు మరింత శ్రద్ధ వహించాలి. అనుకున్న పనులలో అవాంతరాలు ఎదురుకావచ్చు. ఆరోగ్యపరంగా చికాకులు. బంధువులతో ఆస్తి తగాదాలు నెలకొనే సూచనలు.  ఆధ్యాత్మిక కార్యక్రమాలలో పాల్గొంటారు. వ్యాపారాల విస్తరణలో ఆటంకాలు. ఉద్యోగాలలో మార్పులు అనివార్యం కావచ్చు.  పారిశ్రామికవర్గాలకు విదేశీ పర్యటనలు వాయిదా పడవచ్చు.  వారం మధ్యలో శుభవార్తలు. ధనలాభం. ఉద్యోగయోగం. గులాబీ, లేత పసుపు రంగులు. శివాష్టకం పఠించండి.

మకరం
ఊహించని విధంగా ఆర్థిక పరిస్థితి మెరుగుపడి రుణాలు తీరతాయి. ఆప్తుల నుంచి ఆహ్వానాలు రాగలవు. ఆస్తి వ్యవహారాలు సాఫీగా పరిష్కారమవుతాయి. చిన్ననాటి మిత్రులను కలుసుకుని గత స్మృతులు గుర్తుకు తెచ్చుకుంటారు. వాహన, గృహయోగాలు. కొన్ని నిర్ణయాలు అందర్నీ ఆశ్చర్యపరుస్తాయి. సభలు, సమావేశాలలో పాల్గొంటారు. కుటుంబంలో సమస్యలు నేర్పుగా పరిష్కరించుకుంటారు. వ్యాపారాలు విస్తరిస్తారు. ఉద్యోగాలలో చిక్కులు తొలగుతాయి. పారిశ్రామికవర్గాలకు ఆకస్మిక విదేశీ పర్యటనలు. వారం చివరిలో ధనవ్యయం. ఆరోగ్యం మందగిస్తుంది. తెలుపు, పసుపు రంగులు. లక్ష్మీస్తోత్రాలు పఠించండి.

కుంభం
నిరుద్యోగులు, విద్యార్థులకు మరింత ఉత్సాహంగా ఉంటుంది. ఆర్థిక పరిస్థితి సంతృప్తికరంగా ఉంటుంది. ముఖ్యమైన పనులు సకాలంలో పూర్తి చేస్తారు. పెద్దల సలహాలు స్వీకరించి తగు నిర్ణయాలు తీసుకుంటారు. వాహనాలు, గృహం కొనుగోలు యత్నాలు సానుకూలం. ప్రముఖులతో పరిచయాలు ఏర్పడతాయి. ఒక కోర్టు వ్యవహారం తుది దశకు చేరుకుంటుంది. వ్యాపారాలలో అనూహ్యంగా లాభాలు దక్కుతాయి. ఉద్యోగాలలో పదోన్నతులు దక్కవచ్చు. రాజకీయవర్గాల ఆశలు నెరవేరతాయి. వారం ప్రారంభంలో వ్యయప్రయాసలు. అనారోగ్యం. ధనవ్యయం. ఆకుపచ్చ, నేరేడు రంగులు. దేవీస్తుతి మంచిది.

మీనం
ముఖ్యమైన వ్యవహారాలలో విజయం. ఆర్థిక లావాదేవీలు సంతృప్తికరంగా ఉంటాయి. దీర్ఘకాలిక సమస్యలు, వివాదాలు పరిష్కారమవుతాయి. ఆలయాలు సందర్శిస్తారు. ప్రముఖుల నుంచి ఆహ్వానాలు రాగలవు. నిరుద్యోగుల ప్రయత్నాలు కొలిక్కి వస్తాయి. సభలు, సమావేశాలలో పాల్గొంటారు. మీలోని నైపుణ్యం వెలుగులోకి వస్తుంది. ఆస్తుల వ్యవహారంలో ఒప్పందాలు చేసుకుంటారు. వ్యాపారాలు మరింత లాభిస్తాయి. ఉద్యోగాలలో ఒత్తిడులు తొలగి ఊరట లభిస్తుంది. పారిశ్రామికవర్గాలకు అప్రయత్న కార్యసిద్ధి. వారం చివరిలో  ప్రయాణాలు.æ ఆరోగ్యసమస్యలు. సోదరులతో వివాదాలు. నీలం, లేత ఆకుపచ్చ రంగులు. సుబ్రహ్మణ్యాష్టకం పఠించండి.