సాఫ్ట్‌వేర్‌ ఉద్యోగం వదిలి సినిమాల్లోకి.. హీరోగా ఎంట్రీ!

రిష్వి తిమ్మరాజు, విస్మయ శ్రీ జంటగా నటించిన చిత్రం ‘కృష్ణగాడు అంటే ఒక రేంజ్‌’. రాజేష్‌ దొండపాటి దర్శకత్వంలో పెట్లా కృష్ణమూర్తి, పెట్లా వెంకట సుబ్బమ్మ, పీఎన్‌కే శ్రీలత, పెట్లా రఘురామ్‌ మూర్తి నిర్మించిన ఈ చిత్రం ఆగస్టు 4న రిలీజ్‌ కానుంది. పెట్లా రఘురామ్‌ మూర్తి మాట్లాడుతూ– ‘‘నేను సాఫ్ట్‌వేర్‌ ఉద్యోగిని. సినిమాలపై ఇష్టంతో ఇండస్ట్రీకి వచ్చి, ఘోస్ట్‌ రైటర్‌గా చేశాను. ఇక మా సినిమా కథ విషయానికి వస్తే... ఈ చిత్రంలో హీరో గొర్రెల కాపరి. కృష్ణగాడు అంటే ఒక రేంజ్‌ అని హీరో చెబుతుంటాడు. ఇదే మాటను అతను ఊరి జనంతో చెప్పించాడా లేదా? అనేది ఈ చిత్రకథ’’ అన్నారు.