రేపు ఆంధ్రప్రదేశ్‌కు ప్రధాని మోదీ

సాక్షి, న్యూఢిల్లీ: ప్రధాన మంత్రి నరేంద్ర మోదీ బుధవారం ఆంధ్రప్రదేశ్‌ రాను­న్నారు. విశాఖ­పట్నంలోని పూడిమడక వద్ద ఎన్‌టీపీసీ గ్రీన్‌ ఎనర్జీ లిమిటెడ్‌ గ్రీన్‌ హైడ్రోజన్‌ హబ్‌కు 8వ తేదీ సాయంత్రం 5.30గంటలకు శంకుస్థాపన చే­య­నున్నట్టు సోమవారం ప్రధానమంత్రి కార్యా­­లయం ఓ ప్రకటనలో తెలిపింది.

 అలాగే.. రూ.19,500 కోట్లతో విశాఖ­పట్నంలో చేపట్ట­నున్న సౌత్‌ కోస్ట్‌ రైల్వే ప్రధాన కార్యాలయం, అనకాపల్లి జిల్లాలోని నక్క­పల్లిలో బల్క్‌ డ్రగ్‌ పార్క్, తిరుపతి జిల్లాలో చెన్నై–బెంగళూరు ఇండస్ట్రియల్‌ కారిడార్‌ కింద చేపట్టనున్న కృష్ణపట్నం ఇండస్ట్రియల్‌ ఏరియా (కేఆర్‌ఐఎస్‌ సిటీ)లకు మోదీ శంకుస్థాపన చేస్తారని ప్రధాని కార్యాలయం పేర్కొంది.