అడ్డదిడ్డంగా కారును నడిపి.. ఆ ప్రమాదంలో చెల్లెలు చనిపోతుండగా.. ఆ ఘటనను ఇన్‌స్టాగ్రామ్‌లో ప్రత్యక్ష ప్రసారం చేసింది ఓ ప్రబుద్ధురాలు. అమెరికాలో జరిగిన ఈ ఘటన స్థానికంగా తీవ్ర దిగ్భ్రాంతిరేపింది. 18 ఏళ్ల అబ్డులియా సాంచెజ్‌ కాలిఫోర్నియా హైవేపై కారును నడుపుతూ ఒక్కసారిగా అదుపు కోల్పోయింది. దీంతో రోడ్డు అంచుల వరకు వెళ్లి తిరిగి మలుపుతీసుకొని.. ఆ తర్వాత పక్కన ఉన్న వైరు ఫెన్సింగ్‌ను ఢీకొట్టింది. అనంతరం కారు పల్టీకొట్టి బోల్తా పడింది. ఈ ప్రమాదంలో కారులో వెనుకసీటులో కూర్చున్న సాంచెజ్‌ 14 ఏళ్ల సోదరి జాక్వలిన్‌, మరో టీనేజ్‌ అమ్మాయి కారులోంచి బయటకు ఎగిసిపడ్డారు.