‘వర్మను వెంటనే అరెస్ట్‌ చేయండి’

వివాదాస్పద సినీ దర్శకుడు రాంగోపాల్‌వర్మను వెంటనే అరెస్ట్‌ చేయాలని విశాఖ‌ మ‌హిళాసంఘాల ఐక్య‌వేదిక డిమాండ్‌ చేసింది. మంగళవారం ఈ మేరకు న‌గ‌ర జాయింట్ పోలీస్ క‌మిష‌న‌ర్‌కు విన‌తిప‌త్రం అంద‌జేసింది. ఆడ‌వాళ్ల‌ను అంగ‌డి స‌రుకుగా చేసి త‌న వ్యాపారంగా మార్చుకుంటున్నాడ‌ని మహిళా సంఘాల నేతలు దుయ్య‌బ‌ట్టారు. స‌మాజంపై చెడు ప్ర‌భావం చూపే వికృత దుర్మార్గపు ఆలోచ‌న‌ల‌ను ప్ర‌చారం చేస్తూ యువ‌త‌ను పెడ‌తోవ ప‌ట్టిస్తున్నాడ‌ని మండిప‌డ్డారు.