రోహిత్ 'సైకో' ప్రవర్తన.. నాగ్ ఎందుకు మాట్లాడలేదు?

తెలుగు బిగ్‌బాస్ షో మీద ఎన్ని విమర్శలు వచ్చాయో లెక్కలేదు. అయినా సరే నిర్వహకులు తీరు మార్చుకోవట్లేదు. టీఆర్పీ కోసం రోజురోజుకీ తమ స్థాయి దిగజార్చుకుంటూనే ఉన్నారు. శనివారం ఎపిసోడ్‌లోనూ అలాంటి ఓ సంఘటన కంపరం పుట్టించింది. ప్రధాన సూత్రధారి రోహిత్ కాగా అతడికి వంతపాడుతూ వర్షిణి, ముకేశ్ అలానే ప్రవర్తించారు. ఇదంతా చూసి కూడా హోస్ట్ నాగార్జున ఎందుకు సైలెంట్‌గా ఉన్నారు? అసలు జనాలకు వీళ్లు ఏం మెసేజ్ ఇద్దామనుకుంటున్నారు?(ఇదీ చదవండి: బిగ్‌బాస్ 10: గవర్నమెంట్ జాబ్ తెచ్చుకుంటావ్.. ఎమోషనల్ ఎలిమినేషన్)ప్రస్తుత బిగ్‌బాస్ సీజన్‌లో ప్రారంభం నుంచి త్రిగుణ్ vs రోహిత్ అన్నట్లుగానే ఉంది. రోహిత్ ఎన్ని మాటలు అంటున్నా, ఇబ్బందులు పెడుతున్నా త్రిగుణ్ గేమ్స్‌లో గెలుస్తూ వస్తున్నాడు. ఈ వారం అల్టిమేట్ గోట్ కూడా అయిపోయాడు. అదే టైంలో రోహిత్ మాత్రం సోషల్ మీడియాలోనే ఎలివేషన్లు ఇప్పించుకుంటున్నాడు తప్పితే షోలో ఘోరాతిఘోరంగా ఆడుతున్నాడు. అంతకు మించి సైకోలా దారుణంగా ప్రవర్తిస్తున్నాడు.బిగ్‌బాస్ అనేది ఓ గేమ్ షో. ఇందులో గెలిచినా ఓడినా పెద్దగా ప్రయోజనం ఉండదు. రెండు రోజులు పోతే అందరూ ఈ షో గురించే మర్చిపోతారు. గేమ్ పరంగా ఏదైనా అనుకోవచ్చు గానీ వ్యక్తిగతంగా తిట్టడం, టార్గెట్ చేయడం సరికాదు. అగ్నిపరీక్షలో సెలెక్ట్ అయి సామాన్యుడు అనే ట్యాగ్ లైన్‌తో హౌస్‌లోకి వచ్చిన రోహిత్.. శనివారం(అక్టోబర్ 31) ఎపిసోడ్‌లో త్రిగుణ్ గురించి మాట్లాడుతూ స‌న్న‌ని ఊచకు ఆయిల్ రాసి దింపుతానని అనడం షాకింగ్. పక్కనే ఉన్న వర్షిణి మరింత అసహ్యంగా.. 'నేనేతై క‌నిపించ‌కుండా పోతుంది' అనేసింది. ముఖేశ్ అయితే 'పుష్ అండ్ పుల్' అని సైగ‌లు చేశాడు. ఈ వ్య‌వ‌హారం మొత్తం గిఫ్ట్ వీడియో రూపంలో త్రిగుణ్‌కి చూపించారు.ఇక్కడ అర్థం కాని విషయం ఏంటంటే రోహిత్-వర్షిణి-ముకేశ్ కంపరం పుట్టేంత దారుణంగా మాట్లాడితే వాళ్లని అందరిముందు తిట్టాల్సింది పోయి.. సదరు తతంగాన్ని వీడియో రూపంలో త్రిగుణ్‌కి ఎందుకు చూపించారు? అంటే సదరు మాటల్ని చూపించి పొగపెట్టి, తద్వారా వివాదాన్ని రేపి దాన్ని టీఆర్పీ చేసుకుందామని బిగ్‌బాస్ టీమ్ అనుకుంటోందా?ఒకవేళ ఇవే మాటలు.. ఓ అమ్మాయి గురించి అని ఉంటే షో ఆగిపోయేది. ఆగాలి కూడా. కానీ ఇక్కడ బాధితుడు మగవాడు కాబట్టి.. గిఫ్ట్ వీడియో అని చూపించి ముందుకెళ్లిపోయారు. 'మగాడు కదా తట్టుకుంటాడు' అనే ఆలోచన ఎంతవరకు కరెక్ట్? మగవాళ్ల మీద హింస, లైంగిక బెదిరింపులు కూడా వేధింపులేగా!(ఇదీ చదవండి: ఓటీటీలోకి వచ్చేసిన తెలుగు రొమాంటిక్ సినిమా)బిగ్‌బాస్ షోని చాలామంది తమ పిల్లలతో కలిసి చూస్తుంటారు. రోహిత్ లాంటి వ్యక్తులు సైకోల్లా ప్రవర్తించి, మట్లాడే ఇలాంటి మాటల వల్ల ఫ్యామిలీ ప్రేక్షకులకు ఏం మెసేజ్ ఇద్దామనుకుంటున్నారో బిగ్‌బాస్ టీమ్ సమాధానం చెప్పాలి. ఇప్పటికే షోని బ్యాన్ చేయాలని కొందరు ఎప్పటికప్పుడు విమర్శిస్తూనే ఉన్నారు. అలాంటి వాళ్ల వాదనకు రోహిత్ చేసిన వ్యాఖ్యలు మరింత బలం చేకూర్చాయి. బిగ్‌బాస్ షోపై ఇప్పటికే నెగిటివిటీ ఉంది. ఇలాంటి మాటలు, ప్రవర్తనతో అది మరింత దిగజారిపోతోంది.ఈ వారం ఝాన్సీతో పాటు రోహిత్ కూడా ఎలిమినేట్ అయ్యాడని అంటున్నారు. ఒకవేళ అదే నిజమైతే మాత్రం సరైన పనే చేశారు. ఎందుకంటే త్రిగుణ్ గురించే కాదు దేబ్జానీ గురించి ఓ సందర్భంలో మాట్లాడిన రోహిత్.. ఆమె జుట్టు పట్టి లాగుతా అన్నట్లు సైగలు చేశాడు. తనతో పోటీపడే అమ్మాయిని ఈడ్చి కొట్టాలనే మాటలు.. ఇలాంటి వాటి ద్వారా నిర్వాహకులు ఏం చెబుదామనుకుంటున్నారు? మగవాడితో పోటీపడితే అమ్మాయికి దెబ్బలే సమాధానమా? (ఇదీ చదవండి: ఓటీటీలోకి తెలుగు యాక్షన్ థ్రిల్లర్ సినిమా)

బిగ్‌బాస్ 10: గవర్నమెంట్ జాబ్ తెచ్చుకుంటావ్.. ఎమోషనల్ ఎలిమినేషన్

రూమర్స్ వచ్చినట్లే రైతుబిడ్డ ఝాన్సీ ఎలిమినేట్ అయింది. రెడ్ లెవల్‌లోనే ఉండిపోయిన ఈమె.. ఈ వారం డబుల్ ఎలిమినేషన్‌లో భాగంగా మొదటగా హౌస్ నుంచి బయటకొచ్చేసింది. ఈమె వచ్చేస్తున్నప్పుడు ముకేశ్ తెగ ఎమోషనల్ అయిపోయాడు. ఇంతకీ బిగ్‌బాస్ హౌస్‌లో 55వ రోజైన శనివారం(అక్టోబర్ 31) ఏం జరిగింది?(ఇదీ చదవండి: మరో వివాదంలో 'ఇరుముడి'.. తెలంగాణ కార్మికశాఖ నోటీసులు)నాగ్ ఎంట్రీ తర్వాత శుక్రవారం రాత్రి జరిగింది స్క్రీన్‌పై చూపించారు. మనలో ఎవరు కెప్టెన్ అయినాసరే త్రిగుణ్‌కి చుక్కలు చూపించాలి. స్కేల్‌కి ‍నూనె రాసి చితక్కొట్టాలని దారుణంగా మాట్లాడుకున్నారు. టీవీలోకి వచ్చిన నాగ్.. ఇంటి సభ్యులతో మాట్లాడటం మొదలుపెడతాడు. సుధీర్‌తో మీ వాళ్లు నిన్ను కాపాడారు కంగ్రాట్స్ అని చెప్పి నీ ఆట బాగుపడాలి అని జీరో స్టార్ ఇచ్చాడు. తర్వాత ఝాన్సీని నిలబెట్టి.. ఈ వారం నీ ఆట కనిపించలేదమ్మా, పవర్ వాడావు కదా మనస్ఫూర్తిగా వాడావా అని అంటే మనస్ఫూర్తిగా వాడాను అని చెప్పింది. నరేశ్‌తో ఫౌల్ గేమ్ ఆడావు. ఇలా అయితే రెడ్ నుంచి బయటకు వచ్చేది ఎప్పుడు? అని వీడియో చూపించి మరీ నాగ్ సీరియస్ అయ్యాడు.రామకృష్ణ ఆట కూడా బాగోలేదని చెప్పి జీరో స్టార్ ఇచ్చాడు.నీతూతో ఒక వారం బాగా ఆడావు. ఈ వారం మరేం లేదు. కోచ్ పని మానేసి అంపైర్‌గా తయారయ్యావ్ అని ఈమెకి కూడా నాగ్ జీరో స్టార్ ఇచ్చారు. రాంప్రసాద్‌ ఆట చాలా బాగుందని చెప్పి ఫైవ్‌ స్టార్ట్‌లో రాంప్రసాద్‌కి ఇచ్చారు. నరేశ్‌ నీ ఆట కూడా బాగుంది. నువ్వు స్టార్స్‌ దక్కించుకున్నా లేకున్నా నువ్వు ఫైవ్‌ స్టార్‌నే. నువ్వు చెప్పిన వాటిలో 10 శాతం ముకేశ్ ఫాలో అయినా తన గేమ్ ఆ రేంజ్‌లో ఉండేదని అన్నాడు. వర్షిణికి త్రీ స్టార్‌ ఇ‍చ్చాడు. ఇక త్రిగుణ్ గురించి మాట్లాడుకున్న సంగతి గుర్తుచేసుకున్న నాగార్జున.. పీ అంటే ఏంటి వర్షిణి? అని అడిగాడు. గుర్తు లేదు అని వర్షిణి అంటే నరేశ్‌కి వర్షిణి చేతి మీద రాయమని చెప్పాడు. సుధీర్‌ని నిలబెట్టి బీ అంటే ఏంటి అని నాగ్ అడిగాడు. జోకర్ అన్నట్లు సార్ అంటే బీ అంటే జోకర్ ఎలా అవుతుంది అని ప్రశ్నించాడు. తర్వాత ఝాన్సీని నిలబెట్టి ఇదే ప్రశ్న అడిగాడు. వీడియో ఇక్కడ ప్లే చేయాలా కన్ఫెషన్‌ రూంలో వేయాలా అని అడిగితే వర్షిణి సీక్రెట్‌గా ప్లే చేయమని చెప్పింది. కానీ నాగ్ అందరి ముందు ప్లే చేశారు. ఈ వీడియో గురించి చెప్పడానికే మీకు ఇలా ఉంటే చూసేవాళ్లకు ఎలా ఉంటుందని త్రీ స్టార్‌లో ఉన్న వర్షిణిని జీరో స్టార్‌లో పెట్టారు.(ఇదీ చదవండి: ఓటీటీలో కీర్తి సురేశ్‌ ‘అక్క’ రివ్యూ)శ్వేతకి మూడు స్టార్స్‌లో పెట్టి ఇంకా బాగుండాలి అని.. శివ్‌కి మూడు స్టార్స్‌ ఇచ్చి గ్రీన్‌లోకి ఎందుకు రాలేదు అంటే నాకు నామినేషన్‌లోకి రావాలని అనిపించింది.. గోట్ అవ్వడం కంటే జనాలకు శివ్ అనే వాడు ఒకడు ఉన్నాడని అనిపించుకోవాలని చెప్పాడు. దీంతో బాగా ఆడుతున్నావని నాగ్ చెప్పాడు. ఇక బ్రేక్‌ టైంలో బీ అంటే బఫూన్స్, పీ అంటే పపెట్స్ అని రోహిత్ అండ్ కో మాట్లాడుకున్నారు. నాగ్ వచ్చి బీ, పీ అంటే మీనింగ్స్ ఇవే అయితే ముందే ఎందుకు చెప్పలేదు అని అడిగారు.వంశీ ఆట బాగుందని చెప్పిన నాగ్.. దేబ్జానీకి నీ ఆటకి ఫైవ్ స్టార్ కానీ అల్టిమేట్ గోట్ కోసం నీ కష్టం సరిపోలేదు అందుకే మూడు స్టార్లు అని అన్నాడు. రోహిత్‌ని మొదటి 5 స్టార్స్‌లో పెట్టి ఈట్ 5 స్టార్ డూ నథింగ్ అని నాగ్ అన్నాడు. తర్వాత 3 స్టార్స్ ఇచ్చాడు. ఆడియన్స్ నిన్ను 5 స్టార్‌లో ఆడుతావ్ అనుకుంటే అంతగా ఆడటం లేదని చెప్పి వీడియో చూపించి వర్షిణి, రోహిత్ మధ్య ఏదో జరిగిందని అన్నాడు. నువ్వు ఎందుకు ఎల్లోలోకి రాలేదు అంటే మా వాళ్లకి గ్రీన్‌లో పెట్టుకోవాలని ప్రయత్నించా అని చెప్పాడు. ఇప్పటికీ నువ్వు రెడ్‌లో ఉన్నావ్ కదా అని నాగ్ అంటే.. మా వాళ్లు నన్ను కాపాడుతారని అన్నాడు. అమన్‌ని 5 స్టార్స్‌లో పెట్టి ఆట చాలా బాగుందని నాగ్ మెచ్చుకున్నాడు. త్రిగుణ్‌ని అల్టిమేట్ గోట్ అని పొగిడి గేమ్ గురించి చెప్పాల్సిన అవసరం లేదు. బాగా ఆడుతున్నావ్. అందరూ సపోర్ట్ చేశారు. అనంతరం ఇతడిని సీక్రెట్ గదిలోకి పిలిచి రోహిత్ తనని తిట్టి స్కేల్‌కి ఆయిల్ రాసి కొడతా అన్న విషయం వీడియో చూపిస్తారు. తర్వాత వర్షిణి, ముకేశ్, సుధీర్‌లతో త్రిగుణ్‌ వీక్‌నెస్ నాకు తెలుసు. వాడిని నేను దెబ్బకొడితే లేవలేడు అని చెప్పడం, త్రిగుణ్‌‌ని ఇబ్బంది పెట్టు అని సుధీర్.. ముకేశ్‌తో చెప్పడం అన్నీ చూపిస్తారు.నాగ్ అందర్నీ గార్డెన్ ఏరియాలోకి పిలిచి నామినేషన్లలో ఉన్న వారితో పాటు రెడ్ జోన్‌లో ఉన్న ఐదుగురైన ఝాన్సీ, రోహిత్, రాంప్రసాద్, శివ్, వంశీలలో ఒకరు ఓట్ల ప్రకారం మరోకరు బిగ్‌బాస్ ప్రకారం ఎలిమినేట్ అవుతారని చెప్పి మిగతా వాళ్లతో కుండలు పగలగొట్టించి ఎవరికి తక్కువ సేఫ్‌లు వస్తే వాళ్లు ఎలిమినేట్ అవుతారని చెప్పాడు. ఐదుగురికి మూడు మూడు సేఫ్‌లు వస్తాయి. తర్వాత నాగ్.. అల్టిమేట్ గోట్ త్రిగుణ్‌ని యాక్టివిటీ ఏరియాకి పంపి అక్కడున్న నాలుగు కుండలు పగలగొట్టి ఎవరు సేఫ్ చెప్పమన్నాడు. రామకృష్ణ, వంశీ, రోహిత్, శివ్ సేఫ్ అయి ఝాన్సీ ఎలిమినేట్ అయింది. సుధీర్ తాను వెళ్లిపోతా.. ఝాన్సీని ఉంచమని నాగ్‌ని బ్రతిమలాడాడు. ముకేశ్, ఝాన్సీ కన్నీళ్లు పెట్టుకున్నారు. తర్వాత ఝాన్సీని పట్టుకొని తనతో క్లోజ్‌గా ఉండే.. త్రిగుణ్, అమన్, రోహిత్ అందరూ ఏడుస్తారు. నీ కల సాధిస్తావ్ మంచి గవర్నమెంట్ జాబ్ తెచ్చుకుంటావ్ ముకేశ్.. ఝాన్సీతో అన్నాడు. అలా శనివారం ఎపిసోడ్ ముగిసింది.(ఇదీ చదవండి: బిగ్‌బాస్ 10: షాకింగ్.. రోహిత్ ఎలిమినేట్)

బిగ్‌బాస్ 10: షాకింగ్.. రోహిత్ ఎలిమినేట్

బిగ్‌బాస్ 10వ సీజన్ నుంచి రోహిత్ ఎలిమినేట్ అయ్యాడు. గతవారం డబుల్ ఎలిమినేషన్ జరగ్గా షాలిని, దక్షి ఔట్ అయ్యారు. ఈసారి కూడా అలానే ఉండబోతుందని టాక్ వినిపించింది. ఇప్పుడు అదే నిజమైంది. రైతుబిడ్డతో పాటు స్ట్రాంగ్ కంటెస్టెంట్ అని సోషల్ మీడియాలో హైప్ క్రియేట్ అయిన రోహిత్ ఎలిమినేట్ అయ్యాడు. షోలో ఇది టెలికాస్ట్ కాకముందే ఇతడి టీమ్ ఈ న్యూస్ బయటపెట్టేసింది.(ఇదీ చదవండి: ఓటీటీలో మలయాళ థ్రిల్లర్ సినిమా.. క్రేజీ కాన్సెప్ట్)ఈసారి రైతుబిడ్డ ఝాన్సీ ఎలిమినేట్ అయినట్లు ఇప్పటికే వార్తలొచ్చాయి. ‍అయితే హౌస్‌మేట్స్ ఓటింగ్‌తో రెడ్ లెవల్‌లో ఉన్న రోహిత్‌ని కూడా బయటకు పంపించేశారు. సాధారణంగా స్ట్రాంగ్ కంటెస్టెంట్స్‌ని ఎలిమినేట్ చేస్తున్నట్లు చెప్పి సీక్రెట్ రూంలో ఉంచుతుంటారు. రోహిత్‌ని అలానే చేస్తారేమో అనుకున్నారు. కానీ హోస్ట్ నాగార్జున అలాంటి ఆప్షన్ ఇవ్వకుండా డైరెక్ట్ ఎలిమినేట్ చేసి పంపిచేశారని తెలుస్తోంది.రోహిత్ పేరుకే స్ట్రాంగ్ కంటెస్టెంట్ గానీ గేమ్స్ పరంగా పెద్దగా ఆడింది లేదు. షాలినితో లవ్ ట్రాక్ నడపడం, త్రిగుణ్‌తో ప్రతిదానికి గొడవ పడటం తప్పితే వేరేగా చేసింది అయితే ఏం లేదు. బిగ్‌బాస్ కూడా తనని ఏం చేయలేడన్నట్లు యాటిట్యూడ్ చూపించాడు. ఇప్పుడదే ఇతడికి పెద్ద మైనస్ అయింది. సడన్ షాకిచ్చిన బిగ్‌బాస్.. ఎలిమినేట్ చేసి బయటకు పంపించేశాడు. అయితే ఇది ఊహించని రోహిత్ సోషల్ మీడియా టీమ్.. టెలికాస్ట్ కావడానికి ముందే ట్విటర్‌లో పోస్ట్ పెట్టేశారు. 'బ్యాన్ బిగ్‌బాస్' అని కూడా రాసుకొచ్చారు. మళ్లీ ఏమైందో ఏమో సదరు ట్వీట్ డిలీట్ చేసి ఇన్ స్టా స్టోరీలో మాత్రం కోపాన్ని బయటపెట్టారు.టాప్-3లో ఉంటాడనుకున్న రోహిత్.. ఇలా ఇప్పుడు ఎలిమినేట్ అయిపోవడం బిగ్‌బాస్ ప్రేక్షకులకు నిజంగా షాకింగే అని చెప్పొచ్చు. రోహిత్ వెళ్లిపోయాడు కాబట్టి హౌస్‌లో టాప్‌కి ఎవరెళ్తారు? వచ్చే వారం నుంచి ఏం జరుగుతుందనేది చూడాలి?(ఇదీ చదవండి: ఓటీటీలోకి కీర్తి సురేశ్‌ ‘అక్క’ రివ్యూ)💔💔💔💔💔💔 #BiggBossTelugu10— Rohit Naidu Patnam (@RohitNaiduPatnm) October 31, 2026

బిగ్‌బాస్‌లో బిగ్‌ ట్విస్ట్‌.. రైతుబిడ్డ ఎలిమినేట్‌..?

బిగ్‌బాస్‌ తెలుగు సీజన్‌ 10లో ఎలిమినేషన్ల ప్రక్రియ రోజుకో మలుపు తిరుగుతోంది. సాధారణంగా ప్రేక్షకుల ఓటింగ్‌ ఆధారంగా కంటెస్టెంట్ల ఎలిమినేషన్‌ జరుగుతుంది. అయితే ఈ సీజన్‌లో మాత్రం ప్రేక్షకుల ఓట్లతో పాటు హౌస్‌మేట్స్‌ ఓటింగ్‌ను కూడా పరిగణనలోకి తీసుకుంటున్నారు. దీంతో ఎలిమినేషన్‌ ప్రక్రియలో అనూహ్య పరిణామాలు చోటుచేసుకుంటున్నాయి. తాజాగా ఈ వారం కూడా ఇదే విధానాన్ని కొనసాగిస్తూ సుధీర్‌ను ఎలిమినేట్‌ అయ్యాడు. అయితే అతడు ఇంకా హౌస్‌లోనే కొనసాగుతుండటానికి ముకేష్‌ కారణమనే చెప్పాలి.ఝాన్సీ పవర్‌ను వదులుకునేలాముకేష్‌కు లభించిన సూపర్‌ పవర్‌ నేరుగా ఒకరిని సేవ్‌ చేసే అవకాశం ఇవ్వకపోయినా.. ఝాన్సీ దగ్గర ఉన్న సేవింగ్‌ పవర్‌ను తీసుకునే అవకాశం కల్పించింది. దీంతో ముకేష్‌ వ్యూహాత్మకంగా వ్యవహరించి, సుధీర్‌ కోసం ఝాన్సీ తన పవర్‌ను వదులుకునేలా చేశాడు. ఆ పవర్‌ ఝాన్సీ దగ్గరే ఉండి ఉంటే.. ఎలిమినేషన్‌ నుంచి తనను తాను కాపాడుకోవడంతో పాటు మరో కంటెస్టెంట్‌ను కూడా సేవ్‌ చేసే అవకాశం ఉండేది. కానీ ఇప్పుడు ఆ అవకాశం లేకుండా పోయింది.ఇదిలా ఉంటే.. ఈ వారం సడన్‌ ఎలిమినేషన్‌తో పాటు మరో ఎలిమినేషన్‌ కూడా ఉంటుందని ముందుగానే చెప్పారు. తాజాగా అందుతున్న సమాచారం ప్రకారం ఝాన్సీ ఎలిమినేషన్‌ అయినట్లు తెలుస్తోంది. దీనికి తోడు విడుదలైన ప్రోమోలో నాగార్జున ఆమె ఆటతీరుపై అసంతృప్తి వ్యక్తం చేసినట్లు కనిపించింది. స్టార్‌ పాయింట్స్‌ విషయంలోనూ ఝాన్సీకి అనుకూలమైన స్పందన రాలేదు. ఝాన్సీ ఎలిమినేషన్‌మరోవైపు నరేశ్‌, రాంప్రసాద్‌ ఐదు స్టార్‌ పాయింట్స్‌ అందుకోగా.. స్టార్‌ పాయింట్స్‌ లేని కంటెస్టెంట్లలో ఝాన్సీ, సుధీర్‌, నీతూ మాస్టర్‌ ఉన్నట్లు ప్రోమోలో చూపించారు. దీంతో ఝాన్సీకి ఈ వారం గండం తప్పదా? ముకేష్‌ తీసుకున్న నిర్ణయం ఆమెకు శాపంగా మారిందా? అనే చర్చ మొదలైంది. అయితే ఝాన్సీ ఎలిమినేషన్‌పై వస్తున్న వార్తల్లో ఎంతవరకు నిజముందో తెలియాలంటే అధికారిక ఎపిసోడ్‌ వచ్చే వరకు వేచి చూడాల్సిందే.(ఇదీ చదవండి: భార్య విడాకులిచ్చినా ప్రేమించాడు.. సంజయ్‌ గుప్తా లవ్‌స్టోరీ..)