TV
కోటప్పకొండ జాతరకు 532 బస్సులు
గుంటూరు: మహాశివరాత్రి సందర్భంగా జిల్లాలోని కోటప్పకొండలో జరిగే జాతరకు ఆర్టీసీ 532 ప్రత్యేక బస్సులను నడపనున్నట్టు ఆర్టీసీ ఎగ్జిక్యూటివ్ డైరెక్టర్ నాగరాజు తెలిపారు. గురువారం కోటప్పకొండలో తిరునాళ్ల ఏర్పాట్లపై సమీక్ష సమావేశం నిర్వహించారు. ఈ కార్యక్రమంలో గుంటూరు, కృష్ణా, ప్రకాశం జిల్లాలకు చెందిన ఆర్టీసీ అధికారులు పాల్గొన్నారు. తిరునాళ్లకు వివిధ డిపోల నుంచి ప్రత్యేక బస్సులు ఏర్పాటు చేస్తున్నామన్నారు. పలు ప్రాంతాల నుంచి జాతరకు వచ్చే భక్తులకు ఎలాంటి ఇబ్బందులు కలుగకుండా అన్ని ఏర్పాట్లు చేస్తున్నట్టు అధికారులు తెలిపారు.
(కోటప్పకొండ)
