లారీని ఢీకొన్న ప్రైవేట్ బస్సు

ప్రకాశం: ఆగి ఉన్న లారీని ప్రైవేట్ ట్రావెల్ బస్సు ఢీకొంది. ఈ ఘటన ప్రకాశం జిల్లా సింగరకొండ సమీపంలో అద్దంకి రూరల్ మండలం వేల్చూరు సమీపంలో గురువారం ఉదయం చోటుచేసుకుంది. బెంగళూరు నుంచి వస్తున్న సప్తగిరి ట్రావెల్స్ బస్సు ఆగి ఉన్న లారీని ఢీకొనడంతో బస్సు డోర్లు లాకయ్యాయి.  ఈ ప్రమాదంలో అందరూ సురక్షితంగా బయటపడినప్పటికీ బస్సు డోర్లు లాక్ కావడంతో ప్రయాణీకులు బస్సులోనే ఇరుక్కు పోయారు. దీంతో చేసేదేమీలేక ప్రయాణికులతో అలానే బస్సును ఒంగోలు వరకు తీసుకు వచ్చారు. ఈ ఘటనకు సంబంధించి మరిన్ని వివరాలు తెలియాల్సి ఉంది.