ముగిసిన కాంగ్రెస్ కోర్ కమిటీ సమావేశం

తెలంగాణ విషయమై చర్చలు జరిపేందుకు ఏర్పాటుచేసిన కాంగ్రెస్ కోర్ కమిటీ సమావేశం ముగిసింది. మంత్రుల బృందం రూపొందించిన నివేదికను కేంద్ర హోం మంత్రి సుశీల్ కుమార్ షిండే ఈ సమావేశంలో కాంగ్రెస్ అధినేత్రి సోనియాగాంధీకి అందించారు. కేంద్ర మంత్రులు చిదంబరం, ఏకే ఆంటోనీ, కపిల్ సిబల్, షిండేతో పాటు సోనియా రాజకీయ సలహాదారు అహ్మద్ పటేల్ కూడా ఈ సమావేశంలో పాల్గొన్నారు.

గతంలో కేంద్ర న్యాయశాఖ మంత్రిగా కూడా వ్యవహరించిన కపిల్ సిబల్ ఈ సమావేశంలో పలు అంశాలపై తన అభిప్రాయాలు చెప్పినట్లు తెలుస్తోంది. ప్రధానంగా హైదరాబాద్, భద్రాచలం అంశాలపై ఈ సమావేశంలో చర్చించారు. ఆర్టికల్ 371 (డి) తదితర అంశాలపై కపిల్ సిబల్ వివరంగా చర్చించారు.