Congress Party

రాజకీయంగా కీలక పరిణామాలు చోటుచేసుకుంటున్న వేళ.. దేశ ప్రధాని నరేంద్ర మోదీకి సంబంధించిన ఓ పాత వీడియో ఇప్పుడు సోషల్‌ మీడియాలో ట్రెండింగ్‌లోకి వచ్చింది. బీజేపీ అగ్రనేతలు, కేంద్ర మంత్రులు వరుసగా ఆ వీడియోను పోస్టు చేస్తూ కాంగ్రెస్‌పై విమర్శలు గుప్పిస్తున్నారు. ఓ బహిరంగ సభలో మోదీ చేసిన వ్యాఖ్యలకు సంబంధించిన వీడియోను ఇప్పుడు ఎందుకు వైరల్‌ చేస్తున్నారనే ప్రశ్నలు నెటిజన్ల నుంచి వ్యక్తమవుతున్నాయి. ప్రస్తుతం కాంగ్రెస్‌ అగ్రనేత రాహుల్‌ గాంధీ నేతృత్వంలో ఎన్నికల సంఘం, ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)కు వ్యతిరేకంగా నిరసనలు కొనసాగుతున్నాయి. అటు సీజేపీ, ఇతర విద్యా సంఘాలు కూడా ఈ పోరాటం విడిగా చేస్తున్నాయి. ఈ నేపథ్యంలో రాహుల్‌ గాంధీకి రాజకీయంగా మంచి పేరు వస్తోందనే ఉద్దేశంతోనే బీజేపీ నేతలు పాత వీడియోను తెరపైకి తెచ్చారంటూ సెటైర్లు పడుతున్నాయి. ప్రధాని మోదీ నిరాశ, అసహనంతో ఉన్నారనే అర్థం వచ్చేలా సీజేపీ కూడా ఈ వీడియోపై స్పందించింది.మోదీ ఏమన్నారంటే..ఈ ఏడాది ఫిబ్రవరిలో మీరట్‌లో జరిగిన బహిరంగ సభలో మోదీ కాంగ్రెస్‌పై తీవ్ర విమర్శలు చేశారు. ప్రధాని పదవిని ఆశించేవారు ముందుగా ప్రజల హృదయాలను గెలుచుకోవాలని అన్నారు. పార్లమెంటులో ప్రధాని సీటును ఆక్రమించుకోవాలనే ఉద్దేశంతో మహిళా ఎంపీలను ముందుకు నెట్టడం ద్వారా ఆ స్థానాన్ని సాధించలేరని వ్యాఖ్యానించారు. మహిళా ఎంపీలను అలా ముందుకు పంపే స్థాయికి కాంగ్రెస్‌ దిగజారిందా? అంటూ ప్రశ్నించారు.ఢిల్లీలో జరిగిన ఏఐ సమిట్‌ సందర్భంగా యువజన కాంగ్రెస్‌ కార్యకర్తలు అర్ధనగ్నంగా నిరసన చేపట్టిన ఘటననూ మోదీ తీవ్రంగా ఖండించారు. కాంగ్రెస్‌ తన రాజకీయాలకు అంతర్జాతీయ వేదికను ఉపయోగించుకుందని, విదేశీ అతిథులు ఉన్న చోట గందరగోళం సృష్టించిందని విమర్శించారు. ఆ పార్టీ సైద్ధాంతికంగా దివాలా తీసిందని మండిపడ్డారు.‘‘కాంగ్రెస్‌ నగ్నత్వం దేశానికి తెలుసు. ఇప్పటికే ప్రజల దృష్టిలో ఆ పార్టీ నేతలు దిగజారిపోయారు. దేశాన్ని అప్రతిష్ఠపాలు చేసే పనిలో కాంగ్రెస్‌ తీరిక లేకుండా ఉంది. రాజకీయ విభేదాల కంటే వ్యక్తిగత శత్రుత్వానికే ప్రాధాన్యమిస్తోంది. గతంలో నన్ను, నా తల్లిని అవమానించారు. ఇప్పుడు ప్రపంచ నేతల ఎదుట దేశాన్ని అవమానించారు. అన్ని పరిమితులనూ దాటిపోయారు’’ అని మోదీ వ్యాఖ్యానించారు.कांग्रेस के बेलगाम नेता, देश को तबाह करने पर तुले हुए हैं... https://t.co/jLzawqFRee— Smriti Z Irani (@smritiirani) October 15, 2026తమ చర్యలకు సిగ్గుపడాల్సింది పోయి, వాటినే గొప్పగా ప్రచారం చేసుకుంటున్నారని కాంగ్రెస్‌పై విమర్శలు చేశారు. దేశాన్ని గొప్పగా తీర్చిదిద్దేందుకు ప్రజలు కష్టపడుతుంటే, కొన్ని పార్టీలు విజయాలను జీర్ణించుకోలేకపోతున్నాయని అన్నారు. ఇలాంటి అంశాలపై తాను స్పందించినప్పుడు ‘విపక్షాలపై విరుచుకుపడ్డ మోదీ’ అంటూ వార్తలు రాయవద్దని మీడియాకు విజ్ఞప్తి చేశారు.కుర్చీ కోల్పోతామనే భయమా?బీజేపీ నేతలు వరుసగా పోస్టు చేస్తున్న ఈ వీడియోపై సీజేపీ ఘాటుగా స్పందించింది. ‘‘ఇది ప్రధాని నిరాశ, అసహనాన్ని చూపిస్తోంది. కుర్చీ కోల్పోతామనే భయం ఇది’’ అని వ్యాఖ్యానించింది. మరోవైపు, పాత వీడియోను ఇప్పుడు పెద్ద ఎత్తున ప్రచారం చేయడం వెనుక కారణమేంటని పలువురు నెటిజన్లు ప్రశ్నిస్తున్నారు. అయితే, బీజేపీ నేతలు ఈ వీడియోను ఇప్పుడు ఎందుకు పోస్టు చేస్తున్నారనే దానిపై స్పష్టమైన కారణం వెల్లడికాలేదు.పాత వీడియోతో కొత్త రాజకీయ రచ్చమోదీ అప్పట్లో చేసిన వ్యాఖ్యలతో కూడిన వీడియో ఇప్పుడు బీజేపీ నేతల పోస్టులతో మళ్లీ చర్చలోకి వచ్చింది. అయితే, ఎన్నికల సంఘం, ఓటర్ల జాబితాల అంశాలపై కొనసాగుతున్న రాజకీయ పోరాటానికి ఈ వీడియోను జోడించి ఇరు పక్షాలు పరస్పరం విమర్శలు చేసుకుంటున్నాయి. పాత వీడియోను ఇప్పుడు ఎందుకు ప్రచారం చేస్తున్నారనే ప్రశ్నకు సమాధానం కంటే, దాని చుట్టూ సాగుతున్న రాజకీయ వాదోపవాదాలే ప్రస్తుతం సోషల్‌ మీడియాలో చర్చనీయాంశంగా మారాయి.ఇదీ చదవండి: కాంగ్రెస్‌, ఎస్పీకి యూపీలో షాక్‌

ఐఏఎస్‌ ఉద్యోగానికి రాజీనామా.. రాజకీయాల్లోకి వస్తున్నారన్న ప్రచారం.. కాంగ్రెస్‌, సమాజ్‌వాదీ పార్టీల నుంచి ఆహ్వానాలంటూ చర్చ.. రాహుల్‌ గాంధీతో రహస్య భేటీ జరిగిందంటూ మరో ప్రచారం! మాజీ ఐఏఎస్‌ అధికారి దివ్యా మిట్టల్‌ రాజకీయ అడుగులపై గత కొన్ని రోజులుగా ఉత్తరప్రదేశ్‌లో ఆసక్తికర చర్చ నడిచింది. ఆమె ఏ పార్టీలో చేరతారన్న ఉత్కంఠకు తాజాగా తెరపడింది. ప్రధాన పార్టీల అంచనాలకు భిన్నంగా తన రాజకీయ ప్రస్థానంపై ఆమె కీలక ప్రకటన చేశారు.13 ఏళ్ల సివిల్‌ సర్వీసు కెరీర్‌కు స్వస్తి చెప్పిన దివ్యా మిట్టల్‌(42).. గురువారం తన రాజకీయ పార్టీని ప్రకటించారు. వచ్చే ఏడాది జరగనున్న ఉత్తరప్రదేశ్‌ అసెంబ్లీ ఎన్నికల్లో పోటీ చేయనున్నట్లు వెల్లడించారు. రాజకీయాల్లోకి వస్తానని గతంలోనే ప్రకటించిన ఆమె.. ఏదో ఒక పార్టీతో కలిసి పనిచేయడం కంటే ప్రజలతో నేరుగా మమేకమై రాజకీయాలు చేయాలన్న తన ఆలోచనను ఆచరణలో పెట్టేందుకు సిద్ధమయ్యారు.సొంత పార్టీతో రాజకీయాల్లోకి..తన పార్టీకి ‘జన్‌ నీతి భారత్‌ పార్టీ’ అని పేరు పెట్టినట్లు దివ్యా మిట్టల్‌ సోషల్‌ మీడియా వేదికగా ప్రకటించారు. ప్రజలే విధానాల రూపకల్పనలో కీలకంగా ఉండాలని, ఎన్నికల సమయంలోనే కాకుండా ఐదేళ్ల పాలనలోనూ ప్రభుత్వాన్ని ప్రశ్నించే అవకాశం ఉండాలని ఆమె పేర్కొన్నారు. కులం, మతం వంటి గుర్తింపుల కంటే ప్రజల అవసరాలకు ప్రాధాన్యమివ్వాలని స్పష్టం చేశారు. ప్రతి ప్రభుత్వ పనికి ప్రజలకు జవాబు చెప్పాల్సిందేనని పేర్కొంటూ మూడు ప్రధాన సూత్రాలను వివరించారు.मेरा राजनीतिक सफर का अगला कदम। मेरे साथ जुड़ें 🙏🙏 https://t.co/c9ihA3dxOB— Divya Mittal (@divyamittal_IAS) October 15, 2026రాహుల్‌తో భేటీ ఉత్తదేదివ్యా మిట్టల్‌ రాజకీయ ప్రవేశంపై చర్చ జరుగుతున్న సమయంలో బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు మరింత ఆసక్తి రేకెత్తించింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీతో దివ్యా మిట్టల్‌ రహస్యంగా సమావేశమయ్యారంటూ ఆయన ఆరోపించారు. దీంతో ఆమె కాంగ్రెస్‌లో చేరబోతున్నారన్న ప్రచారం మొదలైంది. అయితే, ఈ ఆరోపణలను దివ్యా మిట్టల్‌ ఖండించారు. సెప్టెంబర్‌ 29న విడుదల చేసిన వీడియోలో తాను ఏ రాజకీయ పార్టీలోనూ చేరబోనని, ప్రజలతో కలిసి పనిచేయడమే తన లక్ష్యమని స్పష్టం చేశారు.అఖిలేశ్‌ వ్యాఖ్యలతోనూ చర్చ..దివ్యా మిట్టల్‌ రాజకీయాల్లోకి వస్తున్నట్లు ప్రకటించిన నేపథ్యంలో సమాజ్‌వాదీ పార్టీ అధినేత అఖిలేశ్‌ యాదవ్‌ చేసిన వ్యాఖ్యలు కూడా చర్చకు దారితీశాయి. ఆమె ఎస్పీలో చేరితే స్వాగతిస్తామనే సంకేతంగా ఆయన వ్యాఖ్యలను పలువురు విశ్లేషించారు. మరోవైపు కాంగ్రెస్‌లో చేరతారన్న ప్రచారం కూడా సాగింది. అయితే, ఈ ఊహాగానాల మధ్య దివ్యా మిట్టల్‌ సొంత పార్టీ ప్రకటన చేయడంతో ఆమె రాజకీయ ప్రయాణంపై స్పష్టత వచ్చింది.వ్యవస్థలోని లోపాలే రాజకీయాలకు కారణమా?ప్రభుత్వ వ్యవస్థలో పనిచేసినప్పుడు ఎదురైన అనుభవాలే రాజకీయాల్లోకి రావాలన్న నిర్ణయానికి కారణమని దివ్యా మిట్టల్‌ గతంలో వివరించారు. మంజూరైనప్పటికీ నిర్మాణం కాని పాఠశాలలు, లబ్ధిదారులకు అందని భూములు, అధ్వాన్న రహదారులు, పేపర్‌ లీకేజీలతో విద్యార్థులు ఎదుర్కొంటున్న ఇబ్బందులను ప్రస్తావించారు. ప్రభుత్వ నిర్ణయాలు కాగితాలకే పరిమితం కాకుండా ప్రజలకు ప్రయోజనం చేకూర్చాలని పేర్కొన్నారు. ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే తన రాజకీయ లక్ష్యమని చెప్పారు.ఐఐటీ.. ఐఐఎం నుంచి ఐఏఎస్‌ వరకుహరియాణాలోని రేవారీకి చెందిన దివ్యా మిట్టల్‌.. ఐఐటీ ఢిల్లీ, ఐఐఎం బెంగళూరులో చదువుకున్నారు. అనంతరం లండన్‌లో పనిచేసి, 2013లో యూపీఎస్సీ సివిల్‌ సర్వీసెస్‌ పరీక్షలో 68వ ర్యాంకు సాధించారు. ఉత్తరప్రదేశ్‌ క్యాడర్‌కు చెందిన ఆమె సంత్‌ కబీర్‌ నగర్‌, మిర్జాపూర్‌, డియోరియా జిల్లాలకు జిల్లా మేజిస్ట్రేట్‌గా సేవలందించారు. మిర్జాపూర్‌లోని మారుమూల గ్రామాలకు కుళాయి ద్వారా తాగునీరు అందించే కార్యక్రమంతో గుర్తింపు పొందారు. ఆగస్టు 30న ఐఏఎస్‌ నుంచి స్వచ్ఛంద పదవీ విరమణకు నిర్ణయం తీసుకున్న ఆమె.. తాజాగా సొంత పార్టీతో రాజకీయ ప్రస్థానాన్ని ప్రారంభించారు. 2027 యూపీ ఎన్నికల్లో ఏ నియోజకవర్గం నుంచి పోటీ చేస్తారన్నది మాత్రం ఇంకా వెల్లడించలేదు.ఇదీ చదవండి: ఈసీపై ప్రశాంత్‌ కిషోర్‌ సంచలన ఆరోపణలు

చెన్నై: తమిళనాడు ముఖ్యమంత్రి, తమిళగ వెట్రి కళగం (టీవీకే) అధినేత విజయ్ పార్టీ తొలిసారి ఇండియా కూటమి నిరసనలో పాల్గొంది. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌ను పదవి నుంచి తొలగించాలని డిమాండ్ చేస్తూ గురువారం చెన్నైలో కాంగ్రెస్ ఆధ్వర్యంలో నిర్వహించిన ఆందోళనలో టీవీకే నేతలు పాల్గొన్నారు.ఓటర్ల జాబితాల్లో అక్రమాలు, ఓటర్ల జాబితాల ప్రత్యేక సమగ్ర సవరణ (SIR) ప్రక్రియలో అవకతవకలు జరుగుతున్నాయన్న ఆరోపణలతో ‘ప్రజాస్వామ్యాన్ని కాపాడండి’ అనే నినాదంతో ఈ నిరసన చేపట్టారు. అక్టోబర్ 3న ఇండియా కూటమిలో చేరిన తర్వాత టీవీకే ఈ తరహా ఆందోళనలో పాల్గొనడం ఇదే తొలిసారి కావడం విశేషం.రాహుల్‌-విజయ్‌ భేటీ తర్వాత కీలక పరిణామంఅక్టోబర్ 10న కాంగ్రెస్ అగ్రనేత రాహుల్ గాంధీ.. విజయ్‌తో చెన్నైలో సమావేశమయ్యారు. బీజేపీకి వ్యతిరేకంగా భవిష్యత్తులో నిర్వహించే ప్రచారాలు, నిరసనలు, రాజకీయ చర్చల్లో పాల్గొనాలని విజయ్‌ను ఆహ్వానించినట్లు కాంగ్రెస్ వర్గాలు తెలిపాయి. ఈ నేపథ్యంలో టీవీకే పార్టీ నేతలు కాంగ్రెస్ నిరసనలో పాల్గొనడం రాజకీయంగా ప్రాధాన్యం సంతరించుకుంది.ఎన్నికల సంఘం బీజేపీకి అనుకూలంగా వ్యవహరిస్తోందని కాంగ్రెస్ నేతలు ఆరోపిస్తూ ఎన్నికల కమిషనర్ రాజీనామా చేయాలని డిమాండ్ చేశారు. తమిళనాడులో ఎస్‌ఐఆర్‌ ప్రక్రియలో సుమారు 97 లక్షల మంది ఓటర్ల పేర్లు తొలగించారని నిరసనకారులు ఆరోపించారు. అందులో ముఖ్యంగా ముస్లింలు, గిరిజనులు, అణగారిన వర్గాల ఓటర్లు ఉన్నారని వారు విమర్శించారు. ఈ ఆందోళనలో కాంగ్రెస్‌తో పాటు ఇండియా కూటమిలోని ఇతర పార్టీల నేతలు కూడా పాల్గొన్నారు. ఇదీ చదవండి: ఇరాన్‌పై ‘మదర్ ఆఫ్ ఆల్ బాంబ్స్’ ప్రయోగానికి అమెరికా ప్లాన్?

సాక్షి, హైదరాబాద్‌: తెలంగాణలో విద్యుత్‌ సంక్షోభం, ఎల్‌నినో ప్రభావాన్ని ఎదుర్కోవడంలో కాంగ్రెస్‌ ప్రభుత్వం విఫలమైందంటూ సీఎం రేవంత్‌ రెడ్డిపై మాజీ మంత్రి, బీఆర్‌ఎస్‌ ఎమ్మెల్యే హరీశ్‌ రావు విమర్శలు గుప్పించారు. ప్రభుత్వం చేసిన తప్పులకు అధికారులను బాధ్యులను చేస్తూ సీఎం, మంత్రులు తప్పించుకునే ప్రయత్నం చేస్తున్నారని ఆయన ఆరోపించారు. ఈ మేరకు ఎక్స్‌ (ట్విటర్‌) వేదికగా స్పందించారు.బొగ్గు నిల్వలు సమృద్ధిగా ఏర్పాటు చేసుకోకపోవడం, విద్యుత్‌ రంగంపై సకాలంలో సమీక్షలు నిర్వహించకపోవడం వల్లే కరెంట్‌ కోతల పరిస్థితి ఏర్పడిందని హరీశ్‌ రావు విమర్శించారు. ఎల్‌నినో ప్రభావంపై వాతావరణ శాఖ, శాస్త్రవేత్తలు తొమ్మిది నెలలుగా హెచ్చరిస్తున్నా ప్రభుత్వం ముందస్తు చర్యలు తీసుకోలేదని ఆరోపించారు. ఇప్పుడు పరిస్థితి తీవ్రం కావడంతో అధికారులను సస్పెండ్‌ చేస్తామంటూ హెచ్చరించడం సరికాదన్నారు.నిషేధిత భూముల జాబితా అంశంలోనూ ప్రభుత్వమే తప్పులు చేసి అధికారులపై నెపం నెట్టిందని హరీశ్‌ రావు విమర్శించారు. విద్యుత్‌ సంక్షోభం విషయంలోనూ అదే వైఖరిని అనుసరిస్తోందని ఆరోపించారు. ఎల్‌నినోను కోవిడ్‌ తరహా విపత్తుగా సీఎం అభివర్ణించడాన్ని ప్రస్తావిస్తూ.. అలాంటి పరిస్థితి వస్తుందని ముందే హెచ్చరికలు వచ్చినప్పుడు ప్రభుత్వం ఎందుకు అప్రమత్తం కాలేదని ప్రశ్నించారు. అధికారుల ఉద్యోగాలు తీసేస్తామని హెచ్చరించే ముందు, ప్రజలకు ఇబ్బందులు కలగకుండా చూడాలని రేవంత్‌ రెడ్డిని ఉద్దేశించి హరీశ్‌ వ్యాఖ్యానించారు.ఇదీ చదవండి: తెలంగాణలో కొత్త ఓటర్లకు బిగ్‌ అలర్ట్‌.. నేడే, రేపే ఛాన్స్‌!

సాక్షి పెద్దపల్లి: సింగరేణి సంస్థను ప్రైవేటీకరణ దిశగా నడిపిస్తూ, కార్మికుల భవిష్యత్తును కాంగ్రెస్‌ ప్రభుత్వం ప్రమాదంలోకి నెడుతోందని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మండిపడ్డారు. ప్రభుత్వ రంగ సంస్థలను ప్రైవేటీకరించే ప్రయత్నాల్లో భాగంగానే తెలంగాణ ట్రాన్స్‌కోలో 26 శాతం వాటా విక్రయానికి ప్రభుత్వం చర్యలు చేపట్టిందని చెప్పారు. అలాగే త్వరలో సింగరేణి సంస్థను అదానీ, అంబానీ వంటి వారి కార్పొరేట్‌ సంస్థలకు అప్పగించేలా రేవంత్‌రెడ్డి, కిషన్‌రెడ్డి, మోదీలు కలిసి కుట్రలు చేస్తున్నారని ఆరోపించారు. సీఎం రేవంత్‌రెడ్డి నేతృత్వంలోని ప్రభుత్వం సింగరేణికి చెల్లించాల్సిన బకాయిలను చెల్లించకుండా, బొగ్గు ఉత్పత్తి తగ్గుదలకు కార్మికులను బాధ్యులుగా చూపే ప్రయత్నం చేస్తోందని విమర్శించారు. ఉత్పత్తి అవుతున్న బొగ్గంతా ఎక్కడికి పోతోందని నిలదీశారు. ‘సింగరేణిలో ఈ కోల్‌ మాల్‌ గోల్‌ మాల్‌ చేస్తున్న దొంగ ఎవరు? సిరుల సింగరేణిని కుంభకోణాల గనిగా మార్చిన దుర్మార్గుడు ఎవరు? బొగ్గు గనిని అవినీతి ఖనిగా మార్చేసిన దగుల్బాజీ ఎవరు?..’ అంటూ ధ్వజమెత్తారు. సింగరేణి, ఆర్టీసీతో పాటు ఇతర ప్రభుత్వ రంగ సంస్థలను కాపాడింది కేసీఆర్‌ ప్రభుత్వమేనన్నారు. పెద్దపల్లి జిల్లా గోదావరిఖనిలో బుధవారం నిర్వహించిన సింగరేణి కార్మిక గర్జన బహిరంగ సభలో కేటీఆర్‌ మాట్లాడారు. కమీషన్లు ముట్టకే టెండర్లు వాయిదా ‘సింగరేణిలో బొగ్గు ఉత్పత్తి గణనీయంగా తగ్గింది. మా హయాంలో 70 మిలియన్‌ టన్నుల స్థాయికి చేరిన బొగ్గు ఉత్పత్తి.. ప్రస్తుతం 58 మిలియన్‌ టన్నులకు పడిపోయింది. ఓపెన్‌కాస్ట్‌ గనుల్లో ఓవర్‌ బర్డెన్‌ (ఓబీ) పనుల టెండర్లను సకాలంలో పూర్తి చేయకపోవడమే ఉత్పత్తి తగ్గుదలకు కారణం. మంచిర్యాల జిల్లా శ్రీరాంపూర్‌ ఓపెన్‌కాస్ట్‌లో ఓబీ టెండర్లు ఏడుసార్లు వాయిదా పడ్డాయి. దానికి కారణం కమీషన్లు ముట్టకపోవడమే. రాష్ట్ర ప్రభుత్వం సింగరేణికి సుమారు రూ.60 వేల కోట్ల బకాయిలు చెల్లించాల్సి ఉంది. కానీ అవి చెల్లించకుండా సంస్థను సంక్షోభంలోకి నెడుతోంది. డీజిల్, జిలెటిన్‌ స్టిక్స్, సోలార్‌ ప్రాజెక్టులు, జైపూర్‌ థర్మల్‌ పవర్‌ ప్లాంట్, నైనీ బొగ్గు బ్లాక్‌ టెండర్లలో అవకతవకలు జరిగాయి. కేంద్ర ప్రభుత్వానికి 49 శాతం వాటా ఉన్నందున జోక్యం చేసుకుని సీబీఐ లేదా సిట్టింగ్‌ జడ్జితో విచారణ జరిపించాలి. సీఎం రేవంత్‌రెడ్డి, ఆయన బావమరిది సృజన్‌రెడ్డి, శోధా కన్‌స్ట్రక్షన్స్‌ వ్యవహారాలపై విచారణ జరపాలి..’ అని కేటీఆర్‌ డిమాండ్‌ చేశారు. అవినీతి రైజింగ్‌..ప్రొడక్షన్‌ ఫాలింగ్‌ ‘ప్రస్తుతం యాదాద్రి థర్మల్‌ పవర్‌ స్టేషన్‌లో 4,000 మెగావాట్ల సామర్థ్యానికి అనుగుణంగా ఉత్పత్తి జరగడం లేదు. ఇందుకు సింగరేణి నుంచి బొగ్గు సరఫరా కావడం లేదనే కారణాన్ని చూపుతున్నారు. ఉత్పత్తి చేస్తున్న బొగ్గు అంతా ఎక్కడకు పోతోంది? ఎక్కడ మాయమైంది? ఈ బొగ్గును మెక్కిన బకాసురుడు ఎవరు? ఈ బొగ్గును మాయం చేసిన మాయల ఫకీరు ఎవరు? కేసీఆర్‌ సీఎంగా ఉన్నప్పుడు బొగ్గు కొరత లేదు, కరెంట్‌ కొరత లేదు? నీళ్లకు కొరత లేదు. పదేళ్లు బ్రహ్మాండంగా నడిచిన సింగరేణి ఇప్పుడెందుకు ఈ పరిస్థితిలో ఉంది? సింగరేణిలో బొగ్గు నిక్షేపాలు ఈ మూ­డేళ్లలో తగ్గిపోయాయా? లేదా సింగరేణి కార్మికులు కష్టం చేయడం తగ్గిందా? ఎందుకు బొగ్గు తగ్గిపోయింది? మొన్నీ మధ్య మన నాయకులు మొత్తం సింగరేణి ప్రాంతమంతా పర్యటించి 40 లక్షల మెట్రిక్‌ టన్నుల బొగ్గు మాయమైందని నిలదీస్తే.. ‘లేదు లేదు ఉన్నది, బాయిలకాడ ఉంది‘ అని అబద్ధం చెప్పి తప్పించుకున్నారు. సింగరేణిలో ఇవాళ బొగ్గు ఉత్పత్తి లేదంటే దానికి కారణం కాంగ్రెస్‌ అవినీతి. బొగ్గు ఏడపోయింది అంటే.. అవినీతి రైజింగ్, ప్రొడక్షన్‌ ఫాలింగ్‌.. సంస్థలో కుంభకోణాల కుంభమేళా సింగరేణిని ఇవాళ ఒక దండుపాళ్యం ముఠా దోచుకుంటున్న­ట్టు కాంగ్రెసోళ్లు దోచుకుంటున్నారు. రూ.10 వేల కోట్ల మేర కుంభకోణాలు సింగరేణిలో జరిగాయి. సైట్‌ విజిట్‌ సర్టిఫికెట్‌ కుంభకోణం, డీజిల్‌ కుంభకోణం, జిలెటిన్‌ స్టిక్స్‌ కుంభకోణం, సోలార్‌ కుంభకోణం, జైపూర్‌ పవర్‌ కుంభకోణం..ఇలా సింగరేణిలో కుంభకోణాల కుంభమేళా జరుగుతోంది. కోమటిరెడ్డి వెంకటరెడ్డి ఓ చానెల్‌ ఇంటర్వ్యూలో స్వయంగా చెప్పిండు. సింగరేణిలో నైనీ కుంభకోణాన్ని ఆయన అడ్డుకోవడంతో ప్రభుత్వానికి రూ.30 వేల కోట్లు మిగిలాయని. ఆ నిధులు మింగినోడు ఎవడు? మింగుదామనుకున్నోడు ఎవడో ప్రజలకు చెప్పాలి..’ అని కేటీఆర్‌ అన్నారు. ప్రైవేటీకరణకు వ్యతిరేకంగా పోరాడాలి ‘సింగరేణి కార్మికులకు లాభాల్లో వాటా, దసరా బోనస్, వారసత్వ ఉద్యోగాల విషయంలో అన్యాయం జరుగుతోంది. కార్మికుల హక్కులు, సంస్థ భవిష్యత్తు, ప్రభుత్వ రంగ సంస్థల పరిరక్షణ కోసం కార్మికులు ఐక్యంగా పోరాడాలి. సింగరేణిని కాపాడే విషయంలో నాయకత్వం కేసీఆర్‌దే. రానున్న ఎన్నికల్లో బీఆర్‌ఎస్‌కు మద్దతు ఇవ్వాలి. కేసీఆర్‌ మళ్లీ ముఖ్యమంత్రి అయితేనే సింగరేణి, విద్యుత్‌ సంస్థలు సురక్షితంగా ఉంటాయి..’ అని కేటీఆర్‌ అన్నారు. ఈ కార్యక్రమంలో పలువురు మాజీ మంత్రులు, ఎమ్మెల్యేలు పాల్గొన్నారు.కేటీఆర్‌ న్యూ లుక్‌ వెనుక ‘గోదావరిఖని’ సీక్రెట్‌ కేటీఆర్‌ తన కొత్త గడ్డం లుక్‌ వెనుక ఉన్న కారణాన్ని సభలో సరదాగా బయటపెట్టారు. వచ్చే దారిలో కరీంనగర్‌లో ఆగినప్పుడు గంగుల కమలాకర్‌.. ‘అన్న గడ్డం పెంచినావ్‌?‘ అని అడిగారని, దానికి నేను ‘పోయేది గోదావరిఖనికి, సింగరేణికి కదా.. ఆ మాత్రం గెటప్‌ ఉండాలి..లేకపోతే నడవదు..‘ అని చెప్పానని తెలిపారు. దీంతో సభలో నవ్వులు విరిశాయి.

సాక్షి ప్రతినిధి, న్యూఢిల్లీ: కాంగ్రెస్, దాని మిత్రపక్షాలు గత వారం రోజులుగా ఢిల్లీలో నిరసనల పేరిట డ్రామాలాడుతూ దేశంలో అరాచకం సృష్టించేందుకు ప్రయత్నిస్తున్నాయని కేంద్ర బొగ్గు, గనుల శాఖ మంత్రి జి.కిషన్‌రెడ్డి విమర్శించారు. రాజ్యాంగం కల్పించిన ప్రజాస్వామ్య హక్కులను రాహుల్‌గాం«దీ, కాంగ్రెస్, కమ్యూనిస్టు పారీ్టలు దుర్వినియోగం చేస్తున్నాయని, దేశ ప్రతిష్టను మంటగలుపుతున్నాయని మండిపడ్డారు.మంగళవారం ఢిల్లీలో ఆయన విలేకరులతో మాట్లాడారు. ఎన్నికల్లో ప్రజల మద్దతు కోల్పోయి ఓడిపోతున్న కాంగ్రెస్‌ పారీ్ట...తమ ఓటమికి ఎన్నికల కమిష¯న్‌ను, సుప్రీంకోర్టును బాధ్యులను చేస్తోందని కిషన్‌రెడ్డి అన్నారు. గతంలో లోక్‌సభ స్పీకర్, ఆ తర్వాత ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలంటూ రాద్ధాంతం చేశారని, ఇప్పుడు తమకు అనుకూలంగా తీర్పులు రాలేదని ఏకంగా సుప్రీంకోర్టు ప్రధాన న్యాయమూర్తి (సీజేఐ) కూడా గద్దె దిగాలని బెదిరింపులకు దిగుతున్నారని విమర్శించారు. వేలాది మందితో సుప్రీంకోర్టుకు ర్యాలీగా వెళ్లి సీజేఐపై ఒత్తిడి తీసుకురావడం దేశ చరిత్రలోనే మునుపెన్నడూ జరగలేదన్నారు.రాహుల్‌ అసత్య ప్రచారం చేస్తున్నారు.. ‘ఓటర్ల జాబితా ప్రత్యేక సవరణ (సర్‌) ప్రక్రియపై రాహుల్‌గాంధీ ఉద్దేశపూర్వకంగా అసత్య ప్రచారం చేస్తున్నారు. సర్‌ æసర్వేలో దేశవ్యాప్తంగా 2.8 కోట్ల మంది మరణించినట్లు తేలింది. చనిపోయిన వారి ఓట్లను తొలగించకపోతే బోగస్‌ ఓటింగ్‌ జరగదా? మరో 6.3 కోట్ల మంది ఇతర ప్రాంతాలకు వలస వెళ్లారు. కోటి మందికి రెండు చోట్ల ఓట్లు ఉన్నట్లు గుర్తించారు. అసలు ఆచూకీ లేని వ్యక్తుల ఓట్లు 3 కోట్ల వరకూ ఉన్నాయి. సికింద్రాబాద్‌ లోక్‌సభ పరిధిలోనే రెండుచోట్ల పేర్లున్న 9 లక్షల డూప్లికేట్‌ ఓట్లను తొలగించారు.‘ఒక వ్యక్తికి ఒకే ఓటు‘విధానం రాజ్యాంగబద్ధం కాదా? ప్రతి పోలింగ్‌ బూత్‌కు కాంగ్రెస్‌ పార్టీకి బూత్‌ లెవల్‌ ఏజెంట్లు (బీఎల్‌ఏలు) ఉన్నారు. తప్పులుంటే క్షేత్రస్థాయిలో ఆధారాలతో ఎందుకు సరిదిద్దడం లేదు. కేరళం, తమిళనాడులలో గెలిచినప్పుడు ఎస్‌ఐఆర్‌ ఎంతో మేలు చేసిందని కాంగ్రెస్‌ నేత రమేశ్‌ చెన్నితాలే స్వయంగా చెప్పారు. మరి ఇప్పుడెందుకు వ్యతిరేకిస్తున్నారు. ఇటీవల బ్యాలెట్‌ పేపర్లతో జరిగిన గుజరాత్, మహారాష్ట్ర, రాజస్తాన్, త్రిపుర రాష్ట్రాల్లోని స్థానిక సంస్థల ఎన్నికల్లోనూ కాంగ్రెస్‌ ఘోరంగా ఓడిపోయింది..’అని కిషన్‌రెడ్డి చెప్పారు.పెట్టుబడులకు గండి ‘విపక్షాల బాధ్యతారాహిత్యం వల్ల ఒక్క రోజే రూ.40 వేల కోట్ల విదేశీ పెట్టుబడులు వెనక్కి వెళ్లిపోయాయి. దసరా, దీపావళి వంటి పండుగల సమయంలో కాంగ్రెస్‌ చేపట్టిన నిరసనలతో ఢిల్లీ మార్కెట్లు స్తంభించిపోయాయి. చిరు వ్యా పారులు తీవ్ర ఆందోళన చెందుతున్నారు. రాహుల్‌గాంధీ బారికేడ్లు ఎక్కి డ్యాన్సులు చేస్తూ అసభ్యకరంగా ప్రవర్తిస్తు న్నారు. ఓ గర్భిణీ జర్నలిస్టును, మహిళా పోలీసు అధికారులను దురుసుగా నెట్టివేయడం వారి దిగజారుడుతనానికి నిదర్శనం. రేవంత్‌ ఎగిరెగిరి పడుతున్నారు.. రాహుల్‌గాంధీ గజం ఎత్తు ఎగిరితే.. సీఎం రేవంత్‌రెడ్డి తాను రెండు గజాల ఎత్తు ఎగురుతానంటూ ఎగిరెగిరి పడుతున్నారు. తెలంగాణలో బీజేపీ ధర్నాలకు పిలుపునిస్తే కనీస అనుమతి ఇవ్వకుండా ముందస్తు అరెస్టులు చేయించే రేవంత్‌రెడ్డి ఇప్పుడు ఢిల్లీకి వచ్చి ప్రజాస్వామ్యం ఖూనీ అయిందంటూ మాట్లాడటం హాస్యాస్పదం. వర్షాల్లేక రైతులు, కరెంట్‌ కోతలతో పరిశ్రమలు, ప్రజలు ఇబ్బంది పడుతుంటే, వాటిని పట్టించుకోకుండా వారానికోసారి ఢిల్లీకొచ్చి రాహుల్‌ను పొగడ్తలతో ముంచెత్తి వెళ్తున్నారు..’అని కిషన్‌రెడ్డి ధ్వజమెత్తారు.ఇదీ చదవండి: ఓడిపోయేందుకు సిద్ధంగా ఉండండి

సాక్షి, న్యూఢిల్లీ: ఓటరు జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియ పూర్తయ్యే వరకు పూర్తి అప్రమత్తతతో ఉండాల్సిందేనని కాంగ్రెస్‌ హైకమాండ్‌ రాష్ట్ర నేతలకు స్పష్టం చేసింది. ఎస్‌ఐఆర్‌లో పేర్లు గల్లంతైనట్లు పేర్కొంటున్న ఓటర్లను గుర్తించి, వారి పేర్లను తిరిగి ఓటర్ల జాబితాలో చేరి్పంచేందుకు పోలింగ్‌ బూత్‌ స్థాయిలో ప్రత్యేక కార్యకర్తలను నియమించాలని ఆదేశించింది.రాష్ట్రంలోని ప్రతీ పోలింగ్‌ బూత్‌ పరిధిలో ఈ కార్యక్రమాన్ని చేపట్టాలని, కేంద్రంలోని బీజేపీ ప్రభుత్వం, కేంద్ర ఎన్నికల సంఘం కలిసి చేస్తున్న ఓట్ల చోరీని అడ్డుకోవాలని చెప్పింది. కేంద్ర ఎన్నికల ప్రధాన కమిషనర్‌ (సీఈసీ) జ్ఞానేశ్‌కుమార్‌ రాజీనామా చేయాలని డిమాండ్‌ చేస్తూ ‘ఇండియా’కూటమి హస్తినలో చేపట్టిన ‘మార్చ్‌ ఫర్‌ డెమోక్రసీ’ కార్యక్రమంలో పాల్గొనేందుకు ఢిల్లీకి వచ్చిన సీఎం రేవంత్‌రెడ్డి, పీసీసీ అధ్యక్షుడు మహేశ్‌కుమార్‌గౌడ్, మంత్రులు పొంగులేటి శ్రీనివాస్‌రెడ్డి, వివేక్, పొన్నం ప్రభాకర్, అడ్లూరి లక్ష్మణ్‌కుమార్, జూపల్లి కృష్ణారావు, వాకిటి శ్రీహరితోపాటు ఎంపీలు ఎమ్మెల్యేలు, ఎమ్మెల్సీలు.. కాంగ్రెస్‌ అగ్రనేత రాహుల్‌గాం«దీ, ఏఐసీసీ అధ్యక్షుడు మల్లికార్జున ఖర్గేతో భేటీ అయ్యారు. ఈ సందర్భంగా రాహుల్, ఖర్గే సర్‌ అంశంలో క్షేత్రస్థాయిలో కొట్లాడాల్సిన అవసరాన్ని మరోమారు నొక్కిచెప్పినట్లు తెలిసింది.లేదంటే గెలుపోటములు ప్రభావితం ఓటరు సవరణ ప్రక్రియలో పారదర్శకతకు తూట్లు పొడిచి, ప్రతిపక్షాలకు అనుకూలంగా ఉన్న ఓటర్లు, ప్రాంతాలను లక్ష్యంగా చేసుకొని ఈసీ ఓట్లను తొలగిస్తోందని రాహుల్‌ పేర్కొన్నట్లు సమాచారం. తమ అర్హతను తామే నిరూపించుకోవాల్సిన భారాన్ని పౌరులపై మోపుతూ, హడావుడిగా కొనసాగుతున్న సర్‌ ప్రక్రియను తేలిగ్గా తీసుకోరాదని చెప్పినట్లు తెలిసింది. ఒక్కో బూత్‌లో 2–3శాతం ఓట్లే పోయాయని తేలిగ్గా తీసుకోరాదని, వీటిద్వారా గెలుపోటములు ప్రభావితమయ్యే అవకాశాలు ఎక్కువగా ఉంటాయని రాహుల్‌ చెప్పినట్లు నేతలు పేర్కొన్నారు.యువత నిలదీసి ప్రశి్నస్తుందనే భయంతోనే మోదీ ప్రభుత్వం నిశ్శబ్దంగా ఫారం–6 నిబంధనల్లో అక్రమ మార్పులు చేసి, యువతను ఓటు హక్కుకు దూరం చేస్తోందన్న రాహుల్‌ దీనిపై ప్రత్యేక దృష్టి పెట్టాలన్నారు. సర్‌పై అవగాహన కల్పించేలా వివిధ ప్రాంతాల్లో సమావేశాలు, పాదయాత్రలు నిర్వహించాలని ఖర్గే సూచించినట్లు తెలిసింది. బూత్‌ల వారీగా తొలగించిన ఓట్లను తిరిగి చేర్చేలా ఎమ్మెల్యే, మంత్రులు బాధ్యత తీసుకోవాలని, పీసీసీ దీనిని పర్యవేక్షించాలని సూచించినట్లు తెలిసింది. జ్ఞానేశ్‌కుమార్‌ను తొలగించే వరకు ఈ పోరాటం ఆగదని.. దీనిపై అన్ని వేదికల మీద పోరాటం కొనసాగుతూ ఉంటుందని రాహుల్, ఖర్గే స్పష్టం చేసినట్లు సమాచారం.రాష్ట్ర నేతల సంఘీభావం సర్‌ అక్రమాలపై గళమెత్తి పోరాటం చేస్తున్న ఏఐసీసీ నేతలు, ఇండియా కూటమి పక్షాలకు రాష్ట్ర నేతలంతా సంఘీభావం ప్రకటించారు. దేశంలో నిష్పక్షపాత ఎన్నికలు నిర్వహించాల్సిన ఎన్నికల సంఘం అధికారంలోని బీజేపీ కుమ్మక్కైన విధానాన్ని దేశమంతా గమనిస్తోందని, ఈ అంశంలో రాహుల్‌ సహా కాంగ్రెస్‌ చేస్తున్న పోరాటంపై హర్షం వ్యక్తమవుతోందని సీఎం రేవంత్‌రెడ్డి, మంత్రులు పేర్కొన్నట్లు పార్టీ వర్గాలు తెలిపాయి.జాతీయ స్థాయిలో పార్టీ చేసే ప్రతీ పోరాటానికి రాష్ట్ర నేతలంతా మద్దతుగా ఉంటారని రేవంత్‌ హామీ ఇచ్చినట్లు వెల్లడించాయి. రాష్ట్ర స్థాయి నుంచి బూత్‌స్థాయి వరకు సర్‌ఫై పోరాటం కొనసాగిస్తామని నేతలు స్పష్టం చేశారు. కాగా, ఇండియా కూటమి పక్షాలకు రాహుల్‌ ఇచ్చిన తేనీటి విందుకు రేవంత్‌రెడ్డి హాజరయ్యారు. ఈ సందర్భంగా ఆర్జేడీ, ఎస్పీ, తృణముల్, కమ్యూనిస్టు పక్షాల నేతలతో ఆయన ముచ్చటించారు.

సాక్షి, న్యూఢిల్లీ: ఎస్‌ఐఆర్‌ కంటే ముందు కాంగ్రెస్‌ ఎన్ని ఎన్నికల్లో గెలిచిందని కేంద్ర హోంశాఖ మంత్రి అమిత్‌షా ప్రశ్నించారు. ప్రజల మద్దతు కోసం రాహుల్‌ ఇష్ఠారీతిన అబద్ధాలు చెబుతున్నారన్నారు. ఇండి కూటమి నేతలపై ఈ రోజు (మంగళవారం) తీవ్ర ఆగ్రహం వ్యక్తం చేస్తూ మాట్లాడారు.రాహుల్ దురుద్దేశంతోనే ఎస్‌ఐఆర్‌ ప్రక్రియపై తప్పుడు ప్రచారం చేస్తున్నారని 2029 ఎ‍న్నికల్లో ప్రజలు ఎవరివైపు ఉంటారో తేల్చుకుందామని కాంగ్రెస్‌ కు సవాల్‌ విసిరారు. రాహుల్ గాంధీతో పాటు కాంగ్రెస్ మిత్రపక్షాలు 2029 సార్వత్రిక ఎన్నికల్లో మరో ఘోర పరాజయానికి సిద్ధంగా ఉండాలని అమిత్ షా హెచ్చరించారు. వచ్చే ఎన్నికల్లో కూడా ఎన్డీఏ పూర్తి మెజారిటీతో అధికారంలోకి రాబోతోందని, కాంగ్రెస్‌కు వరుసగా ఇది నాలుగో ఓటమి కాబోతోందని జోస్యం చెప్పారు. రాహుల్ గాంధీ ఎస్‌ఐఆర్ (SIR) ప్రక్రియను వ్యతిరేకించడం వెనుక ఉన్న అసలు ఉద్దేశం చొరబాటుదారులను రక్షించడమేనని అమిత్ షా ఆరోపించారు.కాంగ్రెస్ ఆడుతున్న ఈ రాజకీయ రంగులను దేశ ప్రజలు పూర్తిగా అర్థం చేసుకున్నారని, వారి మాటలను నమ్మే పరిస్థితిలో లేరని అన్నారు. రాజ్యాంగ సంస్థలపై బురదజల్లడం రాహుల్‌కు అలవాటుగా మారిందని ఎన్నికల్లో ఓడిపోయిన ప్రతిసారీ ఆత్మపరిశీలన చేసుకోకుండా... ఎన్నికల సంఘం, ఈవీఎంలు లేదా సుప్రీంకోర్టు వంటి రాజ్యాంగ సంస్థలపై బురదజల్లడం ఏంటని ప్రశ్నించారు. ప్రజల మద్దతు కోల్పోయిన రాహుల్ గాంధీ, కేవలం దురుద్దేశంతోనే ఇష్టారీతిన అబద్ధాలు ప్రచారం చేస్తున్నారని ఆగ్రహం వ్యక్తం చేశారు.ఇదీ చదవండి: బాధ్యతల నుండి విముక్తి కల్పించండి

సాక్షి, న్యూ ఢిల్లీ: లోక్‌సభ ప్రతిపక్షనేత రాహుల్‌ గాంధీ నివాసంలో ఇండి కూటమి నేతల సమావేశం ముగిసింది. సీఈసీకి జ్ఞానేష్ కుమార్ కు వ్యతిరేకంగా పోరాటం కొనసాగించాలని నిర్ణయించినట్లు విపక్షాలు తెలిపాయి. అదే విధంగా జంతర్ మంతర్ ను నిరసన ప్రదేశంగా కొనసాగించాలని డిమాండ్ చేస్తున్నట్లు పేర్కొన్నాయి. మీటింగ్ అనంతరం ఇండి కూటమి నేతలు మాట్లాడుతూరాహుల్ మాట్లాడుతూ.. "ప్రజాస్వామ్యాన్ని బ్రతికించాలనే మా తాపత్రేయం దేశంలో ఎన్నికల వ్యవస్థ నాశనం చేశారు. మోదీ, అమిత్‌షా, జ్ఞానేష్‌ కుమార్‌కు ఉచ్చు బిగుస్తోంది. దేశంలో ప్రజాస్వామ్యం ఖూనీ అయ్యింది. ధ్వంసమైన ప్రజాస్వామ్యాన్ని కాపాడటమే మా లక్షం". అని అన్నారు. ఏఐసీసీ అధ్యక్షుడు ఖర్గే మాట్లాడుతూ..తమ పోరాటం విజయవంతమైందని నిన్న సుప్రీంకోర్టుకు విపక్షాలు చేపట్టిన ధర్నాలో ఎన్నడూ లేని స్థాయిలో భారీ సంఖ్యలో యువత పాల్గొన్నారని పేర్కొన్నారు. సీఈసీ జ్ఞానేష్ కుమార్ కు ఎట్టి పరిస్థితుల్లో శిక్ష తప్పదని రాబోయే రోజుల్లో మా పోరాటం కొనసాగుతుందని ఆర్జేడీ నేత తేజస్వీయాదవ్‌ పేర్కొన్నారు. ఆందోళనపై భయంతోనే జంతర్ మంతర్ ను మూసివేశారని జంతర్ మంతర్ ను నిరసన ప్రదేశంగా కొనసాగించాలని సీపీఐ జాతీయ ప్రధాన కార్యదర్శి డి. రాజా ప్రభుత్వానికి అల్టిమేటం జారీ చేశారు. ఇదీ చదవండి: రాహుల్‌కు పిటిషన్ వేయడం రాదు

సాక్షి,న్యూఢిల్లీ: కాంగ్రెస్‌ అగ్రనేత, లోక్‌సభలో ప్రతిపక్ష నేత రాహుల్‌ గాంధీపై దుమారం చెలరేగింది. ఓటరు జాబితా సవరణ ప్రక్రియకు వ్యతిరేకంగా విపక్షాలు నిర్వహించిన నిరసన ప్రదర్శనను కవర్ చేస్తున్న సమయంలో రాహుల్ గాంధీ తనను నెట్టేశారని జర్నలిస్ట్ రిచా పరాశర్ సంచలన ఆరోపణలు చేశారు. మూడు నెలల గర్భిణీగా ఉన్న తనని రాహుల్‌ నెట్టడంతో తీవ్ర అస్వస్థతకు గురైనట్లు తెలిపారు. ఈ మేరకు చికిత్స నిమిత్తం ఢిల్లీలోని ఓ ఆస్పత్రిలో చేరారు. ఆస్పత్రిలో చేరిన ఆమెను బీజేపీ నేతలు పరామర్శించారు.బీజేపీ జాతీయ అధికార ప్రతినిధి ప్రదీప్ భండారీ, బీజేపీ ఎమ్మెల్యే ఉమంగ్ బజాజ్‌లు రాహుల్‌ గాంధీపై విమర్శలు గుప్పించారు. మహిళా సాధికారత గురించి, పితృస్వామ్య వ్యవస్థను ధ్వంసం చేయడం గురించి మాట్లాడే రాహుల్ గాంధీ... విధి నిర్వహణలో ఉన్న మహిళా జర్నలిస్ట్ పట్ల ఇలా వ్యవహరించడం సిగ్గుచేటని వారు ధ్వజమెత్తారు.ఇదీ చదవండి : మనవడితో వాకింగ్‌.. మాజీ మంత్రి లైఫ్‌లో ట్విస్ట్‌!ప్రస్తుతం మూడు నెలల గర్భిణినని చెప్పిన ఆమె, విధి నిర్వహణలో భాగంగా రాహుల్ గాంధీని ఇంటర్వ్యూ చేసేందుకు ప్రయత్నిస్తే ఆయన తనను బలంగా లాగి కింద పడేశారని వాపోయారు.‘సుప్రీంకోర్టు గేటు వద్ద రాహుల్ గాంధీ బయటకు వచ్చే సమయం కోసం ఎదురుచూశాను. ఆయన మైక్‌ను పక్కకు జరపమని సైగ చేయడంతో నేను వెనక్కి తీసుకున్నాను. కానీ ఇతర జర్నలిస్టులు ఆయనతో మాట్లాడే ప్రయత్నం చేశారు. నా విధుల్లో భాగంగా నేను కూడా రాహుల్‌తో మాట్లాడేందుకు ముందుకు వచ్చా. ఏం జరుగుతుందో అర్థం చేసుకునే లోపే రాహుల్ గాంధీ అసహనంతో ముందుకు వచ్చారు. నా చేతిని గట్టిగా పట్టుకుని ముందుకు లాగారు. అదే సమయంలో ఆయన వ్యక్తిగత సిబ్బంది నన్ను నెట్టారు. నేను మెట్లపై బోర్లా పడిపోయాను’అని ఆవేదన వ్యక్తం చేశారు. ఈ ఘటనకు సంబంధించిన వీడియోను కూడా ఆమె పోస్ట్ చేశారు.మరోవైపు, బీజేపీ, మహిళా జర్నలిస్ట్ ఆరోపణలను కాంగ్రెస్ నాయకులు, మద్దతుదారులు తీవ్రంగా ఖండించారు. ఆమె పోస్ట్ చేసిన వీడియోలో ఆమె చెప్పినట్లుగా ఎలాంటి ఘటన స్పష్టంగా కనిపించడం లేదని, రాహుల్ గాంధీపై వస్తున్న ఆరోపణలు నిరాధారమని పేర్కొన్నారు. ఇవన్నీ పూర్తిగా నిరాధారమైన అబద్ధాలని, ప్రతిపక్షాల పోరాటాన్ని దెబ్బతీసేందుకు అధికార పార్టీ చేస్తున్న కుట్రపూరిత ప్రచారమని కాంగ్రెస్ వర్గాలు కొట్టిపారేస్తున్నాయి.ఎన్నికల సంఘం తీరును, ఓటరు జాబితా సవరణలోని లోపాలను ఎత్తిచూపుతూ విపక్షాలు చేపట్టిన చలో ఢిల్లీ మార్చ్,ఆందోళనల వేళ ఈ వివాదం తెరపైకి రావడం రాజకీయంగా మరింత వేడిని రాజేసింది. సుప్రీంకోర్టులో ఈ విషయమై పిటిషన్లు దాఖలవుతున్న తరుణంలో జర్నలిస్ట్ ఆరోపణల ఉదంతం చర్చనీయాంశమైంది."Rahul Gandhi Pushed me down" Rahul Gandhi now pushes a female journalist! Rahul Gandhi's behavior are dangerous for Indian Democracy! He pushes journalist, beats his workers with elbow punch, pushes his own Chief Minister. Rahul Gandhi is behaving like a goon! https://t.co/9GtJ36LDHO— Pradeep Bhandari(प्रदीप भंडारी)🇮🇳 (@pradip103) October 12, 2026

సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌పై కాంగ్రెస్‌ పార్టీ చేసిన ఓ సోషల్‌ మీడియా పోస్ట్‌ దేశ రాజకీయాల్లో తీవ్ర దుమారం రేపింది. ఢిల్లీలో నిరసనలు, ఆంక్షలపై స్పందిస్తూ.. ‘ఇది శాంతిభద్రతలకు సంబంధించిన అంశం.. నా పరిధిలోకి రాదు’ అని సీజేఐ వ్యాఖ్యానించడాన్ని ఆ పార్టీ తప్పుబట్టింది. తక్షణమే రాజీనామా చేయాలంటూ సోషల్‌ మీడియాలో ఓ పోస్ట్‌ పెట్టడం తీవ్ర దుమారం రేపింది. న్యాయ వ్యవస్థపై, చీఫ్‌ జస్టిస్‌పై తమకు నమ్మకం ఉందని ఆ పార్టీ అగ్రనేత రాహుల్‌ గాంధీ వ్యాఖ్యనించిన సమయంలోనే దాదాపుగా ఇది జరిగింది.‘శాంతిభద్రతలు మీ పరిధిలోకి రాకపోతే రాజీనామా చేయండి. ఆ బాధ్యతలను నిర్వహించగల మరో వ్యక్తిని మేం కనుగొంటాం’ అంటూ కేరళ కాంగ్రెస్‌ అధికారిక ఎక్స్‌ ఖాతాలో సీజేఐని ఉద్దేశించి పోస్ట్‌ చేశారు. దీంతో దేశ అత్యున్నత న్యాయస్థానం ప్రధాన న్యాయమూర్తిని ఉద్దేశించి ఇలాంటి వ్యాఖ్యలు చేయడంపై తీవ్ర అభ్యంతరాలు వ్యక్తమయ్యాయి. న్యాయవ్యవస్థ గౌరవాన్ని దెబ్బతీసేలా కాంగ్రెస్‌ వ్యవహరించిందంటూ బీజేపీ నేతలు మండిపడ్డారు.వివాదం ముదరడంతో కేరళ ప్రదేశ్‌ కాంగ్రెస్‌ కమిటీ (కేపీసీసీ) అధ్యక్షుడు సన్నీ జోసెఫ్‌ స్పందించారు. సీజేఐపై అభ్యంతరకర పోస్ట్‌ పెట్టిన వ్యక్తిని విధుల నుంచి తొలగించినట్లు తెలిపారు. పార్టీ రాష్ట్ర నాయకత్వానికి తెలియకుండా, అనుమతి.. సంప్రదింపులు లేకుండానే ఆ పోస్ట్‌ ప్రచురితమైందని స్పష్టం చేశారు. ఈ ఘటన ఎలా జరిగిందో పరిశీలిస్తామని వెల్లడించారు. న్యాయవ్యవస్థ నిష్పాక్షికతపై కాంగ్రెస్‌కు ఎలాంటి అభ్యంతరాలు లేవని, అందుకు విరుద్ధంగా ఉన్న సోషల్‌ మీడియా పోస్టులు పార్టీ నాయకత్వ అభిప్రాయాన్ని ప్రతిబింబించవని పేర్కొన్నారు.‘కాంగ్రెస్‌ తదుపరి లక్ష్యం న్యాయవ్యవస్థే’విపక్ష నేతలకు సీజేఐ అపాయింట్‌మెంట్‌ నిరాకరణ.. దానికి ఆయన ఇచ్చిన వివరణపై రాహుల్‌ గాంధీకి విలేకరుల నుంచి ప్రశ్న ఎదురైంది. అయితే ఆయన నిర్ణయాన్ని తాము గౌరవిస్తామని రాహుల్‌ అన్నారు. ఈ ప్రెస్‌మీట్‌ జరుగుతున్న టైంలోనే అటు కేరళ కాంగ్రెస్‌ సోషల్‌ మీడియా అకౌంట్‌ నుంచి ఈ పోస్ట్‌ పబ్లిష్‌ అయ్యింది. ఈ వ్యవహారంపై కేంద్ర పార్లమెంటరీ వ్యవహారాల మంత్రి కిరణ్‌ రిజిజు తీవ్రంగా స్పందించారు. ఎన్నికల సంఘం తర్వాత కాంగ్రెస్‌ లక్ష్యం న్యాయవ్యవస్థేనని తాను గతంలోనే చెప్పానని పేర్కొన్నారు. రాజ్యాంగబద్ధమైన, ప్రజాస్వామ్య సంస్థలను కాంగ్రెస్‌ బలహీనపరచాలని చూస్తోందని ఆరోపించారు. దేశ వ్యతిరేక శక్తులన్నీ ఏకమవుతున్నాయని, దేశభక్తులంతా కూడా ఒక్కటవుతారని వ్యాఖ్యానించారు. బీజేపీకి చెందిన పలువురు నేతలు సైతం కాంగ్రెస్‌ తీరును తప్పుబట్టారు.I had said it earlier, next target of the Congress Party is Judiciary. Congress wants to destroy all the constitutional and democratic institutions of India. All Anti-India gangs are joining hands. All patriotic Indians will also come together 🇮🇳 https://t.co/oOLST1yuUL— Kiren Rijiju (@KirenRijiju) October 12, 2026లాయర్ల సంఘం ఏమందంటే?సీజేఐ సూర్యకాంత్‌ రాజీనామా చేయాలంటూ చేసిన సోషల్‌ మీడియా వ్యాఖ్యలను సుప్రీంకోర్టు అడ్వకేట్స్‌ ఆన్‌ రికార్డ్‌ అసోసియేషన్‌ (ఎస్‌సీఏఓఆర్‌ఏ) ఖండించింది. ఇలాంటి ప్రకటనలు న్యాయపదవి గౌరవాన్ని దెబ్బతీయడంతోపాటు న్యాయవ్యవస్థపై ప్రజల విశ్వాసాన్ని తగ్గించే ప్రమాదం ఉందని పేర్కొంది. న్యాయవ్యవస్థ పనితీరుపై అభ్యంతరాలుంటే తగిన చట్టపరమైన, రాజ్యాంగబద్ధమైన మార్గాల్లోనే తెలియజేయాలని సూచించింది. న్యాయ ప్రక్రియ స్వతంత్రంగా కొనసాగేందుకు అందరూ సహకరించాలని కోరింది.అసలు వివాదం అక్కడే మొదలైంది!ఢిల్లీలో నిరసనలకు విధించిన ఆంక్షలు, పోలీసుల చర్యలపై ప్రశ్నలు తలెత్తిన నేపథ్యంలో సీజేఐ చేసిన వ్యాఖ్యలు ఈ వివాదానికి కేంద్రంగా మారాయి. ప్రతిపక్ష నేతలు తనను కలిసేందుకు చేసిన విజ్ఞప్తిని కూడా ఆయన తిరస్కరించారు. వారు లేవనెత్తాలనుకున్న అంశాలు ఇప్పటికే సుప్రీంకోర్టు పరిశీలనలో ఉన్నందున, వారితో సమావేశమైతే అధికార విభజన సూత్రానికి విరుద్ధంగా ఉంటుందని స్పష్టం చేసినట్లు వార్తా కథనాలు వెల్లడించాయి.మరోవైపు, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)లో భారీగా ఓట్ల తొలగింపులు, అవకతవకలు జరిగాయంటూ 11 మంది ప్రతిపక్ష ఎంపీల పేర్లతో పిటిషన్‌ దాఖలైంది. ఎన్నికల సంఘం నిర్ణయం చట్టబద్ధతను పరిశీలించాలని అందులో కోరారు. ఈ నేపథ్యంలో ప్రతిపక్షాల నిరసనలు, సీజేఐ వ్యాఖ్యలు, కాంగ్రెస్‌ సోషల్‌ మీడియా పోస్ట్‌.. వరుస పరిణామాలు రాజకీయ వేడిని మరింత పెంచాయి.ఇదీ చదవండి: రాహుల్‌ గాంధీ పిటిషన్‌లో 14 లోపాలు?!

సాక్షి, న్యూఢిల్లీ: కేంద్ర ఎన్నికల ప్రధాన కమిషనర్‌ (సీఈసీ) జ్ఞానేశ్‌కుమార్‌ రాజీనామా చేయాలని డిమాండ్‌ చేస్తూ ఇండియా కూటమి హస్తినలో చేపట్టిన మార్చ్‌ ఫర్‌ డెమోక్రసీలో తెలంగాణ కాంగ్రెస్‌ నేతలు కదం తొక్కారు. కేంద్రంలోని బీజేపీ ప్రభుత్వంతో కుమ్మక్కైన ఎన్నికల కమిషన్‌ కొన్ని వర్గాలను లక్ష్యంగా చేసుకొని భారీ ఓట్ల చోరీకి పాల్పడుతోందంటూ కన్నెర్ర జేశారు. దేశంలోని యువత, మైనారీ్టలే లక్ష్యంగా సాగుతున్న ఓట్ల తొలగింపును నిరసిస్తూ, ప్రత్యేక ఓటరు జాబితా సవరణ (సర్‌)ను నిలిపివేయాలంటూ గళమెత్తారు. ఏఐసీసీ ఆదేశాల మేరకు ముఖ్యమంత్రి రేవంత్‌రెడ్డితోపాటు మంత్రులు, ఎంపీలు, ఎమ్మెల్యేలు, ఎమ్మెల్సీలు, టీపీసీసీ అధ్యక్షుడు మహేశ్‌కుమార్‌గౌడ్‌ ఈ నిరసనలో పాల్గొన్నారు.గళమెత్తి.. పిడికిలి బిగించి.. దేశవ్యాప్తంగా సర్‌ పేరుతో 13 కోట్లకు పైగా ఓట్ల తొలగింపు, ఫారం–6, కొత్త ఓటర్లకు ఇబ్బందులు, ఓట్ల తొలగింపులో అవకతవకలు వంటి అంశాలను ఎండగట్టేందుకు ఏఐసీసీ అగ్రనేతలు మల్లికార్జునఖర్గే, రాహుల్‌గాం«ధీ, ప్రియాంకాగాంధీ చేస్తున్న ఆందోళనలకు మద్దతుగా, ఇండియాకూటమికి సంఘీభావంగా నిర్వహించిన మార్చ్‌లో తెలంగాణ నుంచి భారీ సంఖ్యలో నేతలు హాజరయ్యారు. రాష్ట్ర నలుమూలల నుంచి వచ్చిన వందలాది మంది నేతలు, కార్యకర్తలతో తెలంగాణభవన్‌లో సోమవారం ఉదయం నుంచి హడావుడి మొదలైంది.సీఈసీ జ్ఞానేశ్‌కుమార్‌ రాజీనామా చేయాలని, ఓట్ల చోరీని ఆపాలని ప్లకార్డులు ప్రదర్శిస్తూ, నినాదాలు చేస్తూ అంబేడ్కర్‌ విగ్రహం ఎదుట నిరసనకు దిగారు. ఉదయం 11 గంటలకే డిప్యూటీ సీఎం భట్టి విక్రమార్క, మంత్రులు శ్రీధర్‌బాబు, అడ్లూరి లక్ష్మణ్‌కుమార్, వాకిటి శ్రీహరి తదితరులు భవన్‌కు రాగా అక్కడే ఉన్న ఎంపీలు, ఎమ్మెల్యేలు, ఇతర నేతలతో వారు నిరసన కార్యక్రమాలపై చర్చించారు. టీపీసీసీ అధ్యక్షుడు మహేశ్‌గౌడ్‌ సైతం వారితో కలిశారు.ఈ సందర్భంగా ఎన్నికల సంఘం రాజ్యాంగబద్ధ సంస్థగా నిష్పక్షపాతంగా వ్యవహరించాల్సి ఉండగా, ఒక రాజకీయ పారీ్టకి అనుకూలంగా పనిచేస్తోందని కాంగ్రెస్‌ నేతలు మండిపడ్డారు. మధ్యా­హ్నం 12 గంటల సమయంలో ముఖ్యమంత్రి రేవంత్‌రెడ్డితోపాటు మిగతా మంత్రులు భవన్‌కు చేరుకొని అంబేడ్కర్‌ ఆడిటోరియంలో భేటీ అయ్యారు. ఈ సందర్భంగా రేవంత్‌రెడ్డి, మహేశ్‌గౌడ్‌ నిరసన అంశాలపై కాంగ్రెస్‌ శ్రేణులకు మార్గదర్శనం చేశారు. జ్ఞానేశ్‌కుమార్‌ రాజీనామా చేయాలన్న భారీ ప్లకార్డును పట్టుకొని ముఖ్యమంత్రి, మంత్రులు, ఎంపీలు భారీ పోస్టర్‌ను ప్రదర్శించారు.భవన్‌ నుంచి బస్సుల్లో మార్చ్‌కు..బారాకంబాలో నిరసన అనంతరం తెలంగాణభవన్‌ నుంచి ఎమ్మెల్యేలు, ఎమ్మెల్సీలు, వివిధ కార్పొరేషన్ల చైర్మన్లు, డీసీసీ అధ్యక్షులు, ఇతర నేతలు ప్రత్యేక బస్సుల్లో బారాకంబాకు చేరుకున్నారు. అక్కడ భారీ పోస్టర్లు ప్రదర్శిస్తూ బారాకంబా మెట్రోస్టేషన్‌ ఎదుట నిరసనకు దిగారు.ఈసీ తీరుకు వ్యతిరేకంగా నినాదాలు చేస్తూ ఆందోళన కొనసాగించారు. కాన్‌స్టిట్యూషన్‌ క్లబ్‌ నుంచి బారాకంబాకు వెళ్లారు. అనంతరం అక్కడి నుంచి అగ్రనేతలతో కలిసి సుప్రీంకోర్టు వరకు జరిగిన మార్చ్‌లో ముందుండి నడిచారు.ఇండియా కూటమి నేతలతో కలిసి సీఎం రేవంత్‌రెడ్డి పాదయాత్రగా వెళ్లారు. అయితే ఢిల్లీకి వెళ్లిన కాంగ్రెస్‌ ప్రజాప్రతినిధులు, డీసీసీ అధ్యక్షులంతా ఇక్కడే, ఉండాలని, తాము చెప్పాకే హైదరాబాద్‌కు వెళ్లాని సీఎం రేవంత్‌రెడ్డి, టీపీసీసీ చీఫ్‌ మహేశ్‌గౌడ్‌ అన్నట్టు తెలిసింది.ఇదీ చదవండి: ఎన్నో సంక్షేమ పథకాలు అందించిన జగన్‌ ఓడిపోవడమేంటి?

సాక్షి,న్యూఢిల్లీ: ఓ వైపు ఎన్నికల సంఘంపై తీవ్ర ఆరోపణలు.. మరో వైపు సుప్రీంకోర్టు దిశగా ప్రతిపక్ష నేతల నిరసన ప్రదర్శన.. ఈ హడావుడి మధ్య అందరి దృష్టినీ ఆకర్షించింది మాత్రం ఓ సూపర్‌ హీరో మాస్క్‌! కాంగ్రెస్‌ అగ్రనేత రాహుల్‌ గాంధీ, మల్లికార్జున ఖర్గే సహా ప్రతిపక్ష నేతల నిరసనకు బ్యాట్‌ మ్యాన్‌ మాస్కులు ప్రత్యేక ఆకర్షణగా నిలిచాయిబ్యాట్‌మ్యాన్‌ అంటే చాలామందికి గుర్తొచ్చేది చీకటిలో నేరాలపై పోరాడే ఓ కల్పిత సూపర్‌హీరో. తప్పులను ఎదిరించడం, అన్యాయంపై పోరాడటం, న్యాయం కోసం నిలబడటం వంటి భావాలు ఈ పాత్రతో ముడిపడి ఉన్నాయి. అందుకే బ్యాట్‌ మ్యాన్‌ మాస్కును నిరసనలో ఉపయోగించడం ద్వారా తమ పోరాటానికి ఓ ప్రత్యేకమైన దృశ్య రూపం ఇవ్వాలనే ప్రయత్నంగా దీన్ని చూడొచ్చు.రాహుల్‌ గాంధీ పాత జోక్‌..ఇప్పుడు నిరసనలో!ఈ మాస్కుల వెనుక రాహుల్‌ గాంధీకి సంబంధించిన మరో ఆసక్తికరమైన అంశం ఉంది.ఆగస్టులో ఇన్‌స్టాగ్రామ్‌లో ఓ వ్యక్తి రాహుల్‌ను ‘‘మీరు బ్యాట్‌మ్యానా?’’ అని అడిగారు. తాను, బ్యాట్‌మ్యాన్‌ ఎప్పుడైనా ఒకే గదిలో కనిపించారా? అన్న తరహాలో సరదాగా రాహుల్‌ గాంధీ వ్యాఖ్యానించారు. దీంతో సామాజిక మాధ్యమాల్లో రాహుల్‌, బ్యాట్‌మ్యాన్‌లను పోలుస్తూ మీమ్స్‌ ప్రచారంలోకి వచ్చాయి.ఆ తర్వాత కాంగ్రెస్‌ వర్గాలు కూడా బ్యాట్‌మ్యాన్‌ బొమ్మను తమ రాజకీయ ప్రచారంలో ఉపయోగించాయి. అక్టోబర్‌ 6న జరిగిన నిరసనకు సంబంధించిన ప్రచారంలో ఈ తరహా చిత్రాలు కనిపించగా..అక్టోబర్‌ 12న ఢిల్లీలో జరిగిన నిరసనలోనూ బ్యాట్‌మ్యాన్‌ మాస్కులు మరోసారి చర్చనీయాంశమయ్యాయి.సుప్రీంకోర్టు దిశగా మార్చ్‌.. ఆ తర్వాత ఏం జరిగింది?ఢిల్లీలో నిరసన ప్రదర్శన చేపట్టిన ప్రతిపక్ష నేతలను పోలీసులు భగవాన్‌ దాస్‌ మార్గ్‌ సమీపంలో అడ్డుకున్నారు. అనంతరం ఓటర్ల జాబితాల్లో అవకతవకలు, ఓట్ల తొలగింపునకు సంబంధించిన ఆరోపణలపై రాహుల్‌ గాంధీ సహా ప్రతిపక్ష నేతలు సుప్రీంకోర్టును ఆశ్రయించారు. అక్టోబర్‌ 13న పిటిషన్‌ పరిశీలనకు వచ్చే అవకాశంపై కోర్టు రిజిస్ట్రీ ద్వారా ప్రక్రియ కొనసాగినట్లు వార్తలు వెలువడ్డాయి. ఈ పరిణామాల్లో అసలు చర్చ ఎన్నికల ప్రక్రియ, ఓటర్ల హక్కులు, ఎన్నికల సంఘం బాధ్యతల చుట్టూ తిరుగుతోంది. బ్యాట్‌మ్యాన్‌ మాస్కులు మాత్రం ఆ రాజకీయ పోరాటానికి అదనపు ప్రచార ఆకర్షణను తీసుకొచ్చాయి.రాజకీయాల్లోనూ మారుతున్న ప్రచార శైలిఒకప్పుడు రాజకీయ నిరసన అంటే నినాదాలు, ప్లకార్డులు, ప్రసంగాలు, ర్యాలీలు ప్రధానంగా కనిపించేవి. ఇప్పుడు వాటితోపాటు ఫొటోలు, చిన్న వీడియోలు, మీమ్స్‌, గుర్తుండిపోయే దృశ్యాలకు కూడా ప్రాధాన్యం పెరిగింది. ఒక చిత్రం కొన్ని సెకన్లలోనే వేలాది మందికి చేరగలదు. అందుకే నిరసనలో కనిపించే ప్రతి ప్రత్యేక దృశ్యం సామాజిక మాధ్యమాల్లో చర్చకు దారితీస్తోంది.

సాక్షి,న్యూఢిల్లీ: దేశంలో ప్రజాస్వామ్యాన్ని, రాజ్యాంగాన్ని కాపాడుకోవడానికి యువత నిరంతరం పోరాడాలని, ఎట్టి పరిస్థితుల్లోనూ వెనక్కి తగ్గవద్దని లోక్‌సభ ప్రతిపక్ష నేత రాహుల్ గాంధీ ఉద్ఘాటించారు. సత్యం మన వైపు ఉంది.. ఆగకండి, ప్రతిరోజూ పోరాటం కొనసాగించండి అని దేశ యువతకు ఆయన పిలుపునిచ్చారు. ఢిల్లీలోని ఏఐసీసీ ప్రధాన కార్యాలయంలో ఏర్పాటు చేసిన విలేకరుల సమావేశంలో రాహుల్ గాంధీ కేంద్ర ప్రభుత్వం, ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌లపై తీవ్రస్థాయిలో విరుచుకుపడ్డారు.ఎన్నికల వ్యవస్థలోని అక్రమాలను, ఓటు చోరీని ప్రశ్నిస్తున్న యువతను ఢిల్లీకి రాకుండా కేంద్ర ప్రభుత్వం అడ్డుకుంటోందని రాహుల్ గాంధీ ఆరోపించారు. సీఈసీ జ్ఞానేశ్ కుమార్‌ను కాపాడేందుకు మోదీ ప్రభుత్వం ఢిల్లీని ఒక కోటలా మార్చేసింది. దాదాపు 30 వేల మంది పోలీసులను మోహరించి, యువతను, ఆందోళనకారులను అడ్డుకుంటున్నారు. రైళ్లు, బస్సుల్లోంచి ప్రజలను బలవంతంగా దింపేస్తున్నారు. రాజ్యాంగ పరిరక్షణ కోసం, ఓటు హక్కు కోసం ప్రశ్నిస్తున్న వారిపై పోలీసులతో దాడులు చేయిస్తూ, మరోవైపు బీజేపీ,ఆర్‌ఎస్ఎస్ శ్రేణులకు స్వేచ్ఛనిస్తున్నారని ధ్వజమెత్తారు. నిరసన ప్రదర్శనల్లో మహిళల పట్ల పోలీసులు వ్యవహరించిన తీరుపై ఆవేదన వ్యక్తం చేశారు. ఈ సందర్భంగా సీఈసీ జ్ఞానేశ్ కుమార్‌ను ఉద్దేశించి రాహుల్ గాంధీ సంచలన వ్యాఖ్యలు చేశారు. జ్ఞానేశ్ కుమార్ .. మీరు చేసింది తప్పు. కానీ ఈ ఓటు చోరీ కుట్ర వెనుక ఎవరెవరు ఉన్నారో మాకు తెలుసు. మీ పదవికి రాజీనామా చేసి, ప్రభుత్వ సాక్షిగా మారండి. దేశానికి, రాజ్యాంగానికి సేవ చేసేందుకు ఇప్పటికైనా తప్పుకోండి. మీరు రాజీనామా చేసే వరకు మా పోరాటం ఆగదు అని స్పష్టం చేశారు. దేశవ్యాప్తంగా వివిధ వేదికలపై జరుగుతున్న ఉద్యమాలన్నీ వేర్వేరు కాదని, అవన్నీ ప్రజాస్వామ్య పరిరక్షణ కోసం సాగుతున్న ఒకే ఒక్క బృహత్ ఉద్యమంలో భాగమని రాహుల్ స్పష్టం చేశారు. దేశం మొత్తం ఒక్కటిగా ముందుకెళ్తోందని, రాజ్యాంగాన్ని కాపాడుకోవడమే అందరి ఏకైక లక్ష్యమని చెప్పారు. రాజ్యాంగ పరిరక్షణ కోసం, నిష్పాక్షిక ఎన్నికల వ్యవస్థ కోసం పోరాడుతున్న ప్రతి ఒక్కరికీ కాంగ్రెస్ ,ఇండియా కూటమి పూర్తి మద్దతు ఇస్తుందని హామీ ఇచ్చారు.ప్రస్తుత కేంద్ర ప్రభుత్వం తీరుపై అధికారుల్లోనూ తీవ్ర అసంతృప్తి ఉందని రాహుల్ వ్యాఖ్యానించారు. కేంద్ర ప్రభుత్వంలోని వివిధ శాఖలకు చెందిన 200 మందికి పైగా అధికారులు కాంగ్రెస్ నాయకత్వంతో సంప్రదింపుల్లో ఉన్నారని ఆయన పేర్కొన్నారు. ఈడీ, సీబీఐ, విదేశాంగ మంత్రిత్వ శాఖలతో పాటు పోలీసు బలగాల్లోని 50 శాతం మంది సిబ్బంది తమ పోరాటం సరైనదేనని భావిస్తూ, లోపలి నుంచి సమాచారాన్ని అందిస్తున్నారని ఆయన వెల్లడించారు.దేశంలో ఎన్నికల వ్యవస్థలో పారదర్శకత, ప్రజాస్వామ్య నిష్పాక్షికత లోపించడంపై ఇప్పటికే కాంగ్రెస్ అధ్యక్షుడు మల్లికార్జున ఖర్గే, రాహుల్ గాంధీ కలసి సుప్రీంకోర్టు ప్రధాన న్యాయమూర్తికి లేఖ రాసినట్లు తెలిపారు. ఈ అంశంపై న్యాయస్థానంలో పిటిషన్ దాఖలు చేస్తున్నామని, రాజ్యాంగ బద్ధమైన న్యాయం జరిగే వరకు తమ పోరాటాన్ని ఆపేది లేదని రాహుల్ గాంధీ ఘంటాపథంగా చెప్పారు.

సాక్షి,న్యూఢిల్లీ: ఎన్నికల జాబితాల ప్రత్యేక సమగ్ర సవరణ ప్రక్రియ,ప్రధాన ఎన్నికల కమిషనర్ జ్ఞానేశ్ కుమార్‌కు వ్యతిరేకంగా విపక్షాలు చేస్తున్న నిరసనల వ్యూహంపై లోక్‌సభ ప్రతిపక్ష నేత రాహుల్ గాంధీ కీలక వ్యాఖ్యలు చేశారు. సోమవారం సుప్రీంకోర్టు మార్చ్‌కు ముందు ఢిల్లీలోని ఏఐసీసీ ప్రధాన కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. తాము చేస్తున్న నిరసనలకు ఎలాంటి నిర్దిష్ట ప్రణాళిక అవసరం లేదని, ఇది శివుడి తాండవం లాంటిదని అన్నారు. తాము చేస్తున్న పోరాటానికి స్పష్టమైన ప్రణాళిక రూపొందించాలని ‘మా సోదరి (ప్రియాంక గాంధీ) నాతో అన్నారు. అందుకు నేను సమాధానంగా.. ఇది ‘తాండవం’ (శివుడి నాట్యం). దీనికి ఎలాంటి ప్రణాళికలు ఉండవు అని చెప్పాను అని రాహుల్ వెల్లడించారు. తాము ఇవాళ సుప్రీంకోర్టుకు వెళ్తున్నామని, రేపు మరో రూపంలో నిరసన ఉంటుందని ఆయన పేర్కొన్నారు. ఆకాశవాణి భవన్ వద్ద జరిగిన ఆందోళనను గుర్తుచేస్తూ.. పోలీసుల ఆంక్షల కారణంగా తాము ప్లాన్‌ మార్చుకోవాల్సి వచ్చిందని, అయితే అనుకోని మార్పుల వల్లే సరైన ఫలితాలు వస్తాయని చెప్పారు. ఈ నిరసనలకు ఎలాంటి ప్లానింగ్ అవసరం లేదని, ఇది శివుని శివతాండవం లాంటిదని, ఇందులో భాగస్వాములు కావాలనుకునే ప్రతి ఒక్కరూ వచ్చి చేరవచ్చని పిలుపునిచ్చారు. शिव का तांडव चल रहा है- इसमें कुछ भी प्लान नहीं होता है। ये शिव की बारात है, इसमें कोई भी आ सकता है, हम किसी को रोकेंगे नहीं। : नेता विपक्ष श्री @RahulGandhi 📍 दिल्ली https://t.co/nSItxL6Vew— Congress (@INCIndia) October 12, 2026 జ్ఞానేశ్ కుమార్‌కు హెచ్చరికజ్ఞానేశ్ కుమార్‌ను ఉద్దేశించి రాహుల్ గాంధీ ఘాటు వ్యాఖ్యలు చేశారు.‘జ్ఞానేశ్ కుమార్.. రాత్రిళ్లు మీకు నిద్ర కరువైందని మాకు సమాచారం అందుతోంది. చింతించకండి, మేము మిమ్మల్ని వదిలిపెట్టే ప్రసక్తే లేదు. నిరసనల నుంచి మీరు తప్పించుకోలేరు. లక్షలాది మంది ప్రజలు మీ ప్రవర్తనను ప్రశ్నిస్తున్నారు. ఈ ఉద్యమం ఆగదు అని హెచ్చరించారు. ఇద్దరు ఎన్నికల కమిషనర్లు లేవనెత్తిన ప్రశ్నలనే తాము అడుగుతున్నామని, జ్ఞానేశ్ కుమార్ ఎందుకు రాజీనామా చేయడం లేదని ఆయన నిలదీశారు.ఈ సాయంత్రం ప్రధాన ఎన్నికల కమిషనర్ వ్యవహారశైలిపై సుప్రీంకోర్టులో పిటిషన్ దాఖలు చేయనున్నట్లు రాహుల్ గాంధీ తెలిపారు. రాజ్యాంగాన్ని పరిరక్షించడానికి ముందుకు వచ్చే ఏ పార్టీ వారైనా, ఏ పౌరుడైనా ఈ పోరాటంలో భాగస్వామ్యం కావచ్చని పిలుపునిచ్చారు. మరోవైపు ఈ నిరసనల నేపథ్యంలో ఢిల్లీలో పోలీసులు, రాపిడ్ యాక్షన్ ఫోర్స్, సీఆర్పీఎఫ్ బలగాలను భారీగా మోహరించారు. బరాఖంబా రోడ్, మండి హౌస్ ప్రాంతాలలో భద్రతను కట్టుదిట్టం చేశారు. రాజ్యాంగ పరిరక్షణ కోసం ఇండియా కూటమి తలపెట్టిన ఈ ఆందోళనలు దేశవ్యాప్తంగా రాజకీయంగా తీవ్ర చర్చనీయాంశంగా మారాయి.ఇదీ చదవండి: వాచ్‌మన్‌ ఉద్యోగం తీసేశారనే చిన్నారి హత్య: సీపీ సుమతి

నాయకత్వ మార్పు ఉత్తరప్రదేశ్‌ కాంగ్రెస్‌లో చిచ్చు రేపింది. కొత్త పీసీసీ అధ్యక్షురాలు ఆరాధన మిశ్రా మోనా బాధ్యతలు చేపట్టిన తొలిరోజే పార్టీ కార్యాలయంలో తీవ్ర గందరగోళం చోటుచేసుకుంది. మాజీ అధ్యక్షుడు అజయ్‌ రాయ్‌ మద్దతుదారులు, మోనాకు మద్దతుగా నిలిచిన కార్యకర్తలు పరస్పరం వాగ్వాదానికి దిగారు. పరిస్థితి అదుపు తప్పడంతో.. బూతులతో రెచ్చిపోతూ కొందరు చెప్పులతో కొట్టుకుంటూ ఘర్షణకు దిగారు. ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌గా మారాయి.అజయ్‌ రాయ్‌ స్థానంలో మోనాను పార్టీ రాష్ట్ర అధ్యక్షురాలిగా నియమించిన నేపథ్యంలో ఆదివారం లక్నోలోని కాంగ్రెస్‌ రాష్ట్ర కార్యాలయంలో బాధ్యతల స్వీకరణ కార్యక్రమం నిర్వహించారు. ఈ కార్యక్రమానికి పార్టీ నేతలు, కార్యకర్తలు పెద్ద సంఖ్యలో హాజరయ్యారు. అయితే, కార్యక్రమం ప్రారంభమైన కొద్దిసేపటికే రాయ్‌ మద్దతుదారులు మోనాకు వ్యతిరేకంగా నినాదాలు చేయడంతో వివాదం మొదలైంది. దీనికి ప్రతిగా మోనా మద్దతుదారులు ఆమెకు అనుకూలంగా నినాదాలు చేశారు. ఇరు వర్గాల మధ్య మాటామాటా పెరిగి ఘర్షణకు దారితీసింది.నేతల బుజ్జగింపులుకార్యకర్తలు ఒకరినొకరు నెట్టుకోవడం, బండ బూతులతో దూషించుకోవడం, చెప్పులు విసురుకోవడం వంటి దృశ్యాలు బయటకు వచ్చాయి. పరిస్థితిని చక్కదిద్దేందుకు కాంగ్రెస్‌ సీనియర్‌ నేతలు రంగంలోకి దిగారు. మోనా తండ్రి, రాజ్యసభ సభ్యుడు ప్రమోద్‌ తివారీతోపాటు యూపీ కాంగ్రెస్‌ వర్కింగ్‌ ప్రెసిడెంట్‌ ఇమ్రాన్‌ మసూద్‌ ఇరు వర్గాలను శాంతింపజేసేందుకు ప్రయత్నించారు. అజయ్‌ రాయ్‌తో ప్రమోద్‌ తివారీ చేతులు జోడించి మాట్లాడుతున్న దృశ్యాలు కూడా కనిపించాయి."Do take ki aurat, madar**chod, sa**li, r**ndi" Abuses hurled by *Congress* workers *at* Congress state prez Aradhana Misra. These are the folks who want to take power in Lucknow. As a UP voter, my deepest fear is any one of these comes near power. https://t.co/jxKVEwM0as— Ateendriyo (@Ateendriyo) October 11, 2026ఒక పార్టీ రాష్ట్ర అధ్యక్షుడి బాధ్యతల స్వీకరణ కార్యక్రమంలోనే ఈ స్థాయిలో గొడవ జరగడం కాంగ్రెస్‌ వర్గాల్లో చర్చనీయాంశమైంది. కార్యక్రమానికి హాజరైన మధ్యప్రదేశ్‌ కాంగ్రెస్‌ మహిళా విభాగం అధ్యక్షురాలు మమతా చౌధరిపై కూడా కొందరు మాటలతో దాడికి దిగినట్లు సమాచారం. ఈ పరిణామాలపై ఆమె తీవ్ర అసంతృప్తి వ్యక్తం చేశారు. తాము ఎంతో నిరుత్సాహానికి గురయ్యామని పేర్కొన్నారు.అజయ్‌ రాయ్‌ ఫిర్యాదు?తనను ఈ కార్యక్రమం పేరిట అవమానించారంటూ అజయ్‌ రాయ్‌ పార్టీ అధిష్ఠానానికి ఫిర్యాదు చేసినట్లు తెలుస్తోంది. బాధ్యులపై చర్యలు తీసుకుంటామని పార్టీ నాయకత్వం ఆయనకు హామీ ఇచ్చినట్లు సమాచారం. ఘర్షణ అనంతరం రాయ్‌ తన వారసురాలైన మోనాకు పుష్పగుచ్ఛం అందించి శుభాకాంక్షలు తెలిపారు. దీంతో పరిస్థితి సద్దుమణిగినట్లు కనిపించినా, అంతర్గత విభేదాలు మాత్రం బయటపడ్డాయి.ఈ ఘటనపై స్పందించేందుకు రాయ్‌ నిరాకరించారు. పార్టీ కోసం సాధారణ కార్యకర్తగా తన వంతు కృషి కొనసాగిస్తానని, మోనా పార్టీని కొత్త శిఖరాలకు తీసుకెళ్తారని ఆశిస్తున్నట్లు చెప్పారు. మరోవైపు, కొందరు సీనియర్‌ నేతలు ఈ వివాదాన్ని పెద్దగా పట్టించుకోవాల్సిన అవసరం లేదన్నట్లుగా వ్యవహరించారు.మోనా ముందున్న అసలు సవాలుఉత్తరప్రదేశ్‌లో 2027లో అసెంబ్లీ ఎన్నికలు జరగనున్న నేపథ్యంలో కాంగ్రెస్‌కు మోనా నాయకత్వం కీలకం కానుంది. అయితే, రాష్ట్రంలో పార్టీ పరిస్థితి అంతంతమాత్రంగానే ఉంది. 1989 నుంచి యూపీలో కాంగ్రెస్‌ అధికారానికి దూరంగా ఉంది. 2022 అసెంబ్లీ ఎన్నికల్లో 403 స్థానాలకు పోటీ చేసిన కాంగ్రెస్‌ కేవలం రెండు సీట్లకే పరిమితమైంది. ఒకప్పుడు పార్టీకి బలమైన ప్రాంతాలుగా భావించిన అమేథీ, రాయ్‌బరేలీలోనూ విజయం సాధించలేకపోయింది. ఈ నేపథ్యంలో పార్టీని బలోపేతం చేయడం, కార్యకర్తల్లో ఐక్యతను పెంచడం, ఎన్నికలకు కేడర్‌ను సిద్ధం చేయడం మోనాకు పెద్ద సవాలుగా మారాయి. బాధ్యతలు చేపట్టిన తొలిరోజే పార్టీ కార్యాలయంలో జరిగిన ఘర్షణ నాయకత్వానికి ఇబ్బందికరంగా పరిణమించింది.కుల సమీకరణాలపైనా చర్చయూపీ కాంగ్రెస్‌ అధ్యక్షుడిగా 2023 ఆగస్టు నుంచి కొనసాగిన అజయ్‌ రాయ్‌ స్థానంలో బ్రాహ్మణ సామాజిక వర్గానికి చెందిన ఆరాధన మిశ్రా మోనాను నియమించడం రాజకీయ చర్చకు దారితీసింది. రాయ్‌ భూమిహార్‌ సామాజిక వర్గానికి చెందిన నేత. సమాజ్‌వాదీ పార్టీతో పొత్తు వ్యవహారం సజావుగా సాగేందుకు, రాష్ట్రంలో బ్రాహ్మణ ఓటర్లను ఆకర్షించేందుకు కాంగ్రెస్‌ ఈ మార్పు చేసిందనే విశ్లేషణలు వినిపిస్తున్నాయి. అయితే, పార్టీ పగ్గాలు మారిన వెంటనే కార్యకర్తలు పరస్పరం ఘర్షణకు దిగడం కాంగ్రెస్‌లో అంతర్గత అసంతృప్తి ఏ స్థాయిలో ఉందన్న ప్రశ్నలను లేవనెత్తుతోంది. ఎన్నికలకు ఇంకా సమయం ఉన్నప్పటికీ, పార్టీ నేతలు, కార్యకర్తల మధ్య సమన్వయం సాధించడం మోనాకు తొలి పరీక్షగా మారింది.ఇదీ చదవండి: బీజేపీ బ్యాక్‌గ్రౌండ్‌.. కాక్రోచ్‌లకు సపోర్ట్‌గా రోడ్డెక్కి!

కాంగ్రెస్‌ మార్చ్‌ అప్‌డేట్స్‌..నాడు సైమన్‌ గోబ్యాక్‌.. నేడు సర్‌ గోబ్యాక్‌: రేవంత్‌ రెడ్డి. తెలంగాణ భవన్ చేరుకున్న సీఎం రేవంత్ రెడ్డిమంత్రులు ఎమ్మెల్యేలు ఎమ్మెల్సీ, జిల్లాల అధ్యక్షులతో సమావేశమైన సీఎంకాంగ్రెస్ నిర్వహిస్తున్న మార్చ్, సర్ ప్రక్రియపై నేతలకు దిశా నిర్దేశంసీఎం రేవంత్‌ కామెంట్స్‌..సర్ వ్యతిరేక పోరాటం మరో స్వతంత్ర పోరాటమేసైమన్ గో బ్యాక్ పోరాటం లాగే పోరాటం చేయాలిఇప్పుడు సర్‌ గోబ్యాక్‌ అనాలి.రాజ్యాంగం ద్వారా ప్రతీ భారతీయుడికి ఓటు హక్కు వచ్చింది. అంబేద్కర్‌ ఎంతో అధ్యయనం చేసి ఓటు హక్కును రాజ్యాంగంలో చేర్చారు.రాజ్యాంగాన్ని ఆమోదించడం ద్వారా ఓటు హక్కు వచ్చింది.పరిపాలన చేయాల్సిన వాళ్లను ప్రజలే ఎన్నుకోవాలని అంబేద్కర్‌ నినదించారు.మంచి ఉద్దేశంతో మొదలైన సర్‌ ఇప్పుడు ఓటు హక్కు తొలగించేదిగా మారింది.మతాలు, ప్రాంతాల మధ్య బీజేపీ చిచ్చుపెడుతోంది.దేశంలో ఓటు చోరీకి కుట్రలు జరుగుతున్నాయి.సీఈసీని అడ్డుపెట్టుకుని ఓట్లను తొలగిస్తున్నారు. ఓటు హక్కు కోసం పోరాటం: భట్టిఢిల్లీ భట్టి విక్రమార్క కామెంట్స్‌..రాహుల్ ఇచ్చిన పిలుపు మేరకు తెలంగాణ నుంచి సీఎం, పీసీసీ చీఫ్, మంత్రులు.. ఎమ్మెల్యేలు.. ఎమ్మెల్సీలు .. ఢిల్లీకి వచ్చాంప్రజాస్వామ్యానికి బలమైన పునాది ఓటు హక్కుఓటు హక్కును చోరీ చేస్తున్నారుబీజేపీ మాత్రమే గెలిచేలా.. సర్‌ పేరుతో అక్రమాలు జరుగుతున్నాయికాంగ్రెస్ కోసం కాదు ఈ ఆందోళన..అందరి ఓటు హక్కును కాపాడటం కోసం మా పోరాటంప్రజాస్వామ్యాన్ని కాపాడుకోవడం కోసం అందరూ ముందుకు రావాలిశాంతియుతంగా, గాంధేయ మార్గంలో మా ఆందోళన కొనసాగుతుందిపీసీసీ చీఫ్ మహేష్ కుమార్ గౌడ్ కామెంట్స్‌..సీఈసీ జ్ఞానేష్ కుమార్‌ను తొలగించే వరకు ఆందోళన కొనసాగుతుందిమోదీ అమిత్ షా సర్‌ను వాడుకొని బీహార్‌ ఎన్నికల్లో గెలిచారుఅధికారంలో ఎప్పటికీ ఉండాలనే ఆకాంక్షతో ఎన్నికల్లో అక్రమాలకు పాల్పడుతున్నారుప్రజాస్వామ్యంలో ప్రతిపక్షాలు ఇంత పెద్ద ఎత్తున ఆందోళన చేస్తున్నాయిసీఎం రేవంత్ రెడ్డి, మంత్రులు, ఎమ్మెల్యేలు ఎమ్మెల్సీలు జిల్లాల అధ్యక్షులు ఢిల్లీకి వచ్చాంసుప్రీంకోర్టు వరకు మార్చ్ నిర్వహించే ప్రయత్నం చేస్తాంమంత్రి శ్రీధర్ బాబు కామెంట్స్‌సర్‌ రద్దు చేయాలని రాహుల్ గాంధీ దేశ వ్యాప్తంగా పిలుపునిచ్చారుసర్‌ను ఉపయోగించుకొని బీజేపీ ఎన్నికలు నిర్వహించిందిఅర్హులైన ఓటర్లను తొలగించారుసీఈసీ ఏకపక్షంగా నిర్ణయాలు తీసుకుంటుందిఎన్నికల కార్యాలయం పక్షపాతంగా వెళ్తుందికేంద్ర ప్రభుత్వ తీరును ఖండిస్తున్నాంరాహుల్ గాంధీ, మల్లికార్జున ఖర్గే, పిలుపుతో ప్రజాస్వామ్య గొంతును వినిపించేందుకు ఢిల్లీ వచ్చాముమా నిరసన తెలియజేస్తాం.కాంగ్రెస్ ఎంపీ చామల కిరణ్ కుమార్ రెడ్డి కామెంట్స్‌కేంద్ర ఎన్నికల ప్రధాన కమిషనర్ అపాయింట్‌మెంట్ తప్పిదంబీజేపీ కార్యకర్తగా ఎన్నికల కమిషనర్లు తీసుకువచ్చి కేంద్ర ఎన్నిక సంఘంలో కూర్చోబెట్టారు50 ఏళ్లు అధికారంలో ఉండాలనే పిచ్చి ఆలోచనతో బీజేపీ ఇలాంటి పనులు చేసిందిప్రజాస్వామ్యంలో ఓటును తొలగించడం తప్పజంతర్‌మంతర్ వద్ద పోలీసుల బందోబస్తుజంతర్‌మంతర్ వద్ద పోలీసుల బందోబస్తు కొనసాగుతోంది.కాంగ్రెస్‌ ర్యాలీ దృష్ట్యా అప్రమత్తమైన పోలీసులు, జంతర్‌మంతర్ సహా పలు ప్రాంతాల్లో భారీగా బలగాలను మోహరించారు.ర్యాలీకి కాంగ్రెస్ నిర్ణయంకన్నాట్‌ప్లేస్‌ నుంచి సుప్రీంకోర్టు వరకు ర్యాలీకి కాంగ్రెస్ నిర్ణయంమధ్యాహ్నం 1.30 గంటలకు శాంతియుత నిరసన ర్యాలీ నిర్వహించాలని కాంగ్రెస్‌ నిర్ణయించింది.దీంతో పోలీసులు అప్రమత్తమయ్యారు. బారాఖంబకు సమీపంలోని సాయంత్రం 4 గంటల వరకు పలు మెట్రో స్టేషన్లు మూసివేస్తూ ఆదేశాలు జారీచేశారు.కాంగ్రెస్‌కు నో చెప్పిన సీజేఐ..👉ఎన్నికల అక్రమాల ఆరోపణలపై వినతిపత్రం సమర్పించేందుకు సమావేశం కావాలన్న ఇండియా కూటమి నేతల అభ్యర్థనను సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ తిరస్కరించారు. ఈ వ్యవహారం ఇప్పటికే న్యాయస్థానం విచారణ పరిధిలో ఉన్నందున పిటిషన్‌ దాఖలు చేసి కోర్టును ఆశ్రయించాలని సూచించారు. ఓట్‌చోరీ, సీఈసీ జ్ఞానేశ్‌కుమార్ రాజీనామా, ఎస్‌ఐఆర్‌ నిలిపివేత, భవిష్యత్‌ ఎన్నికలు బ్యాలెట్ పద్ధతిలో జరపాలని కోరుతూ సీజేఐకి వినతిపత్రం ఇవ్వాలని ప్రతిపక్ష నేతలు భావించారు. అయితే సీజేఐ జస్టిస్‌ సూర్యకాంత్‌ వారిని కలిసేందుకు తిరస్కరించారు. #WATCH | Delhi | On INDIA Bloc's protest march and their demand to meet him, Chief Justice of India (CJI) Justice Surya Kant says, "I received a letter yesterday regarding a meeting request, and I responded to it last night, outlining the reasons why I will be unable to meet..." He also says, "The Supreme Court's doors are open to everyone. Any petition from any common citizen or member of an elected body is welcome. Every Indian citizen has the right to approach the court, and we will hear their concerns and grant whatever is due under the law."— ANI (@ANI) October 12, 2026👉అయితే, సీజేఐ నిర్ణయాన్ని గౌరవిస్తూనే అక్టోబర్‌ 12న సుప్రీంకోర్టు వరకు మార్చ్‌ నిర్వహిస్తామని కాంగ్రెస్‌ ప్రధాన కార్యదర్శి కేసీ వేణుగోపాల్‌ ప్రకటించారు. ప్రజాస్వామ్య విలువలు, రాజ్యాంగ సూత్రాలను కాపాడటమే ఈ ఉద్యమ లక్ష్యమని తెలిపారు. ఈ మార్చ్ కేవలం ఒక ఆందోళన మాత్రమే కాదన్నారు. ఇది ఒక ఉద్యమంగా మారిందని తెలిపారు.👉దేశ ప్రజాస్వామ్యాన్ని పరిరక్షించుకోవాలని ప్రతిపక్ష నేత రాహుల్ గాంధీ అందరికీ పిలుపునిచ్చినట్లు చెప్పారు. ఈ కార్యక్రమంలో ప్రజలు పెద్ద సంఖ్యలో పాల్గొనాలని సూచించారు. తమ ప్రతినిధి బృందాన్ని కలవకూడదని సీజేఐ తీసుకున్న నిర్ణయాన్ని ప్రతిపక్షం గౌరవిస్తుందని అన్నారు. కానీ, సుప్రీంకోర్టుకు మార్చ్​ చేయడానికి తాము సిద్ధంగా ఉన్నట్లు స్పష్టం చేశారు.సీఈసీ రాజీనామా చేయాలి: శశిథరూర్‌👉ఎన్నికల సంఘం చట్టాలను పట్టించుకోవడం లేదని కాంగ్రెస్‌ ఎంపీ శశిథరూర్‌ ఆరోపించారు. ఓటు హక్కు పౌరుల రాజ్యాంగ హక్కు అని, తమ రాజకీయ భవిష్యత్తును నిర్ణయించుకునే అధికారం ప్రజలకు ఉండాలని అన్నారు. ఎన్నికల సంఘం నియంత్రణ తప్పినట్లుగా వ్యవహరిస్తోందని, నిబంధనలను పక్కనపెడుతోందని ఆయన విమర్శించారు. ఓటర్ల జాబితాల నుంచి 13 కోట్ల మంది భారతీయుల పేర్లు తొలగించారంటూ ఆరోపించారు. సుప్రీంకోర్టు మార్చ్‌ ద్వారా న్యాయం కోరనున్నట్లు థరూర్‌ తెలిపారు. ఇదీ చదవండి: జ్ఞానేశ్‌పై మరో అస్త్రంతో ఇండియా కూటమి!

ప్రధాన ఎన్నికల కమిషనర్‌ జ్ఞానేశ్‌ కుమార్‌పై పోరును మరింత ఉధృతం చేసేందుకు ఇండియా కూటమి సిద్ధమైంది. ఓటరు జాబితాల ప్రత్యేక సమగ్ర సవరణ (ఎస్‌ఐఆర్‌), ఓట్ల అక్రమాల ఆరోపణలపై సోమవారం సుప్రీంకోర్టు దిశగా మార్చ్‌ చేపట్టాలని ప్రతిపక్షాలు నిర్ణయించాయి. మరోవైపు, ఎన్నికల కమిషనర్లకు చట్టపరమైన రక్షణ కల్పిస్తున్న చట్టాన్ని సవాలు చేసే అంశంపైనా దృష్టి సారించాయి.జ్ఞానేశ్‌ కుమార్‌ రాజీనామా చేయాలని, ఎస్‌ఐఆర్‌ను నిలిపివేయాలని రాహుల్‌ గాంధీ సహా విపక్ష నేతలు డిమాండ్‌ చేస్తున్నారు. ఇటు ఎన్నికల కమిషనర్లకు విధుల నిర్వహణకు సంబంధించి చట్టపరమైన రక్షణ కల్పించే 2023 నాటి చట్టంపై కాంగ్రెస్‌ అధ్యక్షుడు మల్లికార్జున ఖర్గే ప్రశ్నలు లేవనెత్తారు. ఈ రక్షణ వల్ల ఎన్నికల కమిషనర్లను జవాబుదారీగా నిలబెట్టడం కష్టమవుతుందని ఆయన విమర్శించారు. ఓట్ల చోరీ, ఈవీఎంలలో అవకతవకలు, ఎన్నికల అక్రమాలు జరిగాయన్న ఆరోపణలపై పోరాటం కొనసాగిస్తామని స్పష్టం చేశారు.చట్టంలో ఏముందంటే..2023లో కేంద్ర ప్రభుత్వం తీసుకొచ్చిన ప్రధాన ఎన్నికల కమిషనర్‌, ఇతర ఎన్నికల కమిషనర్ల నియామకం, సేవా నిబంధనలు, పదవీకాలానికి సంబంధించిన చట్టంలోని సెక్షన్‌ 16 ఎన్నికల కమిషనర్లకు చట్టపరమైన రక్షణ కల్పిస్తుంది. దీని ప్రకారం.. వారు తమ అధికారిక విధులు నిర్వహిస్తున్నప్పుడు లేదంటే విధుల్లో భాగంగా వ్యవహరిస్తున్నట్లు భావించే సందర్భాల్లో చేసిన చర్యలు, పనులు/ మాట్లాడిన మాటలకు సంబంధించి వారిపై సివిల్‌, క్రిమినల్‌ కేసులను కోర్టులు విచారణకు స్వీకరించకూడదు. ఇప్పటికే విచారణలో ఉన్న కేసులనూ కొనసాగించకూడదు. ఈ నిబంధన వల్ల ఎన్నికల కమిషనర్లపై చట్టపరమైన చర్యలు తీసుకోవడం కష్టమవుతుందని విమర్శకులు అభ్యంతరం వ్యక్తం చేస్తున్నారు. ఈ రక్షణ రాజ్యాంగబద్ధతను సవాలు చేస్తూ సుప్రీంకోర్టులోనూ పిటిషన్‌ దాఖలైంది.చట్టపరమైన రక్షణపైనే గురిఎన్నికల కమిషనర్లకు అధికారిక విధుల నిర్వహణలో చేసిన చర్యలకు సంబంధించి చట్టపరమైన రక్షణ కల్పించే నిబంధనలపై విపక్షాలు అభ్యంతరం వ్యక్తం చేస్తున్నాయి. ఈ నిబంధనలు ఎన్నికల కమిషనర్ల జవాబుదారీతనాన్ని బలహీనపరుస్తాయన్నది వాటి వాదన. ఈ చట్టాన్ని సవాలు చేసే న్యాయపరమైన మార్గాలపై దృష్టి పెట్టడం ద్వారా రాజకీయ నిరసనలతోపాటు న్యాయస్థానంలోనూ తమ పోరాటాన్ని కొనసాగించాలని ఇండియా కూటమి భావిస్తున్నట్లు సమాచారం. ఎన్నికల సంఘంలో సీఈసీ నియామక ప్రక్రియ నుంచి సుప్రీంకోర్టు ప్రధాన న్యాయమూర్తిని తొలగించడంపైనా విపక్షాలు అభ్యంతరం వ్యక్తం చేస్తున్నాయి. ఎలక్ట్రానిక్‌గా ప్రసారం చేసే పోస్టల్‌ బ్యాలెట్‌ విధానం (ఈటీపీబీఎస్‌) ద్వారా ఓట్ల అక్రమాలు జరిగాయన్న ఆరోపణలకు సంబంధించిన ఆధారాలను కూడా తమ వినతిపత్రంలో ప్రస్తావించనున్నాయి.రాష్ట్రపతి తర్వాత సీజేఐ, కానీ..ఇండియా కూటమి నేతలు ఇప్పటికే రాష్ట్రపతి ద్రౌపది ముర్మును కలిసి తమ ఆరోపణలతో కూడిన వినతిపత్రాన్ని అందించారు. తాజాగా సుప్రీంకోర్టు ప్రధాన న్యాయమూర్తికి కూడా వినతిపత్రం సమర్పించాలని నిర్ణయించారు. అయితే, ప్రధాన న్యాయమూర్తి సూర్యకాంత్‌ భేటీకి అంగీకరించలేదని, బదులుగా పిటిషన్‌ దాఖలు చేయాలని సూచించినట్లు సంబంధిత వర్గాలను ఉటంకిస్తూ వార్తలు వెలువడ్డాయి. దీంతో వినతిపత్రం ద్వారా తమ అభ్యంతరాలను తెలియజేయాలన్న ప్రయత్నం న్యాయపరమైన చర్యల దిశగా మళ్లుతుందా అన్నది ఆసక్తికరంగా మారింది.కాంగ్రెస్‌ ఎంపీలంతా ఢిల్లీలోనే అందుబాటులో ఉండాలని పార్టీ ఆదేశించింది. గోవా పర్యటనను వాయిదా వేసుకున్న రాహుల్‌ గాంధీ పార్టీ ప్రధాన కార్యదర్శులు, ఇతర నేతలతో సమావేశమయ్యారు. అక్టోబర్‌ 6న పార్లమెంటు నుంచి ఎన్నికల సంఘం కార్యాలయం వరకు చేపట్టిన మార్చ్‌ సందర్భంగా రాహుల్‌, ప్రియాంక గాంధీ సహా పలువురు నేతలను పోలీసులు అదుపులోకి తీసుకున్న ఘటనతో మొదలైన ఆందోళనలు కొనసాగుతున్నాయి.ఢిల్లీలో నేడు మళ్లీ ఆంక్షలుమరోవైపు, ప్రతిపక్షాల మార్చ్‌ నేపథ్యంలో ఢిల్లీలో భద్రతను కట్టుదిట్టం చేశారు. సోమవారం ఉదయం 6 గంటల నుంచి సాయంత్రం 4 గంటల వరకు పటేల్‌ చౌక్‌, జనపథ్‌, రాజీవ్‌ చౌక్‌, సెంట్రల్‌ సెక్రటేరియట్‌, మండీ హౌస్‌, బరాఖంబా రోడ్‌ మెట్రో స్టేషన్లలో ప్రవేశం, బయటకు వెళ్లే మార్గాలను మూసివేశారు. అయితే, ఈ స్టేషన్లలో మెట్రో మార్పిడి సదుపాయం అందుబాటులో ఉంటుందని ఢిల్లీ మెట్రో రైల్‌ కార్పొరేషన్‌ తెలిపింది. పలు ప్రాంతాల్లో ట్రాఫిక్‌ మళ్లింపులు ఉండవచ్చని పోలీసులు హెచ్చరించారు.ఇటీవల నిరసనల సందర్భంగా మెట్రో, రైలు సేవలకు అంతరాయం కలగడం, నిరసనకారులను అదుపులోకి తీసుకోవడంపై సుప్రీంకోర్టు స్పందించింది. శాంతియుతంగా నిరసన తెలిపేవారిని చట్ట ప్రక్రియకు విరుద్ధంగా అదుపులోకి తీసుకోవద్దని, ప్రజా రవాణా సేవలు సాధారణంగా కొనసాగించేలా చూడాలని ఆదేశించింది. మెట్రో స్టేషన్ల మూసివేతపై అధికారులకు నోటీసులు కూడా జారీ చేసింది. ఈ నేపథ్యంలో తాజా ఆంక్షలు, విపక్షాల మార్చ్‌ ఢిల్లీలో రాజకీయంగా కీలకంగా మారాయి.ఇదీ చదవండి: వ్యక్తిగతంగా కలవడం కుదరదు: ఇండి కూటమితో సీజేఐ సూర్యకాంత్‌!

సాక్షి, న్యూఢిల్లీ: ఎన్నికల్లో అక్రమాలు జరిగాయంటూ ఆరోపిస్తున్న ప్రతిపక్ష ఇండియా కూటమికి భారత ప్రధాన న్యాయమూర్తి (సీజేఐ) జస్టిస్‌ సూర్యకాంత్‌ షాక్‌ ఇచ్చారు. తనను కలిసేందుకు అపాయింట్‌మెంట్‌ కోరిన ప్రతిపక్ష నేతలకు ఆయన నిరాకరించినట్లు సమాచారం. తాము లేవనెత్తాలనుకుంటున్న అంశాలు ఇప్పటికే సుప్రీంకోర్టు విచారణలో ఉన్నాయని, వాటిపై ఫిర్యాదులు లేదంటే అభ్యంతరాలు ఉంటే పిటిషన్‌ దాఖలు చేయాలని సూచించినట్లు సంబంధిత వర్గాలు తెలిపాయి. ఎన్నికల సంఘం చేపట్టిన ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌), ఓట్ల తొలగింపు తదితర అంశాలపై నిరసన తెలియజేసేందుకు ఇండియా కూటమి సోమవారం సుప్రీంకోర్టు వరకు మార్చ్‌ నిర్వహించాలని నిర్ణయించింది. ఈ నేపథ్యంలో సీజేఐని కలిసి వినతిపత్రం అందజేయాలని ప్రతిపక్ష నేతలు ప్రయత్నించారు. అయితే, అపాయింట్‌మెంట్‌ నిరాకరణతో వారి ప్రయత్నానికి ఎదురుదెబ్బ తగిలినట్లయింది. రాజకీయ పార్టీల ప్రతినిధులను ఈ విధంగా పరిపాలనా స్థాయిలో కలవడానికి కోర్టుకు అధికారం లేదని ఆయన స్పష్టం చేసినట్లు పేర్కొన్నాయి.తలుపులు తెరిచే ఉంటాయ్‌సుప్రీంకోర్టు దేశంలోనే అత్యున్నత న్యాయస్థానమని, దాని తలుపులు ప్రజలందరికీ 24 గంటలూ తెరిచే ఉంటాయని సీజేఐ పేర్కొన్నట్లు సమాచారం. ప్రతి పౌరుడి ప్రాథమిక హక్కులను పరిరక్షించేందుకు న్యాయస్థానం కట్టుబడి ఉందని ఆయన స్పష్టం చేసినట్లు సంబంధిత వర్గాలు వెల్లడించాయి. రాజకీయ ప్రతినిధులను ప్రత్యేకంగా కలిసి వినతులు స్వీకరించడం కంటే, న్యాయపరమైన మార్గంలో పిటిషన్‌ దాఖలు చేస్తే విచారించి తీర్పు ఇవ్వడం కోర్టు విధి అని ఆయన అభిప్రాయపడినట్లు తెలిపాయి.నేడు సుప్రీంకోర్టు వరకు మార్చ్‌సీజేఐ అపాయింట్‌మెంట్‌ నిరాకరించినప్పటికీ, సోమవారం సుప్రీంకోర్టు వరకు మార్చ్‌ నిర్వహించాలనే యోచనలో ఇండియా కూటమి ఉన్నట్లు సమాచారం. లోక్‌సభలో ప్రతిపక్ష నేత రాహుల్‌ గాంధీ ఈ మార్చ్‌ ఏ ఒక్క రాజకీయ పార్టీకి సంబంధించినది కాదని, దేశ ప్రజలందరికీ సంబంధించినదని పేర్కొన్నారు. ప్రజాస్వామ్యం, రాజ్యాంగ పరిరక్షణను కోరుకునేవారంతా ఇందులో పాల్గొనాలని పిలుపునిచ్చారు. కాంగ్రెస్‌ అధ్యక్షుడు మల్లికార్జున ఖర్గే, రాహుల్‌ గాంధీ సోమవారం సాయంత్రం 4 నుంచి 5 గంటల మధ్య సీజేఐని కలిసేందుకు సమయం కోరినట్లు సమాచారం.నాలుగు ప్రధాన డిమాండ్లుఎన్నికల ప్రక్రియలో అక్రమాలు జరిగాయంటూ ఆరోపిస్తున్న ఇండియా కూటమి.. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తోంది. ఈ మేరకు గత శుక్రవారం రాష్ట్రపతి ద్రౌపది ముర్ముకు వినతిపత్రం అందజేసింది. అందులో నాలుగు ప్రధాన డిమాండ్లను ప్రస్తావించింది.1. సీఈసీ జ్ఞానేశ్‌ కుమార్‌ రాజీనామా చేయాలి. ఎన్నికల కమిషనర్లకు చట్టపరమైన రక్షణ కల్పించే 2023 చట్టాన్ని రద్దు చేయాలి.2. ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియను తక్షణమే నిలిపివేసి, తొలగించినట్లు చెబుతున్న 13.3 కోట్ల మంది ఓటర్ల పేర్లను పునరుద్ధరించాలి.3. అన్ని ఎన్నికల్లోనూ పేపర్‌ బ్యాలెట్ల విధానాన్ని తిరిగి ప్రవేశపెట్టాలి.4. గత రెండేళ్లలో ఓట్ల చోరీకి సంబంధించి నిర్దిష్ట ఆధారాలు ఉన్నాయని ప్రతిపక్షాలు ఆరోపిస్తున్న అసెంబ్లీ ఎన్నికలను రద్దు చేయాలి.ఈ డిమాండ్లపై కేంద్ర ప్రభుత్వం, ఎన్నికల సంఘంపై ఒత్తిడి పెంచడమే లక్ష్యంగా ప్రతిపక్షాలు ఆందోళనలను కొనసాగిస్తున్నాయి. అయితే, ఓటర్ల జాబితా నుంచి పేర్ల తొలగింపులో అక్రమాలు జరిగాయన్న ఆరోపణలను ఎన్నికల సంఘం, బీజేపీ ఖండిస్తున్నాయి.పోలీసుల చర్యలపైనా విచారణఢిల్లీలో నిరసనలు, పోలీసుల చర్యలపై కూడా వివాదం కొనసాగుతోంది. ఎన్నికల సంఘం చీఫ్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ యువజన సంస్థ కాక్రోచ్‌ జనతా పార్టీ (సీజేపీ) చేపట్టిన నిరసనల సందర్భంగా పోలీసులు పెద్ద సంఖ్యలో ఆందోళనకారులను అదుపులోకి తీసుకున్నారు. శనివారం సుమారు 3,000 మందిని నిర్బంధించినట్లు వార్తలు వెలువడ్డాయి. ఆదివారం కూడా ఢిల్లీతోపాటు ముంబై సహా పలు నగరాల్లో నిరసనలు కొనసాగాయి.పోలీసుల చర్యలు, మెట్రో స్టేషన్ల మూసివేత, రైళ్ల రద్దు, నిరసనకారుల ప్రాథమిక హక్కులకు భంగం కలిగిందన్న ఆరోపణలకు సంబంధించి సుప్రీంకోర్టులో పలు పిటిషన్లు దాఖలయ్యాయి. ఈ అంశాలపై మంగళవారం విచారణ జరగనుంది. మరోవైపు, ఓటర్ల జాబితా సవరణ చట్టబద్ధతను సుప్రీంకోర్టు గత మే నెలలో సమర్థించినప్పటికీ, దేశవ్యాప్తంగా భారీ సంఖ్యలో పేర్లు తొలగించడంపై ప్రశ్నలు కొనసాగుతున్నాయి.ఇండియా కూటమి తీరుపై బీజేపీ విమర్శలుసీజేఐని కలిసి వినతిపత్రం అందజేయాలన్న ప్రతిపక్షాల నిర్ణయాన్ని బీజేపీ ఇప్పటికే తప్పుబట్టింది. రాజకీయ పార్టీల ప్రతినిధులను ప్రధాన న్యాయమూర్తులు ప్రత్యేకంగా కలవడం సంప్రదాయం కాదని బీజేపీ ఎంపీ రవిశంకర్‌ ప్రసాద్‌ పేర్కొన్నారు. ఎన్నికల్లో ఓడిపోయిన నాయకులు కేసులు వేయడం ద్వారా ప్రభుత్వాలను నిర్ణయించలేరని, ఎన్నికల ద్వారానే ప్రభుత్వాలు ఏర్పడతాయని వ్యాఖ్యానించారు.ఈ నేపథ్యంలో సీజేఐ అపాయింట్‌మెంట్‌ నిరాకరణ ఇండియా కూటమి తదుపరి కార్యాచరణపై ఆసక్తిని పెంచింది. న్యాయస్థానాన్ని ఆశ్రయించి తమ ఆరోపణలపై పోరాడుతారా? లేక నిరసనల ద్వారా రాజకీయ ఒత్తిడిని మరింత పెంచుతారా? అనేది వేచి చూడాలి.ఇదీ చదవండి: నిరసన హక్కును హరిస్తారా?

సాక్షి,న్యూఢిల్లీ: ఓట్ల చోరీకి వ్యతిరేకంగా, ప్రత్యేక ఓటర్ల జాబితా సవరణ (SIR) ప్రక్రియలో అక్రమాలను నిరసిస్తూ కాంగ్రెస్ పార్టీ రేపు(సోమవారం) ఢిల్లీలో నిరసన కార్యక్రమాలు చేపట్టనుంది. అందులో భాగంగా సుప్రీంకోర్టు వరకు మార్చ్ నిర్వహించి, భారత ప్రజల తరఫున ప్రధాన న్యాయమూర్తికి వినతిపత్రం సమర్పిస్తామని కాంగ్రెస్ అగ్రనేత రాహుల్ గాంధీ ప్రకటించారు. ఈ మార్చ్‌లో యువత, ప్రతిపక్ష పార్టీలు, ప్రజలు పెద్ద సంఖ్యలో పాల్గొనాలని రాహుల్ పిలుపునిచ్చారు. ఓట్ల చోరీకి ముగింపు పలకాలని, SIR ప్రక్రియను నిలిపివేయాలని, కేంద్ర ఎన్నికల ప్రధాన కమిషనర్ జ్ఞానేశ్ కుమార్ రాజీనామా చేయాలని కాంగ్రెస్ డిమాండ్ చేస్తోంది.Yesterday, the nation's young came out in Delhi to peacefully protest. They came with love in their hearts, not hatred or anger. They were beaten, both by cops and BJP goons. This is not the India we want. Tomorrow, we will march to the Supreme Court as Indians, united beyond party, gender, caste, community and state. Youth, all opposition parties, civil society groups, all those who believe in democracy and stand by the Constitution of India, will walk with us. We will submit a memorandum to the Chief Justice on behalf of the nation, demanding an end to vote chori, halting of SIR and the resignation of Gyanesh Kumar. Narendra Modi, Amit Shah, Ajit Doval and Mohan Bhagwat cannot silence India's voice. These cowards cannot intimidate us. They will have to step aside. We will march together, with love, brotherhood and patriotism. Daro mat. Tomorrow, all of India will march to the Supreme Court. कल दिल्ली में देश का युवा शांतिपूर्ण विरोध के लिए सड़कों पर उतरा। उनके दिलों में नफ़रत या गुस्सा नहीं, मोहब्बत थी। लेकिन उन्हें पुलिस और BJP के गुंडों, दोनों ने पीटा। ऐसा भारत हम नहीं चाहते। कल, सोमवार 12 अक्टूबर को, हम भारतीय होने के नाते सुप्रीम कोर्ट तक मार्च करेंगे। पार्टी, महिला-पुरुष, जाति, समुदाय और राज्य की हर दीवार से ऊपर उठकर, हम सब एक साथ चलेंगे। देश का युवा, तमाम विपक्षी दल, सिविल सोसाइटी और लोकतंत्र में विश्वास रखने वाले, भारत के संविधान के साथ खड़े सभी लोग हमारे साथ चलेंगे। हम देश की ओर से मुख्य न्यायाधीश को एक ज्ञापन सौंपेंगे। हमारी माँग है - वोट चोरी बंद हो, SIR पर रोक लगे और ज्ञानेश कुमार इस्तीफ़ा दें। नरेंद्र मोदी, अमित शाह, अजित डोभाल और मोहन भागवत भारत की आवाज़ को दबा नहीं सकते। ये कायर हमें डरा नहीं सकते। इन्हें पीछे हटना ही होगा। हम सब साथ चलेंगे - मोहब्बत, भाईचारे और देशभक्ति के साथ। डरो मत। कल पूरा भारत सुप्रीम कोर्ट तक मार्च करेगा। #ChaloDilli— Rahul Gandhi (@RahulGandhi) October 11, 2026ఈ నిరసన కార్యక్రమాల్లో పాల్గొనేందుకు తెలంగాణ కాంగ్రెస్ నేతలు కూడా ఢిల్లీకి వెళ్లనున్నారు. పార్టీ ముఖ్య నేతలంతా ఢిల్లీకి రావాలని ఏఐసీసీ ఇప్పటికే ఆదేశించినట్లు సమాచారం. టీపీసీసీ అధ్యక్షుడు మహేష్ కుమార్ గౌడ్, పలువురు మంత్రులు, సుమారు 60 మంది ఎమ్మెల్యేలు, ఇతర ప్రజాప్రతినిధులు ఈ కార్యక్రమంలో పాల్గొననున్నట్లు తెలుస్తోంది. SIR ప్రక్రియలో అక్రమాలు జరుగుతున్నాయని ఆరోపిస్తూ, ఎన్నికల సంఘం తీరును నిరసిస్తూ కాంగ్రెస్ వరుస ఆందోళనలు చేపడుతున్న విషయం తెలిసిందే. ఈ నేపథ్యంలో ఢిల్లీలో రేపు జరగనున్న కాంగ్రెస్ మార్చ్ రాజకీయంగా ప్రాధాన్యం సంతరించుకుంది.ఇదీ చదవండి: ఎల్‌నినో ఎఫెక్ట్‌.. యాసంగి పంటలు వేయొద్దు.. నీరు ఇవ్వలేం: మంత్రి పొంగులేటి

సాక్షి, హైదరాబాద్‌: తెలంగాణలో ఓటర్ల జాబితా వివాదంపై రాజకీయ వేడి పెరుగుతోంది. ఓటు హక్కు కోల్పోయిన బాధితులను ఆధారాలతో సహా తీసుకొచ్చి చూపిస్తానంటూ బీజేపీ రాష్ట్ర అధ్యక్షుడికి మంత్రి పొన్నం ప్రభాకర్‌ సవాల్‌ విసిరారు. తేదీ, సమయం చెప్పండి.. ఎన్నికల సంఘం రికార్డులతో సహా వాస్తవాలను నిరూపిస్తా అని ప్రకటించారు. పోలీసు బలగాలతో అరెస్టులు చేయించడం కాదని, ఓట్లు తొలగించబడ్డాయని చెబుతున్న బాధితులను నేరుగా తీసుకొచ్చి చూపిస్తానని అన్నారు.మంత్రి పొన్నం ప్రభాకర్‌ తాజాగా మీడియాతో మాట్లాడారు. ఈ సందర్బంగా పొన్నం.. బీజేపీ రాష్ట్ర అధ్యక్షుడు రామచందర్‌ రావు, బీజేపీ నేతలపై మండిపడ్డారు. ‘సర్‌’పై సంచలన ఆరోపణలు చేశారు. తన ఓటును కూడా తొలగించేందుకు ప్రయత్నం జరిగిందని పొన్నం తెలిపారు. తన తండ్రి పేరు సత్తయ్య, సత్యనారాయణ గౌడ్‌ అని వేర్వేరుగా ఉండటాన్ని సాకుగా చూపించారని ఆరోపించారు. తెలంగాణ వ్యాప్తంగా 70 లక్షల ఓట్లు తొలగించారు. ముఖ్యంగా బీజేపీకి వ్యతిరేకంగా ఉండే ఎస్సీ, ఎస్టీ, బీసీ, మైనార్టీ వర్గాల ఓట్లనే తొలగించారని విమర్శించారు.పేదలు, వృద్ధులు, నిరక్షరాస్యులు, రోజువారీ కూలీలు తమ ఓటు హక్కును నిరూపించుకునేందుకు కార్యాలయాల చుట్టూ తిరగాల్సిన పరిస్థితి ఏర్పడుతోందని మంత్రి అన్నారు. మాజీ ఉపరాష్ట్రపతి వెంకయ్య నాయుడికే ఇబ్బందులు ఎదురైతే సామాన్యుల పరిస్థితి ఏమిటని ప్రశ్నించారు. రాష్ట్రంలో మొత్తం ఎన్ని ఓట్లు తొలగించారు? వాటిలో అనర్హుల ఓట్లు ఎన్ని? పొరపాటున అర్హుల ఓట్లు ఎన్ని తొలగిపోయాయి? అనే వివరాలను స్పష్టమైన లెక్కలతో బయటపెట్టాలని పొన్నం డిమాండ్‌ చేశారు. ఓటు హక్కుపై ప్రశ్నించే వారిని కించపరిచేలా మాట్లాడటం ప్రజాస్వామ్య స్ఫూర్తికి విరుద్ధమని వ్యాఖ్యానించారు.ఇదీ చదవండి: ప్రాణం తీసిన రీల్స్‌ సరదా

సాక్షి, న్యూఢిల్లీ: దేశంలో ప్రభుత్వాన్ని ప్రశ్నించే వారిపై కేంద్రం ఉక్కుపాదం మోపుతోందని కాంగ్రెస్‌ అధ్యక్షుడు మల్లికార్జున ఖర్గే ధ్వజమెత్తారు. మోదీ ప్రభుత్వం సామాన్యుల గొంతు నొక్కేస్తూ అప్రజాస్వామికంగా వ్యవహరిస్తోందని మండిపడ్డారు. దేశాన్ని ‘మదర్‌ ఆఫ్‌ డెమోక్రసీ’(ప్రజాస్వామ్యానికి తల్లి) నుంచి ‘మజిల్డ్‌ డెమోక్రసీ’(గొంతు నొక్కేసిన ప్రజాస్వామ్యం)గా మార్చేశారని విమర్శించారు. యువత, విద్యార్థులు, న్యాయవాదులు, జర్నలిస్టులు, సామాజిక కార్యకర్తలు, రైతు సంఘాల నేతలతో పాటు యూట్యూబర్లు, కంటెంట్‌ క్రియేటర్లు.. ఇలా ఎవరైతే ప్రభుత్వ విధానాలను, లోపాలను ప్రశి్నస్తున్నారో వారందరినీ అక్రమంగా నిర్బంధిస్తున్నారని ఖర్గే శనివారం ఎక్స్‌లో ఆరోపించారు. కేంద్ర ప్రభుత్వ తీరుతో బీజేపీ, ఆర్‌ఎస్‌ఎస్‌ల పిరికితనం నేడు పూర్తిస్థాయిలో బట్టబయలైందని విమర్శించారు. కక్షసాధింపు చర్యలతో ప్రశ్నించే గొంతులను అణచివేయాలని చూడటం నియంతృత్వానికి నిదర్శనమని పేర్కొన్నారు. నిర్బంధాలు, అరెస్టులు, జైళ్లు, లాఠీలు, తూటాలతో ప్రజలను భయపెట్టలేరని ఖర్గే స్పష్టం చేశారు. స్వాతంత్య్ర పోరాట కాలం నుంచి దేశ భవితవ్యాన్ని తీర్చిదిద్దడంలో యువత ఎప్పుడూ ముందువరసలోనే ఉంటూ వస్తోందని ఆయన గుర్తుచేశారు. ఈ దేశ భవిష్యత్తును నిర్ణయించే యువతను నిర్బంధాలతో కట్టడి చేయలేరని హెచ్చరించారు. నియంత పాలనపై కాంగ్రెస్, ప్రతిపక్షాలతో కలిసి పోరాటం సాగిస్తుందని ఖర్గే స్పష్టం చేశారు.

సాక్షి, చెన్నై: ప్రజాస్వామ్య స్ఫూర్తిని, ఓటు హక్కును పరిరక్షించుకునేందుకు కదంతొక్కాలని లోక్‌సభ ప్రతిపక్ష నేత, కాంగ్రెస్‌ అగ్ర నేత రాహుల్‌ గాంధీ పిలుపునిచ్చారు. ప్రజాస్వామ్యాన్ని మోదీ నాశనం చేస్తున్నారని, విద్యార్థి పోరాటాలను అణచి వేస్తున్నారని ఆగ్రహం వ్యక్తం చేశారు. చైన్నైలో శనివారం నిర్వహించిన ‘వాయిస్‌ ఆఫ్‌ స్టూడెంట్స్‌’ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ ఎవరో చెప్పారని దేనినీ గుడ్డిగా అనుకరించొద్దని, మీ నేల వారసత్వాన్ని, చరిత్రను స్వయంగా తెలుసుకోవాలని విద్యార్థులకు పిలుపునిచ్చారు. తమిళనాడుకు చెందిన మహనీయులు తిరువళ్లువర్, పెరియార్‌ల అడుగుజాడల్లో నడుస్తూ ప్రశ్నించే తత్వాన్ని అలవర్చుకోవాలన్నారు. తమిళ సంస్కృతి, చరిత్ర, సంప్రదాయాలపై వ్యవస్థీకృత దాడి జరుగుతోందని ఆందోళన వ్యక్తం చేశారు. తమిళనాడుపై హిందీని బలవంతంగా రుద్దాలని అమిత్‌ షా ఆదేశించారని, కొత్త విద్యా విధానాన్ని ఆమోదిస్తేనే తమిళనాడుకు రూ.3,300 కోట్లు విడుదల చేస్తామని బీజేపీ చెప్పిందని విమర్శించారు. తమిళనాడు ప్రయోజనాలకు వ్యతిరేకంగా మోదీ ప్రభుత్వం వ్యవహరిస్తోందని మండిపడ్డారు. ఈ సందర్భంగా ఒక విద్యార్థి తమిళనాడు గొప్పతనం, తిరువళ్లువర్, పెరియార్‌ సిద్ధాంతాల గురించి ప్రస్తావించారు. వెంటనే స్పందించిన రాహుల్‌ గాంధీ.. ఆ విద్యార్థినుద్దేశించి ‘ఒకవేళ మోదీ కలిస్తే.. పెరియార్‌ ఆయనతో ఏం మాట్లాడేవారు?’ అని ప్రశ్నించారు. దానికి ఆ విద్యార్థి సమాధానమిస్తూ.. ‘దేశంలో కులమతాలు కాదని.. మానవత్వమే ముఖ్యమని చెప్పి ఉండేవారు’ అని బదులిచ్చారు. విద్యార్థి ఇచ్చిన ఈ సమాధానానికి రాహుల్‌ సంతృప్తి వ్యక్తం చేశారు. సీఎం విజయ్‌తో భేటీ: అంతకు ముందు రాహుల్‌ గాంధీ తమిళనాడు సీఎం విజయ్‌ నివాసానికి వెళ్లారు. మధ్యాహ్న భోజనం చేస్తూ సమకాలీన రాజకీయ అంశాలపై ఆయనతో చర్చించారు. అనంతరం ఇద్దరూ కలిసి ఒకే కారులో సమీపంలోని ఓ కేఫ్‌కు వెళ్లి కాఫీ తాగారు.

హైదరాబాద్‌: తెలంగాణ కాంగ్రెస్‌ ముఖ్య నేతలంతా ఢిల్లీ రావాలంటూ హైకమాండ్‌ ఆదేశించింది. రేపు(ఆదివారం, అక్టోబర్‌ 11వ తేదీ) రాత్రికి ఢిల్లీ చేరుకోవాలని స్పష్టం చేసింంది. ఎంపీలు, ఎమ్మెల్యేలు, ఎమ్మెల్సీలు, డీసీసీ అధ్యక్షులు, ఉపాధ్యక్షులు, కార్యదర్శులు, సీనియర్‌ నేతలు ఢిల్లీకి రావాలని సూచించింది. ఈ మేరకు తెలంగాణ పీసీసీ చీఫ్‌ మహేష్‌ కుమార్‌ గౌడ్‌కు ఏఐసీసీ జనరల్‌ సెక్రటరీ కేసీ వేణుగోపాల్‌ సమాచారం అందించారు. ఈ నేపథ్యంలో కాంగ్రెస్‌ నేతలకు మహేష్‌ కుమార్‌ గౌడ్‌ ఫోన్లు చేసి విషయాన్ని చేరవేస్తున్నారు. రేపు ఢిల్లీ వెళ్లడానికి సూచించిన కాంగ్రెస్‌ ముఖ్య నేతలంతా సిద్ధంగా ఉండాలని పేర్కొన్నారు. ఇదీ చదవండి: భవిష్యత్‌లో తీవ్ర సంక్షోభం: సీఎం రేవంత్‌

సాక్షి,న్యూఢిల్లీ: దేశంలో ప్రజాస్వామ్యం లేదని, ప్రధాని నరేంద్ర మోదీ, కేంద్ర హోంమంత్రి అమిత్ షా నేతృత్వంలో నియంతృత్వ పాలన సాగుతోందని కాంగ్రెస్ ఎంపీ ప్రియాంక గాంధీ ఆరోపించారు. ఢిల్లీలో నిరసనకారులపై పోలీసుల చర్యలను ఆమె ఖండించారు. 254 మంది ఎంపీలను అక్రమంగా నిర్బంధించి, రాజ్యాంగ హక్కులను ఉల్లంఘించారని ఎక్స్‌ వేదికగా ఆమె విమర్శించారు."దేశ రాజధానిని దిగ్బంధించి, రైళ్లు, మెట్రో సేవలను అడ్డుకుని, ఇంటర్నెట్‌ సేవలను నిలిపివేసి, అడుగడుగునా తనిఖీలు చేపడుతున్నారు. రాజ్యాంగం కల్పించిన నిరసన హక్కును వినియోగించుకుంటున్న యువతపై దాడులు చేసి అదుపులోకి తీసుకుంటున్నారు. ఎన్నికల సంఘం సహకారంతో ఎన్నికల్లో అక్రమాలు జరిగాయన్న ఆరోపణలపై ప్రభుత్వం సమాధానం చెప్పాలి" అని ప్రియాంక డిమాండ్‌ చేశారు.మరోవైపు, ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ ఢిల్లీలో చేపట్టిన నిరసనల సందర్భంగా ఆప్ అధినేత అరవింద్ కేజ్రీవాల్, పశ్చిమ బెంగాల్ మాజీ సీఎం మమతా బెనర్జీ సహా పలువురిని పోలీసులు నిర్బంధించారు. జంతర్ మంతర్ వైపు ర్యాలీగా వెళ్లేందుకు ప్రయత్నించిన సుమారు వెయ్యి మంది నిరసనకారులను అదుపులోకి తీసుకున్నట్లు అధికార వర్గాలు తెలిపాయి. నిరసనకు అనుమతి లేదని పోలీసులు పేర్కొన్నారు.ఇదీ చదవండి: రాహుల్, విజయ్ భేటీ.. గంటపాటు చర్చలు

చెన్నై: కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీ.. తమిళగ వెట్రి కళగం (టీవీకే) అధ్యక్షుడు, తమిళనాడు సీఎం విజయ్‌ శనివారం చెన్నైలో సమావేశమయ్యారు. విజయ్ నివాసంలోనే ఇద్దరు నేతలు సుమారు గంటపాటు చర్చలు జరిపారు. అనంతరం సమీపంలోని కేఫ్‌కు వెళ్లి కాఫీ, తిరమిసు, కుకీస్‌ను రుచి చూశారు. దీంతో ఈ భేటీ రాజకీయ వర్గాల్లోనే కాకుండా సోషల్ మీడియాలోనూ ఆసక్తికరంగా మారింది.చెన్నైలోని నీలాంకరైలో ఉన్న తన నివాసం వద్దకు వచ్చిన రాహుల్ గాంధీకి విజయ్ సాదర స్వాగతం పలికారు. అనంతరం ఇద్దరూ రాజకీయ అంశాలపై చర్చించారు. ఆ తర్వాత కేఫ్‌కు వెళ్లిన నేతలు అక్కడికి వచ్చిన అభిమానులతో ముచ్చటించారు. అనంతరం కొందరితో సెల్ఫీలు దిగారు.రాహుల్ గాంధీ చెన్నైలో నిర్వహిస్తున్న ‘ఛాత్రోన్ కీ గూంజ్’ పేరుతో జరగనున్న యువజన కార్యక్రమంలో పాల్గొనేందుకు వచ్చారు. ఈ కార్యక్రమానికి లక్ష మందికి పైగా విద్యార్థులు నమోదు చేసుకున్నట్లు నిర్వాహకులు తెలిపారు.తమిళనాడు అసెంబ్లీ ఎన్నికల అనంతరం హంగ్ పరిస్థితులు ఏర్పడటంతో కాంగ్రెస్, టీవీకే చేతులు కలిపిన విషయం తెలిసిందే. గతంలో డీఎంకేతో కలిసి ఉన్న కాంగ్రెస్.. విజయ్ పార్టీకి మద్దతు ప్రకటించింది. ఈ నేపథ్యంలో జరిగిన రాహుల్, విజయ్ భేటీ రాజకీయంగా ప్రాధాన్యం సంతరించుకుంది. అధికారిక చర్చలతో పాటు ఇద్దరి మధ్య కనిపించిన స్నేహపూర్వక వాతావరణం కూడా అందరి దృష్టిని ఆకర్షించింది.ఇదీ చదవండి: ఫ్లైదుబాయ్ ఘటనపై కేంద్రం సీరియస్.. ఎన్ఐఏ కేసు నమోదు

సాక్షి, హైదరాబాద్‌: తెలంగాణలో ఆర్టీసీ గుర్తింపు సంఘం ఎన్నికలు ప్రశాంతంగా ముగిశాయి. పదేళ్ల తర్వాత ఎన్నికలు జరగడంతో కార్మిక సంఘాలు అధికారంలోకి వచ్చేందుకు విస్తృత ప్రచారాలు నిర్వహించాయి. ఆర్టీసీ గుర్తింపు ఎన్నికల్లో ఏఐటీయూసీ అనుబంధ ఈయూ కూటమి విజయం దిశగా దూసుకెళ్తోంది. ఈ నేపథ్యంలో కాంగ్రెస్‌ ప్రభుత్వం మద్దతు అందించిన తెలంగాణ వర్కర్స్ యూనియన్‌కు కార్మికులు గట్టి షాక్ ఇవ్వడం రాష్ట్ర రాజకీయ వర్గాల్లో తీవ్ర చర్చనీయాంశంగా మారింది.తెలంగాణలో దశాబ్ద కాలం తర్వాత జరిగిన ఆర్టీసీ గుర్తింపు సంఘం ఎన్నిక తుది ఘట్టానికి చేరింది. రాష్ట్రవ్యాప్తంగా జరిగిన ఎన్నికల్లో 98 శాతం పోలింగ్‌ నమోదైంది. బరిలోకి దిగిన మూడు కూటముల్లో ఎంప్లాయిస్‌ యూనియన్‌ కూటమి విజయం దిశగా దూసుకెళ్తోంది. మొత్తం 11 రీజియన్లలో ఎనిమిదింటిలో ఓట్ల లెక్కింపు ప్రక్రియ పూర్తైంది. ఇందులో 5 రీజియన్లలో ఈయూ కూటమి, 3 రీజియన్లలో తెలంగాణ మజ్దూర్‌ యూనియన్‌ విజయం సాధించాయి. ఎన్నికల ఫలితాలు ఈయూ కూటమికే అనుకూలంగా ఉండడంతో తమ గెలుపు ఖాయమని ఈయూ కూటమి ధీమా వ్యక్తం చేస్తోంది. కాగా, దూర ప్రాంత సర్వీసులకు డ్యూటీకి వెళ్లిన సిబ్బంది 14, 15 తేదీల్లో పోస్టల్‌ బ్యాలెట్ల ద్వారా ఓటు వేయనున్నారు. ఆ సంఖ్య వందలలోనే ఉంటుందని, ఫలితాలపై ప్రభావం చూపదని ఈయూ తెలిపింది. ఈ నెల 17న ఫలితాలు అధికారికంగా వెలువడనున్నాయి.ఇదిలా ఉండగా.. ఆర్టీసీ కార్మిక సంఘం ఎన్నికల్లో ఓటమిపై అధికార కాంగ్రెస్ పార్టీ పోస్టుమార్టం చేపట్టింది. ముఖ్యమంత్రి రేవంత్‌ రెడ్డి, టీపీసీసీ చీఫ్‌ మహేష్‌ కుమార్‌ గౌడ్‌ ఎన్నికల సరళిపై నివేదిక తెప్పించుకున్నట్టు సమాచారం. ఈ క్రమంలో సొంత పార్టీ నేతలే ప్రత్యర్థి యూనియన్‌కు మద్దతు ఇచ్చినట్టు తెలుస్తోంది. కొన్ని జిల్లాల్లో మంత్రులు, ఎమ్మెల్యేలు లైట్ తీసుకోవడం వల్ల ఓడిపోయారని రిపోర్ట్ వచ్చినట్టు సమాచారం. ఖమ్మం, నల్లగొండ మినహా మిగతా జిల్లాల్లో ఎమ్మెల్యేలు, ఇంఛార్జీలు ఎన్నికలను పట్టించుకోలేదని తేలింది. కాగా, ఎన్నికల్లో వార్‌ వన్‌ సైడ్‌ ఉంటుందని భావించిన కాంగ్రెస్‌కు ఎదురుదెబ్బ తగిలింది. ఇక, గ్రేటర్ పరిధిలో 26 యూనిట్లలో కేవలం 3 స్థానాల్లో మాత్రమే విజయం సాధించడంతో కాంగ్రెస్‌లో అంతర్మథనం నెలకొంది. ఇదీ చదవండి: తెలంగాణ: పండుగ ప్రయాణం భారమే

ఢిల్లీ: రాహుల్‌ గాంధీ, ఇండి కూటమి అబద్ధాలను ప్రచారం చేస్తున్నారంటూ కేంద్ర హోం మంత్రి అమిత్‌ షా మండిపడ్డారు. దుర్మార్గపు ప్రచారం చేసినా.. ప్రధాని మోదీ నాయకత్వంలో బీజేపీ ఒక ఎన్నిక తర్వాత మరొక ఎన్నికలో విజయం సాధిస్తూనే ఉందని అమిత్‌ షా పేర్కొన్నారు.పశ్చిమ బెంగాల్, అస్సాం, పుదుచ్చేరి ఉప ఎన్నికల్లో ఎన్‌డీఏ విజయాలు, అలాగే రాజస్థాన్, త్రిపురలో ఇటీవల జరిగిన మున్సిపల్ ఎన్నికల్లో ప్రజలు ఇండి కూటమిని పూర్తిగా తిరస్కరించారన్నారు. ప్రజా మద్దతును కోల్పోయిన ఇండియా కూటమి పార్టీలు ప్రతి ఓటమి తర్వాత సంస్థలను ప్రశ్నిస్తున్నాయని.. కానీ ప్రజలు వారి ఈ స్వభావాన్ని గుర్తించారన్న అమిత్‌ షా.. అందుకే మరోసారి బీజేపీపై తమ అచంచలమైన విశ్వాసాన్ని వ్యక్తం చేస్తూ తీర్పు ఇచ్చారంటూ వ్యాఖ్యానించారు.ఇదీ చదవండి: సెంట్రల్ ఢిల్లీలో లాక్‌డౌన్‌..!

సాక్షి,న్యూఢిల్లీ: మహిళా విద్యార్థినులను లైంగికంగా వేధించినట్లు నిర్ధారణ కావడంతో జవహర్‌లాల్ నెహ్రూ విశ్వవిద్యాలయం (జేఎన్‌యూ) సంచలన నిర్ణయం తీసుకుంది. తమ యూనివర్సిటీ ప్రొఫెసర్, ఇన్నర్ మణిపూర్ కాంగ్రెస్ లోక్‌సభ ఎంపీ డాక్టర్ అంగోంచా బిమోల్ అకోయిజామ్‌ను విశ్వవిద్యాలయ సేవల నుంచి తొలగించింది. జేఎన్‌యూ అంతర్గత కమిటీ ఇచ్చిన నివేదిక ఆధారంగా ఈ తొలగింపు తక్షణమే అమల్లోకి వచ్చింది. ఆయనకు కఠినమైన శిక్ష విధించాలని ఆ కమిటీ సిఫారసు చేసింది. జాతీయ మీడియా కథనాల ప్రకారం.. సామాజిక శాస్త్రం, సామాజిక వ్యవస్థల అధ్యయన కేంద్రానికి చెందిన ఫ్రొఫెసర్‌ అకోయిజామ్‌పై లైంగిక వేధింపుల ఆరోపణలు రావడం కలకలం రేగింది. ఈ ఆరోపణలపై అధికారులు అంతర్గత విచారణ జరిపారు. విచారణలో నేరం రుజువు కావడంతో ఆయనను యూనివర్సిటీ సేవల నుంచి బర్తరఫ్ చేస్తున్నట్లు యూనివర్సిటీ యాజమాన్యం ఉత్తర్వులలో స్పష్టం చేసింది. 10 మందికి పైగా విద్యార్థినుల ఫిర్యాదులుసదరు ఎంపీపై లైంగిక వేధింపుల ఆరోపణలతో విద్యార్థినులు విశ్వవిద్యాలయ అంతర్గత కమిటీకి రాతపూర్వక ఫిర్యాదులు చేశారు. తరగతి గదిలో అనుచిత వ్యాఖ్యలు చేయడం,అధికారిక సమావేశాలు, క్లాసులు జరిగే సమయంలో దుష్ప్రవర్తనకు పాల్పడ్డారని ఆరోపించారు. మొదట ఓ విద్యార్థిని తనపై జరిగిన దారుణాన్ని బయటపెట్టడంతో ఆకృత్యాలు వెలుగులోకి వచ్చాయి.అకోయిజామ్ ఖండన అయితే, తనపై వచ్చిన ఆరోపణలను ప్రొఫెసర్ అకోయిజామ్ ఖండించారు. అవాస్తవాలతో, ఉద్దేశ పూర్వకంగా తనపై ఇలాంటి నిరాధార ఆరోపణలు మోపుతున్నట్లు పేర్కొన్నారు. మరోవైపు, ఈ వివాదంపై బీజేపీ అనుబంధ విద్యార్థి సంఘం ఏబీవీపీ తీవ్రస్థాయిలో స్పందించింది. కాంగ్రెస్ ఎంపీ వెంటనే తన పదవికి రాజీనామా చేయాలంటూ పెద్దఎత్తున నిరసనలు చేపట్టింది. ఈ పరిణామాలను పరిగణనలోకి తీసుకున్న ఢిల్లీ మహిళా కమిషన్ సైతం జేఎన్‌యూ యంత్రాంగం నుంచి పూర్తి నివేదికను కోరింది.ఇదీ చదవండి: ‘కాంగ్రెస్‌ నిరసనలో మహిళా పోలీసులకు లైంగిక వేధింపులు’

ఢిల్లీ: ఢిల్లీలో రాహుల్ గాంధీ నేతృత్వంలో జరిగిన కాంగ్రెస్ నిరసన సందర్భంగా మహిళా పోలీసు సిబ్బంది లైంగిక వేధింపులకు గురై, గాయపడ్డారని సొలిసిటర్ జనరల్ తుషార్ మెహతా శుక్రవారం సుప్రీంకోర్టుకు తెలిపారు. తమ నిరసనలకు అనుమతి ఇవ్వాలని కోరుతూ ఇండి కూటమి సభ్యులు సుప్రీంకోర్టులో దాఖలు చేసిన పిటిషన్ల సందర్బంగా విచారణ జరిగింది. దీనిలో భాగంగా ప్రభుత్వం తరఫున సొలిసిటర్ జనరల్ తుషార్ మెహతా వాదనలు వినిపించారు. ‘దయచేసి రెండు రోజుల క్రితం నాటి దృశ్యాలను చూడండి. మహిళా పోలీసు అధికారులు లైంగిక వేధింపులకు గురై, గాయపడ్డారు’ అని మెహతా కోర్టుకు తెలిపారు. పోలీసు సిబ్బందిని మాటలతో కూడా దూషించారని,. అయినప్పటికీ వారు మాత్రం బాధ్యతాయుతంగా వ్యవహరించారని ఆయన అన్నారు. ఈ నిరసనకు ఎలాంటి అనుమతి లేనందున ఇది చట్టవిరుద్ధమని కూడా ఆయన స్పష్టం చేశారు. ప్రధాన ఎన్నికల కమిషనర్ జ్ఞానేష్ కుమార్‌ను తొలగించాలని 'ఓటు దొంగతనం' అని ఆరోపిస్తూ నిరసన తెలిపేందుకు జంతర్ మంతర్ చేరుకోవడానికి ప్రయత్నించిన ప్రతిపక్ష ఇండియా కూటమి ఎంపీలను పోలీసులు అడ్డుకున్న సంగతి తెలిసిందే.అయితే ప్రధాన ఎన్నికల కమిషనర్‌కు వ్యతిరేకంగా రేపు(శనివారం, అక్టోబర్ 10న) కాక్రోచ్‌ జనతా పార్టీ (సీజేపీ) పిలుపునిచ్చిన నేపథ్యంలో నేటి వాదోప వాదనలు ప్రాధాన్యత సంతరించుకున్నాయి. ఇదీ చదవండి: ఇక నరేంద్ర మోదీ విమానాశ్రయంగా నోయిడా ఎయిర్‌పోర్ట్‌

పుదుచ్చేరి: పుదుచ్చేరిలోని థట్టాంచావడి అసెంబ్లీ ఉప ఎన్నికలో ఆల్ ఇండియా ఎన్.ఆర్. కాంగ్రెస్ (AINRC) అభ్యర్థి అశోక్ ఆనంద్ విజయం సాధించారు. కాంగ్రెస్ అభ్యర్థి ఈ. వినయాగంపై 8,482 ఓట్ల మెజారిటీతో గెలుపొందారు. భారత ఎన్నికల సంఘం వెల్లడించిన తుది గణాంకాల ప్రకారం అశోక్ ఆనంద్‌కు 13,358 ఓట్లు రాగా, వినయాగానికి 4,876 ఓట్లు వచ్చాయి.కాగా, ఈ ఉప ఎన్నిక ఎన్‌ఆర్‌ కాంగ్రెస్‌కు కు కీలకంగా మారింది. బీజేపీ నేతృత్వంలోని ఎన్డీఏ కూటమిలో AINRC భాగస్వామిగా ఉంది. గతంలో ఈ నియోజకవర్గానికి ముఖ్యమంత్రి, AINRC వ్యవస్థాపకుడు ఎన్. రంగస్వామి ప్రాతినిధ్యం వహించారు. 2026 అసెంబ్లీ ఎన్నికల్లో థట్టాంచావడి, మంగళం రెండు స్థానాల్లోనూ గెలిచిన రంగస్వామి.. మంగళం స్థానాన్ని కొనసాగించేందుకు నిర్ణయించుకోవడంతో థట్టాంచావడికి ఉప ఎన్నిక జరిగింది. థట్టాంచావడి నియోజకవర్గం చాలాకాలంగా రంగస్వామితో అనుబంధం కలిగి ఉంది. తాజా విజయంతో ఈ స్థానాన్ని AINRC తిరిగి దక్కించుకుంది. పుదుచ్చేరిలో ఎన్డీఏ కూటమికి ఈ ఫలితం మరో ప్రాతినిధ్యాన్ని అందించింది. ఆనంద్‌ విజయం నేపథ్యంలో పార్టీ శ్రేణులు ఆనందంతో సంబురాలు చేసుకుంటూ స్వీట్స్‌ పంచారు. పార్టీ ఆఫీసు వద్ద సందడి నెలకొంది. ఈ ఉప ఎన్నికల్లో డీఎంకే సైతం పోటీలో ఉన్నప్పటికీ ప్రభావం చూపించలేకపోయింది. <blockquote class="twitter-tweet"><p lang="en" dir="ltr">#WATCH | Puducherry | All India N.R. Congress workers celebrate as their leader Ashok Anand leads in Thattanchavady (Puducherry) Assembly by-polls results, as per early ECI trends https://t.co/QdsOcnDog2</p>— ANI (@ANI) <a href="https://x.com/ANI/status/2108431759574753289?ref_src=twsrc%5Etfw">October 9, 2026</a></blockquote> <script async src="https://platform.x.com/widgets.js" charset="utf-8"></script> #WATCH | Puducherry | All India N.R. Congress workers celebrate as their leader Ashok Anand leads in Thattanchavady (Puducherry) Assembly by-polls results, as per early ECI trends https://t.co/QdsOcnDog2— ANI (@ANI) October 9, 2026ఇదీ చదవండి: కలెక్టర్‌గా తొలిసారి పోస్టింగ్‌.. రాత్రికి రాత్రే పోస్టింగ్‌ మార్పు!

సాక్షి, బెంగళూరు: కర్ణాటక రాజకీయాల్లో స్టింగ్‌ ఆపరేషన్‌ వ్యవహారం తీవ్ర ఉత్కంఠ రేపుతోంది. తనపై, మంత్రులపై స్టింగ్‌ ఆపరేషన్‌ చేసేందుకు ప్రయత్నాలు జరిగాయని సీఎం డీకే శివకుమార్‌ సంచలన వ్యాఖ్యలు చేశారు. దీని వెనుక ఉన్నది ఎవరో, ఆర్థిక వనరులు సమకూర్చింది ఎవరో తనకు బాగా తెలుసని అన్నారు. అయితే ఇప్పుడే అన్ని విషయాలు బయటపెట్టనని, సరైన సమయం వచ్చినప్పుడు అన్నింటికీ సమాధానం చెబుతానని స్పష్టం చేశారు.గురువారం ఢిల్లీలోని కర్ణాటక భవన్‌ వద్ద మీడియాతో మాట్లాడిన సీఎం డీకే శివకుమార్‌.. ఈ వ్యవహారానికి సంబంధించి తన వద్ద అన్ని సాక్ష్యాధారాలు ఉన్నాయని వెల్లడించారు. తాను బాధ్యతాయుతమైన పదవిలో ఉన్నానని, ఆధారాలు లేకుండా మాట్లాడే వ్యక్తిని కాదని పేర్కొన్నారు. స్టింగ్‌ ఆపరేషన్‌ కోసం కొందరు వ్యక్తులు తనను సంప్రదించారని, అవసరమైతే వారి ఫొటోలను కూడా విడుదల చేసేందుకు సిద్ధంగా ఉన్నానని చెప్పారు.స్టింగ్‌ ఆపరేషన్‌ చేసిన వారెవరో ప్రకటించాలని కేంద్ర మంత్రి హెచ్‌డీ కుమారస్వామి చేసిన సవాలుపై డీకే ఘాటుగా స్పందించారు. గుమ్మడికాయల దొంగ అంటే భుజాలు తడుముకోవడం ఎందుకని ప్రశ్నించారు. మరోవైపు, నైస్‌ ప్రాజెక్టు కుమారస్వామి చేసిన తప్పుల్లో ఒకటని ఆరోపిస్తూ, ఈ వ్యవహారానికి సంబంధించిన పూర్తి వివరాలను సమయం వచ్చినప్పుడు అసెంబ్లీలో వెల్లడిస్తానని అన్నారు. కుమారస్వామి కుటుంబానికి అంత ఆస్తి ఎక్కడి నుంచి వచ్చిందని కూడా ప్రశ్నించారు.డీకే వ్యాఖ్యలకు కుమారస్వామి కౌంటర్‌సీఎం డీకే శివకుమార్‌ వ్యాఖ్యలపై కేంద్ర మంత్రి కుమారస్వామి ఎదురుదాడికి దిగారు. నైస్‌ ప్రాజెక్టులో అక్రమాలపై ఆధారాలతో సహా ప్రశ్నలు లేవనెత్తడంతోనే సీఎం డైవర్షన్‌ రాజకీయాలకు తెరతీశారని విమర్శించారు. నైస్‌ ప్రాజెక్టు అంశంపై చర్చ జరగకుండా ఉండేందుకే స్టింగ్‌ ఆపరేషన్‌ వ్యవహారాన్ని తెరపైకి తెస్తున్నారని ఆరోపించారు. సీఎంను కలిసేందుకు వచ్చే వారు ఫోన్లను బయటే వదిలి వెళ్లాలని సూచించిన కుమారస్వామి.. స్టింగ్‌ ఆపరేషన్‌ పేరుతో ట్రాప్‌ చేసినవారిని ఎందుకు వదిలేశారని ప్రశ్నించారు. గతంలో మాజీ మంత్రి రమేశ్‌ జార్కిహొళి వ్యవహారంలో ఎవరు ఉన్నారో, మాజీ మంత్రి రాజణ్ణ ఎందుకు మౌనంగా ఉన్నారో అందరికీ తెలుసంటూ వ్యాఖ్యానించారు.ఇలా ఒకవైపు స్టింగ్‌ ఆపరేషన్‌ వెనుక ఎవరున్నారో తనకు తెలుసంటూ డీకే శివకుమార్‌ వ్యాఖ్యానించడం, మరోవైపు నైస్‌ ప్రాజెక్టు అక్రమాల అంశాన్ని కుమారస్వామి ప్రస్తావించడంతో కర్ణాటక రాజకీయాలు మరింత ఆసక్తికరంగా మారాయి. అసలు స్టింగ్‌ ఆపరేషన్‌ వెనుక ఎవరున్నారు? ఆర్థిక సహకారం అందించింది ఎవరు? డీకే చెబుతున్న ఆధారాలు ఎప్పుడు బయటకు వస్తాయి? అన్న ప్రశ్నలు రాజకీయ వర్గాల్లో ఉత్కంఠ రేపుతున్నాయి.ఇదీ చదవండి: అంబానీనే కాదు.. ఇంకో బాస్‌ కూడా ఉన్నాడా?

మూడు సంవత్సరాల ప్రేమ.. పెళ్లి చేసుకుంటానన్న హామీ.. మూడు సార్లు అబార్షన్‌ చేయించాడన్న ఆరోపణలు.. చివరకు పెళ్లికి నిరాకరించడంతో మున్సిపల్‌ చైర్మన్‌ ఇంటి ఎదుటే నాలుగు రోజుల పాటు నిరసన. వరంగల్‌ జిల్లా వర్ధన్నపేటలో తీవ్ర చర్చకు దారితీసిన ఈ వ్యవహారం ఎట్టకేలకు ఓ కొలిక్కి వచ్చింది. మున్సిపల్‌ చైర్మన్‌ పాలకుర్తి సారంగపాణి కుమారుడు శ్రీకాంత్‌.. బాధితురాలిని పెళ్లి చేసుకునేందుకు అంగీకరించాడు.శ్రీకాంత్‌ తనను ప్రేమ పేరుతో నమ్మించి పెళ్లి చేసుకుంటానని చెప్పి మోసం చేశాడని ఆరోపిస్తూ శ్రీదేవి అనే యువతి సోమవారం నుంచి సారంగపాణి ఇంటి ఎదుట ఆందోళనకు దిగింది. కుటుంబ సభ్యులు, దళిత సంఘాల నాయకులతో కలిసి నిరసన కొనసాగించింది. తనకు న్యాయం జరిగే వరకు అక్కడి నుంచి కదిలేది లేదని స్పష్టం చేసింది. ఆమె ఆందోళనకు పలు రాజకీయ, ప్రజాసంఘాల నాయకులు మద్దతు తెలిపారు. ఈ క్రమంలో.. ఎమ్మెల్యే, మాజీ పోలీస్‌ అధికారి కేఆర్‌ నాగరాజు చొరవతో ఇరు కుటుంబాల మధ్య చర్చలు జరగ్గా, గురువారం సాయంత్రం పెద్దల సమక్షంలో శ్రీకాంత్‌, శ్రీదేవి దండలు మార్చుకుని వివాహ బంధంలోకి అడుగుపెట్టారు. ఈ కార్యక్రమంలో శ్రీకాంత్‌ తల్లిదండ్రులు సారంగపాణి, సుజాత పాల్గొన్నారు.మూడేళ్ల ప్రేమ..శ్రీకాంత్‌తో తనకు మూడేళ్ల క్రితం దసరా వేడుకల సందర్భంగా పరిచయం ఏర్పడిందని శ్రీదేవి తెలిపింది. అప్పటి నుంచి ప్రేమిస్తున్నానని, పెళ్లి చేసుకుంటానని నమ్మించాడని ఆరోపించింది. వేములవాడ ఆలయానికి తీసుకెళ్లి పెళ్లి చేసుకుంటానని మాట ఇచ్చాడని, తన కుటుంబ సభ్యులకు కూడా పరిచయం చేశాడని వివరించింది. ఈ క్రమంలో అతడితో సన్నిహితంగా ఉన్న సమయంలో మూడుసార్లు గర్భం దాల్చానని, శ్రీకాంత్‌ సూచనల మేరకు అబార్షన్లు చేయించుకున్నానని పేర్కొంది.తర్వాత శ్రీకాంత్‌ తనను దూరం పెట్టడంతో మోసపోయానని గ్రహించినట్లు తెలిపింది. ఈ విషయంపై ఆయన తండ్రి సారంగపాణిని కలిసి తన వద్ద ఉన్న ఆధారాలు చూపించినా ఫలితం లేకపోయిందని ఆరోపించింది. అనంతరం వర్ధన్నపేట ఎమ్మెల్యే కె.ఆర్‌. నాగరాజును ఆశ్రయించినా సమస్య పరిష్కారం కాలేదని ఆవేదన వ్యక్తం చేసింది. చివరకు చైర్మన్‌ ఇంటి ఎదుటే ఆందోళనకు దిగింది.ఎమ్మెల్యే చొరవతో కొలిక్కి..శ్రీదేవి నిరసన కొనసాగుతుండటంతో ఎమ్మెల్యే కె.ఆర్‌. నాగరాజు ఇరు కుటుంబాలతో చర్చలు జరిపి సమస్య పరిష్కారానికి చొరవ తీసుకున్నారు. ఆయన జోక్యంతో శ్రీకాంత్‌ పెళ్లికి అంగీకరించడంతో ఇరు కుటుంబాల పెద్దల సమక్షంలో వివాహం జరిగింది. కుటుంబాల మధ్య ఒప్పంద పత్రం కూడా రాసుకున్నట్లు సమాచారం. పెళ్లి కార్యక్రమంతో నాలుగు రోజులుగా కొనసాగుతున్న నిరసనకు తెరపడింది. తనకు అండగా నిలిచిన ప్రజాసంఘాలు, రాజకీయ పార్టీల నాయకులకు శ్రీదేవి కృతజ్ఞతలు తెలిపింది.ఇదీ చదవండి: జూరాల రైతులపై నాన్‌ బెయిలబుల్‌ కేసులా?

వీడీ సతీశన్‌ నేతృత్వంలోని కేరళ సర్కార్‌ విప్లవాత్మక నిర్ణయం దిశగా అడుగులేస్తోంది. దేశంలోనే తొలిసారిగా సినిమా రంగానికి కొత్త గుర్తింపు ఇచ్చే ప్రయత్నం చేస్తోంది. ఇది దాదాపు తుది దశకు చేరుకుంది. ఇప్పటివరకు కళా, సాంస్కృతిక రంగంగా ఉన్న మలయాళ సినిమా.. ‘ఇండస్ట్రీ’ గుర్తింపు దక్కించుకోనుంది. ఇందుకు సంబంధించిన విధాన ముసాయిదా సిద్ధం కాగా శాఖల మధ్య సంప్రదింపులు కొనసాగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లే అవకాశం ఉంది.మలయాళ సినిమాకు ఇండస్ట్రీ హోదా ఇవ్వాలన్న ఆలోచన ఇప్పుడే పుట్టింది కాదు. గత పినరయి విజయన్‌ నేతృత్వంలోని ఎల్‌డీఎఫ్‌ ప్రభుత్వం హయాంలోనే దీనికి సంబంధించిన కసరత్తు మొదలైంది. 2024లో సమగ్ర ఫిల్మ్‌ పాలసీ రూపొందించేందుకు కేరళ ప్రభుత్వం రూ.కోటి కేటాయించింది. సినిమా నిర్మాణం, పంపిణీ, ప్రదర్శన రంగాల్లోని సమస్యలను అధ్యయనం చేసి విధానాన్ని రూపొందించేందుకు కన్సల్టెన్సీని కూడా నియమించింది.ఆ తర్వాత 2025 ఆగస్టులో కేరళ ఫిల్మ్‌ పాలసీ కాన్‌క్లేవ్‌ నిర్వహించారు. ముఖ్యమంత్రి పినరయి విజయన్‌ ప్రారంభించిన ఈ రెండు రోజుల సదస్సుకు సినీ రంగానికి చెందిన 500 మందికిపైగా ప్రతినిధులు హాజరయ్యారు. పరిశ్రమ భవిష్యత్తు, కార్మికుల హక్కులు, మహిళల భద్రత, సినిమా రంగానికి అవసరమైన విధానపరమైన మార్పులపై విస్తృతంగా చర్చించారు.92 సిఫారసులతో ఫిల్మ్‌ పాలసీఈ కసరత్తు కొనసాగి.. 2026 మార్చిలో కేరళ కేబినెట్‌ సమగ్ర స్టేట్‌ ఫిల్మ్‌ పాలసీకి ఆమోదం తెలిపింది. మొత్తం 92 సిఫారసులు, ప్రతిపాదనలతో ఈ పాలసీని రూపొందించారు. సినిమా రంగాన్ని మరింత ప్రొఫెషనల్‌గా తీర్చిదిద్దడం, నటీనటులు, సాంకేతిక నిపుణులు, కార్మికుల హక్కులకు రక్షణ కల్పించడం, మహిళలకు సురక్షితమైన పని వాతావరణం కల్పించడం వంటి అంశాలకు ఇందులో ప్రాధాన్యం ఇచ్చారు.అంతేకాదు.. సినిమాను ఒక పరిశ్రమగా గుర్తించాలన్న ప్రతిపాదన కూడా ఈ ఫిల్మ్‌ పాలసీలోనే ఉంది. అంటే ఇప్పుడు ప్రభుత్వం తీసుకుంటున్న చర్యకు ఇప్పటికే రూపొందిన విధానపరమైన పునాది ఉంది.బడ్జెట్‌లోనే కీలక ప్రకటనప్రస్తుత వీడీ సతీశన్‌ నేతృత్వంలోని యూడీఎఫ్‌ ప్రభుత్వం 2026–27 బడ్జెట్‌లో సినిమా రంగానికి ఇండస్ట్రీ స్టేటస్‌ కల్పించే ప్రతిపాదనను ప్రకటించింది. కొచ్చిలో జేసీ డేనియల్‌ ఇంటర్నేషనల్‌ ఫిల్మ్‌ సిటీ ఏర్పాటుకు రూ.100 కోట్లు కేటాయించింది. అంతర్జాతీయ స్థాయి సినిమా నిర్మాణాలను కేరళకు ఆకర్షించడం, ఫిల్మ్‌ సెక్టార్‌కు మౌలిక వసతులు కల్పించడం, యాంటీ పైరసీ వ్యవస్థను బలోపేతం చేయడం వంటి ప్రతిపాదనలతో ఈ ప్రాజెక్టును అనుసంధానించింది.ఇప్పుడు తాజాగా ఇండస్ట్రీ స్టేటస్‌కు సంబంధించిన పాలసీ ఫ్రేమ్‌వర్క్‌ సిద్ధం కావడంతో ఈ ప్రక్రియ మరో కీలక దశకు చేరుకుంది. వివిధ శాఖల మధ్య సంప్రదింపులు జరుగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లాలని ప్రభుత్వం భావిస్తోంది.హోదా వస్తే ఏం మారుతుంది?ఇండస్ట్రీ స్టేటస్‌ వల్ల కేవలం పేరుకు గుర్తింపు రావడం కాకుండా.. సినిమా రంగానికి ఆర్థిక, పరిపాలనా వెసులుబాట్లు కల్పించడమే ప్రధాన ఉద్దేశంగా కనిపిస్తోంది. ప్రస్తుతం నిర్మాతలు ఎదుర్కొంటున్న కీలక సమస్యల్లో నిధుల సమీకరణ ఒకటి. ఇండస్ట్రీ హోదా వస్తే వాణిజ్య బ్యాంకులు, ఇతర ఆర్థిక సంస్థల నుంచి సినిమా నిర్మాణానికి రుణాలు పొందే అవకాశాలు మెరుగుపడతాయని నిర్మాత జి. సురేశ్‌ కుమార్‌ చెబుతున్నారు.అదే సమయంలో షూటింగ్‌లకు అనుమతులు, స్థానిక సంస్థల నిబంధనలు, విద్యుత్‌ చార్జీలు, పన్నులు వంటి అంశాలపైనా ప్రభుత్వం పరిశీలన చేస్తోంది. వివిధ శాఖలు, స్థానిక సంస్థల చుట్టూ తిరగాల్సిన అవసరం తగ్గించేలా సింగిల్‌ విండో విధానం తీసుకురావాలన్న డిమాండ్‌ కూడా ఉంది.కార్మికులకూ రక్షణఇండస్ట్రీ స్టేటస్‌ చర్చ కేవలం నిర్మాతలు, పెద్ద నిర్మాణ సంస్థలకు పరిమితం కాకుండా.. సినిమా రంగంలో పనిచేసే వేలాది మంది కార్మికులు, సాంకేతిక నిపుణులకు సంబంధించిన అంశాలనూ కలిగి ఉంది. 2026లో ఆమోదించిన ఫిల్మ్‌ పాలసీలో కార్మిక హక్కులు, లింగ సమానత్వం, సురక్షితమైన పని వాతావరణం వంటి అంశాలకు ప్రాధాన్యం ఇచ్చారు. సినిమా నిర్మాణ సంస్థల్లో అంతర్గత ఫిర్యాదుల కమిటీలు ఏర్పాటు చేయడం, మహిళలకు మెరుగైన ప్రాతినిధ్యం కల్పించడం వంటి సిఫారసులు కూడా ఉన్నాయి.ఆర్థిక ఇబ్బందుల వేళ..మరోవైపు మలయాళ సినిమా పరిశ్రమ ప్రస్తుతం పలు ఆర్థిక సవాళ్లను ఎదుర్కొంటోంది. నిర్మాణ వ్యయాలు పెరగడం, ఓటీటీ కొనుగోళ్లలో మందగమనం వంటి అంశాలు నిర్మాతలపై ఒత్తిడి పెంచుతున్నాయి. ఈ పరిస్థితుల్లో పరిశ్రమకు అధికారిక గుర్తింపు, సంస్థాగత రుణాలు, అనుమతుల ప్రక్రియలో సరళీకరణ వంటి చర్యలు కీలకంగా మారుతున్నాయి. అందుకే ఇండస్ట్రీ స్టేటస్‌ కేవలం హోదా కాదు.. సినిమా రంగానికి ఆర్థికంగా, పరిపాలనాపరంగా కొత్త అవకాశాలు తెరుస్తుందా? అన్నదే ఇప్పుడు ఆసక్తికరంగా మారింది.కేబినెట్‌ నిర్ణయంపైనే ఉత్కంఠప్రస్తుతం పాలసీ ఫ్రేమ్‌వర్క్‌ సిద్ధమైనా.. మలయాళ సినిమా అధికారికంగా ఇండస్ట్రీ హోదా పొందినట్లు కాదు. వివిధ శాఖల సంప్రదింపులు పూర్తయిన తర్వాత ప్రతిపాదన కేబినెట్‌ ముందుకు వెళ్లాలి. ఆమోదం లభించిన తర్వాతే తదుపరి ప్రక్రియ ప్రారంభమవుతుంది. అంటే.. ఏళ్లుగా సాగుతున్న కసరత్తు ఇప్పుడు తుది మలుపులోకి వచ్చింది.కేబినెట్‌ ఆమోదం లభిస్తే.. మలయాళ సినిమా ఇక కేవలం కళా, సాంస్కృతిక రంగంగా కాకుండా అధికారికంగా ‘ఇండస్ట్రీ’గా కొత్త గుర్తింపు పొందే దిశగా కేరళ మరో అడుగు ముందుకేసినట్టే.ఇదీ చదవండి: సీఈసీ జ్ఞానేశ్‌ కుమార్‌ కోసం కట్టుదిట్టమైన భద్రత

సాక్షి, హైదరాబాద్‌: హైదరాబాద్‌లో ‘సేవ్‌ డెమోక్రసీ’ పేరుతో చలో లోక్‌భవన్‌ కార్యక్రమం నిర్వహిస్తున్నారు. కాంగ్రెస్‌, లెఫ్ట్‌ పార్టీ ఆధ్వర్యంలో నెక్లెస్‌రోడ్‌ నుంచి లోక్‌భవన్‌ వరకు ర్యాలీ చేపట్టారు. ఈ కార్యక్రమంలో మంత్రులు పొన్నం ప్రభాకర్‌, వాకిటి శ్రీహరి, అజారుద్దీన్‌, పొంగులేటి శ్రీనివాస్‌రెడ్డితో పాటు పీసీసీ అధ్యక్షుడు మహేశ్‌ కుమార్‌ గౌడ్ పాల్గొన్నారు.ఈ సందర్భంగా సీఈసీ జ్ఞానేశ్‌ కుమార్‌ రాజీనామా చేయాలని నేతలు డిమాండ్‌ చేస్తున్నారు. మరోవైపు.. అధికార పార్టీ నేతల ర్యాలీ నేపథ్యంలో లోక్‌భవన్‌ వద్ద పోలీసులు భారీ బందోబస్తు ఏర్పాటు చేశారు. లోక్‌భవన్‌ వద్దకు మంత్రులు చేరుకోవడంతో వారిని అక్కడే అడ్డుకున్నారు. పలువురు కాంగ్రెస్‌, వామపక్ష నేతలను పోలీసులు అదుపులోకి తీసుకున్నారు. ఈ సందర్భంగా కాంగ్రెస్‌ నేతలు, ఎన్నికల కమిషన్‌, బీజేపీ నేతలకు వ్యతిరేకంగా నినాదాలు చేశారు. ఇదీ చదవండి: ఎలాన్‌ మస్క్‌కు కేటీఆర్‌ సూటి ప్రశ్న

ఊహించని చోట ప్రత్యక్షం.. చెప్పాపెట్టకుండా నిరసన.. పోలీసుల అడ్డంకులను లెక్కచేయకుండా ముందుకు.. కాంగ్రెస్‌ అగ్రనేత రాహుల్‌ గాంధీ రాజకీయ శైలిలో ఈ తరహా ‘సర్‌ప్రైజ్‌ పాలిటిక్స్‌’ ఇప్పుడు హాట్‌టాపిక్‌గా మారాయి. పెద్ద సంఖ్యలో జనాన్ని సమీకరించడం కంటే.. చిన్న బృందంతోనే నేరుగా రంగంలోకి దిగుతూ ప్రభుత్వాన్ని ఇరుకున పెట్టే ప్రయత్నం చేస్తున్నారన్న విశ్లేషణలు వినిపిస్తున్నాయి.ఇటీవలి కాలంలో మోదీ ప్రభుత్వాన్ని టార్గెట్‌ చేస్తూ రాహుల్‌ ఆకస్మిక నిరసనలు, అనూహ్య మార్చ్‌లు, ముందస్తు సమాచారం లేకుండా కీలక ప్రాంతాలకు వెళ్లడం వంటి కార్యక్రమాలు చేపడుతున్నారు. కొన్నిసార్లు ఒంటరిగానే.. మరికొన్ని సందర్భాల్లో ప్రియాంక గాంధీ, ఇతర కాంగ్రెస్‌ నేతలతో కలిసి రోడ్డెక్కుతున్నారు. దీంతో రాహుల్‌ రాజకీయ వ్యూహంపై చర్చ మొదలైంది.మొండితనమా.. వ్యూహమా?ఎన్నికల సంఘం, ఓటర్ల జాబితా సవరణ అంశంపై తాజాగా ఇండియా కూటమి ఆందోళనలు ఉధృతమయ్యాయి. బుధవారం ఢిల్లీలో జంతర్‌మంతర్‌ వైపు వెళ్లేందుకు ప్రయత్నించిన రాహుల్‌ గాంధీ, ప్రియాంక గాంధీ సహా పలువురు ప్రతిపక్ష నేతలను పోలీసులు అడ్డుకున్నారు. దీంతో నేతలు రోడ్డుపై బైఠాయించి నినాదాలు చేయగా.. పలువురిని పోలీసులు అదుపులోకి తీసుకున్నారు. అంతకుముందు రోజు కూడా ఇండియా కూటమి ఎంపీలు పార్లమెంట్‌ నుంచి ఎన్నికల సంఘం కార్యాలయం వైపు మార్చ్‌ చేపట్టి.. ఆకాశవాణి భవన్‌ వద్ద దాదాపు ఎనిమిది గంటల పాటు నిరసన తెలిపారు. సీఈసీ జ్ఞానేశ్‌ కుమార్‌ రాజీనామా చేయాలని ప్రతిపక్షాలు డిమాండ్‌ చేస్తున్నాయి. గురువారం మరింత పెద్ద ఎత్తున నిరసన చేపట్టాలని కూటమి నిర్ణయించింది.రాహుల్‌కు కొత్తేమీ కాదు..అయితే ఈ తరహా రాజకీయ శైలి రాహుల్‌కు ఇప్పుడే కొత్తగా వచ్చింది కాదు. భట్టా-పార్సౌల్‌ రైతుల ఆందోళన సమయంలోనూ ఆయన మోటార్‌ సైకిల్‌పై అక్కడికి వెళ్లి రైతులను కలిశారు. మార్షల్‌ ఆర్ట్స్‌పై ఆసక్తి ఉన్న రాహుల్‌.. భారత్‌ జోడో యాత్ర సమయంలోనూ యాత్రికులతో కలిసి శిక్షణ తీసుకున్నారు. వీధి నిరసనల్లో గంటల తరబడి నడవడం, బైఠాయించడం, పోలీసుల అడ్డంకులను ఎదుర్కోవడంలో ఆయన ఫిట్‌నెస్‌ కూడా కనిపిస్తోంది.మరోవైపు.. రాష్ట్రపతి ద్రౌపది ముర్మును కలిసేందుకు కూడా ఇండియా కూటమి ప్రయత్నిస్తోంది. 15 మంది నేతలతో కూడిన ప్రతినిధి బృందానికి సమయం కోరగా.. 10 మందికి అనుమతి లభించినట్లు సమాచారం. ఈ పరిణామాల మధ్య రాహుల్‌ గాంధీ ‘సడెన్‌ యాక్షన్‌’ ప్రభుత్వంపై ఒత్తిడి పెంచే వ్యూహమా? అన్నది ఆసక్తికరంగా మారింది.ఇదీ చదవండి: ఎలాన్‌ మస్క్‌కు కేటీఆర్‌ సూటి ప్రశ్న

అఫ్జల్‌గంజ్‌: కార్మిక పక్షపాతి సీఎం రేవంత్‌రెడ్డి సారథ్యంలోని కాంగ్రెస్‌ ప్రభుత్వంతోనే ఆర్టీసీ ప్రభుత్వం విలీనం తథ్యమని టీపీసీసీ అధ్యక్షులు, ఎమ్మెల్సీ బొమ్మ మహేశ్‌కుమార్‌ గౌడ్‌ తెలిపారు. ఉద్యోగ భద్రత కల్పిస్తూ పెండింగ్‌లో ఉన్న అన్ని ఆర్టీసీ కార్మికుల సమస్య లను పరిష్కరిస్తామని హామీ ఇచ్చారు. కాంగ్రెస్‌ పార్టీ, ఐఎన్‌ టీయూసీ బలపరచిన టీడబ్ల్యూయూ అధ్యక్షులు మొగుళ్ల రాజిరెడ్డి బాణం గుర్తును గెలిపించాలని ఆర్టీసీ కార్మికులకు విజ్ఞప్తి చేశారు. ఆర్టీసీ ఎన్నికల ప్రచారంలో భాగంగా బుధవారం హైదరాబాద్, గౌలిగూడ, సీబీఎస్‌లో వేలాది మంది కార్మికులతో తెలంగాణ ఆర్టీసీ వర్కర్స్‌ యూనియన్‌ (టీడబ్ల్యూయూ) భారీ బహిరంగ సభ నిర్వహించింది. టీడబ్ల్యూయూ అధ్యక్షుడు మొగిళ్ల రాజిరెడ్డి అధ్యక్షతన జరిగిన ఈ సభకు ముఖ్య అతిథులుగా టీపీసీసీ అధ్యక్షుడు, ఎమ్మెల్సీ బొమ్మ మహేశ్‌కుమార్‌ గౌడ్‌ హాజరయ్యారు. ఈ సందర్భంగా ఆయన మాట్లాడుతూ ఆర్టీసీ కార్మికుల సమస్యల పరిష్కారానికి కాంగ్రెస్‌ ప్రభుత్వం కట్టుబడి ఉందని, 97 డిపోల్లో జరుగుతున్న ఆర్టీసీ కార్మిక సంఘాల ఎన్నికల్లో తెలంగాణ వర్కర్స్‌ యూనియన్‌కు కాంగ్రెస్‌ పార్టీ సంపూర్ణ మద్దతు ఇస్తోందని, సీఎం రేవంత్‌రెడ్డి ఆశీస్సులు కూడా ఉన్నాయని తెలిపారు. కాంగ్రెస్‌ ప్రభుత్వం అధికారంలోకి వచ్చిన తర్వాత ఆర్టీసీ కార్మికులకు రెండు డీఏలు మంజూరు చేయడంతో పాటు ప్రతి నెలా ఒకటో తేదీనే జీతాలు చెల్లిస్తున్నామని పేర్కొన్నారు. కార్మికుల డిమాండ్లలో అనేకం అసెంబ్లీలో ఆమోదం పొందామని తెలిపారు. ఈ కార్యక్రమంలో ఏఐసీసీ కార్యదర్శి సచిన్‌ సావంత్, జీహెచ్‌ఎంసీ మాజీ మేయర్‌ బొంతు రాంమోహన్, ఐఎన్‌టీయూసీ జాతీయ అధ్యక్షుడు సంజీవరెడ్డి, ఎమ్మెల్సీ ప్రొ.కోదండరామ్, మాజీ ఎమ్మెల్సీ రాములు నాయక్, టీడబ్ల్యూయూ ప్రధాన కార్యదర్శి అశ్వత్థామరెడ్డి, చల్ల నర్సింహారెడ్డి, ఐఎన్‌టీయుసీ జాతీయ ఉపాధ్యక్షుడు జి.సత్యజిత్‌ రెడ్డి,, ఎస్‌డబ్ల్యూఎఫ్‌ ప్రధాన కార్యదర్శి వి.ఎస్‌.రావు, ఐఎన్‌టీయూసీ రాష్ట్ర ప్రధాన కార్యదర్శులు ఆర్‌.డి చంద్రశేఖర్, ఉపాధ్యక్షులు నాగన్న గౌడ్, ప్రముఖ గాయకుడు నల్లగొండ గద్దర్‌ తదితరులు పాల్గొన్నారు.

ఎన్నికల సంఘం(ఈసీ) స్పెషల్‌ ఇంటెన్సివ్‌ రివిజన్‌ (సర్‌) మాటున చేసిన నిర్వాకంపైనా, ఈ విషయంలో మరో ఇద్దరు కమిషనర్లు లేవనెత్తిన అభ్యంతరాలను బేఖాతరు చేసినట్టు బయటపడిన వైనంపైనా నిరసనలు హోరెత్తుతున్నాయి. ఒకపక్క కాక్రోచ్‌ జనతా పార్టీ (సీజేపీ), ఇతర సంఘాలు ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా కోరుతూ రోజూ ఆందోళన నిర్వహిస్తుండగా మంగళవారం ప్రతిపక్ష ఇండియా కూటమికి చెందిన సుమారు 300మంది ఎంపీలు 9 గంటలపాటు సెంట్రల్‌ ఢిల్లీలోని పార్లమెంటు నుంచి ఈసీ ప్రధాన కార్యాలయం నిర్వాచన్‌ సదన్‌ వరకూ...ఆ తర్వాత ఆకాశవాణి భవన్‌ ప్రాంగణంలోనూ ర్యాలీ, ధర్నా నిర్వహించాయి. విపక్షాలన్నీ ఏకంకావటం ఇటీవల కాలంలో ఇది రెండోసారి. వ్యవస్థలు వ్యవహరించే తీరుపై కావొచ్చు, వాటి విధాన నిర్ణయాలపై కావొచ్చు... నిరసన తెలిపే హక్కు ప్రజాస్వామ్యంలో ప్రతి ఒక్కరికీ ఉంటుంది. ఆ కర్తవ్యాన్ని విపక్షాలు నిర్వర్తించటం హర్షించదగిందే. కానీ నిరుడు నిరసనల్లో పాల్గొన్న తమిళనాడుకు చెందిన డీఎంకే ఎందుకు దూరమైంది? మధ్యలో కొన్నాళ్లు ఇండియా కూటమితో చెలిమి చేసినట్టే కనిపించిన ఆమ్‌ ఆద్మీ పార్టీ(ఆప్‌) సైతం ఈసారి ఎందుకు మాయమైంది? ఆ రెండు పార్టీల వైఖరులూ మారడానికి కారణం ఇండియా కూటమికి నాయకత్వం వహిస్తున్న కాంగ్రెస్‌ వ్యవహార శైలే కారణమన్నది రహస్యమేమీ కాదు. ఎక్కడిదాకానో అవసరం లేదు. మంగళవారంనాటి నిరసనలో తొలుత ఉత్సాహంగా పాల్గొన్న తృణమూల్‌ కాంగ్రెస్‌ (టీఎంసీ), కొన్ని ఇతర పార్టీలు సైతం మధ్యలో హఠాత్తుగా అలిగి, దానికి దూరం కావటం కాంగ్రెస్‌ ఒంటెత్తు పోకడల పర్యవసానమే. పన్నెండేళ్లుగా కేంద్రంలో అధికారంలో కొనసాగుతూ, సంస్థాగతంగా పటిష్టంగా ఉన్న బీజేపీని ఢీకొనటం తనవల్లే సాధ్యమని కాంగ్రెస్‌ నమ్ముతోంది. మంచిదే. కానీ తాను బాధ్యతాయుతంగా మెలగాలని అది భావించటంలేదు. తమిళనాడు ఎన్నికల్లో ఇండియా కూటమి భాగస్వామ్యపక్షం డీఎంకేతో కలిసి పోటీచేసి, అది ఓడిపోగానే ప్లేటు ఫిరాయించి ప్రస్తుత ముఖ్యమంత్రి విజయ్‌ నాయకత్వంలోని టీవీకేతో చేతులు కలపటం సూత్రబద్ధ రాజకీయమేనా? తమకు మద్దతు పలికే వర్గాల ఓట్లు ఈసీ అక్రమంగా తొలగించటంవల్లే ఓడిపోయామని ఒకపక్క డీఎంకే చెబుతుండగా, మద్దతుగా నిలవాల్సిన మిత్రధర్మాన్ని కాంగ్రెస్‌ ఎలా విస్మరించింది? ఆప్‌ విషయంలోనూ అంతే. కేంద్రంలో తన పాలనలోని అవినీతి, అక్రమాలకు వ్యతిరేకంగా జరిగిన ఉద్యమం నుంచి ఆప్‌ ఆవిర్భవించింది. కాంగ్రెస్‌కు లోలోన ఆ దుగ్ధ ఉంటే ఉండొచ్చు. పైగా ఢిల్లీలోనూ, పంజాబ్‌లోనూ తన వర్గాల ఓట్లే అది కొల్లగొడుతున్నదన్న ఆగ్రహం సరేసరి. అందుకే దాన్ని బీజేపీ–బీ టీంగా చిత్రిస్తోంది. మరి ఆంధ్రప్రదేశ్‌లో తాను చేస్తున్నదేమిటి? అక్కడ ఎన్డీయే కూటమిలోని టీడీపీతో లాలూచీ పడటాన్ని ఎలా చూడాలి? 2024 ఎన్నికలనాటి అవకతవకలపై పార్లమెంటులో రాహుల్‌ మాటమాత్రంగానైనా ప్రస్తావించారా? ఈ మౌనం సీఎం చంద్రబాబు కోసం కాదా?ఒకపక్క ఇండియా కూటమికి నాయకత్వం వహించే అర్హత తనకే ఉన్నదంటూ ఇలాంటి తెరచాటు వ్యవహారాలు నడపటం అనైతికమని, తన ఏలుబడిలోని రాష్ట్రాల్లో ఫిరాయింపుల్ని ప్రోత్సహిస్తున్న తీరు కూడా ఈ కోవలోకే వస్తుందని అది గుర్తించటం లేదు. మంగళవారంనాటి ఉదంతంలో నిర్వాచన్‌ సదన్‌ దగ్గర ధర్నాకు ముందుగా నిర్ణయించుకున్నాక, చెప్పాపెట్టకుండా ఆకాశవాణి ప్రాంగణంలోకి దూసుకెళ్లటం, ఇతర పక్షాలకు చెప్పకపోవటం ఉద్దేశపూర్వకంగా చేసిందేనని టీఎంసీ, ఇతర పక్షాలూ భావించటంలో తప్పేం లేదు. తాను మాత్రమే బీజేపీపై పోరాడుతున్నానన్న అభిప్రాయం కలిగించటానికే ఇలా చేసిందని ఆ పార్టీలు అలిగాయి. ఈ దశలో చీలిక జాడలు కనబడకూడదని మళ్లీ సర్దుకున్నాయి. పుట్టింది కొన్ని నెలలే అయినా...సంస్థాగతంగా పటిష్టంగా లేకున్నా సీజేపీ పిలుపిస్తే వేలకొలదీ జనం రావటమైనా, ఆప్‌లో కొన్నాళ్లు పనిచేయటం మినహా పెద్దగా రాజకీయ నేపథ్యంలేని అభిజిత్‌ దీప్కేకు జనం నీరాజనాలు పలకడమైనా ఎందుకో రాహుల్‌ గ్రహించాలి. సూత్రబద్ధమైన రాజకీయానికి కట్టుబడకపోతే తన మాటెలావున్నా, విపక్షాల ఉద్యమస్ఫూర్తి దెబ్బతింటుందని గుర్తించాలి.

సాక్షి,న్యూఢిల్లీ: దేశ రాజధానిలో తీవ్ర ఉద్రిక్తత నడుమ.. ప్రధాన ప్రతిపక్షాల ‘ఇండియా’ కూటమి చేపట్టిన నిరసన కార్యక్రమం హైడ్రామాకు దారితీసింది. ప్రధాన ఎన్నికల కమిషనర్ జ్ఞానేశ్ కుమార్ రాజీనామా డిమాండ్‌, ఓటర్ల జాబితా సవరణల్లో అవకతవకలు జరిగాయంటూ జంతర్ మంతర్ వైపు వెళ్తున్న విపక్ష ఎంపీలను ఢిల్లీ పోలీసులు అడ్డుకున్నారు. ఈ సందర్భంగా తనను మహిళా పోలీసులు కింద పడేశారని, ఒళ్లంతా రక్కారని కాంగ్రెస్‌ ఎంపీ ప్రియాంక గాంధీ ఆవేదన వ్యక్తం చేశారు.లోక్‌సభ ప్రతిపక్ష నేత రాహుల్ గాంధీ,కాంగ్రెస్ ఎంపీ ప్రియాంకా గాంధీ వాద్రాలతో పాటు పలువురు ప్రముఖ విపక్ష నేతలను పోలీసులు అదుపులోకి తీసుకోవడం కలకలం రేపింది. జంతర్ మంతర్ వైపు నిరసన ప్రదర్శనగా వెళ్తున్న ఇండియా కూటమి ఎంపీల బస్సులను అశోక రోడ్డు వద్ద భారీ భద్రతా బలగాలు అడ్డుకున్నాయి. దీంతో ఆగ్రహించిన విపక్ష నేతలు విండ్సన్ సర్కిల్ వద్ద రోడ్డుపైనే బైఠాయించి ప్రభుత్వానికి, ఎన్నికల సంఘానికి వ్యతిరేకంగా నినాదాలు చేశారు.పరిస్థితి ఉద్రిక్తంగా మారడంతో పోలీసులు రంగప్రవేశం చేసి ఆందోళనకారులను చెదరగొట్టే ప్రయత్నం చేశారు. రాహుల్ గాంధీని పోలీసులు బలవంతంగా అదుపులోకి తీసుకుని అక్కడి నుంచి తరలించారు.మరోవైపు, ప్రియాంకా గాంధీ వాద్రా సహా పలువురు మహిళా ఎంపీలు జంతర్‌మంతర్‌కు వెళ్లే మార్గంలో రోడ్డుపై బైఠాయించి నిరసన తెలిపారు. పోలీసులు వారిని అక్కడి నుంచి బలవంతంగా ఈడ్చుకెళ్లి వ్యాన్లలో ఎక్కించారు. పోలీసుల అదుపులోకి తీసుకునే క్రమంలో తనపై దురుసుగా ప్రవర్తించారని ప్రియాంకా గాంధీ తీవ్ర ఆరోపణలు చేశారు. నిరసన సమయంలో మహిళా పోలీసు సిబ్బంది తనను కిందపడేశారని, ఒళ్లంతా గోళ్లతో గీరారని ఆమె ఆవేదన వ్యక్తం చేశారు. ‘ఎంపీలతో ప్రవర్తించే తీరు ఇదేనా? ఎంపీలను కొడతారా? ఈడ్చి పడేస్తారా? ఎంపీలు ఏం అడుగుతున్నారు? ఈసీని కలుద్దామని ఎంపీలు అడగడం నేరమా? అని ఆగ్రహం వ్యక్తం చేశారు. ప్రజాస్వామ్య యుతంగా నిరసన తెలుపుతున్న తమపై పోలీసులు వ్యవహరించిన తీరు అప్ర జాస్వామికమని విపక్ష నేతలు మండిపడ్డారు.

సాక్షి, ఢిల్లీ: బారకంబా పీఎస్‌ వద్ద లోక్‌సభ ప్రతిపక్ష నేత రాహుల్‌ గాంధీని తెలంగాణ సీఎం రేవంత్ రెడ్డి, కేరళ సీఎం వీడీ సతీశన్‌ కలిశారు. గతంలో ఎన్నికల్లో గెలవడానికి ఈడీ,సీబీఐని వాడేవారని ఇప్పుడు ఏకంగా ఈసీని దుర్వినియోగం చేస్తున్నారని రేవంత్ రెడ్డి ఆరోపించారు. ఇది కాంగ్రెస్‌ సమస్య కాదని దేశ ప్రజల సమస్యన్నారు. అంతకు మందు రాహుల్‌ గాంధీని అరెస్ట్ చేసిన పోలీసులు బారకంబా పోలీస్‌ స్టేషన్‌కు తరలించారు. దీంతో కాంగ్రెస్‌ శ్రేణులు పెద్దఎత్తున పీఎస్‌కు చేరుకున్నాయి.సీఈసీకి వ్యతిరేకంగా జంతర్‌ మంతర్‌ వద్ద విపక్ష ఎంపీలు చేపట్టిన నిరసన తీవ్ర ఉద్రిక్తంగా మారింది. నిరసనలో పాల్గొన్న లోక్‌సభ ప్రతిపక్ష నేత రాహుల్ గాంధీతో పాటు ప్రియాంకగాంధీని పోలీసులు అరెస్టు చేశారు. దీంతో తీవ్ర ఉద్రిక్తత నెలకొంది. ఎంపీలు చేస్తున్న నిరసనకు అనుమతి లేదంటూ పోలీసులు వారించడంతో ఇండి కూటమి ఎంపీలు వారితో వాగ్వాదానికి దిగారు.కాగా అంతకుముందు ఈసీ కార్యాలయాలనికి వెళ్లడానికి విపక్ష ఎంపీలు సిద్ధమయ్యారు. సాగర్‌రత్న హోటల్ వద్ద మూడు బస్సులు ఏర్పాటు చేశారు. దీంతో ఆ ప్రాంతంలో ఉద్రిక్త వాతావరణం నెలకొంది. విపక్ష ఎంపీలు ఏఐసీసీ అధ్యక్షుడు ఖర్గేతో ఏర్పాటు చేసిన లంచ్‌ మీటింగ్ ముగిసింది. దీంతో ఎంపీలంతా ర్యాలీగా బయిలుదేరడానికి సిద్దమయ్యారు. ఈసీ కార్యాలయం వరకూ విపక్ష ఎంపీల మార్చ్‌ నిర్వహించనున్నట్లు తెలిపారు. దీంతో జన్‌పథ్‌ పరిసర ప్రాంతాల్లో పోలీసులు భద్రతను కట్టుదిట్టం చేశారు. ఈ సందర్భంగా ఖర్గే మాట్లాడుతూ మోదీ ప్రభుత్వం రాజ్యాంగాన్ని అవమానిస్తోందని ప్రజాస్వామ్యాన్ని కూలదోస్తున్నారని అన్నారు. సీఈసీకి వ్యతిరేకంగా పోరాటం కొనసాగిస్తామని ప్రజల ఓటు హక్కును మోదీ ప్రభుత్వం కాలరాస్తోందని ఆగ్రహం వ్యక్తం చేశారు. సీఈసీ తీరును ప్రజల్లోకి తీసుకెళతామని ఎన్ని కేసులు పెట్టినా భయపడే ప్రసక్తే లేదని తేల్చిచెప్పారు. ఎట్టి పరిస్థితుల్లో సీఈసీ జ్ఞానేష్ కుమార్‌ రాజీనామా చేయాల్సిందేనని లోక్‌సభ ప్రతిపక్ష నేత రాహుల్‌ గాంధీ తేల్చిచెప్పారు. నిన్న సీఈసీని కలవడానికి వెళ్తే అడ్డుకున్నారని కాసేపట్లో జంతర్‌ మంతర్‌ వద్ద ఆందోళనకు దిగుతామన్నారు. తనపై నమోదు చేసిన ఎఫ్‌ఐఆర్‌ తనకు మెడల్‌తో సమానమని రాహుల్‌ అన్నారు. కాంగ్రెస్ నేతలు మాట్లాడుతూ రాజ్యాంగం ప్రజాస్వామ్య పరిరక్షణ కోసం ఉద్యమం చేస్తున్నామని ప్రధాని రాజీనామా చేసేంత వరకూ ఉద్యంమం కొనసాగుతుందన్నారు. నిన్నటి మాదిరిగా ఈ రోజు సైతం ఆందోళనలు కొనసాగుతాయన్నారు.

సాక్షి,న్యూఢిల్లీ : ఎస్‌ఐఆర్‌ రద్దు, కేంద్ర ప్రధాన ఎన్నికల అధికారి జ్ఞానేశ్‌ కుమార్‌ రాజీనామా డిమాండ్ల నేపథ్యంలో దేశవ్యాప్తంగా రాజకీయ దుమారం చెలరేగుతోంది. ముఖ్యంగా 13.39 కోట్ల ఓట్ల తొలగింపుపై విపక్షాలు చేస్తున్న ఆరోపణలను ఎన్నికల సంఘం ఖండించింది. మరోవైపు, కొత్త ఓటర్ల నమోదుకు ఉపయోగించే ‘ఫారం-6’లో నిబంధనల మార్పుపై సుప్రీంకోర్టు తీవ్ర ఆగ్రహం వ్యక్తం చేసింది. దీంతో ఈ వివాదంపై మరింత ప్రాధాన్యత సంతరించుకుంది.ప్రత్యేక సమగ్ర సవరణ ప్రక్రియలో భాగంగా ఆన్‌లైన్ పోర్టల్‌లో ఫారం-6తో పాటు అదనపు డిక్లరేషన్‌ను (పూర్వీకుల వివరాలు తదితర షరతులు) తప్పనిసరి చేయడంపై సుప్రీంకోర్టు ప్రధాన న్యాయమూర్తి ధర్మాసనం తీవ్ర అసంతృప్తి వ్యక్తం చేసింది. చట్టబద్ధమైన ఈ ఫారమ్‌లో మార్పులు చేయడానికి ఎవరు అనుమతి ఇచ్చారు? దీని వెనుక ఎవరున్నారు? అంటూ నిలదీసింది.అయితే, ఎస్‌ఐఆర్ నిబంధనల ప్రకారమే ఆ అదనపు వివరాలు కోరామని ఈసీ వాదించినప్పటికీ.. వివాదం ముదరడంతో కొన్ని ప్రాంతాల్లో ఆన్‌లైన్ పోర్టల్ నుంచి ఆ అదనపు డిక్లరేషన్ ఆప్షన్‌ను ఈసీ వెనక్కి తీసుకుంది. ఏఎస్‌డీడీ కేటగిరీలో ఉన్నవారందరూ తొలగించినట్లేనా? ఈసీ వర్గాల సమాచారం ప్రకారం.. ముసాయిదా జాబితాలో గుర్తించిన సుమారు 13.39 కోట్ల ఎంట్రీలను వివిధ కారణాల రీత్యా 'ఏఎస్‌డీడీ' కింద వర్గీకరించారు. ఇందులో ఒక్కో వర్గానికి సంబంధించిన లెక్కలు ఇలా ఉన్నాయి.శాశ్వతంగా వలస వెళ్లిన ఓటర్లు : 6.30 కోట్లు గైర్హాజరైనవారు,ఆచూకీ లభించని ఓటర్లు : 3.01 కోట్లుమరణించిన ఓటర్లు: 2.80 కోట్లుడూప్లికేట్ (నకిలీ) ఓటర్లు: 1.02 కోట్లుఇతర కేటగిరీలకు చెందిన ఓటర్లు : 0.26 కోట్లు. అయితే, ఈ ఓటర్లను ఓట్ల జాబితా నుంచి తొలగించినట్లు భావించరాదని, క్లెయిమ్‌లు, అభ్యంతరాల పరిశీలన తదనంతరం నిబంధనల ప్రకారమే తుది చర్యలు ఉంటాయని ఈసీ స్పష్టం చేసింది. ఈసీఓటర్ల జాబితా రూపకల్పనలో ఎటువంటి ఏకపక్ష ధోరణి లేదని, పూర్తి పారదర్శకత పాటిస్తున్నట్లు ఎన్నికల సంఘం వెల్లడించింది. దేశవ్యాప్తంగా మూడు దశల్లో మొత్తం 95.40 కోట్ల మంది ఓటర్ల వివరాలను క్షుణ్ణంగా పరిశీలించారు. క్షేత్రస్థాయిలో పక్కాగా జాబితాలు సిద్ధం చేసేందుకు 10 లక్షలకు పైగా బూత్ స్థాయి అధికారులు (బీఎల్‌ఓలు) శ్రమించారు. అలాగే, పూర్తి పారదర్శకత కోసం 22 లక్షలకు పైగా రాజకీయ పార్టీల బూత్ స్థాయి ప్రతినిధులకు (బీఎల్‌ఏలు) జాబితాలను అందజేశారు.ముసాయిదా జాబితాపై అభ్యంతరాలు, క్లెయిమ్‌లు,పేర్ల నమోదు కోసం ప్రత్యేకంగా ఒక నెల రోజుల గడువు ఇవ్వడం జరిగిందని ఈసీ గుర్తుచేసింది. ఈ ప్రత్యేక పరిశీలన, సవరణ ప్రక్రియలో ఎవరి పేరైనా పొరపాటున జాబితా నుంచి తొలగించినా, కొత్తగా పేరు నమోదు చేసుకోవాలనుకున్నా ఆందోళన చెందాల్సిన అవసరం లేదని ఈసీ స్పష్టం చేసింది. అర్హులైన ప్రతి ఒక్కరూ ఫారం-6 ద్వారా దరఖాస్తు చేసుకుని తమ ఓటు హక్కును పునరుద్ధరించుకోవచ్చు. లేదంటే కొత్తగా నమోదు చేసుకోవచ్చని ఎన్నికల సంఘం స్పష్టం చేసింది. ఇదీ చదవండి : SIR పేరుతో అసలేం జరుగుతోంది?

ఎస్‌ఐఆర్ (SIR), కేంద్ర ఎన్నికల ప్రధాన కమిషనర్ జ్ఞానేశ్ కుమార్‌కు వ్యతిరేకంగా కాంగ్రెస్‌ నిరసనలు చేపట్టింది. ఢిల్లీ సహా పలు చోట్ల నిరసనల్లో స్పీడ్‌ పెంచింది. కాగా, మంగళవారం ఢిల్లీలో కాంగ్రెస్‌ చేపట్టిన ఈ నిరసనలో ఆసక్తికర సన్నివేశం చోటుచేసుకుంది. ఎండలో గంటల తరబడి ఆందోళనలో కూర్చున్న కాంగ్రెస్ అగ్రనేత రాహుల్ గాంధీ కొద్దిగా అలసిపోవడంతో ‘స్టింగ్’ ఎనర్జీ డ్రింక్‌ను తాగారు. అనంతరం అదే బాటిల్‌ను తన సోదరి, వయనాడ్ కాంగ్రెస్ ఎంపీ ప్రియాంక గాంధీ వాద్రాకు ఇచ్చారు.ఈ క్రమంలో సింగ్‌ బాటిల్‌ను ప్రియాంక తీసుకునే ముందు వద్దు.. వద్దు అంటూ తిరస్కరించారు. అనంతరం ప్రియాంక ఆ డ్రింక్‌ను తీసుకుని వాసన చూసి.. ఒక సిప్‌ తీసుకుని మళ్లీ రాహుల్‌కు ఇచ్చేశారు. ఈ సరదా సన్నివేశానికి సంబంధించిన వీడియో సోషల్ మీడియాలో వైరల్‌గా మారింది. రాహుల్ గాంధీ రూ.20 ‘స్టింగ్’ తాగడాన్ని కొందరు ఆయన సామాన్య ప్రజలతో మమేకం కావాలనే ప్రయత్నానికి ప్రతీకగా అభివర్ణించారు. మరికొందరు ఇద్దరి మధ్య ఉన్న సోదరసోదరీ అనుబంధాన్ని ప్రస్తావించారు. కొందరు మాత్రం రాజకీయ వ్యంగ్యానికి ఉపయోగించుకున్నారు.ఇదిలా ఉండగా.. ఇక్కడే ఈ ఘటనకు మరో ఆసక్తికరమైన అంశం ఉంది. రాహుల్‌, ప్రియాంకలు ‘స్టింగ్‌’ తాగుతున్న సమయంలోనే.. పెప్సీకో ఢిల్లీ హైకోర్టులో ‘ఎనర్జీ డ్రింక్‌’ అనే పదాన్ని తమ ఉత్పత్తులపై ఉపయోగించడంపై జరుగుతున్న కేసులో పోరాడుతోంది. పెప్సీకో ఉత్పత్తులపై ‘ఎనర్జీ డ్రింక్‌’ అనే పదాన్ని ఉపయోగించడాన్ని ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (FSSAI) వ్యతిరేకించింది. ఆ పదాన్ని ఉత్పత్తుల లేబుళ్ల నుంచి తొలగించాలని కంపెనీని ఆదేశించింది. అలాగే ఆ లేబుల్‌తో ఉన్న ఉత్పత్తులను స్వాధీనం చేసుకోవాలని దేశవ్యాప్తంగా ఆహార భద్రతా అధికారులకు సూచించింది.कोई राहुल गांधी को शहजादा बोलता है कोई जमीनी नेता ,पर सच तो यह है यह बंदा आम आदमी की तरह जीवन जीने से कतई परहेज नहीं करता ! LOP होने के बावजूद भी सिंपलीसिटी लाइफस्टाइल में सामान्य रहना कोई राहुल गांधी से सीखे बरहाल Sting energy को फ्री में प्रमोशन मिल गया @RahulGandhi @INCIndia https://t.co/cYIAZiS1iS— Rahul Kumar (@NewsRahulkumar) October 7, 2026దీంతో పెప్సీకో ఢిల్లీ హైకోర్టును ఆశ్రయించింది. ఈ కేసులో మంగళవారం కోర్టు కంపెనీకి మధ్యంతర ఊరట ఇచ్చింది. ఇప్పటికే తయారై మార్కెట్‌లో ఉన్న ‘ఎనర్జీ డ్రింక్‌’ లేబుల్‌ ఉన్న స్టాక్‌ను విక్రయించుకోవచ్చని కోర్టు తెలిపింది. అయితే కేసు తుది నిర్ణయం వచ్చే వరకు అదే వివాదాస్పద లేబుల్‌తో కొత్త ఉత్పత్తులను తయారు చేయకూడదని స్పష్టం చేసింది. మరోవైపు ‘ఎనర్జీ డ్రింక్‌’ అనే పదాన్ని ఎందుకు వ్యతిరేకిస్తున్నారనే దానిపై ప్రభుత్వ వర్గాలు వివరణ ఇచ్చాయి. కెఫీన్‌ ఉన్న పానీయాలను ‘ఎనర్జీ డ్రింక్‌’గా పిలవడం వల్ల అవి శరీరానికి పోషక శక్తిని లేదా అదనపు శక్తిని అందిస్తాయనే అభిప్రాయం వినియోగదారుల్లో కలగవచ్చని పేర్కొన్నాయి.కెఫీన్‌ ప్రధానంగా శరీరాన్ని ఉత్తేజపరిచే పదార్థంగా పనిచేస్తుంది. ఇది కొంతసేపు అప్రమత్తతను పెంచి, అలసట అనిపించడాన్ని తగ్గించవచ్చు. అయితే కెఫీన్‌ స్వయంగా శరీరానికి పోషక శక్తి లేదా క్యాలరీలను అందించదని ప్రభుత్వ వర్గాలు తెలిపాయి. అధిక కెఫీన్‌, అదనపు చక్కెర ఉన్న పానీయాలను యువత, క్రీడాకారులు, ఆరోగ్యంపై శ్రద్ధ చూపేవారిని లక్ష్యంగా చేసుకుని ప్రచారం చేయడం వల్ల వినియోగదారుల ఆరోగ్యంపై ఆందోళనలు తలెత్తుతున్నాయని అధికారులు పేర్కొన్నారు. అలా ఢిల్లీలో ఒకవైపు నిరసనలో రాహుల్‌ గాంధీ చేతిలో కనిపించిన ‘స్టింగ్‌’ ఆసక్తిని రేపగా.. మరోవైపు అదే సమయంలో ‘ఎనర్జీ డ్రింక్‌’ అనే పదంపై పెప్సీకో కోర్టులో న్యాయపోరాటం చేస్తోంది.ఇదీ చదవండి: జ్ఞానేశ్‌ కుమార్‌ టూర్‌కు మళ్లీ బ్రేక్‌!

బెంగళూరు: సీఎం డీకే శివకుమార్‌ రోజులో 18 గంటల పాటు పని చేస్తూ ఫోన్‌లో కూడా మాట్లాడలేక పోతున్నట్లు మాజీ మంత్రి లక్ష్మి హెబ్బాళ్కర్‌ అన్నారు. ఆమె బెళగావిలో విలేకరులతో మాట్లాడుతూ గృహలక్ష్మి పథకం డబ్బులు ఖాతాల్లో వేయడం ఆలస్యం అవుతోందని ప్రస్తావించగా, తాను దీనిపై సీఎంతో మాట్లాడడానికి యత్నించగా సీఎం దొరకటం లేదన్నారు. ఆర్థిక శాఖ కార్యదర్శికి కాల్‌ చేసి త్వరగా నిధులు విడుదల చేయాలని కోరినట్లు ఆమె చెప్పారు. స్వామీజీలను కించపరచలేదు: సీఎం శివాజీనగర: రాష్ట్రంలో మఠాలు, స్వామీజీలు, పంచపీఠాల స్వామీజీల పట్ల అపారమైన గౌరవాన్ని కలిగి ఉన్నాను, స్వామీజీలను అగౌరవంగా మాట్లాడలేదు అని ముఖ్యమంత్రి డీ.కే.శివకుమార్‌ చెప్పారు. మంగళవారం విధానసౌధలో మాట్లాడుతూ, ఇటీవల జరిగిన వీరశైవ స్వామీజీల కార్యక్రమంలో నేను ఏ స్వామీజీని అగౌరవపరచలేదు. ప్రజలతో పాటు మమ్మల్ని రక్షించి, సేవించండి, మేము కూడా మీకు సహాయం చేస్తామని చెప్పాను అని పేర్కొన్నారు. నేను దైవభక్తున్ని, నా మతంపై నాకు విశ్వాసం ఉంది. మానవత్వం వరి్ధల్లాలి, మతం ద్వారా ప్రపంచానికి శాంతి చేకూరాలనే కోరుకుంటానని తెలిపారు. కొంతమంది దీనిని వక్రీకరించి తమకు నచ్చినట్లుగా మాట్లాడుతారన్నారు. డీకే శివకుమార్‌ అధికార దాహానికి బానిస అయ్యారని అంటున్నారని వాపోయారు.

సాక్షి, హైదరాబాద్‌: ఓ వైపు కరెంటు కోతలు, మరో వైపు విద్యుత్‌ బిల్లుల వాతలతో ఇబ్బందులు పడుతున్న ప్రజలపై రాష్ట్ర ప్రభుత్వం విద్యుత్‌ బిల్లుల పెంపుతో పిడుగు వేసిందని మాజీ మంత్రి, బీఆర్‌ఎస్‌ శాసనసభా పక్షం డిప్యూటీ ఫ్లోర్‌ లీడర్‌ హరీశ్‌రావు ఆగ్రహం వ్యక్తం చేశారు. ట్రూ అప్‌ చార్జీల పేరిట రూ.5,420 కోట్లు ప్రజల నుంచి ముక్కు పిండి వసూలు చేయాలనే దుర్మార్గ నిర్ణయం తీసుకుందని మండిపడ్డారు. తెలంగాణ భవన్‌లో మంగళవారం జరిగిన మీడియా సమావేశంలో హరీశ్‌రావు మాట్లాడారు. ప్రజలపై రూ.5 వేల కోట్ల భారాన్ని మోపాలనే ప్రభుత్వ నిర్ణయానికి వ్యతిరేకంగా ప్రజా ఉద్యమానికి శ్రీకారం చుట్టాలని బీఆర్‌ఎస్‌ అధినేత కేసీఆర్‌ తమను ఆదేశించారన్నారు.‘విద్యుత్‌ ఛార్జీల పెంపుదలపై ఉద్యమించిన వారిపై నాటి చంద్రబాబు ప్రభుత్వం కాల్పులు జరిపిన ఘటనకు 26 ఏళ్లు నిండాయి. ఈ కాల్పుల ఘటన నేపథ్యంలో తెలంగాణ కరెంటు కష్టాలకు చరమగీతం పాడేందుకు ప్రత్యేక రాష్ట్రమే పరిష్కారమని కేసీఆర్‌ తన పదవులకు రాజీనామా చేసి తెలంగాణ ఉద్యమానికి శ్రీకారం చుట్టారు. తెలంగాణ వస్తే అంధకారం అలుముకుంటుందనే విమర్శలు, అనుమానాలను పటాపంచలు చేస్తూ కేసీఆర్‌ రాష్ట్రంలో విద్యుత్‌ వెలుగులు నింపారు. కానీ ప్రస్తుతం రాష్ట్రంలో రేవంత్‌ తుగ్లక్‌ పాలనలో విద్యుత్‌ రంగం సంక్షోభంలోకి కూరుకుపోతుంది.కాంగ్రెస్‌ తన తప్పిదాలతో విద్యుత్‌ సంస్థలను అప్పుల ఊబిలోకి నెట్టి ప్రజలపై భారాన్ని వేస్తోంది’అని హరీశ్‌రావు మండిపడ్డారు. ‘పదేళ్లు అధికారంలో ఉన్న బీఆర్‌ఎస్‌ ప్రభుత్వం రూ.12,718.40 కోట్లు ట్రూ అప్‌ చార్జీలు విధించాలని ఈఆర్‌సీ కోరినా కేసీఆర్‌ ప్రజలపై భారం మోపేందుకు కేసీఆర్‌ అనుమతించలేదు. రూ.91 వేల కోట్లతో కేసీఆర్‌ ప్రభుత్వం జెన్‌కో, ట్రాన్స్‌కో సహా మౌలిక వసతులను బలోపేతం చేశారు. అన్ని రంగాలకు 24 గంటల పాటు నాణ్యమైన విద్యుత్‌ సరఫరా అయ్యేలా రాష్ట్రాన్ని ‘పవర్‌ ఫుల్‌’గా తీర్చిదిద్దారు. కానీ రేవంత్‌ ప్రభుత్వం గడిచిన మూడేళ్లలో విద్యుత్‌ రంగంలో కొత్త పనులేవీ చేయలేదు. కాంగ్రెస్‌ ప్రభుత్వం అధికారంలోకి వచ్చిన తర్వాత కరెంటుకు కరోనా సోకినట్లుగా విద్యుత్‌ రంగం పరిస్థితి తయారైంది.కరోనా, ఎల్‌నినో కంటే కాంగ్రెస్‌ పాలన డేంజర్‌ అన్నట్లుగా పరిస్థితి తయారైంది. అవకాశమున్నా ప్రభుత్వం నీళ్లను లిఫ్ట్‌ చేయకుండా, బొగ్గు ఉన్నా కరెంటును ఉత్పత్తి చేయకుండా పాలన వైఫల్యాన్ని కప్పి పుచ్చుకునేందుకు కుంటిసాకులు చెప్తోంది. సింగరేణి బొగ్గు సంస్థ ఉండి కూడా సింగరేణి థర్మల్‌ ప్లాంటుకు బొగ్గు సరఫరా చేయలేని పరిస్థితి నెలకొంది. రూ. 1,600 కోట్ల విలువ చేసే 40 లక్షల మెట్రిక్‌ టన్నుల బొగ్గు నిల్వలు మాయం అయ్యాయని, అదో పెద్ద కుంభకోణం అని మేం ముందు నుంచే హెచ్చరించాం’అని హరీశ్‌రావు వ్యాఖ్యానించారు.‘ట్రాన్స్‌కో, జెన్‌కో, సింగరేణి, డిస్కమ్‌ల ప్రైవేటీకరణకు కాంగ్రెస్‌ ప్రభుత్వం ప్రయత్నాలు చేస్తోంది. రాహుల్‌ గాంధీకి చిత్తశుద్ధి ఉంటే రేవంత్‌ ప్రభుత్వం చేస్తున్న ప్రైవేటీకరణను అడ్డుకోవాలి. ట్రూ అప్‌ చార్జీల నిర్ణయం వెనక్కి తీసుకోకుంటే మరో ప్రజా పోరాటానికి బీఆర్‌ఎస్‌ సిద్ధం’అని హరీశ్‌రావు హెచ్చరించారు. మీడియా సమావేశంలో మాజీ మంత్రులు కొప్పుల ఈశ్వర్, సి.లక్ష్మారెడ్డి, ఎమ్మెల్యేలు చింత ప్రభాకర్, మాణిక్‌రావు, కాలేరు వెంకటేశ్, బండారు లక్ష్మారెడ్డి, మాజీ ఎమ్మెల్యే బిగాల గణేశ్, పార్టీ నేత దేవీ ప్రసాద్‌ పాల్గొన్నారు.

న్యూఢిల్లీ: ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌) మాటున కోట్ల ఓట్లను రద్దుచేస్తూ ఏకపక్ష నిర్ణయాలు, వివాదాలకు కేంద్రబిందువుగా మారిన ప్రధాన ఎన్నికల అధికారి(సీఈసీ) జ్ఞానేశ్‌ తక్షణం పదవికి రాజీనామాచేయాలన్న ఏకైక ప్రధాన డిమాండ్‌తో విపక్షాల ‘ఇండియా’ కూటమి పార్టీలు చేపట్టిన ర్యాలీ హస్తినలో అత్యంత ఉద్రిక్తతలకు దారితీసింది. విపక్ష పార్టీల అగ్రనేతలు పార్లమెంట్‌ వీధిలో కదంతొక్కారు. మోదీ సర్కార్‌కు లబ్ధిచేకూరుస్తున్న జ్ఞానేశ్‌ ఇకనైనా గద్దె దిగాలంటూ నేతలు చేసిన నినాదాలతో దేశ రాజధాని హోరెత్తింది. భారీ సంఖ్యలో విపక్షపార్టీల కార్యకర్తలు సైతం తోడవడంతో అత్యంత సున్నితమైన పార్లమెంట్‌ పరిసరాలు ఒక్కసారిగా ఉద్రిక్తమయ ఉద్యమవేదికగా మారిపోయింది. పలువురు ముఖ్య నేతలు అరెస్ట్‌లు, తర్వాత విడుదలతో విపక్షాల ర్యాలీ ఆద్యంతం ఉద్రిక్తంగా సాగింది. నూతన ఓటర్లు సమర్పించాల్సిన ఫారమ్‌6కు అనుబంధంగా ఈసీ తీసుకొచి్చన డిక్లరేషన్‌కు తాము ఎలాంటి అనుమతి ఇవ్వలేదు అని సర్వోన్నత న్యాయస్థానం స్పష్టంచేసిన మరుసటి రోజే ‘ఇండియా’ కూటమి పార్టీలు ఢిల్లీ వేదికగా ఉద్యమాన్ని ఉధృతంచేయడం గమనార్హం. పార్లమెంట్‌ నుంచి ఆరంభమై.. మంగళవారం ఉదయం 10.30 గంటలకు పార్లమెంట్‌ ప్రధాన భవనం మకర ద్వారం వద్ద కాంగ్రెస్, సమాజ్‌వాదీ పార్టీ, తృణమూల్‌ కాంగ్రెస్, శివసేన, సీపీఐ, సీపీఎం తదితర విపక్ష ‘ఇండియా’ కూటమి పార్టీల లోక్‌సభ, రాజ్యసభ ఎంపీలు ఒక్కచోటకు చేరి కేంద్ర ఎన్నికల సంఘం ప్రధాన కార్యాలయం ‘నిర్వాచన్‌ సదన్‌’కు ర్యాలీగా బయల్దేరారు. కాంగ్రెస్‌ చీఫ్‌ మల్లికార్జున ఖర్గే, పార్టీ అగ్రనేతలు రాహుల్‌ గాంధీ, ప్రియాంక, ఎస్పీ చీఫ్‌ అఖిలేశ్‌ యాదవ్, తృణమూల్‌ కాంగ్రెస్‌ ఎంపీలు అభిషేక్‌ బెనర్జీ, డిరెక్‌ ఒబ్రియాన్, సాగరికా ఘోష్, సీపీఎం ఎంపీ జాన్‌ బ్రిటాస్‌ ఇలా దాదాపు 300 మంది ఎంపీలు ర్యాలీగా బయల్దేరారు. ఆర్‌ఎస్‌ఎస్‌ ఆహార్యంలో ఉన్న జ్ఞానేశ్‌ కటౌట్‌లను ప్రదర్శిస్తూ ‘ఓటు దొంగలు గద్దె దిగాలి’, ‘ప్రజాస్వామ్యాన్ని హత్య చేయడం ఆపండి’ అంటూ ఈసీ, కేంద్రప్రభుత్వ వ్యతిరేక నినాదాలు చేశారు. కూటమిలోలేని బిజూ జనతాదళ్‌ పార్టీ ఎంపీలు సైతం ర్యాలీలో పాల్గొనడం విశేషం. మధ్యలోనే అడ్డగింత.. వాగ్వాదం.. నేతలు, కార్యకర్తలు ర్యాలీగా వెళ్తుండగా పావు కిలోమీటర్‌ ముందుకెళ్తే ఎలక్షన్‌ కమిషన్‌ హెడ్‌ఆఫీస్‌ వస్తుందనగా నేతలు నీతి ఆయోగ్‌ కార్యాలయం వద్దకు రాగానే బారికేడ్లు అడ్డంగాపెట్టి వారిని పోలీసులు అడ్డగించారు. దీంతో ఒక్కసారిగా ఉద్రిక్తత నెలకొంది. పలువురు నేతలు పోలీసులతో వాగ్వాదానికి దిగారు. బారికేడ్లను నెట్టేసి ముందుకెళ్లేందుకు ప్రయత్నించారు. దీంతో పోలీసులు కొందరు నేతలను అదుపులోకి తీసుకున్నారు. ఇదే సమయంలో రాహుల్‌ బారికేడ్‌ను ఎక్కేశారు. త్రివర్ణ పతాకం చేతబూని ప్రభుత్వ వ్యతిరేక నినాదాలుచేశారు. తోటి ఎంపీలు సైతం ముక్తకంఠంతో నినదించడంతో ఆ ప్రాంతమంతా మార్మోగిపోయింది. తర్వాత నేతలు రోడ్డుపై బైఠాయించి ధర్నాకు దిగారు. ర్యాలీని కొనసాగనివ్వాలని డిమాండ్‌చేశారు. ‘‘జ్ఞానేశ్‌ జీ ఇప్పటికే ఎన్నికల వ్యవస్థను నాశనంచేశారు. చేసింది చాలు. ఇకనైనా రాజీనామా చేయండి’’ అని ఇదే సమయంలో రాహుల్‌ ‘ఎక్స్‌’లో ఒక పోస్ట్‌పెట్టారు. నేతలంతా బైఠాయించడంతో ఉద్రిక్తతలను తగ్గించేందుకు పోలీసులు వెంటనే ఎస్పీ చీఫ్‌ అఖిలేశ్, ఓబ్రియాన్, అభిషేక్‌ బెనర్జీ, సాగరికా ఘోష్, మహువా మొయిత్రా, కాంగ్రెస్‌ ఎంపీ జ్యోతిమణి, సీపీఎం ఎంపీ జాన్‌ బ్రిటాస్‌ సహా పలువురు ఎంపీలను నిర్బంధించి బస్సుల్లోకి ఎక్కించారు. అయితే బస్సులు కొంతదూరం కదిలినా చుట్టూతా కార్యకర్తల నుంచి తీవ్రస్థాయిలో ప్రతిఘటన ఎదురవడంతో నేతలను విడిచిపెట్టారు. ఇదే సమయంలో ప్రియాంకాగాంధీ ఎలాగోలా బస్సు నుంచి బయటపడి తిరిగి ధర్నాలో కూర్చున్నారు.50 మంది ఎంపీలు సహా 250 మంది అరెస్ట్‌చెట్టు కింద దాదాపు తొమ్మిది గంటలపాటు కొనసాగిన ధర్నాను రాత్రి వేళ పోలీసులు హఠాత్తుగా భగ్నంచేశారు. ఢిల్లీ పోలీసులు ఒక్కసారిగా పెద్దసంఖ్యలో చుట్టుముట్టి కీలక నేతలందర్నీ లాక్కెళ్లి పోలీస్‌ వ్యాన్లు, బస్సుల్లోకి ఎక్కించారు. రాహుల్, ప్రియాంక, కేసీ వేణుగోపాల్, పవన్‌ ఖేరా, కె.సురేశ్, అమరీందర్‌ సింగ్‌ రాజా వారింగ్, చరణ్‌జీత్‌సింగ్‌ ఛన్నీ, దీపేందర్‌ హూడా, ప్రణీతి షిండే, వర్షా గైక్వాడ్, ఇమ్రాన్‌ ప్రతాప్‌గఢీ, మనీశ్‌ ఛాత్రా తదితర నేతలందరిన్నీ నిర్బంధంలోకి తీసుకున్నారు. దీంతో అక్కడే ఉన్న విపక్ష పార్టీల మద్దతుదారుల నుంచి ప్రతిఘటన ఎదురైంది.50 మంది ఎంపీలుసహా మొత్తంగా 250 మందిని అరెస్ట్‌చేశారు. రాహుల్‌ను కింగ్స్‌వే క్యాంప్‌ న్యూ పోలీస్‌లైన్స్‌ స్టేషన్‌కు తరలించారు. ఇతర నేతలను వేర్వేరు వాహనాల్లో అక్కడి నుంచి వేర్వేరు పోలీస్‌స్టేషన్లకు తరలించారు. విడుదలైన ప్రియాంక తర్వాత రాహుల్‌ను నిర్బంధించిన పోలీస్‌స్టేషన్‌కు వచ్చి గేటు ఎక్కి లోపలికి వెళ్లేందుకు ప్రయత్నించారు. 2 గంటల నిర్బంధం తర్వాత రాహుల్‌సహా నేతలందర్నీ విడిచిపెట్టారు. నేతల అరెస్ట్‌పై విపక్ష పార్టీలు అభ్యంతరం వ్యక్తంచేశాయి. అయితే ధర్నా నుంచి డీఎంకే, ఆప్‌ పార్టీలు దూరంగా ఉండిపోయాయి.అపాయింట్‌ కోసం లేఖ రాశాకే, సీఈసీని కలిసేందుకే ర్యాలీగా వెళ్లామని ఎంపీలు చెబుతుండగా ముందస్తు అపాయింట్‌మెంట్‌ కోసం సాయంత్రందాకా ఎలాంటి అభ్యర్థన రాలేదని ఈసీ వర్గాలు స్పష్టంచేశాయి. పార్లమెంట్‌ అనుబంధ భవనంలో 240 మంది ఎంపీలు తమతో భేటీకి సిద్ధంగా ఉన్నట్లు పోలీసుల నుంచి సమాచారం అందిందని, ఇలాంటి భేటీకి ఈసీ నిబంధనలను ఒప్పుకోవని ఈసీ పేర్కొంది. ముందస్తు అనుమతితో ఈసీ కార్యాలయంలోనే రాజకీయపార్టీల ప్రతినిధులతో ఎలక్షన్‌ కమిషనర్లు భేటీ అయ్యేందుకే నిబంధనలు అనుమతిస్తాయని ఈసీ ఆ ప్రకటనలో పేర్కొంది. ధర్నాను బీజేపీ అధికార ప్రతినిధి సంబిత్‌ పాత్రా కొత్త ‘వీధి నాటకం’గా అభివరి్ణంచారు. రహదారి నుంచి ఆకాశవాణిలోకి..ఎంపీలందరినీ పోలీసులు నిర్బంధించే అవకాశం ఉండటంతో రాహుల్, ప్రియాంక, దీపేందర్‌ హూడా తదితర ఎంపీలు మధ్యాహ్నం 12.20 గంటల సమయంలో వెంటనే ఎదురుగా ఉన్న ఆకాశవాణి(ఆలిండియా రేడియో కార్యాలయం) ప్రాంగణంలోకి పరుగెత్తారు. మూడో నంబర్‌ గేటు వద్ద ఉన్న రిసెప్షన్‌ ఏరియా నుంచి సమీపంలో ఉన్న ఎలక్షన్‌ కమిషన్‌ భవనంలోకి వెళ్లేందుకు ప్రయతి్నంచారు. కానీ అక్కడే ఉన్న పోలీసులు వాళ్లను అడ్డుకున్నారు. అయినాసరే రాహుల్, ప్రియాంక, తదితరులు లోపలికి చొరబడ్డారు.తర్వాత కేసీ వేణుగోపాల్, పవన్‌ ఖేరా, ప్రణీతి షిండే, చరణ్‌జీత్‌ సింగ్‌ ఛన్నీ, సేవాదళ్‌ చీఫ్‌ బీవీ శ్రీనివాస్‌ తదితరులూ లోపలికొచ్చారు. నాలుగో నంబర్‌ గేటు సమీప భారీ మర్రిచెట్టు కింద నేతలంతా భైఠాయించి ధర్నా కొనసాగించారు. వెంటనే అక్కడికొచి్చన పోలీసు ఉన్నతాధికారులు నేతలకు ధర్నా విరమించాలని నచ్చజెప్పారు. ధర్నా చేసుకునేందుకు ప్రత్యామ్నాయ ప్రాంతం చూపిస్తే అక్కడికే వెళ్తామని నేతలు తెగేసిచెప్పారు. ‘‘ప్రజాస్వామ్య పరిరక్షణ కోసం ఇక్కడి నుంచే పోరాటం కొనసాగిస్తాం. ఎన్‌డీఏ సర్కార్‌ ప్రజాస్వామ్యవ్యతిరేక నిర్ణయాలు అమలుచేస్తోంది.ప్రధాని మోదీ, అమిత్‌ షా, ఆర్‌ఎస్‌ఎస్‌ చీఫ్‌ మోహన్‌భాగవత్, జ్ఞానేశ్‌ వీళ్లలో ఎవరినీ వదిలిపెట్టేది లేదు. కూటమి ఎంపీలతో ఎన్నికల సంఘం భేటీకి ఒప్పుకునేదాకా మేం వెనక్కితగ్గం’’ అని రాహుల్‌ మీడియాతో అన్నారు. మధ్యాహ్నం హఠాత్తుగా కాంగ్రెస్‌ ముఖ్యనేతలంగా లోపలికిరావడంతో ఆలిండియా రేడియో ఉద్యోగులంతా ఒక్కసారిగా ఆశ్చర్యంతో బయటకు పరుగెత్తారు. రాహుల్‌తో సెల్పిలు దిగారు. కొందరు కిటికీల నుంచి తొంగిచూస్తూ, మరికొందరు గోడలెక్కి మరీ నేతల ధర్నాను చూసేందుకు ఎగబడ్డారు. వాళ్లను పోలీసులు వారించారు. ధర్నాచేస్తున్న నేతలు నేలపై కూర్చునేందుకు చాపలు, దుప్పట్లు, ఆరుబయట దోమలు కుట్టకుండా మస్కిటో క్రీమ్‌లు, తినేందుకు చిరుతిండ్లు, తాగడానికి నీరు కార్యకర్తలు ఆగమేఘాల మీద ఏర్పాటు చేశారు.

సాక్షి, హైదరాబాద్‌: తెలంగాణ ముఖ్యమంత్రి రేవంత్‌ రెడ్డి నేడు ఢిల్లీకి వెళ్లనున్నారు. ఉదయం 10 గంటలకు హైదరాబాద్‌ నుంచి ఆయన ఢిల్లీ బయలుదేరనున్నారు. ఏఐసీసీ ముఖ్య నేతల అరెస్టుల నేపథ్యంలో కాంగ్రెస్‌ నేతలకు మద్దతు తెలిపేందుకు రేవంత్‌ ఢిల్లీ పర్యటన చేపట్టనున్నట్లు సమాచారం.అయితే, మంగళవారం ఢిల్లీలో ఎన్నికల సంఘం కార్యాలయం వద్ద చేపట్టిన నిరసన ర్యాలీ సందర్భంగా కాంగ్రెస్‌ అగ్రనేతలు రాహుల్‌ గాంధీ, ప్రియాంక గాంధీ వాద్రా సహా పలువురు నేతలను ఢిల్లీ పోలీసులు అదుపులోకి తీసుకున్నారు. అనంతరం వారిని విడుదల చేశారు. ఈ ఘటనపై సీఎం రేవంత్‌ రెడ్డి ఇప్పటికే స్పందిస్తూ కాంగ్రెస్‌ నేతల నిర్బంధాన్ని ఖండించారు.ఈ నేపథ్యంలో నేడు ఢిల్లీకి వెళ్లనున్న రేవంత్‌ రెడ్డి.. పార్టీ అగ్రనేతలను కలిసి సంఘీభావం తెలిపే అవకాశం ఉంది. అలాగే తాజా రాజకీయ పరిణామాలపై కాంగ్రెస్‌ ముఖ్య నేతలతో ఆయన చర్చించే అవకాశం ఉన్నట్లుగా తెలుస్తోంది.ఇదీ చదవండి: రాహుల్‌ గాంధీ అరెస్ట్‌

సాక్షి,న్యూఢిల్లీ: ఎస్‌ఐఆర్ రద్దు, సీఈసీ జ్ఞానేశ్‌ కుమార్ రాజీనామా డిమాండ్‌ చేస్తూ ఢిల్లీలోని ఆకాశవాణి భవన్‌‌ వద్ద కాంగ్రెస్ నేతలు చేపట్టిన నిరసన ఉద్రిక్తతకు దారితీసింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీని పోలీసులు అదుపులోకి తీసుకున్నారు. ఏఐసీసీ అగ్రనేతలు రాహుల్‌ గాంధీ, ఆయన సోదరి ప్రియాంక గాంధీ వాద్రా ఆధ్వర్యంలో కాంగ్రెస్‌ శ్రేణులు గత 9 గంటలుగా నిరసన దీక్షను కొనసాగిస్తున్నాయి.మంగళవారం సాయంత్రం ఆకాశవాణి భవన్‌ వద్ద ఉద్రిక్త వాతావరణం నెలకొన్న నేపథ్యంలో, పోలీసులు భారీ ఎత్తున మోహరించారు. నిరసన విరమించాలని పోలీసులు హెచ్చరించినప్పటికీ, వారు వెనక్కి తగ్గకపోవడంతో రాహుల్‌ గాంధీ, ప్రియాంక గాంధీతో పాటు పలువురు ప్రముఖ కాంగ్రెస్‌ నేతలను పోలీసులు బలవంతంగా అదుపులోకి తీసుకుని తరలించారు.ఈ పరిణామంతో ఆకాశవాణి భవన్‌ పరిసర ప్రాంతాల్లో తీవ్ర ఉద్రిక్తత చోటుచేసుకుంది. పోలీసుల చర్యను ఖండిస్తూ కాంగ్రెస్‌ కార్యకర్తలు పెద్ద ఎత్తున నినాదాలు చేస్తున్నారు. ఇదీ చదవండి : మీ ఓటు గల్లంతు కానుందా?.. ఎస్‌ఐఆర్ పేరుతో అసలు ఏం జరుగుతోంది?

న్యూఢిల్లీ: ఓటర్ల జాబితా ప్రత్యేక సమగ్ర సవరణ (సర్‌) ప్రక్రియపై ఎన్నికల సంఘాన్ని ప్రశ్నిస్తూ ప్రతిపక్ష ఇండి కూటమి ఎంపీలు చేపట్టిన నిరసనలో మంగళవారం తీవ్ర ఉద్రిక్తత నెలకొంది. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ పార్లమెంట్ నుంచి ఎన్నికల సంఘం కార్యాలయం వైపు ర్యాలీగా వెళ్లిన లోక్‌సభ ప్రతిపక్ష నేత రాహుల్ గాంధీ సహా పలువురు ఎంపీలను పోలీసులు అడ్డుకున్నారు.పార్లమెంట్ నుంచి ప్రారంభమైన ర్యాలీలో కాంగ్రెస్ ఎంపీ ప్రియాంక గాంధీ వాద్రా, ఎన్‌సీపీ-ఎస్పీ ఎంపీ సుప్రియా సూలే సహా పలువురు ప్రతిపక్ష నేతలు పాల్గొన్నారు. ఎంపీలు చేతుల్లో జ్ఞానేశ్ కుమార్ చిత్రాలతో కూడిన ప్లకార్డులు పట్టుకుని నినాదాలు చేశారు. ‘‘ఓటు దొంగలారా.. పదవి వదిలేయండి’’ అంటూ నినాదాలు చేశారు. నితి ఆయోగ్ కార్యాలయం సమీపంలో భారీ ఇనుప బారికేడ్లను ఏర్పాటు చేసి పోలీసులు ర్యాలీని అడ్డుకున్నారు.బారికేడ్‌పైకి ఎక్కి త్రివర్ణ పతాకాన్ని ఊపి.. ఈ సమయంలో రాహుల్ గాంధీ బారికేడ్‌పైకి ఎక్కి త్రివర్ణ పతాకాన్ని ఊపారు. అనంతరం తృణమూల్ కాంగ్రెస్ ఎంపీ అభిషేక్ బెనర్జీ కూడా పోలీసులు ఏర్పాటు చేసిన బారికేడ్లపైకి ఎక్కారు. పోలీసులు ప్రియాంక గాంధీని నిర్బంధించేందుకు బస్సులోకి తీసుకెళ్లగా, ఆమె కొద్దిసేపటికే బస్సు నుంచి దిగి రాహుల్ గాంధీతో కలిసి ఆకాశవాణి భవన్ గేటు వద్దకు చేరుకున్నారు.రాహుల్ గాంధీ, ప్రియాంక గాంధీ, కాంగ్రెస్ ఎంపీ దీపేందర్ హుడా మరికొందరితో కలిసి ఆకాశవాణి భవన్ స్వాగత ద్వారం నుంచి ప్రాంగణంలోకి ప్రవేశించారు. అనంతరం వారు అక్కడ చెట్టు కింద కూర్చున్నారు. మరోవైపు ప్రియాంక గాంధీ, కాంగ్రెస్ ప్రధాన కార్యదర్శి కేసీ వేణుగోపాల్ సహా పలువురు ప్రతిపక్ష నేతలను ఢిల్లీ పోలీసులు అదుపులోకి తీసుకున్నారు.ఎస్‌ఐఆర్ ప్రక్రియలో అక్రమాలు జరిగాయని ఆరోపిస్తూ జ్ఞానేశ్ కుమార్‌ను తొలగించాలని ప్రతిపక్షాలు డిమాండ్ చేస్తున్నాయి. ఎస్‌ఐఆర్‌లో తొలగించిన ఓటర్ల పేర్లను తిరిగి చేర్చాలని, ప్రక్రియను రద్దు చేయాలని కూడా కోరుతున్నాయి. ఫారమ్-6లో మార్పులపై సుప్రీంకోర్టు చేసిన వ్యాఖ్యలు ఈ రాజకీయ వివాదాన్ని మరింత తీవ్రం చేశాయి. ఎన్నికల సంఘం మాత్రం ఎస్‌ఐఆర్‌కు సంబంధించిన నిర్ణయాలు ఏకగ్రీవంగానే తీసుకున్నామని చెబుతోంది.రాహుల్ గాంధీ ఈ సందర్భంగా మాట్లాడుతూ.. ‘‘నరేంద్ర మోదీ, అమిత్ షా, మోహన్ భగవత్ ‘ఓటు చోరీ’ ద్వారా దేశాన్ని హైజాక్ చేశారు. జ్ఞానేశ్‌ కుమార్ వారికి సహకరించారు. ఇది దేశద్రోహం. ఎవరూ తప్పించుకోలేరు. సుమారు 300 మంది ఎంపీలు ప్రధాన ఎన్నికల కమిషనర్ జ్ఞానేశ్‌ కుమార్, మరో ఇద్దరు ఎన్నికల కమిషనర్లను కలవాలనుకున్నారు. ఇదీ చదవండి: స్మిట్‌ మచ్చార్‌ పుర్రెకు ఫ్రాక్చర్‌, మెమరీ లాస్‌, చూపు దెబ్బతిని..కానీ, పోలీసులు మమ్మల్ని ఇక్కడే ఆపేశారు. మేము ఎన్నికైన ప్రజా ప్రతినిధులం. అయినా మమ్మల్ని ఎందుకు ఆపారో తెలియడం లేదు. ఎన్నికల కమిషన్ కేవలం 50 మీటర్ల దూరంలో ఉండగా ఏమైందో అర్థం కావడం లేదు. దేశంలో ఏమి జరుగుతోంది? ఎన్నికల కమిషన్ ఎన్నికైన ప్రజా ప్రతినిధులను కలవకపోతే ప్రజాస్వామ్యం అంటే ఏమిటి?” అని అన్నారు. VIDEO | Delhi: Lok Sabha LoP and Congress MP Rahul Gandhi climbs atop the barricades during the INDIA bloc MPs' march from Parliament to the ECI, demanding CEC Gyanesh Kumar's resignation. (Full video available on PTI Videos - https://t.co/d8jp61yd2p) https://t.co/YkwlFV8WCn— Press Trust of India (@PTI_News) October 6, 2026

ఉత్తరప్రదేశ్‌లో 2027 అసెంబ్లీ ఎన్నికలకు ముందు కాంగ్రెస్‌ కీలక సంస్థాగత మార్పు చేసింది. రాష్ట్ర కాంగ్రెస్‌ అధ్యక్షుడిగా ఉన్న అజయ్‌ రాయ్‌ను తప్పించి, రాంపూర్‌ ఖాస్‌ నుంచి వరుసగా మూడుసార్లు ఎమ్మెల్యేగా గెలిచిన ఆరాధనా మిశ్రా ‘మోనా’ను కొత్త అధ్యక్షురాలిగా నియమించింది. సహారన్‌పూర్‌ ఎంపీ ఇమ్రాన్‌ మసూద్‌ను రాష్ట్ర కాంగ్రెస్‌ వర్కింగ్‌ ప్రెసిడెంట్‌గా నియమించింది.ఉత్తరప్రదేశ్‌ అసెంబ్లీ ఎన్నికల్లో కాంగ్రెస్‌ను గెలిపించే స్థాయిలో ఆరాధనా మిశ్రా ‘మోనా’ ప్రభావం చూపగలరా అన్నది ఇప్పుడు కీలక ప్రశ్నగా మారింది. వచ్చే ఏడాది జరగనున్న ఎన్నికలకు ముందు ఆమెకు రాష్ట్ర కాంగ్రెస్‌ అధ్యక్ష బాధ్యతలు అప్పగించడం పార్టీకి పెద్ద పరీక్షగా మారనుంది. 2024 లోక్‌సభ ఎన్నికల్లో సమాజ్‌వాదీ పార్టీతో కలిసి పోటీ చేసిన కాంగ్రెస్‌ రాష్ట్రంలో 6 స్థానాలు గెలుచుకుంది. ఎస్పీ 37 స్థానాలు గెలవగా, ఈ కూటమి కలిసి బీజేపీని 33 స్థానాలకు పరిమితం చేసింది. అయితే 2027 అసెంబ్లీ ఎన్నికల్లో ఈ విజయాన్ని మరింత ముందుకు తీసుకెళ్లడం మోనా ముందున్న సవాలు.రాష్ట్రంలో పార్టీని క్షేత్రస్థాయిలో బలోపేతం చేయడం, కార్యకర్తల్లో నమ్మకం పెంచడం, ఎస్పీతో సీట్ల పంపకంపై సమన్వయం సాధించడం ఆమెకు కీలకం కానుంది. బ్రాహ్మణ వర్గానికి చెందిన మోనాతో పాటు ముస్లిం నేత ఇమ్రాన్‌ మసూద్‌ను కార్యనిర్వాహక అధ్యక్షుడిగా నియమించడం ద్వారా విస్తృత సామాజిక ప్రాతినిధ్యాన్ని సాధించేందుకు కాంగ్రెస్‌ ప్రయత్నించినట్లు రాజకీయ పరిశీలకులు భావిస్తున్నారు. అయితే ఈ వ్యూహం ఎన్నికల ఫలితాల్లో ఎంతవరకు ప్రభావం చూపుతుందో 2027 ఎన్నికల్లోనే తేలనుంది.ఆరాధనా మిశ్రా ఎవరు?బ్రాహ్మణ సామాజిక వర్గానికి చెందిన ఆరాధనా మిశ్రా గతంలో ఉత్తరప్రదేశ్‌ అసెంబ్లీలో కాంగ్రెస్‌ శాసనసభా పక్ష నేతగా పనిచేశారు. 1974లో ప్రయాగ్‌రాజ్‌లో జన్మించిన ఆమె 1998లో కాంగ్రెస్‌లో చేరారు. 2002లో ప్రతాప్‌గఢ్‌లోని సంగ్రామ్‌గఢ్‌ బ్లాక్‌ ప్రముఖ్‌గా ఎన్నికై, వరుసగా మూడు పర్యాయాలు ఆ పదవిలో కొనసాగారు. అలహాబాద్‌ విశ్వవిద్యాలయంలో చదువుకున్న ఆమె సహారా ఇండియాతో పాటు కార్పొరేట్‌ రంగంలో పనిచేశారు.పలు స్వచ్ఛంద సంస్థలతోనూ అనుబంధంగా ఉన్నారు. 2014లో ఆమె తండ్రి, కాంగ్రెస్‌ సీనియర్‌ నేత ప్రమోద్‌ తివారీ రాజ్యసభకు వెళ్లిన తర్వాత రాంపూర్‌ ఖాస్‌ అసెంబ్లీ స్థానానికి జరిగిన ఉప ఎన్నికలో ఆరాధనా మిశ్రా పోటీ చేసి విజయం సాధించారు. ఆ తర్వాత 2017, 2022 ఎన్నికల్లోనూ అదే స్థానాన్ని నిలబెట్టుకున్నారు. 2022లో బీజేపీ అభ్యర్థి నాగేశ్‌ ప్రతాప్‌ సింగ్‌పై 14,741 ఓట్ల తేడాతో గెలిచారు. ఆమె తండ్రి ప్రమోద్‌ తివారీ 1980 నుంచి 2012 వరకు రాంపూర్‌ ఖాస్‌ స్థానాన్ని వరుసగా 9 సార్లు గెలిచారు.ప్రమోద్‌ తివారీ ప్రస్తుతం రాజ్యసభలో ప్రతిపక్ష ఉపనేతగా ఉన్నారు. సమాజ్‌వాదీ పార్టీ వ్యవస్థాపకుడు ములాయం సింగ్‌ యాదవ్‌తో ఆయనకు సన్నిహిత సంబంధాలు ఉండేవని కాంగ్రెస్‌ వర్గాలు చెబుతున్నాయి. 2014లో కాంగ్రెస్‌కు రాజ్యసభకు పంపేంత సంఖ్యాబలం లేని సమయంలో ఎస్పీ మద్దతుతో తివారీ రాజ్యసభకు ఎన్నికయ్యారు. 2022లో రాజస్థాన్‌ నుంచి మరోసారి రాజ్యసభకు ఎన్నికయ్యారు.ఆరాధనా మిశ్రా ప్రియాంక గాంధీ బృందంలోనూ కీలకంగా పనిచేశారు. 2022 అసెంబ్లీ ఎన్నికల సమయంలో కాంగ్రెస్‌ నిర్వహించిన ‘లడ్కీ హూన్‌, లడ్‌ సక్తీ హూన్‌’ ప్రచారంలో ఇద్దరూ కలిసి పనిచేశారు. ప్రస్తుతం మిశ్రా, ఇమ్రాన్‌ మసూద్‌తో పాటు అత్యంత వెనుకబడిన వర్గానికి చెందిన దేవేంద్ర నిషాద్‌, దళిత నేత ఆలోక్‌ ప్రసాద్‌లకు రాష్ట్ర కాంగ్రెస్‌లో కీలక బాధ్యతలు అప్పగించారు.సమాజ్‌వాదీ పార్టీతో సీట్ల సర్దుబాటుపై కాంగ్రెస్‌ చర్చలు కొనసాగుతున్న సమయంలో ఈ మార్పులు జరిగాయి. కొత్త బాధ్యతలు స్వీకరించిన ఆరాధనా మిశ్రా మాట్లాడుతూ, “సమయం తక్కువగా ఉంది, సవాళ్లు అనేకం ఉన్నాయన్నది నిజం. 2027లో మనమే ప్రభుత్వం ఏర్పాటు చేయబోతున్నామనే నమ్మకాన్ని రాష్ట్రంలోని ప్రతి కాంగ్రెస్‌ కార్యకర్తలో కల్పించడమే నా ప్రాధాన్యం” అని చెప్పారు. 2027 ఎన్నికల్లో కాంగ్రెస్‌ తన సంస్థాగత బలాన్ని ఎంతవరకు పెంచుకోగలదన్నదే ఇప్పుడు కీలకంగా మారనుంది.

మరి మనమూ గెలిచాం కదా!

శంషాబాద్‌: ‘ఘంటా పథంగా ఎప్పుడూ చెబుతుంటాను.. మళ్లీ ఇప్పుడు కూడా చెబుతున్నా. ఈ రాష్ట్రానికి బీసీ ముఖ్యమంత్రి అయి తీరతాడు. ఇందుకు రాహుల్‌గాంధీ మద్దతు ఇస్తారు. రేవంత్‌రెడ్డి కూడా మద్దతు ఇస్తారు. ఇంత ధైర్యంగా చెప్పడానికి కారణం రాహుల్‌గాందీ, మల్లిఖార్జున ఖర్గే ఇచ్చే ధైర్యమే..’ అని పీసీసీ అధ్యక్షుడు మహేశ్‌కుమార్‌ గౌడ్‌ అన్నారు. శంషాబాద్‌ తొండుపల్లిలో ఆదివారం టీపీసీసీ ఓబీసీ చైర్మన్, షాద్‌నగర్‌ ఎమ్మెల్యే వీర్లపల్లి శంకర్‌ ఆధ్వర్యంలో ఏర్పాటు చేసిన కాంగ్రెస్‌ ఓబీసీ గర్జన సభలో ఆయన ముఖ్యఅతిథిగా పాల్గొని మాట్లాడారు. బీజేపీ దద్దమ్మలు మాట్లాడరు.. ‘అన్ని వర్గాల మద్దతుతో మాకు రావాల్సిన హక్కులను సాధిస్తాం.. అవసరమైతే లాక్కుంటాం. ఆనాడు పీవీ నర్సింహారావు, చెన్నారెడ్డి లాగా చరిత్రలో నిలిచిపోయేలా సీఎం రేవంత్‌రెడ్డి కులగణన చేపట్టి అసెంబ్లీలో ఆమోదించి కేంద్రానికి పంపారు. కానీ రాష్ట్రంలో బీజేపీ దద్దమ్మలు మాత్రం బీసీ రిజర్వేషన్లపై ఏనాడూ నోరు మెదపరు. కామారెడ్డి డిక్లరేషన్‌ ఆధారంగా ఇటీవల జరిగిన సర్పంచ్, మున్సిపల్‌ ఎన్నికల్లో పార్టీ పరంగా 57% శాతం సీట్లు బీసీలకు ఇచ్చాం. రానున్న రోజుల్లో మంత్రి మున్సిపల్, కార్పొరేషన్, మంత్రి పదవుల్లో కూడా బీసీ రిజర్వేషన్‌ పెంచుతాం. రానున్న ఎన్నికల్లో రాహుల్‌ ప్రధాని కావడం ఖాయం. అప్పుడు బీసీ రిజర్వేషన్‌ కోసం పోరాడాల్సిన అవసరం కూడా లేదు. బీసీ పోరాట యోధుడు రాహుల్‌గాం«ధీ..’ అని మహేశ్‌గౌడ్‌ అన్నారు. ఓబీసీలు ఉద్యమించాలి.. బీసీల సంక్షేమం కోసం కాంగ్రెస్‌ తీసుకున్న నిర్ణయాలను ఎవరూ తీసుకోలేదని మాజీ ఎంపీ వి. హన్మంతరావు అన్నారు. జనగణనలో కులగణన కూడా చేసేలా ఓబీసీలు ఉద్యమించాలని చెప్పారు. గ్రామ స్థాయి నుంచి ఓబీసీ రిజర్వేషన్లపై తీర్మానం చేయాల్సిన అవసరముందని మంత్రి పొన్నం ప్రభాకర్‌ అన్నారు. ఎంపీ మల్లు రవి, మాజీ ఎంపీలు మధుయాష్కీ, అంజన్‌కుమార్‌ యాదవ్, సురేష్‌ షెట్కార్, సీడబ్ల్యూసీ సభ్యుడు వంశీచందర్‌రెడ్డి తదితరులు మాట్లాడారు. ప్రభుత్వ విప్‌ బీర్ల ఐలయ్య, ఎమ్మెల్యే రాజ్‌ఠాకూర్‌ తదితరులు పాల్గొన్నారు. హాజరుకాని ఫిరాయింపుదారులు బీసీ గర్జన సభకు బీఆర్‌ఎస్‌ నుంచి కాంగ్రెస్‌ పార్టీకి ఫిరాయించిన ఎమ్మెల్యేలు గైర్హాజరయ్యారు. కానీ ఇటీవల హైకోర్టు అనర్హత వేటు వేసిన దానం నాగేందర్‌ సభకు హాజరై మాట్లాడారు.

తిరువనంతపురం: ఎన్నికల నిర్వహణ వివాదాల నడుమ చీఫ్ ఎలక్షన్ కమిషనర్ జ్ఞానేశ్‌‌ కుమార్‌కు బిగ్‌ షాక్‌ తగిలింది. ఎస్‌ఐఆర్‌తో పాటు ఎన్నికల నిర్వహణకు సంబంధించిన పలు కీలక వ్యవహారాల్లో ఆయన రాజీనామా చేయాలంటూ ప్రతిపక్షాలు డిమాండ్ చేస్తున్నాయి. ఈ పరిణామాలు రాజకీయంగా కలకలం రేపుతుండగానే.. సుమారు రెండు దశాబ్దాల క్రితం (2006లో) ఆయనపై నమోదైన ఓ ఆత్మహత్య కేసుకు సంబంధించి కేరళ ప్రభుత్వం సంచలన నిర్ణయం తీసుకుంది. నాటి కేసుపై సమగ్ర దర్యాప్తు జరపాలని కేరళ హోం మంత్రి రమేష్ చెన్నితాలా విజిలెన్స్ విచారణకు ఆదేశాలు జారీ చేశారు.2006లో కేరళ రాష్ట్ర రవాణా ప్రాజెక్టులో భాగంగా ఎంసీ రోడ్డు ఆధునీకరణ పనుల కాంట్రాక్ట్‌‌‌‌ను మలేషియాకు చెందిన ప్రముఖ ఇన్‌ఫ్రా స్ట్రక్చర్ కంపెనీ ‘పాటి’, కేరళకు చెందిన భాగీరథి కన్‌ స్ట్రక్షన్స్ ఇంజనీరింగ్ లిమిటెడ్ సంయుక్తంగా ‘పాటి-బెల్’ పేరుతో చేపట్టాయి. కేరళ కేఎస్‌పీటీ-1 ప్రాజెక్ట్‌కు చీఫ్ మేనేజర్‌గా విధులు నిర్వహిస్తున్న మలేషియాకు చెందిన సివిల్ ఇంజనీర్ లీసీ బీన్ ఆత్మహత్య చేసుకున్నారు. ఆ సమయంలో పీడబ్ల్యూడీ కార్యదర్శిగా జ్ఞానేశ్‌ కుమార్‌ ఉన్నారు. జ్ఞానేశ్‌ కుమార్‌పై ఉన్న ప్రధాన ఆరోపణలు ఇక ఆత్మహత్యకు ముందు లీసీ బీన్‌ రాసిన సూసైడ్ నోట్‌లో జ్ఞానేశ్‌ కుమార్‌ పేరును ప్రస్తావించారు. ఆ ప్రాజెక్టు పనుల నిర్వహణలో తీవ్రమైన అవినీతి, తప్పుడు నిర్వహణ జరిగిందని, అలాగే పీడబ్ల్యూడీ అధికారుల నుండి తీవ్రమైన వేధింపులు ఎదురయ్యాయని ఆ సూసైడ్ నోట్‌లో పేర్కొన్నట్లు ఆరోపణలు ఉన్నాయి. ఈ వేధింపుల వెనుక అప్పటి పీడబ్ల్యూడీ సెక్రటరీగా ఉన్న జ్ఞానేశ్‌ కుమార్‌ పాత్ర ఉందనేది ప్రధాన ఆరోపణ. అప్పట్లో ఈ ఘటన పెద్ద దుమారమే రేపింది.విజిలెన్స్ విచారణకు ఈ ఘటనపై ప్రాథమిక విచారణ జరిగినప్పటికీ, తదుపరి చర్యలు తీసుకోలేదని.. రాజకీయ ఒత్తిళ్ల కారణంగా ఆ కేసు దర్యాప్తులో అనేక అంశాలు వెలుగులోకి రాలేదనే బలమైన అనుమానాలు వ్యక్త మవుతున్నాయి. ప్రస్తుతం రాజకీయ పరిణామాలు మారిన నేపథ్యంలో, ఆ నాటి సూసైడ్ నోట్‌లోని ఆరోపణలు, మరియు ప్రాథమిక దర్యాప్తులో జరిగిన లోపాలు, ఒత్తిళ్లపై సమగ్రమైన విజిలెన్స్ విచారణ జరిపితేనే అసలు నిజాలు బయటకొస్తాయని కేరళ ప్రభుత్వం ఈ నిర్ణయం తీసుకుంది.రెండు దశాబ్దాల నాటి ఈ కేసుకు సంబంధించి కేరళ ప్రభుత్వం తీసుకున్న ఈ తాజా నిర్ణయం ప్రస్తుతం జాతీయ రాజకీయాల్లో తీవ్ర చర్చనీయాంశంగా మారింది.ఇదీ చదవండి : సడన్ ట్విస్ట్.. సీఈసీ జ్ఞానేశ్ కుమార్ ఈవెంట్స్ క్యాన్సల్!

‘కలిసుంటే బలం.. విడిపోతే బలహీనం’ అన్న రాజకీయ సామెతకు భిన్నంగా.. ఉత్తరప్రదేశ్‌లో ఇండియా కూటమి మిత్రపక్షాల మధ్య అప్పుడే మాటల వేడి మొదలైంది. సమాజ్‌వాదీ పార్టీ ఎంపీ శివ్‌పాల్‌ సింగ్‌ పటేల్‌ కాంగ్రెస్‌పై సంచలన వ్యాఖ్యలు చేశారు. ఎస్పీతో పొత్తు లేకపోయి ఉంటే 2024 లోక్‌సభ ఎన్నికల్లో కాంగ్రెస్‌ ఒక్క సీటు కూడా గెలిచేది కాదని అన్నారు. అంతేకాదు.. కాంగ్రెస్‌ అగ్రనేత రాహుల్‌ గాంధీ రాయ్‌బరేలీ నుంచి పోటీ చేయడానికి కూడా ఎస్పీ అధినేత అఖిలేశ్‌ యాదవ్‌ భరోసా ఇవ్వాల్సి వచ్చిందని పేర్కొన్నారు.శివ్‌పాల్‌ సింగ్‌ పటేల్‌ తాజాగా మీడియాతో మాట్లాడుతూ.. 2024 ఎన్నికల్లో ఎస్పీ-కాంగ్రెస్‌ పొత్తు వల్లే కాంగ్రెస్‌కు ఆరు సీట్లు దక్కాయని అన్నారు. ఎస్పీతో పొత్తు లేకపోతే కాంగ్రెస్‌ ఒక్క స్థానంలో కూడా గెలిచేది కాదని వ్యాఖ్యానించారు. కాంగ్రెస్‌కు కేటాయించిన స్థానాల్లో సమాజ్‌వాదీ పార్టీకి చెందిన ప్రతి ఓటు ఆ పార్టీ అభ్యర్థులకే పడిందని, అందుకే ఆరు స్థానాలు గెలుచుకోగలిగారని చెప్పారు.రాహుల్‌ భయపడ్డారు.. రాహుల్‌ గాంధీ అమేథీ నుంచి కాకుండా రాయ్‌బరేలీ నుంచి పోటీ చేయడంపైనా పటేల్‌ కీలక వ్యాఖ్యలు చేశారు. ఒక దశలో రాహుల్‌ పోటీ నుంచి తప్పుకోవడానికి సిద్ధంగా ఉన్నారని, అఖిలేశ్‌ యాదవ్‌ భరోసా ఇచ్చి పోటీ చేయాలని ఒప్పించారని అన్నారు. తాను పోటీ చేయకపోతే ఎస్పీ తరఫున సొంత అభ్యర్థిని బరిలోకి దింపుతానని అఖిలేశ్‌ హెచ్చరించడంతోనే రాహుల్‌ రాయ్‌బరేలీ నుంచి పోటీకి అంగీకరించారని పటేల్‌ పేర్కొన్నారు. ఇక, 2024 లోక్‌సభ ఎన్నికల్లో ఉత్తరప్రదేశ్‌లో ఎస్పీ 37 స్థానాల్లో విజయం సాధించింది. కాంగ్రెస్‌ ఆరు స్థానాల్లో గెలిచింది. బీజేపీ 33 సీట్లకు పరిమితమైంది. ఎన్డీయే మొత్తం 36 స్థానాలు దక్కించుకుంది. అయోధ్య ఉన్న ఫైజాబాద్‌ లోక్‌సభ స్థానాన్ని కూడా ఎస్పీ గెలుచుకోవడం అప్పట్లో దేశవ్యాప్తంగా చర్చకు దారితీసింది.ఎస్పీ సాధించిన 37 సీట్లను ప్రస్తావిస్తూ కాంగ్రెస్‌ ఎక్కువ సీట్లు ఆశించకూడదని పటేల్‌ అన్నారు. మేమే పెద్దన్న.. చాలా పెద్దన్న అని వ్యాఖ్యానిస్తూ ఉత్తరప్రదేశ్‌లో తమ పార్టీదే పైచేయి అని స్పష్టం చేశారు. కాంగ్రెస్‌ సహకరిస్తే పొత్తు ద్వారా ఇరు పార్టీలకు ప్రయోజనం ఉంటుందని, పొత్తు లేకపోయినా ఎస్పీకి పెద్దగా నష్టం ఉండదని అన్నారు. కానీ కాంగ్రెస్‌ మాత్రం సున్నా సీట్లకు పడిపోతుందని పటేల్‌ వ్యాఖ్యానించారు. కాంగ్రెస్‌ ఒంటరిగా పోటీ చేస్తే ప్రజలు ఆ పార్టీ అభ్యర్థులను కేవలం ఓట్లు చీల్చేందుకే బరిలోకి దిగుతున్నారని భావించే అవకాశం ఉందని ఆయన అన్నారు. ఇతర రాష్ట్రాల్లో కాంగ్రెస్‌కు వేరే స్థాయి ఉండొచ్చని, కానీ ఒంటరిగా పోటీ చేసిన చోట ఆ పార్టీ తన బలాన్ని కోల్పోయిందని విమర్శించారు. అలాగే.. కాంగ్రెస్‌, బీజేపీ పాలనలో దళితుల అభివృద్ధి ఆశించిన స్థాయిలో జరగలేదని, ఎస్పీ పాలనలో అన్ని వర్గాలకు సమాన అవకాశాలు లభిస్తాయని చెప్పారు.కాంగ్రెస్‌ సీరియస్‌.. ప్రస్తుతం 403 స్థానాలున్న ఉత్తరప్రదేశ్‌ అసెంబ్లీలో ఎస్పీకి 101 మంది ఎమ్మెల్యేలు ఉండగా.. కాంగ్రెస్‌కు కేవలం ఇద్దరు ఎమ్మెల్యేలే ఉన్నారు. ఈ నేపథ్యంలోనే సీట్ల పంపకంలో తమ పార్టీదే పైచేయి అన్న సంకేతాలను పటేల్‌ ఇచ్చారు. అయితే, పటేల్‌ వ్యాఖ్యలపై కాంగ్రెస్‌ తీవ్రంగా స్పందించింది. యూపీ కాంగ్రెస్‌ అధికార ప్రతినిధి అన్షు అవస్థి.. ఇలాంటి వ్యాఖ్యలు చేసే నేతలను ఎస్పీ నాయకత్వం అదుపులో పెట్టాలని అన్నారు. ఇండియా కూటమి కారణంగానే పటేల్‌ ఎంపీగా గెలిచారని గుర్తుచేస్తూ.. ఆయన తన పరిమితులు తెలుసుకుని మాట్లాడాలని సూచించారు. కాగా, 2027 యూపీ అసెంబ్లీ ఎన్నికలకు సమయం దగ్గరపడుతున్న కొద్దీ ఈ విభేదాలు మరింత ముదురుతాయా? లేక ఇరు పార్టీలు సర్దుకుపోయి పొత్తును కొనసాగిస్తాయా? అనేది ఆసక్తికరంగా మారింది.ఇదీ చదవండి: బీజేపీకి ఊహించని షాక్‌..

బెంగళూరు: ప్రస్తుత లోక్‌సభ, రాష్ట్రాల శాసనసభలకు జరిగిన ఎన్నికలన్నీ చట్టవిరుద్ధమేనని కాంగ్రెస్‌ పార్టీ అధ్యక్షుడు మల్లికార్జున ఖర్గే తేల్చిచెప్పారు. అందుకే లోక్‌సభ, శాసనసభలను రద్దు చేసి, మళ్లీ బ్యాలెట్‌ పేపర్‌తో ఎన్నికలు నిర్వహించాలని డిమాండ్‌ చేశారు. ప్రధాని నరేంద్ర మోదీ, కేంద్ర హోంశాఖ మంత్రి అమిత్‌ షాతోపాటు అన్ని రాష్ట్రాల ముఖ్యమంత్రులు సైతం చట్టవిరుద్ధమేనని పేర్కొన్నారు. ఖర్గే శనివారం కర్ణాటకలోని కలబురిగిలో మీడియాతో మాట్లాడారు. నేడు దేశమంతా అక్రమ ఎన్నికల ఆధారంగా నడుస్తోందని మండిపడ్డారు. మోదీ అక్రమ ప్రధానమంత్రి, అమిత్‌ షా అక్రమ మంత్రి, ముఖ్యమంత్రులు కూడా అక్రమమేనని స్పష్టంచేశారు. వారందరినీ పదవుల నుంచి తొలగించి, మళ్లీ ఎన్నికలు నిర్వహించాల్సిందేనని ఉద్ఘాటించారు. ఎల్రక్టానిక్‌ ఓటింగ్‌ యంత్రాలను(ఈవీఎంలు) దురి్వనియోగం చేస్తున్నారని, అధికారంలో ఉన్న వ్యక్తుల సొంత మనుషులే ఈ విషయం చెబుతున్నారని వెల్లడించారు. అందుకే ఈవీఎంలను పూర్తిగా పక్కనపెట్టి, బ్యాలెట్‌ పేపర్లతో ఎన్నికలు నిర్వహించాలని పేర్కొన్నారు. ప్రస్తుతం కొనసాగుతున్న ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌)లో అనేక అవకతవకలు జరుగుతున్నాయని, ఈ ప్రక్రియ ప్రజాస్వామ్యాన్ని దెబ్బతీస్తోందని ఆరోపించారు. ప్రభుత్వం తప్పులు చేస్తోందని విమర్శించారు. ఎస్‌ఐఆర్, ఎన్నికల ప్రక్రియ దురి్వనియోగానికి వ్యతిరేకంగా ప్రతిపక్షాలు దేశవ్యాప్తంగా ఆందోళనలు కొనసాగిస్తాయని ప్రకటించారు. అది స్వేచ్ఛాయుత, నిష్పక్షపాత ఎన్నిక అవుతుందా? ఎస్‌ఐఆర్‌ సర్వం తప్పులతడక అని ఖర్గే ధ్వజమెత్తారు. ఒక బూత్‌ నుంచి కుట్రపూరితంగా 500 ఓట్లను తొలగిస్తే అది స్వేచ్ఛాయుత, నిష్పక్షపాత ఎన్నిక ఎలా అవుతుంది?అని ప్రశ్నించారు. ఓటర్ల జాబితాల నుంచి పేర్ల తొలగింపును కోరుతూ బీజేపీ, ఆర్‌ఎస్‌ఎస్‌ సభ్యులు గ్రామాలకు వెళ్లి దరఖాస్తు పత్రాలు నింపుతున్నారని ఆరోపించారు. జవహర్‌లాల్‌ నెహ్రూ, ఇందిరా గాం«దీ, లాల్‌ బహదూర్‌ శాస్త్రి, పీవీ నరసింహారావు, రాజీవ్‌ గాంధీ వంటి నాయకులెవరూ ప్రజాస్వామ్యంలో ఇలాంటి చర్యలకు పాల్పడలేదని గుర్తుచేశారు. ఇప్పుడు తమకు కావాల్సిన వ్యక్తులను ఓటర్ల జాబితాలో చేర్చడానికి బీజేపీ, ఆర్‌ఎస్‌ఎస్‌ ప్రయత్నిస్తున్నాయని విమర్శించారు. ఎస్‌ఐఆర్‌లో అక్రమాలు మన యువతను, పేదలను, దళితులను, అణగారిన వర్గాలను దెబ్బతీస్తున్నాయని ఆందోళన వ్యక్తంచేశారు. ధనవంతులు తమ పనిని ఎలాగోలా పూర్తి చేసుకోగలిగినప్పటికీ, ఏదైనా సమస్య తలెత్తితే మాత్రం పేదలు తమ పనులు మానుకొని ఎన్నికల సంఘం అధికారుల చుట్టూ తిరగాల్సి వస్తోందని అన్నారు. ఎస్‌ఐఆర్‌పై ప్రజలను చైతన్య పరుస్తాం ప్రధాని మోదీ దేశంలో ప్రజాస్వామ్యాన్ని నాశనం చేస్తున్నారని ఖర్గే నిప్పులు చెరిగారు. పదవిలో ఉండగా తీసుకున్న నిర్ణయాలకు సంబంధించి ప్రధాన ఎన్నికల కమిషనర్‌(సీఈసీ), ఎన్నికల కమిషనర్లకు చట్టపరమైన చర్యల నుంచి మినహాయింపు కల్పించే చట్టాన్ని ప్రస్తావించారు. వారికి మినహాయింపు కల్పించే చట్టాన్ని తీసుకొచ్చి ప్రజాస్వామ్యా న్ని దిగజార్చుతున్నారని ఆరోపించారు. ఎన్నికల కమిషనర్ల నియామక కమిటీలో మార్పులు చేయడాన్ని తప్పుపట్టారు. స్వలాభం కోసమే ఈ కమిటీ నుంచి సుప్రీంకోర్టు ప్రధాన న్యాయమూర్తిని తొలగించి, కేంద్ర మంత్రిని చేర్చారని ఆక్షేపించారు. ఈనెల 6న ఢిల్లీలో ఎన్నికల సంఘం కార్యాలయం వరకు పాదయాత్ర చేయబోతున్నట్లు ఖర్గే తెలిపారు. ఎస్‌ఐఆర్‌లో అక్రమాలపై దేశ ప్రజల్ని చైతన్యవంతులను చేస్తామన్నారు. ఆ తర్వాత ప్రజలు ‘మోదీ, మోదీ’ అని అంటే మాత్రం వారికి నియంతృత్వమే కావాలని తేటతెల్లం అవుతుందన్నారు.

ఉత్తరప్రదేశ్‌ అసెంబ్లీ ఎన్నికలకు సుమారు ఆరు నెలల సమయం ఉన్న వేళ కాంగ్రెస్‌ రాష్ట్ర నాయకత్వంలో కీలక మార్పు చేసింది. మూడు సార్లు ఎమ్మెల్యేగా గెలిచిన ఆరాధనా మిశ్రా ‘మోనా’కు యూపీ కాంగ్రెస్‌ అధ్యక్ష బాధ్యతలు అప్పగించింది. సీనియర్‌ కాంగ్రెస్‌ నేత, రాజ్యసభ ఎంపీ ప్రమోద్‌ తివారీ కుమార్తె అయిన మోనా.. ఇప్పటివరకు కాంగ్రెస్‌ శాసనసభా పక్ష నేతగా ఉన్నారు. ఇక రాష్ట్రవ్యాప్తంగా పార్టీని నడిపించే బాధ్యత ఆమె భుజాలపై పడింది.మోనాను రాష్ట్ర అధ్యక్షురాలిగా ఎంపిక చేయడంతో పాటు కాంగ్రెస్‌ సంస్థాగత బృందంలోనూ పలు మార్పులు చేసింది. సహరన్‌పూర్‌ ఎంపీ ఇమ్రాన్‌ మసూద్‌ను వర్కింగ్‌ ప్రెసిడెంట్‌గా, దేవిందర్‌ నిషాద్‌, అలోక్‌ ప్రసాద్‌లను సీనియర్‌ వైస్‌ ప్రెసిడెంట్లుగా నియమించింది. మోనా స్థానంలో చౌధరి వీరేంద్ర సింగ్‌ను కాంగ్రెస్‌ శాసనసభా పక్ష నేతగా నియమించింది. ఈ కూర్పులో బ్రాహ్మణ, ముస్లిం, ఓబీసీ, దళిత ప్రాతినిధ్యాన్ని కలిపే ప్రయత్నం కనిపిస్తోందని రాజకీయ విశ్లేషణలు పేర్కొంటున్నాయి.కాంగ్రెస్‌ మాత్రం ఈ నియామకాలను సంస్థాగత పునర్వ్యవస్థీకరణగా చెబుతోంది. రాష్ట్రంలో పార్టీని బలోపేతం చేయడం, కార్యకర్తలను సమీకరించడం, ఎన్నికలకు సంస్థను సిద్ధం చేయడం కొత్త బృందం ముందున్న ప్రధాన లక్ష్యాలుగా ప్రకటించుకుంది.1974 ఏప్రిల్‌ 20న జన్మించిన ఆరాధనా మిశ్రా రాజకీయ కుటుంబం నుంచి వచ్చారు. ఆమె తండ్రి ప్రమోద్‌ తివారీ కాంగ్రెస్‌లో సీనియర్‌ నేత. ప్రతాప్‌గఢ్‌ జిల్లాలోని రాంపూర్‌ ఖాస్‌ నియోజకవర్గం నుంచి 2014 ఉప ఎన్నికలో తొలిసారి ఎమ్మెల్యేగా గెలిచిన మోనా.. 2017, 2022 ఎన్నికల్లోనూ అదే స్థానాన్ని నిలబెట్టుకున్నారు. దీంతో వరుసగా మూడుసార్లు ఎమ్మెల్యేగా ఎన్నికయ్యారు.అఖిలేశ్‌తో సమన్వయం కీలకంమోనా ముందున్న మరో కీలక అంశం సమాజ్‌వాదీ పార్టీతో సమన్వయం. 2027 అసెంబ్లీ ఎన్నికల నేపథ్యంలో కాంగ్రెస్‌–ఎస్పీ మధ్య సీట్ల పంపకంపై చర్చలు జరగాల్సి ఉంది. ఇరు పార్టీల మధ్య స్థానాల విషయంలో భిన్నాభిప్రాయాలు ఉన్న నేపథ్యంలో ఈ చర్చలు ప్రాధాన్యం సంతరించుకోనున్నాయి. అయితే అఖిలేశ్‌ యాదవ్‌తో తనకు మంచి సంబంధాలు ఉన్నాయని మోనా ఇప్పటికే చెప్పారు. ఎస్పీని ఇండియా కూటమిలో కీలక భాగస్వామిగా పేర్కొంటూ.. రాబోయే ఎన్నికల్లో కూటమి సమన్వయాన్ని మరింత బలోపేతం చేస్తామని ఆమె స్పష్టం చేశారు.యోగి సర్కార్‌ను ఢీకొట్టే బాధ్యతప్రస్తుతం ఉత్తరప్రదేశ్‌లో యోగి ఆదిత్యనాథ్‌ నేతృత్వంలోని బీజేపీ ప్రభుత్వం అధికారంలో ఉంది. ఈ నేపథ్యంలో కాంగ్రెస్‌ను రాష్ట్రవ్యాప్తంగా బలోపేతం చేయడం మోనా ముందున్న ప్రధాన బాధ్యత. పార్టీ క్యాడర్‌ను పునర్వ్యవస్థీకరించడం, సంస్థాగత బలాన్ని పెంచడం, ఇతర పార్టీలతో ఎన్నికల సమన్వయం వంటి అంశాలపై ఆమె దృష్టి పెట్టాల్సి ఉంటుంది.ఆమెనే ఛాయిస్‌ ఎందుకు?ఇక్కడే కాంగ్రెస్‌ తాజా మార్పుపై అసలు చర్చ మొదలవుతోంది. ఇప్పటివరకు యూపీ కాంగ్రెస్‌ అధ్యక్షుడిగా ఉన్న అజయ్‌ రాయ్‌ స్థానంలో మోనాను తీసుకురావడం కేవలం నాయకత్వ మార్పుగానే కాకుండా పార్టీ సామాజిక, ప్రాంతీయ సమీకరణాలను పునర్‌వ్యవస్థీకరించే ప్రయత్నంగా కూడా విశ్లేషణలు ఉన్నాయి. అజయ్‌ రాయ్‌ బదులుగా తూర్పు యూపీకి చెందిన బ్రాహ్మణ మహిళా నేతను అధ్యక్షురాలిగా, పశ్చిమ యూపీకి చెందిన ముస్లిం నేత ఇమ్రాన్‌ మసూద్‌ను వర్కింగ్‌ ప్రెసిడెంట్‌గా నియమించడం ఈ కూర్పులో కీలక అంశంగా కనిపిస్తోంది.అదే సమయంలో అఖిలేశ్‌ యాదవ్‌తో మోనా కుటుంబానికి ఉన్న రాజకీయ సంబంధాలపై కూడా చర్చ జరుగుతోంది. మరోవైపు అఖిలేశ్‌ నేతృత్వంలోని ఎస్పీపై తరచూ విమర్శలు చేసిన ఇమ్రాన్‌ మసూద్‌కు కీలక పదవి ఇవ్వడం ఆసక్తికరంగా మారింది. అంటే.. ఒకవైపు ఎస్పీతో సమన్వయానికి అవకాశం ఉన్న నాయకత్వం, మరోవైపు పశ్చిమ యూపీలో పార్టీ సామాజిక విస్తరణకు ఉపయోగపడే ముఖాన్ని ఒకే బృందంలోకి తీసుకురావడం కాంగ్రెస్‌ తాజా కూర్పులో కనిపిస్తున్న అంశం.మొత్తంగా.. రాజకీయ కుటుంబ నేపథ్యం, మూడుసార్లు ఎమ్మెల్యేగా అనుభవం, రాష్ట్ర రాజకీయాలపై అవగాహనతో పాటు సామాజిక–ప్రాంతీయ సమీకరణాలను దృష్టిలో పెట్టుకున్న కొత్త టీమ్‌లో మోనా కేంద్ర బిందువుగా నిలిచారు. ఇక 2027 ఎన్నికల ముందు ఆమె కాంగ్రెస్‌ సంస్థను ఎలా నడిపిస్తారన్నదే కీలకం కానుంది.ఇదీ చదవండి: కాంగ్రెస్‌ కుమ్ములాటకు కెప్టెన్‌ చెక్‌ పెడతారా?

న్యూఢిల్లీ: ఆమ్‌ ఆద్మీ పార్టీ (ఆప్‌)ప్రధాన జాతీయ అధికార ప్రతినిధి ప్రియాంక కక్కర్ కాంగ్రెస్ పార్టీలో చేరడంతో ఆప్‌కు ఎదురుదెబ్బ తగిలింది. ఢిల్లీలో జరిగిన కార్యక్రమంలో కాంగ్రెస్ సీనియర్ నేతలు రాజీవ్ శుక్లా, పవన్ ఖేడా, దేవేందర్ యాదవ్ సమక్షంలో ఆమె కాంగ్రెస్ తీర్థం పుచ్చుకున్నారు. ఆమెతో పాటు మాజీ ఎమ్మెల్యే శ్యామ్ సుందర్ శర్మ, రజత్ రాకేశ్ టండన్ కూడా కాంగ్రెస్‌లో చేరారు. ఈ సందర్భంగా ప్రియాంక మాట్లాడుతూ, తాను చిన్నప్పటి నుంచి చూసిన పరిశుభ్రమైన, పచ్చని, సురక్షితమైన ఢిల్లీని మళ్లీ కాంగ్రెస్ మాత్రమే తీసుకురాగలదని, రాజకీయాల్లో నిజాయితీగా నిలబడే ఏకైక నాయకుడు రాహుల్ గాంధీ మాత్రమే అని పేర్కొన్నారు. ఇదే సమయంలో ఆప్ తన మూల సిద్ధాంతాల నుంచి తప్పుకుందని, బంగ్లాలు, కార్లు వద్దన్నవారే ఇప్పుడు వ్యక్తిగత ప్రయాణాలకు చాపర్లు వాడుతున్నారని, పార్టీ కోసం పనిచేసిన వారిని పక్కనపెట్టి కొత్తవారికి పెద్ద పదవులు కట్టబెడుతున్నారని ఆమె తీవ్రస్థాయిలో ఆరోపించారు. कांग्रेस पार्टी की विचारधारा से प्रभावित होकर आज आम आदमी पार्टी की नेता @PKakkar_ जी कांग्रेस में शामिल हुईं। उनके साथ रजत राकेश टंडन जी और पूर्व विधायक श्याम सुंदर शर्मा जी कांग्रेस पार्टी में शामिल हुए। आप सभी को बधाई और भविष्य के लिए हार्दिक शुभकामनाएं। 📍 दिल्ली https://t.co/nsbPxrhsUi— Congress (@INCIndia) October 3, 2026

సాక్షి,హైదరాబాద్‌: పట్టభద్రుల ఎమ్మెల్సీ సమరానికి సమయం సమీపిస్తుండటంతో రాజకీయ పార్టీలు దృష్టి సారించాయి. అధికార కాంగ్రెస్‌ పార్టీ ఇప్పటికే హైదరాబాద్‌–రంగారెడ్డి–మహబూబ్‌నగర్‌ స్థానానికి సామ రామ్మోహన్‌రెడ్డిని, వరంగల్‌–నల్గొండ–ఖమ్మం అభ్యర్థిగా రాంరెడ్డి సర్వోత్తం రెడ్డిని ఖరారు చేసింది. కాంగ్రెస్‌ ఆనవాయితీకి భిన్నంగా ఈసారి అందరికంటే ఎంతో ముందస్తుగా అభ్యర్థులను ప్రకటించగా, ఈ ఎన్నికల్లో సత్తా చూపుతామంటున్న ప్రధాన ప్రతిపక్షం బీఆర్‌ఎస్‌ మాత్రం ఇప్పటివరకు అభ్యర్థుల ఎంపికపై స్పష్టత ఇవ్వకపోవడం రాజకీయ వర్గాల్లో తీవ్ర ఉత్కంఠకు దారితీస్తోంది. ఎలాంటి లీకులు కూడా ఇవ్వకపోవడం చర్చనీయాంశంగా మారింది. అధిష్టానం దృష్టిలో..? బీఆర్‌ఎస్‌ వర్గాల సమాచారం ప్రకారం.. ఈ సీటుపై పార్టీ సామాజిక సమీకరణాల తర్జనభర్జనలో ఉంది. కాంగ్రెస్‌ రెండు గ్రాడ్యుయేట్‌ సీట్లకూ రెడ్డి (ఓసీ) సామాజికవర్గానికి చెందిన నేతలకే అవకాశమివ్వడంతో, దీనిని ప్రధాన ఆయుధంగా మలుచుకోవాలనే యోచనలో పార్టీ ఉన్నట్లు తెలుస్తోంది. అందులో భాగంగానే హైదరాబాద్‌–రంగారెడ్డి–మహబూబ్‌నగర్‌ స్థానాన్ని బీసీ వర్గాలకు ఇచ్చే యోచనలో ఉన్నట్లు సమాచారం. అధిక సంఖ్యలో ఉన్న బీసీ ఓటర్లను ఆకట్టుకోవడానికి బలమైన ఆ వర్గం నాయకుడిని లేదా బీఆర్‌ఎస్‌ యువజన/విద్యార్థి విభాగం (గ్రేటర్‌ హైదరాబాద్‌) నాయకులను బరిలోకి దించాలనే ఆలోచనలో కేసీఆర్, కేటీఆర్‌ ఉన్నారనే ప్రచారం కూడా మొదలైంది. మరోవైపు, గత అసెంబ్లీ ఎన్నికల్లో ఓటమి పాలైన రంగారెడ్డి, ఉమ్మడి మహబూబ్‌నగర్‌ జిల్లాలకు చెందిన మాజీ ఎమ్మెల్యేలు, మాజీ మంత్రులు కూడా ఈ స్థానంపై కన్నేసి తమ ప్రయత్నాలు ప్రారంభించినట్లు చెబుతున్నారు. వీరితోపాటు నగర విద్యావంతులను ప్రభావితం చేయగల విద్యావేత్తలు, కార్పొరేట్‌ రంగానికి చెందిన పారిశ్రామికవేత్తల పేర్లు కూడా చర్చల్లో ఉన్నాయి. వ్యూహాత్మకమా..? ఓటర్ల జాబితా పూర్తయ్యాకే అభ్యరి్థని ప్రకటిస్తారని చెబుతున్న వారితో పాటు.. కాంగ్రెస్‌ ఈ సీటును ఓసీలకిచి్చనందున తాముకూడా ఓసీకే ఇచ్చి ఎదుర్కోవాలా? లేక బీసీని బరిలో దింపి కాంగ్రెస్‌కు బీసీలంటే చిన్నచూపనే ప్రచారంతో నెగ్గాలా? అనే మీమాంసలో బీఆర్‌ఎస్‌ ఉన్నట్లు తెలుస్తోంది. కాంగ్రెస్‌ ఇప్పటికే ప్రచారం దిశగా అడుగులు వేస్తుండగా, బీఆర్‌ఎస్‌ ఆశావహులు మాత్రం అయోమయంలో ఉన్నారు. బీజేపీ కూడా గట్టి పట్టుదలతో ఉన్నందున త్రిముఖ పోటీ అనివార్యమైనందున నగర పట్ట భద్రులను ఆకట్టుకునేందుకు బీఆర్‌ఎస్‌ ఏదైనా ఆశ్చర్యకరమైన నిర్ణయం తీసుకోవచ్చని అంటున్న వారూ ఉన్నారు. గత ఎన్నికల్లో వాణీదేవిని ఎంపిక చేయడాన్ని ప్రస్తావిస్తున్నారు.రేసులో వీరుఏదేమైనా కొన్ని పేర్లు మాత్రం ప్రచారంలో ఉన్నాయి. వారిలో కాసాని వీరేశ్, నాగేందర్‌గౌడ్, కాసాని వీరేశం, రవియాదవ్‌లతో పాటు ఆర్‌ఎస్‌ ప్రవీణ్‌ కుమార్, ఎ.వెంకటేశ్వర్‌రెడ్డి తదితరులు వీరిలో ఉన్నారు. బీజేపీ కూడా దాదాపుగా అగ్ర కులాల అభ్యరి్థనే బరిలో దించుతుందనే ప్రచారం నేపథ్యంలో బీఆర్‌ఎస్‌ బలహీనవర్గాల అభ్యరి్థని పోటీలో దింపడం ద్వారా సామాజిక సమీకరణలను అనుకూలంగా మలుచుకోవాలని యోచిస్తోంది. ఈ క్రమంలో బీసీలవైపే గులాబీ మొగ్గు చూపుతున్నట్లు పార్టీ వర్గాలు చెబుతున్నాయి.

పంజాబ్‌ కాంగ్రెస్‌లో చాలాకాలంగా సాగుతున్న అంతర్గత పోరు మరో కీలక మలుపు తిరిగింది. అసెంబ్లీ ఎన్నికలకు సరిగ్గా ఆరు నెలల ముందు రాష్ట్ర కాంగ్రెస్‌ అధ్యక్షుడు అమరీందర్‌ సింగ్‌ రాజా వారింగ్‌ పదవి నుంచి తప్పుకున్నారు. ఆయన స్థానంలో మాజీ భారత హాకీ కెప్టెన్‌, జలంధర్‌ కాంట్‌ ఎమ్మెల్యే పర్గత్‌ సింగ్‌ను కాంగ్రెస్‌ అధిష్ఠానం నియమించింది. అయితే ఈ మార్పు కంటే.. పదవి నుంచి తప్పుకున్న తర్వాత వారింగ్‌ చేసిన వ్యాఖ్యలే ఇప్పుడు హాట్‌టాపిక్‌గా మారాయి. పంజాబ్‌ కాంగ్రెస్‌లో కొంతకాలంగా రాజా వారింగ్‌ వర్గానికి, మాజీ ముఖ్యమంత్రి చరణ్‌జిత్‌ సింగ్‌ చన్నీ వర్గానికి మధ్య విభేదాలు కొనసాగుతున్నాయి. 2022 ఏప్రిల్‌లో పీసీసీ అధ్యక్షుడైన వారింగ్‌.. రాష్ట్రంలో పార్టీని నడిపిస్తూ వచ్చారు. అయితే చన్నీ వర్గం మాత్రం నాయకత్వ మార్పు కోరుతూ వచ్చింది. ఈ అంతర్గత పోరు క్రమంగా బహిరంగ చర్చగా మారింది.ఇదే సమయంలో కాంగ్రెస్‌ అధిష్ఠానం సెప్టెంబర్‌లో పంజాబ్‌ పార్టీ వ్యవహారాల ఇన్‌చార్జ్‌గా భూపేశ్‌ బఘేల్‌ స్థానంలో సచిన్‌ పైలట్‌ను నియమించింది. పైలట్‌ సమక్షంలో సెప్టెంబర్‌ 15న జరిగిన పార్టీ కార్యక్రమంలో వారింగ్‌, చన్నీ ఒకే వేదికపై కనిపించి చేతులు కలపడంతో విభేదాలు తగ్గినట్టుగా కనిపించినా.. అధ్యక్ష పదవిపై అసలు పంచాయితీ మాత్రం కొనసాగింది.‘నన్నెవరూ రాజీనామా అడగలేదు’“చన్నీ సాహెబ్‌ గెలిచారు”.. వారింగ్‌ వ్యాఖ్యల్లో ఇదే అసలు సంచలనం ఇదే. తన రాజీనామా, తదుపరి జరిగిన అధ్యక్షుడి ఎన్నికపై వారింగ్‌ స్పందిస్తూ ఆయన ఈ కామెంట్‌ చేశారు. అంటే.. తనను అధ్యక్ష పదవి నుంచి తప్పించాలని చాలాకాలంగా కోరుతున్న చన్నీ వర్గం కోరుకున్న మార్పు చివరకు జరిగిందన్న భావాన్ని ఆయన వ్యక్తం చేశారు.సెప్టెంబర్‌ 30న వారింగ్‌ పీసీసీ అధ్యక్ష పదవికి రాజీనామా చేశారు. అనంతరం ఢిల్లీలో కాంగ్రెస్‌ అగ్రనేత రాహుల్‌ గాంధీని కలిశారు. తనను ఎవరూ నేరుగా రాజీనామా చేయాలని అడగలేదని వారింగ్‌ చెప్పారు. పరిస్థితి ఒక దశకు చేరుకుందని భావించి తానే పదవి నుంచి తప్పుకున్నానని వివరించారు. అయితే అదే సమయంలో పార్టీ ఇన్‌చార్జ్‌ సచిన్‌ పైలట్‌ తనను తప్పించాలని కోరుకున్నారని తనకు తెలిసిందని చెప్పారు.వారింగ్‌ స్థానంలో పర్గత్‌ సింగ్‌ ఎందుకు?వారింగ్‌ స్థానంలో పర్గత్‌ సింగ్‌ను ఎంపిక చేయడం కూడా ప్రాధాన్యం సంతరించుకుంది. పర్గత్‌ సింగ్‌ మాజీ భారత హాకీ కెప్టెన్‌, ఒలింపియన్‌. 2012 నుంచి జలంధర్‌ కాంట్‌ నియోజకవర్గానికి ఎమ్మెల్యేగా కొనసాగుతున్నారు. చరణ్‌జిత్‌ సింగ్‌ చన్నీ ముఖ్యమంత్రిగా ఉన్న సమయంలో ఆయన మంత్రిగా కూడా పనిచేశారు. అందుకే పర్గత్‌ నియామకాన్ని వారింగ్‌కు వ్యతిరేకంగా ఉన్న వర్గానికి అనుకూల పరిణామంగా కొందరు చూస్తున్నారు. అయితే ఆయనకు సొంత రాజకీయ అనుభవం కూడా ఉంది. ఇప్పుడు కొత్త పీసీసీ అధ్యక్షుడిగా ఆయన ముందున్న ప్రధాన సవాలు.. పార్టీలోని వివిధ వర్గాలను ఒకే తాటిపైకి తీసుకురావడం.చన్నీ పరిస్థితి ఏంటి?చన్నీ పంజాబ్‌ కాంగ్రెస్‌లో కీలక నేతగా కొనసాగుతున్నారు. జూలైలో ఆయనకు పార్టీ ప్రచార కమిటీ బాధ్యతలు అప్పగించారు. మరోవైపు వారింగ్‌ అధ్యక్షుడిగా కొనసాగినంత కాలం చన్నీ వర్గంలో అసంతృప్తి ఉన్నట్లు రాజకీయ వర్గాల్లో చర్చ జరిగింది. ఇప్పుడు వారింగ్‌ వెళ్లిపోవడం, ఆయన స్థానంలో పర్గత్‌ సింగ్‌ రావడంతో చన్నీ ప్రభావంపై చర్చ మళ్లీ మొదలైంది. కొత్త అధ్యక్షుడి నియామకాన్ని చన్నీ స్వాగతించారు. కాంగ్రెస్‌ అధ్యక్షుడు మల్లికార్జున ఖర్గే, రాహుల్‌ గాంధీ, సచిన్‌ పైలట్‌ సహా అధిష్ఠానానికి ఆయన కృతజ్ఞతలు తెలిపారు.పైలట్‌ పాత్రపై ఎందుకింత చర్చ?పంజాబ్‌ కాంగ్రెస్‌ వ్యవహారాల ఇన్‌చార్జ్‌గా సచిన్‌ పైలట్‌ నియమితులై కొన్ని వారాలే అవుతోంది. ఆయన రాక తర్వాతే అధ్యక్షుడి మార్పు జరగడంతో వారింగ్‌ చేసిన వ్యాఖ్యలు ప్రాధాన్యం సంతరించుకున్నాయి. ఇక పార్టీ సీనియర్‌ నేత సుఖ్‌జిందర్‌ సింగ్‌ రంధావా.. వారింగ్‌, తాను సహా పలువురు నేతలు రాష్ట్ర కాంగ్రెస్‌లో ఇలాంటి పరిస్థితులు ఏర్పడటానికి కారణమయ్యామని వ్యాఖ్యానించారు. ముందుంది మహా సంగ్రామంపంజాబ్‌లో 2027 ప్రారంభంలో అసెంబ్లీ ఎన్నికలు జరగనున్నాయి. ప్రస్తుతం భగవంత్‌ మాన్‌ నేతృత్వంలోని ఆమ్‌ ఆద్మీ పార్టీ ప్రభుత్వం అధికారంలో ఉంది. ఈ నేపథ్యంలో కాంగ్రెస్‌ తన సంస్థాగత వ్యవస్థను ఎన్నికలకు సిద్ధం చేసుకోవాల్సి ఉంది. కాంగ్రెస్‌ ఇప్పటికే ఎన్నికలను సామూహిక నాయకత్వంతో ఎదుర్కొంటామని, ముందుగానే ముఖ్యమంత్రి అభ్యర్థిని ప్రకటించబోమని సంకేతాలు ఇచ్చింది. ఇప్పుడు పర్గత్‌ సింగ్‌ బాధ్యతలు చేపట్టడంతో వారింగ్‌, చన్నీ వర్గాలతో పాటు ఇతర నేతలను కూడా సమన్వయం చేసుకుని పార్టీని ఎన్నికల దిశగా నడిపించడం ఆయన ముందున్న పని.మొత్తానికి.. వారింగ్‌ రాజీనామాతో పంజాబ్‌ కాంగ్రెస్‌లో ఒక అధ్యాయం ముగిసింది. పర్గత్‌ సింగ్‌ నియామకంతో మరో అధ్యాయం మొదలైంది. “చన్నీ సాహెబ్‌ గెలిచారు” అన్న వారింగ్‌ వ్యాఖ్య ఇప్పుడు చర్చగా మారినా.. అసలు ఫలితం తేలేది మాత్రం ముందున్న రాజకీయ పరీక్షలోనే. వర్గ విభేదాలను పక్కనపెట్టి నేతలందరినీ ఒక్కతాటిపైకి తీసుకురావడం పర్గత్‌ సింగ్‌కు ఇప్పుడు కీలక సవాలు.ఇదీ చదవండి: మోదీకి వచ్చిన కానుకలు మీ సొంతం చేసుకునే చాన్స్‌!

న్యూఢిల్లీ: కీలకమైన ఉత్తరప్రదేశ్, పంజాబ్‌ల అసెంబ్లీలకు మరికొద్ది నెలల్లో ఎన్నికలు జరగనున్న రెండు రాష్ట్రాల పార్టీ సారథులను కాంగ్రెస్‌ అధిష్టానం మార్చివేసింది. యూపీ నూతన సార««థిగా ప్రస్తుతం సీఎల్‌పీ నేతగా ఉన్న ఆరాధనా మిశ్రా మోనాను నియమించింది. ఈమె పారీ్టకి చెందిన రాజ్యసభ ఎంపీ ప్రమోద్‌ తివారీ కుమార్తె కావడం గమనార్హం. యూపీసీసీ అధ్యక్షుడిగా అజయ్‌ రాయ్‌ 2023 నుంచి కొనసాగుతున్నారు. సీఎల్‌పీ నేతగా నూతనంగా చౌదరి వీరేంద్ర సింగ్‌ను, వర్కింగ్‌ ప్రెసిడెంట్‌గా ఇమ్రాన్‌ మసూద్‌ను నియమించింది. వీరితోపాటు యూపీసీసీ సీనియర్‌ ఉపాధ్యక్షులుగా దేవీందర్‌ నిషాద్, అలోక్‌ ప్రసాద్‌లకు బాధ్యతలప్పగించింది. తాజా నియామకాల ద్వారా బ్రాహ్మణ, ముస్లిం, దళిత వర్గాల సామాజిక సమీకరణాలను సంతృప్తి పరిచేందుకు కాంగ్రెస్‌ అధిష్టానం యతి్నంచింది. మోనా నియామకం ద్వారా పార్టీకి మహిళల పరంగా మైలేజీ పెరుగుతుందని పార్టీ ఆశాభావంతో ఉంది. రానున్న ఎన్నికల్లో సమాజ్‌వాదీ పారీ్టతో జరిగే అవకాశమున్న సీట్ల పంపిణీ విష యంలో బేరసారాలకు అవకాశమేర్పడుతుందని భావిస్తోంది. హాకీ మాజీ సారథికి పంజాబ్‌ బాధ్యతలు పంజాబ్‌ కాంగ్రెస్‌ అధ్యక్ష బాధ్యతలను భారత హాకీ జట్టు మాజీ కెప్టెన్‌ పర్గత్‌ సింగ్‌కు అప్పగించింది. ప్రస్తుతం అధ్యక్షుడిగా ఉన్న అమరీందర్‌ సింగ్‌ వారియర్‌ గురువారం పదవికి రాజీనామా చేశారు. దీంతో, ఆయన స్థానంలో పర్గత్‌ సింగ్‌ను కాంగ్రెస్‌ అధిష్టానం నియమించింది. ఈ నియామకాలు తక్షణమే అమల్లోకి వస్తాయని కాంగ్రెస్‌ చీఫ్‌ మల్లికార్జున ఖర్గే తెలిపారు. ఎన్నికల నేపథ్యంలో పంజాబ్‌లో ఇటీవల ఏర్పాటు చేసిన కమిటీలన్నీ యథా ప్రకారం కొనసాగుతాయని స్పష్టం చేశారు. వారియర్‌ పంజాబ్‌ కాంగ్రెస్‌ చీఫ్‌గా 2022 నుంచి కొనసాగుతున్నారు. ఇటీవల ఆయన్ను కొనసాగిస్తూ అధిష్టానం తీసుకున్న నిర్ణయంపై అసమ్మతి పెల్లుబుకడం తెల్సిందే. ఎన్నికల వేళ తీవ్ర రూపం దాలి్చన అంతర్గత కలహాలు అధిష్టానానికి తలనొప్పిగా తయారయ్యాయి.

సాక్షి, హైదరాబాద్‌: గవర్నర్‌ కోటాలో పెద్దల సభకు ఎవరిని పంపాలన్న దానిపై కసరత్తు మొదలయింది. త్వరలో ఖాళీ కానున్న మూడు గవర్నర్‌ కోటా ఎమ్మెల్సీలను నామినేట్‌ చేసే ప్రక్రియ నవంబర్‌ 15వ తేదీ కల్లా పూర్తయి గవర్నర్‌ ఆమోదం కూడా పొందాల్సి ఉండడంతో వీలున్నంత త్వరగా ఈ అభ్యర్థిత్వాలు ఖరారయ్యే అవకాశాలు కనిపిస్తున్నాయి. కాగా సామాజిక సమీకరణలను ప్రాతిపదికగా తీసుకుని ఈ అభ్యర్థిత్వాలను ఖరారు చేయాలని ప్రభుత్వ పెద్దలు యోచిస్తున్నట్టు తెలుస్తోంది.రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత ఇప్పటివరకు మండలికి పంపని సామాజిక వర్గాలపై ప్రత్యేకంగా దృష్టి పెట్టాలని, వీలును బట్టి మూడింటిలో రెండు బీసీలకు, ఒకటి ఎస్సీలకు లేదంటే ఎస్సీ, బీసీ, ఓసీలకు ఒక్కొక్కటి చొప్పున కేటాయించే ఆలోచనలో ఉన్నట్టు సమాచారం. అనూహ్యంగా మూడు స్థానాలూ బీసీ వర్గాలకు కేటాయించినా ఆశ్చర్యం లేదని పార్టీ వర్గాలు చెబుతున్నాయి.రాష్ట్రంలో కాంగ్రెస్‌ అధికారం చేపట్టిన తర్వాత మాల, లంబాడీ, ముస్లిం, గౌడ్, ఎంబీసీ, వెలమ సామాజిక వర్గాలకు చెందిన నేతలకు ఎమ్మెల్సీలుగా అవకాశం లభించింది. దీంతో ఈ దఫా ఆ వర్గాలు కాకుండా మిగిలిన వర్గాల నుంచి గవర్నర్‌ కోటా ఎమ్మెల్సీలను ఎంపిక చేసే అవకాశాలు ఎక్కువగా కనిపిస్తున్నాయి. ముఖ్యంగా వెనుకబడిన వర్గాల నేతలకు ప్రాధాన్యమిస్తారని తెలుస్తోంది. సమీకరణలను బట్టి రెండు, లేదంటే మూడింటికి మూడు స్థానాలూ ఈ వర్గాలకు కేటాయించే అవకాశం ఉందని సమాచారం. యాదవ సామాజిక వర్గం నుంచి.. బీసీల్లోని ప్రధాన సామాజికవర్గమైన పద్మశాలీలను ఈసారి పెద్దల సభకు పంపుతామని ఇటీవల సీఎం రేవంత్‌రెడ్డి ప్రకటించిన నేపథ్యంలో ఈ వర్గానికి ఒక స్థానం దక్కడం ఖాయంగా కనిపిస్తోంది. ఈ సామాజిక వర్గం నుంచి ఆచార్య కొండా లక్ష్మణ్‌ బాపూజీ కుమార్తె డాక్టర్‌ పవిత్ర వాణి పేరు ప్రముఖంగా వినిపిస్తోంది. ఆమెతో పాటు పున్నా కైలాశ్‌ నేత, ఈరవత్రి అనిల్, సంగీతం శ్రీనివాస్, సంగిశెట్టి జగదీశ్వరరావుల పేర్లు కూడా పరిశీలనలో ఉన్నట్టు తెలుస్తోంది. ఇక యాదవ సామాజిక వర్గానికి గత మూడేళ్ల కాలంలో రాజకీయ పదవుల్లో పెద్దగా ప్రాధాన్యం దక్కలేదు. ఈ కోణంలో టీపీసీసీ అధికార ప్రతినిధి డాక్టర్‌ లోకేశ్‌యాదవ్, టీజీఎల్‌డీసీ చైర్మన్‌ డాక్టర్‌ చరణ్‌కౌశిక్‌ యాదవ్‌లతో పాటు మాజీ ఎంపీ అంజన్‌కుమార్‌ యాదవ్, తోటకూర వజ్రేశ్‌ యాదవ్‌ల పేర్లు పరిగణనలోకి తీసుకోనున్నట్టు తెలుస్తోంది. దానంను ఏం చేద్దాం? బీసీల్లో మరో ప్రధాన వర్గమైన మున్నూరు కాపులకు ఈసారి ప్రాధాన్యత లభించే అవకాశం ఎక్కువగానే ఉన్నట్టు సమాచారం. ఈ కోటాలో మాజీ మంత్రి దానం నాగేందర్‌తో పాటు డాక్టర్‌ పుంజాల వినయ్‌కుమార్, సత్తు మల్లేశం, జి.నిరంజన్‌ల పేర్లు వినిపిస్తున్నాయి. అయితే ఖైరతాబాద్‌ ఉప ఎన్నిక ఇప్పట్లో వచ్చే అవకాశముందా లేదా అన్నదాన్ని పరిగణనలోకి తీసుకుని దానంను గవర్నర్‌ కోటాలో నామినేట్‌ చేయాలా లేదా ఎమ్మెల్యే కోటాలో మండలికి పంపి మంత్రిని చేయాలా? లేదంటే ఉప ఎన్నికల్లో కాంగ్రెస్‌ పార్టీ అభ్యర్థిగా బరిలోకి దింపాలా అన్న దానిపై ఇంకా నిర్ణయం తీసుకోవాల్సి ఉంది.ముదిరాజ్‌ సామాజిక వర్గం నుంచి మహిళా కాంగ్రెస్‌ మాజీ అధ్యక్షురాలు ఎం.సునీతా ముదిరాజ్‌ పేరు కూడా వినినిస్తుండగా వచ్చే నెలలో పదవీకాలం పూర్తి కానున్న ఎమ్మెల్సీ బస్వరాజు సారయ్య (ఎంబీసీ) అభ్యర్థిత్వాన్ని రెన్యువల్‌ చేసే అంశమూ ప్రభుత్వ పెద్దల పరిశీలనలో ఉన్నట్టు తెలుస్తోంది. మొత్తం మీద ఇతర బీసీ వర్గాల నుంచి కూడా వీలున్నన్ని పేర్లను పరిశీలించి ఈసారి గవర్నర్‌ కోటాలో కనీసం ఇద్దరు బీసీ నేతలను మండలికి పంపేందుకు ప్రభుత్వ పెద్దలు కసరత్తు చేస్తున్నారనే చర్చ జరుగుతోంది. ఎస్సీల్లో మాదిగలకు ప్రాధాన్యం! బీసీలతో పాటు ఎస్సీలకు కూడా ఈసారి అవకాశం లభించే అవకాశాలు కనిపిస్తున్నాయి. రెండు స్థానాలు బీసీలకు ఇచ్చినా, ఒకటి ఎస్సీలకు ఇవ్వాలని, అందులోనూ మాదిగ సామాజిక వర్గానికి ప్రాధాన్యం ఇవ్వాలనే యోచనలో సీఎం రేవంత్‌ ఉన్నారనే చర్చ జరుగుతోంది. ఈ సామాజిక వర్గం నుంచి ఎస్‌.సంపత్‌ కుమార్, దొమ్మాటి సాంబయ్య, నమిళ్ల శ్రీనివాస్, కొండ్రు పుష్పలీల, చారకొండ వెంకటేశ్, ప్రీతం, సింగాపురం ఇందిర, వక్కలగడ్డ చంద్రశేఖర్‌ల పేర్లు వినిపిస్తున్నాయి. ఎస్సీల్లోనే మాల సామాజిక వర్గానికి ఇవ్వాలనుకుంటే డాక్టర్‌ జె.గీతారెడ్డి, సంభాని చంద్రశేఖర్, కోటూరి మానవతారాయ్‌ల పేర్లను పరిశీలించే అవకాశాలున్నాయి.ఇక బీసీ, ఎస్సీలతో పాటు ఓసీలకు కూడా అవకాశం ఇవ్వాల్సి వస్తే కమ్మ, బ్రాహ్మణ సామాజికవర్గాల నేతల పేర్లను పరిగణనలోకి తీసుకోనున్నారు. ఈ కోటాలో జెట్టి కుసుమకుమార్‌ (కమ్మ), హర్కర వేణుగోపాల్‌రావు, దయాసాగర్‌రావు (బ్రాహ్మణ)ల పేర్లు వినిపిస్తున్నాయి. హైలైట్‌ కోసం.. మొదటి పేరాలో.. రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత ఇప్పటివరకు మండలికి పంపని సామాజిక వర్గాలపై ప్రత్యేకంగా దృష్టి పెట్టాలని, వీలును బట్టి మూడింటిలో రెండు బీసీలకు, ఒకటి ఎస్సీలకు లేదంటే ఎస్సీ, బీసీ, ఓసీలకు ఒక్కొక్కటి చొప్పున కేటాయించే ఆలోచనలో ఉన్నట్టు సమాచారం. దానంను ఏం చేద్దాం పేరాలో.. దానంను గవర్నర్‌ కోటాలో నామినేట్‌ చేయాలా లేదా ఎమ్మెల్యే కోటాలో మండలికి పంపి మంత్రిని చేయాలా? లేదంటే ఉప ఎన్నికల్లో కాంగ్రెస్‌ పార్టీ అభ్యర్థిగా బరిలోకి దింపాలా అన్న దానిపై ఇంకా నిర్ణయం తీసుకోవాల్సి ఉంది. ఎస్సీల్లో మాదిగలకు ప్రాధాన్యం పేరాలో.. రెండు స్థానాలు బీసీలకు ఇచ్చినా, ఒకటి ఎస్సీలకు ఇవ్వాలని, అందులోనూ మాదిగ సామాజిక వర్గానికి ప్రాధాన్యం ఇవ్వాలనే యోచనలో సీఎం రేవంత్‌ ఉన్నారనే చర్చ జరుగుతోంది.

నగావ్ లోక్‌‌సభ ఉపఎన్నిక నేపథ్యంలో ‘బిర్యానీ’ వివాదం ఇద్దరు నేతల మద్య మరింత ముదురుతోంది. బిర్యానీ, బిస్కెట్ల తర్వాత ఇపుడు ఎండు చేపలు కూడా అభ్యర్థుల తరపున రంగంలోకి దిగాయి. ముఖ్యంగా బిర్యానీ తింటూ ఎంజాయ్‌ చేసేందుకే దేవుడు తనను ఈ భూమిపైకి పంపించాడంటూ కాంగ్రెస్‌ ఎంపీ రకీబుల్‌ హుస్సేన్‌ చేసిన వ్యాఖ్యలపై అసోం ముఖ్యమంత్రి హిమంత బిశ్వ శర్మ ఘాటుగా స్పందించారు. బిర్యానీ తినేందుకు పుట్టిన వాళ్లంతా మనుషులు కారు.. జంతువులేనంటూ ప్రతి వ్యాఖ్యలు చేశారు.రాష్ట్రంలోని నగావ్‌ లోక్‌సభ సీటుకు ఈ నెల 6వ తేదీన ఉప ఎన్నిక జరగనుంది. ఎన్నికల ప్రచారంలో చురుగ్గా పాల్గొంటున్న ఇరువురు నేతలు మధ్య జరుగుతున్న మాటల తూటాలు పేలుతున్నాయి. గురువారం సీఎం శర్మ నగావ్‌లోని జురియా ఎన్నికల ప్రచార సభలో మాట్లాడుతూ "పుట్టిన తర్వాత పసిబిడ్డ తల్లి పాలు తాగుతుందా లేక బిర్యానీ తింటుందా? మొదటి వర్గానికి చెందినవారు మనుషులు, రెండో వర్గానికి చెందినవారు మృగాలు,"అంటూ ఎద్దేవా చేశారు. అంతకుముందు శర్మ, హిందూ పౌరాణిక గాథలలో ఆకలికి పెట్టింది పేరైన ‘బకాసురుడు’తో హుస్సేన్‌ను పోల్చారు. ప్రభుత్వ పథకాల కోసం కేటాయించిన నిధులను ఆయన దుర్వినియోగం చేస్తున్నారని ఆరోపించారు. ఈ విమర్శలకు స్పందించిన ఎంపీ హుస్సేన్‌, ‘అవును నేను పుట్టిందే బిర్యానీ తినేందుకు..’అంటూ సమాధానమిచ్చారు. మరోవైపు తన ప్రచార కార్యక్రమాలలో ఒకదానిలో, ఆల్ ఇండియా యునైటెడ్ డెమోక్రటిక్ ఫ్రంట్ (AIUDF) అధినేత మహమ్మద్ బద్రుద్దీన్ అజ్మల్ కాంగ్రెస్ ఎంపీ రకీబుల్ హుస్సేన్‌ను పిచ్చోడు అంటూ వ్యాఖ్యానించారు. అంతేకాదు బిర్యానీ కాదు, ఎండిన చేపలు తింటూ పుట్టారంటూ పరోక్షంగా ఆయన బెంగాలీ అన్నట్టుగా వ్యంగ్యాస్త్రాలు సంధించారు. కాగా ముస్లింలు అధికంగా ఉన్న ఈ నియోజకవర్గానికి ఉప ఎన్నిక అక్టోబర్ 6న జరగనుంది. 2024లో ప్రద్యుత్ బోర్డోలోయ్ వరుసగా రెండోసారి ఈ స్థానాన్ని గెలుచుకున్నారు, కానీ ఏప్రిల్ 2026లో భారతీయ జనతా పార్టీ (బీజేపీ) అభ్యర్థిగా దిస్పూర్ అసెంబ్లీ నియోజకవర్గం నుండి పోటీ చేసి గెలవడానికి కాంగ్రెస్‌కు రాజీనామా చేశారు, దీంతో ఈ ఉప ఎన్నిక అనివార్యమైంది.1999 నుండి 2014 వరకు నాగ్‌గావ్ లోక్‌సభ నియోజకవర్గం కాంగ్రెస్ కంచుకోటగా ఉండేది. ఆతరువాత రాజెన్ గోహైన్ వరుసగా నాలుగుసార్లు బీజేపీ తరపున గెలిచారు. 2019 - 2024 ఎన్నికల్లో కాంగ్రెస్ దీనిని తిరిగి తన ఆధీనంలోకి తెచ్చుకుంది. ప్రస్తుతం ఈ నియోజకవర్గంలో బీజేపీ మాజీ అధికారి దేవాశిష్ శర్మను అభ్యర్థిగా బరిలోకి దింపింది. కాంగ్రెస్ మాజీ ఎమ్మెల్యే శిబమోని బోరా , AIUDFకి చెందిన అజ్మల్ ఆయనకు ప్రధాన ప్రత్యర్థులుగా ఉన్నారు.ఈ నియోజకవర్గంలో తొమ్మిది మంది స్వతంత్ర అభ్యర్థులతో సహా మొత్తం 12 మంది ఇతర అభ్యర్థులు పోటీలో ఉన్నారు. ప్రచార సమయంలో బీజేపీ, కాంగ్రెస్ నాయకులు కేవలం రాజకీయ విమర్శలతో పాటు వ్యక్తిగత దూషణలకు కూడా దిగుతుండటంతో, ఇరువర్గాల మధ్య మాటల యుద్ధం తారస్థాయికి చేరాయి.

సాక్షి, హైదరాబాద్‌: ’’దానం నాగేందర్ ఎన్నికల చెల్లకపోతే నన్నే ఎమ్మెల్యేగా ప్రకటించే అవకాశం ఉంది’’ అని కాంగ్రెస్‌ నాయకురాలు విజయారెడ్డి కీలక వ్యాఖ్యలు చేశారు. శుక్రవారం ఆమె సాక్షి మీడియా మాట్లాడుతూ.. దానం నాగేందర్‌పై అసెంబ్లీ ఎన్నికలు పూర్తయిన 45 రోజుల లోపే ఎన్నికల పిటిషన్ వేశానని.. కోర్టుపై నాకు పూర్తి నమ్మకముందన్నారు.’’దానం నాగేందర్ ఎన్నికల చెల్లకపోతే నన్నే ఎమ్మెల్యేగా ప్రకటించే అవకాశముంది. నా వాదనను కోర్టు అంగీకరిస్తుందని భావిస్తున్నాను. ఎన్నికల పిటిషన్‌పై తీర్పు రాకుండా ఉప ఎన్నికలు చేయకూడదని సుప్రీం కోర్టు తీర్పు ఉంది. నా పిటిషన్ పక్కన పెడితే కారణాలు ఏంటని మళ్ళీ కోర్టుకు వెళ్తాను. ఉప ఎన్నిక వస్తే అధిష్టానం ఏం చేస్తుందో చూడాలి. మాది జాతీయ పార్టీ... అభ్యర్థి ఎవరనేది అధిష్టానం డిసైడ్ చేస్తుంది’’ అని విజయారెడ్డి పేర్కొన్నారు.ఇదీ చదవండి: ‘దానం వికెట్‌ పడింది.. రెండో వికెట్‌ ఎవరంటే..?’ఏం జరుగుతుందో?ఖైరతాబాద్‌ అసెంబ్లీ స్థానానికి ఉప ఎన్నిక నిర్వహణకు బ్రేక్‌ పడనుంది. తాను దాఖలు చేసిన ఎన్నికల పిటిషన్‌ తేలే వరకు ఉప ఎన్నిక నోటిఫికేషన్‌ ఇవ్వొద్దని 2023 ఎన్నికల నాటి కాంగ్రెస్‌ అభ్యర్థి విజయారెడ్డి హైకోర్టును ఆశ్రయించారు. ఈ పిటిషన్‌పై విచారణ ఇంకా పెండింగ్‌లో ఉంది. ఈ పిటిషన్‌పై తుది తీర్పు వెలువడే వరకు ఉప ఎన్నిక ఆపేలా ఎన్నికల సంఘాన్ని ఆదేశించాలని ఆమె కోరారు. ఎన్నికల నిర్వహణకు న్యాయపరమైన చిక్కులు ఉన్నాయని ఈసీ కూడా అంగీకరించడంతో ఉప ఎన్నిక ఇప్పట్లో జరిగే అవకాశం కనిపించడంలేదని నిపుణులు అంటున్నారు.2023 అసెంబ్లీ ఎన్నికల్లో కాంగ్రెస్‌ అభ్యర్థిగా విజయారెడ్డి, బీఆర్‌ఎస్‌ అభ్యర్థి దానం నాగేందర్‌పై పోటీ చేశారు. ఈ ఎన్నికల్లో దానం విజయం సాధించారు. అనంతరం ఎన్నికల అఫిడవిట్‌లో భార్యతోపాటు తనపై ఆధారపడిన వారి ఆస్తుల వివరాలను పూర్తిగా వెల్లడించలేదని, ఓటర్లను ప్రలోభపెట్టేందుకు నగదు పంపిణీ చేశారని ఆరోపిస్తూ విజయారెడ్డి 2024, జనవరి 20న ఎన్నికల పిటిషన్‌ దాఖలు చేశారు. విచారణ చేపట్టిన జస్టిస్‌ బి.విజయ్‌సేన్‌రెడ్డి ధర్మాసనం.. నాగేందర్‌కు నోటీసులు కూడా జారీ చేసింది. ఈ పిటిషన్‌ 2024, డిసెంబర్‌ తర్వాత విచారణకు రాలేదు.నాగేందర్‌పై ఇటీవల వచ్చిన అనర్హత తీర్పు, విజయారెడ్డి దాఖలు చేసిన ఎన్నికల పిటిషన్‌ వేర్వేరు న్యాయ ప్రక్రియలు. పార్టీ ఫిరాయింపుల నేపథ్యంలో నాగేందర్‌ ఎమ్మెల్యేగా కొనసాగడానికి అనర్హుడని ఓ కేసులో తేలింది. హైకోర్టు సెప్టెంబర్ 18న నాగేందర్‌ను అనర్హుడిగా ప్రకటించగా, సుప్రీంకోర్టులోనూ ఆయనకు ఉపశమనం లభించలేదు. అనంతరం ఖైరతాబాద్‌ స్థానం ఖాళీ అయినట్లు శాసనసభ కార్యదర్శి సెప్టెంబర్‌ 26న గెజిట్‌ నోటిఫికేషన్‌ జారీ చేశారు.దీంతో ఉపఎన్నికకు మార్గం సుగమమైందని అంతా భావించారు. ఈ నేపథ్యంలో తాజా పిటిషన్‌తో ఉప ఎన్నికపై సందిగ్ధత ఏర్పడింది. మరోవైపు, 2023లో ఆయన సాధించిన ఎన్నిక చట్టబద్ధంగా జరిగిందా? లేదా? అన్నది ఎన్నికల పిటిషన్‌లో తేలాల్సి ఉంది. ఈ రెండు అంశాలపై సుప్రీంకోర్టు, హైకోర్టు గత తీర్పులు ఏమిచ్చాయో పరిశీలించాల్సి ఉంది. ఎన్నికల సంఘం వర్సెస్‌ తెలంగాణ రాష్ట్ర సమితి (టీఆర్‌ఎస్‌) కేసులో.. ఎన్నికల పిటిషన్‌ పెండింగ్‌లో ఉన్న సందర్భంలో ఖాళీ అయిన అసెంబ్లీ స్థానానికి ఉప ఎన్నిక నిర్వహణకు సంబంధించిన అంశాన్ని కోర్టు పరిశీలించింది. ప్రజాప్రాతినిధ్య చట్టంలోని సెక్షన్‌ 151ఏ ప్రకారం సాధారణంగా ఖాళీ అయిన స్థానానికి ఆరు నెలల్లోపు ఉప ఎన్నిక నిర్వహించాల్సి ఉన్నా, ఎన్నికను సవాల్‌ చేస్తూ దాఖలైన ఎన్నికల పిటిషన్‌ ఇంకా తుది పరిష్కారం కాకపోతే ఆ ఖాళీని వెంటనే భర్తీ చేయడానికి అందుబాటులో ఉన్న ఖాళీ (క్యాజువల్‌ వేకెన్సీ)గా పరిగణించలేమని పేర్కొంది.ఎన్నికల పిటిషన్‌లో గెలిచిన అభ్యర్థి ఎన్నికను రద్దు చేయాలని మాత్రమే కాకుండా, పిటిషనర్‌ లేదా మరో అభ్యరి్థని విజేతగా ప్రకటించాలని కూడా కోరితే.. ఈ పిటిషన్‌ పెండింగ్‌లో ఉండగా.. అదే స్థానానికి ఉపఎన్నిక నిర్వహిస్తే, ఒకే నియోజకవర్గానికి ఇద్దరు వ్యక్తులు ఎన్నికయ్యే పరిస్థితి ఉత్పన్నమవ్వొచ్చని పేర్కొంది. అందువల్ల అటువంటి పిటిషన్‌ పెండింగ్‌లో ఉన్న స్థానాన్ని సాధారణ ఖాళీగా పరిగణించి ఉపఎన్నిక నిర్వహించలేమనే న్యాయ సూత్రాన్ని స్పష్టం చేసింది. ప్రమోద్‌ లక్ష్మణ్‌ గుడాధే వర్సెస్‌ ఎన్నికల సంఘం కేసులోనూ ఇదే న్యాయ సూత్రాన్ని ప్రస్తావించింది.ఖైరతాబాద్‌ వ్యవహారంలోనూ ఇది కీలకంగా మారనుంది. విజయారెడ్డి దాఖలు చేసిన ఎన్నికల పిటిషన్‌లో దానం ఎన్నికను రద్దు చేయడంతోపాటు తనను శాసనసభ్యురాలిగా ప్రకటించాలని కోరారు. సుప్రీంకోర్టు నిర్దేశించిన న్యాయ సూత్రాన్ని ఇక్కడ కూడా వర్తింపజేసే అంశాన్ని పరిశీలించాల్సి ఉంటుందని న్యాయ నిపుణులు చెబుతున్నారు. సుప్రీంకోర్టు తీర్పుల్లో చర్చించిన అంశాలు, ప్రస్తుత ఖైరతాబాద్‌ స్థానంలో ఖాళీ ఏర్పడిన విధానం, విజయారెడ్డి పాత ఎన్నికల పిటిషన్‌.. అన్ని అంశాలను హైకోర్టు విడిగా పరిశీలించాల్సి ఉంటుందని అంటున్నారు.ప్రస్తుతం ఖైరతాబాద్‌ స్థానాన్ని ఖాళీగా ప్రకటించినందున ఉపఎన్నిక నిర్వహణకు ఎన్నికల సంఘం చర్యలు తీసుకోవాల్సి ఉన్నా.. విజయారెడ్డి తాజా పిటిషన్‌ నేపథ్యంలో ఎన్నికలు నిలిచినట్లేనని చెబుతున్నారు. కాగా, రిట్‌ పిటిషన్‌ విచారణ తర్వాత సీజే ధర్మాసనం ఏ తీర్పునిస్తుందా అనేది తీవ్ర ఉత్కంఠగా మారింది.

తిరువనంతపురం: కేరళలో కాంగ్రెస్‌ నేతృత్వంలోని యునైటెడ్‌ డెమోక్రటిక్‌ ఫ్రంట్‌ (యూడీఎఫ్‌) ప్రభుత్వం కొలువుదీరి నాలుగు నెలలు కూడా పూర్తికాకముందే అంతర్గత విభేదాలు బయటపడ్డాయి. ముఖ్యమంత్రి వీడీ సతీశన్‌ వ్యవహార శైలిపై సీనియర్‌ కాంగ్రెస్‌ నేత, యూడీఎఫ్‌ కన్వీనర్‌, లోక్‌సభ ఎంపీ అడూర్‌ ప్రకాశ్‌ బహిరంగంగా అసంతృప్తి వ్యక్తం చేశారు. కీలక నిర్ణయాలు తీసుకునే ముందు కూటమి భాగస్వాములతో సంప్రదింపులు జరపడం లేదని ఆయన ఆరోపించారు.ఇదే సమయంలో ఇటీవల జరిగిన స్థానిక సంస్థల ఉపఎన్నికల ఫలితాలను కూడా ప్రకాశ్‌ ప్రస్తావించారు. 38 వార్డులకు జరిగిన ఉపఎన్నికల్లో యూడీఎఫ్‌ 18 స్థానాలను గెలుచుకుందని, కొన్ని ప్రాంతాల్లో ఆశించిన స్థాయిలో ఫలితాలు రాలేదని చెప్పారు. దీనిపై కూటమిలో చర్చ అవసరమని పేర్కొన్నారు. అయితే, యూడీఎఫ్‌ సమావేశాలు కూడా కొంతకాలంగా జరగడం లేదని, ముఖ్యమైన విషయాలను తాను మీడియా ద్వారానే తెలుసుకోవాల్సి వస్తోందని అన్నారు. ఈ అంశాలను కాంగ్రెస్‌ అధిష్ఠానం దృష్టికి తీసుకెళ్తానని ప్రకాశ్‌ స్పష్టం చేశారు. తిరువనంతపురంలోని కేపీసీసీ కార్యాలయంలో విలేకరుల సమావేశంలో ఆయన ఈ వ్యాఖ్యలు చేశారు. ముఖ్యమంత్రి, కాంగ్రెస్‌ పార్టీ సంస్థాగత వ్యవస్థ, కూటమి భాగస్వాముల మధ్య సమన్వయం లోపించడం తీవ్రమైన సమస్యగా మారిందని పేర్కొన్నారు. యూడీఎఫ్‌ చైర్మన్‌గా ఉన్న సీఎం సతీశనే సమావేశాన్ని ఏర్పాటు చేసేందుకు చొరవ తీసుకోవాల్సి ఉందన్నారు.పదవుల ఎంపికపై.. ఇటీవల ఐయూఎంఎల్‌ నేత ఎంకే మునీర్‌ను అడ్మినిస్ట్రేటివ్‌ రిఫార్మ్స్‌ కమిషన్‌ చైర్మన్‌గా, ఫార్వర్డ్‌ బ్లాక్‌ నేత జీ దేవరాజన్‌ను ఢిల్లీలో కేరళ ప్రత్యేక ప్రతినిధిగా కేబినెట్‌ హోదాలో నియమించనున్నారన్న వార్తలపై కూడా ప్రకాశ్‌ స్పందించారు. ఈ నియామకాలపై యూడీఎఫ్‌లో చర్చ జరగలేదని, తనకు ఎలాంటి సమాచారం అందలేదని అన్నారు. అయితే ఆయా పదవులకు ఎంపికైన వ్యక్తులు అర్హులు కాదని తాను చెప్పడం లేదని స్పష్టం చేశారు. నిర్ణయం తీసుకునే విధానంపైనే తన అభ్యంతరమని తెలిపారు. ఇదిలా ఉండగా.. యూడీఎఫ్‌ సమన్వయ కమిటీ చివరిసారిగా జూలై 30న సమావేశమైనట్లు సమాచారం. కూటమి సమావేశాలను క్రమం తప్పకుండా నిర్వహించి, విధానపరమైన అంశాలపై విస్తృతంగా చర్చించాలనే అవగాహన ఉన్నప్పటికీ అది అమల్లోకి రాలేదని సంబంధిత వర్గాలు తెలిపాయి.యూడీఎఫ్‌లో కలకలం.. అలాగే సతీశన్‌ చార్టర్డ్‌ విమానంలో మలప్పురం వెళ్లిన వ్యవహారంపైనా ప్రకాశ్‌ స్పందించారు. ఈ అంశంపై ప్రజల్లో తలెత్తిన సందేహాలకు ముఖ్యమంత్రి వివరణ ఇవ్వాల్సిన బాధ్యత ఉందన్నారు. తన వ్యాఖ్యలు సీఎం సతీశన్‌పై వ్యక్తిగత విమర్శలు కాదని, యూడీఎఫ్‌ కన్వీనర్‌గా తన బాధ్యతల్లో భాగంగానే మాట్లాడుతున్నానని ప్రకాశ్‌ స్పష్టం చేశారు. మరోవైపు కాంగ్రెస్‌ సీనియర్‌ నేతలు ఈ వ్యవహారాన్ని పార్టీ, కూటమి వేదికల్లోనే చర్చించాలని సూచించారు. ప్రకాశ్‌ వ్యాఖ్యలతో కేరళలో కొత్తగా ఏర్పడిన యూడీఎఫ్‌ ప్రభుత్వంలో కీలక నిర్ణయాలపై భాగస్వామ్య పక్షాలతో సంప్రదింపులు, కూటమి సమన్వయం అంశాలు చర్చనీయాంశంగా మారాయి.ఇదీ చదవండి: ఢిల్లీలో హైటెన్షన్‌.. ఇంటర్నెట్‌ బంద్‌

ఉప ఎన్నికల వేళ.. తమిళనాడు రాజకీయాల్లో మరోసారి మాటల యుద్ధం మొదలైంది. టీవీకే అధినేత, ముఖ్యమంత్రి విజయ్‌ ప్రచార సభలో చోటుచేసుకున్న ఓ భావోద్వేగ ఘటనపై డీఎంకే తీవ్ర విమర్శలు చేసింది. ధారాపురం ఉప ఎన్నిక ప్రచారంలో టీవీకే అభ్యర్థి సత్యభామ ప్రసంగిస్తూ కన్నీళ్లు పెట్టుకోగా.. విజయ్‌ ఆమెను ఓదార్చారు. ఈ ఘటనపై డీఎంకే నేత కనిమొళి తీవ్ర ఆరోపణలు చేశారు. ఇది ప్రజల సానుభూతి కోసం ఆడిన నాటకమంటూ విమర్శించారు.ధారాపురంలో జరిగిన ప్రచార కార్యక్రమంలో టీవీకే అభ్యర్థి సత్యభామ(Sathiyabama) మాట్లాడుతుండగా భావోద్వేగానికి గురై కన్నీళ్లు పెట్టుకున్నారు. వెంటనే వేదికపై ఉన్న విజయ్‌ ఆమెను ఆలింగనం చేసుకుని ఓదార్చారు. ఈ ఘటనపై స్పందించిన డీఎంకే నేత కనిమొళి.. మొత్తం పరిణామం ముందే ప్లాన్‌ చేసినట్లుగా ఉందని ఆరోపించారు.‘స్వీట్‌ బ్రో’ అంటూ వచ్చి..“మంత్రి రాజ్‌కుమార్‌కు ఫోన్‌ వస్తుంది. ఆయన మాట్లాడిన తర్వాత సత్యభామ చెవిలో ఏదో చెబుతారు. వెంటనే బాగా మాట్లాడుతున్న ఆమె కన్నీళ్లు పెట్టుకుంటారు. మహిళగా తాను ఒత్తిడిలో ఉన్నానని చెబుతారు. ఆ తర్వాత విజయ్‌ వచ్చి ఓదారుస్తారు. వెంటనే ప్రజల నుంచి స్పందన వస్తుంది. వేదికపైనైనా, ప్రచారంలోనైనా విజయ్‌ ఇలాంటి డ్రామాలు చేస్తున్నారు” అంటూ కనిమొళి ఆరోపించారు.టీవీకే నుంచి ఘాటు కౌంటర్‌కనిమొళి వ్యాఖ్యలపై టీవీకే నేత, తమిళనాడు విద్యాశాఖ మంత్రి ఏ. రాజ్‌మోహన్‌ తీవ్రంగా స్పందించారు. ఇవి దురుద్దేశపూరిత ఆరోపణలని ఖండించారు. సత్యభామ ప్రసంగాన్ని త్వరగా ముగించాలని మాత్రమే రాజ్‌కుమార్‌ సూచించారని, దానిని వక్రీకరించి విమర్శలు చేస్తున్నారని మండిపడ్డారు. “ఇలాంటి ఆరోపణలు విని ఆశ్చర్యపోయాను. ఇది పూర్తిగా అసత్యం. సభల్లో సమయాన్ని దృష్టిలో పెట్టుకుని ప్రసంగాలను కుదించాలని చెప్పడం సాధారణమే” అని రాజ్‌మోహన్‌ తెలిపారు.அழுத சத்தியபாமா அவர்கள் தேற்றிய முதலமைச்சர் விஜய் ! 🥹#CMVijayInDharapuram pic.twitter.com/vaXecdrwtq— Prakash Vijay (@PrakazVijay_Of) September 30, 2026ఎండలో గంటల తరబడి ప్రజలు.. విజయ్‌ ఎనిమిది గంటలకు పైగా ప్రయాణించి ఎండలో తడిసిపోయేంతగా ప్రచారం నిర్వహించారని, ప్రజలు కూడా గంటల తరబడి వేచి ఉన్నారని రాజ్‌మోహన్‌ చెప్పారు. ఇలాంటి పరిస్థితుల్లో ప్రసంగ సమయాన్ని తగ్గించాలని సూచించడం సాధారణ ప్రక్రియేనని పేర్కొన్నారు.గతంలోనూ పెద్ద సభల నిర్వహణలో రజనీకాంత్‌, కమల్‌హాసన్‌ వంటి ప్రముఖులకు కూడా సమయ పరిమితి గురించి సూచనలు ఇచ్చిన సందర్భాలు ఉన్నాయని గుర్తుచేశారు.కాంగ్రెస్‌ రియాక్షన్‌ఈ వివాదంపై తమిళనాడు కాంగ్రెస్‌ అధ్యక్షుడు మాణిక్యం ఠాగూర్‌ కూడా స్పందించారు. ఇతర పార్టీల ప్రచారాలను డ్రామా అంటూ విమర్శించడం సరికాదని అన్నారు. ప్రజలను కలిసేందుకు ఒక పార్టీ చేసే కార్యక్రమం ప్రచారమైతే, మరో పార్టీ చేస్తే డ్రామా ఎలా అవుతుందని ప్రశ్నించారు.ఇదీ చదవండి: అతన్ని ప్రజలు ఎట్టిపరిస్థితుల్లో క్షమించరు

కోల్‌కతా: పశ్చిమ బెంగాల్‌ మాజీ ముఖ్యమంత్రి మమతా బెనర్జీ ఎమ్మెల్యేలు, ఎంపీలతోసహా తిరిగి కాంగ్రెస్‌లో చేరాలని ఆ పార్టీ నేత అధిర్‌ రంజన్‌ చౌదరి గురువారం పిలుపునిచ్చారు. బెంగాల్‌లో మమత నేతృత్వంలో పనిచేసేందుకు కాంగ్రెస్‌ పార్టీ సిద్ధంగా ఉందని తెలిపారు. కాంగ్రెస్‌ పార్టీ అధిష్టానం కూడా ఇందుకు అంగీకరించాలని అభ్యర్థించారు. ఇరుపార్టీల సహకారానికి గుర్తుగా మమత బెనర్జీ అక్టోబరు ఆరున జరిగే రెజినగర్‌ ఉప ఎన్నికల్లో కాంగ్రెస్‌ అభ్యర్థికి మద్దతివ్వాలని కోరారు. 2026 అసెంబ్లీ ఎన్నికల్లో ఓటమి తరువాత మమత బెనర్జీ పార్టీ పరంగా పలు సమస్యలు ఎదుర్కొంటున్న విషయం తెలిసిందే. పార్టీ ఎమ్మెల్యేలు, ఎంపీలు రెండు వర్గాలుగా చీలిపోయాయి. ఈ నేపథ్యంలో అధిర్‌ రంజన్‌ చౌదరి మమతను కాంగ్రెస్‌లోకి రమ్మనడం ప్రాధాన్యం సంతరించుకుంది. అసెంబ్లీ ఎన్నికల తరువాత మిగిలింది ఏదీ లేదని, మమత 30 ఏళ్ల క్రితం కాంగ్రెస్‌ నుంచి వేరుపడే పార్టీని స్థాపించారని ఆయన గుర్తు చేశారు. ‘‘మమతా బెనర్జీ తన ఎమ్మెల్యేలు, ఎంపీలతో మళ్లీ కాంగ్రెస్‌లో చేరాలని కోరుతున్నాం. ఈ విషయంలో కాంగ్రెస్‌ హైకమాండ్‌కు కూడా విజ్ఞప్తి చేస్తాను. ఆమె పార్టీలో తిరిగి చేరాలి. బెంగాల్‌లో ఆమె నాయకత్వాన్ని మేము అంగీకరిస్తాం; కలిసి పనిచేస్తాం’’ అని అధిర్‌ చెప్పారు. మమత వర్గం నందిగ్రామ్‌లో మాదిరిగానే రెజినగర్‌లోనూ అక్టోబరు ఆరు నాటి ఉప ఎన్నికల్లో కాంగ్రెస్‌ అభ్యరి్థకి మద్దతు ఇవ్వాలని అధిర్‌ కోరారు. అధిర్‌ ప్రతిపాదనపై ఎంపీ సౌగత రాయ్‌ స్పందిస్తూ.. కాంగ్రెస్‌ పార్టీ అధికారికంగా ప్రతిపాదన చేస్తే చర్చించి ఒక నిర్ణయం తీసుకుంటామని స్పష్టం చేశారు. అభిషేక్‌ బెనర్జీ లేకుండా ఎలాంటి నిర్ణయం జరగదని స్పష్టం చేశారు.

సాక్షి, హైదరాబాద్‌: ఖైరతాబాద్‌ అసెంబ్లీ స్థానానికి ఉప ఎన్నిక నిర్వహణకు బ్రేక్‌ పడనుంది. తాను దాఖలు చేసిన ఎన్నికల పిటిషన్‌ తేలే వరకు ఉప ఎన్నిక నోటిఫికేషన్‌ ఇవ్వొద్దని 2023 ఎన్నికల నాటి కాంగ్రెస్‌ అభ్యర్థి విజయారెడ్డి హైకోర్టును ఆశ్రయించారు. ఈ పిటిషన్‌పై విచారణ ఇంకా పెండింగ్‌లో ఉంది. ఈ పిటిషన్‌పై తుది తీర్పు వెలువడే వరకు ఉప ఎన్నిక ఆపేలా ఎన్నికల సంఘాన్ని ఆదేశించాలని ఆమె కోరారు. ఎన్నికల నిర్వహణకు న్యాయపరమైన చిక్కులు ఉన్నాయని ఈసీ కూడా అంగీకరించడంతో ఉప ఎన్నిక ఇప్పట్లో జరిగే అవకాశం కనిపించడంలేదని నిపుణులు అంటున్నారు. 2023 అసెంబ్లీ ఎన్నికల్లో కాంగ్రెస్‌ అభ్యర్థిగా విజయారెడ్డి, బీఆర్‌ఎస్‌ అభ్యర్థి దానం నాగేందర్‌పై పోటీ చేశారు. ఈ ఎన్నికల్లో దానం విజయం సాధించారు. అనంతరం ఎన్నికల అఫిడవిట్‌లో భార్యతోపాటు తనపై ఆధారపడిన వారి ఆస్తుల వివరాలను పూర్తిగా వెల్లడించలేదని, ఓటర్లను ప్రలోభపెట్టేందుకు నగదు పంపిణీ చేశారని ఆరోపిస్తూ విజయారెడ్డి 2024, జనవరి 20న ఎన్నికల పిటిషన్‌ దాఖలు చేశారు. విచారణ చేపట్టిన జస్టిస్‌ బి.విజయ్‌సేన్‌రెడ్డి ధర్మాసనం.. నాగేందర్‌కు నోటీసులు కూడా జారీ చేసింది. ఈ పిటిషన్‌ 2024, డిసెంబర్‌ తర్వాత విచారణకు రాలేదు. 2 న్యాయపర అంశాలు.. 2 వేర్వేరు కేసులు నాగేందర్‌పై ఇటీవల వచ్చిన అనర్హత తీర్పు, విజయారెడ్డి దాఖలు చేసిన ఎన్నికల పిటిషన్‌ వేర్వేరు న్యాయ ప్రక్రియలు. పార్టీ ఫిరాయింపుల నేపథ్యంలో నాగేందర్‌ ఎమ్మెల్యేగా కొనసాగడానికి అనర్హుడని ఓ కేసులో తేలింది. హైకోర్టు సెప్టెంబర్ 18న నాగేందర్‌ను అనర్హుడిగా ప్రకటించగా, సుప్రీంకోర్టులోనూ ఆయనకు ఉపశమనం లభించలేదు. అనంతరం ఖైరతాబాద్‌ స్థానం ఖాళీ అయినట్లు శాసనసభ కార్యదర్శి సెప్టెంబర్‌ 26న గెజిట్‌ నోటిఫికేషన్‌ జారీ చేశారు.దీంతో ఉపఎన్నికకు మార్గం సుగమమైందని అంతా భావించారు. ఈ నేపథ్యంలో తాజా పిటిషన్‌తో ఉప ఎన్నికపై సందిగ్ధత ఏర్పడింది. మరోవైపు, 2023లో ఆయన సాధించిన ఎన్నిక చట్టబద్ధంగా జరిగిందా? లేదా? అన్నది ఎన్నికల పిటిషన్‌లో తేలాల్సి ఉంది. ఈ రెండు అంశాలపై సుప్రీంకోర్టు, హైకోర్టు గత తీర్పులు ఏమిచ్చాయో పరిశీలించాల్సి ఉంది. సుప్రీంకోర్టు సూత్రం ప్రకారం ఎన్నికల సంఘం వర్సెస్‌ తెలంగాణ రాష్ట్ర సమితి (టీఆర్‌ఎస్‌) కేసులో.. ఎన్నికల పిటిషన్‌ పెండింగ్‌లో ఉన్న సందర్భంలో ఖాళీ అయిన అసెంబ్లీ స్థానానికి ఉప ఎన్నిక నిర్వహణకు సంబంధించిన అంశాన్ని కోర్టు పరిశీలించింది. ప్రజాప్రాతినిధ్య చట్టంలోని సెక్షన్‌ 151ఏ ప్రకారం సాధారణంగా ఖాళీ అయిన స్థానానికి ఆరు నెలల్లోపు ఉప ఎన్నిక నిర్వహించాల్సి ఉన్నా, ఎన్నికను సవాల్‌ చేస్తూ దాఖలైన ఎన్నికల పిటిషన్‌ ఇంకా తుది పరిష్కారం కాకపోతే ఆ ఖాళీని వెంటనే భర్తీ చేయడానికి అందుబాటులో ఉన్న ఖాళీ (క్యాజువల్‌ వేకెన్సీ)గా పరిగణించలేమని పేర్కొంది. ఎన్నికల పిటిషన్‌లో గెలిచిన అభ్యర్థి ఎన్నికను రద్దు చేయాలని మాత్రమే కాకుండా, పిటిషనర్‌ లేదా మరో అభ్యరి్థని విజేతగా ప్రకటించాలని కూడా కోరితే.. ఈ పిటిషన్‌ పెండింగ్‌లో ఉండగా.. అదే స్థానానికి ఉపఎన్నిక నిర్వహిస్తే, ఒకే నియోజకవర్గానికి ఇద్దరు వ్యక్తులు ఎన్నికయ్యే పరిస్థితి ఉత్పన్నమవ్వొచ్చని పేర్కొంది. అందువల్ల అటువంటి పిటిషన్‌ పెండింగ్‌లో ఉన్న స్థానాన్ని సాధారణ ఖాళీగా పరిగణించి ఉపఎన్నిక నిర్వహించలేమనే న్యాయ సూత్రాన్ని స్పష్టం చేసింది. ప్రమోద్‌ లక్ష్మణ్‌ గుడాధే వర్సెస్‌ ఎన్నికల సంఘం కేసులోనూ ఇదే న్యాయ సూత్రాన్ని ప్రస్తావించింది. ఖైరతాబాద్‌ విషయంలోనూ.. ఖైరతాబాద్‌ వ్యవహారంలోనూ ఇది కీలకంగా మారనుంది. విజయారెడ్డి దాఖలు చేసిన ఎన్నికల పిటిషన్‌లో దానం ఎన్నికను రద్దు చేయడంతోపాటు తనను శాసనసభ్యురాలిగా ప్రకటించాలని కోరారు. సుప్రీంకోర్టు నిర్దేశించిన న్యాయ సూత్రాన్ని ఇక్కడ కూడా వర్తింపజేసే అంశాన్ని పరిశీలించాల్సి ఉంటుందని న్యాయ నిపుణులు చెబుతున్నారు. సుప్రీంకోర్టు తీర్పుల్లో చర్చించిన అంశాలు, ప్రస్తుత ఖైరతాబాద్‌ స్థానంలో ఖాళీ ఏర్పడిన విధానం, విజయారెడ్డి పాత ఎన్నికల పిటిషన్‌.. అన్ని అంశాలను హైకోర్టు విడిగా పరిశీలించాల్సి ఉంటుందని అంటున్నారు.ప్రస్తుతం ఖైరతాబాద్‌ స్థానాన్ని ఖాళీగా ప్రకటించినందున ఉపఎన్నిక నిర్వహణకు ఎన్నికల సంఘం చర్యలు తీసుకోవాల్సి ఉన్నా.. విజయారెడ్డి తాజా పిటిషన్‌ నేపథ్యంలో ఎన్నికలు నిలిచినట్లేనని చెబుతున్నారు. కాగా, రిట్‌ పిటిషన్‌ విచారణ తర్వాత సీజే ధర్మాసనం ఏ తీర్పునిస్తుందా అనేది తీవ్ర ఉత్కంఠగా మారింది.

తెలంగాణ ముఖ్యమంత్రి రేవంత్ రెడ్డి తనంతట తాను కొన్ని అనవసర అంశాలను ప్రస్తావిస్తున్నారా? లేక సలహాదారులు , పీఆర్‌ టీమ్ రాసి ఇస్తున్న వాటిని పాలో అవుతున్నారో తెలియదు. కాని ఆయన చేస్తున్న ప్రసంగాలు కొన్నిసార్లు వివాదాస్పదం అవుతున్నాయి. కొన్ని వ్యాఖ్యలు హేతుబద్దంగా కనిపించడం లేదు. ఇటీవల ఢిల్లీలో అస్సాం చెందిన ఒక మీడియా నిర్వహించిన సదస్సులో ఆయన మాట్లాడారు. ఈ సందర్భంగా ఆయన ఒటర్ల జాబితా ప్రత్యేక సవరణను బ్రిటిష్ హయాం నాటి సైమన్ కమిషన్‌తో పోల్చారు. ఉత్తరాది, దక్షిణాది అంటూ తన అభిప్రాయాలు వ్యక్తం చేస్తూ శ్రీరాముడు ఉత్తరాది దేవుడు, ఉన్నవారి దేవుడు, శివుడు దక్షిణాది దేవుడు అంటూ చిత్రమైన వ్యాఖ్యలు చేశారు. నిజానికి ఇలాంటి విషయాలు మాట్లాడడానికి ముందు ఆయన పూర్తి స్థాయిలో అధ్యయనం చేస్తే బాగుంటుంది. అలాకాకపోతే ఆయన విమర్శలకు గురి అవుతారు. ఎన్నికల సంఘం దేశంలో ఎన్నికలను నిర్వహిస్తున్న తీరుపై , ఓటర్ల జాబితా ప్రత్యేక విస్తృత సవరణ అంశంలో అనుసరిస్తున్న విధానాలపై పలు ఆరోపణలు వస్తున్నాయి. ఇండియన్ ఎక్స్ ప్రెస్ ఈసీలో జరిగిన పరిణామాలపై ఇచ్చిన సంచలన కధనంతో ఆ సంస్థ ఆత్మరక్షణలో పడింది. ప్రధాన ఎన్నికల కమిషనర్ జ్ఞానేశ్ కుమార్ రాజీనామాకు ఆందోళనలు సాగుతున్నాయి. కాంగ్రెస్ పార్టీ కూడా ఈ నిరసనలలో పాల్టొంటోంది. హైదరాబాద్ లో పీసీసీ అద్యక్షుడు మహేష్ కుమార్ గౌడ్, ఉప ముఖ్యమంత్రి మల్లు భట్టి విక్రమార్క తదితరులు నిరసనలు నిర్వహించారు. ఓటర్ల జాబితా సవరణపై గత కొన్ని నెలలుగా రేవంత్ కాని, కాంగ్రెస్ నేతలు కాని పలు అనుమానాలు వ్యక్తం చేస్తున్నారు. ఆయా రాష్ట్రాలలో దీని పరిస్థితిపై లోక్ సభలో విపక్ష నేత రాహుల్ గాంధీ తీవ్రంగా స్పందిస్తున్నారు. ఈసీ పనితీరును ఉతికి ఆరేస్తున్నారు. దానికి ప్రతిగా బీజేపీ జవాబు ఇస్తోంది. ఇదంతా వేరే కధ. తాజాగా ఢిల్లీలో రేవంత్ చేసిన వ్యాఖ్యలు బహుశా దేశవ్యాప్త దృష్టిని ఆకర్షించడానికి చేశారా అన్న సందేహం కలుగుతుంది.ఆనాటి భారత ప్రభుత్వ చట్టాన్ని సమీక్షించడానికి, రాజ్యాంగ సంస్కరణలు చేపట్టడానికి సైమన్ కమిషన్ ఏర్పడింది. ఆ రోజుల్లో బ్రిటిష్ వారికి వ్యతిరేకంగా పోరాటం చేస్తున్న కాంగ్రెస్ పార్టీ ఈ కమిషన్ పై ఆందోళనకు పిలుపు ఇచ్చింది. సైమన్ కమిషన్ లో భారతీయులకు ప్రాతినిధ్యం కల్పించలేదన్నది ఈ నిరసనకు ప్రధాన కారణం. దీనిని ప్రస్తుత భారత ఎన్నికల సంఘం చేపట్టిన ఎస్ఐఆర్‌కు పోలిక ఏమిటో తెలియదు. ఓటర్ల జాబితా సవరణ లో వివక్ష జరుగుతోందని, విపక్షం అదికారంలో ఉన్న రాష్ట్రాలలో లక్షల సంఖ్యలో ఓట్లు గల్లంతు అవుతున్న వైనంపై పలు అభియోగాలు వచ్చాయి.అసలు చట్టం లేకుండానే ఈ ఎస్ఐఆర్ ప్రక్రియను చేపట్టడం, ఓటర్ నమోదుకు అవసరమయ్యే ఫామ్ 6 లో పలు మార్పులు పార్లమెంటుతో సంబంధం లేకుండా చేయడం, ఓట్ల తొలగింపు ప్రక్రియను డిల్లీ లో కేంద్రీకృత విధానంలో చేయడం వంటివాటిపై అనుమానాలు వచ్చాయి. ఈ విషయాలను వివరించడం తప్పు కాదు.కాని తెలిసి,తెలియని రీతిలో ముఖ్యమంత్రి స్థాయిలో ఉన్న వ్యక్తి ప్రసంగం చేస్తే అది ఆయనకు అంత ప్రతిష్టనివ్వదు. 13 కోట్ల ఓట్లను తొలగించిన వైనం, జనాభా పెరుగుతుంటే, ఓట్లు ఎలా తగ్గుతున్నాయని ప్రశ్నించడం వంటివి సమంజసమే. తమాషా అంశం ఏమిటంటే దేవుళ్లకు కూడా ఉత్తరాది, దక్షిణాది అని పేర్లు పెట్టడం. బహుశా దేశంలో ఏ రాజకీయ నేత ఇలాంటి విశ్లేషణ గతంలో చేసి ఉండరు.పైగా శివుడు పేదల దేవుడని, రాముడు సంపన్నుల దేవుడని ఆయన వర్గీకరించారు. దీనిపై కేంద్ర మంత్రి, బీజేపీ నేత బండి సంజయ్,బీజేపీ అధ్యక్షుడు ఎన్.రామచంద్రరావు తదితరులు దేవుళ్లను కూడా చీల్చుతారా? అని విమర్శిస్తూ కాంగ్రెస్ ది ఎప్పుడూ విభజించే విధానమే అని ధ్వజమెత్తారు.ఆ రకంగా బీజేపీకి ఈయన అవకాశం ఇచ్చినట్లయింది కదా! రేవంత్ చేసిన ఈ వాదనలో హేతుబద్దత కూడా కనిపించదు. నిజానికి ఉత్తరాది, దక్షిణాది అన్న తేడా లేకుండా భక్తులు శ్రీరాముడు, శివుడులను కొలుస్తారు. శ్రీరామ నవమి వస్తే శ్రీరాముడిని, శివరాత్రి వస్తే శివుడికి అభిషేకాలు నిర్వహిస్తుంటారు. తెలుగు రాష్ట్రాలలో రాముడి గుడి లేని గ్రామం ఉండదంటే ఆశ్యర్యం కాదు. అదే విధంగా శ్రీశైలంతో సహా పలు చోట్ల శివాలయాలు ఉంటాయి. భద్రాద్రిలో అదికారికంగా శ్రీరామనవమి చేస్తారు. ఎపీలో ఒంటిమింట, రామతీర్ధంలలో ప్రభుత్వం కార్యక్రమాలు చేస్తుంది. ఉత్తరాదిలో శివాలయాలు పెద్ద ఎత్తునే కనిపిస్తాయి. ఉదాహరణకు వారణాసిలో ఉన్నది శివలింగమే కదా! కేదార్ నాద్, బదరీనాద్, అమరనాద్ వంటి ప్రముఖ క్షేత్రాలలో శివార్చనలు జరుగుతుంటాయి. అంతేకాదు.. లక్షల సంఖ్యలో ఉండే దేవుళ్లను ఆయా ప్రాంతాలలో ఆచారాలను బట్టి పూజిస్తారు. దీనికి ప్రాంతీయత ఆపాదించడం ఏమిటో! అయోధ్యలో రాముడికి బీజేపీ ప్రభుత్వ ఆధ్వర్యంలో బ్రహ్మండమైన రీతిలో గుడి కట్టించిన నేపధ్యంలో ఆయన సంపన్నుల దేవుడని అన్నారో, లేక బీజేపీ సంపన్నుల పార్టీ అని చెప్పడానికి ఈ ఉపమానం వాడారో తెలియదు కాని అంత అర్దవంతంగా కనిపించదు.ఇదీ చదవండి: గతాన్ని మరిచిన బాబు.. ఈసీపై డబుల్‌ టాక్‌!?సాధారణంగా ఒక మాట చెబుతారు. విష్ణువు ధనికుడుగాను, శివుడు తిరిపమెత్తే దేవుడుగాను ప్రాచుర్యంలో ఉంటారు. బహుశా దానిని దృష్టిలో ఉంచుకుని రేవంత్ అన్నారేమో కాని, దానిని సరిగా చెప్పలేకపోయారనిపిస్తుంది. ధనిక, పేద తేడా లేకుండా హిందూ భక్తులు అంతా ఈ దేవుళ్లను పూజిస్తుంటారు. బీజేపీ వారు హరహర మహాదేవ అనరని రేవంత్ వ్యాఖ్యానించగానే, ప్రధాని మోడీ శివరాత్రినాడు అవే పదాలు వాడుతూ ప్రార్దనలుచేసిన వీడియోలు వచ్చేశాయి. అంటే సి.ఎమ్. స్థాయిలో ఉన్న వ్యక్తి ఎంత జాగ్రత్తగా ఉండాలో తెలియచేస్తుంది. తన గురువు చంద్రబాబు మాదిరే ఏది పడితే అది మాట్లాడితే రేవంత్ కే నష్టం అని కాంగ్రెస్ వర్గాలు వ్యాఖ్యానిస్తుంటాయి. ప్రధాని మోడీ తెలంగాణతో పాటు, బీజేపీ పాలిత రాష్ట్రాలకు కూడా అన్యాయం చేస్తున్నారని, అంతా గుజరాత్ కే చేసుకుంటున్నారని రేవంత్ ఆరోపించడం విచిత్రమే. బీజేపీ పాలిత రాష్ట్రాల తరపున ఈయన వకల్తా తీసుకోవడం ఏమిటో తెలియదు. అందుకు ఏమైనా ఉదహరణలు ఇచ్చారా అంటే అదీ కనబడదు. తాను కాంగ్రెస్ లోకి ఎందుకు రావల్సి వచ్చింది తదితర విశేషాలు చెప్పారు. వాటిలో అభ్యంతరాలు ఏమి లేవు. సహజంగానే బీఆర్ఎస్ పైన, కేసీఆర్‌పైన విమర్శనాస్త్రాలు సంధించారు. అయితే ఆంధ్రవాళ్ల పెత్తనంపై పోరాడి తెలంగాణ సాధించుకున్నామని రేవంత్ చెబుతున్నారు. మరి ఇప్పటికీ ఆయన ఆంధ్రా నాయకుడైన చంద్రబాబు నాయుడుకే శిష్యుడుగా ఉంటున్నారన్న విమర్శ ఎందుకు వస్తోంది? టీడీపీ ఎంపీ ఒకరు డ్రగ్స్ కేసులో పట్టుబడ్డా, అలాగే మరో ఎంపీ కుమారుడు చేసిన కారు ప్రమాదంలో ఒక మహిళ మరణించినా అరెస్టు చేయకపోవడం, ఏపీకి చెందిన కొందరు నేతలపై భూ కబ్జా ఆరోపణలు వచ్చినా చట్టాన్ని అమలు చేయకుండా, చూసిచూడనట్లు పోవడం వంటివాటిని గమనిస్తే ఇంకా వారి పెత్తనానికి రేవంత్ ప్రభుత్వం తలొగ్గి పనిచేస్తున్నదన్న భావన కలగదా! ఏది ఏమైనా రేవంత్ జాతీయ స్థాయిలో ప్రొజెక్టు కావాలన్న ఆలోచనలో తప్పు లేదు. కాని ఆ క్రమంలో చేసే ప్రసంగాలు, వ్యాఖ్యల పట్ల మరిన్ని జాగ్రత్తలు తీసుకుంటే మంచిది కదా!.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

పంజాబ్‌ కాంగ్రెస్‌లో కీలక మార్పు చోటుచేసుకుంది. అసెంబ్లీ ఎన్నికలు సమీపిస్తున్న వేళ.. రాష్ట్ర కాంగ్రెస్‌ అధ్యక్షుడు అమరీందర్‌ సింగ్‌ రాజా వడింగ్‌ తన పదవికి రాజీనామా చేశారు. దీంతో పంజాబ్‌ కాంగ్రెస్‌లో కొత్త నాయకత్వంపై ఉత్కంఠ నెలకొంది. మరో రెండు రోజుల్లో కొత్త పీసీసీ అధ్యక్షుడిని ప్రకటించే అవకాశం ఉందని పార్టీ వర్గాలు తెలిపాయి.వడింగ్‌ స్థానంలో మాజీ మంత్రి విజయ్‌ ఇంద్ర సింగ్లా పేరు ముందంజలో ఉన్నట్లు కాంగ్రెస్‌ వర్గాలు చెబుతున్నాయి. సింగ్లా పేరును పార్టీ నాయకత్వం ఖరారు చేసినట్లు సమాచారం. అక్టోబర్‌ 2న అధికారిక ప్రకటన వెలువడే అవకాశం ఉందని పార్టీ వర్గాలు పేర్కొన్నాయి. అయితే కాంగ్రెస్‌ నుంచి ఎలాంటి అధికారిక ప్రకటన రాలేదు. పీసీసీ అధ్యక్ష పదవికి జలంధర్‌ కాంటోన్మెంట్‌ ఎమ్మెల్యే పర్గత్‌ సింగ్‌, మాజీ ముఖ్యమంత్రి చరణ్‌జిత్‌ సింగ్‌ చన్నీ, గురుదాస్‌పూర్‌ ఎంపీ సుఖ్‌జిందర్‌ సింగ్‌ రంధావా పేర్లు కూడా పరిశీలనలో ఉన్నట్లు వార్తలు వచ్చాయి. ఇతర నివేదికల్లో మరికొందరు నేతల పేర్లు కూడా చర్చలో ఉన్నట్లు సమాచారం.నాలుగున్నరేళ్ల తర్వాత మార్పు..రాజా వడింగ్‌ 2022లో పంజాబ్‌ ప్రదేశ్‌ కాంగ్రెస్‌ కమిటీ అధ్యక్షుడిగా బాధ్యతలు చేపట్టారు. అప్పటి నుంచి సుమారు నాలుగున్నరేళ్లపాటు ఆ పదవిలో కొనసాగారు. తాజాగా పార్టీ అధిష్ఠానం ఆయన పదవిలో మార్పు చేయాలని నిర్ణయించినట్లు కాంగ్రెస్‌ వర్గాలు వెల్లడించాయి. ఆ నిర్ణయం నేపథ్యంలోనే ఆయన రాజీనామా చేసినట్లు సమాచారం.పార్టీలో అంతర్గత విభేదాలు..పంజాబ్‌ కాంగ్రెస్‌లో కొంతకాలంగా నాయకత్వంపై అంతర్గత విభేదాలు కొనసాగుతున్నట్లు పలు నివేదికలు పేర్కొన్నాయి. ముఖ్యంగా రాజా వడింగ్‌, మాజీ సీఎం చరణ్‌జిత్‌ సింగ్‌ చన్నీ వర్గాల మధ్య విభేదాలు బహిరంగంగా కనిపించాయి. జూలై 1న వడింగ్‌ను పీసీసీ అధ్యక్షుడిగా కొనసాగిస్తూ.. చన్నీకి పార్టీ ప్రచార కమిటీ బాధ్యతలు అప్పగించినప్పటికీ అంతర్గత విభేదాలు పూర్తిగా సమసిపోలేదని వార్తలు వచ్చాయి. ఇదిలా ఉండగా.. ఇటీవల పంజాబ్‌ కాంగ్రెస్‌ వ్యవహారాల ఇన్‌చార్జ్‌గా సచిన్‌ పైలట్‌ బాధ్యతలు చేపట్టారు. రాష్ట్రంలోని పార్టీ నేతలు, జిల్లా స్థాయి నాయకులతో ఆయన నిర్వహించిన సమావేశాల ద్వారా సంస్థాగత పరిస్థితిపై అభిప్రాయాలు సేకరించినట్లు నివేదికలు తెలిపాయి. ఈ ఫీడ్‌బ్యాక్‌ ఆధారంగా ఆయన పార్టీ అధిష్ఠానానికి నివేదిక సమర్పించినట్లు కాంగ్రెస్‌ వర్గాలు పేర్కొన్నాయి. అనంతరం ఢిల్లీలో పార్టీ అగ్రనేతలు ఈ అంశంపై చర్చించినట్లు సమాచారం.రాజా వడింగ్‌ తదుపరి అడుగు?రాజీనామా అనంతరం రాజా వడింగ్‌ ఢిల్లీ వెళ్లి కాంగ్రెస్‌ అగ్రనేత రాహుల్‌ గాంధీని కలిసే అవకాశం ఉందని పార్టీ వర్గాలు తెలిపాయి. రాబోయే ఒకటి, రెండు రోజుల్లో ఈ భేటీ జరిగే అవకాశం ఉన్నట్లు సమాచారం. అయితే, పంజాబ్‌లో అసెంబ్లీ ఎన్నికలు సమీపిస్తున్న సమయంలో కాంగ్రెస్‌ రాష్ట్ర నాయకత్వంలో ఈ మార్పు చోటుచేసుకుంది. కొత్త పీసీసీ అధ్యక్షుడి ఎంపికతో రాష్ట్ర కాంగ్రెస్‌ సంస్థాగత వ్యవహారాల్లో కూడా మార్పులు చోటుచేసుకునే అవకాశం ఉంది.

ఉత్తరప్రదేశ్‌ రాజకీయాల్లో మాజీ ఐఏఎస్‌ అధికారి దివ్యా మిట్టల్‌ పేరు ఇప్పుడు హాట్‌టాపిక్‌గా మారింది. పదమూడేళ్ల సర్వీసు తర్వాత హఠాత్తుగా ఐఏఎస్‌కు రాజీనామా చేసిన ఆమె.. రాజకీయాల్లోకి వస్తారన్న ప్రచారం ఊపందుకుంది. వచ్చే ఏడాది యూపీ అసెంబ్లీ ఎన్నికలు జరగనున్న వేళ.. జెన్‌జీ ఉద్యమ ప్రభావం కూడా రాజకీయ పార్టీలను కొత్త ముఖాల వైపు చూస్తున్న పరిస్థితి నెలకొంది. ఈ క్రమంలో దివ్యా మిట్టల్‌ను తమవైపు తిప్పుకునేందుకు పలు పార్టీలు ఆసక్తి చూపుతున్నట్లు ప్రచారం సాగుతోంది. అయితే.. రాజకీయ ప్రవేశంపై దివ్యా మిట్టల్‌ మాత్రం ముందుగానే ఓ స్పష్టమైన నిర్ణయంతో ఉన్నట్లు తాజాగా ఆమె వ్యాఖ్యలతో తేలింది.తాజాగా బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు.. యూపీ రాజకీయాలను కుదిపేసింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీని మాజీ ఐఏఎస్‌ దివ్యా మిట్టల్‌(43) రహస్యంగా కలిశారని అన్నారాయన. ‘‘చీకటి మాటున భేటీ’’ అంటూ చేసిన సంచలన ఆరోపణతో చేసిన ఈ పోస్టుతో.. ఆమె కాంగ్రెస్‌లో చేరబోతున్నారనే చర్చ మొదలైంది. ఇదే సమయంలో.. యువతలో మంచి క్రేజ్‌ ఉన్న ఆమెను ప్రత్యక్షంగానే సమాజ్‌వాదీ పార్టీ ఆహ్వానించడం, అదే సమయంలో కాంగ్రెస్‌తో ఆ పార్టీకి జరుగుతున్న సీట్ల పంపకం పంచాయితీ, రాహుల్‌ను ఆమె కలిశారన్న ప్రచారం ఈ ఎపిసోడ్‌ను మలుపుల మీద మలుపులు తిప్పుతోంది. దివ్యకు అఖిలేశ్‌ ఆహ్వానందివ్యా మిట్టల్‌ రాజకీయ ప్రవేశం నేపథ్యంలో ఎస్పీ–కాంగ్రెస్‌ సీట్ల పంచాయితీకి కూడా ఈ వ్యవహారం ముడిపడింది. కాంగ్రెస్‌ 150 సీట్లలో పోటీ చేయాలని చెబుతుండగా.. ఎస్పీ 350 స్థానాల్లో సన్నాహాలు చేస్తోందన్న వార్తలు వచ్చాయి. ఇక దివ్యా మిట్టల్‌ విషయంలో ఎస్పీ అధినేత అఖిలేశ్‌ యాదవ్‌ చేసిన వ్యాఖ్యలు మరో చర్చకు దారితీశాయి. ఆమె రాజకీయాల్లోకి వస్తున్న విషయంపై స్పందిస్తూ.. ‘‘హరా ఔర్‌ లాల్‌ గమ్ఛా డాల్‌ లేన్‌’’ అంటూ ఎస్పీ పార్టీ రంగులను సూచించేలా వ్యాఖ్యానించారు. ఆమె ఎస్పీలో చేరితే స్వాగతిస్తామన్న సంకేతంగా ఈ వ్యాఖ్యను తీసుకున్నారు. ఏం జరిగిందో చెప్పిన దివ్యా మిట్టల్‌..రాహుల్‌ గాంధీతో రహస్య భేటీ అంటూ వచ్చిన ప్రచారంపై దివ్యా మిట్టల్‌ సుమారు తొమ్మిది నిమిషాల వీడియో విడుదల చేసి స్పందించారు. ఆ ప్రచారాన్ని ఖండిస్తూ.. తన రాజకీయ భవిష్యత్తుపై స్పష్టత ఇచ్చారు. రాజకీయాల్లోకి వస్తున్నట్లు ధృవీకరించిన ఆమె.. ఏ రాజకీయ పార్టీలోనూ చేరబోనని స్పష్టం చేశారు. యూపీ నుంచే తన రాజకీయ ప్రస్థానం ప్రారంభమవుతుందని, అది ఏ పార్టీ జెండా కింద ఉండదని తెలిపారు. పార్టీతో కాదు.. ప్రజలతో కలిసి రాజకీయాలు అనేదే తన విధానమని చెప్పారు. ‘‘గత నెల ఐఏఎస్‌కు రాజీనామా చేశాను. ఎన్నో ప్రశ్నలను వదిలి వచ్చాను. తర్వాత ఏంటి? అనే ప్రశ్నకు సమాధానం.. రాజకీయాలు’’ అని ఆమె అన్నారు. ఉత్తరప్రదేశ్‌ తన కర్మభూమి అని, ప్రజల సమస్యలను నేరుగా తెలుసుకుని పని చేయాలనుకుంటున్నట్లు తెలిపారు.ప్రజల గొంతుకగా..ప్రభుత్వ నిర్ణయాలు తీసుకున్నా.. వాటి అమలు జరగని సందర్భాలు తనను రాజకీయాల వైపు నడిపించాయని దివ్యా మిట్టల్‌ చెప్పారు. మంజూరైన పాఠశాలలు నిర్మాణానికి నోచుకోకపోవడం, భూములు కేటాయించినా లబ్ధిదారులకు అందకపోవడం, అధ్వాన్న రహదారులు, పేపర్‌ లీక్‌లతో విద్యార్థుల భవిష్యత్తు దెబ్బతినడం వంటి అంశాలను ప్రస్తావించారు. మిర్జాపూర్‌ జిల్లా కలెక్టర్‌గా ఉన్నప్పుడు లహురియా దహ్‌ గ్రామంలో ఓ మహిళ.. ఇల్లు, పింఛన్‌ కాకుండా పిల్లల కోసం పాఠశాల కావాలని కోరిన ఘటనను గుర్తుచేశారు. నిధులు, నిబంధనలు, అనుమతులు ఉన్నప్పటికీ మూడేళ్లు గడిచినా నిర్మాణం ప్రారంభం కాలేదన్నారు. ‘‘అన్నీ ఉన్నాయి.. కానీ ఉద్దేశం లేదు’’ అంటూ వ్యవస్థలో నిర్ణయం, అమలు మధ్య ఉన్న అంతరాన్ని వివరించారు.कुछ दिन पहले IAS से त्यागपत्र दिया था और आपके मन में कई सवाल छोड़ दिए थे। अपनी बात इस वीडियो में कह दी है। अगर आपको लगे कि ये आपकी भी बात है, तो 9198956957 पर whatsapp मैसेज करिए। pic.twitter.com/mtS6gzBzRw— Divya Mittal (@divyamittal_IAS) September 29, 2026ఐఐటీ–ఐఐఎం చదువు.. లండన్‌లో ఉద్యోగందివ్యా మిట్టల్‌ 2013 బ్యాచ్‌ యూపీ కేడర్‌ ఐఏఎస్‌ అధికారి. ఐఐటీ ఢిల్లీ, ఐఐఎం బెంగళూరులో చదువుకున్నారు. సివిల్‌ సర్వీసెస్‌లోకి రాకముందు లండన్‌లో ఎక్సోటిక్‌ డెరివేటివ్స్‌ ట్రేడర్‌గా పనిచేశారు. సంత్‌కబీర్‌నగర్‌, మిర్జాపూర్‌, డియోరియా జిల్లాల కలెక్టర్‌గా బాధ్యతలు నిర్వర్తించారు. మిర్జాపూర్‌ కలెక్టర్‌గా మారుమూల లహురియా దహ్‌ గ్రామానికి పైపుల ద్వారా తాగునీరు అందించే కార్యక్రమంతో గుర్తింపు పొందారు. గోండా సీడీవో, యూపీ స్టేట్‌ ఇండస్ట్రియల్‌ డెవలప్‌మెంట్‌ అథారిటీ జాయింట్‌ ఎండీ, బరేలీ డెవలప్‌మెంట్‌ అథారిటీ వైస్‌ చైర్‌పర్సన్‌గా పనిచేశారు. తర్వాత యూపీ రూరల్‌ రోడ్‌ డెవలప్‌మెంట్‌ ఏజెన్సీ సీఈవోగా బాధ్యతలు నిర్వర్తించారు. తాజాగా ఆగస్టులో ఐఏఎస్‌కు రాజీనామా చేసి రాజకీయాల్లోకి అడుగుపెట్టి.. తీవ్ర చర్చనీయాంశంగా మారారు.ఇదీ చదవండి: లండన్‌ పరీక్ష నుంచి భారతీయుల పోరాటం దాకా..

సిరిసిల్ల/సాక్షి ప్రతినిధి, కరీంనగర్‌: ఆర్థికంగా విధ్వంసమైన రాష్ట్రాన్ని వికాసం వైపు నడిపిస్తున్నామని ముఖ్యమంత్రి రేవంత్‌రెడ్డి చెప్పారు. సిరిసిల్ల అంటే సిరులకు నిలయమని, అయితే పదేళ్ల టీఆర్‌ఎస్‌ (బీఆర్‌ఎస్‌) హయాంలో సిరిసిల్ల ఉరిసిల్లగా మారిందని విమర్శించారు. సిరిసిల్ల ఓట్లను కేసీఆర్‌ కుటుంబం పచ్చనోట్లుగా మలచుకుని రూ.లక్షల కోట్ల ఆస్తులను సంపాదించుకుందని, గోదావరి నీళ్లు, మానేరు ఇసుక, చివరికి ఆడబిడ్డల బతుకమ్మల చీరల్లోనూ కమీషన్లకు కక్కుర్తి పడ్డారని ఆరోపించారు. తాము రాష్ట్రంలోని పేదలకు రేషన్‌కార్డులిచ్చి సన్న బియ్యం ఇస్తున్నామని, 200 యూనిట్ల వరకు ఉచిత విద్యుత్, మహిళలకు ఉచిత బస్సు సౌకర్యం అమలు చేస్తున్నామని అన్నారు. రూ.20,617 కోట్ల రుణమాఫీ చేశామని, ఉద్యోగులకు ఒకటో తేదీనే జీతాలిస్తూ.. అప్పులకు వడ్డీలు కడుతూ.. ఇందిరమ్మ ఇళ్లు, ఇందిరా మహిళా శక్తి చీరలు అందిస్తున్నామని చెప్పారు. బీఆర్‌ఎస్‌ అమలు చేసిన ఏ ఒక్క పథకాన్ని కూడా రద్దు చేయకుండా కొనసాగిస్తున్నామని సీఎం చెప్పారు. కాంగ్రెస్‌ కార్యకర్తల దెబ్బకు గజ్వేల్‌ గడీ కూలిందని, ఇప్పుడు సిరిసిల్ల గడీని కూల్చేందుకు ఫిరంగులై పేలుదామన్నారు. రానున్న ఎన్నికలలో సిరిసిల్లలో కాంగ్రెస్‌ అభ్యర్థిని గెలిపిస్తే ఢిల్లీ హైకమాండ్‌ను ఒప్పించి మంత్రివర్గంలోకి తీసుకుంటామని హామీ ఇచ్చారు. సిరిసిల్ల అభివృద్ధి తన బాధ్యత అని అన్నారు. బుధవారం కరీంనగర్‌లో రూ.51 కోట్లతో నిర్మించిన నూతన కలెక్టరేట్‌ భవనాన్ని ఆయన ప్రారంభించారు. ప్రజా ప్రతినిధులు, అధికారులతో సమీక్ష నిర్వహించారు. సాయంత్రం రాజన్న సిరిసిల్ల జిల్లా కేంద్రంలో పలు అభివృద్ధి పనులకు ఆయన శంకుస్థాపన, ప్రారం¿ోత్సవాలు చేశారు. మంత్రులు, ఎమ్మెల్యేలు, ఎమ్మెల్సీలు, విప్‌లు, పలు కార్పొరేషన్ల చైర్మన్లతో కలిసి 3 కి.మీ పాదయాత్రగా వెళ్లి, బైపాస్‌ రోడ్డులో ఏర్పాటు చేసిన ప్రజా పాలన బహిరంగ సభలో మాట్లాడారు. ఆరు సార్లు గెలిచినా ఆత్మహత్యలు ఎందుకు ఆపలేదు? ‘2009 నుంచి 2023 వరకు ఆరుసార్లు కేటీఆర్‌ గెలిచినప్పటికీ చేనేత కార్మికుల ఆత్మహత్యలను ఎందుకు ఆపలేదు? కార్మికుల గల్ఫ్‌ వలసలు ఎందుకు ఆగలేదని ప్రజలు ఆలోచించాలి. గల్ఫ్‌ దేశాలకు వెళ్లిన కార్మికులు ప్రమాదవశాత్తు మరణించినప్పుడు కనీసం వారి మృతదేహాలను స్వస్థలాలకు తీసుకురాలేని పరిస్థితి గత పాలనలో ఉండేది. గల్ఫ్‌ కార్మికుల కోసం ప్రత్యేక పాలసీ రూపొందించాలని స్థానిక నాయకులు కోరగా, విదేశాల్లో వలస కార్మికులు మరణిస్తే మృతదేహాన్ని స్వస్థలానికి తీసుకురావడంతో పాటు సంబంధిత కుటుంబానికి రూ.5 లక్షల ఆర్థిక సహాయం అందించేలా ప్రజా ప్రభుత్వం చర్యలు చేపట్టింది. వెయ్యి రోజుల ప్రజాపాలనలో నేత కార్మికుల కోసం రూ.1,741 కోట్లు ఖర్చు చేశాం. రాజన్న సిరిసిల్ల జిల్లాకు రూ.1,700 కోట్ల నిధులు మంజూరు చేశాం. వేములవాడలో నూలు డిపో ఏర్పాటు చేశాం. వేములవాడ ఆలయ అభివృద్ధికి చర్యలు తీసుకున్నాం. ఈ పండుగకు ప్రభుత్వం చిలక పచ్చ చీరలను పంపిణీ చేస్తుంది. సిరిసిల్లలో మార్పు రాబోతోంది. రాబోయే శాసనమండలి ఎన్నికల్లో ఒక పద్మశాలి బిడ్డను శాసనమండలికి పంపించాలి. మానేరు ఇసుకను దోచుకున్నారు.. 2004, 2006, 2008 ఎన్నికల్లో మూడుసార్లు కరీంనగర్‌ జిల్లా ప్రజలు కేసీఆర్‌ను ఎంపీగా గెలిపించినప్పటికీ 2009లో కేసీఆర్‌ పాలమూరుకు వలస వెళ్లారు. కరీంనగర్, పాలమూరు ప్రజలను మోసం చేస్తూ గజ్వేల్‌కు వెళ్లారు. కల్వకుంట్ల కుటుంబం రూ.లక్ష కోట్ల అవినీతికి పాల్పడింది. గోదావరి జలాలను అడ్డం పెట్టుకుని మానేరు ఇసుకను దోచుకున్నారు. నేరెళ్ల బాధితులు ఇందుకు సజీవ సాక్ష్యం. ఇసుక దోపిడీని అడ్డుకున్న నేరెళ్ల దళితులను లారీలతో తొక్కించి చంపించింది వాస్తవం కదా? ఆనాడు మీరాకుమార్, పొన్నం ప్రభాకర్, శ్రీధర్‌బాబులను నిర్బంధించిన మాట వాస్తవం కాదా? మానేరు నదిపై నిర్మించిన చెక్‌డ్యాంలు కొట్టుకుపోయి కేసీఆర్‌ ఇంట్లో నోట్ల కట్టలుగా తేలాయి. కేసీఆర్‌ కాళేశ్వరంలో రూ.లక్ష కోట్లు సంపాదిస్తే.. కేటీఆర్, రవీందర్‌రావు, సంతోష్‌రావు మానేరు ఇసుక దొంగలు. మిడ్‌ మానేరులో నిర్వాసితుల రూపంలో సంతోష్‌రావు, సౌమ్యారావు, రవీందర్‌రావు, 2015లో ఇళ్ల పట్టాలు, ముంపు బాధితుల ప్యాకేజీలు తీసుకున్నారు. ఈ రోజు సంతోష్‌రావు రూ.10 వేల కోట్లు ఎలా సంపాదించాడు? వేములవాడ శివయ్య, భద్రాచలం రామయ్యను మోసం చేసిన వ్యక్తి కేసీఆర్‌ ఒక్కరే. మిడ్‌ మానేరు డ్యాం ముంపులో ఇళ్లు కోల్పోయిన కేసీఆర్‌ కుటుంబ సభ్యులు ఇళ్ల స్థలాలు పొందలేదా? కేటీఆర్‌ శ్వేతపత్రం విడుదల చేయాలి.. అమెరికాలో ఎన్ని బాత్రూంలు కడిగారో, వేల కోట్లు ఎలా సంపాదించారో కేటీఆర్‌ వెల్లడించాలి. హైటెక్‌ సిటీలో డెక్కన్‌ సరాయి పేరిట ఉన్న ఫైవ్‌స్టార్‌ హోటళ్లు, ఎట్‌ హోం పేరిట ఉన్న అపార్ల్‌మెంట్లు కేటీఆర్‌ కుటుంబానికి ఎలా వచ్చాయి? ఈ చిట్టా నాడు అసెంబ్లీలో చెప్పకుండా దాచాను. ఇంకా పార్ట్‌ –2 ఉంది. అసెంబ్లీలో కూర్చోబెట్టి కడిగేస్తా. కేసీఆర్, కేటీఆర్, హరీశ్‌రావు, సంతోష్‌రావు ఆక్రమించిన భూముల మీద కేటీఆర్‌ శ్వేత పత్రం విడుదల చేయాలి. కేసీఆర్‌ సీఎం అయ్యి..ఆయన కుమారుడు, అల్లుడు, కొడుకు, తోడల్లుడి కుమారుడు, వారి కుటుంబ సభ్యులకు మంత్రి పదవులు వస్తే.. మేం పొన్నం, అడ్లూరిలని మంత్రులను చేసుకున్నం. సామాజిక న్యాయం పాటించాం. దళితుడు కుర్చీలో కుర్చుంటే ఓర్వలేని కేసీఆర్‌ అసెంబ్లీకి రావడం లేదు. కుటుంబ పాలన కావాలో, ప్రజాపాలన కావాలో ప్రజలు ఆలోచించుకోవాలి. వైఎస్‌–డీఎస్‌ల కాంబో తరహాలోనే రేవంత్‌–మహేశ్‌ కాంబోలో మళ్లీ గెలుస్తాం..’ అని రేవంత్‌ అన్నారు. ఎన్నిసార్లైనా కేంద్రాన్ని కలవాల్సిందే.. ‘తాము ఎన్నికలపుడే రాజకీయాలు చేస్తామని అభివృద్ధి కోసం కేంద్రంతో ఇచ్చిపుచ్చుకునే ధోరణిలో సాగుతామని ముఖ్యమంత్రి అన్నారు. రూ.వందల కోట్లు ఖర్చు పెట్టి ప్రాజెక్టులు నిర్మించినా కేంద్రం అనుమతులు ఇవ్వకపోతే ప్రయోజనం ఉండదు. కానీ కొందరు మా పర్యటనలను లెక్కేస్తున్నారు. సమస్యలు పరిష్కరించుకునేందుకు ఎన్నిసార్లైనా కేంద్రాన్ని కలవాల్సిందే. సిద్ధాంతాలు వేరైనా అభివృద్ధి కోసం ఒకరికొకరం సహకరించుకుంటాం అని చెప్పారు. ‘రాష్ట్ర ప్రభుత్వ ఉద్యోగుల సమస్యలు పరిష్కరించేందుకు కృషి చేస్తున్నాం. ఈ రోజు రాష్ట్రంలో 10.50 లక్షల మంది పర్మినెంట్, కాంట్రాక్ట్, ఔట్‌సోర్సింగ్‌ ఉద్యోగులు 4 కోట్ల మందికి సేవలందిస్తున్నారు. 3% ఉద్యోగులు 97% మందికి సేవలందిస్తున్నారు. మీరంతా కష్టపడితేనే పేదలకు న్యాయం జరుగుతుంది..’ అని అన్నారు. ప్రజాపాలన–2 వస్తుంది: పీసీసీ చీఫ్‌ పీసీసీ చీఫ్‌ మహేశ్‌కుమార్‌ గౌడ్‌ మాట్లాడుతూ.. వేములవాడ రాజన్న సాక్షిగా ప్రజాపాలన–2 తెలంగాణ రాష్ట్రంలో తప్పనిసరిగా వస్తుందని అన్నారు. సిరిసిల్ల నుంచి ప్రాతినిధ్యం వహిస్తున్న నాయకుడి ఆస్తులు ప్రతి ఎన్నికకు పెరుగుతున్నాయని, ఏ వ్యాపారం చేస్తే ఆస్తులు పెరిగాయో చెప్పాలని ప్రశ్నించారు. రూ.కోట్ల జీతాలు తీసుకుంటున్న ప్రతిపక్ష నాయకుడు ఫామ్‌హౌస్‌కే పరిమితమయ్యారని విమర్శించారు. ఈ కార్యక్రమాల్లో మంత్రులు పొంగులేటి శ్రీనివాస్‌ రెడ్డి, శ్రీధర్‌బాబు, తుమ్మల నాగేశ్వర్‌రావు, పొన్నం ప్రభాకర్, అడ్లూరి లక్ష్మణ్‌కుమార్, ప్రభుత్వ విప్‌ ఆది శ్రీనివాస్‌ మాట్లాడారు. మంత్రి అజహరుద్దీన్, ప్రభుత్వ సలహాదారు సుదర్శన్‌ రెడ్డి, వేణుగోపాల్, ఎంపీలు వేం నరేందర్‌ రెడ్డి, మల్లు రవి, చామల కిరణ్‌ కుమార్‌ రెడ్డి, పలువురు ప్రభుత్వ విప్‌లు, ఎమ్మెల్యేలు, ఎమ్మెల్సీలు, కార్పొరేషన్ల చైర్మన్లు, ఇతర నేతలు, అధికారులు పాల్గొన్నారు. కరీంనగర్‌లో నిర్వహించిన సమీక్షలో రాష్ట్ర మంత్రులతో కలిసి కేంద్ర హోంశాఖ సహాయ మంత్రి బండి సంజయ్‌ కూడా పాల్గొన్నారు.

ఢిల్లీలో మంగళవారం ఇండి కూటమి సమావేశమై కీలక నిర్ణయాలు తీసుకుంది. ఎన్నికల సంఘం పనితీరు, ప్రత్యేక ఓటరు జాబితా సవరణ ప్రక్రియపై చర్చించేందుకు ఢిల్లీలోని కాన్‌స్టిట్యూషన్ క్లబ్‌లో ఈ సమావేశం జరిగింది. ప్రధాన ఎన్నికల కమిషనర్ జ్ఞానేశ్ కుమార్‌ను పదవి నుంచి తొలగించేందుకు పార్లమెంట్‌లో తీర్మానం ప్రవేశపెట్టే నోటీసు ముసాయిదాపై కూటమి చర్చించింది.ఏఐసీసీ అధ్యక్షుడు మల్లికార్జున్ ఖర్గే ఈ సందర్భంగా మాట్లాడుతూ.. ‘‘అక్టోబర్ 2 నుంచి 8 వరకు ఇండి కూటమి నేతలం జిల్లా, కలెక్టర్ కార్యాలయాల వద్ద నిరసనలు చేపడతాం. అక్టోబర్ 6న ప్రతిపక్ష ఎంపీలు ఎన్నికల సంఘం వరకు పాదయాత్ర నిర్వహిస్తాం. సంస్థలను ఏ విధంగా స్వాధీనం చేసుకుంటున్నారో రాష్ట్రపతికి తెలియజేయడానికి ప్రతిపక్ష నాయకులం అందరం అక్టోబర్ రెండవ వారంలో కలవడానికి అపాయింట్‌మెంట్ కోరుతాం. అక్టోబర్-నవంబర్ నెలల్లో దేశవ్యాప్తంగా ఐదు ప్రధాన ర్యాలీలు నిర్వహిస్తాము. ర్యాలీల తేదీలు, వేదికలను త్వరలోనే ఖరారు చేస్తాము. నవంబర్ 1న ఢిల్లీలో ఒక భారీ ర్యాలీని నిర్వహిస్తాం. ఓటు చోరీపై రాహుల్ గాంధీ, మమతా బెనర్జీ చెప్పే మాటలను ఇప్పుడు అందరూ అంగీకరిస్తున్నారు’’ అని తెలిపారు.కాగా, ఓటరు జాబితాల ప్రత్యేక సమగ్ర సవరణ ప్రక్రియను నిలిపివేయాలని ప్రతిపక్ష పార్టీలు డిమాండ్ చేస్తున్నాయి. ఓటరు జాబితాల నుంచి పేర్లు తొలగించిన అంశంపై పూర్తి స్థాయి దర్యాప్తు చేయాలని ఇండి కూటమి నేతలు కోరుతున్నారు. కూటమిలో 21 పార్టీలు పాల్గొన్నాయి. గతంలో 23 పార్టీలుగా ఉన్న ఇండి కూటమి నుంచి డీఎంకే, ఆమ్ ఆద్మీ పార్టీ సమావేశానికి దూరంగా ఉన్నాయి. సమాజ్‌వాదీ పార్టీ అధినేత అఖిలేశ్ యాదవ్ సమావేశానికి హాజరుకావడం కాలేదు. ఆయన స్థానంలో ఎంపీలు హరేంద్ర మాలిక్, మొహిబ్బుల్లా నద్వీ పాల్గొన్నారు. సమావేశానికి డీఎంకే దూరంగా ఉన్నప్పటికీ, జ్ఞానేశ్ కుమార్‌పై పార్లమెంట్‌లో తొలగింపు తీర్మానం వస్తే మద్దతు ఇస్తామని ఆ పార్టీ ప్రతినిధి టీకేఎస్ ఎలంగోవన్ తెలిపారు.ఇదీ చదవండి: అప్పుడు అన్ని వేళ్లు బాబు వైపు చూపించలేదా?: రాచమల్లు

కేంద్ర ఎన్నికల సంఘం, ఎస్‌ఐఆర్‌ అంశాలపై ఉమ్మడి కార్యాచరణ రూపొందించేందుకు ఇండియా కూటమి కీలక నేతలు బుధవారం ఢిల్లీలో సమావేశమయ్యారు. అయితే ఈ భేటీకి సమాజ్‌వాదీ పార్టీ (ఎస్పీ) అధినేత అఖిలేశ్‌ యాదవ్‌ హాజరుకాలేదు. ఈ గైర్హాజరు ఇప్పుడు హస్తిన రాజకీయాల్లో తీవ్ర చర్చనీయాంశంగా మారింది.అఖిలేశ్‌ కావాలనే ఈ సమావేశానికి దూరంగా ఉన్నారన్న చర్చ రాజకీయ వర్గాల్లో సాగుతోంది. ముఖ్యంగా ఉత్తరప్రదేశ్‌ అసెంబ్లీ ఎన్నికలు సమీపిస్తున్న వేళ.. కాంగ్రెస్‌తో సీట్ల సర్దుబాటుపై ఇరు పార్టీల మధ్య భిన్నాభిప్రాయాలు బయటపడుతున్నాయి. ఈ నేపథ్యంలోనే అఖిలేశ్‌ కీలక సమావేశానికి గైర్హాజరు కావడం హాట్‌ టాపిక్‌ అయ్యింది. కూటమిలో సీట్ల లెక్కలు తేలకముందే కాంగ్రెస్‌కు తన అసంతృప్తిని పరోక్షంగా తెలియజేసేందుకే ఆయన ఈ నిర్ణయం తీసుకున్నారా? అన్న ప్రశ్నలు తలెత్తుతున్నాయి.సీట్ల లెక్కపై పేచీ..ఉత్తరప్రదేశ్‌లో కాంగ్రెస్‌ కనీసం 150 స్థానాల్లో పోటీ చేయాలని చూస్తోందని ఆ పార్టీ రాష్ట్ర ఇన్‌చార్జ్‌ రాజేంద్ర పాల్‌ గౌతమ్‌ ప్రకటించారు. మొత్తం 403 స్థానాల్లోనూ పోటీకి సిద్ధమవుతున్నామని ఆయన చెప్పారు. మరోవైపు ఎస్పీ మాత్రం కాంగ్రెస్‌కు సుమారు 85–90 స్థానాల వరకు మాత్రమే ఇవ్వడానికి సిద్ధంగా ఉన్నట్లు సమాచారం. రాయ్‌బరేలీ, అమేథీ పరిధిలోని కొన్ని స్థానాల విషయంలోనూ ఇరు పార్టీల మధ్య భిన్నాభిప్రాయాలు ఉన్నాయి.అయితే ఎస్పీ మాత్రం కాంగ్రెస్‌తో విభేదాలు లేవనే అంటోంది. అఖిలేశ్‌ గైర్హాజరుకు రాజ్యసభ ఎన్నికల నామినేషన్‌ ప్రక్రియే కారణమని ఎస్పీ చెబుతోంది. ఉత్తరప్రదేశ్‌లో పార్టీ అభ్యర్థుల నామినేషన్లకు సంబంధించిన కార్యక్రమాల్లో ఆయన బిజీగా ఉన్నారని తెలిపింది. కాంగ్రెస్‌ ప్రధాన కార్యదర్శి కేసీ వేణుగోపాల్‌ కూడా అఖిలేశ్‌తో మాట్లాడానని, నామినేషన్‌ ప్రక్రియ కారణంగానే ఆయన వ్యక్తిగతంగా సమావేశానికి రాలేకపోయారని చెప్పారు. రియాక్షన్‌ మరీ ఇలాగనా?కానీ, అఖిలేశ్‌ స్థానంలో ఎస్పీకి చెందిన ప్రముఖ నేతలు ఇండియా కూటమి సమావేశానికి రాలేదు. మొహిబుల్లా నద్వీ, హరేంద్ర మాలిక్‌ లాంటివాళ్లను సమావేశానికి పంపడం కూడా చర్చకు దారితీసింది. దీంతో సీట్ల సర్దుబాటు విషయంలో కాంగ్రెస్‌ నుంచి వస్తున్న ఒత్తిడికి అఖిలేశ్‌ తనదైన రీతిలో స్పందిస్తున్నారా? అన్న ప్రశ్నలు తలెత్తుతున్నాయి.కాంగ్రెస్‌ ఎంపీ ఇమ్రాన్‌ మసూద్‌ కూడా అఖిలేశ్‌ కూటమి సమావేశానికి దూరంగా ఉండటంపై వ్యాఖ్యలు చేశారు. కూటమికి నాయకత్వం వహించాలంటే అఖిలేశ్‌ మరింత విశాల దృక్పథంతో వ్యవహరించాలని సూచించారు. ఈ వ్యాఖ్యలు ఎస్పీ వర్గాల్లో ఇప్పుడు అసంతృప్తికి దారి తీసే అవకాశాలు కనిపిస్తున్నాయి.మరోవైపు ఇండియా కూటమి సమావేశంలో ఎస్‌ఐఆర్‌, ఎన్నికల సంఘంపై ఉమ్మడి కార్యాచరణ, తదుపరి ఆందోళనలపై చర్చ జరిగింది. అఖిలేశ్‌ గైర్హాజరుతో పాటు డీఎంకే, ఆప్‌ వంటి పార్టీల దూరం నేపథ్యంలో కూటమి అంతర్గత సమన్వయంపై చర్చ మొదలైంది.ఇదీ చదవండి: సీఈసీపై ‘ఇండియా’ కూటమి సమరశంఖం!

సాక్షి, జనగామ: దానం నాగేందర్‌ వికెట్‌ పడింది. రెండో వికెట్‌ కడియం శ్రీహరిదేనంటూ మాజీ ఎమ్మెల్యే తాటికొండ రాజయ్య సంచలన వ్యాఖ్యలు చేశారు. బుధవారం ఆయన మీడియాతో మాట్లాడుతూ.. ‘‘సుప్రీంకోర్టు దెబ్బ తగిలితే రాజకీయ సమాధే. దమ్ముంటే ఎమ్మెల్యే పదవికి కడియం రాజీనామా చేయాలి. రాజీనామా చేసి వస్తే ఉప ఎన్నికల్లో తేల్చుకుందాం’’ అంటూ రాజయ్య సవాల్‌ విసిరారు.‘‘సర్వేలు అన్నీ నీకు అనుకూలం అంటున్నావు కదా.. రా చూసుకుందాం. నువ్వు నాలుగు సార్లు.. నేను నాలుగు సార్లు ఎమ్మెల్యేలుగా గెలిచాం. నువ్వు నేను ఇద్దరం మాజీ ఉప ముఖ్యమంత్రులమే. నాది ప్రజా బలం. నీది కుట్రలు కుతంత్రాల రాజకీయం. పదేపదే అటు ఢిల్లీకి ఇటు రేవంత్ రెడ్డి వద్దకు తన కూతురుతో కలిసి వెళ్తున్నాడు. అభివృద్ధి కోసం కాదు.. మంత్రి పదవి కోసం చక్కర్లు కొడుతున్నాడు. కడియం శ్రీహరి రాసి పెట్టుకో.. ఇక నీ జీవితంలో మంత్రివి కాలేవు. నువ్వుచేసిన అభివృద్ధిపై అంబేద్కర్ విగ్రహం వద్ద శ్వేతపత్రం విడుదల చేయాలి’’ అంటూ రాజయ్య డిమాండ్‌ చేశారు.ఇదీ చదవండి: వీరమాచినేని రామకృష్ణపై క్రిమినల్‌ కేసు

సాక్షి, న్యూఢిల్లీ: తెలంగాణ శాసనమండలికి త్వరలో జరగనున్న పట్టభద్రుల కోటా ఎన్నికలకు కాంగ్రెస్‌ పార్టీ తమ అభ్యర్థులను ఖరారు చేసింది. మహబూబ్‌ నగర్‌–రంగారెడ్డి–హైదరాబాద్‌ పట్టభద్రుల నియోజకవర్గానికి సామ రామ్మోహన్‌ రెడ్డి, వరంగల్‌–ఖమ్మం–నల్లగొండ పట్టభద్రుల స్థానానికి రాంరెడ్డి సర్వోత్తమ్‌ రెడ్డిని ఎంపిక చేశారు. వీరి ఎంపికకు ఏఐసీసీ అధ్యక్షుడు మల్లికార్జున ఖర్గే ఆమోదం తెలిపారు. ఈ మేరకు ఏఐసీసీ ప్రధాన కార్యదర్శి కేసీ వేణుగోపాల్‌ మంగళవారం రాత్రి అధికారికంగా ప్రకటించారు. ఈమేరకు ఢిల్లీలోని ఏఐసీసీ కేంద్ర కార్యాలయం ప్రకటన విడుదల చేసింది. సామ రామ్మోహన్‌ రెడ్డి స్వస్థలం రంగారెడ్డి జిల్లా. ఈయన టీపీసీసీ మీడియా, కమ్యూనికేషన్‌ ఛైర్మన్‌గా, ముఖ్య అధికార ప్రతినిధిగా పని చేశారు. రంగారెడ్డి జిల్లా ప్రధాన కార్యదర్శిగా, యూత్‌ కాంగ్రెస్‌ ఉపాధ్యక్షుడిగా, అలాగే యూత్‌ కాంగ్రెస్‌ జాతీయ అధికార ప్రతినిధిగా పని చేశారు. 2017లో లీగల్‌ సెల్‌ ఉపాధ్యక్షుడిగా, 2019లో అధికార ప్రతినిధిగా బాధ్యతలు నిర్వహించారు. రాంరెడ్డి సర్వోత్తమ్‌ రెడ్డిది సూర్యాపేట జిల్లా. ఈయన మాజీ మంత్రి రాంరెడ్డి దామోదర్‌ రెడ్డి కుమారుడు. యూత్‌ కాంగ్రెస్‌ రాజకీయాల్లో చురుకుగా ఉన్నారు. నల్లగొండ జిల్లాలోనూ పార్టీ కార్యకలాపాల్లో చురుకుగా వ్యవహరించారు. ఏఐసీసీ మెంబర్‌ అయిన సర్వోత్తమ్‌ రెడ్డి యూత్‌ కాంగ్రెస్‌లో పలు హోదాల్లో పనిచేశారు.

సాక్షి, ఢిల్లీ: కాంగ్రెస్‌ వర్కింగ్‌ కమిటీ (CWC) సమావేశంలో పార్టీ అధ్యక్షుడు మల్లికార్జున ఖర్గే కేంద్ర ఎన్నికల సంఘం తీరుపై తీవ్ర విమర్శలు చేశారు. ప్రధాన ఎన్నికల కమిషనర్‌ జ్ఞానేశ్‌ కుమార్‌.. ప్రధాని నరేంద్ర మోదీ చేతిలో కీలుబొమ్మగా మారి ఏకపక్ష నిర్ణయాలు తీసుకుంటున్నారని ఖర్గే ఆరోపించారు. ప్రజాస్వామ్యాన్ని, రాజ్యాంగాన్ని కాపాడేందుకు వీధి పోరాటాల నుంచి పార్లమెంట్‌ వరకు పోరాడతామని స్పష్టం చేశారు.గతంలో రాజీవ్‌ గాంధీ ఓటు హక్కును విస్తరించారని పేర్కొన్న ఖర్గే.. ఇప్పుడు మోదీ ప్రభుత్వం ‘ఓటు రద్దు’ కుట్రలతో ప్రజల హక్కును లాక్కుంటోందని ఆరోపించారు. పదేళ్ల క్రితం ‘నోట్ల రద్దు’తో ఆర్థిక వ్యవస్థను దెబ్బతీశారని, ఇప్పుడు ‘ఓట్ల రద్దు’తో ప్రజాస్వామ్యాన్ని అంతం చేసే ప్రయత్నం జరుగుతోందని వ్యాఖ్యానించారు. ఫారమ్‌-6 నిబంధనలను అక్రమంగా మార్చడం ద్వారా ‘జెన్‌ జీ’ యువతను ఓటు హక్కుకు దూరం చేస్తున్నారని కూడా ఖర్గే ఆరోపించారు. ఎన్నికల ప్రక్రియలో పారదర్శకత, ఓటర్ల హక్కుల పరిరక్షణకు కాంగ్రెస్‌ పోరాటం కొనసాగిస్తుందని ఆయన స్పష్టం చేశారు.News Alert! Political parties must be provided with electoral rolls, relevant data in simple format, in a timely manner: Kharge.News Alert! Independent, time-bound inquiry must be conducted wherever evidence of serious discrepancies emerge: Kharge.News Alert! Kharge seeks… pic.twitter.com/m9kMBUFpyf— Press Trust of India (@PTI_News) September 29, 2026ఓటర్ల జాబితాపై ఐదు డిమాండ్లు..ఎన్నికల సంఘం తీరును తప్పుబడుతూ CWC సమావేశంలో ఐదు కీలక డిమాండ్లతో తీర్మానం ప్రవేశపెట్టినట్లు కాంగ్రెస్‌ తెలిపింది. ఓటర్ల జాబితాలో చేపట్టే మార్పులకు సంబంధించిన డేటాను తక్షణమే బహిరంగపరచాలని డిమాండ్‌ చేసింది. ఓటర్ల జాబితా నుంచి పేర్లు తొలగించే ముందు సంబంధిత ఓటర్లకు ముందస్తు సమాచారం ఇవ్వడంతో పాటు.. అప్పీల్‌ చేసుకునే అవకాశం కల్పించాలని కోరింది. ఎన్నికల నిర్వహణలో తీవ్ర అక్రమాలు వెలుగుచూసిన ప్రాంతాల్లో స్వతంత్ర విచారణ జరిపించాలని సూచనలు చేసింది.ఇదీ చదవండి: సీఈసీ జ్ఞానేశ్‌ ఎపిసోడ్‌.. ఇండియా కూటమి సంచలన నిర్ణయం

సీఈసీ జ్ఞానేశ్‌ కుమార్‌ వ్యవహారంపై ప్రతిపక్షాలు మరోసారి గళం విప్పేందుకు సిద్ధమయ్యాయి. ఎన్నికల సంఘం, ఓటర్ల జాబితా ప్రత్యేక సమగ్ర సవరణ (SIR)పై కొనసాగుతున్న వివాదం నేపథ్యంలో.. ఇండియా కూటమి నేతలు రేపు (సెప్టెంబర్‌ 30) ఢిల్లీలో కీలక సమావేశం నిర్వహించనున్నారు. కాన్‌స్టిట్యూషన్‌ క్లబ్‌ ఆఫ్‌ ఇండియాలో జరిగే ఈ భేటీలో జ్ఞానేశ్‌ కుమార్‌ను పదవి నుంచి తొలగించేందుకు పార్లమెంటులో మరోసారి అభిశంసన/రిమూవల్‌ మోషన్‌ తీసుకొచ్చే అంశంపై ప్రధానంగా చర్చించనున్నట్లు సమాచారం.సీఈసీపై తాజా రాజకీయ దుమారం మధ్య ఇండియా కూటమి పార్టీల మధ్య సమన్వయం పెరుగుతోంది. కాంగ్రెస్‌, తృణమూల్‌ కాంగ్రెస్‌, సీపీఎం, సీపీఐ, ఆర్జేడీ, సమాజ్‌వాదీ పార్టీ, శివసేన (యూబీటీ) తదితర పార్టీల నేతలు ఈ సమావేశానికి హాజరయ్యే అవకాశం ఉంది. తృణమూల్‌ కాంగ్రెస్‌ అధినేత్రి మమతా బెనర్జీ, అభిషేక్‌ బెనర్జీ కూడా పాల్గొనే అవకాశం ఉన్నట్లు సమాచారం. అయితే డీఎంకే హాజరుపై ఇంకా స్పష్టత లేదు.మళ్లీ అభిశంసన తీర్మానం?కాగా, సీఈసీ జ్ఞానేశ్‌ కుమార్‌పై మరోసారి తొలగింపు తీర్మానం తీసుకొచ్చే దిశగా ప్రతిపక్షాలు కసరత్తు చేస్తున్నాయి. ఇప్పటికే ఈ అంశంపై న్యాయ నిపుణులతో సంప్రదింపులు జరుగుతున్నాయని, తాజా నోటీసును లోక్‌సభ, రాజ్యసభల్లో ప్రవేశపెట్టేందుకు అవసరమైన సంతకాల సేకరణపైనా సమావేశంలో చర్చించే అవకాశం ఉందని సమాచారం. ఇది ప్రతిపక్షాల నుంచి జ్ఞానేశ్‌ కుమార్‌ను తొలగించాలని కోరుతూ చేపట్టే మూడో ప్రయత్నం కావచ్చని వార్తలు వెలువడ్డాయి.సీఈసీని తొలగించే ప్రక్రియ సాధారణ తీర్మానంతో పూర్తయ్యేది కాదు. రాజ్యాంగంలోని నిబంధనల ప్రకారం, లోక్‌సభలో కనీసం 100 మంది ఎంపీలు, రాజ్యసభలో 50 మంది ఎంపీలు తొలగింపు తీర్మానానికి నోటీసుపై సంతకం చేయాలి. తీర్మానం స్వీకరించిన తర్వాత ఆరోపణలపై విచారణ జరుగుతుంది. అనంతరం రెండు సభల్లోనూ మొత్తం సభ్యుల మెజారిటీతో పాటు, హాజరై ఓటు వేసిన సభ్యుల్లో మూడింట రెండొంతుల మెజారిటీ అవసరం.‘సర్‌’పైనే ప్రధాన ఫోకస్‌ఈ మొత్తం వ్యవహారానికి కేంద్ర బిందువుగా ఓటర్ల జాబితాల ప్రత్యేక సమగ్ర సవరణ (SIR) ఉంది. సర్‌ ప్రక్రియ, ఎన్నికల సంఘం నిర్ణయాలపై ప్రతిపక్షాలు తీవ్ర అభ్యంతరాలు వ్యక్తం చేస్తున్నాయి. మరోవైపు ఎన్నికల సంఘం మాత్రం కమిషన్‌లో భిన్నాభిప్రాయాలు, అభిప్రాయాల నమోదు సంస్థాగత ప్రక్రియలో సాధారణమేనని, తుది నిర్ణయాలు ముగ్గురు ఎన్నికల కమిషనర్ల ఆమోదంతోనే ఏకగ్రీవంగా తీసుకున్నామని చెబుతోంది.ఇటీవల ఎన్నికల కమిషన్‌లోని ఇతర కమిషనర్లు సుఖ్‌బీర్‌ సింగ్‌ సంధు, వివేక్‌ జోషి.. SIRకు సంబంధించిన కొన్ని అంశాలపై అభ్యంతరాలు వ్యక్తం చేశారన్న నివేదికలు వెలువడ్డాయి. ఈ పరిణామాల తర్వాతే ప్రతిపక్షాలు తమ ఆందోళనలను మరింత ఉద్ధృతం చేశాయి.దేశవ్యాప్త ఆందోళనలపై చర్చరేపటి సమావేశంలో అభిశంసన తీర్మానంతో పాటు జ్ఞానేశ్‌ కుమార్‌ రాజీనామా డిమాండ్‌, ఎన్నికల సంఘం నిర్ణయాలపై స్వతంత్ర విచారణ, దేశవ్యాప్త ఆందోళనలకు కార్యాచరణ వంటి అంశాలపైనా చర్చించే అవకాశం ఉంది. ఎన్నికలు జరగనున్న రాష్ట్రాల్లో ఈ అంశాన్ని విస్తృతంగా ప్రజల్లోకి తీసుకెళ్లే వ్యూహంపైనా నేతలు చర్చించనున్నట్లు సమాచారం. ఇప్పటికే కాంగ్రెస్‌ సహా పలు ప్రతిపక్ష పార్టీలు దేశవ్యాప్తంగా నిరసనలు చేపట్టాయి. వామపక్ష పార్టీలు సెప్టెంబర్‌ 26 నుంచి అక్టోబర్‌ 2 వరకు ఆందోళనలకు పిలుపునిచ్చాయి. మరోవైపు ఇండి కూటమి సమావేశం అనంతరం ప్రతిపక్ష నేతలు ఉమ్మడి మీడియా సమావేశం నిర్వహించే అవకాశం కూడా ఉందని సమాచారం.బీజేపీ, ఈసీ వాదన ఏంటి?ప్రతిపక్షాల ఆరోపణలను బీజేపీ తిరస్కరిస్తోంది. సర్‌పై ప్రతిపక్షాలు చేస్తున్న ఆరోపణలు ఎన్నికల పరాజయాల నుంచి దృష్టి మళ్లించేందుకు చేస్తున్న ప్రయత్నాలని బీజేపీ నేతలు విమర్శిస్తున్నారు. ఎన్నికల సంఘం కూడా SIRకు సంబంధించిన తుది నిర్ణయాలు చట్టబద్ధమైన విధానాలను అనుసరించి, ముగ్గురు కమిషనర్ల ఆమోదంతో ఏకగ్రీవంగా తీసుకున్నామని పేర్కొంది. ఈ నేపథ్యంలో సెప్టెంబర్‌ 30న జరిగే ఇండియా కూటమి భేటీ కీలకం కానుంది. ఇదీ చదవండి: వాహనదారులకు బిగ్‌ అలర్ట్‌.. నవంబర్‌ 1 నుంచి కఠిన ఆంక్షలు!

సాక్షి, హైదరాబాద్‌: ‘ఓట్ల చోరీ’పై కాంగ్రెస్‌ అగ్రనేత రాహుల్‌గాంధీ చేసిన హెచ్చరికలు ఇప్పుడు నిజమయ్యాయని ఉప ముఖ్యమంత్రి భట్టి విక్రమార్క అన్నారు. ఎస్‌ఐఆర్‌ పేరుతో పౌరుల ఓట్లను తొలగిస్తున్న తీరుపై ఇతర ఎన్నికల కమిషనర్లే స్వయంగా అంగీకరించడం దురదృష్టకరమని పేర్కొన్నారు. చీఫ్‌ ఎలక్షన్‌ కమిషనర్‌ (సీఈసీ) జ్ఞానేశ్‌కుమార్‌ తక్షణమే రాజీ నామా చేయాలని ఏఐసీసీ ఇచ్చిన పిలుపు మేరకు సోమవారం హైదరాబాద్‌లో కాంగ్రెస్‌ భారీ నిరసన చేపట్టింది. టీపీసీసీ అధ్యక్షుడు మహేష్‌కుమార్‌ గౌడ్‌ ఆధ్వర్యంలో సోమవారం నెక్లెస్‌ రోడ్‌లోని ఇందిరా గాంధీ విగ్రహం వద్ద నుంచి తెలంగాణ ముఖ్య ఎన్నికల అధికారి కార్యాలయం వరకు ర్యాలీ నిర్వహించారు. అనంతరం నిరసనలో భాగంగా జ్ఞానేష్‌ కుమార్, ప్రధానమంత్రి నరేంద్ర మోదీ, కేంద్ర హోంమంత్రి అమిత్‌ షా దిష్టిబొమ్మలను దగ్ధం చేశారు. ఈ సందర్భంగా నిరసన కార్యక్రమానికి భట్టి విక్రమార్క చేతిలో భారత రాజ్యాంగ ప్రతిని పట్టుకుని హాజరయ్యారు. అనంతరం మహేశ్‌కుమార్‌ గౌడ్, శ్రీధర్‌బాబు, పొన్నం ప్రభాకర్, అజహరుద్దీన్‌లతో కలిసి ఎన్నికల కమిషనర్‌కు వినతిపత్రం సమర్పించారు. ఈ సందర్భంగా భట్టి మాట్లాడుతూ ప్రజాస్వామ్యానికి ప్రాణవాయువైన ఓటు హక్కునే కాలరాస్తే ఇక ఈ దేశంలో ప్రజాస్వామ్యం ఎక్కడ ఉంటుందని ప్రశ్నించారు. భారత ప్రజాస్వామ్యంపై, పౌరుల హక్కులపై కాంగ్రెస్‌కు సంపూర్ణ విశ్వాసం ఉందని , ప్రజాస్వామ్యాన్ని, రాజ్యాంగాన్ని విశ్వసించే రాజకీయ పార్టీలన్నీ విభేదాలను పక్కనపెట్టి కాంగ్రెస్‌తో చేతులు కలపాలని ఆయన పిలుపునిచ్చారు. భారత ఎన్నికల సంఘం భారత ప్రజలకు చెందిన రాజ్యాంగబద్ధ సంస్థ అని, ఎన్నికలు నిర్వహించడంతో పాటు ఎన్నికల ప్రక్రియ పారదర్శకంగా, సమగ్రంగా, ప్రజల విశ్వాసానికి తగిన విధంగా కొనసాగేలా చూడటం కూడా దాని అత్యంత కీలక బాధ్యత అని టీపీసీసీ అధ్యక్షుడు మహేష్‌కుమార్‌ గౌడ్, పేర్కొన్నారు. ప్రజాస్వామ్యం, రాజ్యాంగబద్ధ వ్యవస్థ, ఎన్నికల సమగ్రత, భారత ఎన్నికల వ్యవస్థపై ప్రజల విశ్వాసాన్ని దృష్టిలో ఉంచుకుని, జ్ఞానేష్‌ కుమార్‌ ప్రధాన ఎన్నికల కమిషనర్‌ పదవి నుంచి తప్పుకోవాలన్నారు. ఐటీ శాఖ మంత్రి శ్రీధర్‌బాబు మాట్లాడుతూ ఇద్దరు ఎన్నికల కమిషనర్లు నమోదు చేసినట్లు నివేదించబడిన అభ్యంతరాలపై ఎన్నికల సంఘం స్పష్టమైన ప్రజా వివరణ ఇవ్వాలని డిమాండ్‌ చేశారు. ఎక్సైజ్‌ శాఖ మంత్రి జూపల్లి కృష్ణారావు మాట్లాడుతూ ఎన్నికల ప్రక్రియ పారదర్శకంగా జరిగేలా చూడడం ఎన్నికల సంఘం బాధ్యత అన్నారు. రాష్ట్ర బీసీ సంక్షేమ శాఖ మంత్రి పొన్నం ప్రభాకర్‌ మాట్లాడుతూ ఎన్నికల ప్రక్రియ ప్రజల విశ్వాసానికి తగిన విధంగా కొనసాగేలా చూడడం దాని అత్యంత కీలక బాధ్యత అన్నారు. రాష్ట్ర మైనారిటీ శాఖ మంత్రి అజహరుద్దీన్‌ మాట్లాడుతూ ఎన్నికల సంఘం పనితీరుపై కాంగ్రెస్‌ పార్టీ చాలా కాలంగా ప్రశ్నలు లేవనెత్తుతోందని, ఎన్నికల ప్రక్రియలో మరింత పారదర్శకత ఉండాలని డిమాండ్‌ చేస్తోందన్నారు. ఈ కార్యక్రమంలో ఎంపీలు చామల కిరణ్‌ కుమార్‌ రెడ్డి, అనిల్‌ కుమార్‌ యాదవ్, మాజీ కేంద్ర మంత్రి సర్వే సత్యనారాయణ, ఎమ్మెల్యేలు రామ్మోహన్‌ రెడ్డి, నవీన్‌ యాదవ్, శంకరయ్య, సీనియర్‌ నాయకులు దానం నాగేందర్, కోదండరెడ్డి, మాజీ ఎంపీ అంజన్‌ కుమార్, టీపీసీసీ ఎన్నికల వ్యవహారాల కమిటీ చైర్మన్‌ పులిపాటి రాజేష్‌, టీపీసీసీ ‘సర్‌’స్టేట్‌ కోఆర్డినేటర్‌ గంప వేణుగోపాల్, పెద్ద సంఖ్యలో కార్యకర్తలు పాల్గొన్నారు.

న్యూఢిల్లీ/ఆగ్రా/లక్నో: ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌) వివాదంలో కేంద్రబిందువుగా మారిన ప్రధాన ఎన్నికల కమిషనర్‌(సీఈసీ) జ్ఞానేశ్‌కుమార్‌ను పదవి నుంచి తొలగించాలన్న డిమాండ్‌తో కాంగ్రెస్‌ శ్రేణులు దేశవ్యాప్తంగా వీధుల్లో కదంతొక్కారు. సోమవారం అన్ని రాష్ట్రాల్లో జ్ఞానేశ్‌ వైఖరిని తప్పుబడుతూ కాంగ్రెస్‌ కార్యకర్తలు భారీ ర్యాలీలు చేపట్టారు. లోపభూయిష్టంగా తయారైన ఎస్‌ఐఆర్‌కు నైతికబాధ్యతగా జ్ఞానేశ్‌ స్వచ్ఛందంగా పదవిని వీడాలని డిమాండ్లుచేశారు. ఆయనకు వ్యతిరేకంగా నినదించారు. పంజాబ్, హరియాణా, జమ్మూకశ్మీర్, రాజస్తాన్, యూపీ, ఉత్తరాఖండ్, మధ్యప్రదేశ్, మహారాష్ట్ర, జార్ఖండ్, బిహార్, తెలంగాణ, కర్ణాటక, గుజరాత్, అస్సాం, ఛత్తీస్‌గఢ్, గోవా తదితర రాష్ట్రాల్లో పెద్ద ఎత్తున నిరసన కార్యక్రమాలు జరిగాయి. పలు రాష్ట్రాల్లో జ్ఞానేశ్‌ దిష్టిబొమ్మను దగ్ధంచేశారు. పలు రాష్ట్రాల్లో కాంగ్రెస్‌ కీలకనేతలు స్వయంగా పాల్గొని జ్ఞానేశ్‌కు వ్యతిరేకంగా నినదించారు. అయితే చాలా చోట్ల ఈ ర్యాలీలకు అనుమతి లభించలేదు. అయినాసరే పలు నగరాల్లో కాంగ్రెస్‌ చేపట్టిన ర్యాలీలను పోలీసులు అడ్డుకున్నారు. జైపూర్, భోపాల్, తదితర నగరాల్లో బారికేడ్లతో పోలీసులు ర్యాలీలను నిలువరించే ప్రయత్నంచేశారు. దీంతో ఆయా చోట్ల కార్యకర్తలు, పోలీసులకు మధ్య వాగ్వాదం జరిగింది. జలఫిరంగులను ఎక్కుపెట్టి కార్యకర్తలను పోలీసులు చెల్లాచెదురుచేశారు. ఢిల్లీలోని కాంగ్రెస్‌ పార్టీ దీన్‌ దయాళ్‌ ఉపాధ్యాయ్‌ మార్గ్‌లోని పార్టీ ఆఫీస్‌ నుంచి వందలాది మంది కార్యకర్తలు కేంద్ర ఎన్నికల సంఘం ప్రధాన కార్యాలయం ‘నిర్వాచన్‌ సదన్‌’కు ర్యాలీగా బయల్దేరారు. పోలీసులు వీళ్లను మార్గమధ్యంలోనే అడ్డగించారు. ఇండియన్‌ యూత్‌ కాంగ్రెస్‌ ఆఫీస్‌ నుంచి సైతం బయల్దేరిన యువజన కాంగ్రెస్‌ సభ్యులను పోలీసులు ఇలాగే మార్గమధ్యంలోనే బారిరీకేడ్లు అడ్డుపెట్టి నిలువరించారు. కొందరు జ్ఞానేశ్‌లా మాస్క్ ధరించారు. వాళ్ల చేతులకు గొలుసులు బిగించుకున్నారు. ‘‘బీజేపీ ప్రయోజనాలను కాపాడుతున్న ఈసీ చేతులు కట్టేసిఉన్నాయి’’అంటూ నినదించారు. నిరసన ర్యాలీలపై రాహుల్‌గాంధీ ‘ఎక్స్‌’లో ఒక పోస్ట్‌పెట్టారు. ‘‘జ్ఞానేశ్‌ ఒక దేశద్రోహి. ఇప్పటికైనా ఆయన ఓటు చోరీ ఉదంతంలో అప్రూవర్‌గా మారితే మంచిది. అయినా జ్ఞానేశ్‌ పదవి నుంచి వెళ్లిపోయినా ఆయనను ఇలా తయారుచేసిన ‘శక్తులు’ప్రజలకు జవాబు చెప్పి తీరాల్సిందే’’అని రాహుల్‌ పరోక్షంగా బీజేపీ అగ్రనాయకత్వాన్ని డిమాండ్‌చేశారు.జ్ఞానేశ్‌ ఇంటిపై రాతలు.. ఆగ్రా నగరంలోని జ్ఞానేశ్‌ సొంత ఇంటిపై ఇద్దరు కాంగ్రెస్‌ నేతలు జ్ఞానేశ్‌ ద్రోహి, జ్ఞానేశ్‌ దొంగ అని రాతలు రాశారు. విజయ్‌నగర్‌లోని కుమార్‌ ఇంటి గేటు మీద, గోడ మీద స్ప్రే పెయింట్‌తో రాతలు రాశారు. రాతలతోపాటు గోడలపై జ్ఞానేశ్‌కు వ్యతిరేకంగా స్టిక్కర్లు, కరపత్రాలను అతికించారు. దీంతో హరిపర్వత్‌ పోలీస్‌స్టేషన్‌లో కేసు నమోదుచేసిన పోలీసులు కాంగ్రెస్‌ నేత ముకేశ్‌ ధంగర్, పార్టీ ప్రధాన కార్యదర్శి(వ్యవస్థీకృతం) అనిల్‌ యాదవ్‌లను అరెస్ట్‌చేశారు.

సాక్షి ప్రతినిధి, న్యూఢిల్లీ: రాష్ట్ర విభజన తర్వాత తెలంగాణలో టీడీపీ ప్రాభవం కోల్పోయిందని, నాయుడు (చంద్రబాబునాయుడు)తో కలిసి పనిచేస్తే తెలంగాణలో ఇబ్బందని ప్రజలు చెప్పడం వల్లే పార్టీ మారానని సీఎం రేవంత్‌రెడ్డి తెలిపారు. నాడు కేంద్రంలో టీడీపీ భాగస్వామ్యంతో ఉన్న ఎన్‌డీఏతో, రాష్ట్రంలో అధికారంలో ఉన్న బీఆర్‌ఎస్‌తో పోరాడటానికే కాంగ్రెస్‌ పార్టీలో చేరానని చెప్పారు. సోమవారం ఢిల్లీలో ప్రతిదిన్‌ మీడియా నెట్‌వర్క్‌ నిర్వహించిన ‘ది కాంక్లేవ్‌ 2026’ కార్యక్రమంలో సీఎం మాట్లాడారు. దేశ భవిష్యత్తును పునర్నిమించడంలో యువతకు ప్రాధాన్యత అవసరమన్నారు. జెన్‌ జీ సవాళ్లు, వారి ఆకాంక్షలను ప్రతిబింబించేలా పరిపాలన సాగాలని, యువతకు రాజకీయ ప్రాతినిధ్యం, విస్తృత అవకాశాలు కల్పించాల్సిన అవసరం ఉందని చెప్పారు. తెలంగాణలో వినూత్నంగా ప్రారంభించిన ‘యంగ్‌ ఇండియా స్కిల్స్‌ యూనివర్సిటీ’ద్వారా యువతకు ఉపాధి నైపుణ్యాలను పెంపొందించడానికి తీసుకుంటున్న చర్యలను రేవంత్‌ వివరించారు. మోదీకి మన్మోహన్‌సింగ్‌ సహకరించారు ‘నరేంద్ర మోదీ గుజరాత్‌ సీఎంగా ఉన్నప్పుడు అక్కడ అభివృద్ధి విషయంలో అప్పటి ప్రధాని మన్మోహన్‌ సింగ్‌ సహకరించారు. కానీ ఇప్పుడు ప్రధానిగా ఉన్న నరేంద్ర మోదీ తెలంగాణ అభివృద్ధి విషయంలో సహకరించట్లేదు. హైదరాబాద్‌ రీజినల్‌ రింగ్‌ రోడ్డుకు టెండర్లు పిలిచే సమయానికి కేంద్ర ప్రభుత్వం అనుమతులను అడ్డుకుంది. ఇది నార్త్‌ వర్సెస్‌ సౌత్‌ కాదు.. గుజరాత్‌ వర్సెస్‌ మిగతా భారతదేశం అన్నట్లుగా పరిస్థితి మారిపోయింది. ఎంపీగా ఉత్తరప్రదేశ్‌ నుంచి ప్రాతినిధ్యం వహిస్తున్న మోదీ.. నిధులు మాత్రం గుజరాత్‌కు తరలించుకుపోతున్నారు. ఎలక్షన్‌ కమిషన్‌ను మోదీ వాడుకుంటున్నారు.. నాడు బ్రిటిష్‌ వారు సైమన్‌ కమిషన్‌ను తీసుకొచ్చినట్లుగా ఇప్పడు మోదీ ఎలక్షన్‌ కమిషన్‌ను ఉపయోగించుకుంటున్నారు. 2029 ఎన్నికల కోసం ఇప్పటి నుంచే దేశంలో 13 కోట్ల ఓట్లను తొలగించారు. దేశంలో జనాభా తగ్గనప్పుడు ఓట్లు ఎలా తగ్గుతాయి? నాడు సైమన్‌ గో బ్యాక్‌ అని నినదించినట్లు ఇప్పడు ‘సర్‌’గో బ్యాక్‌ అని దేశమంతా ముక్తకంఠంతో నినదించాల్సిన సమయం వచ్చింది. ఆ రెండింటినీ ముడిపెట్టడం సరికాదు.. చట్టసభల్లో మహిళలకు రిజర్వేషన్లు, డీలిమిటేషన్‌ (నియోజకవర్గాల పునర్విభజన) అనేవి పూర్తిగా భిన్నమైన అంశాలు. మహిళా రిజర్వేషన్ల అమలును జనగణన, డీలిమిటేషన్‌ ప్రక్రియ పూర్తయ్యేవరకూ నిలిపేయకుండా, 33 శాతం మహిళా రిజర్వేషన్లను తక్షణమే అమలు చేయాలి. అయితే కేంద్ర ప్రభుత్వం డీలిమిటేషన్‌ను ఒక రాజకీయ ఆయుధంగా వాడుకుంటోంది. కేవలం జనాభా ప్రాతిపదికన మాత్రమే నియోజకవర్గాలను విభజిస్తే, జనాభా నియంత్రణను సమర్థంగా పాటించిన తెలంగాణ, ఆంధ్రప్రదేశ్, తమిళనాడు, కేరళ, కర్ణాటక రాష్ట్రాలు తీవ్రంగా నష్టపోతాయి. ఉత్తరాదికి ఎక్కువ సీట్లు వచ్చి, పార్లమెంట్‌లో దక్షిణాది ప్రాతినిధ్యం తగ్గిపోతుంది. కేవలం జనాభాను కాకుండా రాష్ట్రాల జీఎస్‌డీపీ, దేశాభివృద్ధికి ఇస్తున్న సహకారాన్ని పరిగణనలోకి తీసుకునే ‘హైబ్రిడ్‌ డీలిమిటేషన్‌ మోడల్‌’ను రూపొందించాలి. డీలిమిటేషన్‌పై ఏకపక్ష నిర్ణయాలు తీసుకోకుండా, ఆల్‌ పార్టీ మీటింగ్‌ నిర్వహించాలి. తల్లిదండ్రులు ఇంగ్లిష్‌ మీడియం కావాలన్నారు.. సోనియాగాంధీ ఏ లక్ష్యాలతోనైతే తెలంగాణ ఇచ్చారో వాటన్నింటినీ కేసీఆర్‌ ప్రభుత్వం తుంగలో తొక్కింది. ప్రభుత్వ పాఠశాలలకు పిల్లలను ఎందుకు పంపడం లేదని వారి తల్లిదండ్రులను అడిగితే ఇంగ్లిష్‌ మీడియం కావాలన్నారు. ప్రభుత్వ విద్యావ్యవస్థలో లోపాలు గుర్తించి, వాటిని సరిచేస్తున్నాం. పదో తరగతి తర్వాత చదివే విద్యార్థులకు ఫీజు రీయింబర్స్‌మెంట్‌ కింద ఏటా రూ.2,500 కోట్లు ఇస్తున్నాం. ఇంటరీ్మడియట్‌ తర్వాత స్కిల్స్‌ నేర్పించడానికి ప్రాధాన్యత ఇస్తున్నాం..’అని సీఎం చెప్పారు.

సాక్షి,న్యూఢిల్లీ: అసెంబ్లీ కంటే జైలుకే ఎక్కువ సార్లు వెళ్లానంటూ తెలంగాణ సీఎం రేవంత్‌రెడ్డి ఆసక్తికర వ్యాఖ్యలు చేశారు. ఢిల్లీ వేదికగా జరిగిన ‘ప్రతిదిన్ కాంక్లేవ్’లో తెలంగాణ సీఎం రేవంత్ రెడ్డి పాల్గొన్నారు. ‘ఇండియాస్ నెక్స్ట్ చాప్టర్’ అనే అంశంపై ప్రసంగించిన ఆయన తన రాజకీయ ప్రయాణం, విద్యార్థి రాజకీయాలు, జాతీయ రాజకీయాలపై అభిప్రాయం వ్యక్తం చేశారు.తాను 2006లో జడ్పీటీసీగా, 2007లో ఎమ్మెల్సీగా ఇండిపెండెంట్‌గా గెలిచానని, ఆ రెండు ఎన్నికల్లోనూ కాంగ్రెస్ అభ్యర్థులను ఓడించానని సీఎం రేవంత్‌ గుర్తుచేసుకున్నారు. 2014 తర్వాత తెలంగాణ రాజకీయాలు ‘కేసీఆర్ వర్సెస్ రేవంత్’గా మారాయని, ఆ సమయంలో కేసీఆర్ తనను అనేకసార్లు జైలుకు పంపారని సీఎం ఆరోపించారు. తెలంగాణలో బీఆర్‌ఎస్ ప్రభుత్వంతో పాటు, కేంద్రంలో ఎన్డీఏతో పోరాడాల్సిన పరిస్థితి ఏర్పడిందని పేర్కొన్నారు.ఉత్తర, దక్షిణ భారతదేశాల్లో రాజకీయాల శైలి భిన్నంగా ఉంటుందని సీఎం రేవంత్ అభిప్రాయపడ్డారు. తెలంగాణలో విద్యార్థి సంఘాల ప్రభావం చాలా తక్కువగా ఉందని, ప్రధానంగా లెఫ్ట్, రైట్ విద్యార్థి సంఘాలే ఉన్నాయని.. ఎన్ఎస్‌యూఐ ప్రభావం పెద్దగా లేదన్నారు. యూనివర్సిటీ రాజకీయాలు వేరు, గ్రామ రాజకీయాలు వేరని స్పష్టం చేశారు.స్టూడెంట్ పాలిటిక్స్‌లో ఏబీవీపీ ప్రభావం ఎక్కువగా ఉన్నప్పటికీ, సాధారణ రాజకీయాల్లో మాత్రం కాంగ్రెస్ పార్టీదే పైచేయి ఉంటుందని.. తెలంగాణలో బీజేపీకి పెద్దగా ప్రాధాన్యం లేదని అన్నారు. ఏబీవీపీలో గెలిచిన కొందరు విద్యార్థి నాయకులు తర్వాత కాలంలో కాంగ్రెస్‌లో చేరి ఎమ్మెల్యేలుగా పోటీ చేస్తున్న ఉదాహరణలను ప్రస్తావించారు.రాహుల్ గాంధీపై ప్రశంసలుకాంగ్రెస్ అగ్రనేత రాహుల్ గాంధీతో తన అనుబంధాన్ని సీఎం రేవంత్ గుర్తుచేసుకున్నారు. రాహుల్ గాంధీని తొలిసారి కలిసినప్పుడు ఆయనతో 15 నిమిషాలు మాట్లాడానని, ఆ రోజే రాహుల్‌ను తన నాయకుడిగా నిర్ణయించుకున్నానని తెలిపారు. రాహుల్ గాంధీకి ఎలాంటి వ్యక్తిగత అజెండాలు లేవని, దేశమే ఆయనకు ముఖ్యమని రేవంత్ ప్రశంసించారు. అలాగే రాహుల్ గాంధీ, దిగ్విజయ్ సింగ్, జైరాం రమేశ్ తన శ్రేయోభిలాషులని ఆయన వెల్లడించారు.ఇదీ చదవండి : 22ఏ భూములపై తెలంగాణ ప్రభుత్వం కీలక ప్రకటన

సాక్షి, తెలంగాణభవన్‌: పేదలను కొట్టి పెద్దలకు పెట్టడం ఇందిరమ్మ రాజ్యమా అని ప్రశ్నించారు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌. కాంగ్రెస్‌ నేతల భూములు ముట్టుకోరు? పేదల భూములపై మాత్రం పడతారు. హైడ్రాకు కాంగ్రెస్‌ నేతల భూములు కనపడవా?. రైతుల ఇంటికి పోలీసులను పంపాల్సిన అవసరం ఏంటి? అని ప్రశ్నల వర్షం కురిపించారు. ఫ్యూచర్‌ సిటీలో పెట్టుబడులు పెడితే మీరే నష్టపోతారు అంటూ వ్యాఖ్యలు చేశారు.మాజీ మంత్రి, బీఆర్‌ఎస్‌ ఎమ్మెల్యే కేటీఆర్‌ తెలంగాణభవన్‌లో మాట్లాడుతూ.. కాంగ్రెస్‌ పాలన మూడేళ్ల మురిపెం అయ్యింది. కాంగ్రెస్‌ 420 హామీలిచ్చి ప్రజలను మోసం చేసింది. తెలంగాణలో గడిచిన మూడేళ్లలో సీఎం రేవంత్‌ రెడ్డి ఒ​క్క మంచి పనైనా చేశాడా?. రేవంత్‌ రెడ్డికి తెలిసింది భూములు అమ్మడం, భూములు కొనడం. రేవంత్‌కు తెలిసింది భూముల దందా ఒక్కటే. బహదూర్‌గూడ భూములపై రేవంత్‌ రెడ్డి కన్నుపడింది. రేవంత్‌ పేదల కడుపుకొట్టి పెద్దవాళ్ల కడుపు నింపే ప్రయత్నం చేస్తున్నారు. సుప్రీంకోర్టు వెళ్లి అయినా సరే మన భూములను కాపాడుకుందాం. బహదూర్‌గూడలో రేవంత్‌ రెడ్డికి రైతులు కనబడటం లేదు. అక్కడ రూ.6000 కోట్ల భూములు మాత్రమే కనిపిస్తున్నాయి. ఫార్మాసిటీని రద్దు చేసి భూములు వెనక్కి ఇస్తామని కాంగ్రెస్‌ నేతలు చెప్పారు. అధికారంలోకి వచ్చాక మాత్రం ఫ్యూచర్‌ సిటీ కడుతామని అంటున్నారు.రైతులు భూములు ఇచ్చింది.. ఫార్మా సిటీ కోసమే తప్పఫ్యూచర్ సిటీ కోసం కాదు. రేవంత్ రెడ్డి కుటుంబ సభ్యులు మహేశ్వరం, కల్వకుర్తి ప్రాంతాల్లో భారీ భూదందా చేస్తున్నారు. బినామీలు ఎవరెవరు? వారి పేర్లు అన్ని సమయం వచ్చినప్పుడు చెప్తా. ఫ్యూచర్‌ సిటీలో పెట్టుబడులు పెడితే మీరే నష్టపోతారు. ఫ్యూచర్‌ సిటీ పేరుతో రియల్‌ ఎస్టేట్‌ దందా చేస్తున్నారు.బుల్లెట్‌ ట్రైన్‌కు బీఆర్‌ఎస్‌ వ్యతిరేకం కాదు. బుల్లెట్‌ రైలు పేరుతో చేసే భూ దోపిడీకే మేము వ్యతిరేకం. శంషాబాద్‌ ఎయిర్‌పోర్టు కోసం సేకరించిన భూముల్లోనే బుల్లెట్‌ ట్రైన్‌ పెట్టొచ్చు కదా. ఏడాదిన్నరలో మళ్లీ కేసీఆర్‌ వస్తారు. కేసీఆర్‌ వచ్చాక మళ్లీ మీ పట్టాలు మీకు అప్పగిస్తాం. మోసపోతే గోస పడతారని కేసీఆర్‌ ముందే చెప్పారు.’ అని కామెంట్స్‌ చేశారు. ఇదీ చదవండి: ఖైరతాబాద్‌లో దిమ్మతిరిగే రిజల్ట్స్‌.. దానం సంచలన వ్యాఖ్యలు

సీనియర్ నేత, ఖైరతాబాద్ ఎమ్మెల్యే దానం నాగేందర్ తప్పు చేశారా? కాంగ్రెస్ పార్టీ తప్పు చేసిందా? దానం నాగేందర్ పార్టీ మారి ఉండవచ్చు. కాని అఖిల భారత కాంగ్రెస్ పార్టీ ప్రకటించిన ఎన్నికల ప్రణాళికలో ఫిరాయింపులపై స్పష్టమైన హామీని ఇచ్చింది. ఎవరైనా పార్టీ ఫిరాయించితే రాజ్యాంగం ప్రకారం వారిని అనర్హులుగా చేయాలన్నదే తమ అభిమతమని అందులో తెలిపింది. అలాంటప్పుడు బీఆర్‌ఎస్‌ ఎమ్మెల్యేగా ఉన్న దానం నాగేందర్ ముఖ్యమంత్రి రేవంత్ రెడ్డి సమక్షంలో కాంగ్రెస్‌లోకి వచ్చిన వెంటనే ఎమ్మెల్యే పదవికి రాజీనామా చేయించి ఉంటే కాంగ్రెస్‌కు ప్రతిష్ట అయ్యేది. అలా చేయలేదు. పైగా ఆయనను సికింద్రాబాద్ నుంచి లోక్‌సభకు కాంగ్రెస్ పక్షాన పోటీచేయించింది. కనీసం అప్పుడైనా రాజీనామా చేయించాల్సింది. ఆయన గెలిచి ఉంటే ఎలాగూ రాజీనామా చేస్తారని అనుకుని ఉండవచ్చు. కాని ఆయన ఓటమి చెందారు. ఆ తర్వాత బీఆర్‌ఎస్‌ ఎమ్మెల్యే పాడి కౌశిక్ రెడ్డి, బీజేపీ శాసనసభ పక్ష నేత ఏలేటి మహేశ్వరరెడ్డిలు స్పీకర్ గడ్డం ప్రసాదకుమార్‌కు ఫిర్యాదు చేసినప్పుడు ఆయన విచారణ పేరుతో కొంత కాలయాపన చేశారన్న భావన ఉంది.నిజానికి మొత్తం తొమ్మిది మంది ఫిరాయింపు ఎమ్మెల్యేలపై వేటు వేసి ఉంటే గౌరవంగా ఉండేది. ఏదో కారణంతో వారిపై అనర్హత వేటు వేయకుండా వారిని రక్షించారన్న విమర్శకు స్పీకర్ గురయ్యారు. మిగిలిన ఎనిమిది మంది కన్నా, దానం నాగేందర్ ఫిరాయింపు మరీ ఓపెన్ అయిపోయినట్లు లెక్క.స్పష్టమైన ఆధారాలు ఎదురుగా కనబడుతుంటే, అసెంబ్లీ వెలుపుల జరిగే పరిణామాలతో సంబంధం లేదని స్పీకర్ అభిప్రాయపడడం ఎంతవరకు హేతుబద్దమో తెలియదు.తదుపరి బీఆర్‌ఎస్‌, బీజేపీలు హైకోర్టును ఆశ్రయించాయి. అక్కడ వాదోపవాదాల తదుపరి నాగేందర్‌ను ఎమ్మెల్యే పదవిపై హైకోర్టు అనర్హత వేటు వేసింది. ఆ వెంటనే నాగేందర్ దానిని స్వాగతిస్తూ తాను మళ్లీ పోటీకి సిద్దమని అన్నారు. కాని ముఖ్యమంత్రి రేవంత్ రెడ్డి నిర్ణయమో, లేక అదిష్టానం అభిప్రాయమో తెలియదు కాని, హైకోర్టు తీర్పుపై అప్పీల్‌కు వెళ్లారు. హైకోర్టులో తీర్పు రాగానే రాజీనామా చేసి ఉన్నా బాగుండేది. కాని స్పీకర్ తీర్పులో న్యాయ వ్యవస్థ జోక్యం చేసుకోవచ్చా అన్న మీమాంసలో కాంగ్రెస్ పడింది తప్ప, నైతికంగా తప్పు చేస్తున్న సంగతిని విస్మరించింది. చివరికి సుప్రింకోర్టు తీర్పుతో కాంగ్రెస్ పార్టీకి పరువు పోయినట్లయింది.నాగేందర్ మాత్రం తీర్పును వ్యతిరేకించకుండా పోటీకి రెడీ అని మాట్లాడడం కరెక్టుగా ఉందని చెప్పాలి. అంటే మొత్తం విశ్లేషిస్తే ముఖ్యమంత్రి రేవంత్ రెడ్డి ఉప ఎన్నికను ఎదుర్కోవడానికి ఇష్టపడడం లేదన్న సంగతి అర్థం అవుతుంది. లేదా ఆయనకు న్యాయ సలహా ఇచ్చినవారు తప్పు దోవ పట్టించి ఉండాలి. దేశంలో ఇదొక రిఫరల్ జడ్జిమెంట్ అయ్యే పరిస్థితి తెచ్చుకున్నారు. దేశంలోని వివిధ రాష్ట్రాలలో బీజేపీ చేయిస్తున్న ఫిరాయింపులపై విమర్శ చేసే కాంగ్రెస్ పార్టీ ఈ రకంగా వ్యవహరించి నైతికంగా నష్టపోయినట్లయింది.లోక్ సభలో విపక్ష నేతగా ఉన్న రాహుల్ గాంధీ రాజ్యాంగం పుస్తకం పట్టుకు తిరుగుతూ ప్రధానిని విమర్శిస్తున్నారని, అలాంటి వ్యక్తికి ఫిరాయింపుల చట్టం ఏమి చెబుతోందో తెలియదా అని బీఆర్‌ఎస్‌, బీజేపీలు ప్రశ్నించడం సహేతుకమే అని చెప్పాలి. ఓవరాల్‌గా చూసినప్పుడు ఈ మొత్తం ప్రక్రియలో నాగేందర్ చేసిన తప్పుకన్నా, కాంగ్రెస్ పార్టీ చేసిన తప్పిదమే ఎక్కువగా కనిపిస్తుంది.ఇదీ చదవండి: బాబూ.. అమరావతిలో అసలు లెక్కేంటి?ఇంకో సంగతి గుర్తు చేయాలి. 2004లో నాగేందర్‌కు అసిఫ్ నగర్ అసెంబ్లీ టిక్కెట్ కాకుండా సికింద్రాబాద్ లోక్‌సభ టిక్కెట్‌ను ఇచ్చారు. దానిపై ఆయన అసంతృప్తి చెందారు. రాత్రికి రాత్రే టీడీపీ అధినేత చంద్రబాబు నాయుడును కలిసి ఆ పార్టీ టిక్కెట్ తీసుకుని పోటీచేసి అసెంబ్లీకి గెలిచారు. కాని ఉమ్మడి ఏపీలో కాంగ్రెస్ అధికారంలోకి వచ్చింది. వైఎస్ రాజశేఖరరెడ్డి ముఖ్యమంత్రి అయ్యారు. వైఎస్‌తో ఉన్న సాన్నిహిత్యం, కాంగ్రెస్ పవర్‌లోకి రావడంతో దానం టీడీపీకి దూరం అవ్వడానికి నిర్ణయించుకున్నారు. దానికి అంగీకరించిన వైఎస్ ఈయనతో ఎమ్మెల్యే పదవికి రాజీనామా చేయించారు. నాగేందర్ కూడా అందుకు భయపడలేదు. కాకపోతే ఉప ఎన్నికలో ఓడి పోయి ఉండవచ్చు. కాని ఆయన చట్టం ప్రకారం తప్పు చేయలేదు. అప్పటి మాదిరే దానం రాజీనామాకు సిద్దపడినా కాంగ్రెస్ నాయకత్వం అంగీకరించలేదా అన్న సంశయం కలుగుతుంది. బీఆర్‌ఎస్‌ నుంచి ఫిరాయించి కాంగ్రెస్‌లో చేరిన మిగిలిన ఎనిమిది మంది ఎమ్మెల్యేలకు కూడా ఇదే గతి పడుతుందని ఆ పార్టీ వర్కింగ్ అధ్యక్షుడు కేటీఆర్‌ వ్యాఖ్యానించారు. దానం నాగేందర్ బహిరంగంగా ఎన్నికలలో పోటీచేశారని, అందువల్ల అనర్హత వేటు పడిందని, మిగిలినవారు కాంగ్రెస్‌తో ఉంటున్నా, తాము పార్టీ మారలేదని వాదిస్తున్నారని, దాంతో వారిపై చర్య అంత తేలికగా అవుతుందా అన్న చర్చ ఉంది.సుప్రింకోర్టు తీర్పు తర్వాత సత్యమేవ జయతే అని కేటీఆర్‌ అనడం బాగానే ఉన్నా, గతంలో బీఆర్‌ఎస్‌ వివిధ కారణాలతో కాంగ్రెస్, టీడీపీ, వైఎస్సార్‌సీపీ, సీపీఐ మొదలైన పక్షాల నుంచి కూడా ఫిరాయింపులను ప్రోత్సహించింది. టీడీపీ ఎమ్మెల్యేగా ఉన్న తలసాని శ్రీనివాసయాదవ్‌కు ఏకంగా మంత్రి పదవిని ఆనాటి ముఖ్యమంత్రి కేసీఆర్‌ ఇచ్చారు. అవి కూడా తప్పులే అవుతాయి. ఏపీలో అయితే మరీ ఘోరంగా ఫిరాయింపులు జరిగాయి. 2014 టరమ్‌లో వైఎస్సార్‌సీపీ ఎమ్మెల్యేలు 23 మందిని అప్పుడు కూడా సీఎంగా ఉన్న చంద్రబాబు నాయుడు టీడీపీలో చేర్చుకుని నలుగురికి మంత్రి పదవులు ఇచ్చారు. ఆ ప్రభుత్వంలో బీజేపీ కూడా ఉంది. అయినా వారు మాట మాత్రంగా కూడా అభ్యంతరం చెప్పలేదు.కాంగ్రెస్, బీజేపీ, బీఆర్‌ఎస్‌, టీడీపీ తదితర పార్టీలు ఫిరాయింపుల విషయంలో అవకాశవాద రాజకీయాలు చేస్తున్నాయన్నది వాస్తవం. చట్టాలు చేసేది ఈ పార్టీలే, వాటిని ఉల్లంఘించి, సాకులు వెదికేది ఈ పార్టీలే. దాంతో దేశంలో రాజకీయ పార్టీల పట్ల ప్రజలలో గౌరవం సన్నగిల్తుతోంది. ఇప్పుడు దానం అనర్హత వేటు వ్యవహారం స్పీకర్ పరిధి దాటి వెళ్లిపోయినట్లే అన్నది న్యాయనిపుణుల అభిప్రాయం. అలాకాకుండా ఇంకా దీనిని సాగదీయడానికి స్పీకర్‌తో కాంగ్రెస్ ప్రయత్నిస్తే అది ఆ పార్టీకి మరింత చేటు తెస్తుంది.ఆయా రామ్, గయారామ్‌లపై న్యాయ వ్యవస్థ కూడా స్థిరమైన తీర్పులు ఇవ్వడం లేదన్న భావన కూడా లేకపోలేదు. ఫిరాయింపులకు ఆస్కారం లేని విధంగా కేంద్ర ప్రభుత్వం చర్యలు తీసుకుంటే మంచిది. కాని దురదృష్టవశాత్తు కేంద్రంలో అధికారంలో ఉన్న పార్టీలు రాజకీయ ప్రయోజనాల కోసం రాజ్యాంగ స్పూర్తిని దెబ్బతీస్తున్నాయి. ఏది ఏమైనా నాగేందర్ అనర్హతపై సుప్రింకోర్టు ఇచ్చిన తీర్పు స్వాగతించదగింది. కాంగ్రెస్‌తో సహా అన్ని పార్టీలు దీనిని గుణపాఠంగా తీసుకుంటాయా? లేదా? అన్నది కాలమే తేల్చాలి.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

న్యూఢిల్లీ: ఎన్నికల సంఘం తీరుపై కాంగ్రెస్‌ ఆగ్రహం వ్యక్తంచేసింది. ఈ మేరకు పార్టీ ప్రధాన కార్యదర్శి జైరాం రమేశ్‌ ఆదివారం మాట్లాడారు. ఓటర్ల జాబితా ప్రత్యేక సమగ్ర సవరణ(సర్‌)కు సంబంధించి ఎన్నికల సంఘం తాజాగా ప్రతిపాదించిన చర్యలు ఆ ప్రక్రియ ఒక వైఫల్యమేనని నిరూపిస్తున్నాయని చెప్పారు. ప్రజలు ఓటు హక్కును కోల్పోతుండగా, ఎన్నికల సంఘం మాత్రం అరకొర చర్యలతో చేతులు దులుపుకుంటోందని మండిపడ్డారు. ఎన్నికల సంఘం శనివారం జారీ చేసిన ప్రకటన నష్ట నివారణకు చేసే ఒక నిస్సహాయ ప్రయత్నమేనని చెప్పారు. తొలగించే జాబితాలో ఉన్న 5.43 కోట్ల మంది ఓటర్ల కోసం బూత్‌ స్థాయి అధికారులు(బీఎల్‌ఓ) ఇప్పుడు వారి ఇళ్లకు వెళ్తారని ఈసీ హామీ ఇచ్చిందని అన్నారు. బీఎల్‌ఓలు ఇప్పటికే ఇంటింటికీ వెళ్తే ఈ పరిస్థితి వచ్చేది కాదని తేల్చిచెప్పారు. వారు ఓటర్ల ఇంటికి వెళ్తారన్న నమ్మకం లేదన్నారు. ఇప్పటివరకు దాదాపు 14 కోట్ల మంది ఓటర్ల పేర్లను తొలగించారని ఎన్నికల సంఘంపై జైరాం రమేశ్‌ ధ్వజమెత్తారు. ఓటు హక్కు కోల్పోయినవారు మళ్లీ ఓటు కోసం దరఖాస్తు చేసుకోవాలంటూ ఉచిత సలహాలు ఇస్తున్నారని ఈసీ అధికారులపై మండిపడ్డారు. ఇష్టారాజ్యంగా ఓటు హక్కును తొలగించి, మళ్లీ దరఖాస్తు చేసుకోవాలని చెప్పడం ఏమిటని నిలదీశారు. జ్ఞానేశ్‌ రాజీనామా చేయాలి: ప్రియాంక సీఈసీ జ్ఞానేశ్‌ కుమార్‌ రాజకీయ ప్రయోజనాల కోసం ఆరాటపడుతున్నారని, ఆయన నిష్పక్షపాతంగా ఎన్నికలు ఎలా నిర్వహించగలరని కాంగ్రెస్‌ ఎంపీ ప్రియాంక గాంధీ ప్రశ్నించారు. అందుకే జ్ఞానేశ్‌ తక్షణమే రాజీనామా చేఆయలని డిమాండ్‌ చేశారు. ఆమె ఆదివారం కేరళంలో మీడియాతో మాట్లాడారు. 2019 లోక్‌సభ ఎన్నికల్లో బీజేపీ అభ్యర్థిగా పోటీ చేయాలని కేరళం మాజీ ప్రధాన కార్యదర్శి జి.జి.థామ్సన్‌ను జ్ఞానేశ్‌ కోరారంటూ వచ్చిన ఆరోపణలపై స్పందించారు. ఎన్నికల వ్యవస్థలో అత్యున్నత స్థాయిలో ఉన్నవారు ఒక పార్టీకి అనుకూలంగా వ్యవహరించడం పూర్తిగా చట్టవిరుద్ధం, అనైతికం అని తేల్చిచెప్పారు. ఓటర్ల జాబితాను సరిచేస్తే భయమెందుకు?: బీజేపీ ఎస్‌ఐఆర్‌ ప్రక్రియ కింద 31 రాష్ట్రాలు, కేంద్రపాలిత ప్రాంతాల్లోని ఓటర్ల జాబితాల నుంచి కోటికి పైగా డూప్లికేట్‌ ఎంట్రీలు, 2.8 కోట్ల మంది మరణించిన ఓటర్ల పేర్లను తొలగించినట్లు బీజేపీ వెల్లడించింది. ఇన్నాళ్లూ తప్పుల తడకల ఓటర్ల జాబితాలతో లబ్ధి పొందిన వారే ఇప్పుడు అన్యాయం జరిగిందని గగ్గోలు పెడుతున్నారని విమర్శించింది. ఈ మేరకు ఆదివారం ‘ఎక్స్‌’లో పోస్టుచేసింది. ఓటర్ల జాబితా ప్రత్యేక సమగ్ర సవరణ విషయంలో ప్రజలను తప్పుదోవ పట్టిస్తున్నారని కాంగ్రెస్‌పై పార్టీపై ఆగ్రహం వ్యక్తంచేసింది. వివిధ ఎన్నికల్లో ఓటమికి అబద్ధాలతో కాకుండా, ప్రజాస్వామ్య తీర్పును గౌరవించి స్పందించాలని కాంగ్రెస్‌కు సూచించింది. ఓటర్ల జాబితాలో నకిలీ పేర్లతో ప్రయోజనం పొందింది కాంగ్రెస్‌ కాదా? అని ప్రశ్నించింది. ఓటర్ల జాబితాలను సరిచేస్తే ఎందుకు భయపడుతున్నారని నిలదీసింది. ఓటర్ల జాబితాల నుండి 9.43 కోట్ల పేర్లను(అక్కడ నివసించని లేదా వేరే ప్రాంతానికి మారిన వారివి) గుర్తించి తొలగించినట్లు పేర్కొంది. ఓటర్ల జాబితాల ప్రక్షాళన ప్రక్రియను విపక్ష ‘ఇండియా’కూటమి ఎందుకు వ్యతిరేకిస్తోందో చెప్పాలని బీజేపీ ప్రశ్నించింది. ఓటర్ల జాబితా విషయంలో ప్రజలను తప్పుదోవ పట్టించడం, ఎన్నికల సంఘం వంటి రాజ్యాంగబద్ధ సంస్థల విశ్వసనీయతను ప్రశ్నించడం సరైంది కాదని బీజేపీ అధికార ప్రతినిధి సుధాంశు త్రివేది తేల్చిచెప్పారు.

సాక్షి, హైదరాబాద్‌: ‘‘తెలంగాణలో కాంగ్రెస్‌–బీజేపీ అపవిత్ర బంధానికి రెండేళ్లు. పొంగులేటి శ్రీనివాస్‌రెడ్డి నివాసాలపై ఈడీ దాడులకు రెండేళ్లు’’ అంటూ మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సంచలన ట్వీట్‌ చేశారు. ‘‘2024 సెప్టెంబర్‌ 27న 16 ప్రాంతాల్లో ఈడీ సోదాలు. దాడుల సమయంలో నగదు లెక్కించే యంత్రాల తరలింపుపై వార్తలు. ఈడీ దాడుల్లో ఏం స్వాధీనం చేసుకున్నారో ఇప్పటికీ వెల్లడించలేదు. దాడుల ఫలితాలపై ఈడీ, కేంద్ర ప్రభుత్వం ఎందుకు మౌనం వహిస్తున్నాయి?’’ అంటూ ఎక్స్‌ వేదికగా ప్రశ్నించారు.Exactly two years since the Congress-BJP unholy nexus became official in TelanganaThe Enforcement Directorate conducted raids at 16 locations linked to Congress minister Pongulet Srinivas Reddy in connection with a money-laundering case on 27th Sept, 2024Reports of several… pic.twitter.com/Ss2eIguoP6— KTR (@KTRBRS) September 27, 2026‘‘ప్రతిపక్ష నేతలపై కేంద్ర దర్యాప్తు సంస్థలతో దాడులు చేయించే బీజేపీ.. కాంగ్రెస్‌ మంత్రిపై దాడుల విషయంలో మాత్రం ఎందుకీ మౌనం?. కాంగ్రెస్‌ మంత్రి పొంగులేటికి బీజేపీ ఎందుకు రక్షణ కల్పిస్తోంది?. రాహుల్‌ గాంధీ.. ఇదేం విచిత్రమైన ప్రేమకథ’’ అంటూ కేటీఆర్‌ ట్వీట్‌ చేశారు.ఇదీ చదవండి: గణేష్‌ వేడుకల్లో కేసీఆర్‌ పాటలు.. కేటీఆర్‌ ఏమన్నారంటే?

సాక్షి, హైదరాబాద్: తెలంగాణలో ఖాళీ కానున్న రెండు గ్రాడ్యుయేట్ ఎమ్మెల్సీ స్థానాలకు అభ్యర్థుల ఎంపికపై కాంగ్రెస్ అధిష్టానం కసరత్తు ముమ్మరం చేసింది. వరంగల్-ఖమ్మం-నల్గొండ, హైదరాబాద్-రంగారెడ్డి-మహబూబ్‌నగర్ గ్రాడ్యుయేట్ ఎమ్మెల్సీ స్థానాలకు పోటీ చేయబోయే అభ్యర్థుల ఎంపిక ప్రక్రియను పీసీసీ చేపట్టింది. ఈ రెండు స్థానాల పదవీకాలం 2027 మార్చిలో ముగియనుంది. ఒక్కో స్థానానికి ముగ్గురు చొప్పున మొత్తం ఆరుగురు పేర్లతో పీసీసీ జాబితా సిద్ధం చేసినట్లు సమాచారం. ఈ జాబితాను పీసీసీ అధ్యక్షుడు ఏఐసీసీ ప్రధాన కార్యదర్శి కేసీ వేణుగోపాల్‌కు పంపినట్లు తెలుస్తోంది.వరంగల్-ఖమ్మం-నల్గొండ గ్రాడ్యుయేట్ ఎమ్మెల్సీ స్థానానికి ముగ్గురి పేర్లను ప్రతిపాదించగా.. అభ్యర్థి ఎంపిక బాధ్యతను డిప్యూటీ సీఎం భట్టి విక్రమార్కకు అప్పగించినట్లు సమాచారం. అదే విధంగా హైదరాబాద్-రంగారెడ్డి-మహబూబ్‌నగర్ స్థానానికి అభ్యర్థి ఎంపిక బాధ్యతను మంత్రి దామోదర్ రాజనర్సింహకు అప్పగించినట్లు తెలుస్తోంది.అభ్యర్థుల ఎంపికలో ప్రధానంగా సామాజిక సమీకరణాలను పరిగణనలోకి తీసుకోవాలని కాంగ్రెస్ అధిష్టానం భావిస్తున్నట్లు సమాచారం. రెండు గ్రాడ్యుయేట్ ఎమ్మెల్సీ స్థానాలతో పాటు త్వరలో ఖాళీ కానున్న గవర్నర్ కోటాలోని మూడు ఎమ్మెల్సీ స్థానాలను కూడా కలిపి సామాజిక సమీకరణాలను బ్యాలెన్స్ చేసేలా అభ్యర్థుల ఎంపిక చేపట్టనున్నట్లు తెలుస్తోంది. గవర్నర్ కోటా మూడు స్థానాల పదవీకాలాలు నవంబర్‌లో ముగియనున్నాయి. ఈ నేపథ్యంలో మొత్తం ఐదు ఎమ్మెల్సీ స్థానాలకు ఎలాంటి సామాజిక సమీకరణాలు ఉండాలన్న దానిపై కాంగ్రెస్ అధిష్టానం కసరత్తు చేస్తున్నట్లు సమాచారం. గవర్నర్ కోటా ఎమ్మెల్సీల ఎంపికపై తీసుకునే నిర్ణయాన్ని బట్టి గ్రాడ్యుయేట్ ఎమ్మెల్సీ అభ్యర్థుల విషయంలోనూ తుది నిర్ణయం తీసుకునే అవకాశం ఉందని పార్టీ వర్గాల్లో చర్చ జరుగుతోంది.సెప్టెంబర్ 29న ఢిల్లీలో కాంగ్రెస్ అధిష్టానం కీలక సమావేశం నిర్వహించి అభ్యర్థులపై తుది నిర్ణయం తీసుకునే అవకాశం ఉన్నట్లు సమాచారం. గ్రాడ్యుయేట్ ఎమ్మెల్సీ ఎన్నికల నేపథ్యంలో ఇప్పటికే ఓటర్ల జాబితా పునఃసిద్ధీకరణ ప్రక్రియకు ఎన్నికల సంఘం షెడ్యూల్ ప్రకటించింది. నవంబర్ 6 వరకు ఫారం-18 ద్వారా దరఖాస్తులు స్వీకరించి, డిసెంబర్ 30న తుది ఓటర్ల జాబితా ప్రకటించనున్నారు. దీంతో అధిష్టానం తీసుకునే తుది నిర్ణయంపై రాజకీయ వర్గాల్లో ఆసక్తి నెలకొంది.ఇదీ చదవండి: అక్టోబర్‌ 4న తెలంగాణకు అమిత్‌షా

సాక్షి, హైదరాబాద్‌: ఓటర్ల జాబితా ప్రత్యేక సమగ్ర సవరణ (SIR)పై తెలంగాణ కాంగ్రెస్‌ పోరును మరింత ఉధృతం చేసింది. నిజామాబాద్‌లో టీపీసీసీ అధ్యక్షుడు మహేష్‌కుమార్‌ గౌడ్‌ కేంద్ర ఎన్నికల సంఘం తీరుపై తీవ్ర ఆరోపణలు చేశారు. బీజేపీకి అవసరమైన చోట ఓట్ల చోరీ జరుగుతోందని ఆరోపించిన ఆయన.. తన ఓటును కూడా తొలగించే కుట్ర జరిగిందని అన్నారు. సీఈసీ జ్ఞానేశ్‌కుమార్‌ను వెంటనే తొలగించాలని డిమాండ్‌ చేశారు. ఈ అంశంపై సోమవారం రాష్ట్రంలోని అన్ని జిల్లాల్లో కాంగ్రెస్‌ ఆధ్వర్యంలో భారీ నిరసనలు చేపడతామని ప్రకటించారు.టీపీసీసీ అధ్యక్షుడు మహేష్‌కుమార్‌ గౌడ్‌ తాజాగా ఓ కార్యక్రమంలో మాట్లాడారు. మహారాష్ట్ర, కర్ణాటకలో కాంగ్రెస్‌కు మెజారిటీ వస్తుంటే.. ఇతర రాష్ట్రాల్లో అదే పరిస్థితి ఎందుకు కనిపించడం లేదని ప్రశ్నించారు. ఒకే ప్రజలు ఓట్లు వేస్తున్నప్పుడు ఫలితాల్లో ఇంత వ్యత్యాసం ఎలా వస్తుందని ప్రశ్నిస్తూ.. బీజేపీ ఏ రాష్ట్రంలో గెలవాలనుకుంటే అక్కడే గెలుస్తోందన్న అనుమానాలు వ్యక్తం చేశారు. సర్‌ ప్రక్రియలో ఓట్ల తొలగింపు జరుగుతోందన్నది వాస్తవమని ఆయన ఆరోపించారు. అయితే దీనిని యాంత్రికంగా రుజువు చేయలేకపోవచ్చని అన్నారు. సర్‌పై యువతలో ఆందోళన ఉందని, అందుకే జెన్‌జీ తరహా నిరసనలు రోడ్లపైకి వస్తున్నాయని వ్యాఖ్యానించారు.తెలంగాణ కాంగ్రెస్‌ గతంలోనూ సర్‌ ప్రక్రియలో 2002 ఓటర్ల జాబితాతో లింక్‌ చేసే నిబంధనపై అభ్యంతరం వ్యక్తం చేసింది. సీఈసీ జ్ఞానేశ్‌కుమార్‌ను వెంటనే తొలగించాలని డిమాండ్‌ చేస్తున్నాం. ఆయన ఒక రాజకీయ పార్టీకి మారాడన్న కారణంగానే సమస్య వస్తోందని ఆరోపించారు. సీఈసీ వ్యవహారంపై కాంగ్రెస్‌ ఇప్పటికే దేశవ్యాప్తంగా నిరసనలకు పిలుపునిచ్చిన నేపథ్యంలో తెలంగాణలోనూ ఈ ఆందోళనలను చేపట్టనున్నట్టు తెలిపారు. తనకు పదిసార్లు ఓటు వేసిన నిజామాబాద్‌లోనే తన ఓటును తొలగించేందుకు కుట్ర చేశారని ఆరోపించారు. కుట్రపూరితంగా నోటీసులు ఇచ్చారని అన్నారు. లౌకికవాదుల ఓట్లను తొలగించే ప్రక్రియ జరుగుతోందని ఆరోపించారు. రాహుల్‌గాంధీ, మల్లికార్జున ఖర్గే కలిసి సీఈసీపై అవిశ్వాస తీర్మానానికి మద్దతు కూడగట్టే ప్రయత్నం చేస్తున్నారని తెలిపారు. ఈ విషయంలో విజయం సాధిస్తామని ధీమా వ్యక్తం చేశారు. ఇదీ చదవండి: టార్గెట్‌ కొండా సురేఖ.. పట్టుబిగిస్తున్న మంత్రి సీతక్క!

సాక్షిప్రతినిధి, వరంగల్‌: రాష్ట్ర పంచాయతీరాజ్, గ్రామీణాభివృద్ధి శాఖ మంత్రి ధనసరి సీతక్క ఉమ్మడి వరంగల్‌పై ప్రత్యేక దృష్టి సారించారా? అన్న చర్చ మొదలైంది. ప్రధానంగా ములుగు నియోజకవర్గ అభివృద్ధిపైనే దృష్టి సారిస్తూ వస్తున్న మంత్రి.. శుక్రవారం తొలిసారిగా ఉమ్మడి ఖమ్మంతోపాటు వరంగల్‌ జిల్లాల అధికారులతో హనుమకొండ ఐడీఓసీ వేదికగా సమీక్ష నిర్వహించడం ఆసక్తికరంగా మారింది.సమీక్షలో పంచాయతీరాజ్, గ్రామీణాభివృద్ధి, ఎల్‌నినో, వీబీ–జీ రామ్‌జీ, ఆర్‌డబ్ల్యూఎస్, హ్యామ్‌ రోడ్లపై మంత్రి చర్చించారు. కొండా సురేఖ మంత్రివర్గం నుంచి ఈ నెల 3న బర్తరఫ్‌ అయిన విషయం తెలిసిందే. దీంతో ప్రస్తుతం ఉమ్మడి వరంగల్‌నుంచి కేబినెట్‌లో సీతక్క ఒక్కరే మంత్రిగా ఉన్నారు. ఈ నేపథ్యంలో తొలిసారిగా అధికార యంత్రాంగంతో మంత్రి నిర్వహించిన సమీక్షకు ప్రాధాన్యం ఏర్పడింది.ఉమ్మడి జిల్లాల అధికారులతో తొలి సమీక్ష.. పనుల పురోగతిపై ఆరా..కాంగ్రెస్‌ ప్రభుత్వం ఏర్పడిన తర్వాత మంత్రిగా బాధ్యతలు చేపట్టిన సీతక్క.. తొలిసారిగా ఒక్కరే ఉమ్మడి జిల్లాల అధికారులతో శుక్రవారం హనుమకొండ ఐడీఓసీలో సమీక్ష నిర్వహించడం.. పంచాయతీరాజ్, గ్రామీణాభివృద్ధి పనుల పురోగతి, పెండింగ్‌ పనులు, నిధుల వినియోగం, గ్రామీణ మౌలిక వసతులు, ప్రభుత్వ పథకాల అమలు తదితర అంశాలపై ఆరా తీయడం ప్రాధాన్యంసంతరించుకుంది. ఉమ్మడి జిల్లాల అధికార యంత్రాంగంతో నేరుగా సమన్వయం చేసుకునేలా ఈ సమావేశం సాగినట్లు అధికార వర్గాలు కూడా చెబుతున్నాయి. శుక్రవారం నిర్వహించిన సమీక్షతోనే ఈ ప్రక్రియ ముగుస్తుందా? లేక ఇకపై వరుస సమీక్షలు కొనసాగుతాయా? అన్నది ఆసక్తికరంగా మారింది. అభివృద్ధి, సంక్షేమ కార్యక్రమాలపై పర్యవేక్షణకు ప్రాధాన్యం ఇస్తున్న సీతక్క.. ఇక ఉమ్మడి జిల్లా వ్యవహారాల్లో మరింత చురుగ్గా వ్యవహరించే అవకాశం ఉందనే చర్చ రాజకీయ వర్గాల్లో సాగుతోంది. ఇదీ చదవండి: బీఆర్‌ఎస్‌ బిగ్‌ ప్లాన్‌

ఆరు దశాబ్దాల రాజకీయ అనుభవం.. రెండుసార్లు పంజాబ్‌ ముఖ్యమంత్రిగా పనిచేసిన ట్రాక్‌ రికార్డ్‌.. అయినా బీజేపీలో తన మాటకు విలువ లేదంటున్నారు మాజీ సీఎం కెప్టెన్‌ అమరీందర్‌ సింగ్‌. పంజాబ్‌ రాజకీయాలపై తన అభిప్రాయాలను పార్టీ అడగడం లేదని ఆయన చేసిన వ్యాఖ్యలు ఇప్పుడు చర్చనీయాంశంగా మారాయి. ఎన్నికలకు ముందు సొంత పార్టీ తీరుపైనే సీనియర్‌ నేత అసంతృప్తి వ్యక్తం చేయడం రాజకీయ వర్గాల్లో ఆసక్తి రేపుతోంది.మాజీ సీఎం అమరీందర్‌ సింగ్‌ తాజాగా ఓ జాతీయ చానెల్‌కు ఇచ్చిన ఇంటర్వ్యూలో మాట్లాడుతూ.. పంజాబ్‌ రాజకీయాలను దాదాపు 60 ఏళ్లుగా పరిశీలిస్తున్నాను. రాష్ట్రం అనేక సంక్లిష్ట పరిణామాలను ఎదుర్కొన్న సమయంలోనూ నేను పనిచేశాను. నా అనుభవం ఆధారంగా చెప్పే అభిప్రాయాలను బీజేపీ అడగడం లేదు. నా అభిప్రాయాలను పరిగణనలోకి తీసుకోవాలని మాత్రమే నేను కోరుకుంటున్నాను. పంజాబ్‌ వ్యవహారాలను చూసే బీజేపీకి చెందిన కొంతమంది పార్టీ పదాధికారులకు రాష్ట్ర రాజకీయాల్లో ఏడాది అనుభవం కూడా పూర్తికాలేదు. అయినప్పటికీ అలాంటి వారి అభిప్రాయాలను తీసుకుంటున్నారు. కానీ, నా వంటి సీనియర్‌ నేతల అభిప్రాయాలను పార్టీ కోరడం లేదు అంటూ ఆసక్తికర వ్యాఖ్యలు చేశారు. ఇదిలా ఉండగా.. ఆయన మళ్లీ కాంగ్రెస్‌లో చేరే అవకాశం ఉందన్న ఊహాగానాలపై కూడా స్పందించారు. రాజకీయ పార్టీల్లో మార్పులు సహజమేనని చెప్పిన అమరీందర్‌.. ప్రస్తుతం మాత్రం బీజేపీని వీడే ఆలోచన లేదని స్పష్టం చేశారు. పంజాబ్‌పై తన అభిప్రాయాలను పార్టీకి చెప్పడం బీజేపీ సభ్యుడిగా తన బాధ్యత అని పేర్కొన్నారు. దీంతో, కెప్టెన్‌ వ్యాఖ్యలు బీజేపీ హైకమాండ్‌కు షాక్‌ తగిలేలా చేశాయి. అలాగే, 84 ఏళ్ల వయసుపై అడిగిన ప్రశ్నకు స్పందిస్తూ.. వయసు రాజకీయ జీవితానికి తప్పనిసరిగా ముగింపు కాదని అన్నారు. మాజీ ప్రధాని మొరార్జీ దేశాయ్‌ 81 ఏళ్ల వయసులో ప్రధానమంత్రి అయ్యారని గుర్తుచేశారు.🚨 BREAKING NEWS: Amarinder Criticizes BJP Over Punjab ExclusionCaptain Amarinder Singh expressed disappointment that the BJP did not seek his views on Punjab's political direction. He clarified that his comments do not indicate a departure from the party or a return to… pic.twitter.com/pzLZusrz6v— Globenews (@newsglobeorg) September 26, 2026అయితే.. అమరీందర్‌ సింగ్‌ 2022లో తన పార్టీ పంజాబ్‌ లోక్‌ కాంగ్రెస్‌ను బీజేపీలో విలీనం చేశారు. అంతకుముందు కాంగ్రెస్‌తో విభేదాల నేపథ్యంలో ఆ పార్టీని వీడి సొంత పార్టీని ఏర్పాటు చేశారు. కాగా, 117 స్థానాలున్న పంజాబ్‌ అసెంబ్లీకి వచ్చే ఏడాది ఎన్నికలు జరగనున్నాయి. ఈ నేపథ్యంలో అమరీందర్‌ సింగ్‌ వ్యాఖ్యలు రాష్ట్ర బీజేపీ రాజకీయాలపై చర్చకు దారితీశాయి.ఇదీ చదవండి: వీరమణి కేసులో డీఎంకేపై విజయ్‌ సంచలన వ్యాఖ్యలు

న్యూఢిల్లీ: ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ పదవి నుంచి తప్పుకోవాలని డిమాండ్‌ చేస్తూ కాంగ్రెస్‌ పార్టీ శుక్రవారం వివిధ రాష్ట్రాల ఎన్నికల కమిషన్‌ కార్యాలయాల ఎదుట నిరసనలను చేపట్టింది. సీఈసీ బాధ్యతల నుంచి జ్ఞానేశ్‌ కుమార్‌ను తక్షణమే తప్పించాలని కోరింది. సర్‌ సహా జ్ఞానేశ్‌ సారథ్యంలో ఈసీ తీసుకున్న అన్ని నిర్ణయాలపై సమీక్ష చేపట్టాలని కోరింది. ఓటరు సమానత్వంపై అసాధారణమైన రీతిలో ఈసీ దాడి చేస్తోందని పేర్కొంది. అప్రూవర్‌గా మారాలి లేదా విచారణను ఎదుర్కొనాల్సి ఉంటుందని జ్ఞానేశ్‌ కుమార్‌ను హెచ్చరించింది. గౌహతిలో ఎన్నికల కమిషన్‌ కార్యాలయంలోకి చొచ్చుకుపోయేందుకు ప్రయత్నించిన లోక్‌సభలో పార్టీ ఉప నేత గౌరవ్‌ గొగోయ్‌ సహా పలువురు నేతలను పోలీసులు నిర్బంధంలోకి తీసుకున్నారు. ఎన్నికల కమిషన్‌లోని ముగ్గురు సభ్యుల మధ్య సర్‌పై విభేదాలు పొడచూపాయంటూ మీడియాలో వచ్చిన కథనాల నేపథ్యంలో కాంగ్రెస్‌ ఈ కార్యక్రమాన్ని చేపట్టింది. కాంగ్రెస్‌ కార్యకర్తలు ఢిల్లీలో రౌజ్‌ అవెన్యూలోని కాంగ్రెస్‌ ఆఫీసు నుంచి బీజేపీ ప్రధాన కార్యాలయం మీదుగా నినాదాలు చేస్తూ, పోస్టర్లు, బ్యానర్లను ప్రదర్శిస్తూ ఎన్నికల కమిషన్‌ కార్యాలయానికి ర్యాలీగా వెళ్లారు. వీరిలో కొందరు జ్ఞానేశ్‌ కుమార్‌ను పోలిన మాస్క్‌ ధరించి, చేతులు సంకెళ్లను ప్రదర్శించారు. లక్నోలో కాంగ్రెస్‌ కార్యకర్తలు అసెంబ్లీపై వైపు ర్యాలీగా వెళ్తూ అడ్డుకున్న పోలీసులతో తలపడ్డారు. పంజాబ్‌ కాంగ్రెస్‌ అధ్యక్షుడు అమరీందర్‌ సింగ్‌ రాజా వారియర్‌ సారథ్యంలో చండీగఢ్‌లో ధర్నా చేపట్టారు. ‘మా నేత రాహుల్‌ గాంధీ మాటవిని ఇకనైనా రాజీనామా చేసి, అప్రూవర్‌గా మారు బ్రో..’అంటూ కాంగ్రెస్‌ నేత పవన్‌ ఖేరా సీఈసీ జ్ఞానేశ్‌ కుమార్‌కు మీడియా సమావేశం సందర్భంగా సలహా ఇచ్చారు. లేకుంటే న్యాయవిచారణ ఎదుర్కోక తప్పదన్నారు. ‘జ్ఞానేశ్‌ కుమార్‌ సమయం దగ్గరపడింది. ఇకనైనా దిగిపోవాలి. లేదంటే కాంగ్రెస్‌ దిగిపోయేలా చేయిస్తుంది’అని కేసీ వేణుగోపాల్‌ అన్నారు.

సాక్షిప్రతినిధి, వరంగల్‌: పార్టీ ఫిరాయింపుల వ్యవహారం ఉమ్మడి వరంగల్‌లో మరోసారి చర్చనీయాంశంగా మారింది. ఖైరతాబాద్‌ ఎమ్మెల్యే దానం నాగేందర్‌పై హైకోర్టు వేసిన అనర్హత వేటు తీర్పును సుప్రీంకోర్టు సమర్థించడంతో స్టేషన్‌ఘన్‌పూర్‌ ఎమ్మెల్యే కడియం శ్రీహరిపై దాఖలైన అనర్హత పిటిషన్‌ వ్యవహారం మళ్లీ తెరపైకి వచ్చింది. బీఆర్‌ఎస్‌ నుంచి ఎమ్మెల్యేగా గెలిచి కాంగ్రెస్‌లో చేరిన వ్యవహారంలో కడియం శ్రీహరితోపాటు దానం నాగేందర్‌పై కూడా అనర్హత పిటిషన్లు దాఖలయ్యాయి. ఇద్దరి విషయంలోనూ విచారణ జరిపి, వారి వాదనలు స్వీకరించిన స్పీకర్‌ గడ్డం ప్రసాద్‌కుమార్‌ గత మార్చి 11న ఇద్దరిపై దాఖలైన అనర్హత పిటిషన్లను కొట్టివేశారు. ఫిరాయింపునకు సంబంధించి తగిన ఆధారాలు లేవని పేర్కొన్నారు. దీంతో కడియం శ్రీహరి వ్యవహారానికి అప్పట్లో తెరపడినట్లయింది.‘కడియం’పై ఆ ప్రభావం ఎంత?మార్చి 11న స్పీకర్‌ ఇచ్చిన తీర్పును సవాల్‌ చేస్తూ బీజేపీ ఎమ్మెల్యే ఏలేటి మహేశ్వర్‌రెడ్డి, బీఆర్‌ఎస్‌ ఎమ్మెల్యే పాడి కౌశిక్‌రెడ్డి హైకోర్టును ఆశ్రయించారు. విచారణ అనంతరం సెప్టెంబర్‌ 18న తెలంగాణ హైకోర్టు స్పీకర్‌ నిర్ణయాన్ని పక్కనపెట్టి దానం నాగేందర్‌ను అనర్హుడిగా ప్రకటించింది. 2024 ఏప్రిల్‌ 23నుంచి ఆయన అసెంబ్లీ సభ్యత్వం రద్దయినట్లుగా కోర్టు పేర్కొంది. ఖైరతాబాద్‌ అసెంబ్లీ స్థానం ఖాళీ అయినట్లుగా కూడా ప్రకటించింది. దీంతో హైకోర్టు తీర్పును సవాల్‌ చేస్తూ దానం నాగేందర్‌ సుప్రీంకోర్టును ఆశ్రయించగా గురువారం ఆయన పిటిషన్‌ను కొట్టివేసింది. అదే రోజు స్పీకర్‌ కొట్టివేసిన కడియం శ్రీహరి అనర్హత పిటిషన్‌ విషయంలోనూ తదుపరి న్యాయపరమైన పరిణామాలు ఎలా ఉంటాయన్న చర్చ ఉమ్మడి జిల్లా రాజకీయాల్లో మొదలైంది.‘కడియం’పై చేసిన ఫిర్యాదులేంటి..? 2023, డిసెంబర్‌ అసెంబ్లీ ఎన్నికల్లో స్టేషన్‌ఘన్‌పూర్‌నుంచి కడియం శ్రీహరి బీఆర్‌ఎస్‌ అభ్యర్థిగా గెలిచారు. అనంతరం 2024 మార్చి 31న సీఎం రేవంత్‌రెడ్డి, అప్పటి తెలంగాణ కాంగ్రెస్‌ ఇన్‌చార్జ్‌ దీపాదాస్‌ మున్షీల సమక్షంలో కాంగ్రెస్‌ కండువా కప్పుకున్నట్లు బీఆర్‌ఎస్‌ నేతలు ఫిర్యాదులో పేర్కొన్నారు. అదే సమయంలో ఆయన కుమార్తె కడియం కావ్య కాంగ్రెస్‌ వరంగల్‌ లోక్‌సభ అభ్యర్థిగా బరిలోకి దిగి విజయం సాధించారు. కడియం శ్రీహరి పార్టీ మార్పు, కుమార్తె తరఫున కాంగ్రెస్‌ అభ్యర్థిగా ప్రచారం చేయడం, బీఆర్‌ఎస్‌ కేసీఆర్‌ తదితరులపై చేసిన విమర్శలు కూడా అప్పట్లో బీఆర్‌ఎస్‌ అనర్హత పిటిషన్‌లో ప్రధానంగా ప్రస్తావించిన అంశాల్లో ఉన్నాయి. చదవండి: పిల్లలు పుట్టరని.. ట్రాన్స్‌జెండర్‌ సునంద ఆత్మహత్య!

సాక్షి, న్యూఢిల్లీ: కాంగ్రెస్‌ అత్యున్నత నిర్ణాయక మండలి సీడబ్ల్యూసీ ఈనెల 29వ తేదీన సమావేశం కానుంది. కేంద్ర ఎన్నికల సంఘం(సీఈసీ) పనితీరు, ఓటరు జాబితా ప్రత్యేక సమగ్ర సవరణ (సర్‌)పై వివాదం కొనసాగుతున్న నేపథ్యంలో జరగనున్న ఈ భేటీ ప్రాధాన్యం సంతరించుకుంది. ఈసీ తీరుపై వెల్లువెత్తుతున్న తీవ్ర అభ్యంతరాలపై సీడబ్ల్యూసీ కూలంకషంగా చర్చించనుందని పార్టీ వర్గాలు తెలిపాయి. పార్టీ అనుసరించాల్సిన వ్యూహంతో పాటు ప్రస్తుత రాజకీయ పరిస్థితులు, రానున్న అసెంబ్లీ ఎన్నికల సన్నద్ధత అంశాలు కూడా చర్చకు వచ్చే అవకాశం ఉందని తెలుస్తోంది. కేంద్ర ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత 10 నెలల్లో కనీసం 14 సందర్భాల్లో ఓటర్ల జాబితా, సర్, ఎన్నికల సాఫ్ట్‌వేర్, ఓటర్ల నమోదుకు సంబంధించిన నిర్ణయాలపై అభ్యంతరాలు వ్యక్తం చేసినట్లు వస్తున్న కథనాలు ప్రస్తుతం సంచలనంగా మారాయి. అదేవిధంగా, కొత్త ఓటర్ల నమోదుకు ఉపయోగించే ఫారం–6లో సర్‌కు సంబంధించిన కొత్త వివరాలను చేర్చడంపైనా ప్రస్తుతం వివాదం నెలకొంది. ఈ పరిణామాల నేపథ్యంలో 29న జరిగే సీడబ్ల్యూసీలో కాంగ్రెస్‌ ప్రకటించనున్న కార్యాచరణపై రాజకీయ వర్గాలు ఆసక్తిగా ఎదురుచూస్తున్నాయి.

సాక్షి, హైదరాబాద్‌: దానం నాగేందర్‌పై హైకోర్టు వేసిన అనర్హత వేటును సుప్రీంకోర్టు సమర్థించడం, ఖైరతాబాద్‌ అసెంబ్లీ నియోజకవర్గానికి ఉప ఎన్నిక ఖాయమని తేలడంతో రాష్ట్రంలో ప్రధాన రాజకీయ పక్షాల నడుమ మరో కీలక ఎన్నికల పోరుకు రంగం సిద్ధమవుతోంది. రాజకీయ వేడి ఎక్కువగా ఉన్న ప్రస్తుత పరిస్థితుల్లో ఉప ఎన్నికను ప్రధాన పార్టీలు ప్రతిష్టాత్మకంగా తీసుకోనున్నాయి. మరోవైపు..సుమారు మూడు దశాబ్దాలుగా హైదరాబాద్‌ రాజకీయాల్లో కీలక నేతగా ఉన్న దానం భవిష్యత్‌ను ఉప ఎన్నిక ఎలాంటి మలుపు తిప్పుతుందనే అంశంపై సర్వత్రా ఆసక్తి నెలకొంది. ఖైరతాబాద్‌ నుంచి ఆయనకు కాంగ్రెస్‌ పార్టీ టికెట్‌ ఇస్తుందా? లేక ఎమ్మెల్సీ పదవితో పాటు మంత్రి పదవి ఇచ్చి ప్రత్యామ్నాయ మార్గం చూపుతుందా? అని రాజకీయవర్గాల్లో చర్చ జరుగుతోంది. అభ్యర్థి విషయం పక్కన పెడితే.. హైదరాబాద్‌ పరిధిలోని సికింద్రాబాద్‌ కంటోన్మెంట్, జూబ్లీహిల్స్‌ నియోజకవర్గాలకు జరిగిన ఉప ఎన్నికల్లో విజయం సాధించిన కాంగ్రెస్‌లో ఖైరతాబాద్‌ను కూడా కైవసం చేసుకుంటామనే ధీమా కనిపిస్తోంది. అయితే సిట్టింగ్‌ స్థానాన్ని నిలబెట్టుకోవడం ద్వారా గ్రేటర్‌ హైదరాబాద్‌ పరిధిలో తన పట్టును నిరూపించుకోవాలని బీఆర్‌ఎస్‌ భావిస్తోంది. మరోవైపు గతంలో ఈ నియోజకవర్గానికి ప్రాతినిథ్యం వహించిన బీజేపీ కూడా తమ సత్తాను చాటి కాంగ్రెస్‌కు తామే ప్రత్యామ్నాయం అనే సంకేతాలు పంపాలని అనుకుంటోంది. మొత్తం మీద ఖైరతాబాద్‌ ఉప ఎన్నిక ఫలితం సమీప భవిష్యత్తులో జరిగే గ్రేటర్‌ హైదరాబాద్‌ పరిధిలోని మూడు మున్సిపల్‌ కార్పొరేషన్ల ఎన్నికలపైనా ప్రభావం చూపుతుందని ప్రధాన రాజకీయ పార్టీలు కాంగ్రెస్, బీజేపీ, బీఆర్‌ఎస్‌ అంచనా వేస్తున్నాయి. ఇదే అంచనాతో ఖైరతాబాద్‌పై పూర్తిస్థాయిలో దృష్టి కేంద్రీకరించనున్నాయి. అన్ని పార్టీల్లోనూ అశావహులకు కొదవ లేకున్నా గెలుపు గుర్రాల కోసమే అన్వేషణ ప్రారంభించనున్నాయి. దానంకు కాంగ్రెస్‌లోనే తీవ్ర పోటీ ఆసిఫ్‌నగర్‌లో (1989లో) పోటీ చేసి మజ్లిస్‌ చేతిలో ఓటమి పాలైన దానం నాగేందర్‌ తరువాత 1994,1999 ఎన్నికల్లో అదే నియోజకవర్గంలో విజయకేతనం ఎగరేశారు. అయితే 2004లో ఆసిఫ్‌నగర్‌ టికెట్‌ దక్కక పోవడంతో టీడీపీలో చేరి గెలుపొందిన దానం.. కాంగ్రెస్‌ అధికారంలోకి రావడంతో టీడీపీలో ఉండలేక కాంగ్రెస్‌లో చేరేందుకు ఎమ్మెల్యే పదవికి రాజీనామా చేశారు. అప్పుడు జరిగిన ఆసిఫ్‌నగర్‌ ఉప ఎన్నికలో ఓటమి పాలయ్యారు. నియోజకవర్గాల పునర్విభజన తరువాత 2009లో ఖైరతాబాద్‌ నుంచి కాంగ్రెస్‌ పక్షాన పోటీ చేసి విజయం సాధించారు. తెలంగాణ రాష్ట్ర ఏర్పాటు నేపథ్యంలో 2014లో బీజేపీ అభ్యర్థి చింతల రామచంద్రారెడ్డి చేతిలో ఓటమి పాలైన దానం ఆ తర్వాత బీఆర్‌ఎస్‌లో చేరారు. 2018, 2023 ఎన్నికల్లో ఇదే నియోజకవర్గం నుంచి బీఆర్‌ఎస్‌ అభ్యర్థిగా వరుసగా రెండు పర్యాయాలు గెలుపొందారు. అయితే 2024 మార్చిలో ఎమ్మెల్యే పదవికి రాజీనామా చేయకుండానే, కాంగ్రెస్‌ పార్టీ తరఫున సికింద్రాబాద్‌ ఎంపీగా పోటీ చేసి ఓటమి పాలయ్యారు. కాగా 2023 ఎన్నికల్లో దానం నాగేందర్‌పై కాంగ్రెస్‌ అభ్యర్థిగా పోటీ చేసిన పి.విజయారెడ్డి 42 వేలకు పైగా ఓట్లను సాధించారు. ఆమె కూడా ప్రస్తుతం కాంగ్రెస్‌లోనే కొనసాగుతుండటంతో పార్టీ టికెట్‌ కోసంవిజయారెడ్డి కూడా ప్రయత్నించే అవకాశం ఉంది. మరోవైపు సీఎం రేవంత్‌రెడ్డికి సన్నిహితుడు డాక్టర్‌ రోహిన్‌రెడ్డి, మాజీ మేయర్‌ అయిన గద్వాల విజయలక్ష్మి కూడా పోటీలో ఉండడానికి ఆసక్తి కనపరుస్తున్నట్లు సమాచారం. సిట్టింగ్‌ సీటుపై బీఆర్‌ఎస్‌ కన్ను ఖైరతాబాద్‌ నియోజకవర్గంలో వరుసగా రెండుసార్లు గెలుపొందిన బీఆర్‌ఎస్‌ మరోసారి ఆ స్థానాన్ని కైవసం చేసుకునేందుకు పావులు కదుపుతోంది. దానం నాగేందర్‌తో పాటు గతంలో బీఆర్‌ఎస్‌ నుంచి కార్పొరేటర్లుగా గెలుపొందిన విజయారెడ్డి, గద్వాల విజయలక్ష్మి ప్రస్తుతం కాంగ్రెస్‌లో చేరారు. ఇక ఉద్యమ కాలం నుంచి పార్టీని అంటిపెట్టుకుని పనిచేస్తున్న మన్నె గోవర్ధన్‌రెడ్డి ఉప ఎన్నికలో తనకు టికెట్‌ ఖాయమనే ధీమాతో ఉన్నారు. ఆయన భార్య మన్నె కవితారెడ్డి వరుసగా రెండుమార్లు జీహెచ్‌ఎంసీ కార్పొరేటర్‌గా పనిచేశారు. 2018లోనూ ఖైరతాబాద్‌ టికెట్‌ను ఆశించిన గోవర్ధన్‌రెడ్డి బీఎస్‌పీ నుంచి పోటీ చేసి గణనీయమైన ఓట్లు సాధించారు. ఆ తర్వాత తిరిగి బీఆర్‌ఎస్‌లో చేరి క్రియాశీలంగా పనిచేస్తున్నారు. అయితే మాజీ మంత్రి, సనత్‌నగర్‌ ఎమ్మెల్యే తలసాని శ్రీనివాస్‌యాదవ్‌ కుమారుడు తలసాని సాయికిరణ్‌ కూడా ఖైరతాబాద్‌ ఉప ఎన్నికలో పోటీ చేసేందుకు ఆసక్తి చూపుతున్నారు. హైదరాబాద్‌ జిల్లా పరిధిలో బీఆర్‌ఎస్‌ కార్యక్రమాల్లో తలసాని శ్రీనివాస్‌యాదవ్‌ పెద్ద దిక్కుగా ఉంటున్నారు. యాదవ సామాజికవర్గం, బీసీ కోణంలో తన కుమారుడిని బరిలో దింపేందుకు ఆయన కూడా ఆసక్తి చూపుతున్నారు. సాయికిరణ్‌ పోటీలో ఉంటే తలసాని శ్రీనివాస్‌యాదవ్‌ అన్నీ తానై వ్యవహరిస్తారని పార్టీ కూడా భావిస్తున్నట్టు సమాచారం. అయితే 2019 ఎన్నికల్లో సికింద్రాబాద్‌ లోక్‌సభ నియోజకవర్గం నుంచి బీఆర్‌ఎస్‌ అభ్యర్థిగా పోటీ చేసిన సాయికిరణ్‌ ఓటమి పాలయ్యారు. చేజారిన పట్టును తిరిగి సాధించేందుకు.. గ్రేటర్‌ హైదరాబాద్‌ మున్సిపల్‌ కార్పొరేషన్‌కు 2020లో జరిగిన ఎన్నికల్లో భారీ ఫలితాలను సాధించిన బీజేపీ 2023 అసెంబ్లీ ఎన్నికల్లో మాత్రం కేవలం గోషామహల్‌లో గెలుపునకే పరిమితమైంది. 2024 లోక్‌సభ ఎన్నికల్లో సికింద్రాబాద్‌ లోక్‌సభ సీటు నుంచి బీజేపీ ఎంపీగా గెలుపొందిన కిషన్‌రెడ్డి కేంద్ర కేబినెట్‌లో కీలక పదవిలో ఉన్నారు. ఖైరతాబాద్‌ అసెంబ్లీ నియోజకవర్గం ఇదే లోక్‌సభ నియోజకవర్గం పరిధిలో ఉండటంతో.. ఉప ఎన్నికను అవకాశంగా తీసుకుని గతంలో కోల్పోయిన పట్టును తిరిగి సాధించాలని భావిస్తోంది. 2014లో టీడీపీ పొత్తుతో ఖైరతాబాద్‌ నుంచి బీజేపీ తరఫున గెలిచిన చింతల రామచంద్రారెడ్డి 2018, 2023లోనూ పోటీ చేసి ఓటమి పాలయ్యారు. చింతల మరోమారు టికెట్‌ ఆశిస్తుండగా ఎన్‌వీ సుభాష్‌, బి.ఇంద్రసేన్‌రెడ్డి, జూటూరి కీర్తిరెడ్డి పేర్లు కూడా బీజేపీ ఆశావహుల జాబితాలో ఉన్నాయి. గెలుపు వ్యూహ రచనలో మూడు పార్టీలు ప్రతిష్టాత్మకంగా మారిన ఖైరతాబాద్‌ సీటును దక్కించుకునేందుకు కాంగ్రెస్, బీఆర్‌ఎస్, బీజేపీలు వ్యూహం సిద్ధం చేసుకుంటున్నాయి. దానంకు ఉన్న సుదీర్ఘ అనుభవం, గత ఎన్నికల్లో కాంగ్రెస్‌ నుంచి పోటీ చేసిన విజయారెడ్డి కూడా పార్టీలోనే కొనసాగుతుండటం కలిసి వచ్చే అంశంగా కాంగ్రెస్‌ భావిస్తోంది. టికెట్‌ కేటాయింపులో ఎలాంటి అసంతృప్తికి తావు లేకుండా గెలుపు గుర్రాన్ని బరిలోకి దించాలనే భావన అధికార పార్టీలో కనిపిస్తోంది. అయితే విజయారెడ్డి సోదరుడు, మాజీ ఎమ్మెల్యే విష్ణువర్ధన్‌రెడ్డి బీఆర్‌ఎస్‌లో ఉన్నారు. ఉప ఎన్నిక ప్రచారంలో ఆయన క్రియాశీలంగా పనిచేసే అవకాశాలు ఉన్నాయి. రాష్ట్రంలో రేవంత్‌ ప్రభుత్వంపై ఉన్న వ్యతిరేకత తీవ్ర స్థాయికి చేరిందని అంచనా వేస్తున్న బీఆర్‌ఎస్‌.. అభ్యర్థి ఎంపికలో ఆచితూచి వ్యవహరించనుంది. నగరంలో బలమైన బీసీ సామాజికవర్గానికి చెందిన మాజీ మంత్రి తలసానికే అభ్యర్థి ఎంపిక మొదలు ఇతరత్రా కీలక బాధ్యతలు అప్పగించే సూచనలు కన్పిస్తున్నాయి. మరోవైపు బీజేపీ కూడా కాంగ్రెస్, బీఆర్‌ఎస్‌పై ఉన్న వ్యతిరేకతను తన వైపు తిప్పుకునేలా వ్యూహాన్ని అమలు చేయాలని భావిస్తోంది. పార్టీల వ్యూహాలు ఎలా ఉన్నా..నియోజకవర్గంలోని మైనారిటీలు, బస్తీ ఓటర్లు, అభ్యర్థుల వ్యక్తిగత నెట్‌వర్క్, పార్టీల ఓటు బ్యాంకు తదితరాలు ఉప ఎన్నికలో ప్రధానంగా ప్రభావం చూపించే అవకాశాలు ఉన్నాయి.

న్యూఢిల్లీ: కేంద్ర ప్రధాన ఎన్నికల కమిషనర్ జ్ఞానేశ్ కుమార్ వెంటనే తన పదవికి రాజీనామా చేయాలని కాంగ్రెస్‌ అగ్రనేత రాహుల్‌ గాంధీ డిమాండ్ చేశాయి. దేశంలో మోదీ అధికారంలోకి వచ్చిన తర్వాత జరిగిన ఎన్నికల్లో భారీగా రిగ్గింగ్ జరిగిందని, ఓట్ల చోరి జరిగిందనడానికి ఇంతకంటే ఆధారాలు ఏం కావాలని నేతలు ప్రశ్నించారు.ప్రధాన ఎన్నికల కమిషనర్‌ను ప్రధాని నరేంద్ర మోదీ, కేంద్ర హోంమంత్రి అమిత్ షా వెనకేసుకొస్తున్నారని ఆరోపించారు. దేశంలో వరుసగా ఎన్నికల్లో విజయాలు సాధించడం వెనుక ఎన్నికల సంఘం అండదండలు ఉన్నాయని, ఓట్ల చోరి కోసమే జ్ఞానేశ్ కుమార్‌ను సీఈసీగా తెచ్చుకున్నారని విమర్శలు గుప్పించారు. ఓట్ల చోరి అంశంపై ప్రధాని మోదీ, కేంద్ర హోంమంత్రి అమిత్ షాలపై తీవ్ర అనుమానాలు ఉన్నాయని, వీరిపై సమగ్ర విచారణ జరపాలని డిమాండ్ చేశారు.దేశంలో మోదీ, అమిత్ షాలు కలిసి ప్రజాస్వామ్యాన్ని ఖూనీ చేస్తున్నారని, రాజ్యాంగ విలువులను మంటగలుపుతున్నారని మండిపడ్డారు. ప్రజాస్వామ్యాన్ని అపహాస్యం చేసేవారిని కఠినంగా శిక్షించాలని కోరారు.దేశంలో చాలా మంది ప్రధానిలు ప్రజల తీవ్ర వ్యతిరేకతను ఎదుర్కొన్నప్పటికీ, మోదీ మాత్రం ప్రతి ఎన్నికల్లో ఎలా గెలుస్తున్నారంటూ పలువురు నేతలు అనుమానాలు వ్యక్తం చేశారు. ఈ విషయంలో కేంద్ర ప్రభుత్వం,ఎన్నికల సంఘం తీరుపై ధ్వజమెత్తాయి.

సాక్షి, హైదరాబాద్‌: సుప్రీంకోర్టు తీర్పుపై దానం నాగేందర్‌ కీలక వ్యాఖ్యలు చేశారు. తాను మళ్లీ ఎన్నికల్లో పోటీ చేయనున్నట్టు స్పష్టం చేశారు. సుప్రీంకోర్టు తీర్పును తాను స్వాగతిస్తున్నట్టు చెప్పుకొచ్చారు. లీగల్‌ ఫైట్‌ చేయడంలో తప్పు లేదంటూ వ్యాఖ్యలు చేశారు. తాను ప్రజల మనిషి అని.. తనకు ప్రజల మద్దతు ఉంటుందని అన్నారు.సుప్రీంకోర్టు తీర్పు నేపథ్యంలో దానం నాగేందర్‌ తాజాగా మీడియాతో మాట్లాడుతూ.. కోర్టు తీర్పును స్వాగతిస్తున్నాను. మళ్ళీ పోటీ చేయడానికి కోర్టు అవకాశం ఇచ్చింది. ప్రజా క్షేత్రంలో తేల్చుకుంటాను. మళ్లీ ఎన్నికల్లో పోటీ చేస్తాను. ప్రజల ఆశీస్సులతో ఉప ఎన్నికల్లో పోటీ చేస్తా. ఎంపీగా పోటీ చేసినప్పుడే ఇలాంటి పరిస్థితులు వస్తాయని అనుకున్నా. పదో షెడ్యూల్ ప్రకారం ఊరట లభిస్తుంది అనుకున్నాను. కానీ, అలా జరగలేదు.ఎన్నికల షెడ్యూల్ ఎప్పుడు వచ్చినా ఎదుర్కొవడానికి సిద్ధంగా ఉన్నా. నేను ప్రజల మనిషిని.. ప్రజల మద్దతు నాకు ఉంటుంది. ఖైరతాబాద్‌ ప్రజలకు నిరంతరం సేవ చేసుకుంటూ వచ్చాను. నాకు ప్రజాబలం ఉంది. సిటీ మొత్తం అభివృద్ధి చేయాలని ఎంపీగా పోటీ చేశాను. కానీ, విజయం దక్కలేదు. నేను ఎవ్వరినీ కలవలేదు. అభివృద్ధి కోసమే కాంగ్రెస్‌లో చేరాను. ఖైరతాబాద్ వినాయక నిమజ్జనం ఏర్పాట్లలో బిజీగా ఉన్నా. న్యాయపోరాటంతో ఆఖరి ప్రయత్నం చేశా’ అని చెప్పుకొచ్చారు.టికెట్‌ వచ్చాక అని వివరాలను చెబుతాను. షెడ్యూల్ వచ్చిన తర్వాత రాజకీయం గురించి మాట్లాడుతాను. షెడ్యూల్‌ వచ్చాక ఏ పార్టీ నుంచి పోటీ అన్నది చెబుతాను. నా అనుచరులు అంతా పోటీ చేయడానికి మద్దతు ఇచ్చారు. ప్రజల మధ్య ఉండే నేతకు ఏ పార్టీలో ఉన్నా మద్దతు ఉంటుంది. కాంగ్రెస్ అన్ని పథకాలు అమలు చేస్తుంది . రోజుకు సీఎం 18 గంటలు పనిచేస్తున్నారు. సంక్షేమ పథకాలు కాంగ్రెస్ పార్టీకి లాభం చేస్తాయి. హైకోర్టు తీర్పు వచ్చిన తర్వాత నేను ఇంతవరకు సీఎంను కలవలేదు. ఉప ఎన్నిక వచ్చినప్పుడు నిధులు ఎక్కువ వస్తాయి... నా నియోజకవర్గం ఇంకా అభివృద్ధి చెందుతుంది. ఎవరు ఎన్ని మాట్లాడినా ఎన్నికల్లో రిజల్ట్స్ చూపిస్తా’ అని కామెంట్స్‌ చేశారు.ఇదీ చదవండి: దానం నాగేందర్‌కు సుప్రీంకోర్టులో బిగ్‌ షాక్‌

బెంగళూరు: కర్ణాటకలో అధికార పార్టీకి ఊహించని షాక్‌ తగిలింది. కాంగ్రెస్‌ ఎమ్మెల్యే సంచలన నిర్ణయం తీసుకున్నారు. అసంతృప్తి కారణంగా ఎమ్మెల్యే యశ్వంత్‌ రాయగౌడ పాటిల్‌ తన పదవికి రాజీనామా చేశారు. అనంతరం, అసెంబ్లీ స్పీకర్‌ జీఎస్‌ పాటిల్‌కు తన రాజీనామా లేఖ పంపించారు. దీంతో, ఆయన రాజీనామా అంశంపై పొలిటికల్‌ చర్చ మొదలైంది.కాగా, విజయపుర జిల్లా ఇండీ నియోజకవర్గాన్ని కరువు ప్రభావిత ప్రాంతంగా ప్రకటించకపోవడంపై ఆయన అసంతృప్తి వ్యక్తం చేస్తూ తన పదవికి రాజీనామా చేశారు. ఇండీ తాలూకా 2026-27 ఖరీఫ్‌ సీజన్‌లో తీవ్ర వర్షాభావ పరిస్థితులను ఎదుర్కొంటోందని పాటిల్‌ తన లేఖలో పేర్కొన్నారు. సీజన్‌ ప్రారంభంలో కొంత వర్షం పడటంతో రైతులు అప్పులు చేసి విత్తనాలు, ఎరువులు కొనుగోలు చేసి పంటలు సాగు చేశారని.. ఆ తర్వాత సకాలంలో వర్షాలు లేకపోవడంతో పంటలు ఎండిపోయాయని తెలిపారు. ప్రజలు, పశువులకు తాగునీటి కొరత కూడా ఏర్పడిందని వివరించారు.ఇండీని కరువు ప్రాంతంగా ప్రకటించాలని ఆగస్టు 28న ముఖ్యమంత్రి, ఉప ముఖ్యమంత్రికి వినతిపత్రం ఇచ్చినప్పటికీ స్పందన రాలేదని పాటిల్‌ ఆరోపించారు. విజయపుర జిల్లాలో మొత్తం 13 తాలూకాల్లో 11 ఇప్పటికే కరువు ప్రభావిత ప్రాంతాలుగా ప్రకటించగా.. ఇండీ, చడచన్‌ మాత్రమే మిగిలిపోయాయని తెలిపారు. రాష్ట్రవ్యాప్తంగా ఇప్పటివరకు 188 తాలూకాలను కరువు ప్రభావిత ప్రాంతాలుగా ప్రకటించినట్లు ఆయన పేర్కొన్నారు.‘ఒత్తిడి తెచ్చేవారికే ప్రాధాన్యం’అధికార కాంగ్రెస్‌ పార్టీ ఎమ్మెల్యేగా ప్రభుత్వానికి ఇబ్బంది కలగకూడదనే ఉద్దేశంతో ఇప్పటివరకు తన డిమాండ్లను సంయమనంతోనే వినిపించానని పాటిల్‌ తెలిపారు. అయితే తన అభిప్రాయాలు, నియోజకవర్గ ప్రజల సమస్యలకు తగిన ప్రాధాన్యం దక్కడం లేదని ఆవేదన వ్యక్తం చేశారు. ప్రస్తుత రాజకీయ వాతావరణంలో ప్రభావవంతమైన వ్యక్తులు, ఒత్తిడి తెచ్చేవారికే ప్రాధాన్యం లభిస్తోందని.. తనలాంటి సౌమ్యంగా వ్యవహరించే నేతల న్యాయమైన డిమాండ్లను కూడా పట్టించుకోవడం లేదని వ్యాఖ్యానించారు. ప్రజల ఆశలు, ఆకాంక్షలకు అనుగుణంగా పనిచేయలేకపోతున్నందునే స్వచ్ఛందంగా ఎమ్మెల్యే పదవికి రాజీనామా చేస్తున్నట్లు ఆయన స్పష్టం చేశారు.రెండోసారి రాజీనామా.. ఇదిలా ఉండగా.. పాటిల్‌ రాజీనామా చేయడం ఇది రెండోసారి. ఆగస్టు 3న డీకే శివకుమార్‌ నేతృత్వంలో జరిగిన కేబినెట్‌ విస్తరణలో తనకు చోటు దక్కకపోవడంతో అప్పట్లోనూ ఎమ్మెల్యే పదవికి రాజీనామా చేశారు. అయితే కాంగ్రెస్‌ అధిష్ఠానం జోక్యంతో ఆ రాజీనామాను ఉపసంహరించుకున్నారు. తాజాగా తన నియోజకవర్గాన్ని కరువు ప్రభావిత ప్రాంతంగా ప్రకటించకపోవడాన్ని కారణంగా చూపుతూ మరోసారి రాజీనామా చేయడం కర్ణాటక కాంగ్రెస్‌లో చర్చనీయాంశంగా మారింది.ఇదీ చదవండి: యూపీని నాలుగు భాగాలుగా చేస్తాం..

సాక్షి, హైదరాబాద్‌: కాంగ్రెస్‌ అధికారంలోకి వచ్చాక రాష్ట్రంలో విద్యుత్‌ కోతలు పెరిగిపోయాయని బీఆర్‌ఎస్‌ వర్కింగ్‌ ప్రెసిడెంట్‌ కె.తారక రామారావు మండిపడ్డారు. రాష్ట్రంలో విద్యుత్‌ వ్యవస్థ వెంటిలేటర్‌ మీద ఉందని ధ్వజమెత్తారు. కొన్ని ప్రాంతాల్లో రోజుకు ఆరు గంటలకు మించి సరఫరా లేని పరిస్థితి ఉందన్నారు. ‘కాంగ్రెస్‌ ఎక్కడ ఉంటుందో అక్కడ కరెంటు ఉండదు’అని వ్యాఖ్యానించారు. తెలంగాణ భవన్‌లో బుధవారం విలేకరుల సమావేశంలో కేటీఆర్‌ మాట్లాడుతూ.. విద్యుత్‌ రంగంపై తమ ప్రభుత్వం రూ.లక్ష కోట్లకుపైగా ఖర్చు చేసిందన్నారు. 1980ల నాటి చిత్రాలు సామాజిక మాధ్యమాల్లో వైరల్‌ అవుతుంటే.. తెలంగాణలో ఇప్పుడు విద్యుత్‌ కోతల విషయంలో నాటి పరిస్థితి కనిపిస్తోందని ఎద్దేవా చేశారు. ఎల్‌నినో ప్రభావం వల్లే విద్యుత్‌ సమస్య వచి్చందన్న ఉప ముఖ్యమంత్రి భట్టి విక్రమార్క వ్యాఖ్యలను ప్రస్తావిస్తూ.. ‘ఇది ఎల్‌నినో వల్ల కాదు.. ఎల్‌ కాంగోతోనే’అని ఎద్దేవా చేశారు. ముఖ్యమంత్రి సొంత గ్రామమైన కొండారెడ్డిపల్లి రైతులే విద్యుత్‌ సమస్యపై రోడ్డెక్కి ధర్నా చేయడం ప్రభుత్వ వైఫల్యానికి నిదర్శనమని చెప్పారు. బొగ్గు కొరత.. కేంద్రాల్లో ఉత్పత్తికి బ్రేక్‌ జెన్‌కోకు నాణ్యత లేని బొగ్గు సరఫరా చేస్తున్నారని కేటీఆర్‌ ఆరోపించారు. ఐదు విద్యుత్‌ కేంద్రాల్లో వారం రోజులుగా ఉత్పత్తికి అంతరాయం ఏర్పడిందని, సింగరేణిలో 40 లక్షల మెట్రిక్‌ టన్నుల బొగ్గు కొరత ఉందని చెప్పారు. 4 వేల మెగావాట్ల యాదాద్రి థర్మల్‌ పవర్‌ స్టేషన్‌లో 400 మెగావాట్లే ఉత్పత్తి అవుతోందని, 270 మెగావాట్ల భద్రాద్రి కేంద్రంలో ఉత్పత్తి నిలిచిపోయిందన్నారు. నాణ్యత లేని బొగ్గు కారణంగా రూ.2,900 కోట్ల నష్టం జరిగిందని ఆరోపించారు. తెలంగాణ జెన్‌కో సింగరేణికి రూ.52 వేల కోట్లు బకాయి పడిందన్నారు. బొగ్గు లేక వైటీపీఎస్‌లో డీజిల్‌తో విద్యుత్‌ ఉత్పత్తి చేస్తున్నారని, ఆ కేంద్రాన్ని ప్రైవేటీకరించాలనుకోవడానికి కారణమేంటని ప్రశ్నించారు. ఆరు బృందాలతో బీఆర్‌ఎస్‌ పరిశీలన రైతులకు 24 గంటల విద్యుత్‌ సరఫరా, విద్యుత్‌ కేంద్రాల్లో ఉత్పత్తి పరిస్థితులపై వాస్తవాలను తెలుసుకునేందుకు బీఆర్‌ఎస్‌ ఆరు బృందాలను ఏర్పాటు చేసిందని కేటీఆర్‌ తెలిపారు. యాదాద్రి, కేటీపీఎస్, భద్రాద్రి, భూపాలపల్లి కేటీపీపీ, జైపూర్‌ థర్మల్‌ పవర్‌ ప్లాంట్, సింగరేణి ప్రధాన కార్యాలయాలను ఈ బృందాలు పరిశీలిస్తాయని చెప్పారు. ఆదిలాబాద్‌ రిమ్స్‌ ఆసుపత్రిలో విద్యుత్‌ షార్ట్‌సర్క్యూట్‌తో ముగ్గురు చిన్నారులు మృతి చెందడం, మరో 23 మంది గాయపడటంపై కేటీఆర్‌ ఆవేదన వ్యక్తం చేశారు. బాధిత కుటుంబాలకు రూ.25 లక్షల చొప్పున పరిహారం ఇవ్వాలని డిమాండ్‌ చేశారు. జూరాల ఆయకట్టు రైతుల పంటలు ఎండుతున్నా నీటిని విడుదల చేయకుండా రైతులు, బీఆర్‌ఎస్‌ నేతలను అరెస్టు చేయడం దారుణమన్నారు. మండలి ఎన్నికలపై దృష్టి రాబోయే పట్టభద్రుల శాసనమండలి ఎన్నికలను ప్రతిష్టాత్మకంగా తీసుకోవాలని పార్టీ శ్రేణులకు కేటీఆర్‌ సూచించారు. మహబూబ్‌నగర్‌– రంగారెడ్డి–హైదరాబాద్‌ పట్టభద్రుల నియోజకవర్గంపై ప్రత్యేక దృష్టి పెట్టి ఓటర్ల నమోదును వేగవంతం చేయాలని, యువత, ఉద్యోగులు, పట్టభద్రుల్లో ప్రతి ఒక్కరినీ ఓటరుగా నమోదు చేయించాలని ఆదేశించారు. ఎస్‌ఐఆర్‌పై సుప్రీంకోర్టు జోక్యం ఎస్‌ఐఆర్‌ ప్రక్రియపై ఇద్దరు ఎన్నికల కమిషనర్లు అభ్యంతరాలు వ్యక్తం చేశారన్న అంశంపై కేటీఆర్‌ స్పందిస్తూ... ఎన్నికల సంఘం పనితీరుపై ప్రజల్లో నెలకొన్న సందేహాలను నివృత్తి చేయాల్సిన అవసరం ఉందన్నారు. ఎస్‌ఐఆర్‌ వ్యవహారంపై సుప్రీంకోర్టు సుమోటోగా విచారణ చేపట్టి వాస్తవాలను వెలుగులోకి తీసుకురావాలని కోరారు. ఖైరతాబాద్‌ గణపతిని దర్శించుకున్న కేటీఆర్‌ ఖైరతాబాద్‌ (హైదరాబాద్‌): ఖైరతాబాద్‌ మహాగణపతిని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ బుధవారం దర్శించుకొని పూజలు చేశారు. ఈ సందర్భంగా కేటీఆర్‌ మాట్లాడుతూ తెలంగాణ అంతటా, దేశవ్యాప్తంగా సమృద్ధిగా వర్షాలు కురవాలని తద్వారా రైతులు బాగుండాలని ఆకాంక్షించారు. హైదరాబాద్‌లో కులమతాలకు అతీతంగా అందరూ పండుగల వేళ కలిసి మెలిసి ఉండాలని, శాంతిభద్రతలు బాగుండాలని పేర్కొన్నారు. కేటీఆర్‌తో పాటు తలసాని శ్రీనివాస్‌యాదవ్, గజ్జల నాగేశ్‌ తదితరులు ఉన్నారు.

సాక్షి, హైదరాబాద్‌: ప్రస్తుతం సోషల్‌ మీడియాలో 1980 నాటి ట్రెండ్‌ నడుస్తుంటే రాష్ట్రంలో 1980 నాటి పరిస్థితులు నడుస్తున్నాయని బీఆర్ఎస్ వర్కింగ్ ప్రెసిడెంట్ కేటీఆర్‌ దుయ్యబట్టారు. ఈ రోజు (బుధవారం) తెలంగాణ భవన్‌లో ఆయన మీడియా సమావేశం నిర్వహించారు. తెలంగాణలో ప్రస్తుతం ఏర్పడిన పరిస్థితులు ఎల్‌నినో ప్రభావంతో కాదని ఎల్‌ కాంగో ప్రభావంతోనని కాంగ్రెస్‌ ప్రభుత్వాన్ని ఉద్దేశించి కేటీఆర్‌ వ్యంగ్యంగా మాట్లాడారు.తెలంగాణలో కరెంట్ సంక్షోభం తలెత్తిందని బీఆర్‌ఎస్‌ గతంలోనే కాంగ్రెస్‌ వస్తే కరెంట్‌ ఉండదని చెప్పిందని ప్రస్తుతం రాష్టంలో అవే పరిస్థితులు నడుస్తున్నాయన్నారు. కాంగ్రెస్‌ వస్తే చీకటిరాజ్యమేనని గతంలోనే చెప్పామని ఇప్పుడు అదే నిజమైందన్నారు. రాష్ట్రంలో ఎక్కడ 6 గంటలకు మించి కరెంటు లేదని వారం రోజులుగా పవర్‌ లెస్‌గా ప్లాంట్లు ఉన్నాయని తెలిపారు. రాష్ట్రంలో 40 లక్షల బొగ్గు నిల్వలు ఉంటే ఎందుకు విద్యుత్ ఉత్పత్తి చేయడం లేదు భట్టి విక్రమార్క సమాధానం చెప్పాలి. 4 వేల మెగా వాట్స్ విద్యుత్ ఉత్పత్తి చెయ్యాల్సిన రాష్ట్రంలో 400 మెగా వాట్స్ ఉత్పత్తి చేస్తున్నారు. నాణ్యత లేని బొగ్గుతో రాష్ట్రానికి 2,900 కోట్ల నష్టం సీఎం బావమరిది సృజనాత్మక లీలలతో సింగరేణికి నష్టాలు సీఎం రేవంత్ మెస్సి తో ఫుట్ బాల్ ఆడలేదు.... సింగరేణి సంస్థతో ఫుట్‌ బాల్ ఆడారు. అని కేటీఆర్‌ కాంగ్రెస్‌పై తీవ్ర విమర్శలు చేశారు.కరెంట్ కోతలతో ప్రజలు అల్లాడిపోతున్నారని నీళ్లు లేక హైడల్‌ పవర్‌ ఉత్పత్తి ఆగిపోయిందని తెలిపారు. త్వరలోనే తెలంగాణలోని అన్ని పవర్‌ ప్లాంట్లు సందర్శిస్తామని ఆరు బృందాలుగా వెళ్లి నిజానిజాలు తెలుసుకుంటామన్నారు. కరెంటు ఉత్పత్తి కేంద్రాల్లో నిజాలు నిగ్గుదేల్చడానికే ఆరు బృందాలుగా వెళ్లి అన్ని పవర్‌ప్లాంట్లను సందర్శిస్తామని కేటీఆర్‌ అన్నారు.

సాక్షి కార్టూన్‌: 22-09-2026

కర్ణాటక: ప్రపంచ ప్రఖ్యాత మైసూరు దసరా ఉత్సవాలపై రాష్ట్ర కాంగ్రెస్‌ ప్రభుత్వానికి, మైసూరు రాజ కుటుంబానికి మధ్య యుద్ధం మొదలైంది. దసరా సంబరాల గురించి ప్రభుత్వం తమకేమీ చెప్పడం లేదని రాజ వంశీకురాలు ప్రమోదాదేవి ఒడెయార్‌ ఆరోపించారు. ఆమె సోమవారం మైసూరు ప్యాలెస్‌ రాజభవనంలో మీడియా సమావేశం నిర్వహించారు. కరువు పరిస్థితుల్లో కూడా మైసూరు దసరాను ఘనంగా నిర్వహించాలని, మంచి వర్షాలు కురుస్తాయని, దేశానికి మేలు జరుగుతుందని ఆశిస్తూ దసరాను జరుపుకుందామని అన్నారు. మంగళూరుకు చెందిన కంబళ పోటీలను మైసూరు ఉత్సవాలలో ప్రత్యేకంగా నిర్వహించాల్సిన అవసరం ఉందా? అని ప్రభుత్వాన్ని ప్రశ్నించారు. ప్రభుత్వం సంప్రదించి ఉంటే, నేను నా అభిప్రాయాన్ని తెలియజేసేదాన్ని అని ఆమె అన్నారు. బంగారు గిడ్డంగి చోరీ కాలేదు రాజ కుటుంబం బంగారు గిడ్డంగిలో చోరీ జరిగిందన్నది అబద్ధం, బంగారు గిడ్డంగి సురక్షితంగా ఉంది అని ప్రమోదాదేవి తెలిపారు. బంగారు గిడ్డంగిని నేనే స్వయంగా మూసివేశానని, కొందరు వదంతులను వ్యాప్తి చేయడంతో తానే ఇలా చేశానని చెప్పారు. మైసూరు ప్యాలెస్‌లో ఘనంగా దసరా వేడుకలు జరుగుతాయన్నారు. అక్టోబర్‌ 5న రత్నఖచిత సింహాసన ప్రతిష్ఠాపన జరుగుతుందని వివరాలను తెలిపారు. చాముండి కొండపై భవనాలు పెరిగి ఆ కొండ ఒక పట్టణంలా మారుతోందని ఆమె తీవ్ర ఆందోళన వ్యక్తంచేశారు.

ఢిల్లీ: కాంగ్రెస్ అగ్రనేత సోనియా గాంధీకి సంబంధించి ఓ పాత కేసులో ఢిల్లీ సెషన్స్ కోర్టు కీలక తీర్పు వెలువరించింది. భారత పౌరసత్వం పొందకముందే ఓటరు జాబితాలో ఆమె పేరు చేర్చారనే ఫిర్యాదును తోసివేస్తూ మెజిస్ట్రేట్ కోర్టు ఇచ్చిన ఉత్తర్వులను ఢిల్లీ ప్రత్యేక కోర్టు (సెషన్స్ కోర్టు) రద్దు చేసింది. ఈ కేసుకు సంబంధించి తగిన కారణాలతో కూడిన ఉత్తర్వులు ఇవ్వాలని మెజిస్ట్రేట్ కోర్టును ప్రత్యేక న్యాయమూర్తి విశాల్ గోగ్నే ఆదేశించారు.సోనియా గాంధీకి 1983లో భారతీయ పౌరసత్వం రాగా, అంతకంటే ముందే అంటే 1980 నాటి ఓటరు జాబితాలో ఆమె పేరును చేర్చారంటూ న్యాయవాది వికాస్ త్రిపాఠి గతంలో మెజిస్ట్రేట్ కోర్టులో ఫిర్యాదు చేశారు. అయితే, ఎలాంటి పోలీసుల స్టేటస్ రిపోర్టు కోరకుండా, సరైన కారణాలు చూపకుండానే మెజిస్ట్రేట్ కోర్టు ఆ పిటిషన్‌ను కొట్టివేసిందని సెషన్స్ కోర్టు తప్పుపట్టింది.పోలీసుల నుంచి నివేదిక కోరకుండా, చట్టపరమైన నిబంధనలను పరిశీలించకుండా మెజిస్ట్రేట్ కోర్టు తొందరపాటుగా వ్యవహరించిందని కోర్టు పేర్కొంది. ఈ నేపథ్యంలో పిటిషన్‌ను తిరిగి పరిశీలించి, కొత్త వాదనలు విన్న తర్వాత తగిన ఉత్తర్వులు జారీ చేయాలని మెజిస్ట్రేట్ కోర్టును ఆదేశిస్తూ.. తదుపరి విచారణను సెప్టెంబర్ 29కి సెషన్స్ కోర్టు వాయిదా వేసింది.

జంతర్‌ మంతర్‌ వేదికగా నీట్‌ పేపర్‌లీక్‌ వ్యవహారం, విద్యా వ్యవస్థలో అవకతవకలపై ఉద్యమం చేసి జాతీయ స్థాయిలో గుర్తింపు తెచ్చుకుంది కాక్రోచ్‌ జనతా పార్టీ. అయితే ఇప్పుడు అది ప్రదర్శిస్తున్న వైఖరి తీవ్ర విమర్శలకు తావిస్తోంది. స్కూళ్ల బాగు కోసం మీద దేశవ్యాప్త క్యాంపెయిన్‌ నడుపుతున్న ఈ సంస్థ.. పక్షపాత ధోరణి ప్రదర్శిస్తోందనే చర్చ జోరుగా నడుస్తోంది. ఈ తరుణంలో సీజేపీ ఓ స్పష్టత ఇచ్చే ప్రయత్నం చేస్తోంది. ‘స్కూల్‌ ఠీక్‌ కరో’, ‘ఆదివాసీ స్కూల్‌ ఠీక్‌ కరో’ పేరుతో సీజేపీ పలు రాష్ట్రాల్లో పాఠశాలలను తనిఖీలు నిర్వహిస్తోంది. అయితే ఈ కార్యక్రమంపై మరో ప్రశ్న కూడా తెరపైకి వచ్చింది. బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో దూకుడుగా వ్యవహరిస్తుండగా.. ప్రతిపక్షాలు అధికారంలో ఉన్న రాష్ట్రాల్లో మాత్రం మెతక ధోరణికే పరిమితమవుతోందట. దీంతో ఇదేనా కాక్రోచ్‌ల ఫెయిర్‌నెస్‌? అనే ప్రశ్న పుట్టుకొచ్చింది.జూన్‌ 6న ఢిల్లీ జంతర్‌ మంతర్‌ వద్ద ప్రారంభమైన సీజేపీ ఆందోళన.. అప్పటి కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా డిమాండ్‌తో సాగింది. పరీక్షల పేపర్‌ లీకులు, నియామకాల్లో అవకతవకలు వంటి అంశాలపై 37 రోజులపాటు ఉద్యమం జరిగింది. జూలై 25న ప్రధాన్‌ రాజీనామా చేసిన తర్వాత సీజేపీ విజయోత్సవ సంబురాలు చేసుకుంది. అయితే ఆ వెంటనే దాని దృష్టి ప్రభుత్వ పాఠశాలల వైపు మళ్లింది. ఆగస్టు 15న మహారాష్ట్రలోని హింగోలీ జిల్లాలో ‘స్కూల్‌ ఠీక్‌ కరో’ కార్యక్రమాన్ని ప్రారంభించింది. పాఠశాలల్లో తాగునీరు, మరుగుదొడ్లు, బెంచీలు, భవనాల పరిస్థితి వంటి అంశాలను పరిశీలిస్తూ.. సమస్యలను వీడియోల రూపంలో బయటకు తీసుకొస్తోంది. ఆపై ఆదివాసీ స్కూళ్లపైనా ఈ క్యాంపెయిన్‌ను ఉధృతం చేసింది. బీజేపీ పాలిత రాష్ట్రాల్లో దూకుడు..స్కూల్‌ ఠీక్‌ కరో కోసం మహారాష్ట్ర, రాజస్థాన్‌, ఉత్తరప్రదేశ్‌ వంటి బీజేపీ పాలిత రాష్ట్రాల్లో సీజేపీ జాతీయ నాయకత్వం ప్రత్యక్షంగా రంగంలోకి దిగింది. ఉత్తరప్రదేశ్‌లో పరీక్షల అక్రమాలపై నిరసనల్లో పాల్గొన్న ఆ సంస్థ.. తర్వాత నోయిడాలో ప్రభుత్వ పాఠశాలను తనిఖీ చేసింది. రాజస్థాన్‌లో పాఠశాలల పరిస్థితిపై తనిఖీలు చేపట్టింది. మహారాష్ట్ర తన స్వరాష్ట్రం కావడంతో సీజేపీ నేత అభిజీత్‌ దీప్కే స్వయంగా రంగంలోకి దిగి ఉద్యమించారు. సెప్టెంబర్‌ 17న గడ్చిరోలిలో ఆదివాసీ పాఠశాలల కోసం ప్రత్యేక ప్రచారాన్ని కూడా ప్రారంభించారు. అంతేకాదు తమ పోరాటం వల్లే హర్యానా ప్రభుత్వంలో పాఠశాలల రిపేర్‌ల కోసం కదలిక వచ్చిందని గర్వంగా ప్రకటించుకుంది. ప్రతిపక్ష రాష్ట్రాల్లో మరోలా!బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో ఒత్తిడి పెంచగా.. బీజేపీయేతర రాష్ట్రాల్లో మాత్రం మరోలా సాగింది. ఆమ్‌ ఆద్మీ పార్టీ అధికారంలో ఉన్న పంజాబ్‌, కాంగ్రెస్‌ పాలిత కర్ణాటకలోనూ సీజేపీ బృందాలు పాఠశాలలను తనిఖీ చేశాయి. పంజాబ్‌లో సౌరవ్‌ దాస్‌ నేతృత్వంలోని బృందం లూధియానాలో మూడు ప్రభుత్వ పాఠశాలలను పరిశీలించింది. ‘స్కూల్స్‌ ఆఫ్‌ ఎమినెన్స్‌’లోని స్విమ్మింగ్‌ పూల్‌, ఏఐ ల్యాబ్‌, కంప్యూటర్‌ ల్యాబ్‌ వంటి సౌకర్యాలను ప్రశంసించడంతో పాటు కొన్ని లోపాలను గుర్తించింది.ఈ విషయాలను విద్యాశాఖ మంత్రి హర్జోత్‌ సింగ్‌ బైన్స్‌ దృష్టికి తీసుకెళ్లగా.. ఆప్‌ జాతీయ కన్వీనర్‌ అరవింద్‌ కేజ్రీవాల్‌ సీజేపీకి ధన్యవాదాలు తెలిపారు. గుర్తించిన సమస్యలను వెంటనే పరిష్కరిస్తామని చెప్పారు. ఇక కర్ణాటకలో సీజేపీ బృందం బెంగళూరు ప్రభుత్వ పాఠశాలల్లో ఉపాధ్యాయుల కొరత, భవనాల భద్రత, పారిశుధ్య సమస్యలను గుర్తించింది. ‘స్కూల్‌ ఠీక్‌ కరో’ను రాష్ట్రంలోని 31 జిల్లాలకు విస్తరించనున్నట్లు ప్రకటించి, విద్యాశాఖ మంత్రి మధు బంగారప్పతో సమావేశమైంది.కాంగ్రెస్‌ ట్విస్ట్‌అయితే సీజేపీ ఉద్యమంపై కాంగ్రస్‌ అభ్యంతరాలు వ్యక్తం చేస్తోంది. తమ పాలిత రాష్ట్రాల్లో నెగెటివ్‌ ఫీడ్‌ బ్యాక్‌ ఇవ్వడంపై కౌంటర్‌ ఇచ్చింది. బీజేపీయేతర రాష్ట్రాల్లో చేసినట్టే.. మిగతా రాష్ట్రాల్లోనూ పక్షపాతం లేకుండా అడిటింగ్‌ చేపట్టాలని సీజేపీకి సూచిస్తోంది. అదే దృష్టితో, అదే ప్రశ్నలతో, అదే ధైర్యంతో తనిఖీలు చేయండి అంటూ సచిన్‌ పైలట్‌ చురకలు అంటించారు. అయితే సీజేపీ వ్యవస్థాపకుడు అభిజీత్‌ దీప్కే ఈ విమర్శలను తోసిపుచ్చారు. పంజాబ్‌, కర్ణాటక, జార్ఖండ్‌లోనూ తమ బృందాలు పర్యటించి పాఠశాలల సమస్యలను ప్రభుత్వాల దృష్టికి తీసుకెళ్లాయని చెప్పారు.అందుకే ఇప్పుడు చర్చ సీజేపీ ఎక్కడికి వెళ్లిందన్నదానిపై కాదు.. ఎక్కడ ఎంత ఒత్తిడి తీసుకొచ్చిందన్నదే*. రాష్ట్రాన్ని బట్టి పరిస్థితులకు అనుగుణంగా వైఖరి మారిందా? లేక రాజకీయ తేడా ప్రభావం చూపిందా? అన్న ప్రశ్నలు మాత్రం కొనసాగుతున్నాయి. దీనికి సమాధానం సీజేపీ రానున్న రోజుల్లో చేపట్టే కార్యక్రమాల తీరు మరింత స్పష్టత ఇవ్వొచ్చు. ఇదిలా ఉంటే.. పాఠశాలల్లోని సమస్యలు బయటకు రావడం, వాటిపై ప్రభుత్వాలు స్పందించడం మాత్రం ఈ క్యాంపెయిన్‌ ద్వారా కనిపిస్తున్న పరిణామం.

సాక్షి, హైదరాబాద్‌: గులాబీ నేతల కంచుకోటల్లో కాంగ్రెస్‌ రాజకీయ సమరానికి సిద్ధమవుతోంది. బీఆర్‌ఎస్‌ కీలక నేతలు హరీశ్‌రావు, కేటీఆర్‌ను లక్ష్యంగా చేసుకుని సిద్దిపేట, సిరిసిల్లలో భారీ బహిరంగ సభలు నిర్వహించేందుకు తెలంగాణ కాంగ్రెస్‌ యాక్షన్‌ ప్లాన్‌ సిద్ధం చేస్తోంది. ఈ నెల 30న సిరిసిల్లలో కాంగ్రెస్‌ బహిరంగ సభ నిర్వహించనుండగా.. అక్టోబర్‌ మొదటి వారంలో సిద్దిపేటలో సభకు ఏర్పాట్లు చేస్తోంది.ఈ మేరకు సభల ఏర్పాట్లు చేపట్టాలని సంబంధిత డీసీసీ అధ్యక్షులను పీసీసీ చీఫ్‌ మహేష్‌ కుమార్‌ గౌడ్‌ ఆదేశించినట్లు సమాచారం. రెండు నియోజకవర్గాల్లో సభల ద్వారా పార్టీ శ్రేణులను సమీకరించడంతో పాటు, బీఆర్‌ఎస్‌ నేతలపై రాజకీయంగా ఎదురుదాడి చేయాలని కాంగ్రెస్‌ భావిస్తున్నట్లు తెలుస్తోంది. కాగా, సిరిసిల్ల, సిద్దిపేటలో జరగనున్న సభలపై కాంగ్రెస్‌ శ్రేణుల్లో ఆసక్తి నెలకొంది. సభల్లో ఎవరెవరు పాల్గొంటారు? హరీశ్‌రావు, కేటీఆర్‌లపై కాంగ్రెస్‌ నేతలు ఎలాంటి విమర్శలు చేస్తారు? అన్నది రాజకీయ వర్గాల్లో చర్చనీయాంశంగా మారింది.అయితే, సిరిసిల్ల, సిద్దిపేటలో కాంగ్రెస్‌ బహిరంగ సభల నిర్వహణపై సీఎం రేవంత్‌రెడ్డి గతంలోనే సంకేతాలిచ్చారు. సెప్టెంబర్‌ 5న నకిరేకల్‌ సభలో మాట్లాడుతూ.. ఈ నెలాఖరులో సిరిసిల్లకు, అక్టోబర్‌లో సిద్దిపేటకు వస్తానని ప్రకటించారు. కేటీఆర్‌, హరీశ్‌రావు ప్రాతినిధ్యం వహిస్తున్న ఈ రెండు నియోజకవర్గాల్లో కాంగ్రెస్‌ జెండా ఎగురవేస్తామని సవాల్‌ చేశారు. ఇటీవల సిద్దిపేటలో కాంగ్రెస్‌ ఎంపీలు, ఎమ్మెల్సీలు భూముల వ్యవహారాలపై పర్యటించగా.. హరీశ్‌రావు తన ఆస్తుల వివరాలు ఎన్నికల అఫిడవిట్లలో వెల్లడించానని స్పందించారు. ఈ పరిణామాల నేపథ్యంలో సిరిసిల్ల, సిద్దిపేట సభలు రాజకీయంగా ప్రాధాన్యం సంతరించుకున్నాయి.తెలంగాణభవన్‌లో కీలక సమావేశం.. మరోవైపు.. తెలంగాణలో రాజకీయ పరిణామాలు వేగంగా మారుతున్న వేళ.. తెలంగాణ భవన్‌లో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, మాజీ మంత్రి హరీశ్‌రావు కీలక సమావేశం నిర్వహించారు. అందుబాటులో ఉన్న మాజీ మంత్రులు, ఎమ్మెల్యేలు, పార్టీ ముఖ్య నేతలతో వారు భేటీ అయ్యారు. 22ఏ భూముల వ్యవహారంపై ప్రభుత్వాన్ని నిలదీసిన అనంతరం బీఆర్‌ఎస్‌ నేతలను కాంగ్రెస్‌ టార్గెట్‌ చేస్తోందన్న ఆరోపణల నేపథ్యంలో ఈ సమావేశం ప్రాధాన్యం సంతరించుకుంది. కాంగ్రెస్‌ నేతల ఫామ్‌హౌస్‌ పర్యటనలు, 22ఏ భూముల వివాదం, రాష్ట్రంలో చోటుచేసుకుంటున్న తాజా రాజకీయ పరిణామాలపై సమావేశంలో చర్చిస్తున్నట్లు సమాచారం. పార్టీ నేతలపై అధికార పార్టీ చేస్తున్న విమర్శలు, వాటికి ఎలా స్పందించాలనే అంశాలపైనా చర్చించే అవకాశం ఉంది.దానం నాగేందర్‌ అంశంపైనా చర్చ?ఖైరతాబాద్‌ ఎమ్మెల్యే దానం నాగేందర్‌ అనర్హత వ్యవహారం కూడా సమావేశంలో చర్చకు వచ్చే అవకాశం ఉంది. బీఆర్‌ఎస్‌ టికెట్‌పై గెలిచిన దానం నాగేందర్‌.. కాంగ్రెస్‌ తరఫున లోక్‌సభ ఎన్నికల్లో పోటీ చేయడంతో ఆయనపై అనర్హత పిటిషన్లు దాఖలయ్యాయి. ఈ కేసులో తెలంగాణ హైకోర్టు ఆయనను ఎమ్మెల్యేగా అనర్హుడిగా ప్రకటించింది. ఈ పరిణామంపై బీఆర్‌ఎస్‌ నేతలు తదుపరి అనుసరించాల్సిన రాజకీయ కార్యాచరణపై చర్చించే అవకాశం ఉంది. ఇదీ చదవండి: ఇది కాంగ్రెస్‌ తెచ్చిన కరువు

బెంగళూరు: ప్రభుత్వ కార్యాలయంలో పని చేయించుకోవాలంటే అధికారులకు డబ్బులు ఇవ్వాల్సిందేనా? విధులు నిర్వర్తించినందుకు ‘టిప్‌’ పేరుతో అధికారులకు నగదు ఇవ్వడం తప్పుకాదా? కర్ణాటక కాంగ్రెస్‌ మంత్రి కేఎం శివలింగే గౌడ వ్యాఖ్యలు ఇప్పుడు ఈ ప్రశ్నలనే తెరపైకి తెచ్చాయి. అధికారులు సకాలంలో ప్రజల పనులు పూర్తి చేస్తే వారికి ‘టిప్‌’ లేదా ‘గౌరవ ధనం’ ఇవ్వడంలో తప్పేమీ లేదన్నట్లుగా మంత్రి మాట్లాడటం తీవ్ర దుమారం రేపింది. మంత్రి మాటలపై ప్రజలు కార్యక్రమంలోనే అభ్యంతరం వ్యక్తం చేయడంతో కొద్దిసేపు వాగ్వాద వాతావరణం నెలకొంది. దీనికి సంబంధించిన వీడియో సోషల్‌ మీడియాలో వైరల్‌గా మారింది.హాసన్‌ జిల్లాలో నిర్వహించిన ప్రజా ఫిర్యాదుల కార్యక్రమంలో మంత్రి శివలింగే గౌడ అధికారుల పనితీరుపై మాట్లాడారు. ఈ సందర్భంగా అధికారులు ప్రజలకు సంబంధించిన పనులను సకాలంలో పూర్తి చేస్తే వారికి ‘టిప్‌’ ఇవ్వడంలో తప్పేమీ లేదన్న భావన వచ్చేలా వ్యాఖ్యలు చేశారు. ‘అధికారులు ప్రజల పని చేస్తే వారికి లంచం ఇవ్వడం ధర్మమే’ అన్నట్లుగా మంత్రి మాట్లాడినట్లు వీడియోలో వినిపిస్తోంది. మంత్రి వ్యాఖ్యలపై అక్కడే ఉన్న ఓ వ్యక్తి తీవ్ర అభ్యంతరం వ్యక్తం చేశారు. అధికారులు తమ విధులను నిర్వర్తించేందుకు ప్రజలు ఎందుకు లంచం ఇవ్వాలని ప్రశ్నించారు. మంత్రి వ్యాఖ్యలు లంచాలను ప్రోత్సహించేలా ఉన్నాయని ఆగ్రహం వ్యక్తం చేశారు. దీంతో కార్యక్రమంలో కొద్దిసేపు ఉద్రిక్త వాతావరణం నెలకొంది. మరికొందరు కూడా అభ్యంతరం వ్యక్తం చేయడంతో మంత్రి తన వ్యాఖ్యలను వివరిస్తూ వివరణ ఇచ్చారు.అధికారులు ప్రజల నుంచి బలవంతంగా డబ్బులు వసూలు చేయకూడదన్నదే తన ఉద్దేశమని మంత్రి చెప్పారు. నిజాయితీగా పనిచేసే అధికారులను గౌరవించాలనే ఉద్దేశంతోనే ‘టిప్‌’ గురించి ప్రస్తావించానని, తాను లంచాలను ప్రోత్సహించడం లేదని స్పష్టం చేశారు. పరిస్థితి తీవ్రతరం కాకుండా హాసన్‌ డిప్యూటీ కమిషనర్‌ కేఎస్‌ లతా కుమారి జోక్యం చేసుకుని ఆందోళన వ్యక్తం చేస్తున్న వారిని సముదాయించే ప్రయత్నం చేశారు.“Giving money to officials respectfully is a duty” - Karnataka Minister K.M. Shivalinge Gowda’s remark on citizens paying bribes to government officials triggers public outrage.Congress ruled India for decades, during which corruption became deeply entrenched.#Congress_Exposed pic.twitter.com/xeEghu15eK— Sanatan Prabhat (Kannada) (@Sanatan_Prabhat) September 20, 2026బీజేపీకి రాజకీయ అస్త్రం..మంత్రి వ్యాఖ్యలపై ప్రతిపక్ష బీజేపీ తీవ్రంగా స్పందించింది. వీడియోను సోషల్‌ మీడియాలో షేర్‌ చేస్తూ.. కాంగ్రెస్‌ ప్రభుత్వంలో లంచాల వ్యవహారం ఏ స్థాయిలో ఉందో మంత్రి మాటలే బయటపెట్టాయని ఆరోపించింది. సాధారణ ప్రజల జేబుల నుంచి డబ్బులు తీసుకోవడాన్ని సమర్థించే ప్రభుత్వానికి ప్రజలే తగిన సమాధానం చెబుతారని విమర్శించింది. బీజేపీ ఎమ్మెల్సీ సీటీ రవి కూడా మంత్రి వ్యాఖ్యలను తప్పుబట్టారు. లంచంగా కనీసం రూ.10 అడిగినా తనకు ఫిర్యాదు చేయాలని ముఖ్యమంత్రి డీకే శివకుమార్‌ గతంలో చెప్పిన విషయాన్ని గుర్తుచేశారు. అదే ప్రభుత్వానికి చెందిన మంత్రి ఇప్పుడు అధికారులకు ‘గౌరవంగా లంచం ఇవ్వండి’ అన్నట్లుగా మాట్లాడటం విరుద్ధంగా ఉంది. లంచం ఇవ్వడం లేదా తీసుకోవడం మీకు సహజంగా అనిపించవచ్చు.. కానీ కర్ణాటక ప్రజలకు కాదు అంటూ ఘాటు విమర్శలు గుప్పించారు.ఇదీ చదవండి: సర్‌ పేరుతో 7.8 కోట్ల ఓట్ల గల్లంతు

యాదగిరిగుట్ట: ‘రాష్ట్రంలో రైతు పాలన పోయి.. రాక్షస పాలన వచ్చింది.. ఇది ఎల్‌నినో తెచ్చిన కరువు కాదు.. కాంగ్రెస్‌ ప్రభుత్వం తెచ్చిన కరువు’ అని మాజీ మంత్రి తన్నీరు హరీశ్‌రావు ధ్వజమెత్తారు. యాదాద్రి భువనగిరి జిల్లా మోటకొండూర్‌ మండల కేంద్రంలో ఆదివారం డీసీసీ మాజీ ప్రధాన కార్యదర్శి సిరబోయిన మల్లేశ్‌ యాదవ్, కాంగ్రెస్‌ సీనియర్‌ నాయకుడు శోభన్‌రెడ్డితో పాటు పలువురు ఆ పార్టీకి రాజీనామా చేసి బీఆర్‌ఎస్‌లో చేరారు. అనంతరం మోటకొండూర్‌లోని విద్యుత్‌ కార్యాలయాన్ని సందర్శించారు. అక్కడ లాగ్‌ బుక్స్‌ దాచిపెట్టడంతో ఆగ్రహం వ్యక్తం చేశారు. ఈ సందర్భంగా హరీశ్‌రావు మాట్లాడుతూ తాము వస్తున్నామని చెప్పి మోటకొండూర్‌ సబ్‌ స్టేషన్‌లో లాగ్‌ బుక్‌లను దాచిపెట్టారన్నారు. రైతులకు 24 గంటల కరెంట్‌ ఎందుకు వస్తలేదో చూసే బాధ్యత ఎంపీ చామల కిరణ్‌కుమార్‌రెడ్డి, ఎమ్మెల్యే బీర్ల అయిలయ్యకు లేదా అని ప్రశ్నించారు. సీఎం రేవంత్‌రెడ్డి ఇల్లు, కాంగ్రెస్‌ నేత కేవీపీ ఇల్లు, ప్రభుత్వ విప్‌ మహేందర్‌రెడ్డి ఇల్లు, మండలి చైర్మన్‌ గుత్తా సుఖేందర్‌రెడ్డితో పాటు కాంగ్రెస్‌ నాయకుల ఇళ్లు ఎఫ్‌టీఎల్‌లో ఉన్నవి కనిపిస్తలేదా అని ప్రశ్నించారు. 22ఏ నిషేధిత జాబితాపై, కాంగ్రెస్‌ అక్రమాలపై ప్రశ్నిస్తే, భూ కుంభకోణాలను బయటకు తీస్తే బీఆర్‌ఎస్‌ నేతలపై కక్షకట్టి బద్నాం చేస్తున్నారన్నారు. సిట్టింగ్‌ జడ్జితో విచారణకు సిద్ధం..కేసీఆర్‌ కుటుంబ ఆస్తులు, కాంగ్రెస్‌ పార్టీ, ముఖ్యమంత్రి రేవంత్‌రెడ్డి కుటుంబ, మంత్రుల ఆస్తులపై సిట్టింగ్‌ జడ్జితో విచారణకు మేము సిద్ధం.. మీరు సిద్ధమా అని హరీశ్‌రావు సవాల్‌ విసిరారు. కృష్ణా, గోదావరి నదీ జలాలు ఎత్తి రైతాంగాన్ని కాపాడుకునే ప్రయత్నం ప్రభుత్వం చేయాలని సూచించారు. నల్లగొండ జిల్లాలో 4వేల మెగావాట్ల థర్మల్‌ ప్లాంట్‌ కడితే 1,500 మెగావాట్ల విద్యుత్‌ ఉత్పత్తికావడం లేదని, భద్రాద్రిలో 500 మెగావాట్ల విద్యుత్‌ ఉత్పత్తి నిలిపివేశారన్నారు. కొత్తగూడెంలో బొగ్గు లేదని 800 మెగా వాట్ల విద్యుత్‌ ఆపేశారన్నారు. సింగరేణి తెలంగాణ రాష్ట్రంలో ఉంటే బొగ్గు లేదని 3,500 మెగావాట్ల విద్యుత్‌ నిలిపివేసి రైతులకు కరెంట్‌ కోతలు పెట్టారన్నారు. రేవంత్‌రెడ్డికి పాలన చేతకావడం లేదని విమర్శించారు. కార్యక్రమంలో మాజీ ఎమ్మెల్యేలు గొంగిడి సునీతా మహేందర్‌రెడ్డి, బూడిద భిక్షమయ్యగౌడ్, పైళ్ల శేఖర్‌రెడ్డి, చిరుమర్తి లింగయ్య, కూసుకుంట్ల ప్రభాకర్‌రెడ్డి, మాజీ ఎమ్మెల్సీ కర్నె ప్రభాకర్‌ తదితరులు పాల్గొన్నారు.

సాక్షి,హైదరాబాద్‌: దానం నాగేందర్‌పై అనర్హత వేటు పడటంతో ఖైరతాబాద్‌ నియోజకవర్గానికి ఉప ఎన్నిక అనివార్యమని భావిస్తున్నారు. అదే జరిగితే రాష్ట్రంలో ఓటరు ప్రత్యేక సమగ్ర సవరణ (సర్‌) తర్వాత నిర్వహించనున్న తొలి ఉప ఎన్నిక అవుతుంది. ఈ నేపథ్యంలో ‘సర్‌’ ద్వారా వెలువడిన నూతన ఓటర్ల గణాంకాలు నియోజకవర్గ రాజకీయ చిత్రపటాన్ని పూర్తిగా మార్చనున్నట్లు విశ్లేషకులు చెబుతున్నారు. ఉప ఎన్నికపై ప్రభావం.. ఈ ఉప ఎన్నిక మునుపటి ఎన్నికల కంటే భిన్నంగా ఉండనుందని రాజకీయ విశ్లేషకులు భావిస్తున్నారు. సర్‌ ప్రక్రియ ఓటర్ల జాబితాను పూర్తిగా ప్రక్షాళన చేసింది. అర్బన్‌ నియోజకవర్గాల్లో నమోదయ్యే డబుల్‌ ఓట్లు, వలస వెళ్లిన వారి ఓట్లతో గతంలో భారీగా అక్రమాలు జరుగుతున్నాయనే ఆరోపణలు సాధారణమే. కాగా.. సర్‌ ముసాయిదా జాబితా ప్రక్షాళన కావడంతో బోగస్‌ ఓటింగ్‌ ఆధారపడే వ్యూహాలకు గండిపడింది. సర్‌కు ముందు ఖైరతాబాద్‌ అసెంబ్లీ నియోజకవర్గంలో మొత్తం 2,96,036 ఓటర్లు ఉండగా.. ఆ తర్వాత మిగిలిన ఓటర్లు 1,72,564 మంది. మరణించిన, నివాసం మారిన, ఆచూకీ లేని, డూప్లికేట్‌ (ఏస్‌డీడీ) తొలగించిన ఓటర్లు 1,23,472. నగర పరిధిలో ఏకంగా 1.23 లక్షలకుపైగా నకిలీ/అసలు లేని ఓట్లు తొలగించడం ఒక రికార్డు. ఇది గత ఎన్నికలతో పోలిస్తే నియోజకవర్గ ఓటింగ్‌ సరళి, అభ్యర్థుల గెలుపోటములపై తీవ్రమైన ప్రభావాన్ని చూపించనుంది.సీరియస్‌ ఓటర్ల భాగస్వామ్యం.. కాగితాలపై ఉండే ఓటర్ల సంఖ్య తగ్గడంతో, ఉప ఎన్నికల్లో నమోదయ్యే ఓట్ల ఆధారంగా పోలింగ్‌ శాతం గణనీయంగా పెరిగే అవకాశం ఉంటుంది. సాధారణంగా ఉప ఎన్నికల్లో పోలింగ్‌ తగ్గుతుందనే అంచనా ఉన్నప్పటికీ, సవరించిన జాబితా వల్ల శాతంలో మెరుగుదల కనిపిస్తుంది. సర్‌ అనంతరం జరగనున్న పోలింగ్‌ కావడంతో సీరియస్‌ ఓటర్ల భాగస్వామ్యం పెరుగుతుంది. ఖైరతాబాద్‌ నియోజకవర్గంలో త్రిముఖ పోరు నేపథ్యంలో సర్‌ వల్ల పోయిన బోగస్‌ ఓట్లు ఏ పార్టీ ఆధారిత ఓటు బ్యాంకుని దెబ్బతీస్తాయనేది అభ్యర్థుల గెలుపోటములను శాసించే అవకాశం ఉంది. సర్‌ తెచ్చిన ఈ మార్పు ఏ పార్టీకి కలిసి వస్తుందో మరి! కార్యకర్తలూ.. నిరుత్సాహ పడొద్దు: దానం బంజారాహిల్స్‌: తన వెన్నంటి వుండే కార్యకర్తలెవరూ నిరుత్సాహ పడవద్దని, ఎప్పట్లాగే ఉత్సాహంగా తమ కార్యక్రమాలు చేసుకోవాలని ఖైరతాబాద్‌ మాజీ ఎమ్మెల్యే దానం నాగేందర్‌ అన్నా రు. ఆయన ఎమ్మెల్యే పదవిపై హైకోర్టు అనర్హత వేటు వేసిన తరువాత శనివారం ఉదయం పలువురు నేతలు, కార్యకర్తలు బంజారాహిల్స్‌లోని ఆయన నివాసానికి వెళ్లారు. ఈ ఘటనకు సంబందించి ఎవ్వరూ అధైర్యపడవద్దని, ఆందోళన చెందరాదని కోరారు. ఇది ఒక విధంగా మన మంచికే అని, రాబోయే రోజులు ఇంకా బాగుంటాయని వెల్లడించారు. ఇలాంటివి తాను ఎన్నో చూశానని, మళ్లీ గెలిచి తీరుతామని, ఎప్పట్లాగే అందరూ కలిసికట్టుగా ఉండి తనకు అండగా నిలబడాలని కోరారు.

సాక్షి, వనపర్తి జిల్లా: కాంగ్రెస్‌ నేతలకు మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సవాల్‌ విసిరారు. ఫిరాయింపు ఎమ్మెల్యేలతో రాజీనామా చేయించాలని.. దమ్ముంటే రాజీనామా చేసి ఎన్నికలకు రావాలన్నారు. శనివారం ఆయన వనపర్తి నియోజకవర్గం పెబ్బేరులో మీడియా సమావేశంలో మాట్లాడుతూ.. కరెంటు కోతలతో రైతులు అల్లాడుతున్నారని.. రైతులకు అన్యాయం జరిగితే ఊరుకోమంటూ తేల్చి చెప్పారు.‘‘ప్రభుత్వాన్ని వదిలిపెట్టేది లేదన్న కేటీఆర్‌.. నీళ్లు ఇవ్వకపోతే గల్లా పట్టుకుని అడుగుతామన్నారు. తాము తప్పు చేశామని తేలితే చర్యలు తీసుకోండి.. అక్రమాలు జరిగితే ప్రజలకు చూపించి యాక్షన్‌ తీసుకోవాలన్నారు. రైతులు విద్యుత్, సాగునీటి కష్టాలు చెప్పుకున్నారు.. ప్రకృతి కావాల్సినన్ని నీళ్ళు ఇచ్చినా రైతులకు సాగునీరు లేదు’’ అని కేటీఆర్‌ పేర్కొన్నారు.‘‘ఉమ్మడి రాష్ట్రంలో ఏడు మెగా వాట్ల సామర్థ్యం ఉండేది. 24 వేల మెగా వాట్లకు విద్యుత్ సామర్థ్యం పెంచినం. అత్యల్పంగా కృష్ణా నీళ్లను తెలంగాణ వాడుకుంది. కేసీఆర్‌ ప్రభుత్వ హయాంలో ముప్పై శాతం కంటే ఎక్కువ నీళ్లు వాడుకున్నాం. పాలమూరులో పెండింగ్ ప్రాజెక్టులను రన్నింగ్ ప్రాజెక్ట్‌లుగా మార్చినం. ఏడు లక్షల ఎకరాలకు నీళ్లు ఇచ్చాం. వరద వస్తుందంటే వెంటనే నీళ్లు మళ్లించే వాళ్లం...చెక్‌ డ్యామ్‌లు, చెరువులు నింపి పాలమూరులో నీళ్లు ఇచ్చాం. రెండు సబ్‌ స్టేషన్‌లకు రైతులతో కలిసి వెళ్ళాం. అధికారులు సమాధానం చెప్పలేకపోతున్నారు. ఆరు గంటలకు మించి విద్యుత్ సరఫరా కావట్లేదని రైతులు చెప్తున్నారు. లో వోల్టేజ్, తరచూ కట్ చేయడంతో మోటార్లు కాలిపోతున్నాయని అంటున్నారు. నీళ్లు, కరెంట్ ఉన్నప్పటికీ ప్రభుత్వం ఇవ్వలేకపోతుంది. కాంగ్రెస్ ఎమ్మెల్యేలు విద్యుత్ కష్టాలు, తాగునీటి కష్టాలు ఉన్నాయని చెప్తున్నారు. అన్ని ఉన్నప్పటికీ ఇవ్వలేని స్థితిలో కాంగ్రెస్ సర్కార్ ఉంది’’ అని కేటీఆర్‌ ఆగ్రహం వ్యక్తం చేశారు.ఇదీ చదవండి: హైకోర్టు తీర్పుపై దానం సంచలన నిర్ణయం

ఎమ్మెల్యేగా అనర్హత వేటుకు గురైన దానం నాగేందర్‌ సుప్రీంకోర్టును ఆశ్రయించారు. దానంపై తెలంగాణ హైకోర్టు అనర్హత వేటు వేసిన విషయం తెలిసిందే. హైకోర్టు తీర్పును సవాలు చేస్తూ సుప్రీంకోర్టుకు వెళ్లారు దానం. ఎల్లుండి దానం పిటిషన్‌ విచారణకు వచ్చే అవకాశం ఉంది. తాను కోర్టుకు వెళ్లబోనని దానం నాగేందర్‌ ప్రకటించిన విషయం తెలిసిందే. అయినప్పటికీ ఆయన యూటర్న్‌ తీసుకోవడం గమనార్హం. ఎన్నికలు వచ్చినప్పుడు తాను పోరాటం చేస్తానని కొన్ని గంటల ముందే దానం అన్నారు. సమయం వచ్చినప్పుడు మీడియా ముందుకు వస్తానని తెలిపారు. దానంపై అనర్హత వేటు వేస్తూ శుక్రవారం హైకోర్టు తీర్పు వెలువరించింది. ఆ సమయంలో అసెంబ్లీ నుంచి ఇంటికి వచ్చిన దానం రెండు గంటల పాటు లోపలే ఉన్నారు. కాగా, 2018లో ముందస్తు అసెంబ్లీ ఎన్నికల వేళ దానం బీఆర్‌ఎస్‌లో చేరారు. 2018, 2023 అసెంబ్లీ ఎన్నికల్లో ఖైరతాబాద్‌ నుంచి వరుసగా రెండుసార్లు బీఆర్‌ఎస్‌ అభ్యర్థిగా పోటీ చేసి విజయం సాధించారు. 2024 లోక్‌సభ ఎన్నికల్లో ఎమ్మెల్యే పదవికి రాజీనామా చేయకుండానే కాంగ్రెస్‌లో చేరారు. సికింద్రాబాద్‌ లోక్‌సభ నియోజక వర్గానికి కాంగ్రెస్‌ అభ్యర్థిగా పోటీ చేసి ఓటమిపాలయ్యారు. పార్టీ మారిన ఆయనను ఎమ్మెల్యేగా అనర్హుడిగా ప్రకటించాలని బీఆర్‌ఎస్‌ న్యాయ పోరాటం చేసింది. చివరకు ఆయనపై అనర్హత వేటు వేస్తూ తెలంగాణ హైకోర్టు తీర్పు ఇచ్చింది.ఇదీ చదవండి: దానం నాగేందర్‌ రాజకీయ ప్రస్థానంలో మలుపులెన్నో

సాక్షి, హైదరాబాద్‌: జన్వాడ ఫాంహౌస్‌ భూముల పరిశీలనకు వెళ్లిన కాంగ్రెస్‌ నేతలు స్పాట్‌లోనే హైడ్రా కమిషనర్‌ రంగనాథ్‌కు ఫోన్‌ చేశారు. నాలాను కబ్జాచేసి జన్వాడ ఫాంహౌస్‌ కట్టారని ఫాంహౌస్‌పై వెంటనే చర్యలు తీసుకోవాలని కమిషనర్‌కు వివరించారు. సత్యం రామలింగరాజుకు చెందిన భూముల్లో ఫాంహౌస్ కట్టారు. ప్రదీప్‌రెడ్డికి ఈ భూమి ఎలా వచ్చింది. కేటీఆర్‌, ప్రదీప్‌రెడ్డికి ఎలాంటి అగ్రిమెంట్‌ లేదు. అని ప్రశ్నించారు. కాగా ప్రజాభవన్‌ నుంచి బస్సులో బృందంగా బయిలుదేరిన నేతలు కాసేపటి క్రితమే అక్కడికి చేరుకున్నారు. జన్వాడ వద్ద ఫాంహౌస్‌ భూములను కాంగ్రెస్‌ నేతల బృందం పరిశీలించారు. కాంగ్రెస్‌ నేతల పర్యటన నేపథ్యంలో జన్వాడ వద్ద ఎటువంటి ఉద్రిక్తతలు తలెత్తకుండా భారీగా పోలీసులు మోహరించారు.

తెలంగాణ ముఖ్యమంత్రి రేవంత్ రెడ్డి శాసనసభలో చేసిన ప్రసంగం ప్రధానంగా విపక్ష నేత కేసీఆర్‌ కుటుంబాన్ని లక్ష్యంగా చేసుకుని మాట్లాడినట్లుగా అనిపిస్తుంది. అందులో తప్పులేదు. ఆయనకు ఆ హక్కు ఉంటుంది. కేసీఆర్‌ కుటుంబం, ఆయన సన్నిహితులు, కొందరు బీఆర్‌ఎస్‌ నేతలకు సంబంధించిన భూములపై రేవంత్ ఆరోపణలు గుప్పించారు. వీటిపై విచారణ చేసుకోవచ్చని మాజీ మంత్రులు కేటీఆర్‌, హరీష్‌రావు, జగదీష్ రెడ్డి తదితరులు సవాల్ చేశారు.ఇదే టైమ్‌లో బీఆర్‌ఎస్‌ నేతలు ముఖ్యమంత్రి రేవంత్ రెడ్డి కుటుంబంపై గత కొంతకాలంగా ఆరోపణలు చేస్తున్నారు. అందులో ఉన్న వాస్తవాలపై కూడా రేవంత్ వివరణ ఇచ్చి ఉంటే బాగుండేది. ఈ రెండు పార్టీల వాదనలు, పరస్పర ఆరోపణలు విన్న తర్వాత ఎవరికైనా ఏమనిపిస్తుంది? రాజకీయ నేతలు తెలంగాణలో భూమిని ఒక పెద్ద ఆదాయ వనరుగా మార్చుకున్నారన్న అనుమానం కలగదా?. రేవంత్ చేసిన ఆరోపణలలో కొన్ని నిజాలు ఉండవచ్చు. కొన్ని నిజం కాకపోవచ్చు. అయినా ముఖ్యమంత్రి హోదాలో చెప్పిన వివరాలకు ప్రాముఖ్యత ఉంటుంది. కాకపోతే కేసీఆర్‌ కుటుంబం లక్ష కోట్ల భూములు దోపిడీ చేసిందని ఏదో ఒక ఆరోపణ చేయడం బట్టకాల్చి మీద వేసినట్లుగా ఉంది.రేవంత్ చెప్పిన వివరాల ప్రకారం చూసినా ఆ భూములు విలువ అంత ఉండదని అర్థం అవుతుంది. కేసీఆర్‌ ఫామ్ హౌస్ భూములపై ప్రత్యేక దర్యాప్తు బృందాన్ని వేస్తున్నట్లు ఆయన ప్రకటించారు. దానిపై మంత్రులు పొంగులేటి, వివేక్, దామోదరలను కమిటీగా వేయడం ఏమిటో అర్థం కాదు. అంటే మొత్తం ప్రక్రియ రాజకీయం అయిపోదా అన్న చర్చ వస్తుంది. కేసీఆర్‌కు ఫామ్ హౌస్‌లో ఎంత భూమి ఉందన్నదానిపై రేవంత్ రెడ్డి గందరగోళంగా చెప్పినట్లు అనిపిస్తుంది.కొంతకాలం క్రితం అక్కడ వెయ్యి ఎకరాలు ఉందని ఆయనే అన్నారు. అసెంబ్లీలో 67 ఎకరాలని ప్రకటించారు. 700 ఎకరాల ఫామ్ హౌస్‌లో ప్రభుత్వ భూమి 388 ఎకరాలు ఉందని రేవంత్ అన్నారు. ఈ భూమిని దళితులకు పంచుతానని అన్నారు. బాగానే ఉంది. కాని నిజంగా ఆ స్థాయిలో ప్రభుత్వ భూమి కేసీఆర్‌ ఫామ్ హౌస్‌లో ఉంటే ఈ మూడేళ్ల కాలంలో ఆ విషయాన్ని ప్రభుత్వ అధికారులు పసికట్టలేకపోయారా? కేటీఆర్‌తో పాటు ఆయన సతీమణి, కుమారుడుల పేర ఉన్న భూముల వివరాలు కూడా ఆయన చెప్పారు. అలాగే కేసీఆర్‌ కుమార్తె కవిత పేరిట ఉన్న భూముల గురించి కూడా చెప్పారు. మొత్తం మీద కేసీఆర్‌ కుటుంబం పరిధిలో 439 ఎకరాలు ఉందని అన్నారు. కేసీఆర్‌కు బంధువులు అయ్యేవారి కుటుంబాలకు ఉన్న భూములన్నీ కేసీఆర్‌ ఖాతాలో ఎలా వేస్తారో అర్థం కాదు. ఈ లెక్కలన్ని కాస్త గజిబిజిగా ఉన్నాయనిపిస్తుంది. సర్వే బృందాలను హడావుడిగా పంపించినా అందులో ఏమీ తేలలేదన్నది ఇప్పటికి వస్తున్న సమాచారం. ప్రభుత్వం చెబుతున్న భూమిలో దళితులే వ్యవసాయం చేసుకుంటున్నారని కొన్ని కథనాలు వచ్చాయి. ఆ ధైర్యంతోనే కేసీఆర్‌ ఫామ్ హౌస్‌లో ప్రభుత్వ భూమి ఉన్నట్లు తేలితే మొత్తం ఎమ్మెల్యేలమంతా రాజీనామా చేస్తామని హరీష్‌రావు సవాల్ విసిరారనుకోవాలి. సిద్దిపేట వద్ద హరీష్ రావుకు చెందిన భూములను కాంగ్రెస్ ఎంపీలు, ఎమ్మెల్యేలు, ఎమ్మెల్సీలు సందర్శించి పరిశీలించారు. తొలుత అక్రమ భూములు అని అన్నారు. ఇప్పుడేమో తక్కువ ధరకు కొన్నారని అంటున్నారు. కాంగ్రెస్ పార్టీ దీనిపై క్లారిటీతో ఉంటే మంచిది. గత డెబ్బై ఐదేళ్లుగా వచ్చిన పలు భూ సంబధిత చట్టాలు ఎంతవరకు అమలు అవుతున్నాయో ఈ ఆరోపణల పర్వం తెలియచేస్తుంది.ఇదీ చదవండి: బాబూ.. వాటర్‌మ్యాన్‌ బిరుదుకు ఇంతే క్వాలిఫికేషనా?!అస్సైన్డ్ భూములు, ప్రభుత్వ భూములు, లాండ్ సీలింగ్ భూములు ఇలా అనేక రకాల భూములు కాలక్రమంలో చట్టాలతో నిమిత్తం లేకుండా అన్యాక్రాంతం అవుతున్నమాట నిజమే. కాకపోతే దీనికి ఏ రాజకీయ పార్టీ అతీతం కాదు. భూ సంస్కరణల చట్టం వచ్చిన రోజుల్లో నిర్దిష్ట పరిమితికి మించి ఉన్న భూములను ప్రభుత్వం స్వాధీనం చేసుకుంది. ఆ లెక్కలు తీసే పరిస్థితి ఏ ప్రభుత్వానికి లేదని చెప్పాలి. రేవంత్ రెడ్డి 22 ఎ సెక్షన్ కింద నిషేధిత భూముల జాబితాలో చేరిన లక్షల ఎకరాల భూమిపై బాధితులకు ఊరట కలిగిస్తారని అంతా అనుకున్నారు. కాని ఆయన చెప్పిన 12 విధానాల వల్ల ఎంతవరకు ఆ సమస్య పరిష్కారం అవుతుందో అప్పుడే తెలియదు.రేవంత్ సీఎం కనుక జూబ్లిహిల్స్‌లోని ఆయన నివాసాన్ని 22 ఎ నుంచి చకచకా తొలగించి ఉండవచ్చు. కాని సామాన్యుడికి ఆ పరిస్థితి ఉండదన్నది నిజం. వారు అధికారుల చుట్టూ తిరగక తప్పదు. ఈ రాజకీయ వేడితో అధికారులు తగు నిర్ణయాలు చేయడానికి వెనుకాడతారు. విశేషం ఏమిటంటే రేవంత్ కేవలం రాజకీయపరంగా మాత్రమే ఆరోపోణలు చేశారు. రాజకీయ నేతలు మాత్రమే భూముల కొనుగోలులో అక్రమాలకు పాల్పడ్డారా? లేక ఇతర వర్గాలవారు కూడా అలాగే చేశారా? అంతెందుకు! రేవంత్‌కు మద్దతుగా ప్రచారం చేస్తున్న ఒక మీడియా సంస్థ కొనుగోలు చేసిన వేల ఎకరాల భూములలో పెద్ద ఎత్తున అస్సైన్డ్ భూములు ఉన్నాయని ఆరోపణలు వచ్చాయి. దానిపై మాజీ ఎమ్మెల్యే గోనె ప్రకాశరావు పోరాటం కూడా చేశారు. ఆ సంస్థ తప్పు చేసిందా? లేక కరెక్టుగా చేసిందా అన్నదానిపై గత కేసీఆర్‌ ప్రభుత్వం చెప్పలేదు. ప్రస్తుత రేవంత్ ప్రభుత్వం కూడా తేల్చదు. దానికి కారణం అందరికి తెలుసు కదా!ఇదొక్కటే కాదు. అనేక మంది బడాబాబులు చట్టాలను ఉల్లంఘించి భూములను కొనుగోలు చేశారనో, అక్రమించారనో తరచు వార్తలు వస్తూనే ఉంటాయి. వాటిలో ఎంత శాతం మందిపై చర్య తీసుకుంటున్నారంటే సమాధానం దొరకదు. కేసీఆర్‌ కుటుంబంపై వచ్చిన ఆరోపణల మీద కేటీఆర్‌ గట్టిగానే స్పందించారు. ఈ క్రమంలో రేవంత్ కుటుంబంపైన ఆయన ఆరోపణలు చేశారు. రేవంత్ జీవితం ఎలా ఆరంభం అయింది? ఆయన ఆర్ధిక స్తితిగతులు ఏమిటి? జూబ్లిహిల్స్‌లో ఎలా ఇంటిని నిర్మించారు? ఆయన సొంత ప్రాంతంలో భూమి ఎలా కొనుగోలు చేశారు అన్నదానిపై విమర్శలు చేశారు. ఫ్యూచర్ సిటీలో రేవంత్ సోదరులకు చెందిన సంస్థకు అతి తక్కువ ధరకు రెండు ఎకరాలు ఎలా ఇచ్చారని కూడా ప్రశ్నించారు.హరీష్ రావు నిర్దిష్టంగా రేవంత్ కుటుంబానికి 308 ఎకరాల భూమి ఉందని ఆరోపించారు. వీరిద్దరు చేసిన అభియోగాలలో ఎన్నిటికి ఆధారాలు ఉన్నాయో తెలియదు. కాని పరస్పరం ఆరోపణలు గుప్పించుకున్న నేపథ్యంలో ప్రజలలో ఇదొక చర్చగా ఉంటుంది. రేవంత్ వ్యూహాత్మకంగానే 22ఏ అంశాన్ని రాజకీయంగా మార్చారని అనిపిస్తుంది. ఇటీవలి కాలంలో తన ప్రభుత్వంపై వస్తున్న విమర్శలు, హామీలు అన్నీ నెరవేర్చడం కష్టమైన పరిస్థితి మొదలైన అంశాలన్నిటిని పరిగణనలోకి తీసుకుని తెలివిగా కేసీఆర్‌ కుటుంబంపై భూముల ఆరోపణలు చేసి ప్రజల దృష్టి మరలించడానికి యత్నించినట్లు అనిపిస్తుంది. 22 ఎ పై మంత్రి పొంగులేటి శ్రీనివాసరెడ్డి ఇప్పటికే వివరణ ఇచ్చినప్పటికీ, రేవంత్ స్వయంగా ఆ విషయంపై మళ్లీ మూడు గంటలు ప్రసంగించడం, బీఆర్‌ఎస్‌ పైన, కేసీఆర్‌ కుటుంబంపైన దాడి చేయడమే ఇందుకు నిదర్శనంగా కనిపిస్తుంది.అయితే ఈ క్రమంలో కేసీఆర్‌ కుటుంబంతో పాటు తన కుటుంబంపై కూడా వచ్చిన ఆరోపణలకు రేవంత్ జవాబు ఇవ్వవలసిన పరిస్థితి ఏర్పడింది. అంతేకాదు.. హైకోర్టు లేదా సుప్రింకోర్టు సిటింగ్ జడ్జితో ఈ ఆరోపణలన్నిటిపైన విచారణకు సిద్దమని కేటీఆర్‌, హరీష్‌లు సవాల్ విసిరారు. దీనిపై రేవంత్ లేదా కాంగ్రెస్ పార్టీ స్పందిస్తుందా? లేదా? అన్నది చూడాల్సి ఉంటుంది. ఈలోగా మంత్రుల కమిటీ వేయడంతో ఈ కధ ఎన్ని మలుపులు తిరుగుతుందో అప్పుడే చెప్పలేం.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, హైదరాబాద్‌: తెలంగాణ రాజకీయాల్లో పార్టీ ఫిరాయింపుల వ్యవహారం మరోసారి హాట్‌టాపిక్‌గా మారింది. ఖైరతాబాద్‌ ఎమ్మెల్యే దానం నాగేందర్‌ను అనర్హుడిగా ప్రకటిస్తూ తెలంగాణ హైకోర్టు ఇచ్చిన తీర్పుపై కేంద్ర మంత్రి, బీజేపీ నేత జి. కిషన్‌రెడ్డి స్పందించారు. ఈ తీర్పు కాంగ్రెస్‌, బీఆర్‌ఎస్‌ పార్టీలకు చెంపపెట్టు వంటిదని ఆయన వ్యాఖ్యానించారు. ప్రజల తీర్పును పక్కనపెట్టి రాజకీయ అవసరాల కోసం ఫిరాయింపులను ప్రోత్సహించడం ఇకనైనా ఆపాలని డిమాండ్‌ చేశారు.దానం నాగేందర్‌ ఎపిసోడ్‌పై తాజాగా కేంద్రమంత్రి కిషన్‌ రెడ్డి స్పందించారు. ఈ సందర్బంగా ఆయన.. బీఆర్‌ఎస్‌, కాంగ్రెస్‌ పార్టీలకు పెద్దగా తేడా లేదని విమర్శించారు. గతంలో బీఆర్‌ఎస్‌ అధికారంలో ఉన్నప్పుడు సబితా ఇంద్రారెడ్డి, తలసాని శ్రీనివాస్‌ యాదవ్‌ వంటి నేతలను పార్టీలో చేర్చుకుని మంత్రి పదవులు ఇచ్చిందని గుర్తుచేశారు. ఇప్పుడు కాంగ్రెస్‌ కూడా బీఆర్‌ఎస్‌ తరఫున గెలిచిన దానం నాగేందర్‌కు సికింద్రాబాద్‌ లోక్‌సభ టికెట్‌ ఇచ్చిందని అన్నారు. రాజకీయ అవసరాల కోసం పార్టీ మారే సంస్కృతిని ఇకనైనా నిలిపివేయాలని హితవు పలికారు. నాలుగు కోట్ల తెలంగాణ ప్రజలు హైకోర్టు తీర్పును స్వాగతిస్తున్నారని పేర్కొన్నారు. బీఆర్‌ఎస్‌, కాంగ్రెస్‌ రెండూ ఫిరాయింపు చట్టాలను ఉల్లంఘించిన పార్టీలేనని, అధికార దుర్వినియోగానికి పాల్పడుతున్నాయని ఆయన ఆరోపించారు.రాహుల్‌ గాంధీ రాజ్యాంగాన్ని కాపాడాలని మాట్లాడుతున్నారని, అలాంటప్పుడు బీఆర్‌ఎస్‌ నుంచి గెలిచిన వ్యక్తికి కాంగ్రెస్‌ తరఫున లోక్‌సభ టికెట్‌ ఎలా ఇచ్చారని కిషన్‌రెడ్డి ప్రశ్నించారు. రాజ్యాంగం గురించి మాట్లాడే నైతికత రాహుల్‌ గాంధీకి ఉందా? అని నిలదీశారు. బీఆర్‌ఎస్‌, కాంగ్రెస్‌ వ్యవహారశైలి ‘నువ్వు పీనుగలు తింటే.. నేను ఏనుగులను తింటా’ అన్నట్లుగా ఉందని ఘాటు వ్యాఖ్యలు చేశారు. ప్రజల తీర్పుకు విలువ ఇవ్వకుండా రెండు పార్టీలు ఫిరాయింపులను ప్రోత్సహించాయని ఆరోపించారు.భూముల ధరలపైనా విమర్శలు..తెలంగాణలో భూముల ధరలను కృత్రిమంగా పెంచి హైప్‌ చేస్తున్నారని కిషన్‌రెడ్డి విమర్శించారు. గతంలో కేసీఆర్‌.. ఇప్పుడు రేవంత్‌రెడ్డి అదే విధానాన్ని కొనసాగిస్తున్నారని ఆరోపించారు. హైదరాబాద్‌ కాంక్రీట్‌ జంగిల్‌గా మారిపోయిందని, ఓపెన్‌ ప్లాట్‌ను ఎలా విక్రయించాలనే దానిపైనే ప్రభుత్వం దృష్టి పెడుతోందని అన్నారు. అపార్ట్‌మెంట్‌ నిర్మాణానికి అనుమతుల కోసం చదరపు అడుగుకు వసూలు చేస్తున్నారని ఆరోపించిన ఆయన.. “ఈ రకమైన అక్రమాల కోసమేనా 1,200 మంది బలిదానాలు చేసుకున్నది?” అని ప్రశ్నించారు. ఎన్నికలకు ముందు ఎన్నో హామీలు ఇచ్చారని, ప్రభుత్వం ఏర్పడి మూడేళ్లు అవుతున్నా రేవంత్‌రెడ్డి ఏం చేశారని నిలదీశారు.ఆదిలాబాద్‌, వరంగల్‌ ఎయిర్‌పోర్టులపై కీలక వ్యాఖ్యలుఆదిలాబాద్‌ ఎయిర్‌పోర్టు పనులను వేగంగా పూర్తి చేసేందుకు నోడల్‌ ఆఫీసర్ల బృందాన్ని ఏర్పాటు చేసినట్లు కిషన్‌రెడ్డి తెలిపారు. సుమారు 1,500 ఎకరాల్లో ఎయిర్‌ఫోర్స్‌ శిక్షణ కేంద్రం, బేస్‌తో పాటు సివిల్‌ ఎయిర్‌పోర్టు ఏర్పాటు కానుందని చెప్పారు. రక్షణ శాఖ నుంచి మెజారిటీ నిధులు ఖర్చు చేయనున్నట్లు వెల్లడించారు. వరంగల్‌ ఎయిర్‌పోర్టుకు డీపీఆర్‌ సిద్ధమవుతోందని, ప్రధాని మోదీ చేతుల మీదుగా శంకుస్థాపన జరుగుతుందని కిషన్‌రెడ్డి తెలిపారు.ఇదీ చదవండి: కోర్టుకు వెళ్లను.. ఎన్నికలొస్తే కొట్లాడుతా: దానం

సాక్షి, హైదరాబాద్‌: ఖైరతాబాద్‌ ఎమ్మెల్యే దానం నాగేందర్‌ కీలక వ్యాఖ్యలు చేశారు. ఎన్నికలు వచ్చినప్పుడు తాను పోరాటం చేస్తానని స్పష్టం చేశారు. ప్రస్తుత రాజకీయ పరిస్థితులను నిశితంగా అంచనా వేస్తున్నానని తెలిపారు. ఇదే సమయంలో తాను కోర్టుకు వెళ్లబోనని దానం కీలక వ్యాఖ్యలు చేశారు.తాజాగా చిట్‌చాట్‌లో భాగంగా దానం నాగేందర్‌ మాట్లాడుతూ..‘ఉప ఎన్నిక వస్తే నేను కొట్లాడుతాను. నేను కోర్టుకు వెళ్ళను. కోర్టు ఆర్డర్ కాపీని చదువుతున్నాను. నేను పోరాటం చేయడానికి రెడీగా ఉన్నా. సమయం వచ్చినప్పుడు మీడియా ముందుకు వస్తాను. ప్రస్తుతం అన్ని రాజకీయ పరిణామాలను పరిశీలిస్తున్నానని, పరిస్థితులకు అనుగుణంగా నిర్ణయం తీసుకుంటానని’ అన్నారు.ఇదిలా ఉండగా.. ఎమ్మెల్యే దానం నాగేందర్‌పై అనర్హత వేటు వేస్తూ శుక్రవారం హైకోర్టు తీర్పు వెలువరించిన నేపథ్యంలో ఆయనతో పాటు అభిమానులు, అనుచరులు, కాంగ్రెస్‌ పార్టీ శ్రేణులు షాక్‌కు గురయ్యాయి. తీర్పు వచ్చేటప్పటికే అసెంబ్లీ నుంచి ఇంటికి వచ్చిన దానం రెండు గంటల పాటు లోపలే ఉండిపోయారు. కాంగ్రెస్‌ పార్టీకి చెందిన ఒక ఎమ్మెల్యే మాత్రమే ఆయనను కలిశారు. మరోవైపు దానం నివాసానికి నేతలు, కార్యకర్తలు, అనుచరులు పెద్దగా రాకపోవడం చర్చనీయాంశమైంది. ఇక దానం అనర్హతపై బీఆర్‌ఎస్‌ శ్రేణులు బాణాసంచా కాల్చారు. బీజేపీ శ్రేణులు హర్షం వ్యక్తంచేశాయి.కాంగ్రెస్‌లోని కొందరు సైతం ఆనందంగా కనిపించారు. కాగా, ఇటీవల ప్రభుత్వం తీరుపై విమర్శలు చేస్తున్న దానం.. అసెంబ్లీలో శుక్రవారం మాట్లాడుతూ ప్రొటోకాల్‌ పాటించడం లేదని, తన నియోజకవర్గంలో అనర్హులకు ఇళ్లు కేటాయించారని ఆందోళన వ్యక్తం చేశారు. ఇక దానం సీఎం రేవంత్‌ సమక్షంలో కాంగ్రెస్‌లో చేరేదాకా ఆ విషయం చాలామంది కార్యకర్తలకు తెలియదు. అనుచరులు, కార్యకర్తల అభిప్రాయాలు పరిగణనలోకి తీసుకోకపోవడంతో చాలామంది బీఆర్‌ఎస్‌ నేతలు ఆయనతో వెళ్లలేదు. ఈ నేపథ్యంలో ఉప ఎన్నిక వస్తే ఎందరు అండగా నిలుస్తారనేది చర్చనీయాంశమైంది. ఇదీ చదవండి: జన్వాడలో హైటెన్షన్‌.. కేటీఆర్‌ ఫామ్‌హౌస్‌ పరిశీలనకు కాంగ్రెస్‌ బృందం!

జన్వాడ ఫామ్ హౌస్‌కు కాంగ్రెస్‌ నేతలు అప్‌డేట్స్‌..జన్వాడ ఫామ్‌హౌస్ దగ్గర పోలీసుల మోహరింపు..ఫామ్‌హౌస్ వద్దకు చేరుకున్న చేవెళ్ల డీసీపీ యోగేష్ గౌతమ్👉తెలంగాణలో కాంగ్రెస్‌-బీఆర్‌ఎస్‌ మధ్య భూ వివాదం మరింత ముదురుతోంది. బీఆర్‌ఎస్‌ ముఖ్య నేతలు, వారి కుటుంబ సభ్యులకు సంబంధించిన భూములపై కాంగ్రెస్‌ ప్రజాప్రతినిధుల బృందం వరుసగా క్షేత్రస్థాయి పరిశీలనలు చేపడుతోంది. శుక్రవారం సిద్దిపేటలో మాజీ మంత్రి హరీశ్‌రావు, ఆయన కుటుంబ సభ్యులకు సంబంధించిన భూములను పరిశీలించిన కాంగ్రెస్‌ ఎంపీలు, ఎమ్మెల్సీలు.. శనివారం జన్వాడలో కేటీఆర్‌, ఆయన కుటుంబానికి సంబంధించిన భూముల అంశాన్ని పరిశీలించనున్నారు.👉కాంగ్రెస్‌ ప్రజాప్రతినిధులు ఉదయం 10.30 గంటలకు ప్రజాభవన్‌ నుంచి బయలుదేరి జన్వాడకు వెళ్లనున్నారు. అక్కడ భూములకు సంబంధించిన రికార్డులు, యాజమాన్య వివరాలు, ప్రభుత్వ భూములతో సంబంధం ఉన్న అంశాలను పరిశీలించనున్నట్లు కాంగ్రెస్‌ నేతలు చెబుతున్నారు. బీఆర్‌ఎస్‌ నేతలు అధికారంలో ఉన్న సమయంలో ప్రభుత్వ, అసైన్డ్‌ భూముల విషయంలో అక్రమాలు జరిగాయని కాంగ్రెస్‌ ఆరోపిస్తోంది. ఇప్పటికే సిద్దిపేట జిల్లా వెలికట్టలో హరీశ్‌రావు బంధువు హనుమంతరావుకు సంబంధించిన 6 ఎకరాల 2 గుంటల అసైన్డ్‌ భూములను కాంగ్రెస్‌ బృందం పరిశీలించింది. భూముల రికార్డులు, పహాణీలు, పట్టాదారు వివరాలతో పాటు బదలాయింపు, రిజిస్ట్రేషన్‌ నిబంధనలపై రెవెన్యూ అధికారులను ప్రశ్నించింది.👉జన్వాడ అంశంలో మాత్రం కీలక పరిణామం చోటుచేసుకుంది. జన్వాడ ఫార్మ్‌హౌస్‌ యజమాని ప్రదీప్‌ రెడ్డి స్పందిస్తూ.. ఆస్తి తనదేనని, కేటీఆర్‌కు ఎలాంటి యాజమాన్య హక్కు లేదని స్పష్టం చేశారు. కేటీఆర్‌ తన చిన్ననాటి స్నేహితుడని, ఫార్మ్‌హౌస్‌ను ఆయనకు లీజుకు ఇచ్చినట్లు తెలిపారు. భూమికి సంబంధించిన పత్రాలు చట్టబద్ధంగా ఉన్నాయని, అధికారికంగా అడిగితే అందజేస్తానని చెప్పారు. జన్వాడ ఫార్మ్ హౌస్ భూమి నాదే..!కేటీఆర్‌కు ఈ భూమితో ఎలాంటి సంబంధం లేదు.- ప్రదీప్ రెడ్డి pic.twitter.com/BOKLm1kNh9— Rebel Freak (@rebelfreak0298) September 18, 2026👉మరోవైపు కేటీఆర్‌ ఈ ఆరోపణలపై న్యాయ విచారణకు సవాల్‌ విసిరారు. తన కుటుంబంతో పాటు సీఎం రేవంత్‌రెడ్డి కుటుంబ ఆస్తులపైనా హైకోర్టు లేదా సుప్రీంకోర్టు సిట్టింగ్‌ జడ్జితో విచారణ జరిపించాలని డిమాండ్‌ చేశారు. ఇరు వర్గాల సవాళ్లు, ఆరోపణల నేపథ్యంలో తెలంగాణ రాజకీయాల్లో భూముల అంశం ఇప్పుడు ప్రధాన రాజకీయ వివాదంగా మారింది. ఇదే క్రమంలో శంషాబాద్‌లో జగదీశ్‌రెడ్డి, ఇతర బీఆర్‌ఎస్‌ నేతలకు సంబంధించిన భూములనూ కాంగ్రెస్‌ ప్రతినిధులు పరిశీలించనున్నట్లు పార్టీ వర్గాలు చెబుతున్నాయి. దీంతో బీఆర్‌ఎస్‌ ముఖ్య నేతల భూములపై కాంగ్రెస్‌ చేపడుతున్న వరుస పర్యటనలు రాజకీయంగా మరింత ప్రాధాన్యం సంతరించుకున్నాయి.ఇదీ చదవండి: దానం నాగేందర్‌ దారెటు?

సాక్షి, తెలంగాణ: మాజీ మంత్రి హరీశ్‌ రావు వ్యవసాయ క్షేత్రం, అతని మామ అయిన హన్మంతరావుకు చెందిన భూములను కాంగ్రెస్‌ పార్టీ ఎంపీల బృందం, ఎమ్మెల్సీలు శుక్రవారం పరిశీలించారు. హైదరాబాద్‌ నుంచి ప్రత్యేక బస్సులో సిద్దిపేట జిల్లా కొండపాక మండలం వెలికట్ట గ్రామంలో హరీశ్‌రావు మామ హన్మంత రావుకు చెందిన ఆరు ఎకరాల భూమిని, చిన్నకోడూరు మండలం రామంచలో హరీశ్‌రావుకు చెందిన 13ఎకరాలలో ఉన్న వ్యవసాయ క్షేత్ర పరిసర ప్రాంతాలను పరిశీలించారు.వెలికట్ట గ్రామంలో ఎక్స్‌సర్వీస్‌మెన్‌లకు చెందిన భూమిని హన్మంతరావుకు ఎలా మార్చారు? అని కొండపాక తహసీల్దార్‌ మల్లికార్జున్‌ను అడిగి తెలుసుకున్నారు. అలాగే చిన్నకోడూరు మండలం రామంచ గ్రామశివారులో 13 ఎకరాల విస్తీర్ణంలో ఉన్న హరీశ్‌రావు వ్యవసాయ క్షేత్రం భూమిని రంగనాయక సాగర్‌ రిజర్వాయర్‌కు కేటాయించే స్థలాన్ని తప్పించి కొనుగోలు చేశారా? అని ఆర్‌డీఓ సదానందంను అడిగి వివరాలు తెలుసుకున్నారు. ఆ భూము లకు సంబంధించిన మ్యాప్‌లు, వివిధ పత్రాలను అధికారులకు అందజేసి పరిశీలించాలని ఎంపీలు, ఎమ్మెల్సీ విజ్ఞప్తి చేశారు.అధికార దుర్వినియోగంతో పేరు మార్పిడి బీఆర్‌ఎస్‌ నేతల భూ వ్యవహారాలపై వాస్తవాలను ప్రజలకు తెలియజేయాలని వచ్చామని ఎంపీ చామల కిరణ్‌ కుమార్‌ రెడ్డి అన్నారు. కొండపాక మండలం వెలికట్ట గ్రామంలో ఎక్స్‌సర్వీస్‌మెన్‌లకు ఇచ్చిన 271 సర్వేనంబర్‌లోని భూమిలావాదేవీలు జరగవద్దని ఉన్నప్పటికీ 2010, 2011 సంవత్సరాలలో అక్రమంగా కొనుగోలు చేశారన్నారు.ఆ భూమికి ఎన్‌ఓసీ కలెక్టర్‌ ఇవ్వాల్సి ఉన్నా ఆర్డీఓ నుంచి తీసుకున్నారన్నారు. అసైన్డ్‌ భూమిని అధికార దుర్వినియోగం చేసి తమ పేరుమీద బదలాయించుకున్నారని ఆరోపించారు. 131 సర్వే నంబర్‌ భూమిని చూపించి భూమిని బదలాయించుకున్నారన్నారు. ఇప్పుడు ఎన్‌ఓసీ దొరికే పరిస్థితి లేదని, అసలు భూమిని కేటాయించినప్పుడు హద్దులు సైతం లేవని మండిపడ్డారు. హరీశ్‌రావు తీసుకున్న భూమి చుట్టూ సుడా పార్క్‌ను ఏర్పాటు చేశారన్నారు.బీఆర్‌ఎస్‌ నేతల భూదందాలు.. భూదందా ఫేస్‌–1లో ఎక్కడో ఉన్న భూమిని గోల్డ్‌ బిస్కెట్‌లాగా వాళ్ల మామకు హరీశ్‌ రావు అప్పగించారని ఎమ్మెల్సీ అద్దంకి దయాకర్‌ ఆరోపించారు. అసైన్డ్‌ భూమిని దళితులకు, ఎక్స్‌ సర్వీస్‌మెన్‌లకు ప్రభుత్వం ఇస్తే బీఆర్‌ఎస్‌ నేతలు భూదందా చేశారన్నారు. భూదందా ఫేస్‌–2లో రిజర్వాయర్‌లో భూమి కోల్పోతే ప్రభుత్వం పరిహారం రూ.6లక్షలు ఇస్తే.. హరీశ్‌ రావుకు రైతు రూ.2లక్షలకే ఎకరం ఎలా విక్రయిస్తాడు? బెదిరిస్తే ఇచ్చాడా? బ్లాక్‌మనీతో కొనుగోలు చేశారా? దీనిపై ఈడీ ఎంక్వైరీ చేయాల్సిన అవసరముందన్నారు. అధికార దుర్వినియోగానికి హరీశ్‌ రావు పాల్పడటం స్పష్టంగా కన్పిస్తోందన్నారు. బీఆర్‌ఎస్‌ నేతలు ఉద్యమం, అధికారంలోకి వచ్చిన తర్వాత భూ దందాలు చేశారని ఆరోపించారు. హరీశ్‌రావు మామకు చెందిన భూమి ఆరు ఎకరాలు ఆక్రమమని తేలిందని, ఈ భూమిని తెలంగాణ అమరవీరుల కుటుంబాలకు ఇవ్వాలని సీఎంను కోరుతున్నామన్నారు.సిద్దిపేటలో హరీశ్‌ అక్రమాలు చూపించాం...నేడు(శనివారం) జన్వాడకు పోయి కేటీఆర్‌ ఆక్రమాలను చూపిస్తామని, అలాగే రోజుకో ప్రాంతానికి వెళ్లి రోజుకో నాయకుడి అక్రమాలను బయట పెడుతామన్నారు. సందర్శించిన వారిలో ఎంపీలు మల్లు రవి, వేం నరేందర్‌ రెడ్డి, వంశీ, కడియం కావ్య, బలరాం నాయక్, సురేష్‌ షెట్కార్, అనిల్‌ కుమార్, రఘురాంరెడ్డి, ఎమ్మెల్సీ బల్మూరి వెంకట్, డీసీసీ అధ్యక్షురాలు ఆంక్షారెడ్డి, మాజీ ఎమ్మెల్యే నర్సారెడ్డిలతో పాటు కాంగ్రెస్‌ నాయకులు ఉన్నారు.ఇదీ చదవండి: వ్యవసాయ భూమిలో ఫామ్‌ హౌస్‌ లేదు: హరీశ్‌రావు

పశ్చిమ బెంగాల్‌లోని నందిగ్రామ్‌ అసెంబ్లీ ఉపఎన్నికకు ముందు రాజకీయ పరిణామాలు ఒక్కసారిగా వేడెక్కాయి. తొలుత తృణమూల్‌ కాంగ్రెస్‌(టీఎంసీ) అభ్యర్థి సాంచిత తన నామినేషన్‌ ఉపసంహరించుకోవడం.. ఆ వెంటనే కాంగ్రెస్‌ అభ్యర్థి మిలన్‌ ప్రధాన్‌కు మమతా బెనర్జీ మద్దతు ప్రకటించడం తెలిసిందే. అయితే ఆపై కొద్ది గంటల్లోనే మిలన్‌ ప్రధాన్‌ అరెస్ట్‌ కావడం తీవ్ర రాజకీయ దుమారం రేపింది.నందిగ్రామ్‌లో మమతా బెనర్జీ వర్గం తరఫున బరిలో ఉన్న సాంచితా ప్రధాన్‌ డే శుక్రవారం తన నామినేషన్‌ను ఉపసంహరించుకున్నారు. సీఎం సువేందు అధికారితో భేటీ నేపథ్యంలోనే ఆమె ఈ నిర్ణయం తీసుకోవడం గమనార్హం. ఈ అనూహ్య పరిణాంపై మమతా బెనర్జీ తీవ్ర అసహనం వ్యక్తం చేశారు. తన వర్గం ఇక నందిగ్రామ్‌లో మరో అభ్యర్థిని నిలబెట్టబోదని ప్రకటించి.. కాంగ్రెస్‌ తరఫున నామినేషన్‌ వేసిన మిలన్‌ ప్రధాన్‌కు మద్దతు తెలిపారు. ఇండియా కూటమిని బలోపేతం చేయడంలో భాగంగానే ఈ నిర్ణయం తీసుకున్నట్లు ఆమె వెల్లడించారు. దీంతో కాంగ్రెస్‌ సైతం ఖుషీ అయ్యింది.అయితే మమతా మద్దతు ప్రకటించిన కొద్ది గంటల్లోనే మిలన్‌ ప్రధాన్‌ను పోలీసులు అరెస్ట్‌ చేశారు. 2007 నందిగ్రామ్‌ భూసేకరణ వ్యతిరేక ఉద్యమానికి సంబంధించిన పాత హత్య కేసులో ఆయనను అదుపులోకి తీసుకున్నట్లు అధికారులు వెల్లడించారు. అలాగే ఆయనపై ఇప్పటికే పలు కేసులు, అరెస్టు వారెంట్‌ ఉన్నాయని చెబుతున్నారు.నందిగ్రామ్‌ సోనాచూరాకు చెందిన సీనియర్‌ కాంగ్రెస్‌ నేత మిలన్‌ ప్రధాన్‌. 2007 భూసేకరణ వ్యతిరేక ఉద్యమంలో భూమి ఉచ్చేద్‌ ప్రతిరోధ్‌ కమిటీతో కలిసి చురుకుగా పనిచేశారు. అప్పటి నుంచి నందిగ్రామ్‌ రాజకీయాల్లో కాంగ్రెస్‌ నేతగా కొనసాగుతున్నారు. ఉద్యమానికి సంబంధించిన పలు కేసుల్లో ఆయన పేరు నమోదైంది. తాజాగా ఆయనకు కాంగ్రెస్‌ నందిగ్రామ్‌ టికెట్‌ ఇచ్చింది. సరిగ్గా ఇదేసమయంలో.. పెండింగ్‌ వారెంట్‌ ఆధారంగా పోలీసులు అరెస్టు చేశారు.మిలన్‌ ప్రధాన్‌ను శుక్రవారం రాత్రి పుర్బా మేదినీపూర్‌లోని ఓ హోటల్‌ నుంచి పోలీసులు అదుపులోకి తీసుకున్నారు. పాత 2007 కేసులో పెండింగ్‌ వారెంట్‌ ఆధారంగా అరెస్ట్‌ చేసినట్లు పోలీసులు చెబుతున్నారు. ఈరోజు (సెప్టెంబర్‌ 19) హల్దియా కోర్టులో హాజరుపరిచే అవకాశం ఉందని పలు నివేదికలు పేర్కొన్నాయి. మరోవైపు.. ఈ అరెస్ట్‌ను రాజకీయ ప్రతీకార చర్యగా అభివర్ణిస్తూ కాంగ్రెస్‌ పార్టీ ఇవాళ రాష్ట్రవ్యాప్తంగా నిరసనలకు పిలుపునిచ్చింది. అన్ని పోలీస్‌ స్టేషన్‌ల ఎదుట ధర్నా చేపట్టాలని కేడర్‌కు పిలుపు ఇచ్చింది. అలాగే ‘నందిగ్రామ్‌ చలో’ కార్యక్రమాన్ని కూడా ప్రకటించింది.‘ఇది యాదృచ్ఛికం కాదు’..మిలన్‌ ప్రధాన్‌ అరెస్టుపై కాంగ్రెస్‌ తీవ్రంగా స్పందించింది. పార్టీ జాతీయ అధ్యక్షుడు మల్లికార్జున ఖర్గే.. దీనిని ‘ఓటు చోరీ’, ‘ఎన్నికల చోరీ’గా అభివర్ణించారు. బీజేపీ ఉపఎన్నికలోనూ దర్యాప్తు సంస్థలను దుర్వినియోగం చేస్తూ ప్రతిపక్ష అభ్యర్థిని లక్ష్యంగా చేసుకుంటోందని ఆరోపించారు. ప్రధానమంత్రి ‘మదర్‌ ఆఫ్‌ డెమొక్రసీ’ అని చెప్పుకుంటుంటే.. పశ్చిమ బెంగాల్‌లో జరుగుతున్న పరిణామాలు ప్రజాస్వామ్యాన్ని హత్య చేస్తున్నాయని ఖర్గే వ్యాఖ్యానించారు.కాంగ్రెస్‌ అగ్రనేత రాహుల్‌ గాంధీ కూడా స్పందిస్తూ.. మిలన్‌ ప్రధాన్‌ అరెస్టు యాదృచ్ఛికం కాదని, ఇది రాజకీయ ప్రతీకార చర్య అని ఆరోపించారు. ఎన్నికల్లో ఓట్లు, ప్రభుత్వాలు, పార్టీలు దొంగిలించే ప్రయత్నాలు జరుగుతున్నాయని విమర్శించారు. కాంగ్రెస్‌ భయపడబోదని, పోరాడుతుందని పేర్కొన్నారు.‘ఎందుకీ సమయంలోనే?’.. మమతా ప్రశ్నమమతా బెనర్జీ సైతం అరెస్టు సమయాన్ని ప్రశ్నించారు. కాంగ్రెస్‌ అభ్యర్థికి తమ మద్దతు ప్రకటించిన కొద్ది నిమిషాల్లోనే మిలన్‌ ప్రధాన్‌ను అరెస్ట్‌ చేశారని ఆమె పేర్కొన్నారు. పాత కేసును ఇప్పుడు ఎందుకు బయటకు తీశారని ప్రశ్నించారు. బీజేపీ ‘రాజకీయ కక్ష సాధింపు’తో వ్యవహరిస్తోందని, ప్రతిపక్షాలను అణచివేసే ప్రయత్నం జరుగుతోందని మమతా ఆరోపించారు. ఎన్నికల సంఘం, బీజేపీ కలిసి పనిచేస్తున్నాయంటూ కూడా ఆమె తీవ్ర వ్యాఖ్యలు చేశారు.బీజేపీ ఏమంటోంది?మిలన్‌ ప్రధాన్‌ అరెస్టు రాజకీయ కక్షతో జరిగిందన్న ఆరోపణలను బీజేపీ తోసిపుచ్చింది. చట్ట ప్రకారమే పోలీసులు చర్యలు తీసుకున్నారని, అరెస్టుకు రాజకీయాలతో సంబంధం లేదని బీజేపీ పేర్కొంది. పాత కేసులో చట్టపరమైన ప్రక్రియలో భాగంగానే చర్య జరిగిందని స్పష్టం చేసింది. ఇదిలా ఉండగా.. నందిగ్రామ్‌ ఉపఎన్నికలో బీజేపీ టికెట్‌ను హసిరాణి రథ్‌కు ఇచ్చింది. తన దగ్గర వ్యక్తిగత సహాయకుడిగా పని చేసి.. దారుణ హత్యకు గురైన చంద్రనాథ్‌ తల్లి ఆవిడ. అందుకే సువేందు ఆమెకు టికెట్‌ ఇప్పించారు. దీంతో నందిగ్రామ్‌లో పోటీ ప్రధాన పార్టీల మధ్య మరింత ఉత్కంఠగా మారింది.రితబ్రత బెనర్జీ ఎదురుదాడిమరోవైపు టీఎంసీ రెబల్‌ వర్గానికి చెందిన రితబ్రత బెనర్జీ మాత్రం మమతా వర్గం తీరుపై ప్రశ్నలు లేవనెత్తారు. గత ఏడు రోజులుగా నందిగ్రామ్‌ను కాంగ్రెస్‌కు వదిలేసి.. రిజీనగర్‌లో పోటీ చేయాలనే ప్రయత్నాలు జరిగాయని ఆయన ఆరోపించారు. కాంగ్రెస్‌ అందుకు అంగీకరించకపోవడంతో మమతా అసంతృప్తికి గురయ్యారని వ్యాఖ్యానించారు. ఆ తర్వాత తమ వర్గం అభ్యర్థి అకస్మాత్తుగా నామినేషన్‌ ఉపసంహరించుకోవడం కూడా ఒక ‘ఫిక్స్‌’లో భాగమేనని ఆయన ఆరోపించారు. మమతా కాంగ్రెస్‌ అభ్యర్థికి మద్దతు ప్రకటించడాన్ని రితబ్రత బెనర్జీ ‘అసంతృప్తితో తీసుకున్న నిర్ణయం’గా అభివర్ణించారు.అసలు వివాదం ఇక్కడే..బెంగాల్‌ రాజకీయ చదరంగంలో విపక్షాలకు ఒకే ఒక్కరోజులో భారీ షాకిచ్చింది. పార్టీ చీలిక కారణంగా.. అక్టోబర్‌ 6న జరగాల్సిన నందిగ్రామ్‌, రిజీనగర్‌ ఉప ఎన్నికలకు ఈసీ నిర్ణయంతో మమతా బెనర్జీ నేతృత్వంలోని టీఎంసీకి పార్టీ పేరు, గుర్తు దూరం అయ్యాయి. ఆ వెంటనే నందిగ్రామ్‌ అభ్యర్థి నామినేషన్‌ ఉపసంహరణ, మమతా కాంగ్రెస్‌కు మద్దతు.. ఆ వెంటనే ఆ అభ్యర్థి అరెస్టు జరగడం రాజకీయంగా తీవ్ర చర్చకు దారితీసింది. ఇదీ చదవండి: బలవంతంగా ఆయన్ని రిటైర్‌ చేశారా?

సాక్షి, హైదరాబాద్‌: ఖైరతాబాద్‌ ఎమ్మెల్యే దానం నాగేందర్‌పై అనర్హత వేటు వేస్తూ హైకోర్టు చీఫ్‌ జస్టిస్‌ ధర్మాసనం సంచలన తీర్పునిచ్చింది. బీఆర్‌ఎస్‌ సభ్యుడిగా కొనసాగుతూ కాంగ్రెస్‌ ఎంపీ అభ్యర్థిగా పోటీ చేసినందుకు రాజ్యాంగంలోని ఆర్టీకల్‌ 191 (2), రెడ్‌విత్‌ పదవ షెడ్యూల్‌లోని పేరా 2 (1)ఏ ప్రకారం 2024 ఏప్రిల్‌ 23 నుంచి రాష్ట్ర శాసనసభ సభ్యత్వానికి అనర్హుడిగా ప్రకటించింది. దానం పార్టీ మారలేదంటూ మార్చిలో స్పీకర్‌ ఇచ్చిన ఉత్తర్వులను రద్దు చేస్తూ రిట్‌ పిటిషన్లను అనుమతించింది. బీఆర్‌ఎస్‌ సభ్యుడిగా ఉంటూ 2024లో కాంగ్రెస్‌ నుంచి సికింద్రాబాద్‌ లోక్‌సభ అభ్యర్థిగా దానం నాగేందర్‌ పోటీ చేశారని హైకోర్టు గుర్తుచేసింది. సంబంధిత శాసనసభ నియోజకవర్గ స్థానం ఖాళీగా మారినట్లు స్పష్టం చేసింది. ఈ ఉత్తర్వుల ప్రతులను శాసనసభ స్పీకర్‌ కార్యదర్శికి, కేంద్ర ఎన్నికల సంఘానికి పంపించాలని రిజిస్ట్రీని ఆదేశించింది. ప్రజాప్రయోజనాల దృష్ట్యా అప్పీలుకు వీలుగా ఉత్తర్వుల అమలును నిలిపివేయాలంటూ దానం తరఫు న్యాయవాది అభ్యర్థించినప్పటికీ దీనిపై ఎలాంటి నిర్ణయం వెలువరించకుండానే ప్రత్యేక ధర్మాసనం విచారణ ముగించింది. పార్టీ మారినట్లు ప్రకటిస్తూ ఓ ఎమ్మెల్యేపై ఉన్నత న్యాయస్థానం అనర్హత వేయడం రాష్ట్ర చరిత్రలో ఇదే తొలిసారి. స్పీకర్‌ తీర్పును బీఆర్‌ఎస్, బీజేపీ సవాల్‌ చేయడంతో.. బీఆర్‌ఎస్‌ నుంచి గెలిచిన దానం నాగేందర్‌.. ఎమ్మెల్యే పదవికి రాజీనామా చేయకుండానే కాంగ్రెస్‌లో చేరినందున ఆయనపై అనర్హత వేటు వేయాలంటూ స్పీకర్‌కు బీఆర్‌ఎస్‌ ఫిర్యాదు చేయడం తెలిసిందే. సుప్రీంకోర్టు ఆదేశాలతో ఈ అంశంపై విచారణ చేపట్టిన స్పీకర్‌ (ట్రిబ్యునల్‌ చైర్మన్‌ హోదాలో) దానం నాగేందర్‌ చట్టపరంగా పార్టీ మారలేదంటూ తీర్పునిచ్చారు. ఈ తీర్పును సవాల్‌ చేస్తూ బీజేపీ శాసనసభాపక్ష నేత ఏలేటి మహేశ్వర్‌రెడ్డి, బీఆర్‌ఎస్‌ ఎమ్మెల్యే పాడి కౌశిక్‌రెడ్డి హైకోర్టులో పిటిషన్లు దాఖలు చేశారు. ఈ పిటిషన్లపై విచారణ చేపట్టిన సీజే ధర్మాసనం గత నెల 21న తీర్పు రిజర్వు చేసింది. ఈ పిటిషన్లపై ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, జస్టిస్‌ జీఎం మొహియుద్దీన్‌ స్పెషల్‌ బెంచ్‌ శుక్రవారం కీలక తీర్పు వెలువరించింది. తీర్పు కాపీలో ధర్మాసనం పేర్కొన్న కీలకాంశాలు.. కాంగ్రెస్‌ నుంచి లోక్‌సభకు.. 2023లో బీఆర్‌ఎస్‌ తరఫున ఎమ్మెల్యేగా గెలిచి.. ఆ తర్వాత 2024లో కాంగ్రెస్‌ అభ్యర్థిగా సికింద్రాబాద్‌ లోక్‌సభ ఎన్నికల్లో పోటీ చేసిన దానం నాగేందర్‌ శాసనసభ సభ్యత్వానికి అనర్హుడయ్యారు. 2024 ఏప్రిల్‌ 23 నుంచి ఆయన అనర్హత వర్తిస్తుంది. దీంతో ఆయన ప్రాతినిధ్యం వహిస్తున్న శాసనసభ స్థానం ఖాళీ అయినట్లే. స్పీకర్‌ నిర్ణయంపై న్యాయ సమీక్ష.. రాజ్యాంగంలోని పదవ షెడ్యూల్‌ కింద అసెంబ్లీ స్పీకర్‌ ట్రిబ్యునల్‌గా వ్యవహరించినప్పుడు ఆయన నిర్ణయాన్ని పూర్తిగా న్యాయ సమీక్ష పరిధికి వెలుపల ఉంచలేం. కిహోటో హోలోహన్‌ వర్సెస్‌ జాచిల్లు కేసులో సుప్రీంకోర్టు 1992లో ఇచ్చిన తీర్పు ప్రకారం.. స్పీకర్‌ నిర్ణయంలో రాజ్యాంగపరమైన నిబంధనల ఉల్లంఘన, దురుద్దేశం, సహజ న్యాయ సూత్రాల ఉల్లంఘన వంటి లోపాలు ఉంటే ఆర్టీకల్‌ 226 కింద హైకోర్టు జోక్యం చేసుకోవచ్చు. బయటి చర్యలపైనా అనర్హత.. ఎమ్మెల్యే సభ వెలుపల చేసిన చర్యలను పదవ షెడ్యూల్‌ కింద పరిశీలించే అధికారం స్పీకర్‌కు లేదన్న అభిప్రాయం సరికాదు (వేరే రాజకీయ పార్టీ తరఫున ఎన్నికల్లో పోటీ చేయడం ద్వారా పార్టీ సభ్యత్వాన్ని స్వచ్ఛందంగా వదులుకున్నట్లు పరిగణించిన పలు సుప్రీంకోర్టు తీర్పులను ధర్మాసనం ప్రస్తావించింది). ముఖ్యంగా డాక్టర్‌ మహాచంద్ర ప్రసాద్‌ సింగ్‌ కేసులో.. ఒక పార్టీ తరఫున ఎన్నికైన ఎమ్మెల్సీ మరో పార్టీ తరఫున పార్లమెంట్‌ ఎన్నికల్లో పోటీ చేయడం స్వచ్ఛందంగా పార్టీ సభ్యత్వాన్ని వదులుకోవడమేనని సుప్రీంకోర్టు చెప్పిన విషయాన్ని మరవొద్దు. సభ వెలుపలి అంశాలపైనా.. లోక్‌సభ ఎన్నికల్లో మరో పార్టీ తరఫున పోటీ చేయడం శాసనసభ కార్యకలాపాలను ప్రభావితం చేయదని, టెన్త్‌ షెడ్యూల్‌ వర్తించదని స్పీకర్‌ పేర్కొనడం సరికాదు. ఇలాంటి చర్యలు కూడా టెన్త్‌ షెడ్యూల్‌లోని పేరా 2(1)(ఏ) పరిధిలోకి వస్తాయి. గతంలో కొండా మురళీధర్‌రావు, ఆర్‌. భూపతిరెడ్డి, రవి ఎస్‌.నాయక్, రాజేంద్రసింగ్‌ రాణా తదితర కేసుల్లోనూ సభ వెలుపల చర్యల ఆధారంగా అనర్హతను పరిశీలించిన విషయం ప్రస్తావనార్హం. నాలుగు పత్రాలే కీలకం.. ఏలేటి మహేశ్వర్‌రెడ్డి వేసిన పిటిషన్‌లో కీలకంగా నాలుగు పత్రాలను పరిగణనలోకి తీసుకోవాలి. 2023 అసెంబ్లీ ఎన్నికల్లో బీఆర్‌ఎస్‌ అభ్యర్థిగా దానం నాగేందర్‌ దాఖలు చేసిన ఫారమ్‌–26, బీఆర్‌ఎస్‌ నుంచి ఖైరతాబాద్‌ ఎమ్మెల్యేగా ఎన్నికైనట్లు వెలువడిన గెజిట్‌ నోటిఫికేషన్, 2024 ఏప్రిల్‌ 23న సికింద్రాబాద్‌ లోక్‌సభ స్థానానికి కాంగ్రెస్‌ అభ్యర్థిగా ఆయన దాఖలు చేసిన ఫారమ్‌–26, కాంగ్రెస్‌ అభ్యర్థిగా ఆయన పేరున్న ఫారమ్‌–7ఏ. వాటిని దానం నాగేందర్‌ తన కౌంటర్‌లో ఖండించలేదు. మళ్లీ ఆధారాల భారం వేయలేరు.. బీఆర్‌ఎస్‌ తరఫున ఎమ్మెల్యేగా ఎన్నికైన విషయం, కాంగ్రెస్‌ తరఫున లోక్‌సభ ఎన్నికల్లో పోటీ చేసిన విషయం, 2024 ఏప్రిల్‌ 23న కాంగ్రెస్‌ అభ్యర్థిగా నామినేషన్‌ దాఖలు చేసిన విషయం, బీఆర్‌ఎస్‌ అభ్యర్థికి వ్యతిరేకంగా ప్రచారం చేసిన విషయం వంటి కీలక అంశాలను నాగేందర్‌ ఖండించలేదు. ఇలాంటి వాస్తవాలు అంగీకరించినప్పుడు మళ్లీ వాటి నిరూపణకు ఆధారాలపై భారం వేయడం సరికాదు. గెజిట్, అధికారిక పత్రాలకు ప్రాధాన్యం పిటిషనర్లు సమర్పించిన పత్రాలు ఒరిజినల్‌ లేదా సర్టీఫైడ్‌ కాపీలు కావని, వాటికి ఆధార విలువ లేదన్న స్పీకర్‌ అభిప్రాయం తిరస్కరణీయం. గెజిట్‌ వంటి అధికారిక పత్రాల ప్రామాణికతపై భారతీయ సాక్ష్య అధినియం 2023లోని సెక్షన్లు 80, 81ను గుర్తుంచుకోవాలి. బీఆర్‌ఎస్‌ మౌనం అనర్హతను కాపాడదు.. నాగేందర్‌పై బీఆర్‌ఎస్‌ క్రమశిక్షణ చర్య తీసుకోలేదని, ఆయన్ను పార్టీ ఎమ్మెల్యేగానే కొనసాగించిందని స్పీకర్‌ పరిగణనలోకి తీసుకున్నారు. ఈ అంశం అనర్హతను నిర్ధారించకుండా ఉండటానికి కారణం కాదు. పదవ షెడ్యూల్‌లోని పేరా 2 (1) (ఏ) కింద ఒక సభ్యుడు పార్టీ సభ్యత్వాన్ని స్వచ్ఛందంగా వదిలేశాడా లేదా అన్నదే ప్రధాన ప్రశ్న. పార్టీ చర్యలు తీసుకున్నా తీసుకోకపోయినా అప్పటికే అమలైన అనర్హతను తొలగించలేవు. స్పీకర్‌ ఆదేశం చెల్లదు.. స్పీకర్‌ నాలుగు అంశాలపై ఇచ్చిన ఉత్తర్వులు రాజ్యాంగపరమైన బాధ్యతలకు విరుద్ధం. చట్టపరంగా చెల్లవు. 1986 నిబంధనలను ఆధారంగా చేసుకొని అనర్హత పిటిషన్లను తిరస్కరించడం కూడా సుప్రీంకోర్టు నిర్దేశించిన న్యాయసూత్రాలకు విరుద్ధం. 2024 ఏప్రిల్‌ 23 నుంచే.. కాంగ్రెస్‌ తరఫున సికింద్రాబాద్‌ లోక్‌సభ నియోజకవర్గానికి 2024 ఏప్రిల్‌ 23న దానం నామినేషన్‌ దాఖలు చేసిన తేదీనే ఆయన బీఆర్‌ఎస్‌ సభ్యత్వాన్ని స్వచ్ఛందంగా వదిలిన తేదీగా పరిగణించాలి. అనంతర పరిణామాలు ఆ అనర్హతను తొలగించలేవు. సుప్రీంకోర్టు ‘సుభాష్‌ దేశాయ్‌’తీర్పులో చెప్పినట్లుగా.. అనర్హత పార్టీ మార్పు, ఫిరాయింపునకు కారణమైన చర్య జరిగిన తేదీ నుంచే వర్తిస్తుంది. మా పరిస్థితి ఏమిటో అని కొందరు.. ఏమీ కాదన్న ధీమాలో ఇంకొందరు బీఆర్‌ఎస్‌ నుంచి గెలిచిన కాంగ్రెస్‌లో చేరారంటూ కాలే యాదయ్య, పోచారం శ్రీనివాస్‌రెడ్డి, కడియం శ్రీహరి, బండ్ల కృష్ణమోహన్‌రెడ్డి, టి.ప్రకాశ్‌ గౌడ్, ఎ.గాంధీ, తెల్లం వెంకట్‌రావు, సంజయ్‌కుమార్‌పై దాఖలైన పిటిషన్లలో వాదనలు ఇంకా కొనసాగుతున్నాయి. తమ భవిష్యత్‌ ఎలా ఉంటుందో అన్న మీమాంస పార్టీ మారినట్లు ఆరోపణలు ఎదుర్కొంటున్న కొందరు ఎమ్మెల్యేల్లో నెలకొంది. మరికొందరు మాత్రం.. ఎంపీగా పోటీ చేసినందునే ఆయనపై న్యాయస్థానం అనర్హత వేటు వేసిందని, తమపై అలాంటి ఆరోపణ లేదని వారు ధీమా వ్యక్తం చేస్తున్నారు.

సాక్షి,హైదరాబాద్: పార్టీ ఫిరాయింపుల వ్యవహారంలో తెలంగాణ హైకోర్టు సంచలన తీర్పు వెలువరించింది. ఖైరతాబాద్‌ బీఆర్‌ఎస్‌ ఎమ్మెల్యే దానం నాగేందర్‌పై అనర్హత వేటు వేస్తూ కోర్టు ఉత్తర్వులు జారీ చేసింది. ఆయన పార్టీ ఫిరాయింపునకు పాల్పడినట్లు నిర్ధారించి, శాసనసభ్య సభ్యత్వం కోల్పోతున్నట్లు స్పష్టం చేసింది. సికింద్రాబాద్‌ ఎంపీ అభ్యర్థిగా ఆయన కాంగ్రెస్ తరఫున పోటీ చేయడాన్ని హైకోర్టు ప్రత్యేకంగా పరిగణనలోకి తీసుకుంది. ఈ విషయంలో స్పీకర్ తీసుకున్న నిర్ణయాన్ని మరియు ఉత్తర్వులను కోర్టు పూర్తిగా కొట్టివేసింది.2023 అసెంబ్లీ ఎన్నికల్లో దానం నాగేందర్ ఖైరతాబాద్‌ నుంచి బీఆర్‌ఎస్‌ అభ్యర్థిగా గెలుపొందారు. ఆ తర్వాత 2024 మార్చి 17న కాంగ్రెస్‌ పార్టీలో చేరారు. బీఆర్‌ఎస్‌ ఎమ్మెల్యేగా ఉంటూనే కాంగ్రెస్‌ బీ-ఫామ్‌పై సికింద్రాబాద్‌ లోక్‌సభ స్థానానికి పోటీ చేసి ఓటమి పాలయ్యారు.దీంతో, బీఆర్‌ఎస్‌ టికెట్‌పై గెలిచి వేరే పార్టీలోకి ఫిరాయించిన ఆయనపై శాసనసభ్య సభ్యత్వం నుంచి అనర్హత వేటు వేయాలని కోరుతూ బీఆర్‌ఎస్‌, బీజేపీ నేతలు స్పీకర్‌కు ఫిర్యాదు చేయడంతో పాటు హైకోర్టును ఆశ్రయించారు.స్పీకర్ క్లీన్‌చిట్.. హైకోర్టులో సవాల్ ప్రతిపక్ష నేతల ఫిర్యాదులపై విచారణ చేపట్టిన స్పీకర్ గడ్డం ప్రసాద్ కుమార్, ఈ ఏడాది మార్చి 11న సంచలన నిర్ణయం తీసుకున్నారు. దానం నాగేందర్ పార్టీ ఫిరాయింపులకు పాల్పడినట్లు ఎలాంటి ఆధారాలు లేవంటూ ఆయనకు క్లీన్‌చిట్ ఇస్తూ అనర్హత పిటిషన్లను కొట్టివేశారు.స్పీకర్ తీసుకున్న ఈ నిర్ణయాన్ని సవాలు చేస్తూ బీఆర్‌ఎస్‌ ఎమ్మెల్యే పాడి కౌశిక్ రెడ్డి, బీజేపీ ఎమ్మెల్యే ఏలేటి మహేశ్వర్‌ రెడ్డి హైకోర్టులో పిటిషన్ దాఖలు చేశారు. పలు దఫాలుగా ఈ పిటిషన్‌పై విచారణ చేపట్టిన హైకోర్టు ఇవాళ తుది తీర్పు వెలువరించింది. పార్టీ ఫిరాయింపు నిరోధక చట్టం కింద స్పీకర్ తీసుకున్న నిర్ణయం చెల్లదని తేల్చిచెప్పిన న్యాయస్థానం.. దానం నాగేందర్ ఎంపీగా పోటీచేసిన తేదీ నుంచే ఆయనపై అనర్హత వేటు వేస్తున్నట్లు ప్రకటించింది. కాగా, ఈ తీర్పుపై సుప్రీంకోర్టుకు వెళ్లేందుకు దానం నాగేందర్ కొంత సమయం కోరగా, ఆయన విజ్ఞప్తిని హైకోర్టు తిరస్కరించింది.ఇదీ చదవండి : దానం తీర్పు.. మిగతా ఫిరాయింపు ఎమ్మెల్యేల టెన్షన్!

సాక్షి, సిద్దిపేట: కాంగ్రెస్‌ నేతలకు తానే దగ్గరుండి తన భూములు చూపిస్తానని సిద్ధిపేట ఎమ్మెల్యే హరీష్‌ రావు అన్నారు. వారందరికీ అన్నంపెట్టి మరి తన భూములు చూపిస్తానని అయితే వారు మాత్రం ఉన్నది ఉన్నట్లుగానే ప్రజలకు చెప్పాలని ఏమాత్రం అబద్ధాలు ప్రచారం చేయవద్దని స్పష్టంచేశారు. తన జీవితం తెరిచిన పుస్తకమని అందరికీ తెలుసని ఎన్నికల అఫిడవిట్‌లోనే తన ఆస్తుల వివరాలు అన్నీ ప్రజలకు చూపించాననని తెలిపారు. సిద్దిపేటలో ఈరోజు (శుక్రవారం) ఆయన మీడియాతో మాట్లాడారు.కాంగ్రెస్‌ నేతలు సిద్ధిపేటకు వస్తే మూడు జిల్లాల నుండి 3వేల మంది పోలీసులు ఎందుకు సిద్ధిపేటకు వస్తున్నారు.పోలీసులు, బులెట్ ప్రూఫ్ వాహనాలు ఎందుకు అని ప్రశ్నించారు. కాంగ్రెస్‌ నేతల్లా తానేప్పుడూ కబ్జాలు పెట్టలేదని అక్రమంగా దోచుకోలేదన్నారు. తన పనితీరు చూసే పని తీరు చూసి ఏడుసార్లు సిద్దిపేట ప్రజలు తనను ఎమ్మెల్యేగా ఆశీర్వదించారని హరీశ్‌ రావు పేర్కొన్నారు. ఇదీ చదవండి: సిద్దిపేటకు కాంగ్రెస్‌ ఎంపీలు, ఎమ్మెల్సీలు

బెంగళూరు: తాను ఇప్పుడు ముఖ్యమంత్రిని కానని, తన మాటలను ఎవరు పాటిస్తున్నారో తెలియదని మాజీ సీఎం సిద్దరామయ్య అన్నారు. గురువారం విధానసౌధలో పార్టీ ఆఫీసులో విలేకరులతో ఆయన మాట్లాడారు. ఏఐసీసీ నేతలు సుర్జేవాలా తదితరులతో విడిగా సమావేశమైన తరువాత సిద్దరామయ్య ఇలా చెప్పడం చర్చనీయాంశమైంది. ప్రస్తుత ప్రభుత్వంలో తన మాట చాలా పరిమితమనే నిజాన్ని పరోక్షంగా బయటపెట్టారు. ఈ సందర్భంగా సిద్దరామయ్య కేంద్ర ప్రభుత్వం, ప్రధాని నరేంద్రమోదీపై విమర్శలు గుప్పించారు. స్వాతంత్య్రం వచ్చి దశాబ్దాలు గడిచినా రాజ్యాంగ ప్రాథమిక ఆకాంక్షలు పూర్తిగా అమలు కాలేదన్నారు. సమాజంలో పాతుకుపోయిన కుల అసమానతలను నిర్మూలించడానికి శూద్ర, అణగారిన వర్గాలు మేల్కొని సంఘటిత పోరాటం చేయాలని సూచించారు.ఇదీ చదవండి: కేసీఆర్‌ ఫాం హౌస్‌కు రెవెన్యూ అధికారులు.. అసలేం జరగనుంది?

సాక్షి, హైదరాబాద్‌: తెలంగాణ అసెంబ్లీలో ఆసక్తికర పరిణామం చోటుచేసుకుంది. స్పీకర్‌ గడ్డం ప్రసాద్‌ను ఉద్దేశించి ‘కాబోయే హోంమంత్రి మీరే అవుతారని మాకు సమాచారం ఉంది.. అందుకే శాంతి భద్రతల విషయం మీకు చెబుతున్నాం’ అంటూ ఎంఐఎం ఎమ్మెల్యే అహ్మద్ బిన్ అబ్దుల్లా బలాలా కామెంట్స్‌ చేశారు. దీంతో, ఆయన వ్యాఖ్యలు సోషల్‌ మీడియాలో వైరల్‌ అవుతున్నాయి.తెలంగాణ అసెంబ్లీ సమావేశాల సందర్బంగా హైదరాబాద్‌లో శాంతిభద్రతల పరిస్థితిపై ఎంఐఎం ఎమ్మెల్యే అహ్మద్‌ బిన్‌ అబ్దుల్లా బలాలా ఆందోళన వ్యక్తం చేశారు. నేరస్తుల్లో పోలీసులంటే భయం లేకుండా పోయిందని, నేరాలను అరికట్టాలంటే కఠినంగా శిక్షలు అమలు చేయాల్సిన అవసరం ఉందని అన్నారు. హైదరాబాద్‌ నగరంలో లా అండ్‌ ఆర్డర్‌ పూర్తిగా క్షీణించిందని బలాలా పేర్కొన్నారు. నేరస్తులకు చట్టం, శిక్షలంటే భయం లేకపోవడం వల్లే నేరాలు పెరుగుతున్నాయని అన్నారు. నేరాలకు పాల్పడే వారికి కఠిన శిక్షలు పడితేనే వాటిని నియంత్రించే అవకాశం ఉంటుందని అభిప్రాయపడ్డారు.ఈ క్రమంలో స్పీకర్‌ను ఉద్దేశించి బలాలా చేసిన వ్యాఖ్యలు అసెంబ్లీలో ఆసక్తికరంగా మారాయి. ‘కాబోయే హోంమంత్రి మీరే అవుతారని మాకు సమాచారం ఉంది.. అందుకే మీకు చెబుతున్నాం స్పీకర్‌ గారు’ అని అన్నారు. హైదరాబాద్‌లో శాంతిభద్రతలపై ప్రభుత్వం మరింత దృష్టి పెట్టాలని ఆయన కోరారు. నగరంలో నేరాల నియంత్రణకు పోలీసు వ్యవస్థను మరింత పటిష్టం చేయడంతో పాటు, నేరస్తుల్లో చట్టంపై భయాన్ని కలిగించేలా చర్యలు తీసుకోవాల్సిన అవసరం ఉందని బలాలా సూచించారు. దీంతో, ఆయన వ్యాఖ్యలపై చర్చ మొదలైంది. స్పీకర్‌కు హోంమంత్రి పదవి ఇస్తారా? అనేది ఆసక్తికరంగా మారింది. ప్రస్తుతం హోంశాఖ.. సీఎం రేవంత్‌ రెడ్డి వద్దే ఉంది. హైదరాబాద్ నగరంలో లా అండ్ ఆర్డర్ పూర్తిగా క్షీణించిందినేరస్తులకు అసలు భయం ఉండడంలేదు, శిక్ష కఠినంగా ఉంటేనే నేరాలు తగ్గుతాయిఇప్పుడు రేవంత్ రెడ్డి హోంమంత్రిగా ఉన్నాడు కానీ భవిష్యత్తులో మీరే హోంమంత్రి అవుతారని మాకు సమాచారం ఉంది అందుకే మీకు చెప్తున్నాము స్పీకర్ గారు– ఎంఐఎం… https://t.co/2otHaTA20l pic.twitter.com/a2kWgxMBhs— Telugu Scribe (@TeluguScribe) September 18, 2026Video Credit: Telugu Scribe

22ఏపై హైపవర్ కమిటీ ఏర్పాటు చేశాం: మంత్రి పొంగులేటిజీవో 564 ద్వారా రెవెన్యూ ప్రిన్సిపల్ సెక్రెటరీ లోకేష్, రాజీవ్ గాంధీతో కమిటీ ఏర్పాటు చేశాంజీవో 118 ద్వారా 22A లో ఇబ్బందులు పడుతున్న వాళ్లకు రేపు పట్టాలు ఇస్తున్నాం22A నుంచి వాళ్ళను లిఫ్ట్ చేస్తున్నాం.22A సింగరేణి ప్రాంతంలో 76 జీవోపై రేపు అసెంబ్లీలో భేటీ కానున్నాంరేపే జీవో రూపంలో సమస్యను పరిష్కరించబోతున్నాంజీహెచ్ఎంసీ పరిధిలో ఉన్న సమస్యలను త్వరలోనే జీవో రూపంలో పరిష్కరిస్తాం.తెలంగాణ వ్యాప్తంగా కరెంటు సమస్య ఉంది: కూనంనేని విద్యుత్ ఇవ్వలేని పరిస్థితి రాష్ట్ర ప్రభుత్వానికి వచ్చింది: సీపీఐ ఎమ్మెల్యే కూనంనేని సాంబశివరావు ఐడల్ పవర్ ఉత్పత్తికి ప్రభుత్వం చర్యలు చేపట్టాలికొత్తగూడెంలో ఐడల్ పవర్ ఉత్పత్తిని పునరుద్ధరించాలిఉద్యోగుల పెండింగ్ బకాయిలను విడుదల చేయాలి.తమిళనాడు తరహాలో ట్రాఫిక్ పోలీసులు కూర్చునే ఏర్పాటు చేయాలిసింగరేణి కాంట్రాక్టు, ఔట్‌ సోర్సింగ్‌ ఉద్యోగులకు మినిమం వేవ్స్ ఇవ్వాలని కోరుతున్నాంహైకోర్టు తీర్పు వేళ అసెంబ్లీలో దానం ఆసక్తికర వ్యాఖ్యలుహైకోర్టు తీర్పు వేళ అసెంబ్లీలో ఆసక్తికర వ్యాఖ్యలు చేసిన ఎమ్మెల్యే దానం నాగేందర్‌తన భవిష్యత్తు ఏమవుతుందో తనకే తెలియదంటూ ఆవేదననేను ఫైటర్‌ను.. ఫైట్‌ చేస్తానేడు తేలనున్న ఎమ్మెల్యే దానం భవితవ్యంపార్టీ ఫిరాయింపు కేసుపై తీర్పు వెల్లడించనున్న హైకోర్టుదానం పార్టీ మారలేదంటూ ఇప్పటికే స్పీకర్‌ క్లీన్‌చిట్‌తాను బీఆర్‌ఎస్‌లోనే కొనసాగుతున్నానని హైకోర్టుకు తెలిపిన దానం

సాక్షి, హైదరాబాద్‌: కాంగ్రెస్‌ కుట్రలను ఎదుర్కొంటానని మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. ఫార్ములా ఈ-రేస్‌ కేసులో విచారణకు ఇవాళ ఆయన నాంపల్లి ఏసీబీ కోర్టుకు హాజరయ్యారు. అనంతరం కేటీఆర్‌ మీడియాతో మాట్లాడుతూ.. ‘‘లక్ష కోట్లు కొల్లగట్టామని రేవంత్‌రెడ్డి అంటున్నారు. రేవంత్‌కు మంచి ఆఫర్‌ ఇస్తున్నా. మాకు వెయ్యి కోట్లు ఇస్తే మా ఆస్తి మొత్తం ఇచ్చేస్తాం. మిగతా రూ. 99 వేల కోట్లు మీరే తీసుకోండి.. రాష్ట్ర ప్రజలకు ఇచ్చిన హామీల కోసం ఖర్చు చేయండి’’ అంటూ ఆయన వ్యాఖ్యానించారు.‘‘ఆ డబ్బులతో విద్యార్థుల బకాయిలు చెల్లించండి. ఇచ్చిన హామీలు అమలు కాక ప్రజలు అవస్థలు పడుతున్నారు. కాళేశ్వరంలో లక్షకోట్లని ప్రచారం చేసినట్లుగానే ఇప్పుడు విషప్రచారంచేస్తున్నారు. హామీలను రేవంత్‌ గాలికొదిలేశారు. గత మూడు సంవత్సరాలలో కాంగ్రెస్ ప్రభుత్వం వచ్చిన తర్వాత ఈరోజు వరకు వాళ్ల టార్గెట్ అంతా ప్రతిపక్షాన్ని టార్గెట్ చేయడమే.. కేసీఆర్‌ను బీఆర్ఎస్ పార్టీలోని నాయకత్వాన్ని ఇబ్బందులు పెట్టే ప్రయత్నం చేస్తూ హరాస్ చేస్తోంది. ప్రజల సమస్యల పరిష్కారం రేవంత్‌ సర్కార్‌ టార్గెట్‌ కావాలి’’ అని కేటీఆర్‌ హితవు పలికారు.రైతులకు ఇచ్చిన హామీ రెండు లక్షల రుణమాఫీ, 15వేల రైతు భరోసా, రైతులకు బోనస్ ఇస్తామని చెప్పి బోగస్ మాటలు చెప్పింది కాంగ్రెస్ ప్రభుత్వం. విద్యార్థులకు ఇవ్వాల్సిన ఫీజు రీయింబర్స్‌మెంట్‌ బకాయిలు కూడా ఇవ్వలేని దుస్థితిలో కాంగ్రెస్ ప్రభుత్వం ఉంది. కరెంటు కావాలని రైతులు సబ్ స్టేషన్ల ముందు ధర్నాలు చేస్తున్నారు. లక్ష కోట్లని కాళేశ్వరం ప్రాజెక్టుపై విష ప్రచారం చేశారు. కేసీఆర్‌పైన ఆయన కుటుంబంపైన రేవంత్‌ విషం చిమ్ముతున్నారు.ఫార్ములా ఈ రేస్ హైదరాబాద్‌కు మంచి పేరు తెచ్చే విషయం. ఎలక్ట్రిక్ వాహన రంగంలో పెద్ద ఎత్తున పెట్టుబడులు ఆకర్షించే ప్రయత్నమే ఫార్ములా ఈ-రేస్. పెట్టుబడులు తెచ్చే ప్రయత్నంలో భాగంగానే ఫార్ములా ఈ రేస్ ఏర్పాటు చేస్తే దానిపై విషం చిమ్ముతున్నారు. ఫార్ములా ఈ రేస్ కేసులో రెండుసార్లు కోర్టుకు నేను హాజరయ్యాను. కోర్టుకు నేను సహకరిస్తాను. ఎన్నిసార్లు పిలిచినా వచ్చి విచారణకు హాజరవుతాను’’ అని కేటీఆర్‌ పేర్కొన్నారు.ఇదీ చదవండి: నాంపల్లి ఏసీబీ కోర్టుకు కేటీఆర్

తమిళనాడు రాజకీయాల్లో టీవీకే-కాంగ్రెస్‌ పొత్తు మరో కొత్త మలుపు తీసుకుంది. విజయ్‌, రాహుల్‌ గాంధీ మధ్య ప్రధాని అభ్యర్థిత్వంపై మొదలైన చర్చ ఇప్పుడు కాంగ్రెస్‌ నేతల మధ్యే మాటల యుద్ధానికి దారితీసింది. రాహుల్‌ గాంధీని ప్రధాని అభ్యర్థిగా పొత్తు భాగస్వాములు అంగీకరించాల్సిందేనని మాజీ టీఎన్‌సీసీ అధ్యక్షుడు సెల్వపెరుంతగై స్పష్టం చేయగా.. అసలు రాహుల్‌కు వ్యతిరేకంగా టీవీకే ఎలాంటి అధికారిక నిర్ణయం తీసుకోలేదని కాంగ్రెస్‌ నేత ప్రవీణ్‌ చక్రవర్తి కౌంటర్‌ ఇచ్చారు. దీంతో పొత్తులో అంతా సవ్యంగానే ఉందా? లేక ప్రధాని అభ్యర్థి అంశం అసలు పంచాయితీగా మారిందా? అన్న చర్చ మొదలైంది.తమిళనాడులో టీవీకే-కాంగ్రెస్‌ పొత్తు అంశం మరోసారి చర్చనీయాంశంగా మారింది. 2029 లోక్‌సభ ఎన్నికల ప్రధాని అభ్యర్థిత్వంపై రెండు పార్టీల మధ్య భిన్నాభిప్రాయాలు వ్యక్తమవుతున్న వేళ.. కాంగ్రెస్‌తో పొత్తు పెట్టుకునే పార్టీలు రాహుల్‌ గాంధీని ప్రధాని అభ్యర్థిగా అంగీకరించాలని సెల్వపెరుంతగై వ్యాఖ్యానించారు. రాహుల్‌ ప్రధాని అభ్యర్థి అయితే.. పొత్తు భాగస్వాములు దాన్ని అంగీకరించాలని, అలా లేనప్పుడు అలాంటి పొత్తు అవసరం ఏమిటని ప్రశ్నించారు. కాంగ్రెస్‌ తమ నేతను ప్రధాని అభ్యర్థిగా బహిరంగంగా, స్పష్టంగా అంగీకరించే పార్టీలతోనే పొత్తు పెట్టుకోవడం సముచితమని పేర్కొన్నారు.‘పొత్తులో ఎలాంటి సమస్య లేదు’సెల్వపెరుంతగై వ్యాఖ్యలపై ప్రవీణ్‌ చక్రవర్తి స్పందిస్తూ.. పొత్తులో ఎలాంటి గందరగోళం లేదని అన్నారు. టీవీకే అధికారికంగా రాహుల్‌ గాంధీకి వ్యతిరేకంగా ఎలాంటి ప్రకటన చేయలేదని చెప్పారు. ఇటీవల జరిగిన కూటమి సమావేశంలో అన్ని భాగస్వామ్య పార్టీలు కలిసి చర్చించాయని, ముఖ్యమంత్రి విజయ్‌ కూడా సమావేశంలో ఉన్నారని తెలిపారు. అందరూ కలిసి మాట్లాడుకున్నారని, పొత్తు బలంగానే ఉందని పేర్కొన్నారు.‘నవ్వుతూ మాట్లాడితే ఒప్పందమా?’ప్రవీణ్‌ వ్యాఖ్యలకు సెల్వపెరుంతగై సోషల్‌ మీడియా వేదికగా మళ్లీ స్పందించారు. నాయకులు కలిసి నవ్వుతూ మాట్లాడుకోవడాన్ని ప్రధాని అభ్యర్థిత్వంపై అంగీకారంగా ఎలా పరిగణిస్తారని ప్రశ్నించారు. ముఖ్యమంత్రి విజయ్‌ లేదా టీవీకేలోని కీలక నేతల్లో ఎవరైనా రాహుల్‌ గాంధీయే ప్రధాని అభ్యర్థి అని స్పష్టంగా చెప్పారా? అని నిలదీశారు. అలా చెప్పి హామీ ఇచ్చి ఉంటే తనకు తెలియజేయాలని కోరారు.ఇదిలా ఉండగా.. ఇటీవల టీవీకేకు చెందిన కొందరు నేతలు 2029 లోక్‌సభ ఎన్నికల్లో విజయ్‌ను ప్రధాని అభ్యర్థిగా ప్రొజెక్ట్‌ చేస్తూ వ్యాఖ్యలు చేయడంతో ఈ అంశం తెరపైకి వచ్చింది. దీనికి భిన్నంగా కాంగ్రెస్‌ నేతలు రాహుల్‌ గాంధీని తమ ప్రధాని అభ్యర్థిగా ప్రస్తావిస్తున్నారు. ఈ నేపథ్యంలోనే పొత్తులోని రెండు వర్గాల మధ్య అభిప్రాయ భేదాలు బహిరంగమయ్యాయి. ప్రస్తుతం టీవీకే-కాంగ్రెస్‌ పొత్తులో అసలు పరీక్ష సీట్ల సర్దుబాటు కాదు.. ప్రధాని అభ్యర్థిత్వంపై ఏకాభిప్రాయం అనే చర్చ మొదలైంది.అసలు చిక్కు టీవీకేకే..ఈ వ్యవహారంలో టీవీకే ముందున్నది కీలకమైన ప్రశ్న. విజయ్‌ను ప్రధాని అభ్యర్థిగా ప్రొజెక్ట్‌ చేస్తున్న సొంత నేతల వ్యాఖ్యలకు బ్రేక్‌ వేయాలా? లేక రాహుల్‌ గాంధీ పేరుపై కాంగ్రెస్‌ కోరుతున్న స్పష్టత ఇవ్వాలా? అన్నది ఆ పార్టీ తేల్చుకోవాల్సి ఉంది. విజయ్‌ పేరుపై పట్టుబడితే కాంగ్రెస్‌తో పొత్తులో విభేదాలు మరింత బహిర్గతమయ్యే అవకాశం ఉంది. రాహుల్‌ అభ్యర్థిత్వానికి అంగీకారం తెలిపితే విజయ్‌ను ప్రధాని ముఖంగా ముందుకు తెస్తున్న నేతలకు సమాధానం చెప్పాల్సి ఉంటుంది. ఒకవైపు పొత్తు.. మరోవైపు ప్రధాని పీఠంపై ఆశలు.. ఈ రెండింటి మధ్య టీవీకే ఎలాంటి వైఖరి తీసుకుంటుందన్నదే ఇప్పుడు అసలు ఉత్కంఠ. విజయ్‌ మౌనం వీడి స్పష్టత ఇస్తారా? లేక ఈ పంచాయితీని కూటమి నేతలకే వదిలేస్తారా? అన్నది చూడాలి.ఇదీ చదవండి: సీఎం రెండో పెళ్లిపై బిగ్‌ ట్విస్ట్‌..

సాక్షి, హైదరాబాద్‌: మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌కు మంత్రి పొంగులేటి శ్రీనివాసరెడ్డి కౌంటర్ ఇచ్చారు. అఫిడవిట్లలో భూముల వివరాలపై కేటీఆర్‌ను నిలదీసిన పొంగులేటి.. కేసీఆర్ ఆస్తులపై ప్రశ్నిస్తే.. కేటీఆర్‌కు ఎందుకంత ఉలికిపాటు?. 2004 అఫిడవిట్‌లో భూములు లేవు.. ఇప్పుడు వందల ఎకరాలు ఎలా?. అఫిడవిట్లలో నిజాలు రాశారా? ప్రజలను మోసం చేశారా?. కేసీఆర్ కుటుంబ ఆస్తులపై కేటీఆర్ సమాధానం చెప్పాలన్నారు.పుట్టుకతోనే వందల ఎకరాలు ఉన్నాయన్న కేటీఆర్ వ్యాఖ్యలపై ప్రశ్నలు సంధించిన పొంగులేటి.. అఫిడవిట్లలో ఒకటి.. మాటల్లో మరొకటా? అంటూ నిలదీశారు. తెలంగాణ ప్రజలకు నిజాలు చెప్పాల్సిన బాధ్యత కేసీఆర్ కుటుంబానిదే. భూముల పెరుగుదలపై లెక్కలు చెప్పకుండా ఎదురుదాడి ఎందుకు? కేసీఆర్ కుటుంబ ఆస్తులపై సమగ్ర విచారణ జరపాలని పొంగులేటి డిమాండ్ చేశారు.‘‘అఫిడవిట్లలో పేర్కొన్న భూముల వివరాలను ప్రజల ముందు పెట్టాలి. కేటీఆర్ మాటలకు.. ఎన్నికల అఫిడవిట్లకు పొంతన ఉందా?. భూ ఆరోపణలపై కేటీఆర్ బహిరంగ చర్చకు సిద్ధమా?. ప్రజల ప్రశ్నలకు సమాధానం చెప్పకుండా రాజకీయ విమర్శలా?’’ అంటూ పొంగులేటి శ్రీనివాసరెడ్డి మండిపడ్డారు.సున్నా ఎకరాల నుండి వేల కోట్ల విలువైన ఆస్తులకు ఎదిగిన భూ బకాసురుడు కేసీఆర్ @KCRBRSPresident ...ఎన్నికల అఫిడవిట్ తో అడ్డంగా దొరికిన కల్వకుంట్ల ముఠా!తనకు ఒక్క ఎకరం కూడా భూమి లేదని 2004 కరీంనగర్ లోక్ సభ ఎన్నికల అఫిడవిట్‌లో తెలిపిన కేసీఆర్ గారికి, ఇప్పుడు వేల కోట్ల విలువైన భూములు… pic.twitter.com/E9oOjS8UBW— Ponguleti Srinivasa Reddy (@INC_Ponguleti) September 17, 2026ఇదీ చదవండి: పొరపాట్లు జరిగాయి.. పరిష్కరిస్తాం

కాంగ్రెస్‌ సీనియర్‌ నేత, కర్ణాటక మాజీ ముఖ్యమంత్రి సిద్ధరామయ్యకు ఘోర అవమానం.. అదీ ఉద్దేశపూర్వకంగానే జరిగిందా?. కన్నడ నాట ఈ వ్యవహారం హాట్‌ టాపిక్‌గా మారింది. కలబురగిలోని సిద్ధరామయ్య సర్కిల్‌లో ఉన్న విగ్రహ తొలగింపు.. ఆయన వర్గీయులకు తీవ్ర ఆగ్రహం తెప్పిస్తోంది. ముఖ్యమంత్రి డీకే శివకుమార్‌ కలబురగి పర్యటనకు ముందు ఈ ఘటన చోటుచేసుకోవడం మరింత ఆసక్తి రేపుతోంది.ముఖ్యమంత్రి డీకే శివకుమార్‌ ఇవాళ కలబురగిలో పర్యటించాల్సి ఉంది. కల్యాణ కర్ణాటక ఉత్సవాల్లో ఆయన పాల్గొనాల్సి ఉంది. అయితే అంతకంటే ముందే.. ఈ ఉదయం అక్కడి చౌరస్తాలో ఏర్పాటు చేసిన సిద్ధరామయ్య కాంస్య విగ్రహాన్ని మున్సిపల్‌ సిబ్బంది తొలగించారు. అయితే సిద్దూ అభిమానుల నుంచి విమర్శలు రావడంతో.. డీకే పర్యటనకు, విగ్రహ తొలగింపునకు ఎలాంటి సంబంధం లేదని అధికారులు వివరణ ఇచ్చుకున్నారు. అనుమతి లేకుండా విగ్రహాన్ని పెట్టారని వివరణ ఇచ్చారు. అలాగే ఈ మొత్తం ఎపిసోడ్‌లో మరో ట్విస్ట్‌ను బయటపెట్టారు.A Siddaramaiah statue has appeared overnight near High Court Cross in Kalaburagi, at a spot that had earlier been turned into a Siddaramaiah Circle.The installation was allegedly carried out without permission, though the district administration is yet to clarify what action,… pic.twitter.com/UeVQW2fV1M— Deccan Herald (@DeccanHerald) September 17, 2026మూడేళ్ల కిందట ఈ సర్కిల్‌కు కొందరు స్థానికులు సిద్ధరామయ్య అని పేరు పెట్టారు. అయితే అందుకు ఎలాంటి అనుమతులు తీసుకోలేదని అధికారులు అంటున్నారు. అంతేకాదు.. తాము తొలగించిన విగ్రహం కూడా గత రాత్రే ఏర్పాటు చేశారని.. దానికి కూడా పర్మిషన్‌ లేదని చెబుతున్నారు. ‘‘దాదాపు ఏడేనిమిది మంది వ్యక్తులు అర్ధరాత్రివేళ విగ్రహాన్ని తీసుకొచ్చి ఏర్పాటు చేశారు. విగ్రహం చేతులు పైకెత్తి ప్రజలకు అభివాదం చేస్తున్నట్లుగా ఉంది. వాళ్ల ఉద్దేశం ఏంటో మాకు తెలియదు. సీసీటీవీ ఫుటేజీలను పరిశీలించాలని పోలీసులను కోరాం’’ అని ఓ ఉన్నతాధికారి తెలిపారు. కాంక్రీట్‌ కూడా పూర్తిగా ఆరకముందే తమ సిబ్బంది అక్కడికి చేరుకుని వెంటనే విగ్రహాన్ని తొలగించినట్లు తెలిపారు.2023 కర్ణాటక అసెంబ్లీ ఎన్నికల తర్వాత ముఖ్యమంత్రి పదవి కోసం సిద్ధరామయ్య, డీకే శివకుమార్‌ మధ్య పోటీ నెలకొంది. చివరకు సిద్ధరామయ్య ముఖ్యమంత్రిగా, శివకుమార్‌ ఉప ముఖ్యమంత్రిగా బాధ్యతలు చేపట్టారు. ఆ సమయంలో ఇద్దరూ రెండున్నరేళ్ల చొప్పున సీఎం పదవిని పంచుకుంటారనే చర్చ కూడా జరిగింది. కాంగ్రెస్‌ అధ్యక్షుడు మల్లికార్జున్‌ ఖర్గే నేతృత్వంలో ఇరువురి మధ్య అధికార భాగస్వామ్యంపై చర్చలు జరిగినప్పటికీ.. అలాంటి ఒప్పందాన్ని పార్టీ అధికారికంగా వెల్లడించలేదు. చివరకు.. తప్పనిసరి పరిస్థితుల్లో అధిష్టానం సిద్ధరామయ్యను తప్పించి డీకే శివకుమార్‌కు సీఎం పగ్గాలు అప్పగించింది. ఇదీ చదవండి: అధికారులపై కోపంతో ఏం చేశాడో చూడండి!

సాక్షి, మహబూబాబాద్ జిల్లా: డోర్నకల్ ఎమ్మెల్యే రామచంద్రు నాయక్‌కు తృటిలో ప్రమాదం తప్పింది. ఎమ్మెల్యే ప్రయాణిస్తున్న కారులో పవర్ బ్యాంక్‌ ఒక్కసారిగా పేలడంతో కారు క్యాబిన్‌లో మంటలు చెలరేగాయి. ఈ ఘటన మహబూబాబాద్ జిల్లా చింతపల్లి గ్రామ పరిసరాల్లో చోటుచేసుకుంది.తెలంగాణ కాంగ్రెస్ ప్రభుత్వం సెప్టెంబర్‌ 17న ప్రజాపాలన దినోత్సవాన్ని ఘనంగా నిర్వహిస్తోంది. ఈ సందర్భంగా ప్రజాపాలన ఉత్సవాల్లో పాల్గొని జెండా ఆవిష్కరించేందుకు మహబూబాబాద్ కలెక్టరేట్‌కు ఎమ్మెల్యే రాంచంద్ర నాయక్ బయలుదేరారు. అయితే, చింతపల్లి వద్దకు రాగానే ఆయన ప్రయాణిస్తున్న కారులో ఒక్కసారిగా మంటలు చెలరేగాయి. కారులో ఉన్న పవర్ బ్యాంక్ పేలడంతో ఒక్కసారిగా కేబిన్‌లో మంటలు వ్యాపించాయి. అప్రమత్తమైన ఎమ్మెల్యే, సిబ్బంది వెంటనే వాహనం నుంచి బయటకు దిగడంతో ప్రమాదం తప్పింది. అయితే, డ్రైవర్‌కు మాత్రం స్వల్ప గాయాలు అయ్యాయి.భద్రతా సిబ్బంది అప్రమత్తంగా వ్యవహరించడంతో ప్రమాదం పెద్దదిగా మారలేదు. అనంతరం ఎమ్మెల్యే మరో వాహనంలో మహబూబాబాద్‌కు బయలుదేరి వెళ్లారు. ఆయన ప్రమాదం నుంచి తప్పించుకున్నారని తెలిసి అధికారులు, స్థానికులు, కుటుంబ సభ్యులు ఊపిరి పీల్చుకున్నారు. కాగా, పవర్ బ్యాంక్‌ పేలడానికి గల కారణాలు తెలియాల్సి ఉంది. డోర్నకల్ కాంగ్రెస్ ఎమ్మెల్యే రామచంద్రు నాయక్‌కి తప్పిన ప్రమాదంఎమ్మెల్యే వాహనంలో పవర్ బ్యాంక్ పేలి కారులో చెలరేగిన మంటలుడ్రైవర్‌కి స్వల్ప గాయాలు.. అప్రమత్తమైన భద్రతా సిబ్బందిమహబూబాబాద్‌లో జరిగే విమోచన దినోత్సవ జెండా కార్యక్రమానికి వెళ్తుండగా చింతపల్లి గ్రామ పరిసరాల్లో… pic.twitter.com/dR5qFiKciq— Telugu Scribe (@TeluguScribe) September 17, 2026Video Credit: Telugu Scribeఇదీ చదవండి: మా ఆస్తులపై అసెంబ్లీలో చర్చకు సిద్దం: కేటీఆర్‌

సాక్షి, ఢిల్లీ: తెలంగాణలో 22-A భూముల వివాదం రాజకీయంగా వేడెక్కుతున్న వేళ టీపీసీసీ అధ్యక్షుడు మహేశ్‌కుమార్‌ గౌడ్ కీలక వ్యాఖ్యలు చేశారు. 22-A భూముల వ్యవహారంలో తప్పు కాంగ్రెస్‌ పార్టీది కాదని.. గత బీఆర్‌ఎస్‌ ప్రభుత్వ హయాంలో భూ దోపిడీ జరిగిందని ఆరోపించారు. గత ప్రభుత్వ భూ వ్యవహారాలపై ప్రస్తుతం విచారణ జరుగుతోందని చెప్పారు. ఈ అంశంపై జ్యుడీషియల్‌ ఎంక్వైరీ జరగాలా? లేదా? అనేది ముఖ్యమంత్రి రేవంత్‌రెడ్డి నిర్ణయిస్తారని స్పష్టం చేశారు.టీపీసీసీ చీఫ్‌ మహేశ్‌కుమార్‌ గౌడ్ ఢిల్లీలో ఈ అంశంపై మాట్లాడారు. తెలంగాణ ఉద్యమ సమయంలో పోరాటాలు చేసిన వారు సర్వం కోల్పోతే.. కేసీఆర్‌ కుటుంబం మాత్రం భూములను కొల్లగొట్టిందని ఆరోపించారు. గత ప్రభుత్వ భూ వ్యవహారాలపై ముఖ్యమంత్రి రేవంత్‌రెడ్డి విచారణకు ఆదేశించడం అభినందనీయమన్నారు. 22-A భూముల అంశంపై బీఆర్‌ఎస్‌ ఇప్పటికే జ్యుడీషియల్‌ విచారణకు డిమాండ్‌ చేస్తుండగా.. ప్రభుత్వం కూడా భూ వ్యవహారాలపై విచారణకు చర్యలు చేపట్టింది.కాగా, తన పదవీకాలానికి మరో ఏడాది సమయం ఉందని మహేశ్‌కుమార్‌ గౌడ్ తెలిపారు. మంత్రివర్గ విస్తరణ జరపాలా? వద్దా? అనేది ముఖ్యమంత్రి నిర్ణయిస్తారని అన్నారు. పార్టీలో పెండింగ్‌లో ఉన్న పదవుల భర్తీపై అధిష్టానంతో చర్చిస్తామని చెప్పారు. వీలైనంత త్వరగా డీసీసీ అధ్యక్షులను నియమిస్తామని వెల్లడించారు. రాష్ట్రంలో చేపడుతున్న అభివృద్ధి కార్యక్రమాల వివరాలను పార్టీ అధిష్టానానికి వివరిస్తానని తెలిపారు. టీపీసీసీ అధ్యక్షుడిగా రెండేళ్లలో సంస్థాగతంగా సాధించిన పురోగతిని అధిష్టానం పెద్దలకు వివరించేందుకే ఢిల్లీకి వచ్చినట్లు చెప్పారు. గాంధీభవన్‌ నుంచి క్షేత్రస్థాయి వరకు పార్టీని సంస్థాగతంగా బలోపేతం చేశామని పేర్కొన్నారు.ఇదిలా ఉండగా.. 22-A భూముల అంశంపై కాంగ్రెస్‌, బీఆర్‌ఎస్‌ మధ్య ఆరోపణలు, ప్రత్యారోపణలు కొనసాగుతున్నాయి. 22-A జాబితాలో భూముల చేర్పుపై బీఆర్‌ఎస్‌ జ్యుడీషియల్‌ విచారణ కోరుతుండగా.. కాంగ్రెస్‌ గత ప్రభుత్వ హయాంలోని భూ వ్యవహారాలను ప్రస్తావిస్తోంది. దీంతో ఈ వ్యవహారం తెలంగాణ రాజకీయాల్లో మరోసారి ప్రధాన చర్చనీయాంశంగా మారింది.ఇదీ చదవండి: మా ఆస్తులపై అసెంబ్లీలో చర్చకు సిద్దం: కేటీఆర్‌ సవాల్‌

సాక్షి, హైదరాబాద్‌: తెలంగాణలో కాంగ్రెస్‌ పాలనపై బీఆర్‌ఎస్‌ నేత కేటీఆర్‌ నిప్పులు చెరిగారు. హైదరాబాద్‌లో మీడియాతో మాట్లాడిన ఆయన అన్నిరంగాల్లో సీఎం రేవంత్‌ రెడ్డి అట్టర్‌ ఫ్లాప్‌ అయ్యారని విమర్శించారు. కేసీఆర్‌ ఆస్తుల విషయమై సీఎం రేవంత్‌ రెడ్డి విమర్శలు చేసిన నేపధ్యంలో కేటీఆర్‌ ఆయనకు సవాల్‌ విసిరారు. 1954 నుంచి 2026 వరకు మా ఆస్తుల లెక్కలు చెప్పేందుకు తాము సిద్ధంగా ఉన్నామని, మా ఆస్తులపై అసెంబ్లీలో చర్చించేందుకు సిద్ధమని కేటీఆర్‌ పేర్కొన్నారు. సీఎం తన సొంత సోదరునికి అక్రమంగా భూములు కట్టబెట్టారని ఆరోపించారు. రేవంత్‌ రెడ్డి సీఎం పదవికి కళంకం తెస్తున్నారు. కేసీఆర్‌ భూస్వామ్య కుటుంబంలో పుట్టారు. ఆయనకు వ్యవసాయం అంటే ఇష్టం. రేవంత్‌ రెడ్డి సంస్కారం లేని వ్యక్తి అని కేటీఆర్‌ పేర్కొన్నారు. జూబ్లీహిల్స్‌లో రేవంత్‌ రెడ్డి బంగ్లాలు ఎలా కట్టారో చెప్పాలి. నవీన్‌ రావు, సంతోష్‌ రావులతో మాకు ఏమిటి సంబంధం అని ప్రశ్నించారు. కాంగ్రెస్‌ ఇచ్చిన హామీలు నెరవేరేవరకు తాము పోరాటం చేస్తామని అన్నారు. రేవంత్‌ రెడ్డి సీఎం పదవికి కళంకం తెస్తున్నారన్నారు. అక్రమ కేసులు పెట్టి సీఎం రేవంత్‌రెడ్డి తమను వేధిస్తున్నారని కేటీఆర్‌ ఆరోపించారు. ''ప్రభుత్వానికి దమ్ముంటే అసెంబ్లీని నెల రోజులు నిర్వహించాలి. మా ఆస్తుల విషయంలో సీఎంకు దమ్ముంటే న్యాయ విచారణ చేయాలి. ఎవరికెన్ని ఆస్తులు ఉన్నాయో లెక్కతీద్దామా'' అని రేవంత్‌ రెడ్డికి కేటీఆర్‌ సవాల్‌ విసిరారు. అసెంబ్లీలో రేవంత్‌రెడ్డి అవాస్తవాలు మాట్లాడారు. కమీషన్లు దండుకునేందుకే 22ఏను తీసుకొచ్చారు. కేసీఆర్‌కు రేవంత్‌ క్షమాపణలు చెప్పాలని కేటీఆర్‌ ఆన్నారు. రేవంత్‌ రెడ్డి ప్రతీ స్కీమ్‌ వెనుక ఒక స్కామ్‌ ఉందని విమర్శించారు. తెలంగాణకు సీఎం రేవంత్‌ రెడ్డి ఇచ్చిన హామీలపై నిలదీస్తామని కేటీఆర్‌ అన్నారు. అసెంబ్లీ పవిత్రతను రేవంత్‌ రెడ్డి దెబ్బతీస్తున్నారు. కేసీఆర్‌కు వెయ్యి ఎకరాల ఫామ్‌ హౌస్‌ ఉందని రేవంత్‌ తప్పడు ప్రచారాలు చేస్తున్నారన్నారు. ఇదీ చదవండి: గజం భూమి ఎక్కువ ఉన్నా ప్రభుత్వానికే.. కవిత

సాక్షి, హైదరాబాద్‌: తెలంగాణలో ప్రజలే కేంద్రంగా పాలన సాగిస్తున్నామని ముఖ్యమంత్రి రేవంత్‌రెడ్డి అన్నారు. తెలంగాణలో రాచరిక పాలనకు ముగింపు పలికి ప్రజాస్వామ్య పాలన ప్రారంభమైన రోజుగా సెప్టెంబర్‌ 17ను గుర్తిస్తున్నామని చెప్పారు. తెలంగాణ అస్తిత్వం, ఆత్మగౌరవం కోసం ప్రజలు పోరాడిన చరిత్ర ఉందని, పాలకులపై ధిక్కార స్వరం వినిపించిన నేల తెలంగాణ అని వ్యాఖ్యానించారు.సెప్టెంబర్‌ 17న ప్రజాపాలన దినోత్సవం సందర్భంగా హైదరాబాద్‌ పబ్లిక్‌ గార్డెన్‌లో నిర్వహించిన కార్యక్రమంలో సీఎం రేవంత్‌ పాల్గొన్నారు. ఈ సందర్బంగా తెలంగాణ ఆత్మగౌరవం, హక్కుల కోసం పోరాడిన వారికి నివాళులర్పించారు. అనంతరం, ఆయన మాట్లాడారు. ప్రజల మాటకు విలువ ఇవ్వడం, ప్రభుత్వ వనరులు ప్రతి ఒక్కరికీ అందేలా చూడటమే ప్రజాపాలన అని పేర్కొన్నారు. పాలనలో ప్రజలే కేంద్రంగా ఉండాలన్న స్ఫూర్తితో ప్రభుత్వం పనిచేస్తోందన్నారు.రాష్ట్రంలో పెండింగ్‌లో ఉన్న ప్రాజెక్టులను పూర్తి చేసేందుకు ప్రభుత్వం కృషి చేస్తోందని రేవంత్‌రెడ్డి తెలిపారు. రైతు సంక్షేమానికి ప్రాధాన్యత ఇస్తున్నామని, రైతు భరోసా కింద రూ.20,616 కోట్లు విడుదల చేశామని చెప్పారు. 25.35 లక్షల రైతు కుటుంబాలకు ప్రయోజనం కల్పించామని, ఎకరాకు రూ.12 వేల చొప్పున పెట్టుబడి సాయం అందిస్తున్నామని తెలిపారు. రైతు భరోసాతో పాటు రైతు బీమా, భూభారతి సేవలకు ప్రాధాన్యత ఇస్తున్నామని పేర్కొన్నారు.మహిళా సాధికారతే ప్రభుత్వ లక్ష్యమని సీఎం అన్నారు. కోటి మంది మహిళలను కోటీశ్వరులను చేయాలనే లక్ష్యంతో ప్రభుత్వం పనిచేస్తోందన్నారు. మహిళలకు ఉచిత బస్సు ప్రయాణం కల్పించే మహాలక్ష్మి పథకంపై ప్రత్యేక దృష్టి పెట్టామని, స్వయం సహాయక సంఘాలను బలోపేతం చేసేందుకు చర్యలు తీసుకుంటున్నామని చెప్పారు. పేదల సొంతింటి కలను నెరవేర్చేందుకు ఇందిరమ్మ ఇళ్ల నిర్మాణానికి రూ.22,500 కోట్లతో ప్రణాళిక రూపొందించామని రేవంత్‌రెడ్డి తెలిపారు. తొలి దశలో 4.50 లక్షల ఇళ్ల నిర్మాణాన్ని చేపట్టామని చెప్పారు. దళితులు, బలహీన వర్గాల సంక్షేమానికి ప్రాధాన్యత ఇస్తూ సామాజిక న్యాయం లక్ష్యంగా పనిచేస్తున్నామని పేర్కొన్నారు.విద్యారంగంలో అనేక మార్పులు తీసుకొచ్చామని సీఎం తెలిపారు. యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూళ్ల ఏర్పాటుతో పాటు ప్రతి నియోజకవర్గంలో తెలంగాణ పబ్లిక్‌ స్కూల్‌ ఏర్పాటు దిశగా చర్యలు చేపట్టామని చెప్పారు. ప్రభుత్వ పాఠశాలల్లో అల్పాహారం, మధ్యాహ్న భోజనానికి రూ.927 కోట్లు కేటాయించామని తెలిపారు. రాష్ట్రంలో 3.42 కోట్ల మందికి సన్నబియ్యం అందిస్తున్నామని పేర్కొన్నారు. ప్రభుత్వ ఉద్యోగ నియామకాలపైనా సీఎం కీలక వ్యాఖ్యలు చేశారు. ఇప్పటివరకు 72 వేలకుపైగా ప్రభుత్వ ఉద్యోగ నియామకాలు పూర్తి చేశామని చెప్పారు. ఉద్యోగ పరీక్షల నిర్వహణలో పారదర్శకతకు ప్రాధాన్యత ఇస్తున్నామని తెలిపారు. ఆరోగ్య రంగానికి ప్రభుత్వం అధిక ప్రాధాన్యత ఇస్తోందని రేవంత్‌రెడ్డి అన్నారు. రాజీవ్‌ ఆరోగ్యశ్రీ పరిమితిని రూ.10 లక్షలకు పెంచామని, ఇటీవల టిమ్స్‌ ఆసుపత్రిని ప్రారంభించామని చెప్పారు. గోషామహల్‌లో రూ.2,700 కోట్లతో ఉస్మానియా ఆసుపత్రి నిర్మాణానికి శ్రీకారం చుట్టామని స్పష్టం చేశారు.హైదరాబాద్‌ అభివృద్ధికి మాస్టర్‌ప్లాన్‌ రూపొందిస్తూ ఫ్యూచర్‌ సిటీ నిర్మాణంపై దృష్టి పెట్టామని అన్నారు. స్కిల్‌ డెవలప్‌మెంట్‌కు ప్రాధాన్యత ఇస్తూ యంగ్‌ ఇండియా స్కిల్స్‌ యూనివర్సిటీ ఏర్పాటు చేశామని చెప్పారు. మూసీ పునరుజ్జీవన ప్రాజెక్టును 55 కిలోమీటర్ల పరిధిలో చేపడుతున్నామని తెలిపారు. తెలంగాణ రైజింగ్‌ విజన్‌–2047 ద్వారా భవిష్యత్‌ తెలంగాణ నిర్మాణానికి ప్రణాళికలు రూపొందిస్తున్నామని సీఎం చెప్పారు. అభివృద్ధి, సంక్షేమం, తెలంగాణ ఆత్మగౌరవమే ప్రజాపాలనలో ప్రభుత్వ ప్రధాన లక్ష్యాలని స్పష్టం చేశారు.ఇదీ చదవండి: ‘స్టార్టప్‌ స్టేట్‌గా తెలంగాణ’

రాజకీయాల్లో రెబల్స్‌ వ్యవహారం కొత్తేమీ కాదు.. పార్టీ నిర్ణయాలను ధిక్కరించి బయటకు వచ్చేవాళ్లు, ఆ తర్వాత ప్రత్యర్థి కూటములతో చేతులు కలిపేవాళ్లు చాలాచోట్ల కనిపిస్తూనే ఉంటారు. కానీ కొన్నిసార్లు ఈ తిరుగుబాట్లే స్థానిక రాజకీయాల దిశను మార్చేస్తాయి. కేరళలోనూ ఇప్పుడు అదే జరిగింది. కాంగ్రెస్‌ నుంచి బహిష్కరణకు గురైన బిజు మాథ్యూస్‌.. ఎల్‌డీఎఫ్‌ మద్దతుతో స్టన్నింగ్‌ విక్టరీ సాధించాడు.కేరళలోని పాలా మున్సిపాలిటీలో రాజకీయ సమీకరణాలు మరోసారి ఆసక్తికరంగా మారాయి. కాంగ్రెస్‌ నుంచి బహిష్కరణకు గురైన బిజు మాథ్యూస్‌.. ఎల్‌డీఎఫ్‌ మద్దతుతో మున్సిపాలిటీ వైస్‌ చైర్‌పర్సన్‌గా ఎన్నికయ్యారు. బుధవారం జరిగిన ఎన్నికల్లో యూడీఎఫ్‌ అభ్యర్థి, కాంగ్రెస్‌ పార్లమెంటరీ పార్టీ నేత సెబాస్టియన్‌ పాలక్కల్‌పై 14–11 ఓట్ల తేడాతో విజయం సాధించారు.మొత్తం 26 మంది సభ్యులున్న పాలా మున్సిపల్‌ కౌన్సిల్‌లో వైస్‌ చైర్‌పర్సన్‌ ఎన్నికకు 14 ఓట్లు అవసరం. బిజు మాథ్యూస్‌కు కేరళ కాంగ్రెస్‌ (ఎం) నుంచి 10, సీపీఎం నుంచి 2, చైర్‌పర్సన్‌ మాయా రాహుల్‌ నుంచి ఒక ఓటు.. ఆయన సొంత ఓటు కలిపి మొత్తం 14 ఓట్లు వచ్చాయి. కాంగ్రెస్‌ రెబల్‌ రాజితా ప్రకాశ్‌ ఓటింగ్‌కు దూరంగా ఉన్నారు. మరో ఇద్దరు కాంగ్రెస్‌ రెబల్స్‌ టోనీ తైప్పరంబిల్‌, లిస్సీకుట్టి మాథ్యూ మాత్రం యూడీఎఫ్‌ అభ్యర్థి సెబాస్టియన్‌కు ఓటేయడం గమనార్హం.అక్కడే ఈ రాజకీయ మలుపు..పాలా మున్సిపాలిటీలో అధికార మార్పిడికి కాంగ్రెస్‌ రెబల్స్‌ కీలకంగా మారారు. గతంలో కాంగ్రెస్‌ విప్‌ను ధిక్కరించి ఎల్‌డీఎఫ్‌ మద్దతుతో అవిశ్వాస తీర్మానానికి అనుకూలంగా ఓటేసిన బిజు మాథ్యూస్‌, టోనీ తైప్పరంబిల్‌, లిస్సీకుట్టి మాథ్యూ, రాజితా ప్రకాశ్‌లను కాంగ్రెస్‌ పార్టీ నుంచి బహిష్కరించింది. అయితే వీళ్లు ఎల్‌డీఎఫ్‌తో చేతులు కలపడంతో పాలా రాజకీయ సమీకరణాలు పూర్తిగా మారిపోయాయి.దియా బిను పులిక్కకండంను అవిశ్వాస తీర్మానం ద్వారా చైర్‌పర్సన్‌ పదవి నుంచి తొలగించిన తర్వాత.. కాంగ్రెస్‌ రెబల్‌ మాయా రాహుల్‌ ఎల్‌డీఎఫ్‌ మద్దతుతో చైర్‌పర్సన్‌గా ఎన్నికయ్యారు. దీంతో కేరళ కాంగ్రెస్‌ (ఎం) నేతృత్వంలోని మున్సిపాలిటీ డెవలప్‌మెంట్‌ ఫ్రంట్‌ పాలా మున్సిపాలిటీపై పట్టు సాధించింది. అదే కూటమికి ఇప్పుడు బిజు మాథ్యూస్‌ వైస్‌ చైర్‌పర్సన్‌గా ఎన్నిక కావడం ప్రాధాన్యం సంతరించుకుంది.చర్చలు.. ఆపై ట్విస్ట్‌మాయా రాహుల్‌ చైర్‌పర్సన్‌గా ఎన్నికైన తర్వాత వైస్‌ చైర్‌పర్సన్‌ పదవి ఖాళీ అయింది. ఈ పదవిపై బిజు మాథ్యూస్‌, టోనీ తైప్పరంబిల్‌ ఇద్దరూ ఆసక్తి చూపడంతో కూటమిలో చర్చలు జరిగాయి. చివరకు ఎల్‌డీఎఫ్‌ మద్దతు బిజుకు దక్కింది. ఎన్నికకు ముందు ఆయనకు కూటమిలో మెజారిటీ మద్దతు ఉందని కూడా వార్తలు వచ్చాయి. అయితే.. మిగతా రెబల్స్‌ మాత్రం అధికార పక్షం వైపే మొగ్గు చూపించారు.ఇదిలా ఉండగా.. పాలా మున్సిపాలిటీలో పార్టీ మార్పిడి వ్యవహారంపై రాష్ట్ర ఎన్నికల సంఘం కూడా దృష్టి పెట్టింది. మాయా రాహుల్‌తో పాటు మాజీ కాంగ్రెస్‌ కౌన్సిలర్లు బిజు మాథ్యూస్‌, టోనీ తైప్పరంబిల్‌, లిస్సీకుట్టి మాథ్యూ, రాజితా ప్రకాశ్‌లకు యాంటీ డిఫెక్షన్‌ నోటీసులు జారీ చేసింది. సెప్టెంబర్‌ 22న విచారణకు హాజరుకావాలని ఆదేశించింది. యూడీఎఫ్‌, స్వతంత్ర కౌన్సిలర్‌ బిను పులిక్కకండం చేసిన ఫిర్యాదుల నేపథ్యంలో ఈ ప్రక్రియ కొనసాగుతోంది.ఇదీ చదవండి: స్థానిక ఎన్నికల్లో ‘చేదు’ అనుభవం.. బీజేపీకి ఇక గడ్డు కాలమేనా?

సాక్షి, హైదరాబాద్‌: సభ ప్రారంభమైన రోజే బీఆర్‌ఎస్‌ వికృత చేష్టలకు పాల్పడిందంటూ సీఎం రేవంత్‌రెడ్డి మండిపడ్డారు. అసెంబ్లీలో 22ఏ అంశంపై చర్చలో ఆయన మాట్లాడుతూ.. 22ఏపై విపక్షాలు తప్పుడు ప్రచారం చేస్తున్నాయని.. 22ఏ చర్చించాలని ప్రభుత్వం ముందే నిర్ణయం తీసుకుందన్నారు. ఆదర్శంగా ఉండాల్సి కొందరు ప్రజాప్రతినిధులు వికృత చేష్టలకు పాల్పడ్డారంటూ సీఎం మండిపడ్డారు.‘‘ఎట్టి పరిస్థితుల్లోనూ సభ జరగకూడదనే ఇలా వ్యవహరించారు. రాష్ట్రంలో సమస్యలు రావాలని పక్క రాష్ట్రాలకు వెళ్లి క్షుద్ర పూజలు చేశారు. గత తప్పిదాలపై సభలో చర్చ జరుగుతుందని బీఆర్‌ఎస్‌ తెలుసు. రైతులకు, పేదలకూ మా ప్రభుత్వం అన్యాయం చేయదు. అసెంబ్లీ నిర్వహణలో గత ప్రభుత్వ రూల్స్‌నే మేం పాటిస్తున్నాం’’ అని సీఎం రేవంత్‌ పేర్కొన్నారు.‘‘సీఎం రేవంత్‌రెడ్డి నిబంధనలకు విరుద్ధంగా బీఆర్ఎస్ సభ్యులు సభలో వ్యవహరించారు కాబట్టే సస్పెన్షన్‌కు గురయ్యారు. 22ఏ వారసత్వంగా వచ్చిన సమస్య. 22ఏ ద్వారా కొందరు వ్యక్తులు, కొన్ని పార్టీలు భూ దోపిడీ కి పాల్పడ్డాయి. బహిష్కరణకు సంబంధించిన కార్యాచరణ తీసుకోవాలంటే చరిత్రను అర్థం చేసుకోవాలి. చరిత్రను అవగాహన చేసుకుని అందులో నుంచి పాఠాలు నేర్చుకోవాలి. గతంలో జరిగిన తప్పిదాలను గుర్తించి వాటిని సరిదిద్దుకోవాలి. గత అనుభవాల ఆధారంగా భవిష్యత్‌ ప్రణాళికను సిద్ధం చేసుకోవాలి. ప్రస్తుతంలో జరుగుతున్న తప్పిదాలపై సభలో చర్చ జరగాలి..సభలో జరిగే చర్చలు మీడియా ద్వారా ప్రజల్లోకి వెళ్తాయి. ప్రభుత్వ భూములను ప్రైవేటు వ్యక్తులు అన్యాక్రాంతం చేసిన అంశంపై సభలో చర్చ జరగాలి. ప్రభుత్వ భూములను పరిరక్షించే అంశాన్ని సభలో ప్రస్తావించకుండా ఉండలేం. ప్రభుత్వ భూముల అన్యాక్రాంతంపై చర్చ జరగకూడదనుకోవడం సరికాదు. విద్యార్థులకు ప్రభుత్వం తీసుకుంటున్న చర్యలపై సభలో చర్చ జరగాలి. విద్యార్థుల సంక్షేమం కోసం ప్రభుత్వం అమలు చేస్తున్న పథకాలను చర్చించాలి. ఫీజు రీయింబర్స్‌మెంట్‌ అంశంపై కూడా సభలో చర్చ జరగాలి..గత ప్రభుత్వాల నుంచి వారసత్వంగా ప్రభుత్వానికి వచ్చిన అంశాలను కూడా సభలో చర్చించాలి. ప్రభుత్వానికి వారసత్వంగా వచ్చిన సమస్యలపై కూడా సమాధానం చెప్పాల్సిన బాధ్యత ఉంది. కరువు పీడిత ప్రాంతంగా ప్రకటించాలని కోరుతూ కొంతమంది ప్రజాప్రతినిధులు రాష్ట్రాలు తిరిగి ఆందోళనలు చేసిన అంశాలు కూడా సభలో చర్చకు వస్తాయి. ప్రజా సమస్యలపై గతంలో ప్రజాప్రతినిధులు చేసిన కార్యక్రమాలను కూడా సభలో ప్రస్తావించాల్సి ఉంటుంది. అలాంటి అంశాలు సభలో చర్చకు వస్తాయని తెలిసి సభ ప్రారంభం రోజే అనాగరికమైన ఆలోచనతో వ్యవహరించడం సరికాదు..సభ్య సమాజం తలదించుకునే విధంగా వ్యవహరించడం సమర్థనీయం కాదు. మహిళలను అవమానించే విధంగా ఎవరైనా వ్యవహరించినా ప్రభుత్వం సహించదు. మహిళలను అవమానించడం అనాగరికమైన చర్య. పోలీస్ శాఖలో కింది స్థాయి సిబ్బంది అయినా, ఉన్నతాధికారి అయినా చట్టం ముందు సమానమే...ప్రజాప్రతినిధి అయినా, సాధారణ వ్యక్తి అయినా చట్టం ముందు సమానమే. ఎవరూ చట్టానికి అతీతులు కాదు. మా ప్రభుత్వానికి ప్రతి మహిళ సమానమే. ప్రతి మహిళ ఆత్మగౌరవాన్ని కాపాడటం మా ప్రభుత్వ బాధ్యత. మహిళల గౌరవం, ఆత్మగౌరవానికి ప్రభుత్వం అత్యంత ప్రాధాన్యత ఇస్తుంది. మహిళలను అవమానించే చర్యలకు ప్రభుత్వం ఎట్టి పరిస్థితుల్లోనూ మద్దతు ఇవ్వదు’’ అని రేవంత్‌రెడ్డి పేర్కొన్నారు. ఇదీ చదవండి: ‘ఐపీఎస్‌’ కోల్డ్‌వార్‌.. రేవంత్‌కు సంచలన నివేదిక

బెంగళూరు: ఓ వైపు ప్రభుత్వ అనుబంధ నమ్మ క్లినిక్‌లో డాక్టర్‌గా ఉద్యోగం.. మరోవైపు ప్రైవేట్‌ మెడికల్‌ కాలేజీలో పీజీ వైద్య విద్య! నెలకు రూ.70 వేలకు పైగా జీతం తీసుకుంటూనే క్లినిక్‌ విధులకు దూరంగా ఉన్నారనే ఆరోపణలు కర్ణాటకలో ఓ వైద్యురాలిని చిక్కుల్లోకి నెట్టాయి. పైగా ఆమె అధికార పార్టీకి చెందిన బాగల్‌కోట్‌ ఎమ్మెల్యే ఉమేశ్‌ మెటీకి మేనకోడలు కావడంతో ఈ వ్యవహారం మరింత ఆసక్తికరంగా మారింది. ఆరోపణలపై అధికారులు విచారణ చేపట్టగా.. విచారణకు హాజరుకాకపోవడం ఇప్పుడు మరో టర్న్‌ తీసుకుంది.వివరాల ప్రకారం.. బాగల్‌కోట్‌లోని వాంబే కాలనీ నమ్మ క్లినిక్‌లో డాక్టర్‌ అంకిత యరగల్‌ మెడికల్‌ ఆఫీసర్‌గా పనిచేస్తున్నారు. అయితే మార్చి 3 నుంచి సెప్టెంబర్‌ వరకు ఆమె క్లినిక్‌లో విధులకు హాజరుకాలేదని అధికారులు ఆరోపిస్తున్నారు. దీంతో అక్కడికి వచ్చే ప్రజలకు వైద్య సేవలు అందడంలో ఇబ్బందులు ఎదురయ్యాయని పేర్కొన్నారు. ఇంతకీ డాక్టర్‌ అంకిత ఎక్కడున్నారు? అనే ప్రశ్నకు అధికారుల దర్యాప్తులో.. ఆమె ఓ ప్రైవేట్‌ మెడికల్‌ కాలేజీలో పోస్టు గ్రాడ్యుయేట్‌ వైద్య విద్య అభ్యసిస్తున్నట్లు తేలిందని అధికారులు చెబుతున్నారు. అంటే ఒకవైపు నమ్మ క్లినిక్‌ మెడికల్‌ ఆఫీసర్‌గా జీతం.. మరోవైపు పీజీ మెడిసిన్‌.. ఈ రెండు బాధ్యతలను ఒకేసారి కొనసాగించారా? అన్నదే ఇప్పుడు ప్రధాన ప్రశ్నగా మారింది.విచారణకు పిలిస్తే.. హాజరు కాలేదు!ఈ ఆరోపణలపై బాగల్‌కోట్‌ జిల్లా పరిషత్‌ సీఈవో గజానన్‌ బాలే విచారణ చేపట్టారు. అయితే డాక్టర్‌ అంకిత ఆ విచారణకు హాజరుకాలేదు. దీంతో అధికారులు సెప్టెంబర్‌ 18న ఉదయం 10 గంటలకు మరోసారి విచారణకు హాజరుకావాలని నోటీసులు జారీ చేశారు. జిల్లా పరిషత్‌ కార్యాలయంలోని రూమ్‌ నంబర్‌ 11లో జరిగే ఈ విచారణకు తప్పనిసరిగా రావాలని ఆదేశించారు. ఈసారి కూడా హాజరుకాకపోతే.. ఆమె వివరణ లేకుండానే అందుబాటులో ఉన్న ఆధారాల ఆధారంగా నిర్ణయం తీసుకునే అవకాశం ఉందని అధికారులు హెచ్చరించారు.కాలేజీ అనుమతి ఇచ్చినా.. క్లినిక్‌ సంగతేంటి?ఈ వ్యవహారంలో మరో కీలక అంశం కూడా తెరపైకి వచ్చింది. డాక్టర్‌ అంకిత పీజీ చదువుకునేందుకు ఎస్‌ఎన్‌ మెడికల్‌ కాలేజీ ప్రిన్సిపల్‌ అనుమతి ఇచ్చినట్లు అధికారులు పేర్కొన్నారు. అయితే ఆ అనుమతి ఉన్నప్పటికీ నమ్మ క్లినిక్‌లో తన విధులకు హాజరుకాలేదని ఆరోపిస్తున్నారు. అంటే పీజీ చదువుకునేందుకు అనుమతి ఉండటం వేరు.. అదే సమయంలో నమ్మ క్లినిక్‌లో విధులు నిర్వహించకపోయినా జీతం తీసుకోవడం వేరు అన్నది అధికారుల విచారణలో పరిశీలిస్తున్న అంశంగా కనిపిస్తోంది.రూ.70 వేల జీతం.. తిరిగి చెల్లించాల్సి వస్తుందా?అనుమతిలేని ద్వంద్వ బాధ్యతలు నిర్వహించినట్లు విచారణలో తేలితే.. ఆ కాలంలో ఆమెకు చెల్లించిన జీతం లేదా గౌరవ వేతనాన్ని తిరిగి రికవరీ చేసే అవకాశం ఉందని అధికారులు నోటీసులో హెచ్చరించారు. అంతేకాదు.. వ్యవహారం ప్రొఫెషనల్‌ మిస్‌కండక్ట్‌గా తేలితే క్రమశిక్షణ చర్యలు తీసుకోవడంతో పాటు కర్ణాటక మెడికల్‌ కౌన్సిల్‌, నేషనల్‌ మెడికల్‌ కమిషన్‌కు కూడా విషయం పంపే అవకాశం ఉందని స్పష్టం చేశారు. ఇక జిల్లా ఆరోగ్య అధికారి రాజ్‌కుమార్‌ యరగల్‌ ఇప్పటికే డాక్టర్‌ అంకితను విధుల నుంచి తొలగించినట్లు సమాచారం. ప్రస్తుతం మొత్తం వ్యవహారం అధికారుల విచారణలో ఉంది. సెప్టెంబర్‌ 18న జరిగే విచారణలో డాక్టర్‌ అంకిత హాజరై తనపై వచ్చిన ఆరోపణలపై ఏం వివరణ ఇస్తారు? పీజీ చదువుతో పాటు నమ్మ క్లినిక్‌ ఉద్యోగానికి సంబంధించిన అనుమతులు, విధులు, జీతం చెల్లింపులపై ఆమె సమర్పించే వివరాలే ఇప్పుడు కీలకంగా మారాయి.ఇదీ చదవండి: బీజేపీకి కొత్త చిక్కులు.. యూపీ‘ఐ’ ఫైట్‌ తప్పదా?

జేబుల్లో, పర్సుల్లో క్యాష్‌ పెట్టడం జనాలకు అరుదుగా మారిపోయింది. చిల్లర నుంచి పెద్ద పెద్ద పేమెంట్ల దాకా ఫోన్‌తోనే జరిగిపోతోంది. అలాంటిది యూపీఐ (UPI)తో చెల్లింపుల విషయంలో కొత్త రూల్స్‌ జనాలను బెంబేలెత్తిస్తోంది. పెద్ద నోట్ల రద్దు, ఆపై డిజిటల్‌ చెల్లింపులంటూ క్యాష్‌లెస్‌ విధానం అలవాటు చేసిన ఎన్డీయే ప్రభుత్వం.. ఇప్పుడు ఛార్జీల ద్వారా పరోక్షంగా సామాన్యుడిపై భారం వేసే ప్రయత్నమూ చేస్తోంది. అయితే రానున్న రోజుల్లో ఇదే బీజేపీ పాలిట గుదిబండగా మారుతుందా?..2016 నవంబర్‌ 8.. రూ.500, రూ.1,000 నోట్ల చెల్లుబాటును రద్దు చేస్తూ కేంద్రం తీసుకున్న నిర్ణయం దేశ ఆర్థిక వ్యవస్థలో పెద్ద మార్పునకు దారితీసింది. నగదు లావాదేవీలపై ఆధారపడిన ప్రజలకు ఒక్కసారిగా ప్రత్యామ్నాయ చెల్లింపు మార్గాల అవసరం ఏర్పడింది. అదే సమయంలో ప్రభుత్వం డిజిటల్‌ చెల్లింపులను ప్రోత్సహించడం ప్రారంభించింది. నోట్ల రద్దు తర్వాత డిజిటల్‌ లావాదేవీలు పెరిగాయని.. ఇకపై నగదు ఆధారిత వ్యవస్థను తగ్గించి ‘క్యాష్ లెస్‌‌ ఎకానమీ’ వైపు వెళ్లాలని అప్పటి ప్రభుత్వం స్పష్టం చేసింది. అక్కడితోనే ఆగకుండా.. డిజిటల్‌ పేమెంట్లు చేసే వినియోగదారులు, వ్యాపారులను ప్రోత్సహించేందుకు ‘లక్కీ గ్రాహక్‌ యోజన’, ‘డిజి-ధన్‌ వ్యాపార్‌ యోజన’ వంటి ప్రోత్సాహక పథకాలను తీసుకొచ్చింది. అలా క్రమంగా డిజిటల్‌ చెల్లింపులు వ్యవస్థ.. అర్బన్‌ నుంచి రూరల్‌ ప్రాంతాలకు విస్తరించగలిగింది.ఇప్పుడు అదే UPIపై ఛార్జీల చర్చ!ఇప్పుడు UPI లావాదేవీలపై MDR చర్చకు దారితీస్తోంది. తాజా నిబంధనల ప్రకారం.. ఒకరి నుంచి ఒకరు యూపీఐ(ఫోన్‌పే, గూగుల్‌పే ఇలా.. ) చేసుకునే చెల్లింపులు పూర్తిగా ఉచితం. కానీ, రూ.2,000 దాటి ఏదైనా బయట షాపింగ్‌, కొనుగోలు చేస్తే మాత్రం MDR పడుతుంది. అలాగే.. చిన్న వ్యాపారులకు కూడా జీరో-MDR రక్షణ కొనసాగుతుందని కేంద్రం చెబుతోంది. దాదాపు 96 శాతం మర్చంట్‌ UPI లావాదేవీలు ప్రభావితం కావని ప్రభుత్వం వెల్లడించింది. కానీ, ఆర్థిక నిపుణులు మాత్రం మరోలా చెబుతున్నారు. ఇది సామాన్యుడిపై భారం పడే స్థితికి కచ్చితంగా తెస్తుందని అంచనా వేస్తున్నారు. దీంతో ‘UPIపై ఛార్జీలు’ అనే అంశం రాజకీయ చర్చలోకి వచ్చింది.రాహుల్‌ గాంధీ ఎంట్రీ.. రాజకీయ వేడి.. ఇదే అంశాన్ని కాంగ్రెస్‌ నేత రాహుల్‌ గాంధీ రాజకీయంగా ప్రశ్నిస్తున్నారు. 2,000కు మించిన లావాదేవీలు మొత్తం UPI లావాదేవీల్లో సంఖ్య పరంగా సుమారు 5 శాతమే అయినప్పటికీ.. వాటి విలువ మొత్తం UPI లావాదేవీల విలువలో దాదాపు 65 శాతం ఉంటుందని ఆయన పేర్కొన్నారు. మర్చంట్‌పై MDR విధించినా.. వ్యాపారులు ఆ ఖర్చును చివరకు వస్తువులు, సేవల ధరల్లో కలిపి వినియోగదారుడిపై మోపే అవకాశం ఉందని ఆయన వాదిస్తున్నారు. అంతేకాదు.. భారత్‌లోని జీరో-MDR విధానాన్ని అమెరికా చెల్లింపుల సంస్థలు చాలాకాలంగా వ్యతిరేకిస్తున్నాయని, తాజా మార్పు అమెరికా ఒత్తిడితో తీసుకున్న నిర్ణయమంటూ రాహుల్‌ ఆరోపించారు. ఈ అంశాన్ని అమెరికా ట్రేడ్‌ డీల్‌ చర్చలతోనూ ముడిపెట్టారు. అయితే, కేంద్రం వాదన మరోలా ఉంది. UPI వినియోగం భారీగా పెరిగిన నేపథ్యంలో సైబర్‌ సెక్యూరిటీ, మోసాల నిరోధం, టెక్నాలజీ, మౌలిక వసతులపై నిరంతరం పెట్టుబడులు అవసరమని ప్రభుత్వం చెబుతోంది. ఆ వ్యవస్థ దీర్ఘకాలికంగా కొనసాగేందుకు పరిమిత MDR అవసరమని వివరిస్తోంది.యూపీ ఎన్నికల్లో ఎందుకు కీలకం?యూపీఐ అంటే కేవలం యాప్‌లో డబ్బు పంపడం కాదు. కూరగాయల బండి, టీ దుకాణం, మెడికల్‌ షాప్‌, చిన్న హోటల్‌, ఆటో.. ఇలా రోజువారీ లావాదేవీల్లోకి అది వెళ్లిపోయింది. అందుకే ఛార్జీల అంశం కేవలం బ్యాంకింగో లేదంటే ఫిన్‌టెక్‌ పాలసీగా కాకుండా చిన్న వ్యాపారి, వినియోగదారుడి జేబుకు సంబంధించిన అంశంగా రాజకీయ పార్టీలు ప్రస్తావించే అవకాశం ఉంది. ఇదే పాయింట్‌ను కాంగ్రెస్‌ పట్టుకునే ప్రయత్నం చేస్తోంది. ‘ఒకప్పుడు డిజిటల్‌ చెల్లింపులను ప్రోత్సహించారు.. ఇప్పుడు పెద్ద మొత్తంలోని మర్చంట్‌ లావాదేవీలకు MDR ఎందుకు?’ అనే ప్రశ్నను ప్రజల్లోకి తీసుకెళ్లడం ద్వారా కేంద్ర ప్రభుత్వ విధానాన్ని ప్రశ్నించాలనుకుంటోంది. వచ్చే ఏడాదిలో ఏడు రాష్ట్రాల ఎన్నికలు జరగబోతున్నాయి. దేశంలోని పలు సమస్యలతో పాటు యూపీఐని కూడా ఎన్నికల ప్రచార అస్త్రంగా మారే అవకాశం ఉందని రాజకీయ విశ్లేషకులు చెబుతున్నారు.క్యూఆర్‌ కోడ్‌ టూ రాజకీయ కోడ్‌.. ఇప్పటికే రైతులు, యువత, ఉద్యోగాలు, ధరలు, సంక్షేమ పథకాలు వంటి అంశాల చుట్టూ సాగుతున్న యూపీ రాజకీయంలో.. UP‘I’ ఛార్జీల అంశం కొత్త చర్చకు దారి తీస్తుందా? రోజూ ఫోన్‌లో కనిపించే QR కోడ్‌.. ఎన్నికల ప్రచారంలోనూ రాజకీయ కోడ్‌గా మారుతుందా? లేక ఇది కేవలం కేంద్ర విధానంపై కాంగ్రెస్‌ చేస్తున్న మరో విమర్శగానే మిగిలిపోతుందా? అనేది ఆసక్తికరంగా మారింది.ఇదీ చదవండి: మోదీని కలిసిన వారం రోజుల్లోనే..

సాక్షి, హైదరాబాద్‌: రాష్ట్ర పోలీసు శాఖలో ఇద్దరు సీనియర్‌ ఐపీఎస్‌ అధికారుల మధ్య కోల్డ్‌వార్‌ జరుగుతోంది. ఓ జాతీయ పార్టీకి సపోర్ట్‌ చేస్తున్నారని, ఆ పార్టీ నాయకులతో నిరంతరం టచ్‌లో ఉంటున్నారని ఓ సీనియర్‌ ఐపీఎస్‌పై మరో సీనియర్‌ ఐపీఎస్‌ అధికారి ఆరోపించారు. సదరు ఐపీఎస్‌ను కీలక బాధ్యతల నుంచి తప్పించకపోతే రాబోయే మున్సిపల్‌ ఎన్నికల్లో ప్రతికూల ఫలితాలు వస్తాయని ఓ నివేదిక రూపొందించి, ఏకంగా ముఖ్యమంత్రికి అందజేసినట్టు తెలిసింది. అయితే ఈ ఆరోపణలు ఎదుర్కొన్న సీనియర్‌ ఐపీఎస్‌.. ఓ దక్షిణాది రాష్ట్రానికి గతంలో డిప్యూటీ సీఎంగా ఉన్న క్రమంలోనే ఆయన సిఫారసు మేరకే కీలక పోస్టింగ్‌ దక్కిందనే ప్రచారం పోలీసు వర్గాల్లో జోరుగా సాగుతోంది.ప్రత్యర్థి పార్టీకి నమ్మకస్తుడిలా.. ఇదిలా ఉండగా మరో సీనియర్‌ ఐపీఎస్‌ ప్రత్యర్థి రాజకీయ పార్టీతో నిరంతరం టచ్‌లో ఉంటున్నారని, ప్రభుత్వ పరిధిలో జరిగే కీలక నిర్ణయాలు, అంతర్గత అంశాలను ఆ పార్టీ నేతలకు చేరవేస్తున్నారని సీనియర్‌ అధికారి తీవ్రస్థాయిలో ఆరోపించారు. అందుకే ఆ పార్టీ నాయకులు ప్రభుత్వ విధానాలపై నిత్యం ధ్వజమెత్తుతున్నారని ఆధారాలతో సహా ముఖ్యమంత్రి ఎదుట వాపోయినట్టు తెలిసింది. అంతేకాకుండా ఆ కీలక అధికారిని పదవి నుంచి సాగనంపకపోతే, రాబోయే సార్వత్రిక ఎన్నికల్లో పార్టీ మూల్యం చెల్లించుకోవాల్సి వస్తుందని ఓ నివేదికను కూడా స్వయంగా ప్రభుత్వాధినేతకే సమర్పించినట్టు తెలిసింది.అయితే తన ఫిర్యాదులను ఎక్కడ కొట్టిపారేస్తారోనని భావించిన సదరు ఐపీఎస్‌.. ఓ దక్షిణాది రాష్ట్ర ముఖ్యమంత్రిని రంగంలోకి దించి, ఆయనతోనే ఫిర్యాదు చేయించినట్టు తెలిసింది. ఇదిలా ఉండగా.. ఈ ఆరోపణలు ఎదుర్కొన్న సదరు ఐపీఎస్‌ ఓ సామాజిక వర్గానికి చెందిన రాజకీయ పార్టీ అండదండలు బలంగా ఉన్నట్టు పోలీసు వర్గాల్లో చర్చ నడుస్తోంది. పండగ తర్వాత వేటు ఇద్దరు సీనియర్‌ ఐపీఎస్‌ల కుమ్ములాట ఇప్పుడు ప్రభుత్వ వర్గాలలో హాట్‌ టాపిగ్‌గా మారింది. శాఖలో క్రమశిక్షణను గాడిలో పెట్టేందుకు, తారస్థాయికి వెళ్లిన ఈ అంతర్యుద్ధానికి చెక్‌ పెట్టేందుకు గణపతి నిమజ్జనం తర్వాత ఒకరికి స్థానచలనం కల్పించడం ఖాయమని తెలుస్తోంది.ఇదీ చదవండి: కొండా సురేఖ వ్యవహారం.. ప్రభుత్వం కీలక నిర్ణయం