TV
అనంతపురం(గాండ్లపెంట): విద్యుత్ షాక్ తగలడంతో రైతు మృతిచెందిన సంఘటన అనంతపురం జిల్లా గాండ్లపెంట మండలం సోమయాజులపల్లి గ్రామంలో చోటుచేసుకుంది. గ్రామానికి చెందిన బి.ఆదినారాయణ రెడ్డి(35) అలియాస్ బాబు ఆదివారం ఉదయం పొలంలో యూరియా చల్లడానికి బావి వద్దకు వెళ్లాడు. ఆ సమయంలో రెండు విద్యుత్ స్తంభాల మధ్య ఊతంగా పెట్టిన కర్రను ముట్టుకున్నాడు. ఆదివారం ఉదయం వర్షం పడటంతో కర్ర ద్వారా కరెంట్ పాస్ కావడంతో అక్కడికక్కడే మృతిచెందాడు. ఆయనకు భార్య నాలుగేళ్ల కుమారుడు ఉన్నారు. సమాచారం అందుకున్న పోలీసులు సంఘటనా స్థలానికి చేరుకొని పరిశీలిస్తున్నారు.
