TV
విజయనగరం : విజయనగరం జిల్లా బలిజపేట మండలంలోని బైరిపురం గ్రామంలో బుధవారం అగ్నిప్రమాదం సంభవించింది. ఈ ప్రమాదంలో 50 ఎకరాల్లో సాగుచేసిన పంటలు కాలి బూడిద అయ్యాయి. గ్రామంలోని సుమారు 30 కుటుంబాలకు చెందిన రైతులు ఒకే చోట యాభై ఎకరాల్లో మామిడి, చెరుకు, జీడి పంటలను సాగుచేశారు.
బుధవారం మధ్యాహ్నం పంటల వద్ద ఆకస్మాత్తుగా అగ్నిప్రమాదం సంభవించింది. దీంతో రైతులు పంట వద్దకు చేరుకునేలోపే అది పూర్తిగా కాలిపోయాయి. దీంతో రైతులు తీవ్ర ఆవేదన చెందుతున్నారు. అగ్నిప్రమాదానికి గల కారణం తెలియరాలేదు. దీనిపై మరింత సమాచారం అందవలసి ఉంది.
