మూడు రోజులపాటు భారీ వర్షాలు

మూడు రోజులపాటు భారీ వర్షాలు

విశాఖపట్నం: ఆంధ్రప్రదేశ్, తెలంగాణ రాష్ట్రాలలో వచ్చే మూడు రోజులపాటు భారీ వర్షాలు కురుస్తాయని వాతావరణ కేంద్రం తెలిపింది. తెలంగాణలోని ఆదిలాబాద్‌, నిజామాబాద్‌, కరీంనగర్‌, ఖమ్మం, వరంగల్‌, మెదక్‌, హైదరాబాద్‌, రంగారెడ్డి జిల్లాల్లో వర్షాలు కురుస్తాయని జాతీయ వాతావరణశాఖ హెచ్చరించింది.

వాయవ్య బంగాళాఖాతంలో అల్పపీడనం ఏర్పడింది. ఆ కారణంగా రుతుపవనాలు చురుగ్గా కదులుతున్నాయని వాతావరణ కేంద్రం వివరించింది. ఉత్తరకోస్తాలో భారీ వర్షాలు, మిగిలిన ప్రాంతాల్లో ఓ మోస్తరు వర్షాలు కురిసే అవకాశం ఉందని తెలిపింది. రానున్న 24 గంటల వరకు వర్షాలు కురిసే అవకాశం ఉంది.  భీమవరంలో అత్యధికంగా 14 సెంటీ మీటర్లు, తుని 11 సెం.మీ. మిగిలిన కోస్తాంధ్ర ప్రాంతాల్లో 5 సెం.మీ వర్షాపాతం నమోదైనట్లు  వాతావరణ శాఖ వివరించింది.