టీడీపీ నుంచి టీఆర్ఎస్లోకి వలసలు?

టీడీపీ నుంచి టీఆర్ఎస్లోకి వలసలు?

హైదరాబాద్: రాష్ట్ర విభజన నేపధ్యంలో రాజకీయ సమీకరణలు అన్నీ మారిపోతున్నాయి. వలసలు కూడా ఊపందుకున్నాయి. కాంగ్రెస్లో టిఆర్ఎస్ విలీనం అంశం ఒక కొలిక్కి రాకముందే టిడిపి నుంచి టిఆర్ఎస్లోకి వలసలు మొదలయ్యాయి. ఏ లక్ష్యం కోసం టిఆర్ఎస్ ఏర్పడిందో  ఆ లక్ష్యం సాధించడంతో అందరి చూపు అటువైపే మళ్లుతోంది.

టిడిపి, కాంగ్రెస్ పార్టీల నుంచి ఇప్పటికి అనేక మంది టిఆర్ఎస్లో చేరారు. ఇప్పుడు టీడీపీ ఎమ్మెల్యేలు రత్నం, మహేందర్ రెడ్డి ఆ పార్టీలో చేరడానికి సిద్ధంగా ఉన్నట్లు తెలుస్తోంది. ఎమ్మెల్సీ నరేందర్ రెడ్డి కూడా అదేబాట పడుతున్నారని చెబుతున్నారు. ఈ విషయమై ఢిల్లీలో కేసీఆర్తో  చర్చలు జరుగుతున్నట్లు సమాచారం.