విద్యార్థులకు పురస్కారాలు అందజేసిన మంత్రి అనిల్‌

నెల్లూరు : పదవ తరగతి ఫలితాల్లో ప్రతిభ కనబర్చిన పద్మశాలి విద్యార్థులకు ఆంధ్రప్రదేశ్‌ జలవనరుల శాఖ మంత్రి అనిల్‌కుమార్‌ యాదవ్‌ పురస్కారాలు అందజేశారు. ఈ సందర్భంగా విద్యార్థులను అభినందించిన మంత్రి వారికి పలు సూచనలు చేశారు. భవిష్యత్తులో వారు మరెన్నో విజయాలు సాధించాలని ఆకాంక్షించారు. నగరంలోని పద్మశాలి సంఘం ఆధ్వర్యంలో ఈ కార్యక్రమం జరిగింది. ఈ కార్యక్రమంలో మంత్రితోపాటు వైఎస్సార్‌సీపీ నాయకులు ముక్కాల ద్వారకనాథ్‌, వైవీ రామిరెడ్డి, సంక్రాంతి కల్యాణ్‌, పోలంరెడ్డి వెంకటేశ్వర్లు రెడ్డి, పద్మశాలి నాయకులు అశ్వత్థామ, బాలజీ, దోనుపర్తి గిరిలు పాల్గొన్నారు.