TV
గురువారం సాయంత్రం విశాఖపట్నంలో జరగాల్సిన సమైక్యాంధ్ర సభ రద్దయింది. నాన్ పొలిటికల్ జేఏసీ ఈ సభ కోసం పిలుపునిచ్చింది. బీచ్ రోడ్డులో సభ నిర్వహించాలని తొలుత భావించారు. అయితే, ఉన్నట్టుండి గురువారం ఉదయం ఈ సభ రద్దయిందన్న విషయాన్ని కొంతమంది ప్రతినిధులు మీడియాకు తెలిపారు.
ఎందుకో, ఏమిటో కారణాలు మాత్రం వెల్లడించలేదు. వాస్తవానికి నాన్ పొలిటికల్ జేఏసీ అని చెబుతున్నా, కొంతమంది నాయకులే వెనకుండి దీన్ని నడిపిస్తున్నారని అంటున్నారు. కేవలం విమానం సమయాన్ని సాకుగా చూపించి ఈ సమావేశాన్ని ఈ నాయకులే రద్దు చేయించారని తెలుస్తోంది.
