గుంటూరు మీదుగా ప్రత్యేక రైళ్లు

గుంటూరు మీదుగా ప్రత్యేక రైళ్లు

హైదరాబాద్: ప్రయాణికుల రద్దీ దృష్ట్యా ఫిబ్రవరిలో గుంటూరు మీదుగా ఎనిమిది ప్రత్యేక రైళ్లను నడుపుతున్నట్లు దక్షిణ మధ్య రైల్వే అధికారులు తెలిపారు. ఈ సందర్భంగా రైళ్ల వివరాలను ప్రకటించారు. రైల్ నెంబరు: 07207, విజయవాడ-సికింద్రాబాద్ ప్రత్యేక రైలు ఫిబ్రవరి 5,12వతేదీల్లో నడుపనున్నారు. ఇది విజయవాడలో రాత్రి 11గంటలకు బయలుదేరి మంగళగిరి, గుంటూరు, నల్లగొండల మీదుగా సికింద్రాబాద్‌కు మరుసటి రోజు తెల్లవారుజామున 5.40కి చేరుకుంటుంది. రైల్ నెంబరు: 07208, సికింద్రాబాద్-విజయవాడ ప్రత్యేక రైలు ఫిబ్రవరి 8,15వ తేదీల్లో నడుపనున్నారు. ఇది రాత్రి 11.15కు సికింద్రాబాద్‌లో బయలు దేరి నల్లగొండ, మిర్యాలగూడ, గుంటూరు మీదుగా ఉదయం 5.45కి విజయవాడ చేరుకుంటుంది.

రైల్ నెంబరు: 07202. ఇది సికింద్రాబాద్-కాకినాడ టౌన్ ప్రత్యేక రైలు. ఈ రైలు ఫిబ్రవరి 6,13వ తేదీల్లో ప్రయాణిస్తుంది. ఇది రాత్రి 7.15గంటలకు బయలు దేరి నల్లగొండ, మిర్యాలగూడ, నడికుడి,పిడుగురాళ్ల,సత్తెనపల్లి మీదుగా గుంటూరుకు చేరుకుని,విజయవాడ, ఏలూరు,తాడేపల్లిగూడెం, రాజమండ్రి, సామర్లకోట మీదుగా మరుసటిరోజు కాకినాడకు చేరుకుంటుంది. రైల్ నెంబరు: 07201, ఈ రైలు కాకినాడటౌన్-సికింద్రాబాద్ ప్రత్యేక రైలు. ఈ రైలును ఫిబ్రవరి 7,14వతేదీల్లో నడపనున్నారు. ఇదిసాయంత్రం 6.30గంటలకు బయలుదేరి రాత్రి 11.50కు సామర్లకోట, రాజమండ్రి,, తాడేపల్లిగూడెం, ఏలూరు,విజయవాడ మీదుగా గుంటూరు చేరుకుని, మరుసటిరోజు ఉదయం 510 గంటలకు సికింద్రాబాద్ చేరుకుంటుంది.