టీడీపీలో బహిర్గతమైన వర్గ విభేదాలు

 

 కార్యకర్తల మధ్య వాదనలు

 అటు తరువాత పార్టీ పరిశీలకుడు కార్యకర్తలకు మాట్లాడాలని చెప్పగా, రాజాం మాజీ ఎంపీపీ చీడి లోకేశ్వరరావు మాట్లాడుతూ పార్టీలో నాయకత్వ లోపం ఉందన్నారు. రాజాం ఇన్‌చార్జిగా కావలి ప్రతిభాభారతి పనికిరాదంటూ విమర్శించారు. ఆమెకు మళ్లీ టిక్కెట్టు ఇస్తే పార్టీ సర్వనాశనం అవుతుందన్నారు. ఈ సందర్భంలో రాజాం తెలుగుయువత నాయకుడు జి.వెంకటరావు మాట్లాడుతూ పార్టీ పదవులు అనుభవించి అవి పూర్తయిన తరువాత విమర్శించడం ఏమిటని విమర్శిం చారు. దీంతో రాజాం నియోజకవర్గానికి చెందిన ఇరు వర్గాల నాయకుల మధ్య తీవ్ర స్థాయిలో వాగ్వాదాలు జరిగాయి. అటు తరువాత సరుబుజ్జిలి జెడ్పీటీసీ  మాజీ సభ్యుడు శివ్వాల సూర్యనారాయణ మాట్లాడుతూ పార్టీలో నాయకత్వలోపం ఉండడం నిజమేనన్నారు. జిల్లాలోని పార్టీ నాయకులు ఆలోచన లేకుండా పనిచేస్తున్నారని, ఓటరు నమోదుకు సోమవారం ఆఖరు తేదీగా ఆరోజున సమావేశం ఏర్పాటు చేసి తప్పక రావాలని ఆదేశించడాన్ని తప్పుబట్టారు. పాతపట్నం నియోజకవర్గానికి ఇప్పటి  వరకూ ఇన్‌చార్జిని ప్రకటించకపోవడం జిల్లా నాయకత్వ లోపమా, పార్టీ అధ్యక్షుని నిర్లక్ష్యమా అని నిలదీశారు. కార్యకర్తలు ఒకరినొకరు విమర్శించుకుంటూ వాదులాడుకోవడంతో అచ్చెన్నాయుడు, శివాజీలు సర్దిచెప్పారు. 

 

 శ్రీకాకుళం నాయకుల ప్రతివిమర్శలు

 శ్రీకాకుళం మాజీ ఎమ్మెల్యే గుండ అప్పలసూర్యనారాయణ మాట్లాడుతూ తను శ్రీకాకుళం నియోజకవర్గంలో జరిగిన అవినీతిని ఎండగట్టానని చెప్పారు. కొందరు ప్యాకేజీల కోసం ఆశపడి ఇతర పార్టీల వైపు చూస్తున్నారని అటువంటి వారు వెళ్లిపోయినా నష్టం లేదన్నారు. అవినీతి జరుగుతున్న సమయంలో మాట్లాడిన వారు ఇప్పుడు తమకు పదవులు కావాలని అడగడాన్ని ఆయన తప్పు పట్టారు. దీంతో గుండ పార్టీలోని ఆయనకు వ్యతిరేకంగా పనిచేస్తున్న కార్యకర్తలను ఉద్దేశించి మాట్లాడుతున్నారని గుర్తించిన ప్రత్యర్థి వర్గం తరఫున బాధ్యతను పార్టీ రాష్ట్ర కార్యదర్శి పి.వి.రమణ తన భుజస్కంధాలపై వేసుకున్నట్లుగా ప్రతివిమర్శలు చేశా రు. జిల్లాలో ధర్మాన అవినీతిపై ఎదురొడ్డి పోరాడింది ఎర్రన్నాయుడు అని గుర్తు చేశారు.  

 

 యువత ముందుకు రావాలి 

 రాష్ర్టంలో అవినీతి రహిత రాజకీయాల కోసం యువత ముందుకు రావాలని కింజరాపు రామ్మోహన్‌నాయుడు పిలుపునిచ్చారు. ఈ సమావేశంలో పాతపట్నం నాయకుడు కొబగాపు సుధాకర్, పాలకొండ నాయకుడు నిమ్మక జయకృష్ణ, ఇచ్ఛాపురం నాయకుడు బెందాళం అశోక్, నరసన్నపేట నాయకుడు బగ్గు రమణమూర్తిలు ప్రసంగించగా మొదలవలస రమేష్, కలిశెట్టి అప్పలనాయుడు, గొర్లె వెంకటరమణ, మాదారపు వెంకటేష్, చిట్టి నాగభూషణం తదితరులు పాల్గొన్నారు.