TV
హోండా కొత్త డియో.. ధర రూ.49,132
న్యూఢిల్లీ: హోండా మోటార్‌సైకిల్‌ అండ్‌ స్కూటర్‌ ఇండియా (హెచ్‌ఎంఎస్‌ఐ) తాజాగా 2017 వెర్షన్‌ డియో స్కూటర్‌ను మార్కెట్‌లోకి తీసుకువచ్చింది. ఇది బీఎస్‌–4 నిబంధనలకు అనువుగా ఉంటుందని కంపెనీ పేర్కొంది. దీని ధర రూ.49,132గా (ఎక్స్‌షోరూమ్‌ ఢిల్లీ) ఉందని తెలిపింది. ఈ కొత్త స్కూటర్‌లో ఆటోమేటిక్‌ హెడ్‌ల్యాంప్‌ ఆన్‌ (ఏహెచ్‌వో) ఫీచర్‌ సహా ఎల్‌ఈడీ పొజిషన్‌ ల్యాంప్, డ్యూయెల్‌ టోన్‌ కలర్‌ బాడీ, స్పోర్టియర్‌ గ్రాఫిక్స్‌ వంటి పలు ప్రత్యేకతలున్నాయని పేర్కొంది. కాగా హోండా కంపెనీ 2002లో డియో స్కూటర్‌ను మార్కెట్‌లోకి తెచ్చింది.
