ఎల్‌జీ వీ30 ప్లస్‌ స్మార్ట్‌ఫోన్‌ ధర తగ్గింది

Published Mon, Jul 30 2018 4:48 PM | Last Updated on Mon, Jul 30 2018 4:48 PM

LG V30+ Smartphone Gets A Price Cut In India - Sakshi

ఎల్‌జీ వీ30 ప్లస్‌ స్మార్ట్‌ఫోన్‌

న్యూఢిల్లీ : ఎల్‌జీ గతేడాది డిసెంబర్‌లో లాంచ్‌ చేసిన ఎల్‌జీ వీ30 ప్లస్‌ స్మార్ట్‌ఫోన్‌ ధరను తగ్గించింది. లాంచింగ్‌ సందర్భంగా ఈ స్మార్ట్‌ఫోన్‌ ధర రూ.44,990గా ఉంటే, ధర తగ్గింపు అనంతరం రూ.41,990కు వచ్చి చేరింది. అంటే 3000 రూపాయల మేర దీని ధర తగ్గింది. ఈ స్మార్ట్‌ఫోన్‌ ఎక్స్‌క్లూజివ్‌గా అమెజాన్‌లోనే అందుబాటులో ఉంది. కంపెనీ తగ్గించిన ధర మాత్రమే కాక, ఈ-కామర్స్‌ కంపెనీ అమెజాన్‌ కూడా ఈ ఫోన్‌ కొనుగోలుపై కస్టమర్లకు మరికొన్ని ఆఫర్లను ప్రకటించింది. రూ.8500 ఎక్స్చేంజ్‌ ఆఫర్‌ను, నెలకు రూ.1,996 ఈఎంఐను అమెజాన్‌ ఆఫర్‌ చేస్తోంది. వీటితో పాటు ఈఎంఐ లావాదేవీలపై అదనంగా 10 శాతం క్యాష్‌బ్యాక్‌ను కూడా అందిస్తోంది.

ఎల్‌జీ వీ30 ప్లస్ ఫీచర్లు...
6 అంగుళాల క్వాడ్ హెచ్‌డీ ప్లస్ ఓలెడ్ డిస్‌ప్లే
1440x2880 పిక్సల్స్ స్క్రీన్ రిజల్యూషన్
కార్నింగ్‌ గొరిల్లా గ్లాస్ 5 ప్రొటెక్షన్
ఆక్టాకోర్ స్నాప్‌డ్రాగన్ 835 ప్రాసెసర్
4 జీబీ ర్యామ్, 128 జీబీ స్టోరేజ్
2టీబీ ఎక్స్‌పాండబుల్ స్టోరేజ్
హైబ్రిడ్ డ్యుయల్ సిమ్
16 మెగాపిక్సెల్‌, 13 మెగాపిక్సల్ డ్యుయల్ రియర్ కెమెరాలు
5 మెగాపిక్సల్ సెల్ఫీ కెమెరా
ఫింగర్‌ప్రింట్ సెన్సార్
ఐపీ 68 వాటర్, డస్ట్ రెసిస్టెన్స్
4జీ వీవోఎల్‌టీఈ, డ్యుయల్ బ్యాండ్ వైఫై
బ్లూటూత్ 5.0 ఎల్‌ఈ, ఎన్‌ఎఫ్‌సీ, యూఎస్‌బీ టైప్ సి
3300 ఎంఏహెచ్ బ్యాటరీ, క్విక్ చార్జ్ 3.0, వైర్‌లెస్ చార్జింగ్.